JKW-KABUM-03-GA-001-032

🚧 This website is under continued development. We appreciate your patience!

Previous Text Back to Volume PageNext Text

མདོ་དང་གཟུངས་ཀྱི་ཆོ་ག་ཞེས་པའི་མདོ་ཆོག་ནི་སོགས་སྣ་ཚོགས།

Wylie title	mdo dang gzungs kyi cho ga zhes pa'i mdo chog ni sogs sna tshogs
Location	mkhyen brtse'i bka' 'bum Volume 3, sde tshan 1, Text 32, Pages 591-617 (Folios 293b2 to 309a3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. mdo dang gzungs kyi cho ga zhes pa'i mdo chog ni sogs sna tshogs. In 'jam dbyangs mkhyen brtse'i dbang po'i bka' 'bum, Vol. 3: 591-617. Khams sde dge rdzong sar dgon: Rdzong sar blo gros phun tshogs, 2020.
Genre	Notes - zin bris

1 Texts in this Section (sde tshan or chos tshan)

32 591-617	མདོ་དང་གཟུངས་ཀྱི་ཆོ་ག་ཞེས་པའི་མདོ་ཆོག་ནི་སོགས་སྣ་ཚོགས། mdo dang gzungs kyi cho ga zhes pa'i mdo chog ni sogs sna tshogs Notes - zin bris	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

མདོ་དང་གཟུངས་ཀྱི་ཆོ་ག་ཞེས་པའི་མདོ་ཆོག་ནི། བཅུ་གཅིག་ཞལ་གྱི་སྨྱུང་གནས་སོགས་དང་། གཟུངས་ཆོག་ནི་རྣམ་འཇོམས་སོགས་ཡིན། སྔགས་ཆོག་ནི་སྔགས་ཕྱི་ནང་གི་རྒྱུད་ལས་གསུངས་པའོ། །སྤོས་ཀྱི་མཎྜལ་ནི་སྟེགས་བུའི་ངོས་ལ་དྲི་བཟང་བྱུགས་པའོ། །སྔགས་ལ་ཐལ་ཆེན་སོགས་བྱུགས་པར་ཡང་གསུངས་སོ། ། ༈

བསྔོ་བ་ནི། དགེ་རྩ་བསྒྲུབས་པའི་རྒྱུ་སྔོན་དུ་བཏང་སྟེ། དེ་ཡི་འབྲས་བུ་བྱང་ཆུབ་ཐོབ་པར་གྱུར་ཅིག་པར་བདེན་ཚིག་བརྗོད་པ་དང་། སྨོན་ལམ་ནི། དགེ་རྩ་སྔོན་དུ་མ་སོང་ཡང་ལྷག་བསམ་གྱི་སྨོན་ཚིག་བརྗོད་པ་ཡིན་ནོ། ། ༈ རྟོག་པས་བདག་གི་ཆོས་དང་གང་ཟག་གི་བདག་བསྒྲལ། ཐུགས་རྗེས་གཞན་གསལ་བ་གསུམ་ལྡན་གྱིས་སྒྲོལ་བ་ཡིན་ནོ། ། ༈ ལུང་ཨ་ནུ་ཡོ་གའི་བསྐྱེད་རིམ། དབྱིངས་སྐྱེ་མེད་མཐའ་བྲལ་གྱི་ཀློང་ནས་རིག་པའི་ཡེ་ཤེས་འགགས་མེད་དོན་གྱི་ལྷར་ཤར་བ་མ་གཏོགས། ཀུན་རྫོབ་སྤྲོ་བསྡུ་མཚན་བཅས་ཀྱི་བསྐྱེད་རིམ་ལ་རགས་མ་ལུས་པའི་ཕྱིར་ན། ཤེས་རིག་གི་ངོ་བོ་ཧེ་རུ་ཀ་དེ་ཉིད་རྣམ་རོལ་གྱི་ཆོ་འཕྲུལ་དཀྱིལ་འཁོར་ཀུན་གཙོ་པདྨ་བཛྲ་དུ་ལྷུན་གྱིས་གྲུབ་ཅིང་། དེ་ཉིད་ཀྱི་ངོ་བོ་རང་བཞིན་ཐུགས་རྗེའི་སྣང་ཚུལ་ལམ་མིང་དུ་བཏགས་ཚུལ་ཙམ་དུ་ཡབ་ཡུམ་འཁོར་སོགས་སུ་དབྱེ་བ་དེ་ཉིད་དོན་དུ་སྣང་སྟོང་དབྱེར་མེད་རིག་པའི་ངོ་བོ་ཉིད་དང་། དེའི་རྩལ་མདངས་རྣམ་ཤེས་ཚོགས་བརྒྱད། ཉེ་ཉོན་ཉི་ཤུ། སེམས་བྱུང་ལྔ་བཅུ། རྟོག་ཚོགས་བརྒྱད་ཁྲི་བཞི་སྟོང་སོགས་སུ་ཤར་ཞིང་། དེ་དག་གི་རྒྱུ་སེམས་ཅན་གྱི་དུས་སུ་ལས་ཉོན་གྱི་རྟོག་ཚོགས། ལམ་རྣལ་འབྱོར་གྱི་དུས་ན་ཉམས་དང་འཆར་སྒོའི་བྱེ་བྲག །འབྲས་བུ་སངས་རྒྱས་ཀྱི་དུས་སུ་མཁྱེན་བརྩེ་མཛད་ཕྲིན་གྱི་བྱེ་བྲག་ཏུ་འགྱུར་བའོ། ། ༈ མཆོད་པ་ལ། ཕྱི་དམིགས་རྟེན་དུ་བཤམས་པ་རྫས་ཀྱི་མཆོད་པ། ནང་རང་ལུས་ཤ་ཁྲག་དྲོད་དབུགས་སོགས་རང་བྱུང་ལྷུན་གྲུབ་ཀྱི་མཆོད་པ། གསང་བ་གཤིས་སྐྱེ་མེད། གདངས་འགགས་མེད། རྩལ་སྣ་ཚོགས་སུ་འཆར་བ་དོན་དམ་ཡེ་ཤེས་ཀྱི་མཆོད་པ། དེ་དག་ཐམས་ཅད་ཀྱང་འཁོར་གསུམ་མི་དམིགས་བློ་འདས་གདོད་མའི་དབྱིངས་སུ་གྲོལ་བ་ནི་དེ་ཁོ་ན་ཉིད་ཀྱི་མཆོད་པ་ཞེས་བྱའོ། ། ༈ མདོ་སྡེ་གདམས་ངག་འབོགས་པའི་རྒྱལ་པོར། རྒྱ་གར་གྱི་གྲུབ་ཐོབ་བརྒྱད་ཅུ་སོགས་དང་། བོད་ཀྱི་བཀའ་གདམས་ནས་བཟུང་གསར་མའི་གཙུག་ལག་ཁང་དང་སྐྱེས་ཆེན་ལུང་བསྟན་ཞིབ་པར་ཡོད་འདུག་པ། དེ་ཁོ་ན་ཁོལ་ཕྱུང་བྱས་པ་ཞིག་རྩིས་དཀར་དྲུང་པའི་བཀའ་འབུམ་རྒྱ་མཚོ་དགུ་སྐོར་གྱི་ལུང་བསྟན་རྒྱ་མཚོར་འཁོད་ཡོད་པར་སྣང་ངོ་།། །། ༈ གཞི་བདག་གཉུག་གནས་ནི་རྟག་ཏུ་དེར་གནས་ཏེ་གཞན་དུ་མི་འཕོ་བའི་མིང་གི་བྱེ་བྲག་སྟེ་རྟག་ཆགས་ཀྱང་ཟེར་རོ། ། ༈ རྒྱ་གར་ན་རབ་བྱུང་རྣམས་བསོད་སྙོམས་ལ་ཕེབས་ཚེ་མཁར་བསིལ་གྱི་སྒྲ་དང་། རྣལ་འབྱོར་པ་ཡིན་ན་ཌ་མ་རུ་དང་། ཁྲི་སྙན་གྱི་རྭ་དུང་འབུད་པ་ཡིན་ནོ། །རྐང་གླིང་ལ་བཀའ་བརྒྱུད་པ་རྣམས་ཀྱིས། ཐོག་མར། ཨོཾ། ཨོཾ། ཨོཾ་ཞེས་ཐུང་འབུད་གསུམ། དེ་ནས་ཤྲཱི་ཞེས་རྒྱང་རིང་བ་གཅིག །དེ་ནས་ཧཱཿཞེས་རིང་བ་གཅིག །དེ་ནས་ཧའའ་འ་འའ་ཞེས་རྒྱང་རིང་ཞིང་ལྡེམ་འགྱུར་ཡོད་པ་གཅིག །དེ་ནས་ཧཱུྃ་ཧཱུྃ་ཞེས་བདེ་མཆོག་ཡིག་བདུན་ལ་ཕག་མོའི་ཨོཾ་གསུམ་མ་སྦྱར་བའོ། །ཐུང་བ་གཉིས། དེ་རྗེས་ཕཊཿཅེས་འདི་ཅུང་ཟད་རིང་ཙམ་བྱས་པ་སྟེ། དེ་ལྟར་དགུ་ལ་དགུ་འབུད་ཟེར། རྙིང་ལུགས་ལ། ཀཿཐོག་དམ་གཙང་བྱམས་གསུམ་སོགས་ཀྱི་ཕྱག་བཞེས་བདུན་འབུད་འདི་བླ་མ་ལ་གསོལ་བ་འདེབས་པའི་བརྡ་སྐད་ཡིན་ཏེ། ཐོག་མར་མཆོད་མཆོད། ཅེས་པ་འདི་སྔ་མ་རིང་ཙམ། རྗེས་མ་ཐུང་བ་བྱ། དེ་ནས་བླ་མ་བླ་མ། ཞེས་བླ་མ་འབོད་པ་འདི་གཉིས་ཀ་རྒྱང་རིང་པོ་བྱ། དེ་ནས་བླ་མ་མཁྱེན་མཁྱེན་མཁྱེན་མཁྱེན་མཁྱེན་ཞེས་རྒྱང་རིང་ཞིང་ལྡེམ་འགྱུར་དང་བཅས་བྱས་རྗེས། ཕཊཿཕཊཿ ཅེས་པ་འདི་གཉིས་སྔ་མ་ཅུང་ཟད་རིང་ཙམ་དང་། ཕྱི་མ་ཐུང་རྦད་སྤྱིས་བཅད་ལ་བཞག་པ་ཡིན། བླ་མ་འབོད་པའི་རྒྱང་གསུམ་པོ་དེའང་མགོ་མ་སྐད་ཤེད་ཆེ་བ། མཇུག་ཏུ་རིམ་པར་ཆུང་ནར་གྱིས་བཞག་པ་ནི་བླ་མ་དྲན་པའི་མོས་གུས་གདུང་ཤུགས་སྐྱེ་ཕྱིར་ཡིན་ཞིང་། འདི་འབུད་ལུགས་མཁས་པ་ཞིག་བྱུང་ན་སྣང་བ་འགྱུར་ཏེ་སྐྱོ་ལྷང་གིས་གཏོང་ཐུབ་པ་འོང་། སྒྲུབ་གྲྭ་ལ་ཐུན་བཞིའི་ངེས་པ་བྱེད་ན། ཐོ་རངས་བླ་མའི་གསོལ་འདེབས་སྤྱི་ཐུན། ཉི་ཤར་ཆུ་གཏོར་གྱི་ཐུན། ཕྱི་དྲོ་ཉི་མ་འདོམ་གང་ཙམ་དུས་གཏོར་བསྔོས་ཀྱི་ཐུན། མུན་སྲོས་ནག་ཡཾ་དུས་གཅོད་ཀྱི་ཐུན་དུང་དེ་དེར་བསྟུན་པའི་དགེ་སྦྱོར་བསྒྲིགས་སུ་གཞུག་པ་ལགས་སོ། ། ༈ སྐྱབས་པ་ཙམ་གྱིས་གྲོལ་ཕྱིར་སྐྱབས་གྲོལ་སྤྱན་གཟིགས་མཚན། ། ༈ འབྲོག་དགོན་པ་ནི། འབྲོག་སྟོང་། བྱང་ཐང་། ལུང་སྟོང་ལྟ་བུའོ། །དེར་ཟས་སྐོམ་མི་མྱོང་ཞིང་། གཅན་གཟན་དང་དུག་སྦྲུལ་མི་མ་ཡིན་སོགས་ཀྱི་འཚེ་བ་མང་བས་འབྲོག་དགོན་པའི་གནོད་པ་ཟེར། ། ༈ འཛམ་སེར་གྱི་ཞབས་འོག་ཏུ་དུང་ནི་གནོད་སྦྱིན་དུང་གདོང་དང་། པད་ཆེན་ནི་པདྨའི་གདོང་མནན་པ་ཡིན་འདྲ་སྟེ། དྲང་དོན་དུ་གནོད་སྦྱིན་གྱི་སྡེ་དཔོན་ཡིན་ཕྱིར་དེའི་རྟགས་དང་། ངེས་དོན་དུ་རིན་འབྱུང་ཡིན་པས་གནོད་སྦྱིན་ཡང་སྤྲུལ་པའི་བྱང་ཆུབ་སེམས་དཔའ་ཡིན་པར་གོ ། ༈ བདེ་མཆོག་སྔགས་རིང་དུ། ཛྙཽཾ་ཞེས་པ་འདི་རིང་ཆ་མེད་ཅིང་། སྣར་ཐང་པ་ལྟར་ན། འཛའ་ཎོ་ཨུན་དང་། ཞྭ་ལུ་ལྟར་ན་འཛོ་ཎོ་ཨུན་ལྟ་བུར་བརྗོད་དགོས། རྙིང་མའི་རྫོགས་ཆེན་གྱི་རྒྱུད་བཅུ་བདུན་སོགས་སུ། ཛྻྲོོིིིུ་ཁ་ལྟ་བུ་ནི། རྩ་བའི་ཡིག་འབྲུ་ཛ་དེ་ལ་ཡན་ལག་བུ་དྲུག་མི་འདྲ་བ་ཅི་ཙམ་བཏགས་པ་དེ་སོ་སོའི་གྲངས་དང་མཉམ་བར་བཀླག་སྟེ། དཔེར་ན། ཛྱ་ཛྲ་ཛུ་ཛོ་ཛོ་ཛི་ཛི་ཛི། ཞེས་པར་བཀླག་དགོས་ཞེས་བི་མ། རང་བྱུང་ཞབས། ཀློང་ཆེན། མཁའ་སྤྱོད་པ་སོགས་ཀྱིས་གསུངས། དོན་དུ་དཀྲུགས་ཡིག་འདི་འདྲ་བ་རྣམས་ནི། སྐུ་ལྔ་ཡེ་ཤེས་ལྔ། སྐུ་གསུམ་ཕར་ཕྱིན་དྲུག་ས་བཅུ་ལམ་ལྔ་སོགས་ཀྱི་བརྡ་རྟགས་ཡིན་པ་མ་གཏོགས་ལེགས་སྦྱར་གྱི་སྐད་དཀྱུས་མ་མ་ཡིན་ཏེ། དུར་ཁྲོད་ཀྱི་ཨེ་ཝཾ་སྒྲ་སྒྲུབ་སོགས་དང་མཚུངས། ། ༈ བཟློག་ཅེས་པ་ཕར་དང་། ལྡོག་ཅེས་པ་ཚུར་འོང་བའི་དོན་ཡིན་པས་བཀླག་ལུགས་ངག་ལས་བསླབ། སྒྲ་སྦྲ་སོགས་ཀྱང་ཡུལ་སྐད་ཤན་མ་ཤོར་བར་སྒྲ་ཟུར་འབྱིན་པར་བཀླག་དགོས་པར་སྣང་། ། ༈ ལྔ་ལམ་དུ་གྱུར་པ་ནི། མངལ་གནས་སྐྱེ་རྒ་ན་འཆིའོ། །སྤྱོད་ལམ་བཞི་ནི། འགྲོ་འདུག་ཟ་ཉལ་ལམ། འགྲོ་འཆག་ཟ་ཉལ་བཞི་སྟེ། འགྲོ་བ་ནི་དཀྱུས་སུ་འགྲོ་བ་དང་། འཆག་པ་ནི་ཉེ་སྐོར་དུ་གུག་བྱེད་པའི་ཁྱད་ཡིན། ། ༈ དེ་སང་འདུལ་བ་འཛིན་པ་ཕལ་ཆེར། གནས་སྐབས་ཆབ་ལྷྭམ་གུང་ཚིགས་སོགས་ཞིབ་ཞིབ་འདྲ་ལ། །ཕུགས་རྩ་བཞི་དངོས་བརྒྱུད་ནས་སྤྱོད་ཅིང་། ཉོན་མོངས་གཉེན་པོས་མ་ཟིན་པས་རང་རྒྱུད་ཇེ་རགས་སུ་སྡེ་འཁྲུགས་སློང་བས། སོང་བ་ལ་སེམས་སྐྱོ་བར་སྣང་ངོ་།། །། ༈ ཐོག་མར་བསྒྲུབ་བྱའི་གཞིའི་ལྷ་གང་ཡིན་མ་ངེས་ན། བསྒྲུབ་གཞི་མེད་པའི་སྒྲུབ་བྱེད་ཙམ་དུ་ཟད་པས། སྒྲུབ་གཞི་ནི་འདི་ལྟར་འགྲོ་བ་ཐམས་ཅད་རང་བཞིན་རྣམ་དག་ལྷའི་བདག་ཉིད་ཅན་དུ་ཁྱད་མེད་དུ་གནས་པའི་དམ་ཚིག་སེམས་དཔའ་དང་། སངས་རྒྱས་ཐམས་ཅད་ཆོས་ཀྱི་སྐུ་ནི་ཡེ་ཤེས་སེམས་དཔའ་སྟེ། དེ་གཉིས་གདོད་ནས་དབྱེར་མེད་པའི་རང་བཞིན་དུ་བཞུགས་པ་ནི་དམ་ཡེ་གཉིས་མེད་ཀྱི་དོན་ཏེ་སྦྱང་གཞིའོ། །དེ་ལྟར་ཡིན་པ་རང་ངོ་མ་ཤེས་ཤིང་མ་རྟོགས་པར་ཐ་དད་དུ་བཟུང་བ་ན་སྦྱང་བྱའི་དྲི་མའོ། །དེ་སྦྱོང་བྱེད་ཀྱི་ཐབས་ནི་འཁྲུལ་པ་གློ་བུར་བ་ཀུན་བརྟགས་ཀྱི་ཆ་རྣམས་བསྐྱེད་རིམ་གྱིས་དང་། ས་བོན་གྱི་ཆ་ནི་རྫོགས་རིམ་གྱིས་སྦྱོང་བ་ཡིན་ཅིང་། ཇི་ལྟར་སྦྱོང་ན་འཁྲུལ་པའི་ཆོས་ལས་ཉོན་སྡུག་བསྔལ་གྱི་རྣམ་པར་ཤར་པའི་རིགས་རྒྱུན་དེ་ཉིད་ལམ་བདེ་བ་ཆེན་པོར་སྒྱུར་བར་བྱེད་པ་ཡིན་ལ། སྒྱུར་ཚུལ་དེའི་རང་ངོ་ལ་བསལ་བཞག་མེད་པར་བཞག་པས་གང་ཤར་གྱི་རང་བཞིན་དག་སྣང་དུ་འཆར་བའི་གནད་ཀྱིས་ཏེ། རྒྱུ་མཚན་དེས་གསང་སྔགས་ཀྱི་ཐེག་པ་འདིར་ཀུན་འབྱུང་བདེན་པའི་རང་བཞིན་ལམ་བདེན་དང་། སྡུག་བསྔལ་བདེན་པའི་རང་བཞིན་འགོག་བདེན་དུ་སྣང་བས་འབྲས་བུ་ལམ་བྱེད་ཀྱི་དོན་ཡང་དེ་ཡིན་པའི་ཕྱིར་ན་མཚན་ཉིད་ཀྱི་ཐེག་པས་གཞི་སྤོང་འགེགས་ཀྱི་སྦྱོང་བའི་ལམ་ལས་ཁྱད་པར་འཕགས་པའོ། ། ༈ ཨོཾ་ཨཱཿཧཱུྃ། སྐུ་གསུང་ཐུགས་ཀྱི་ས་བོན། སརྦ་ཐམས་ཅད། ས་མ་ཡ་དམ་ཚིག །ཨེ་འདིར། ཨ་རལླི་རོལ་པ། ཧྲིང་ཧྲིང་། འདུས་ཤིག་པའི་བརྡ་སྐད་དེ། རྡོ་རྗེ་གསུམ་གྱི་ལྷ་ཚོགས་ཐམས་ཅད་དམ་ཚིག་གི་རོལ་བས་འདིར་འདུས་ཤིག་ཅེས་བསྐུལ་བའོ། །ས་མ་དམ་ཚིག །ཛཿཛཿདགུག་པའི་ས་བོན་ཏེ། དམ་ཚིག་པ་ལྟར་བྱོན་ཅིག་པའི་སྔགས་ཀྱིས་ཡེ་ཤེས་ཀྱི་དཀྱིལ་འཁོར་རྟེན་དང་བརྟེན་པར་བཅས་པ་བྱོན་པ་དམ་ཚིག་གི་དཀྱིལ་འཁོར་གྱི་སྟེང་གི་ནམ་མཁར་མེ་རི་འདབ་འབྱོར་ཙམ་དུ་བཞུགས་པར་བསྒོམ། དམ་ཡེ་བསྲེ་བའི་སྔགས་ནི། ཛཿཧཱུྃ་བྃ་ཧོཿནི་ཚད་མེད་བཞིས་སེམས་ཅན་གྱི་དོན་ལ་བསྐུལ་པ་སྟེ། དམ་ཚིག་པ་ལ་ཡེ་ཤེས་པ་དགུག་པ་དང་། གཉིས་སུ་མེད་པར་གཞུག་པ་དང་། བྱ་བ་མ་ཟིན་གྱི་བར་དུ་མི་གཤེགས་པར་བཅིངས་པ་དང་། དགྱེས་བཞིན་དུ་བཞུགས་ཤིག་ཅེས་བསྐུལ་དོན་ཡིན་ལ། ས་མ་ཡ་དམ་ཚིག །ཏིཥྛ་བརྟན་པ། ལྷན་དུ་བཞུགས་ཤིག་པའི་བརྡ་སྐད་དེ། འགྲོ་བའི་དོན་མཛད་པར་དམ་བཅས་པ་བཞིན་དུ་བརྟན་པར་བཞུགས་ཤིག་ཅེས་པའོ། །ཏིང་འཛིན་དམ་ཚིག་གི་དཀྱིལ་འཁོར་དང་རང་བཞིན་ཡེ་ཤེས་ཀྱི་དཀྱིལ་འཁོར་གཉིས་ཆུ་ལ་ཆུ་འདྲེས་ལྟར་གྱུར་ཏེ། དབྱིངས་ཡེ་ཤེས་གཉིས་སུ་མེད་པའི་ལྷར་རྟོགས་པ་དེ་ཉིད་འདྲེས་པ་ནན་ཏན་གྱི་ཕྱག་ཅེས་རྣལ་འབྱོར་མཆོག་གི་ཕྱག་རྒྱའོ། ། ༈ དྭངས་མ་ལྔ་བརྟེན་པའི་སེམས་ཉིད་ཀྱི་དྭངས་མ་དང་བཅས་ཟུང་དུ་བསྡེབས་པས་དག་ཐོབ་འབྱུང་ཚུལ། ༡༢ས་ཆུའི་ཁམས་དག་པས་འཁོར་བའི་ལུས་ཀྱི་སྡུག་བསྔལ་ལས། །རྣམ་གྲོལ་བདེ་བ་སྐྱེ་འཆི་བྲལ་བ་ནི། །ཆེན་སྐུ་ཆེན་པོ་པོའི་སྐུ་སྟེ་སྐུ་ཡི་རྡོ་རྗེའོ། །རླུང་མེའི་ཁམས་དག་ངག་གི་སྡུག་བསྔལ་ལས། །རྣམ་གྲོལ་བདེ་བ་འགྲོ་འོང་རྩོལ་བྲལ་བ། །གཞོམ་མེད་གསང་སྔགས་སྒྲ་ཆེན་གསུང་རྡོ་རྗེ། །ནམ་མཁའི་ཁམས་དག་ཡིད་ཀྱི་སྡུག་བསྔལ་ལས། །རྣམ་གྲོལ་བདེ་བ་གཟུང་འཛིན་བྲལ་བ་ཡི། །གཉུག་མ་རང་རིག་གི་ཁམས་རང་བཞིན་སྤྲོས་བྲལ་གྱི། །ཡེ་ཤེས་དེ་ལས་འབྲས་བུ་ཡོན་ཏན་རྣམས། །རང་སྣང་དག་པ་རབ་འབྱམས་འཆར་བ་ནི། །ཐུགས་ཀྱི་རྡོ་རྗེ་མངོན་དུ་གྱུར་པའོ། ། ༈ ནོངས་བཤགས་སོགས་ཀྱི་སྐབས། ཨ་བྷི་དྷ་ན་ལས། ཡི་གེ་བརྒྱ་པ་ཐམས་ཅད་དུ། །གསང་སྔགས་བརྟན་པར་བསྒོམས་ནས་སུ། །རང་གི་མིང་དང་ལྡན་པ་ནི། །གཅིག་ཏུ་སྤེལ་ནས་བཟླས་པར་བྱ། །ཞེས་རིགས་གང་ཡིན་གྱི་ལྷའི་མིང་བཅུག་ནས་བཟླ་གསུངས་ལ། ཡང་ན་རྣལ་འབྱོར་རྒྱུད་ལས། རྡོ་རྗེ་སེམས་དཔའ་རིགས་རྣམས་ཀུན་གྱི་བདག །ཅེས་པ་ལྟར་རྡོ་རྗེ་སེམས་དཔའ་ནི་རིགས་ཐམས་ཅད་ཀྱི་སྤྱི་སྒྲར་གྲགས་པས་མི་བསྐྱོད་པ་ཁོ་ནར་མ་ངེས་པའི་རྡོ་རྗེ་སེམས་དཔའི་ཡིག་བརྒྱ་ཉིད་བཟླས་ཀྱང་ཆོག་གོ ། ༈ རྟོག་ཚོགས་ལྷར་དག་ལ་ལྷ་ཡེ་ཤེས་སུ་དག་པས། ཡེ་ཤེས་ནི་གཟུང་འཛིན་དང་བྲལ་བ་ཡིན་ཕྱིར་བསྒོམས་ཤིང་བསྒྲུབས་པའི་ལྷ་དེ་ཡང་རང་གི་སེམས་ཀྱི་ཆོས་ཉིད་བདེ་གསལ་སྟོང་བ་ཉིད་ཆོས་སྐུའི་ངོ་བོར་གསལ་བར་ཐག་བཅད་དོ། ། ༈ རོ་སྲེག་སོགས་ཀྱི་ཚེ་མེ་པྲ་བརྟག་པ་ནི། སྦྱོང་རྒྱུད་ལས། སྡིག་པ་བཅོམ་པའི་མཚན་མ་ནི། །དཀར་པོ་ཉིད་དང་གཡས་སུ་འབར། །གྱེན་དུ་འབར་ཞིང་དྲི་མ་མེད། །ཟླུམ་ཞིང་རྣམ་པར་མི་འཕྲོ་བ། །བརྟན་པ་གློག་བཞིན་དྲི་མ་མེད། །ཡང་ན་མེ་ལྷ་ཉིད་ཀྱིས་ནི། །བདག་ཉིད་དེ་བཞིན་སྟོན་བྱེད་དེ། །ཟླ་བ་དྲི་མེད་དཀར་འདྲ་ལ། །བཞིན་མདོག་བཟང་ཞིང་འཕྲོ་བར་འགྱུར། །དེ་ཡི་མཚན་མ་འདི་དག་གིས། །དམྱལ་བ་སོགས་ལས་རྣམ་གྲོལ་ཞིང་། །སྡིག་པ་བཅོམ་ནས་བདེ་འགྲོར་ནི། །སྐྱེས་པ་ཡིན་པ་ཤེས་པར་བྱ། །ཞེས་སོ། །གཏེར་ཆེན་འགྱུར་མེད་རྡོ་རྗེས། མདོར་ན་བདེ་དང་མི་བདེའི་ལས་སྣང་ཀུན། །ཇི་ལྟར་ཤར་ཡང་སྤྲོས་བྲལ་དབྱིངས་སུ་ཐིམ། །རང་ཤར་རང་གྲོལ་བསྒོམ་ལས་མ་འདའ་བར། །རེ་དོགས་རྐྱེན་གྱི་འཆིང་བས་མི་འཆིང་མཛོད། ། ༈ མཚན་ཉིད་སྒྲོ་འདོགས་སྤྱོད་པ་རྨི་ལམ་བདེ་བས་མི་འབྲིད་པར། །ཐུན་བཞིའི་ཉམས་ལེན་རྡོ་རུས་ཐུག་པས་དགེ་སྦྱོར་གནད་ལ་གཅིག་དྲིལ་མཛོད། ། ༈ སྔགས་སྡོམ་སྐབས། ཐོབ་བྱའི་ངོ་བོ་ནི། ཐ་མལ་གྱི་སྣང་ཞེན་མཚན་རྟོག་སྡོམ་པར་བྱེད་པ་བསྐྱེད་རིམ་གྱི་སྔགས་སྡོམ་དང་། ལྷར་སྣང་ཞེན་གྱི་མཚན་རྟོག་སྡོམ་པར་བྱེད་པ་རྫོགས་རིམ་གྱི་སྔགས་སྡོམ་མོ། ། ༈ ལྟ་སྒོམ་སྤྱོད་འབྲས་ཀྱི་དོན་བསྡུ་ན། སེམས་ཀྱི་རང་བཞིན་དག་པ་གཉུག་མའི་དོན་དེ་ལ་ཇི་ལྟར་བརྟག་ཀྱང་དངོས་པོ་དང་མཚན་མར་མ་གྲུབ་པས་རྟག་པ་རང་རྒྱུད་པ་མིན། རིག་ཙམ་དུ་མ་འགགས་ཆད་པ་ཅི་ཡང་མེད་པའང་མིན། དེ་གཉིས་ཀ་དང་གཉིས་ཀ་མ་ཡིན་པའི་ཕུང་པོ་གསུམ་སྟེ་མཐའ་ཐམས་ཅད་ལས་འདས་པས་འདི་ཞེས་བརྗོད་མེད། བསམ་མེད། དམིགས་མེད། ཕྱལ་བ་སྟེ། ཞི་བ་ལྷས། གང་ཚེ་དངོས་དང་དངོས་མེད་དག །ཅེས་སོགས་གསུངས་པ་ལྟར་རོ། །སེམས་ལ་སྣང་བའི་གཟུགས་སོགས་ཡུལ་རྨི་ལམ་ལྟར་མ་བརྟགས་ཉམས་དགའ་ཞིང་བརྟགས་ན་གང་དུའང་དམིགས་སུ་མེད་པ་སྟེ། སྣང་རིག་ངོས་བཟུང་དང་བྲལ་པའི་རྗེན་པ་དེ་ཀ་སོ་སོ་རང་གིས་རིག་བྱ་ལས་གཞན་མ་ཡིན་པས་རང་བྱུང་གི་ཡེ་ཤེས་ཞེས་བྱ་སྟེ་ལྟ་བའོ། །དེ་ལྟར་སྒྲོ་འདོགས་ཆོད་པའི་ལྟ་བ་དེའི་རང་གྲིམ་གློད་ལ་སོགས་པའི་རྩོལ་བས་མ་བཅོས་ཤིང་བསལ་བཞག་མེད་པར་རང་ལུགས་སུ་བཞག་པས་རིག་པ་ཡུལ་མེད་རང་གསལ་དུ་ལྷག་གེར་གནས་པ་དེ་ལས་མི་གཡོ་བ་གང་དེ་ཞི་ལྷག་ཟུང་འབྲེལ་གྱི་སྒོམ་པའོ། །ལྟ་སྒོམ་དེའི་ངང་ལས་ནམ་ཡང་མི་འདའ་བར་བག་དང་ལྡན་པས་ཡུན་བསྲིངས་ཤིང་བརྟེན་པས་སྣང་སྤྱོད་ཐམས་ཅད་བདེ་ཆེན་ལྷན་ཅིག་སྐྱེས་པའི་ཡེ་ཤེས་ཀྱི་གྲོགས་སུ་ཁྱེར་ཞིང་སྤྱོད་པ་ནི་སྤྱོད་པའོ། །རྟོགས་གོམས་མཐར་ཕྱིན་པས་གཞི་དེ་ཇི་ལྟ་བ་བཞིན་རྟོགས་པ་ལ་བརྟན་པ་ཐོབ་པ་ནི་སྤང་ཐོབ་མེད་པའི་འབྲས་བུའོ། ། ༈ ཛྙཱ་ན་ཨ་ཝེ་ཤ་ཡ། ཞེས་པ་ནི། ཡེ་ཤེས་ཕོབ་ཅིག་པའོ། ། ༈ བྷྲཱུྃ་ནི་བྷ་ག་སྟེ་ཆོས་དབྱིངས་དང་། ཨོཾ་ནི་ཡེ་ཤེས་ལྔ་ཡི་ངོ་བོ་མཚོན་པས་ན་སྣོད་དབྱིངས་དང་བཅུད་བདེ་ཆེན་ཡེ་ཤེས་ཀྱི་ཕྱག་རྒྱར་འབྲེལ་ཆགས་པའོ། ། ༈ སྟོང་གསུམ་ནི། །གླིང་བཞི་རི་རབ་དང་བཅས་པ་གཅིག་གཉའ་ཤིང་འཛིན་དང་མཐོ་དམན་མཉམ་པས་བསྐོར་བ་འདོད་པ་དང་། གཟུགས་ཀྱི་ལྷའི་ཁང་པས་བརྒྱན་པ་ནི་གླིང་བཞི་པའི་འཇིག་རྟེན་ནོ། །དེ་སྟོང་གི་མཐར་སུམ་ཅུ་རྩ་གསུམ་གྱི་གནས་དང་མཐོ་དམན་མཉམ་པའི་ལྕགས་རིས་བསྐོར་བ་ནི་སྟོང་དང་པོ་སྤྱི་ཕུད་ཀྱི་འཇིག་རྟེན་ནོ། །དེ་སྟོང་གི་མཐར་གཞན་འཕྲུལ་དབང་བྱེད་ཀྱི་གནས་དང་མཉམ་པའི་ལྕགས་རིས་བསྐོར་བ་ནི་སྟོང་གཉིས་པ་བར་མའི་འཇིག་རྟེན་ནོ། །དེ་སྟོང་གི་མཐར་བསམ་གཏན་དང་པོའི་གནས་དང་མཉམ་པའི་ལྕགས་རིས་བསྐོར་བ་ནི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སོ། །དེ་ན་གནས་པའི་སྣོད་བཅུད་ཐམས་ཅད་ཀྱང་སྟོང་པ་ཉིད་དེ་གཟུགས་བརྙན་བཞིན་ནོ། །འོན་ཀྱང་ཡེ་ཤེས་ལྔའི་རྩལ་གཟུང་འཛིན་དུ་འཁྲུལ་པས་དུག་ལྔར་སྣང་བས་འཁོར་བའི་སྡུག་བསྔལ་བསྐྱེད་ཀྱང་། ངོ་བོ་རང་བྱུང་གི་ཡེ་ཤེས་བདེ་བ་ཆེན་པོའི་གནས་ཉིད་ལས་གཞན་དུ་གྱུར་པ་རྡུལ་ཙམ་ཡང་མེད་དོ། །ཨོ་རྒྱན་ཆེན་པོས། རྟོག་པ་ཆོས་ཉིད་ཡིན་ཤེས་ན། །ཆོས་དབྱིངས་གཞན་ཞིག་བསྒོམ་རྒྱུ་མེད། །ཅེས་དང་། རྣམ་པར་རྟོག་པ་བགེགས་ཉིད་དེ། །བགེགས་ནི་རང་གི་སེམས་ལས་བྱུང་། །ཡེ་ནས་སེམས་ཉིད་དག་ཤེས་ན། །བགེགས་ཞེས་བྱ་བ་གཞན་ན་མེད། །ཅེས་སོ། ། ༈ ཕུང་ལྔ་གནས་སུ་དག་པའི་རྟགས་སུ་འབྱུང་ལྔ་ཟད་པར་འགྲུབ། །ཚོགས་བརྒྱད་གནས་སུ་དག་པའི་རྟགས་སུ་ལས་ཕྲན་ཚེགས་བརྒྱད་འགྲུབ། །ཡེ་ཤེས་གྲུབ་པའི་རྟགས་སུ་ལས་བཞི་ལྷུན་གྱིས་གྲུབ་པ་སྟེ་མཆོག་བསྒྲུབས་པས་ཐུན་མོང་ཞར་ལ་གྲུབ་པའི་ངེས་པའོ། ། ༈ སྔགས་ཀྱི་ཡན་ལག་ལྔ་ནི། བདག་གི །ལྷའི། གསང་སྔགས་ཀྱི། བཟླས་བརྗོད་ཀྱི། འཕྲོ་འདུའི་དེ་ཁོ་ན་ཉིད་དོ། ། ༈ ས་བཅུ་སོ་སོའི་རང་སྐལ་གྱི་དྲི་མ་སྦྱང་བྱ་ནི། ས་དང་པོར་སེར་སྣ། གཉིས་པར་ཚུལ་འཆལ། གསུམ་པར་ཁོང་ཁྲོ། བཞི་པར་ལེ་ལོ། ལྔ་པར་རྣམ་གཡེང་། དྲུག་པར་ཤེས་འཆལ། བདུན་པར་ཐབས་མི་མཁས། བརྒྱད་པར་སེམས་ཅན་གྱི་དོན་མི་འགྲུབ་པས་སྟོབས་ལ་སྒྲིབ་པ། དགུ་པར་སྨོན་པའི་དོན་མི་འགྲུབ་པ། བཅུ་པར་ཤེས་བྱ་ཕྲ་མོའི་ས་བོན་དང་བཅས་པ། ཕར་ཕྱིན་བཅུ་དང་སའི་ཡོངས་སུ་སྦྱངས་པས་ས་བཅུའི་དྲི་མ་རྣམས་རིམ་གྱིས་བྱང་ཞིང་ས་བཅུའི་རྒྱུན་གྱི་ཐ་མ་འོད་ཟེར་ཆེན་པོས་དབང་བསྐུར་བའི་ཚེ་རྡོ་རྗེ་ལྟ་བུའི་ཏིང་འཛིན་ཐོབ་ནས་སངས་རྒྱ་བར་བྱེད་དོ། ། ༈ སྤྲུལ་པ་ཀུན་ཏུ་ཚད་མེད་པས་ཀུན་ཏུ་འོད་སྤྲུལ་སྐུའི་ས་དང་། རང་སྣང་དག་པའི་སྣང་བ་ཚད་མེད་པས་པདྨ་ཅན་ལོངས་སྐུའི་ས་དང་གཉིས་སུ་མེད་པའི་ཡེ་ཤེས་ཚད་མེད་པས་སའི་མཆོག་འཁོར་ལོ་ཚོགས་ཆེན་ཆོས་སྐུའི་སའོ། །དེས་ན་ཀུན་ཏུ་འོད་ཆོས་སྐུ། འཁོར་ལོ་ཚོགས་ཆེན་སྤྲུལ་སྐུར་འདོད་པ་ནི་ནོར་བ་ཡིན། ། ༈ ལམ་གྱི་འབྲས་བུ་ནི། ཀུན་འོད། པདྨ་ཅན། ཡི་གེ་འཁོར་ལོ་ཚོགས་ཆེན། བདེ་བ་ཆེན་པོ། རྡོ་རྗེ་འཛིན་པ། ཀུན་ཏུ་བཟང་པོ་དབྱེ་བ་མེད་པའི་ས་དྲུག་ལ་མངའ་བརྙེས་པའོ། །འདི་དག་ནི་སངས་རྒྱས་ཀྱི་སའི་སྣང་སྟོང་དང་ཡེ་ཤེས་ལ་སོགས་པའི་ཡོན་ཏན་གྱི་ཆ་ལས་བཏགས་ཀྱིས་ཐ་དད་པ་རེ་རེའི་ས་གོང་ནས་གོང་དུ་བགྲོད་པ་ནི་མ་ཡིན་ནོ། །དེའང་སྤྲུལ་པས་མཁྱེན་གཉིས་ཀྱིས་འགྲོ་དོན་མཛད་པས་ན་ཀུན་འོད། ལོངས་སྐུ་སྣང་བས་པདྨ་ཅན། ཡི་གེའི་སྤྲིན་སྤྲོ་བ་ཡི་གེ་ཚོགས་ཆེན། ཟུང་འཇུག་གི་བདེ་བ་ཆེན་པོའི་དབྱིངས་སུ་བཞུགས་པ། མཐར་ཐུག་གི་བགྲོད་བྱ་ཐམས་ཅད་ཀྱི་བླ་མར་གྱུར་པས་རྡོ་རྗེ་འཛིན་པ། དེ་ཐམས་ཅད་དབྱེར་མེད་པའི་ཀུན་ཏུ་བཟང་པོ་དབྱེ་བ་མེད་པའི་ས་ཞེས་བརྗོད་པ་ཡིན་ཅིང་། ཀུན་ཏུ་འོད་ཀྱིས་ལས་འདས་པ་ནི། ཆོས་སྐུ་ལས་འདས་པའི་གཟུགས་སྐུའི་སྣང་བས་དོན་མཛད་པ་ཙམ་ལ་དགོངས་པའོ། ། ༈ རིག་མེ་དོར་བའི་སྔགས་དོན། ཨོཾ་བཛྲ་ས་མ་ཡ་ཨོཾ་ནི་སྐུའི་དམ་ཚིག་གིས་སྐུར་སྒྲུབ་པ་སྟེ་དེ་བཞིན་སྦྱར་རོ། ། ༈ ཨོཾ་ཡེ་ཤེས་རྒྱལ་པོ་ཞེས་བཅོམ་ལྡན་འདས་ལ་བོས་ཏེ། དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཡོན་ཏན་ཕྲིན་ལས་རྨད་དུ་བྱུང་བ་ཆེན་པོའི་དངོས་གྲུབ་ད་ལྟ་ཉིད་དུ་མཉམ་པར་སྦྱོར་བའི་བདག་པོས། ལྷའི་སྐུ་གསུང་ཐུགས་ཕྱག་རྒྱ་ཆེན་པོར་ད་ལྟ་ཉིད་དུ་བདག་ལ་སྦྱོར་ཅིག་པའོ། །ཨོཾ་བཛྲ་ས་མ་ཡ་ཧཱུྃ། ཨོཾ་བཛྲ་ས་མ་ཡ་སྟཾ། ཨོཾ་བཛྲ་ས་མ་ཡ་ཧོཿརྣམས་ཀྱིས་སྐུ་གསུང་ཐུགས་ཀྱི་དམ་ཚིག་དུས་ལ་བབ་པར་བསྐུལ་པའོ། །དབང་བསྐུར་བའི་སྔགས་དོན། ཨོཾ་མ་གུང་མོ་སྤྱི་གཙུག་ཧཱ་ཤཱུ་ནྱཏཱ། སྟོང་པ་ཉིད། ཨཱ་མཛུབ་མོ་དཔྲལ་བ་དཪྴ། མེ་ལོང་ལྟ་བུའི་ཡེ་ཤེས། པྲཏྱ་རྣ་ལྟག་གཡས་སྲིན་ལག་པ་ཥ་ཎཱཀྵཱཿསོ་སོར་རྟོག་པ། ས་མ་ལྟག་པ་མཐེ་བོང་ཏཱ། མཉམ་པ་ཉིད། ཀྲྀཏྱ་ནུཥྛཱན། མཐེའུ་ཆུང་རྣ་ལྟག་གཡོན། བྱ་བ་ནན་ཏན། ཛྙཱ་ན་བཛྲ་སྭ་བྷཱ་ཝ་ཨཏྨ་ཀོ྅ཧཾ་ནི། ཡེ་ཤེས་རྡོ་རྗེའི་ངོ་བོ་ཉིད་ཀྱི་བདག་ཉིད་ནི་ངའོ། །ཞེས་པའོ། །བྱིན་གྱིས་བརླབས་པའི་སྔགས། ཨོཾ་སརྦ་ཏ་ཐཱ་ག་ཏ་མ་ཧཱ་ཀ་ཡ་བཛྲ་སྭ་བྷཱ་ཝ་ཨཏྨ་ཀོ྅ཧཾ་ནི། དེ་བཞིན་གཤེགས་པ་ཐམས་ཅད་ཀྱི་སྐུ་རྡོ་རྗེའི་རང་བཞིན་ང་ཡིན་ནོ། །ཞེས་པའོ། ། ༈ སྒྲུབ་གནས་ཀྱི་མཚན་ཉིད་ནི། ལས་རིམ་ལས། ཟུར་བརྒྱད་ལ་སོགས་རྩེ་མདའ་དང་། །ཆུ་བོ་ཤིན་ཏུ་མ་པོ་ཡང་། །མཉམ་ཞིང་ཡིད་འོང་ཁ་ཡི་ཆུ། །ཉི་མ་ཤིན་ཏུ་གནས་པ་ནི། །ནམ་མཁའི་མཚན་ཉིད་ཤེས་པར་བྱ། །མཐོ་དང་མདུན་ས་ནུབ་བྱང་ཡིན། །ཤར་ལྷོ་གཞོལ་ཞིང་འཇམ་པ་ལ། །ཐོ་སྒྲོ་གྲོག་མདོ་ཆུ་སྣ་ཚོགས། །དལ་དབང་སྒྲ་ཡི་མཚམས་བརྟག་བྱ། །ལྷུན་སྡུག་རི་བོ་ནགས་ཚལ་ལྡན། །རབ་ཏུ་མཉམ་ཞིང་སྣུམ་བག་ཅན། །ཆུ་བོ་དབང་གི་ཕྱོགས་ཡིན་ཏེ། །ཅུང་ཟད་ཀྱིས་ནི་རླུང་ཉུང་ཞིང་། །མེ་ཏོག་ཤིང་ཚལ་བྱ་སྐད་བརྟག །ལོ་རྒྱུས་ཤེས་པའང་མཆོག་ཏུ་གསུངས། །བདག་ཉིད་བརྟགས་ཤིང་ཉམས་དགའ་དང་། །བསམ་གཏན་དགྲ་ལས་རིང་གྱུར་པ། །རང་ཁྱིམ་ལ་སོགས་དེ་བཞིན་ཏེ། །ནན་ཏན་ནུས་མཐུ་ལྡན་ཕྱིར་ཡིན། །ཞེས་སོ། ། ༈ རྒྱ་མཚོ་ལས། མཆོད་པའི་ཕྱག་རྒྱ་ཆེ་མཆོག་ནི། །སེམས་ཀྱི་རྟོག་ཚོགས་ཀུན་བསྒྲལ་ཏེ། །མཆོད་དང་མཆོད་བྱ་མི་དམིགས་པའི། །རང་བཞིན་ནམ་མཁའི་ངང་དུ་བསྒོམ། །ཞེས་སོ། ། ༈ སངས་རྒྱས་མཉམ་སྦྱོར་ལས། ཆོས་དབྱིངས་མཉམ་དང་མི་མཉམ་པ། །ནམ་མཁའ་དབྱིངས་ཀྱི་མཐའ་ཀླས་པའི། །དངོས་པོ་ཐམས་ཅད་དེ་ཡིན་ཏེ། །ནམ་མཁའ་ཀུན་གྱི་དབྱིངས་ན་དཔལ། །རྡོ་རྗེ་སེམས་དཔའ་རྟག་ཏུ་བཞུགས། །ཞེས་པ་དེ་བཞིན་ཉིད་ཀྱིས་ཀུན་ལ་ཁྱབ་པའི་དོན་ཏོ། ། ༈ དབང་ཐོབ་ནས་བཟུང་ཐེག་དམན་དུ་ནི་ལྡོག་པ་ནི། རྡོ་རྗེ་རྩེ་མོ་ལས། ཇི་སྲིད་ས་བརྒྱད་མ་ཐོབ་པར། །དེ་སྲིད་ཐེག་པ་དམན་པས་འཇིགས། །གསང་ཆེན་ཐེག་པ་འདི་རུ་ནི། །ཞུགས་པ་གང་དང་གང་ཡིན་པ། །དེ་ནི་རྒྱལ་སྲས་ས་པ་ཡིན། །ཞེས་སོ། ། ༈ དམ་ཚིག་བཀོད་པའི་རྒྱུད་ལས། བླ་མ་རྡོ་རྗེ་འཛིན་མཆོད་ན། །དཀྱིལ་འཁོར་ཐམས་ཅད་མཆོད་པ་ཡིན། །ཉེ་བའི་དཀྱིལ་འཁོར་སྨོས་ཅི་དགོས། །ཉེས་ཟད་དངོས་གྲུབ་མཆོག་ཐོབ་འགྱུར། །ཞེས་སོ། ། ༈ དགའ་བཞི་ཡེ་ཤེས་བཞི་སྦྱོར་ཚུལ་ནི། དང་པོ་དགའ་བའི་ཡེ་ཤེས་ཀྱིས་ཞེ་སྡང་གནས་སུ་དག་པས་བདེ་གསལ་ལ་རང་བཞིན་མེད་པ་མེ་ལོང་ཡེ་ཤེས་སོ། །གཉིས་པས་ང་རྒྱལ་རློམ་སེམས་དག་ཅིང་ཡབ་ཡུམ་གཉིས་སུ་མེད་པས་མཉམ་ཉིད་ཡེ་ཤེས། གསུམ་པས་འདོད་ཆགས་རགས་པའི་འཛིན་རྟོག་ནུབ་པས་བདེ་བའི་རང་བཞིན་སྟོང་པར་ཤེས་པ་སོར་རྟོག །བཞི་པས་ཕྲག་དོག་དག་ཅིང་བདེ་སྟོང་གི་བྱ་བ་མཐར་ཐུག་པས་བྱ་གྲུབ་བོ། །དེ་ནས་ཡས་བརྟན་གྱི་དགའ་བཞི་མཐར་ཕྱིན་ཏེ་གང་དུའང་རྟོག་པ་མེད་པ་ནི་ཆོས་དབྱིངས་ཡེ་ཤེས་སོ། ། ༈ རྡོ་རྗེ་ལས། ཆོས་ཉིད་དག་པའི་རྣལ་འབྱོར་པས། །བསྐྱེད་པའི་ཆོ་ག་ལས་རབ་དག །ལྷག་དང་མ་ཚང་ཉེས་བྲལ་ཞིང་། །དངོས་གྲུབ་ཡ་མཚན་ཆེན་པོ་འབྱུང་། །ཞེས་པས་སྤང་བླང་མེད་པའི་དེ་ཁོ་ན་ཉིད་ལ་གོམས་པས་བསྐྱེད་རིམ་གྱི་ཆོ་ག་ཕྲ་མོ་རྣམས་ལྷག་མ་མ་ཚང་ཡང་ཆོ་གའི་ཡན་ལག་ཉམས་པར་མི་འགྱུར་རོ། ། ༈ ཚིག་དོན་རིན་པོ་ཆེའི་མཛོད་ལས། འགྲོ་བ་ཀུན་གྱི་ལུས་ལ་ཡེ་ཤེས་ཆེན་པོ་གནས་ཤིང་དེས་ཁྱབ་ཀྱང་བླ་མས་མ་བསྟན་ན་མཐོང་དུ་མི་རུང་ཞིང་། བྱང་ཆུབ་སེམས་དཔའ་ས་བཅུ་པས་ཀྱང་རྟོགས་པར་དཀའ་བ་དང་། བླ་མས་བསྟན་ན་དངོས་སུ་མཐོང་ལ་རང་བཞིན་དུ་བར་དོར་རང་སྣང་མངོན་དུ་འཆར་རོ། །རྒྱུད་ལས། རྣམ་དག་ལུས་འདི་བོར་མ་ཐག །རང་སྣང་ཡུལ་དང་འཕྲད་པར་འགྱུར། །ཞེས་སོ། །ཁྱད་ཆོས་བྱེ་བྲག་ཏུ་བཤད་ན། སྙིང་པོ་དེ་ལ་སྐུ་ལྔ། འོད་ལྔ། རིགས་ཀྱི་ཆོས་ལྔ། ཡེ་ཤེས་ཀྱི་རླུང་ལྔ། ངོ་བོ་རང་བཞིན་ཐུགས་རྗེའི་ཆོས་ལྔ། ཡེ་ནས་གནས་པའི་རྟགས་སུ། མ་དག་པའི་སྣང་བ་ལ་ཉོན་མོངས་པ་ལྔ། ཕུང་པོ་ལྔ། འབྱུང་བ་ལྔ། དབང་པོ་ལྔ། འདོད་ཡོན་ལྔ། སྒོ་གསུམ་རང་བཞིན་གྱི་ཆོས་ལྔར་གནས་ཏེ། མུ་ཏིག་ཕྲེང་བ་ལས། དེ་ལྟར་སྙིང་པོ་དེ་ཉིད་ལ། །སྐུ་ལྔ་ཡེ་ཤེས་ལྔ་དང་ནི། །འོད་ལྔ་ཁ་དོག་རྣམ་པ་ལྔ། །ཆོས་ལྔ་ཡེ་ཤེས་རླུང་ལྔ་ཉིད། །ངོ་བོ་ལྔ་དང་རང་བཞིན་ལྔ། །ཐུགས་རྗེ་ལྔ་ཡིས་ཀུན་ལ་ཁྱབ། །ཅེས་སོགས་རྒྱས་པར་གསུངས། ། ༈ དབྱིངས་རིག་ཉམས་སུ་ལེན་དུས་རྣལ་འབྱོར་བཞིའི་གནད་ངེས་པ་རང་ཐོག་ཏུ་དབབ་པ་ནི། དང་པོ་ལྟ་བ་རྣལ་འབྱོར་དུ་བྱེད་པ་ནི། རྒྱ་མཚོ་དྭངས་པ་ལ་གཟའ་སྐར་ཤར་བ་མཐོང་བ་བཞིན་དུ་ལུ་གུ་རྒྱུད་ཀྱི་སྣང་བ་ཟང་ཐལ་དུ་མཐོང་དུས་དེ་ལ་བལྟ་ཡང་ནང་གི་ཤེས་པ་སྙོམས་བྱེད་དང་བྲལ་བར་རྗེན་ཡེ་རེ་བཞག་གོ །སྒོམ་པ་རྣལ་འབྱོར་དུ་བྱེད་པ་ནི། ལུ་གུ་རྒྱུད་ལ་འགུལ་འཕྲིག་མེད་པར་ཉམས་སུ་ལེན་པའོ། །སྤྱོད་པ་རྣལ་འབྱོར་དུ་བྱེད་པ་ནི། ལུ་གུ་རྒྱུད་ལ་བལྟ་དུས་གཉིས་སྣང་བློ་ཡི་ཞེན་པ་ལས་འདས་པར་སྤྱོད་པའོ། །འབྲས་བུ་རྣལ་འབྱོར་དུ་བྱེད་པ་ནི། ལུ་གུ་རྒྱུད་ལ་བལྟ་དུས་དེར་རེ་དོགས་མེད་པར་ལྷུན་གྲུབ་རང་ཆོས་སུ་རྫོགས་པར་ཉམས་སུ་ལེན་པའོ། ། ༈ གསང་བ་རྒྱལ་པོའི་དམ་ཚིག་བཞི་ནི། འཁྲུལ་སྣང་རྨི་ལམ་དང་འདྲ་བའི་སྣོད་བཅུད་ཕྱི་ནང་གི་ཆོས་ཐམས་ཅད་གཞི་མེད་པར་རྟོགས་པའི་ངང་ལས་མི་འདའ་བ་དང་། ཚོགས་དྲུག་ཡུལ་དང་དབང་པོའི་བསྡུས་པ་ལ་བླང་དོར་དང་འཛིན་ཞེན་མེད་པར་ཆོས་ཉིད་བྱ་བ་དང་བྲལ་བའི་ངང་དུ་ཕྱལ་པར་བཞག་པ་ལས་མི་འདའ་བ་དང་། རང་བྱུང་གི་ཡེ་ཤེས་འོད་གསལ་གྱི་སྣང་བ་དང་བཅས་པ་ལྷུན་གྱིས་གྲུབ་པར་རྟོགས་པའི་རང་དུ་མི་འབྲལ་བ་དང་། ཆོས་སོ་ཅོག་རྩ་བ་རིག་པའི་ཡེ་ཤེས་གཅིག་པུའི་ངང་ལས་བྱུང་། ངང་ལ་སྣང་། ངང་དུ་གྲོལ་བ་ལས་གཞན་མེད་པར་ཐག་བཅད་པའོ། །དང་པོ་ཁྲེགས་ཆོད་དང་། ཕྱི་མ་གཉིས་ཐོད་རྒལ་གྱི་དམ་ཚིག་ཏུ་བསྟན་ཏོ། ། ༈ གཞི་ལྷུན་གྱིས་གྲུབ་པའི་དཀྱིལ་འཁོར་ལ་གསུམ། ཞི་བ་ཆོས་ཉིད་ཀྱི་ཁྲོ་བོ་དངོས་དང་མཚན་མ་མེད་པས་ཆོས་སྐུ་སྤྲོས་པའི་མཐའ་དང་བྲལ་བའོ། །དེའི་ངང་ལས་འོག་མིན་དུ་ཧེ་རུ་ཀའི་དཀྱིལ་འཁོར་སྣང་བ་ནི་ལོངས་སྤྱོད་རྫོགས་པ་རང་བཞིན་དོན་གྱི་གནས་ལུགས་སོ། །དེའི་ཐུགས་རྗེ་ལྷུན་གྱིས་གྲུབ་པས་གང་འདུལ་གྱི་ཁྲོ་བོར་སྣང་བ་ནི་མཛད་པ་ཕྲིན་ལས་ཀྱི་རང་བཞིན་སྤྲུལ་པའི་སྐུའི་ངོ་བོའོ། ། ༈ ཆོས་ཉིད་སྤྲོས་བྲལ་ནི་མཚན་མའི་གནས་མེད་པས་ངང་གིས་ཁྲོ་བ་དང་། ཡེ་ཤེས་རྒྱས་ནས་མི་ཤེས་དང་ཕྱིན་ཅི་ལོག་གི་གནས་མེད་པས་སྤང་བྱ་ལ་བལྟོས་ནས་ངང་གིས་ཁྲོ་བ་དང་། ཐུགས་རྗེས་འགྲོ་བ་སྐྱོབ་པ་ན་འབད་རྩོལ་མེད་པར་མི་མཐུན་པའི་ཕྱོགས་འཇོམས་པས་ན་ཤུགས་ཀྱིས་ཁྲོ་བ་དང་། གདུལ་བྱའི་དབང་གིས་ཁྲོ་བོར་བཅོས་པ་ལྟར་སྣང་བ་དང་བཞིར་ཡང་གསུངས་ཤིང་། དེ་སྐད་དུ་རྡོ་རྗེ་ལས། ཡང་དག་ཤེས་རབ་ཆེན་པོ་ནི། །མཚན་མ་འཇོམས་ཕྱིར་ཁྲོ་བོའི་མཆོག །ཅེས་དང་། རྒྱས་པ་ལས། རང་རིག་ཡེ་ཤེས་རྒྱལ་པོ་ཡིས། །ཕྱོགས་བཅུ་ཐམས་ཅད་དབང་བསྡུས་ནས། །ཀུན་ཀྱང་མི་དམིགས་དབྱིངས་སུ་ཐིམ། །ཞེས་སོ། །དེ་ཡང་འགྲོ་བ་གདུག་པ་ཅན་དང་ཆགས་སོགས་ཞི་བའི་རིགས་གཉིས་འབྱུང་བའི་དོན་ནི། སྤྱི་བོ་དང་སྙིང་ག་ན་ཁྲོ་བོ་དང་ཞི་བའི་དཀྱིལ་འཁོར་ལྷུན་གྲུབ་ཏུ་ཡོད་པའི་རྩལ་ཆེ་ཆུང་དང་། མ་རིག་པ་བདག་ཏུ་འཛིན་པས་འཁོར་བར་འཁྲུལ་དུས་ཞེ་སྡང་དང་། དེའི་འཁོར་ང་རྒྱལ་ཕྲག་དོག་གཉིས་དང་མཚུངས་ལྡན་གྱི་ལས་ཀྱི་ཁྲོ་བོའི་གདངས་མ་རུངས་ཤིང་གཏུམ་པར་སྣང་བས་ཕ་རོལ་གནོད་པའི་གཞིར་གྱུར་ཅིང་། འདོད་ཆགས་ཀྱིས་ཞི་བའི་མདངས་འཕེལ་བས་དགའ་ཞིང་ཆགས་པ་དབང་དུ་བྱེད་པ་སྟེ། གཏི་མུག་ནི་གཉིས་ཀའི་ངོ་བོར་གནས་པའོ། །དེ་དང་མཐུན་པར་འདུལ་བྱེད་ཀྱང་ཞི་ཁྲོ་གཉིས་སུ་འབྱུང་ངོ་། ། ༈ དེ་དག་ཀྱང་གཞི་ལམ་འབྲས་གསུམ་དུ་གནས་ཏེ། གཞི་ཡེ་ནས་དག་པའི་ཁྲོ་བོ་ནི་སེམས་ཅན་དང་སངས་རྒྱས་ཐམས་ཅད་ལ་ཁྲག་འཐུང་གི་དཀྱིལ་འཁོར་ལྷུན་གྲུབ་ཏུ་སྤྱི་བོར་གནས་པའོ། །ལམ་མངོན་པར་སྒྲུབ་པའི་ཁྲོ་བོ་ནི་དཀྱིལ་འཁོར་བསྐྱེད་ཅིང་བསྒོམ་པའོ། །འབྲས་བུ་ལྷུན་གྱིས་གྲུབ་པའི་ཁྲོ་བོ་ནི་དྲི་མ་དག་སྟེ་རང་སྣང་ལྷུན་གྲུབ་སྟུག་པོ་བཀོད་པར་ཁྲོ་དཀྱིལ་དུ་སྣང་བའོ། །གཞི་ལ་ཁྲོ་བོ་མེད་ན་ལམ་དུ་དེ་སྒྲུབ་པ་ཡང་མི་རིགས་པ་དང་། གསར་རྙིང་ཀུན་ལ་གྲགས་པའི་ལུས་དཀྱིལ་རྣམས་ཀྱང་དོན་མེད་དུ་འགྱུར་བ་དང་། བསྒྲུབས་ཀྱང་མི་འགྲུབ་པའི་སྐྱོན་དང་། སྤྲུལ་པའི་ཁྲོ་བོ་གཞི་མེད་པས་དེ་ལས་འཕྲོས་པའི་སྤྲུལ་པ་མི་རིགས་པ་སོགས་སྐྱོན་དུ་མ་ཡོད་དོ། ། ༈ སྔར་ཞི་བ་ཡིན་པ་ཕྱིས་ཁྲོ་བོར་བསྒྱུར་བ་ཡང་མ་ཡིན་ཏེ་ཡེ་ནས་ལྷུན་གྱིས་གྲུབ་པའི་གནད་ཀྱིས་སོ། ། ༈ སྔོན་ཚེ་དཔལ་ཆེན་པོས་དྲེགས་པ་ཅན་རྣམས་བཏུལ་བའི་ཚེ་ཧེ་རུ་ཀའི་དཀྱིལ་འཁོར་དུ་དྲེགས་པའི་དབང་ཕྱུག་ཆེན་པོ་རུ་ཏྲ་དང་། ཚངས་པ་སོགས་ཕོ་རྒྱུད་ཉི་ཤུ་རྩ་བརྒྱད་རྣམས་ཧེ་རུ་ཀའི་དཀྱིལ་འཁོར་དུ་བདེན་པ་མཐོང་ཞིང་། དེའི་དམ་བཅའ་ཕུལ་བ་དང་། དེ་ནས་དེ་རྣམས་ཀྱི་ཡུམ་དབང་མོ་ཉེར་བརྒྱད་ལའང་མིང་གི་དབང་བསྐུར་ལག་ཏུ་རྡོ་རྗེ་བྱིན་ཏེ་ལས་སོ་སོར་བཀའ་བསྒོས་ནས་དཀྱིལ་འཁོར་གྱི་ཕྱི་རོལ་ཁྱམས་ཕྱི་མར་བཀོད་དོ། །འདི་རྣམས་ཐུན་མོང་གི་ལུགས་སུ་འཇིག་རྟེན་གྱི་དྲེགས་པར་བྱེད་ཀྱང་། ཐུན་མོང་མ་ཡིན་པར་འཇིག་རྟེན་འདས་པར་བསྟན་ཅིང་། ཤིན་ཏུ་ཐུན་མོང་མ་ཡིན་པས་ནི་རྩ་གནས་འཁོར་ལོའི་ནང་ན་ཡོད་པ་སངས་རྒྱས་པའི་ཚེ་དེ་ལྟར་སྣང་བར་འདོད་དོ། ། ༈ ལྷའི་ཚོམ་བུ་ཞེས་པ་སྒོ་དང་རྟ་བབས་ལ་སོགས་པའི་གཞལ་ཡས་ཁང་གི་རྣམ་པ་མེད་པའི་ལྷའི་གཙོ་འཁོར་ཡིན་ལ། དཀྱིལ་འཁོར་ནི་གཞལ་ཡས་ཁང་དང་བཅས་པར་འདོད་ཅིང་། ལྷ་རྣམས་སྐོར་ཚོམ་དུ་བཞུགས་པ་ལའང་ཚོམ་བུར་བཏགས་སོ། ། ༈ སྣང་ལ་རང་བཞིན་མེད་པའི་མཆོད་པ་འབུལ་བ་ནི། ཏིང་ངེ་འཛིན་ཡིད་ཀྱིས་མཆོད་པ་དང་། གསང་བ་བདེ་བ་ཆེན་པོའི་མཆོད་པའོ། །དང་པོ་ལ་ཡང་། ཀུན་རྫོབ་སྒྱུ་མ་དང་དེའི་རྫོགས་རིམ། དོན་དམ་ཡེ་ཤེས་ཀྱི་མཆོད་པའོ། །དང་པོ་ལ་གཉིས། ཏིང་ངེ་འཛིན་གྱི་མཆོད་སྤྲིན་བཀོད་པ་ནི། དཀྱིལ་འཁོར་ལ་ཡིད་སྤྲུལ་གྱིས་ཇི་ལྟར་མཆོད་པའི་ཕྱག་རྒྱ་ཆེན་པོ་ནི། རང་གི་སེམས་ཀྱིས་བཀོད་པའི་ཡིད་བཞིན་གྱི་ནོར་བུའི་སྤྲིན་ཕུང་འཁྲིགས་པའི་ཚོགས་ཀྱིས་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་རྣམ་པར་དག་པ་རིན་པོ་ཆེ་སྣ་ཚོགས་ཀྱི་རང་བཞིན་རྒྱན་སྟུག་པོ་བཀོད་པའི་ཞིང་ཁམས་ལྟ་བུར་བྷྲཱུྃ་གྱིས་གསལ་གདབ་བོ། །དེའང་རྒྱན་དང་བཀོད་པའི་བྱེ་བྲག་བསམ་གྱིས་མི་ཁྱབ་ཅིང་ཡིད་དུ་འོང་བས་མཛེས་པར་སྤྲས་ཤིང་། མཉེན་ལ་འཇམ་ཞིང་རེག་ན་བདེ་བའི་རང་བཞིན་རྒྱུ་སྣ་ཚོགས་རིན་པོ་ཆེའི་ས་གཞི་ཁོད་པ་ལ། རིན་པོ་ཆེ་སྣ་ཚོགས་ཀྱིས་མིག་མང་རིས་སུ་མཛེས་པར་བྲིས་ཤིང་སྤྲས་པ། ཏྲཾ་ལས་འདོད་དགུ་འབྱུང་བའི་འོད་ཟེར་གྱི་དྲ་བ་འབར་བའི་བརྗིད་ཅིང་ཡིད་དུ་འོང་བའི་དོན་ཡིན། རི་བོ་ལྷུན་སྡུག་པ་དང་། ཁཾ་ལས་མཚོ་དང་ལྟེང་ཀ་ལ་སོགས་པ་ཁ་དོག་མཛེས་ཤིང་དབྱིབས་ལེགས་པའི་པདྨའི་རྫིང་བུ་རོ་བྲོ་བའི་མཆོག་བསིལ་བ་ལ་སོགས་པ་ཡན་ལག་བརྒྱད་ལྡན་གྱི། ཆུས་ཡོངས་སུ་གང་བ་མེ་ཏོག་གིས་ཁེབས་ཤིང་བྱ་སྐད་སྙན་པར་སྒྲོགས་པའོ། །བྷྲཱུྃ་ལས་རིན་པོ་ཆེའི་ཁང་པ་དབྱིབས་དང་ཁ་དོག་དང་བཀོད་པའི་བྱེ་བྲག་སྣ་ཚོགས་པས་བརྒྱན་པ་རབ་ཏུ་གང་བ་མང་པོ་དང་། ཨཾ་ལས་སྐྱེད་མོས་ཚལ་གྱི་གཞིར་རིན་པོ་ཆེའི་རྒྱན་ཕྲེང་དང་། ལྷ་ཡི་དཔག་བསམ་གྱི་ལྗོན་པའི་ཚལ་གོས་དང་ནོར་བུ་སྣ་ཚོགས་ཀྱི་དྲ་བས་དཔྱངས་པ་དང་། ཧྲཱིཿལས་སྒྲ་སྙན་ཐམས་ཅད་གླུ་དབྱངས་སྙན་པ་དང་། བསྟོད་པ་དང་ཤིས་པ་བརྗོད་པ་ལ་སོགས་པའི་ཚིགས་སུ་བཅད་པའི་སྒྲ་རང་འབྱུང་བ་དང་། ཨཾ་ལས་གོས་ཀྱི་རྣམ་པ་དང་མཆོད་པའི་ཡོ་བྱད་བླ་བྲེ་དང་། རྒྱལ་མཚན་དང་། གདུགས་དང་། སྟོད་གཡོགས་དང་སྨད་གཡོགས་ལ་སོགས་པའི་ན་བཟའ་སྣ་ཚོགས་པ། ཏྲཱཾ་ལས་དབུ་རྒྱན་དང་མགུལ་རྒྱན་དང་དོ་ཤལ་དང་དཔུང་རྒྱན་དང་སེ་མོ་དོ་ལ་སོགས་པའི་རྒྱན་གྱི་བྱེ་བྲག་བསམ་གྱིས་མི་ཁྱབ་པ་དང་། ཨོཾ་ལས་རོ་མཆོག་བརྒྱ་དང་ལྡན་པའི་བཟའ་བ་སྣ་ཚོགས་པ་དང་། བཏུང་བ་ཞིམ་པོ་དང་། གོས་ཟུང་རིན་པོ་ཆེ་སྣ་ཚོགས་ཀྱིས་སྤྲས་པའི་བགོ་བ་སྣ་ཚོགས་པ་རྣམས་དང་། ཧཱུྃ་ལས་སེམས་ཅན་ཐམས་ཅད་ཀྱི་ལུས་དང་། རང་རང་ལ་ཇི་ལྟར་འོས་པའི་གོས་དང་རྒྱན་ལ་སོགས་པས་མཛེས་པར་བརྒྱན་པ་ཡི་ལྷ་དང་ལྷ་མོའི་རང་བཞིན་རྡུལ་ཕྲ་རབ་སྙེད་ཀྱི་གྲངས་དང་མཉམ་པར་གྱུར་པ། ཐམས་ཅད་ཀྱིས་རྐང་པའི་བྲོ་དང་ལག་པའི་གར་དང་རོལ་མོའི་གླུ་དབྱངས་ལ་སོགས་པ་བསམ་ཡས་ཀྱིས་མཉེས་པར་བྱེད་པའོ། །དེ་ལྟ་བུའི་མཆོད་པའི་སྤྲིན་གྱིས་ཕྱོགས་བཅུའི་ནམ་མཁའི་ཁམས་ཇི་སྙེད་པ་ཐམས་ཅད་ཡོངས་སུ་བཀང་སྟེ་འཁོར་བ་དང་མྱ་ངན་ལས་འདས་པའི་དབྱིངས་ཀྱིས་བསྡུས་པའི་གཞི་ལམ་འབྲས་བུའི་དཀྱིལ་འཁོར་དུ་གྱུར་ཏོ་ཅོག་ཀུན་ལ་མཆོད་སྤྲིན་དེ་དག་གིས་རེ་རེ་ཞིང་རྒྱས་པར་དབུལ་བའོ། །གཉིས་པ་ཚུལ་ཇི་ལྟར་དབུལ་བ་ནི། སྐལ་ལྡན་རྣལ་འབྱོར་པའི་ཏིང་ངེ་འཛིན་མི་གསལ་བ་དང་གསལ་བའི་ཁྱད་པར་གྱིས་སམ། །ཡང་ན་གཅིག་ཅར་དུ་གསལ་ལམ་གྱིས་རྒྱ་ཆེ་བ་ཆོས་ཀྱི་དབྱིངས་དང་མཉམ་པར་སྦྱོར་ཞིང་དབུལ་ལོ། །གཉིས་པ་དེའི་རྫོགས་རིམ་དོན་དམ་ཡེ་ཤེས་ཀྱི་མཆོད་པ་ནི། ཏིང་ངེ་འཛིན་གྱི་མཆོད་པ་ལ་དངོས་ཞེན་སྤངས་པའི་ཕྱིར་མཆོད་སྤྲིན་དེ་དག་ཀྱང་རང་གི་སེམས་ཙམ་ལས་དོན་དམ་གང་དུའང་གྲུབ་པ་མེད་ལ། སེམས་དེ་ཡང་ནམ་མཁའ་ལྟ་བུའི་རང་བཞིན་གང་ནམ་མཁའ་མི་གནས་ཤིང་སྤྲོས་པའི་མཐའ་ཐམས་ཅད་དང་བྲལ་བའི་ངང་ལ་མཆོད་བྱ་དང་། མཆོད་བྱེད་དང་། མཆོད་པ་གསུམ་ཀའི་ངོ་བོ་མ་གྲུབ་པའི་ཚུལ་གྱིས་མཆོད་པའི་ཕྱག་རྒྱ་ཆེན་པོར་བསྒོམ་པར་བྱའོ། །དེ་ཡང་བློ་རབ་ཀྱིས་མཆོད་དུས་ཉིད་ནས་དེ་ལྟར་བསྒོམས་ཤིང་འཛིན་ཞེན་མེད་པར་བྱས་ལ། དམན་པས་རྗེས་ལ་མི་དམིགས་པའི་ངང་ལ་བཞག་གོ །འདི་ནི་མཆོད་པའི་མཆོག་སྟེ། མདོ་ལས། གང་ལ་མཆོད་པ་ནམ་མཁའ་འདྲར་ཤེས་ཤིང་། །གང་གིས་མི་དམིགས་གང་དུའང་འཛིན་པ་མེད། །དེ་ནི་མཆོད་པ་ཀུན་གྱི་དམ་པ་སྟེ། །ཡེ་ཤེས་གཞལ་མེད་བསམ་ཡས་རབ་ཐོབ་འགྱུར། །ཞེས་སོ། །གཉིས་པ་གསང་བ་བདེ་བ་ཆེན་པོའི་མཆོད་པ་ལ་གཉིས་ཏེ། ཐབས་བདེ་བ་ཆེན་པོའི་མཆོད་པ་དང་། ཤེས་རབ་མཐའ་གཉིས་ལ་མི་གནས་པའི་མཆོད་པའོ། །དང་པོ་མཁའ་གསང་སྙོམས་པར་འཇུག་པས་བདེ་ཆེན་དགའ་བཞིའི་སྤྲིན་གྱིས་མཉེས་པ་དང་། གཉིས་པ་རྣམ་པར་མི་རྟོག་པའི་འོད་གསལ་ཆེན་པོར་རྣལ་འབྱོར་དུ་བྱ་བ་སྟེ་རྒྱས་པར་ཏནྟྲ་གུ་ཧྱ་གརྦྷའི་ཊཱི་ཀར་བལྟའོ། ། ༈

དེས་སྣང་བ་དང་པོ་གཉིས་རྣམ་སྨིན་གྱི་རྟེན་ལ་མཐོང་ཞིང་། ཚད་ཕེབ་ཆེ་དབང་། ཟད་པ་ཕྱག་རྒྱའི། དེ་དག་རྫོགས་ནས་སངས་རྒྱས་ཀྱི་ས་ལ་ལྷུན་གྲུབ་རིག་འཛིན། སྣང་བ་དང་པོའི་ཚེ་སྒོ་གསུམ་ལྷུག་པར་གནས་པས་ལུས་བདེ་ངག་གསལ། སེམས་མི་རྟོག་པའི་དྲོད་གསུམ་དང་། དབུགས་ཕྱི་ནང་དུ་རྒྱུ་བ་རགས་པ་ལ་དབང་ཐོབ་སྟེ། ལམ་རིམ་ལས། དེ་ལྟར་བྱ་བྱེད་མེད་བསྲིངས་ན། །ལུས་ངག་སེམས་ལ་དྲོད་འབྱུང་སྟེ། །བཟོད་པ་ཕྲ་མོ་ཐོབ་པ་དང་། །འགྱུ་བའི་དབུགས་ལ་དབང་ཐོབ་སྟེ། །དོན་ལ་རྣལ་དུ་ཕེབ་པ་དང་། །ངེས་པར་དྲོད་གསུམ་མྱོང་བའོ། །ཞེས་སོ། །དེའང་ཕྱི་རྟགས་སུ་འོད་དང་ཐིག་ལེའི་སྣང་བ་ནི་ཟད་པར་སྐྱེ་མཆེད་ཡིན་པས། མཐོང་བ་དང་། ནང་རྟགས་སུ་ལུས་ངག་ལ་བཟོད་པ་ཐོབ་པ་དང་། ཉོན་མོངས་པ་ལྔ་ཤས་ཆུང་ངུ་འགྲོ་བ་དང་། ཏིང་འཛིན་བརྟན་པ་དང་། སྣང་བ་མཆེད་པ་དང་། རྨི་ལམ་ཡང་གཅེར་བུར་འབྱུང་བ། དྲི་མ་དག་པ་སོགས་དགེ་བར་རྨིའོ། །ཉམས་གོང་འཕེལ་གྱི་སྐབས་སུ་ཆོས་ཐམས་ཅད་སྒྱུ་མ་ལྟ་བུ་ལ་སོགས་པའི་རྣམ་པར་རྟོག་ཅིང་སྣང་བ་ཆེར་མཆེད་པ་དང་། འགྲོ་བ་ལ་དབང་མེད་ཀྱི་སྙིང་རྗེ་འབྱུང་སྟེ། ལམ་རིམ་ལས། རྣམ་རྟོག་མཚན་མ་ཅི་སྐྱེས་ཀྱང་། །ཡེ་ཤེས་སྒྱུ་མ་རང་སྣང་ཕྱིར། །ཆགས་སྡང་རེ་དོགས་མི་འབྱུང་སྟེ། །ཡེ་ཤེས་སྒྱུ་མ་གཞན་དུ་མིན། །ཞེས་སོ། །རྡོ་རྗེ་ལས། དེ་ལྟར་སྒྱུ་མ་ཐོབ་གོམས་པས། །འཁོར་བའི་ཆོས་ལ་ཚད་མེད་པའི། །བྱང་ཆུབ་སེམས་ཀྱིས་འཕྲོགས་པར་འགྱུར། །མ་འཁྲུལ་འཁྲུལ་པ་ངོ་མཚར་སྐྱེ། །དོན་མེད་འདུག་པ་དེ་བཞིན་ཏེ། །ཚེ་འདིའི་སྤྱོད་ཡུལ་ཐམས་ཅད་ཀུན། །རྨི་ལམ་དུ་ཡང་སྒྱུ་མར་མཐོང་། །ཞེས་སོགས་གསུངས། ཚེ་དབང་ཐོབ་པར་བྱེད་དོ། །དེའི་ལུས་ཤིང་བལ་ལྟར་ཡངས་ཤིང་དབུགས་རྒྱུ་མི་ཚོར་བ་དང་། ཕྱི་ནང་གི་སྲིན་བུ་དང་ཤིག་སྲོ་མེད་པ་ལ་སོགས་པའི་རྟགས་དང་ལྡན་ནོ། །སྣང་བ་གསུམ་པའི་སྐབས་སུ་སྣང་བ་ཐམས་ཅད་ལྷའི་དཀྱིལ་འཁོར་རྒྱ་མཚོ་དྭངས་པའི་གཟུགས་བརྙན་ལྟར་རང་སྣང་བ་སྟེ་འདི་དག་སངས་རྒྱས་སྟོང་གི་དཀྱིལ་འཁོར་བསྒོམ་པ་སོགས་ལས་ཀྱང་སྣང་ཞིང་འོད་གསལ་བ་ལས་དངོས་སུ་སྣང་ངོ་། །མངོན་ཤེས་དྲུག་འཆར། ཡེ་ཤེས་ཉེར་ལྔ་ཐོབ། རྨི་ལམ་མེད་དོ། །སྣང་བ་བཞི་པའི་ཚེ་ལུས་དང་སྣང་བའི་རྒྱ་ལས་གྲོལ་ཏེ། རྡོ་རྗེ་ལས། ཡེ་ཤེས་སྒྱུ་མའི་ཆ་ལུགས་ཅན། །འབྱུང་བ་རྡོ་རྗེའི་ལུས་ལས་གྲོལ། །ཞེས་སོ། །དེ་ལྟར་སྒོམ་པའི་ཚེ་རང་བཞིན་གྱི་དཀྱིལ་འཁོར་དང་ཏིང་འཛིན་བསྐྱེད་པའི་དཀྱིལ་འཁོར་ལ་གནས་པ་དེས་རང་སྣང་འོད་གསལ་གྱི་དཀྱིལ་འཁོར་བསྒོམ་པ་ཉིད་ཤེས་རབ་རྫོགས་པའི་རིམ་པ་ཡེ་ཤེས་ཆེན་པོའི་དཀྱིལ་འཁོར་དུ་ལྷུན་གྱིས་གྲུབ་པ་ལས་ལམ་གོང་ནས་གོང་གི་ཡོན་ཏན་མངོན་དུ་བྱེད་དོ། །གསང་བ་འོད་གསལ་གྱི་དོན་ཉམས་སུ་ལེན་པའི་ཚེ། ལམ་རིམ་ལས། རྒྱུ་འབྲས་མཚམས་སྦྱོར་བར་སྐབས་ཀུན། །ཆོས་སྤྱོད་དགུ་ཡི་སྤྲོས་པ་དོར། །རྒྱུད་ལ་ལྡན་ཀྱང་བླང་བྱ་མིན། །མཚན་མའི་གཡེང་བ་ཡིན་ཕྱིར་རོ། །ཞེས་སོ། །དེ་དག་གི་དོན་རྒྱས་པར་མ་ཧཱ་སརྦ་ཛྙཱའི་སྙིང་འགྲེལ་དུ་རྟོགས་པར་བྱའོ། །འདི་ཡན་བླ་མ་དམ་པ་ཨཀྵར་ཤཱ་ས་ན་དྷཱ་རའི་ཞབས་ཀྱི་གསུང་ལས་བཏུས་པའོ། །སརྦ་མངྒ་ལཾ།། །། ༈

[edit]

mdo dang gzungs kyi cho ga zhes pa'i mdo chog ni sogs sna tshogs/ mdo dang gzungs kyi cho ga zhes pa'i mdo chog ni/__bcu gcig zhal gyi smyung gnas sogs dang /__gzungs chog ni rnam 'joms sogs yin/__sngags chog ni sngags phyi nang gi rgyud las gsungs pa'o/__/spos kyi maN+Dal ni stegs bu'i ngos la dri bzang byugs pa'o/__/sngags la thal chen sogs byugs par yang gsungs so/__/_! bsngo ba ni/__dge rtsa bsgrubs pa'i rgyu sngon du btang ste/__de yi 'bras bu byang chub thob par gyur cig par bden tshig brjod pa dang /__smon lam ni/__dge rtsa sngon du ma song yang lhag bsam gyi smon tshig brjod pa yin no/__/_! rtog pas bdag gi chos dang gang zag gi bdag bsgral/__thugs rjes gzhan gsal ba gsum ldan gyis sgrol ba yin no/__/_!_lung a nu yo ga'i bskyed rim/__dbyings skye med mtha' bral gyi klong nas rig pa'i ye shes 'gags med don gyi lhar shar ba ma gtogs/__kun rdzob spro bsdu mtshan bcas kyi bskyed rim la rags ma lus pa'i phyir na/_____shes rig gi ngo bo he ru ka de nyid rnam rol gyi cho 'phrul dkyil 'khor kun gtso pad+ma badz+ra du lhun gyis grub cing /__de nyid kyi ngo bo rang bzhin thugs rje'i snang tshul lam ming du btags tshul tsam du yab yum 'khor sogs su dbye ba de nyid don du snang stong dbyer med rig pa'i ngo bo nyid dang /__de'i rtsal mdangs rnam shes tshogs brgyad/__nye nyon nyi shu/__sems byung lnga bcu/__rtog tshogs brgyad khri bzhi stong sogs su shar zhing /__de dag gi rgyu sems can gyi dus su las nyon gyi rtog tshogs/__lam rnal 'byor gyi dus na nyams dang 'char sgo'i bye brag__/'bras bu sangs rgyas kyi dus su mkhyen brtse mdzad phrin gyi bye brag tu 'gyur ba'o/___/__!