JKW-KABUM-06-CHA-001-013

🚧 This website is under continued development. We appreciate your patience!

Previous Text Back to Volume PageLast text in section.

མཎྜལ་གྱི་རྣམ་བཞག་ཉུང་ངུ་བཅས་ལྡེབ།

Wylie title	maN+Dal gyi rnam bzhag nyung ngu bcas ldeb
Location	mkhyen brtse'i bka' 'bum Volume 6, sde tshan 1, Text 13, Pages 126-132 (Folios 63b6 to 66b5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. maN+Dal gyi rnam bzhag nyung ngu bcas ldeb. In 'jam dbyangs mkhyen brtse'i dbang po'i bka' 'bum, Vol. 6: 126-132. Khams sde dge rdzong sar dgon: Rdzong sar blo gros phun tshogs, 2020.
Genre	Explanation of Maṇḍalas - maN+Dal bshad pa
Colophon	།ཞེས་པའང་མཉྫུ་གྷོ་ཥས་སོ།། །།སརྦ་དཱ་ཀ་ལྱཱ་ཎཾ་བྷ་བ་ཏུ།།
	zhes pa'ang many+dzu g+ho Shas so//__//sarba dA ka l+yA NaM b+ha ba tu//

1 Texts in this Section (sde tshan or chos tshan)

13 126-132	མཎྜལ་གྱི་རྣམ་བཞག་ཉུང་ངུ་བཅས་ལྡེབ། maN+Dal gyi rnam bzhag nyung ngu bcas ldeb Explanation of Maṇḍalas - maN+Dal bshad pa	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

མཎྜལ་སོ་བདུན་མའི་ལག་ལེན་དང་རྣམ་གཞག་ཅུང་ཟད་བསྟན་པ་བཞུགས་སོ། །བླ་མ་ལ་ཕྱག་འཚལ་ལོ། །མཎྜལ་གྱི་ལག་ལེན་ནི། ཐོག་མར་ཚོགས་ཞིང་གསལ་བཏབ་པའི་མདུན་དུ། སེམས་ཀྱི་རང་བཞིན་དྲི་མ་མེད་པ་མཚོན་ཕྱིར་མཎྜལ་ལེགས་པར་ཕྱིས་ལ། མེ་ཏོག་ཅུང་ཟད་དང་བཅས་པའི་ལག་པ་གཡོན་པས་བཟུང་། ལག་པ་གཡས་པའི་མཐེབ་མཛུབ་ཀྱིས་མེ་ཏོག་བཟུང་། སོར་མོ་གཞན་རྣམས་བརྐྱངས་པར་དྲི་བཟང་དང་བ་བྱུང་གིས་བྱུགས་ཏེ་མཎྜལ་གྱི་མཐའ་ནས་གཡོན་སྐོར་དུ་བྱུགས་པའམ། ཡང་ན་སྙིང་རྗེ་བྱང་ཆུབ་སེམས་ཀྱི་རླན་དང་མ་བྲལ་བ་མཚོན་བྱེད་དུ་མཎྜལ་ཆག་ཆག་སྔོན་ནས་བཏབ་ནས་སྲིན་ལག་གིས་མཐའ་བསྐོར་བས་ཕྱིའི་མུ་ཁྱུད་ཀྱི་རྣམ་པ་བགྱིས་ཏེ། ཨོཾ་བཛྲ་བྷུ་མི་ཨཱཿཧཱུྃ། ཞེས་བརྗོད་པ་ན་མཎྜལ་གྱི་སྟེང་དུ་འབྱུང་བ་རིམ་བརྩེགས་ཀྱི་དཀྱིལ་འཁོར་ཡངས་ཤིང་རྒྱ་ཆེ་བ་དབང་ཆེན་གསེར་གྱི་ས་གཞི་དང་བཅས་པ་ལམ་གྱིས་བྱུང་བར་བསམ། ཨོཾ་བཛྲ་རེ་ཁེ་ཨཱཿཧཱུྃ། ཞེས་པས་ལྕགས་རི་མུ་ཁྱུད་ཀྱིས་བསྐོར་བའི་དབུས་སུ། ལག་པ་མ་བཏེག་པ་དེ་ཁའི་ཐོག་ནས་གཡས་པའི་མེ་ཏོག་བཞག་སྟེ་ཧཱུྃ་ཞེས་བགེགས་བསལ། སླར་ཡང་དེའི་སྟེང་དུ་ཚོམ་བུ་ཆེ་བ་གཅིག་བཀོད་ལ་རྒྱ་མཚོ་ཆེན་པོའི་དབུས་སུ་རིའི་རྒྱལ་པོ་རི་རབ། ཤར་ཤེལ། ལྷོ་བཻཌཱུཪྻ། ནུབ་པདྨ་རཱ་ག །བྱང་གསེར་ལས་གྲུབ་པ། ཤར་དུ་ཚོམ་བུ་བཀོད་ལ་ལུས་འཕགས་པོ་ཆུ་ཤེལ་གྱི་རང་བཞིན་ཟླ་གམ། ལྷོར་ཚོམ་བུ་བཀོད་ལ་འཛམ་བུ་གླིང་བཻཌཱུཪྻ་སྔོན་པོ་ལས་གྲུབ་པ་སོག་ཁ། དེ་བཞིན་དུ་ཚོམ་བུ་རེ་རེ་འགོད་པ་དང་སྦྲགས་ནས། ནུབ་ཏུ་བ་ལང་སྤྱོད་པདྨ་རཱ་ག་ལས་གྲུབ་པ་ཟླུམ་པོ། བྱང་དུ་སྒྲ་མི་སྙན་གསེར་ལས་གྲུབ་པ་གྲུ་བཞི། གླིང་རྣམས་ཁ་ཕྱི་རོལ་དུ་གཏད་པའི་དབང་དུ་བགྱིས་ཏེ། ཤར་གྱི་གཡས་སུ་ལུས་དང་། གཡོན་དུ་ལུས་འཕགས། ལྷོའི་གཡས་སུ་རྔ་ཡབ་དང་། གཡོན་དུ་རྔ་ཡབ་གཞན། ནུབ་ཀྱི་གཡས་སུ་གཡོ་ལྡན་དང་། གཡོན་དུ་ལམ་མཆོག་འགྲོ། བྱང་གི་གཡས་སུ་སྒྲ་མི་སྙན་དང་། གཡོན་དུ་སྒྲ་མི་སྙན་གྱི་ཟླ་རྣམས་རང་རང་གི་གླིང་དང་རྒྱུ་དབྱིབས་མཚུངས་པ། ཤར་གླིང་གི་ནང་དུ་རིན་པོ་ཆེའི་རི་བོ་རིན་པོ་ཆེ་སྣ་ཚོགས་ཀྱི་རང་བཞིན་ཅན་རྒྱ་དཔངས་ཚད་མེད་པ། ལྷོ་གླིང་གི་ནང་དུ་དཔག་བསམ་གྱི་ཤིང་གི་སྡོང་པོ་རིན་པོ་ཆེ་སྣ་བདུན་གྱི་རང་བཞིན་ཅན། རྩ་བ་སྡོང་པོ་ཡལ་ག་ལོ་འདབ་མེ་ཏོག་འབྲས་བུ་ཐམས་ཅད་ཕུན་སུམ་ཚོགས་པ་དགོས་འདོད་ཐམས་ཅད་ཡིད་བཞིན་དུ་འབྱུང་བའི་རང་བཞིན་ཅན། ནུབ་གླིང་གི་ནང་དུ་འདོད་འཇོའི་བ་དམར་སེར་གཟུགས་བཟང་ཞིང་ལྟ་ན་སྡུག་པ་འདོད་དགུ་འབད་མེད་དུ་འབྱུང་བ། བྱང་གླིང་གི་ནང་དུ་མ་རྨོས་པའི་ལོ་ཏོག་རོ་བཅུད་ཕུན་སུམ་ཚོགས་པ། རིན་པོ་ཆེའི་རི་བོའི་མདུན་དུ་འཛམ་བུ་ཆུ་བོའི་གསེར་ལས་གྲུབ་པའི་འཁོར་ལོ་རྩིབས་སྟོང་དང་ལྡན་པ་ཉི་མ་གཉིས་ལྟ་བུའི་འོད་ཟེར་འཕྲོ་བ། འདྲེན་པ་པོའི་གང་ཟག་མེད་ཀྱང་རྫུ་འཕྲུལ་གྱི་ཤུགས་ཀྱིས་དཔག་ཚད་འབུམ་ཕྲག་གི་ལམ་ཉིན་གཅིག་ལ་གཅོད་པར་ནུས་པ། དེའི་མཐུའི་ནམ་མཁའི་ལམ་ལས་དཔུང་གི་ཚོགས་ཡན་ལག་བཞི་པ་གླིང་བཞི་དང་སུམ་ཅུ་རྩ་གསུམ་པའི་གནས་སུ་བདེ་བླག་ཏུ་འཁྲིད་པར་ནུས་པ། དཔག་བསམ་གྱི་ཤིང་གི་སྡོང་པོའི་མདུན་དུ་ནོར་བུ་རིན་པོ་ཆེ་བཻཌཱུཪྻ་ཟུར་བརྒྱད་པ་དེ་ལས་འཕྲོས་པའི་འོད་ཟེར་གྱིས་དཔག་ཚད་བརྒྱའི་བར་གྱི་ཁོར་ཡུག་ཐམས་ཅད་མཚན་མོའང་ཉིན་མོ་བཞིན་དུ་སྣང་བར་བྱེད་པ། ཚ་བས་གདུད་ན་བསིལ་བ་དང་། ཧ་ཀྱང་བསིལ་ན་དྲོ་བ། གང་དུ་གནས་པའི་ས་ཕྱོགས་དེར་ནད་དང་དུས་མིན་གྱི་འཆི་བ་ཐམས་ཅད་སེལ་ཞིང་། ཡིད་ལ་གང་བསམ་པ་ཕལ་ཆེར་འགྲུབ་པར་འགྱུར་བ། འདོད་འཇོ་བའི་མདུན་དུ་བཙུན་མོ་རིན་པོ་ཆེ་བུད་མེད་ཀྱི་སྐྱོན་ལྔ་དང་བྲལ་ཞིང་། ཡོན་ཏན་བརྒྱད་དང་ལྡན་པ་མཛེས་ཤིང་བལྟ་བས་ཆོག་མི་ཤེས་པ། ལུས་དང་ཁ་ནས་དྲི་ཞིམ་པའི་ངད་འཐུལ་ཞིང་། གང་གིས་རེག་ན་བདེ་བའི་མཆོག་དམ་པ་རྩོལ་བར་ནུས་པ། འདོད་པའི་སྒྱུ་རྩལ་དྲུག་ཅུ་རྩ་བཞི་ལ་མཁས་པ། གང་དུ་གནས་པའི་གླིང་དེར་བཀྲེས་སྐོམ་དང་མྱ་ངན་སེལ་བར་བྱེད་པ། མ་རྨོས་པའི་ལོ་ཏོག་གི་མདུན་དུ་བློན་པོ་རིན་པོ་ཆེ་སའི་བདག་པོའི་ཡིད་ལ་གང་བསམ་རྣམས་མ་སྨྲས་པར་ཤེས་ནས་བསྒྲུབ་པ། གཟུགས་བཟང་ཞིང་སྟོབས་ཆེ་བ་རྩལ་དང་ལྡན་པ། དཔུང་རྣམས་འགྲོ་བ་དང་། གནས་པ་དང་། ལྡོག་པ་ལ་མཁས་པ། དར་དང་རིན་པོ་ཆེས་བརྒྱན་པ། རྔ་ཡབ་གཞན་དང་། ལུས་ཀྱི་བར་གྱི་ཤར་ལྷོ་གླང་པོ་རིན་པོ་ཆེ་ཐལ་དཀར་མཆེ་བ་དྲུག་ལྡན་སྤྱི་གཙུག་དམར་ཞིང་མཐོ་ལ་གདོང་ནོར་བུ་རིན་པོ་ཆེའི་དྲྭ་བས་གཡོགས་པ། གླང་པོ་ཆེ་ཕལ་པ་སྟོང་གི་སྟོབས་དང་ལྡན་པ། དོན་མེད་པར་གཞན་ལ་མི་གནོད་ཅིང་མི་འཁྲུགས་པར་དལ་གྱིས་འགྲོ་ཞིང་། ཕ་རོལ་པོའི་གཡུལ་ལས་རྒྱལ་བར་བྱེད་པ། རྔ་ཡབ་དང་ལམ་མཆོག་འགྲོའི་བར་གྱི་ལྷོ་ནུབ་ཏུ་རྟ་མཆོག་རིན་པོ་ཆེ་ཁ་དོག་སྔོན་པོ་རྨ་བྱའི་མགྲིན་པའི་སྤུ་ལྟར་སྡུག་པ་ནད་མེད་ཅིང་གཟི་བརྗིད་ཆེན་པོ་དང་ལྡན་པ། ཁོ་ལག་ཐམས་ཅད་ཡོངས་སུ་རྫོགས་པ། གལ་ཏེ་བསྒོ་ན་ཉི་མ་གཅིག་ལ་འཛམ་གླིང་ལན་གསུམ་བསྐོར་བར་ནུས་པའི་ཤུགས་འགྲོས་དང་ལྡན་པ། གཡོ་ལྡན་དང་གླིང་ཕྲན་སྒྲ་མི་སྙན་གྱི་བར་གྱི་ནུབ་བྱང་གི་མཚམས་སུ་དམག་དཔོན་རིན་པོ་ཆེ་སྟོབས་དང་ལྡན་པ་གཡུལ་གྱི་བྱ་བ་ལ་མཁས་པ། གོ་ཞུབ་ཀྱིས་སྤྲས་ཤིང་གཟི་བརྗིད་དང་ལྡན་པའམ། རྡོ་རྗེ་རིན་པོ་ཆེ་དང་། མཐོན་ཀ་དང་། མ་རྒད་དང་། གསེར་དང་། དངུལ་དང་། སྤུག་ལ་སོགས་པའི་བང་མཛོད་ནམ་ཡང་འཛད་པ་མེད་པའི་འབྱོར་པ་ཤིན་ཏུ་བརྟན་པ་གཡོ་སྒྱུ་མེད་པ། སྐྱེ་བོ་ཐམས་ཅད་རབ་ཏུ་དགའ་བར་བྱེད་པའི་ཁྱིམ་བདག་རིན་པོ་ཆེ་གདམ་པ་ཅན་དུ་བཤད་དོ། །སྒྲ་མི་སྙན་གྱི་ཟླ་དང་ལུས་འཕགས་ཀྱི་བར་གྱི་བྱང་ཤར་དུ་དགོས་འདོད་ཐམས་ཅད་འབད་མེད་དུ་སྟེར་བའི་གཏེར་གྱི་བུམ་པ་བཟང་པོ་རྣམས་བསམ། འགའ་ཞིག་གླིང་རྣམས་ཁ་ནང་བསྟན་དུ་བགྱིས་པའི་གཡས་གཡོན་དུ་སྔར་བཤད་པའི་གླིང་ཕྲན་རྣམས་རིམ་པར་འགོད་པར་འདོད་དེ། དེ་ལྟར་ན་ལྷོ་གླིང་རྔ་ཡབ་ཤར་ལྷོར་ཡོད་དགོས་ལ། དེ་ལྟར་ན་སྲིན་པོའི་གླིང་ཡང་ཤར་ལྷོར་ཡོད་དགོས་པས་ཕྱོགས་སྐྱོང་བཅུའི་སྲིན་པོ་ཡང་ཤར་ལྷོར་འབྱུང་དགོས་པ་སོགས་ཆོས་སྤྱི་དང་འགལ་ཅིང་། ལྷག་པར་སིནྡྷུ་རྒྱ་མཚོ་མར། ལྷོ་ནུབ་རྔ་ཡབ་གླིང་ཕྲན་སྲིན་པོའི་ཡུལ། །ཅེས་པ་སོགས་ཁུངས་མང་ངོ་། །རྔ་ཡབ་གཞན་ཅེས་པ་སྔར་སྲིན་པོའི་རྒྱལ་པོའི་བུ་ཞིག་གླིང་འདིར་སྤྱུགས་པས་རྔ་ཡབ་གཞན་དུ་ཐོགས་ཤིང་། ལང་དཀར་གཤེགས་པའི་མདོ་ཡང་འདིར་གསུངས་པར་གྲགས། མདོ་ནས་གླིང་སོ་སོའི་ཁ་ཕྱིར་བལྟས་པའི་དབང་དུ་བགྱིས་ནས་མདུན་གང་ཡིན་ལྷོ་དང་། གཡས་གང་ཡིན་ནུབ། རྒྱབ་བྱང་། གཡོན་ཤར་དུ་འབྱུང་བས། དབུས་ཀྱི་རི་རྒྱལ་ལྷུན་པོ་གླིང་བཞི་ཀུན་གྱི་བྱང་ཕྱོགས་སུ་འཇོག་པར་མདོ་ལས་གསུངས་པ་ལྟར་མངོན་པ་ལས་བཤད་དོ། །འཁོར་ལོ་རིན་པོ་ཆེའི་མདུན་དུ་སྒེག་མོ་མ་མཛེས་ཤིང་ལྟ་ན་སྡུག་པ་ལང་ཚོས་ལྷག་པར་སྒེག་པའི་རྣམ་འགྱུར་བསམ་གྱིས་མི་ཁྱབ་པ་སྟོན་ཅིང་འགྱིང་བ། ནོར་བུ་རིན་པོ་ཆེའི་མདུན་དུ་ཕྲེང་བ་མ་ཕྲེང་བ་འཛིན་པ། བཙུན་མོ་རིན་པོ་ཆེའི་མདུན་ན། གླུ་མ་གླུ་ལེན་པ་མ། བློན་པོ་རིན་པོ་ཆེའི་མདུན་དུ་གར་མ་གར་རྩེ་བ། ཤར་ལྷོའི་གླང་པོ་རིན་པོ་ཆེའི་མདུན་དུ་མེ་ཏོག་མ་མེ་ཏོག་འཛིན་པ། ལྷོ་ནུབ་ཀྱི་རྟ་མཆོག་རིན་པོ་ཆེའི་མདུན་དུ་བདུག་སྤོས་མ་བདུག་སྤོས་འཛིན་པ། ནུབ་བྱང་གི་དམག་དཔོན་རིན་པོ་ཆེའི་མདུན་དུ་སྣང་གསལ་མ་མར་མེ་འཛིན་པ། བྱང་ཤར་གྱི་གཏེར་ཆེན་པོའི་བུམ་པའི་མདུན་དུ་དྲི་ཆབ་མ་དྲི་ཆབ་འཛིན་པ། སྒེག་མོ་མའི་མདུན་གྱི་སྟེང་གི་ནམ་མཁར་ཉི་མའི་དཀྱིལ་འཁོར་མེ་ཤེལ་ལས་གྲུབ་པ་དང་། གླུ་མའི་མདུན་གྱི་སྟེང་གི་ནམ་མཁར་ཟླ་བའི་དཀྱིལ་འཁོར་ཆུ་ཤེལ་ལས་གྲུབ་པ། གར་མའི་མདུན་དུ་རིན་པོ་ཆེའི་གདུགས་དཀར་གསེར་གྱི་ཡུ་བ་ཅན་དང་། ཕྲེང་བ་མའི་མདུན་གྱི་སྟེང་གི་ནམ་མཁར་ཕྱོགས་ལས་རྣམ་པར་རྒྱལ་བའི་རྒྱལ་མཚན་དང་། དེ་དག་གི་དབུས་དང་། བར་མཚམས་རྣམས་སུ་ལྷ་མིའི་འབྱོར་པ་ཕུན་སུམ་ཚོགས་པ་མ་ཚང་བ་མེད་པས་ཕྱུར་བུར་བཀང་སྟེ་གཏམས་པ་རྣམས་སོ། །ཞེས་པའང་མཉྫུ་གྷོ་ཥས་སོ།། །།སརྦ་དཱ་ཀ་ལྱཱ་ཎཾ་བྷ་བ་ཏུ།། །།

[edit]

maN+Dal gyi rnam bzhag nyung ngu bcas ldeb/_ maN+Dal so bdun ma'i lag len dang rnam gzhag cung zad bstan pa bzhugs so/__/bla ma la phyag 'tshal lo/__/maN+Dal gyi lag len ni/__thog mar tshogs zhing gsal btab pa'i mdun du/__sems kyi rang bzhin dri ma med pa mtshon phyir maN+Dal legs par phyis la/__me tog cung zad dang bcas pa'i lag pa g.yon pas bzung /__lag pa g.yas pa'i mtheb mdzub kyis me tog bzung /__sor mo gzhan rnams brkyangs par dri bzang dang ba byung gis byugs te maN+Dal gyi mtha' nas g.yon skor du byugs pa'am/__yang na snying rje byang chub sems kyi rlan dang ma bral ba mtshon byed du maN+Dal chag chag sngon nas btab nas srin lag gis mtha' bskor bas phyi'i mu khyud kyi rnam pa bgyis te/__oM badz+ra b+hu mi AHhU~M/__zhes brjod pa na maN+Dal gyi steng du 'byung ba rim brtsegs kyi dkyil 'khor yangs shing rgya che ba dbang chen gser gyi sa gzhi dang bcas pa lam gyis byung bar bsam/__oM badz+ra re khe AHhU~M/__zhes pas lcags ri mu khyud kyis bskor ba'i dbus su/__lag pa ma bteg pa de kha'i thog nas g.yas pa'i me tog bzhag ste hU~M zhes bgegs bsal/__slar yang de'i steng du tshom bu che ba gcig bkod la rgya mtsho chen po'i dbus su ri'i rgyal po ri rab/__shar