ཀཿདམ་པའི་ཐེག་སྤྱིའི་འགྲེལ་པ་ལས་ཟུར་ཕྱུང་།

🚧 This website is under continued development. We appreciate your patience!

Previous Text Back to Volume PageNext Text

Wylie title	kaH dam pa'i theg spyi'i 'grel pa las zur phyung
Location	mkhyen brtse'i bka' 'bum Volume 6, sde tshan 1, Text 12, Pages 125-126 (Folios 63a4 to 63b6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. kaH dam pa'i theg spyi'i 'grel pa las zur phyung. In 'jam dbyangs mkhyen brtse'i dbang po'i bka' 'bum, Vol. 6: 125-126. Khams sde dge rdzong sar dgon: Rdzong sar blo gros phun tshogs, 2020.
Genre	Commentaries - 'grel pa

1 Texts in this Section (sde tshan or chos tshan)

12 125-126	ཀཿདམ་པའི་ཐེག་སྤྱིའི་འགྲེལ་པ་ལས་ཟུར་ཕྱུང་། kaH dam pa'i theg spyi'i 'grel pa las zur phyung Commentaries - 'grel pa	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

ཐེག་པའི་སྤྱི་ཆིངས་ཀྱི་འགྲེལ་པ་མཁས་གྲུབ་ཡེ་ཤེས་རྒྱལ་མཚན་གྱིས་མཛད་པ་ལས། བྱ་བའི་རྒྱུད་ཀྱི་དོན་དམ་པའི་ལྟ་བ་ནི། ཕྱི་སྣོད་ཀྱི་འཇིག་རྟེན་ནང་བཅུད་ཀྱི་སེམས་ཅན་སྒྱུ་མ་རྨི་ལམ་ཙམ་དུ་ཆོས་ཅན་དངོས་པོར་སྣང་བ་འདི་རྣམས་དོན་ལ་སེམས་ཉིད་ཡིན་ཅིང་། སེམས་ཉིད་ཀྱང་གདོད་མ་ནས་སྟོང་ཞིང་སྐྱེ་བ་མེད་པ་དོན་དམ་པར་སྤྲོས་པའི་མཐའ་ཡོད་མེད་རྟག་ཆད་བཞི་དང་བྲལ་བ་ལས། ཀུན་རྫོབ་སྒྱུ་མའི་མཚན་ཉིད་དུ་སྣང་བའོ། །གཡུ་ཐང་ལས། རང་སེམས་མཐའ་བཞི་ཡོངས་བྲལ་བས། །རིག་ཕྱིར་ཡེ་ཤེས་གཞན་ན་ཡིན། །ཅེས་སོ། །ཀུན་རྫོབ་ཀྱི་ལྟ་བ་ནི། འཁྲུལ་པའི་རོལ་པ་ཅིར་སྣང་བ་དེ་ཉིད་དེ་བཞིན་གཤེགས་པ་རིགས་གསུམ་མགོན་པོའི་ངོ་བོ་ཉིད་ཡིན་ཏེ། ལྷ་དྲུག་གི་ཆོ་གས་བྱིན་གྱིས་བརླབས་ནས། རིགས་གསུམ་ལྷའི་དཀྱིལ་འཁོར་དུ་སྣང་བར་འདོད་པ། དཔེར་ན་འཇིམ་པ་འདེར་སོ་མ་ཡིན་ཀྱང་། འཇིམ་པ་ལས་གཞན་པའི་འདེར་སོ་མི་འབྱུང་། མཁར་ཆུ་ལུགས་སྐུ་མ་ཡིན་ཀྱང་། མཁར་ཆུ་ལས་གཞན་པའི་སྐུ་མི་འབྱུང་བ་བཞིན། དངོས་པོ་འདི་ལྟར་དུ་སྣང་བ་ཐམས་ཅད་རིགས་གསུམ་མགོན་པོའི་རྒྱུ་མ་ཡིན་ཀྱང་། དེ་ལས་གཞན་པའི་རིགས་གསུམ་མགོན་པོའི་རྒྱུ་མི་འབྱུང་བ་བཞིན་ཡིན་ཏེ། ལ་ཤུན་ལས། མཐོང་བའི་དངོས་པོ་མཐོ་འཇམ་རྩུབ། །དྲུག་བསྐྱེད་རིགས་ཀྱི་དཀྱིལ་འཁོར་དུ། །མཐོང་བ་ཇི་ལྟར་དག་ཅེས་བལྟ། །ཞེས་སོ། །དངོས་པོར་སྣང་བ་འདི་རྣམས་ཀྱང་། རིགས་གསུམ་མགོན་པོའི་སྐུ་མ་ཡིན་ཀྱང་། ལྟ་སྤྱོད་སྒོམ་གསུམ་གྱི་ངོས་ནས་སེམས་དག་པར་བྱས་ནས། མཁར་ཆུ་ལ་སྐུ་སྣང་བ་བཞིན། འཁྲུལ་པ་དག་པ་ཉིད་འཁྲུལ་པའི་ངོ་བོ་ཡེ་ནས་གནས་པར་འདོད་པའོ། །དཔེར་ན་ཆུ་དང་གཤེར་བ་ཇི་ལྟ་བ་བཞིན་ཡིན་ནོ། །ཞེས་གསུངས་སོ།། །། ༈

[edit]

kaHdam pa'i theg spyi'i 'grel pa las zur phyung /__ theg pa'i spyi chings kyi 'grel pa mkhas grub ye shes rgyal mtshan gyis mdzad pa las/__bya ba'i rgyud kyi don dam pa'i lta ba ni/__phyi snod kyi 'jig rten nang bcud kyi sems can sgyu ma rmi lam tsam du chos can dngos por snang ba 'di rnams don la sems nyid yin cing /__sems nyid kyang gdod ma nas stong zhing skye ba med pa don dam par spros pa'i mtha' yod med rtag chad bzhi dang bral ba las/__kun rdzob sgyu ma'i mtshan nyid du snang ba'o/__/g.yu thang las/__rang sems mtha' bzhi yongs bral bas/__/rig phyir ye shes gzhan na yin/__/ces so/__/kun rdzob kyi lta ba ni/__'khrul pa'i rol pa cir snang ba de nyid de bzhin gshegs pa rigs gsum mgon po'i ngo bo nyid yin te/__lha drug gi cho gas byin gyis brlabs nas/__rigs gsum lha'i dkyil 'khor du snang bar 'dod pa/__dper na 'jim pa 'der so ma yin kyang /__'jim pa las gzhan pa'i 'der so mi 'byung /__mkhar chu lugs sku ma yin kyang /__mkhar chu las gzhan pa'i sku mi 'byung ba bzhin/__dngos po 'di ltar du snang ba thams cad rigs gsum mgon po'i rgyu ma yin kyang /__de las gzhan pa'i rigs gsum mgon po'i rgyu mi 'byung ba bzhin yin te/__la shun las/__mthong ba'i dngos po mtho 'jam rtsub/__/drug bskyed rigs kyi dkyil 'khor du/__/mthong ba ji ltar dag ces blta/__/zhes so/__/dngos por snang ba 'di rnams kyang /__rigs gsum mgon po'i sku ma yin kyang /__lta spyod sgom gsum gyi ngos nas sems dag par byas nas/__mkhar chu la sku snang ba bzhin/__'khrul pa dag pa nyid 'khrul pa'i ngo bo ye nas gnas par 'dod pa'o/__/dper na chu dang gsher ba ji lta ba bzhin yin no/__/zhes gsungs so//____//__!_