_ mchod pa la/__phyi dmigs rten du bshams pa rdzas kyi mchod pa/__nang rang lus sha khrag drod dbugs sogs rang byung lhun grub kyi mchod pa/__gsang ba gshis skye med/__gdangs 'gags med/__rtsal sna tshogs su 'char ba don dam ye shes kyi mchod pa/__de dag thams cad kyang 'khor gsum mi dmigs blo 'das gdod ma'i dbyings su grol ba ni de kho na nyid kyi mchod pa zhes bya'o/___/__!_ mdo sde gdams ngag 'bogs pa'i rgyal por/__rgya gar gyi grub thob brgyad cu sogs dang /__bod kyi bka' gdams nas bzung gsar ma'i gtsug lag khang dang skyes chen lung bstan zhib par yod 'dug pa/__de kho na khol phyung byas pa zhig rtsis dkar drung pa'i bka' 'bum rgya mtsho dgu skor gyi lung bstan rgya mtshor 'khod yod par snang ngo //__//__!_gzhi bdag gnyug gnas ni rtag tu der gnas te gzhan du mi 'pho ba'i ming gi bye brag ste rtag chags kyang zer ro/___/__!_ rgya gar na rab byung rnams bsod snyoms la phebs tshe mkhar bsil gyi sgra dang /__rnal 'byor pa yin na Da ma ru dang /__khri snyan gyi rwa dung 'bud pa yin no/__/rkang gling la bka' brgyud pa rnams kyis/__thog mar/__oM/__oM/__oM zhes thung 'bud gsum/__de nas shrI zhes rgyang ring ba gcig__/de nas hAHzhes ring ba gcig__/de nas ha'a' 'a 'a' zhes rgyang ring zhing ldem 'gyur yod pa gcig__/de nas hU~M hU~M zhes bde mchog yig bdun la phag mo'i oM gsum ma sbyar ba'o/__/thung ba gnyis/__de rjes phaTaHces 'di cung zad ring tsam byas pa ste/__de ltar dgu la dgu 'bud zer/__rnying lugs la/__kaHthog dam gtsang byams gsum sogs kyi phyag bzhes bdun 'bud 'di bla ma la gsol ba 'debs pa'i brda skad yin te/__thog mar mchod mchod/__ces pa 'di snga ma ring tsam/__rjes ma thung ba bya/__de nas bla ma bla ma/__zhes bla ma 'bod pa 'di gnyis ka rgyang ring po bya/__de nas bla ma mkhyen mkhyen mkhyen mkhyen mkhyen zhes rgyang ring zhing ldem 'gyur dang bcas byas rjes/__phaTaHphaTaH__ces pa 'di gnyis snga ma cung zad ring tsam dang /__phyi ma thung rbad spyis bcad la bzhag pa yin/__bla ma 'bod pa'i rgyang gsum po de'ang mgo ma skad shed che ba/__mjug tu rim par chung nar gyis bzhag pa ni bla ma dran pa'i mos gus gdung shugs skye phyir yin zhing /__'di 'bud lugs mkhas pa zhig byung na snang ba 'gyur te skyo lhang gis gtong thub pa 'ong /__sgrub grwa la thun bzhi'i nges pa byed na/__tho rangs bla ma'i gsol 'debs spyi thun/__nyi shar chu gtor gyi thun/__phyi dro nyi ma 'dom gang tsam dus gtor bsngos kyi thun/__mun sros nag yaM dus gcod kyi thun dung de der bstun pa'i dge sbyor bsgrigs su gzhug pa lags so/___/__!_ skyabs pa tsam gyis grol phyir skyabs grol spyan gzigs mtshan/___/__!_ 'brog dgon pa ni/__'brog stong /__byang thang /__lung stong lta bu'o/__/der zas skom mi myong zhing /__gcan gzan dang dug sbrul mi ma yin sogs kyi 'tshe ba mang bas 'brog dgon pa'i gnod pa zer/___/__!_ 'dzam ser gyi zhabs 'og tu dung ni gnod sbyin dung gdong dang /__pad chen ni pad+ma'i gdong mnan pa yin 'dra ste/__drang don du gnod sbyin gyi sde dpon yin phyir de'i rtags dang /__nges don du rin 'byung yin pas gnod sbyin yang sprul pa'i byang chub sems dpa' yin par go___/_! bde mchog sngags ring du/__dz+nyauM zhes pa 'di ring cha med cing /__snar thang pa ltar na/__'dza' No un dang /__zhwa lu ltar na 'dzo No un lta bur brjod dgos/__rnying ma'i rdzogs chen gyi rgyud bcu bdun sogs su/__dz+Y+ru+o+o+i+i+i kha lta bu ni/__rtsa ba'i yig 'bru dza de la yan lag bu drug mi 'dra ba ci tsam btags pa de so so'i grangs dang mnyam bar bklag ste/__dper na/__dz+ya dz+ra dzu dzo dzo dzi dzi dzi/__zhes par bklag dgos zhes bi ma/_rang byung zhabs/__klong chen/__mkha' spyod pa sogs kyis gsungs/__don du dkrugs yig 'di 'dra ba rnams ni/__sku lnga ye shes lnga/__sku gsum phar phyin drug sa bcu lam lnga sogs kyi brda rtags yin pa ma gtogs legs sbyar gyi skad dkyus ma ma yin te/__dur khrod kyi e waM sgra sgrub sogs dang mtshungs/___/__!_ bzlog ces pa phar dang /__ldog ces pa tshur 'ong ba'i don yin pas bklag lugs ngag las bslab/__sgra sbra sogs kyang yul skad shan ma shor bar sgra zur 'byin par bklag dgos par snang /___/__!_ lnga lam du gyur pa ni/__mngal gnas skye rga na 'chi'o/__/spyod lam bzhi ni/__'gro 'dug za nyal lam/__'gro 'chag za nyal bzhi ste/__'gro ba ni dkyus su 'gro ba dang /__'chag pa ni nye skor du gug byed pa'i khyad yin/___/__!_ de sang 'dul ba 'dzin pa phal cher/__gnas skabs chab l+h+wam gung tshigs sogs zhib zhib 'dra la/__/phugs rtsa bzhi dngos brgyud nas spyod cing /__nyon mongs gnyen pos ma zin pas rang rgyud je rags su sde 'khrugs slong bas/__song ba la sems skyo bar snang ngo //___//__!__ thog mar bsgrub bya'i gzhi'i lha gang yin ma nges na/__bsgrub gzhi med pa'i sgrub byed tsam du zad pas/__sgrub gzhi ni 'di ltar 'gro ba thams cad rang bzhin rnam dag lha'i bdag nyid can du khyad med du gnas pa'i dam tshig sems dpa' dang /__sangs rgyas thams cad chos kyi sku ni ye shes sems dpa' ste/__de gnyis gdod nas dbyer med pa'i rang bzhin du bzhugs pa ni dam ye gnyis med kyi don te sbyang gzhi'o/__/de ltar yin pa rang ngo ma shes shing ma rtogs par tha dad du bzung ba na sbyang bya'i dri ma'o/__/de sbyong byed kyi thabs ni 'khrul pa glo bur ba kun brtags kyi cha rnams bskyed rim gyis dang /__sa bon gyi cha ni rdzogs rim gyis sbyong ba yin cing /__ji ltar sbyong na 'khrul pa'i chos las nyon sdug bsngal gyi rnam par shar pa'i rigs rgyun de nyid lam bde ba chen por sgyur bar byed pa yin la/__sgyur tshul de'i rang ngo la bsal bzhag med par bzhag pas gang shar gyi rang bzhin dag snang du 'char ba'i gnad kyis te/__rgyu mtshan des gsang sngags kyi theg pa 'dir kun 'byung bden pa'i rang bzhin lam bden dang /__sdug bsngal bden pa'i rang bzhin 'gog bden du snang bas 'bras bu lam byed kyi don yang de yin pa'i phyir na mtshan nyid kyi theg pas gzhi spong 'gegs kyi sbyong ba'i lam las khyad par 'phags pa'o/___/__!_ oM AHhU~M/__sku gsung thugs kyi sa bon/__sarba thams cad/__sa ma ya dam tshig__/e 'dir/__a ral+li rol pa/__hring hring /__'dus shig pa'i brda skad de/__rdo rje gsum gyi lha tshogs thams cad dam tshig gi rol bas 'dir 'dus shig ces bskul ba'o/__/sa ma dam tshig__/dzaHdzaHdgug pa'i sa bon te/__dam tshig pa ltar byon cig pa'i sngags kyis ye shes kyi dkyil 'khor rten dang brten par bcas pa byon pa dam tshig gi dkyil 'khor gyi steng gi nam mkhar me ri 'dab 'byor tsam du bzhugs par bsgom/__dam ye bsre ba'i sngags ni/__dzaHhU~M ba~M hoHni tshad med bzhis sems can gyi don la bskul pa ste/__dam tshig pa la ye shes pa dgug pa dang /__gnyis su med par gzhug pa dang /__bya ba ma zin gyi bar du mi gshegs par bcings pa dang /__dgyes bzhin du bzhugs shig ces bskul don yin la/__sa ma ya dam tshig__/tiSh+Tha brtan pa/__lhan du bzhugs shig pa'i brda skad de/__'gro ba'i don mdzad par dam bcas pa bzhin du brtan par bzhugs shig ces pa'o/__/ting 'dzin dam tshig gi dkyil 'khor dang rang bzhin ye shes kyi dkyil 'khor gnyis chu la chu 'dres ltar gyur te/__dbyings ye shes gnyis su med pa'i lhar rtogs pa de nyid 'dres pa nan tan gyi phyag ces rnal 'byor mchog gi phyag rgya'o/___/__!