shel/__lho baiDUR+Ya/__nub pad+ma rA ga__/byang gser las grub pa/__shar du tshom bu bkod la lus 'phags po chu shel gyi rang bzhin zla gam/__lhor tshom bu bkod la 'dzam bu gling baiDUR+Ya sngon po las grub pa sog kha/__de bzhin du tshom bu re re 'god pa dang sbrags nas/__nub tu ba lang spyod pad+ma rA ga las grub pa zlum po/__byang du sgra mi snyan gser las grub pa gru bzhi/__gling rnams kha phyi rol du gtad pa'i dbang du bgyis te/__shar gyi g.yas su lus dang /__g.yon du lus 'phags/__lho'i g.yas su rnga yab dang /__g.yon du rnga yab gzhan/__nub kyi g.yas su g.yo ldan dang /__g.yon du lam mchog 'gro/__byang gi g.yas su sgra mi snyan dang /__g.yon du sgra mi snyan gyi zla rnams rang rang gi gling dang rgyu dbyibs mtshungs pa/__shar gling gi nang du rin po che'i ri bo rin po che sna tshogs kyi rang bzhin can rgya dpangs tshad med pa/__lho gling gi nang du dpag bsam gyi shing gi sdong po rin po che sna bdun gyi rang bzhin can/__rtsa ba sdong po yal ga lo 'dab me tog 'bras bu thams cad phun sum tshogs pa dgos 'dod thams cad yid bzhin du 'byung ba'i rang bzhin can/__nub gling gi nang du 'dod 'jo'i ba dmar ser gzugs bzang zhing lta na sdug pa 'dod dgu 'bad med du 'byung ba/__byang gling gi nang du ma rmos pa'i lo tog ro bcud phun sum tshogs pa/__rin po che'i ri bo'i mdun du 'dzam bu chu bo'i gser las grub pa'i 'khor lo rtsibs stong dang ldan pa nyi ma gnyis lta bu'i 'od zer 'phro ba/__'dren pa po'i gang zag med kyang rdzu 'phrul gyi shugs kyis dpag tshad 'bum phrag gi lam nyin gcig la gcod par nus pa/__de'i mthu'i nam mkha'i lam las dpung gi tshogs yan lag bzhi pa gling bzhi dang sum cu rtsa gsum pa'i gnas su bde blag tu 'khrid par nus pa/__dpag bsam gyi shing gi sdong po'i mdun du nor bu rin po che baiDUR+Ya zur brgyad pa de las 'phros pa'i 'od zer gyis dpag tshad brgya'i bar gyi khor yug thams cad mtshan mo'ang nyin mo bzhin du snang bar byed pa/__tsha bas gdud na bsil ba dang /__ha kyang bsil na dro ba/__gang du gnas pa'i sa phyogs der nad dang dus min gyi 'chi ba thams cad sel zhing /_yid la gang bsam pa phal cher 'grub par 'gyur ba/__'dod 'jo ba'i mdun du btsun mo rin po che bud med kyi skyon lnga dang bral zhing /__yon tan brgyad dang ldan pa mdzes shing blta bas chog mi shes pa/__lus dang kha nas dri zhim pa'i ngad 'thul zhing /__gang gis reg na bde ba'i mchog dam pa rtsol bar nus pa/__'dod pa'i sgyu rtsal drug cu rtsa bzhi la mkhas pa/__gang du gnas pa'i gling der bkres skom dang mya ngan sel bar byed pa/__ma rmos pa'i lo tog gi mdun du blon po rin po che sa'i bdag po'i yid la gang bsam rnams ma smras par shes nas bsgrub pa/__gzugs bzang zhing stobs che ba rtsal dang ldan pa/__dpung rnams 'gro ba dang /__gnas pa dang /__ldog pa la mkhas pa/__dar dang rin po ches brgyan pa/__rnga yab gzhan dang /__lus kyi bar gyi shar lho glang po rin po che thal dkar mche ba drug ldan spyi gtsug dmar zhing mtho la gdong nor bu rin po che'i drwa bas g.yogs pa/__glang po che phal pa stong gi stobs dang ldan pa/__don med par gzhan la mi gnod cing mi 'khrugs par dal gyis 'gro zhing /__pha rol po'i g.yul las rgyal bar byed pa/__rnga yab dang lam mchog 'gro'i bar gyi lho nub tu rta mchog rin po che kha dog sngon po rma bya'i mgrin pa'i spu ltar sdug pa nad med cing gzi brjid chen po dang ldan pa/__kho lag thams cad yongs su rdzogs pa/__gal te bsgo na nyi ma gcig la 'dzam gling lan gsum bskor bar nus pa'i shugs 'gros dang ldan pa/__g.yo ldan dang gling phran sgra mi snyan gyi bar gyi nub byang gi mtshams su dmag dpon rin po che stobs dang ldan pa g.yul gyi bya ba la mkhas pa/__go zhub kyis spras shing gzi brjid dang ldan pa'am/__rdo rje rin po che dang /__mthon ka dang /__ma rgad dang /__gser dang /__dngul dang /__spug la sogs pa'i bang mdzod nam yang 'dzad pa med pa'i 'byor pa shin tu brtan pa g.yo sgyu med pa/__skye bo thams cad rab tu dga' bar byed pa'i khyim bdag rin po che gdam pa can du bshad do/__/sgra mi snyan gyi zla dang lus 'phags kyi bar gyi byang shar du dgos 'dod thams cad 'bad med du ster ba'i gter gyi bum pa bzang po rnams bsam/__'ga' zhig gling rnams kha nang bstan