_ dwangs ma lnga brten pa'i sems nyid kyi dwangs ma dang bcas zung du bsdebs pas dag thob 'byung tshul/__12sa chu'i khams dag pas 'khor ba'i lus kyi sdug bsngal las/__/rnam grol bde ba skye 'chi bral ba ni/__/chen sku chen po po'i sku ste sku yi rdo rje'o/__/rlung me'i khams dag ngag gi sdug bsngal las/__/rnam grol bde ba 'gro 'ong rtsol bral ba/__/gzhom med gsang sngags sgra chen gsung rdo rje/__/nam mkha'i khams dag yid kyi sdug bsngal las/__/rnam grol bde ba gzung 'dzin bral ba yi/__/gnyug ma rang rig gi khams rang bzhin spros bral gyi/__/ye shes de las 'bras bu yon tan rnams/__/rang snang dag pa rab 'byams 'char ba ni/__/thugs kyi rdo rje mngon du gyur pa'o/___/__!_ nongs bshags sogs kyi skabs/__a b+hi d+ha na las/__yi ge brgya pa thams cad du/__/gsang sngags brtan par bsgoms nas su/__/rang gi ming dang ldan pa ni/__/gcig tu spel nas bzlas par bya/__/zhes rigs gang yin gyi lha'i ming bcug nas bzla gsungs la/__yang na rnal 'byor rgyud las/__rdo rje sems dpa' rigs rnams kun gyi bdag__/ces pa ltar rdo rje sems dpa' ni rigs thams cad kyi spyi sgrar grags pas mi bskyod pa kho nar ma nges pa'i rdo rje sems dpa'i yig brgya nyid bzlas kyang chog go__/_!_ rtog tshogs lhar dag la lha ye shes su dag pas/__ye shes ni gzung 'dzin dang bral ba yin phyir bsgoms shing bsgrubs pa'i lha de yang rang gi sems kyi chos nyid bde gsal stong ba nyid chos sku'i ngo bor gsal bar thag bcad do/___/__!_ ro sreg sogs kyi tshe me pra brtag pa ni/__sbyong rgyud las/__sdig pa bcom pa'i mtshan ma ni/__/dkar po nyid dang g.yas su 'bar/__/gyen du 'bar zhing dri ma med/__/zlum zhing rnam par mi 'phro ba/__/brtan pa glog bzhin dri ma med/__/yang na me lha nyid kyis ni/__/bdag nyid de bzhin ston byed de/__/zla ba dri med dkar 'dra la/__/bzhin mdog bzang zhing 'phro bar 'gyur/__/de yi mtshan ma 'di dag gis/__/dmyal ba sogs las rnam grol zhing /__/sdig pa bcom nas bde 'gror ni/_/skyes pa yin pa shes par bya/__/zhes so/__/gter chen 'gyur med rdo rjes/__mdor na bde dang mi bde'i las snang kun/__/ji ltar shar yang spros bral dbyings su thim/__/rang shar rang grol bsgom las ma 'da' bar/__/re dogs rkyen gyi 'ching bas mi 'ching mdzod/___/__!_ mtshan nyid sgro 'dogs spyod pa rmi lam bde bas mi 'brid par/__/thun bzhi'i nyams len rdo rus thug pas dge sbyor gnad la gcig dril mdzod/___/__!_ sngags sdom skabs/__thob bya'i ngo bo ni/__tha mal gyi snang zhen mtshan rtog sdom par byed pa bskyed rim gyi sngags sdom dang /__lhar snang zhen gyi mtshan rtog sdom par byed pa rdzogs rim gyi sngags sdom mo/___/__!_ lta sgom spyod 'bras kyi don bsdu na/__sems kyi rang bzhin dag pa gnyug ma'i don de la ji ltar brtag kyang dngos po dang mtshan mar ma grub pas rtag pa rang rgyud pa min/__rig tsam du ma 'gags chad pa ci yang med pa'ang min/__de gnyis ka dang gnyis ka ma yin pa'i phung po gsum ste mtha' thams cad las 'das pas 'di zhes brjod med/__bsam med/__dmigs med/__phyal ba ste/__zhi ba lhas/__gang tshe dngos dang dngos med dag__/ces sogs gsungs pa ltar ro/__/sems la snang ba'i gzugs sogs yul rmi lam ltar ma brtags nyams dga' zhing brtags na gang du'ang dmigs su med pa ste/__snang rig ngos bzung dang bral pa'i rjen pa de ka so so rang gis rig bya las gzhan ma yin pas rang byung gi ye shes zhes bya ste lta ba'o/__/de ltar sgro 'dogs chod pa'i lta ba de'i rang grim glod la sogs pa'i rtsol bas ma bcos shing bsal bzhag med par rang lugs su bzhag pas rig pa yul med rang gsal du lhag ger gnas pa de las mi g.yo ba gang de zhi lhag zung 'brel gyi sgom pa'o/__/lta sgom de'i ngang las nam yang mi 'da' bar bag dang ldan pas yun bsrings shing brten pas snang spyod thams cad bde chen lhan cig skyes pa'i ye shes kyi grogs su khyer zhing spyod pa ni spyod pa'o/__/rtogs goms mthar phyin pas gzhi de ji lta ba bzhin rtogs pa la brtan pa thob pa ni spang thob med pa'i 'bras bu'o/___/__!_ dz+nyA na a we sha ya/__zhes pa ni/__ye shes phob cig pa'o/___/__!_ b+h+rU~M ni b+ha ga ste chos dbyings dang /__oM ni ye shes lnga yi ngo bo mtshon pas na snod dbyings dang bcud bde chen ye shes kyi phyag rgyar 'brel chags pa'o/___/__!_ stong gsum ni/__/gling bzhi ri rab dang bcas pa gcig gnya' shing 'dzin dang mtho dman mnyam pas bskor ba 'dod pa dang /__gzugs kyi lha'i khang pas brgyan pa ni gling bzhi pa'i 'jig rten no/__/de stong gi mthar sum cu rtsa gsum gyi gnas dang mtho dman mnyam pa'i lcags ris bskor ba ni stong dang po spyi phud kyi 'jig rten no/__/de stong gi mthar gzhan 'phrul dbang byed kyi gnas dang mnyam pa'i lcags ris bskor ba ni stong gnyis pa bar ma'i 'jig rten no/__/de stong gi mthar bsam gtan dang po'i gnas dang mnyam pa'i lcags ris bskor ba ni stong gsum gyi stong chen po'i 'jig rten gyi khams so/__/de na gnas pa'i snod bcud thams cad kyang stong pa nyid de gzugs brnyan bzhin no/__/'on kyang ye shes lnga'i rtsal gzung 'dzin du 'khrul pas dug lngar snang bas 'khor ba'i sdug bsngal bskyed kyang /__ngo bo rang byung gi ye shes bde ba chen po'i gnas nyid las gzhan du gyur pa rdul tsam yang med do/__/o rgyan chen pos/__rtog pa chos nyid yin shes na/__/chos dbyings gzhan zhig bsgom rgyu med/__/ces dang /__rnam par rtog pa bgegs nyid de/__/bgegs ni rang gi sems las byung /__/ye nas sems nyid dag shes na/__/bgegs zhes bya ba gzhan na med/__/ces so/___/__!_ phung lnga gnas su dag pa'i rtags su 'byung lnga zad par 'grub/__/tshogs brgyad gnas su dag pa'i rtags su las phran tshegs brgyad 'grub/__/ye shes grub pa'i rtags su las bzhi lhun gyis grub pa ste mchog bsgrubs pas thun mong zhar la grub pa'i nges pa'o/___/__!_ sngags kyi yan lag lnga ni/__bdag gi__/lha'i/__gsang sngags kyi/__bzlas brjod kyi/__'phro 'du'i de kho na nyid do/___/__!_ sa bcu so so'i rang skal gyi dri ma sbyang bya ni/__sa dang por ser sna/__gnyis par tshul 'chal/__gsum par khong khro/__bzhi par le lo/__lnga par rnam g.yeng /__drug par shes 'chal/__bdun par thabs mi mkhas/__brgyad par sems can gyi don mi 'grub pas stobs la sgrib pa/__dgu par smon pa'i don mi 'grub pa/__bcu par shes bya phra mo'i sa bon dang bcas pa/__phar phyin bcu dang sa'i yongs su sbyangs pas sa bcu'i dri ma rnams rim gyis byang zhing sa bcu'i rgyun gyi tha ma 'od zer chen pos dbang bskur ba'i tshe rdo rje lta bu'i ting 'dzin thob nas sangs rgya bar byed do/___/__!_ sprul pa kun tu tshad med pas kun tu 'od sprul sku'i sa dang /__rang snang dag pa'i snang ba tshad med pas pad+ma can longs sku'i sa dang gnyis su med pa'i ye shes tshad med pas sa'i mchog 'khor lo tshogs chen chos sku'i sa'o/__/des na kun tu 'od chos sku/__'khor lo tshogs chen sprul skur 'dod pa ni nor ba yin/___/__!_ lam gyi 'bras bu ni/__kun 'od/__pad+ma can/__yi ge 'khor lo tshogs chen/__bde ba chen po/__rdo rje 'dzin pa/__kun tu bzang po dbye ba med pa'i sa drug la mnga' brnyes pa'o/__/'di dag ni sangs rgyas kyi sa'i snang stong dang ye shes la sogs pa'i yon tan gyi cha las btags kyis tha dad pa re re'i sa gong nas gong du bgrod pa ni ma yin no/__/de'ang sprul pas mkhyen gnyis kyis 'gro don mdzad pas na kun 'od/__longs sku snang bas pad+ma can/__yi ge'i sprin spro ba yi ge tshogs chen/__zung 'jug gi bde ba chen po'i dbyings su bzhugs pa/__mthar thug gi bgrod bya thams cad kyi bla mar gyur pas rdo rje 'dzin pa/__de thams cad dbyer med pa'i kun tu bzang po dbye ba med pa'i sa zhes brjod pa yin cing /__kun tu 'od kyis las 'das pa ni/__chos sku las 'das pa'i gzugs sku'i snang bas don mdzad pa tsam la dgongs pa'o/___/__!_ rig me dor ba'i sngags don/__oM badz+ra sa ma ya oM ni sku'i dam tshig gis skur sgrub pa ste de bzhin sbyar ro/___/__!_ oM ye shes rgyal po zhes bcom ldan 'das la bos te/__de bzhin gshegs pa thams cad kyi sku gsung thugs yon tan phrin las rmad du byung ba chen po'i dngos grub da lta nyid du mnyam par sbyor ba'i bdag pos/__lha'i sku gsung thugs phyag rgya chen por da lta nyid du bdag la sbyor cig pa'o/__/oM badz+ra sa ma ya hU~M/__oM badz+ra sa ma ya staM/__oM badz+ra sa ma ya hoHrnams kyis sku gsung thugs kyi dam tshig dus la bab par bskul pa'o/__/dbang bskur ba'i sngags don/__oM ma gung mo spyi gtsug hA shU n+yatA/__stong pa nyid/__A mdzub mo dpral ba daR+sha/__me long lta bu'i ye shes/__prat+ya rna ltag g.yas srin lag pa Sha NAk+ShAHso sor rtog pa/__sa ma ltag pa mthe bong tA/__mnyam pa nyid/__kr-it+ya nuSh+ThAn/__mthe'u chung rna ltag g.yon/__bya ba nan tan/__dz+nyA na badz+ra swa b+hA wa at+ma ko\u0f85haM ni/__ye shes rdo rje'i ngo bo nyid kyi bdag nyid ni nga'o/__/zhes pa'o/__/byin gyis brlabs pa'i sngags/__oM sarba ta thA ga ta ma hA ka ya badz+ra swa b+hA wa at+ma ko\u0f85haM ni/__de bzhin gshegs pa thams cad kyi sku rdo rje'i rang bzhin nga yin no/__/zhes pa'o/___/__!_ sgrub gnas kyi mtshan nyid ni/__las rim las/__zur brgyad la sogs rtse mda' dang /__/chu bo shin tu ma po yang /__/mnyam zhing yid 'ong kha yi chu/__/nyi ma shin tu gnas pa ni/__/nam mkha'i mtshan nyid shes par bya/__/mtho dang mdun sa nub byang yin/__/shar lho gzhol zhing 'jam pa la/__/tho sgro grog mdo chu sna tshogs/__/dal dbang sgra yi mtshams brtag bya/__/lhun sdug ri bo nags tshal ldan/__/rab tu mnyam zhing snum bag can/__/chu bo dbang gi phyogs yin te/__/cung zad kyis ni rlung nyung zhing /__/me tog shing tshal bya skad brtag__/lo rgyus shes pa'ang mchog tu gsungs/__/bdag nyid brtags shing nyams dga' dang /__/bsam gtan dgra las ring gyur pa/__/rang khyim la sogs de bzhin te/__/nan tan nus mthu ldan phyir yin/__/zhes so/___/__!_ rgya mtsho las/__mchod pa'i phyag rgya che mchog ni/__/sems kyi rtog tshogs kun bsgral te/__/mchod dang mchod bya mi dmigs pa'i/__/rang bzhin nam mkha'i ngang du bsgom/__/zhes so/___/__!_ sangs rgyas mnyam sbyor las/__chos dbyings mnyam dang mi mnyam pa/__/nam mkha' dbyings kyi mtha' klas pa'i/__/dngos po thams cad de yin te/__/nam mkha' kun gyi dbyings na dpal/__/rdo rje sems dpa' rtag tu bzhugs/__/zhes pa de bzhin nyid kyis kun la khyab pa'i don to/___/__!_ dbang thob nas bzung theg dman du ni ldog pa ni/__rdo rje rtse mo las/__ji srid sa brgyad ma thob par/__/de srid theg pa dman pas 'jigs/__/gsang chen theg pa 'di ru ni/__/zhugs pa gang dang gang yin pa/__/de ni rgyal sras sa pa yin/__/zhes so/___/__!_ dam tshig bkod pa'i rgyud las/__bla ma rdo rje 'dzin mchod na/__/dkyil 'khor thams cad mchod pa yin/__/nye ba'i dkyil 'khor smos ci dgos/__/nyes zad dngos grub mchog thob 'gyur/__/zhes so/___/__!_ dga' bzhi ye shes bzhi sbyor tshul ni/__dang po dga' ba'i ye shes kyis zhe sdang gnas su dag pas bde gsal la rang bzhin med pa me long ye shes so/__/gnyis pas nga rgyal rlom sems dag cing yab yum gnyis su med pas mnyam nyid ye shes/_gsum pas 'dod chags rags pa'i 'dzin rtog nub pas bde ba'i rang bzhin stong par shes pa sor rtog__/bzhi pas phrag dog dag cing bde stong gi bya ba mthar thug pas bya grub bo/__/de nas yas brtan gyi dga' bzhi mthar phyin te gang du'ang rtog pa med pa ni chos dbyings ye shes so/___/__!_ rdo rje las/__chos nyid dag pa'i rnal 'byor pas/__/bskyed pa'i cho ga las rab dag__/lhag dang ma tshang nyes bral zhing /__/dngos grub ya mtshan chen po 'byung /__/zhes pas spang blang med pa'i de kho na nyid la goms pas bskyed rim gyi cho ga phra mo rnams lhag ma ma tshang yang cho ga'i yan lag nyams par mi 'gyur ro/___/__!_ tshig don rin po che'i mdzod las/__'gro ba kun gyi lus la ye shes chen po gnas shing des khyab kyang bla mas ma bstan na mthong du mi rung zhing /__byang chub sems dpa' sa bcu pas kyang rtogs par dka' ba dang /__bla mas bstan na dngos su mthong la rang bzhin du bar dor rang snang mngon du 'char ro/__/rgyud las/__rnam dag lus 'di bor ma thag__/rang snang yul dang 'phrad par 'gyur/__/zhes so/__/khyad chos bye brag tu bshad na/__snying po de la sku lnga/__'od lnga/__rigs kyi chos lnga/__ye shes kyi rlung lnga/__ngo bo rang bzhin thugs rje'i chos lnga/__ye nas gnas pa'i rtags su/__ma dag pa'i snang ba la nyon mongs pa lnga/__phung po lnga/__'byung ba lnga/__dbang po lnga/__'dod yon lnga/__sgo gsum rang bzhin gyi chos lngar gnas te/__mu tig phreng ba las/__de ltar snying po de nyid la/__/sku lnga ye shes lnga dang ni/__/'od lnga kha dog rnam pa lnga/__/chos lnga ye shes rlung lnga nyid/__/ngo bo lnga dang rang bzhin lnga/__/thugs rje lnga yis kun la khyab/__/ces sogs rgyas par gsungs/___/__!_ dbyings rig nyams su len dus rnal 'byor bzhi'i gnad nges pa rang thog tu dbab pa ni/__dang po lta ba rnal 'byor du byed pa ni/__rgya mtsho dwangs pa la gza' skar shar ba mthong ba bzhin du lu gu rgyud kyi snang ba zang thal du mthong dus de la blta yang nang gi shes pa snyoms byed dang bral bar rjen ye re bzhag go__/sgom pa rnal 'byor du byed pa ni/__lu gu rgyud la 'gul 'phrig med par nyams su len pa'o/__/spyod pa rnal 'byor du byed pa ni/__lu gu rgyud la blta dus gnyis snang blo yi zhen pa las 'das par spyod pa'o/__/'bras bu rnal 'byor du byed pa ni/__lu gu rgyud la blta dus der re dogs med par lhun grub rang chos su rdzogs par nyams su len pa'o/___/__!_ gsang ba rgyal po'i dam tshig bzhi ni/__'khrul snang rmi lam dang 'dra ba'i snod bcud phyi nang gi chos thams cad gzhi med par rtogs pa'i ngang las mi 'da' ba dang /__tshogs drug yul dang dbang po'i bsdus pa la blang dor dang 'dzin zhen med par chos nyid bya ba dang bral ba'i ngang du phyal par bzhag pa las mi 'da' ba dang /__rang byung gi ye shes 'od gsal gyi snang ba dang bcas pa lhun gyis grub par rtogs pa'i rang du mi 'bral ba dang /__chos so cog rtsa ba rig pa'i ye shes gcig pu'i ngang las byung /__ngang la snang /__ngang du grol ba las gzhan med par thag bcad pa'o/__/dang po khregs chod dang /__phyi ma gnyis thod rgal gyi dam tshig tu bstan to/___/__! gzhi lhun gyis grub pa'i dkyil 'khor la gsum/__zhi ba chos nyid kyi khro bo dngos dang mtshan ma med pas chos sku spros pa'i mtha' dang bral ba'o/__/de'i ngang las 'og min du he ru ka'i dkyil 'khor snang ba ni longs spyod rdzogs pa rang bzhin don gyi gnas lugs so/__/de'i thugs rje lhun gyis grub pas gang 'dul gyi khro bor snang ba ni mdzad pa phrin las kyi rang bzhin sprul pa'i sku'i ngo bo'o/___/__!_ chos nyid spros bral ni mtshan ma'i gnas med pas ngang gis khro ba dang /__ye shes rgyas nas mi shes dang phyin ci log gi gnas med pas spang bya la bltos nas ngang gis khro ba dang /__thugs rjes 'gro ba skyob pa na 'bad rtsol med par mi mthun pa'i phyogs 'joms pas na shugs kyis khro ba dang /__gdul bya'i dbang gis khro bor bcos pa ltar snang ba dang bzhir yang gsungs shing /__de skad du rdo rje las/__yang dag shes rab chen po ni/__/mtshan ma 'joms phyir khro bo'i mchog__/ces dang /__rgyas pa las/__rang rig ye shes rgyal po yis/__/phyogs bcu thams cad dbang bsdus nas/__/kun kyang mi dmigs dbyings su thim/__/zhes so/__/de yang 'gro ba gdug pa can dang chags sogs zhi ba'i rigs gnyis 'byung ba'i don ni/__spyi bo dang snying ga na khro bo dang zhi ba'i dkyil 'khor lhun grub tu yod pa'i rtsal che chung dang /__ma rig pa bdag tu 'dzin pas 'khor bar 'khrul dus zhe sdang dang /__de'i 'khor nga rgyal phrag dog gnyis dang mtshungs ldan gyi las kyi khro bo'i gdangs ma rungs shing gtum par snang bas pha rol gnod pa'i gzhir gyur cing /__'dod chags kyis zhi ba'i mdangs 'phel bas dga' zhing chags pa dbang du byed pa ste/__gti mug ni gnyis ka'i ngo bor gnas pa'o/__/de dang mthun par 'dul byed kyang zhi khro gnyis su 'byung ngo /___/__!