du bgyis pa'i g.yas g.yon du sngar bshad pa'i gling phran rnams rim par 'god par 'dod de/__de ltar na lho gling rnga yab shar lhor yod dgos la/__de ltar na srin po'i gling yang shar lhor yod dgos pas phyogs skyong bcu'i srin po yang shar lhor 'byung dgos pa sogs chos spyi dang 'gal cing /__lhag par sin+d+hu rgya mtsho mar/__lho nub rnga yab gling phran srin po'i yul/__/ces pa sogs khungs mang ngo /__/rnga yab gzhan ces pa sngar srin po'i rgyal po'i bu zhig gling 'dir spyugs pas rnga yab gzhan du thogs shing /__lang dkar gshegs pa'i mdo yang 'dir gsungs par grags/__mdo nas gling so so'i kha phyir bltas pa'i dbang du bgyis nas mdun gang yin lho dang /__g.yas gang yin nub/__rgyab byang /__g.yon shar du 'byung bas/__dbus kyi ri rgyal lhun po gling bzhi kun gyi byang phyogs su 'jog par mdo las gsungs pa ltar mngon pa las bshad do/__/'khor lo rin po che'i mdun du sgeg mo ma mdzes shing lta na sdug pa lang tshos lhag par sgeg pa'i rnam 'gyur bsam gyis mi khyab pa ston cing 'gying ba/__nor bu rin po che'i mdun du phreng ba ma phreng ba 'dzin pa/__btsun mo rin po che'i mdun na/__glu ma glu len pa ma/__blon po rin po che'i mdun du gar ma gar rtse ba/__shar lho'i glang po rin po che'i mdun du me tog ma me tog 'dzin pa/__lho nub kyi rta mchog rin po che'i mdun du bdug spos ma bdug spos 'dzin pa/__nub byang gi dmag dpon rin po che'i mdun du snang gsal ma mar me 'dzin pa/__byang shar gyi gter chen po'i bum pa'i mdun du dri chab ma dri chab 'dzin pa/__sgeg mo ma'i mdun gyi steng gi nam mkhar nyi ma'i dkyil 'khor me shel las grub pa dang /__glu ma'i mdun gyi steng gi nam mkhar zla ba'i dkyil 'khor chu shel las grub pa/__gar ma'i mdun du rin po che'i gdugs dkar gser gyi yu ba can dang /__phreng ba ma'i mdun gyi steng gi nam mkhar phyogs las rnam par rgyal ba'i rgyal mtshan dang /__de dag gi dbus dang /__bar mtshams rnams su lha mi'i 'byor pa phun sum tshogs pa ma tshang ba med pas phyur bur bkang ste gtams pa rnams so/__/zhes pa'ang many+dzu g+ho Shas so//__//sarba dA ka l+yA NaM b+ha ba tu//__//