_ de dag kyang gzhi lam 'bras gsum du gnas te/__gzhi ye nas dag pa'i khro bo ni sems can dang sangs rgyas thams cad la khrag 'thung gi dkyil 'khor lhun grub tu spyi bor gnas pa'o/__/lam mngon par sgrub pa'i khro bo ni dkyil 'khor bskyed cing bsgom pa'o/__/'bras bu lhun gyis grub pa'i khro bo ni dri ma dag ste rang snang lhun grub stug po bkod par khro dkyil du snang ba'o/__/gzhi la khro bo med na lam du de sgrub pa yang mi rigs pa dang /__gsar rnying kun la grags pa'i lus dkyil rnams kyang don med du 'gyur ba dang /__bsgrubs kyang mi 'grub pa'i skyon dang /__sprul pa'i khro bo gzhi med pas de las 'phros pa'i sprul pa mi rigs pa sogs skyon du ma yod do/___/__!_ sngar zhi ba yin pa phyis khro bor bsgyur ba yang ma yin te ye nas lhun gyis grub pa'i gnad kyis so/___/__!_ sngon tshe dpal chen pos dregs pa can rnams btul ba'i tshe he ru ka'i dkyil 'khor du dregs pa'i dbang phyug chen po ru tra dang /__tshangs pa sogs pho rgyud nyi shu rtsa brgyad rnams he ru ka'i dkyil 'khor du bden pa mthong zhing /__de'i dam bca' phul ba dang /__de nas de rnams kyi yum dbang mo nyer brgyad la'ang ming gi dbang bskur lag tu rdo rje byin te las so sor bka' bsgos nas dkyil 'khor gyi phyi rol khyams phyi mar bkod do/__/'di rnams thun mong gi lugs su 'jig rten gyi dregs par byed kyang /__thun mong ma yin par 'jig rten 'das par bstan cing /__shin tu thun mong ma yin pas ni rtsa gnas 'khor lo'i nang na yod pa sangs rgyas pa'i tshe de ltar snang bar 'dod do/___/__! lha'i tshom bu zhes pa sgo dang rta babs la sogs pa'i gzhal yas khang gi rnam pa med pa'i lha'i gtso 'khor yin la/__dkyil 'khor ni gzhal yas khang dang bcas par 'dod cing /__lha rnams skor tshom du bzhugs pa la'ang tshom bur btags so/___/__!_ snang la rang bzhin med pa'i mchod pa 'bul ba ni/__ting nge 'dzin yid kyis mchod pa dang /__gsang ba bde ba chen po'i mchod pa'o/__/dang po la yang /__kun rdzob sgyu ma dang de'i rdzogs rim/__don dam ye shes kyi mchod pa'o/__/dang po la gnyis/__ting nge 'dzin gyi mchod sprin bkod pa ni/__dkyil 'khor la yid sprul gyis ji ltar mchod pa'i phyag rgya chen po ni/__rang gi sems kyis bkod pa'i yid bzhin gyi nor bu'i sprin phung 'khrigs pa'i tshogs kyis phyogs bcu'i 'jig rten gyi khams thams cad rnam par dag pa rin po che sna tshogs kyi rang bzhin rgyan stug po bkod pa'i zhing khams lta bur b+h+rU~M gyis gsal gdab bo/__/de'ang rgyan dang bkod pa'i bye brag bsam gyis mi khyab cing yid du 'ong bas mdzes par spras shing /__mnyen la 'jam zhing reg na bde ba'i rang bzhin rgyu sna tshogs rin po che'i sa gzhi khod pa la/__rin po che sna tshogs kyis mig mang ris su mdzes par bris shing spras pa/__traM las 'dod dgu 'byung ba'i 'od zer gyi dra ba 'bar ba'i brjid cing yid du 'ong ba'i don yin/__ri bo lhun sdug pa dang /__khaM las mtsho dang lteng ka la sogs pa kha dog mdzes shing dbyibs legs pa'i pad+ma'i rdzing bu ro bro ba'i mchog bsil ba la sogs pa yan lag brgyad ldan gyi/__chus yongs su gang ba me tog gis khebs shing bya skad snyan par sgrogs pa'o/__/b+h+rU~M las rin po che'i khang pa dbyibs dang kha dog dang bkod pa'i bye brag sna tshogs pas brgyan pa rab tu gang ba mang po dang /__aM las skyed mos tshal gyi gzhir rin po che'i rgyan phreng dang /__lha yi dpag bsam gyi ljon pa'i tshal gos dang nor bu sna tshogs kyi dra bas dpyangs pa dang /__hrIHlas sgra snyan thams cad glu dbyangs snyan pa dang /__bstod pa dang shis pa brjod pa la sogs pa'i tshigs su bcad pa'i sgra rang 'byung ba dang /__aM las gos kyi rnam pa dang mchod pa'i yo byad bla bre dang /__rgyal mtshan dang /__gdugs dang /__stod g.yogs dang smad g.yogs la sogs pa'i na bza' sna tshogs pa/__trAM las dbu rgyan dang mgul rgyan dang do shal dang dpung rgyan dang se mo do la sogs pa'i rgyan gyi bye brag bsam gyis mi khyab pa dang /__oM las ro mchog brgya dang ldan pa'i bza' ba sna tshogs pa dang /__btung ba zhim po dang /__gos zung rin po che sna tshogs kyis spras pa'i bgo ba sna tshogs pa rnams dang /__hU~M las sems can thams cad kyi lus dang /__rang rang la ji ltar 'os pa'i gos dang rgyan la sogs pas mdzes par brgyan pa yi lha dang lha mo'i rang bzhin rdul phra rab snyed kyi grangs dang mnyam par gyur pa/__thams cad kyis rkang pa'i bro dang lag pa'i gar dang rol mo'i glu dbyangs la sogs pa bsam yas kyis mnyes par byed pa'o/__/de lta bu'i mchod pa'i sprin gyis phyogs bcu'i nam mkha'i khams ji snyed pa thams cad yongs su bkang ste 'khor ba dang mya ngan las 'das pa'i dbyings kyis bsdus pa'i gzhi lam 'bras bu'i dkyil 'khor du gyur to cog kun la mchod sprin de dag gis re re zhing rgyas par dbul ba'o/__/gnyis pa tshul ji ltar dbul ba ni/_skal ldan rnal 'byor pa'i ting nge 'dzin mi gsal ba dang gsal ba'i khyad par gyis sam/__/yang na gcig car du gsal lam gyis rgya che ba chos kyi dbyings dang mnyam par sbyor zhing dbul lo/__/gnyis pa de'i rdzogs rim don dam ye shes kyi mchod pa ni/__ting nge 'dzin gyi mchod pa la dngos zhen spangs pa'i phyir mchod sprin de dag kyang rang gi sems tsam las don dam gang du'ang grub pa med la/__sems de yang nam mkha' lta bu'i rang bzhin gang nam mkha' mi gnas shing spros pa'i mtha' thams cad dang bral ba'i ngang la mchod bya dang /__mchod byed dang /__mchod pa gsum ka'i ngo bo ma grub pa'i tshul gyis mchod pa'i phyag rgya chen por bsgom par bya'o/__/de yang blo rab kyis mchod dus nyid nas de ltar bsgoms shing 'dzin zhen med par byas la/__dman pas rjes la mi dmigs pa'i ngang la bzhag go__/'di ni mchod pa'i mchog ste/__mdo las/__gang la mchod pa nam mkha' 'drar shes shing /__/gang gis mi dmigs gang du'ang 'dzin pa med/__/de ni mchod pa kun gyi dam pa ste/__/ye shes gzhal med bsam yas rab thob 'gyur/__/zhes so/__/gnyis pa gsang ba bde ba chen po'i mchod pa la gnyis te/__thabs bde ba chen po'i mchod pa dang /__shes rab mtha' gnyis la mi gnas pa'i mchod pa'o/__/dang po mkha' gsang snyoms par 'jug pas bde chen dga' bzhi'i sprin gyis mnyes pa dang /__gnyis pa rnam par mi rtog pa'i 'od gsal chen por rnal 'byor du bya ba ste rgyas par tan+t+ra gu h+ya gar+b+ha'i TI kar blta'o/___/__!_ des snang ba dang po gnyis rnam smin gyi rten la mthong zhing /__tshad pheb che dbang /__zad pa phyag rgya'i/__de dag rdzogs nas sangs rgyas kyi sa la lhun grub rig 'dzin/__snang ba dang po'i tshe sgo gsum lhug par gnas pas lus bde ngag gsal/__sems mi rtog pa'i drod gsum dang /__dbugs phyi nang du rgyu ba rags pa la dbang thob ste/__lam rim las/__de ltar bya byed med bsrings na/__/lus ngag sems la drod 'byung ste/__/bzod pa phra mo thob pa dang /__/'gyu ba'i dbugs la dbang thob ste/__/don la rnal du pheb pa dang /__/nges par drod gsum myong ba'o/__/zhes so/__/de'ang phyi rtags su 'od dang thig le'i snang ba ni zad par skye mched yin pas/__mthong ba dang /__nang rtags su lus ngag la bzod pa thob pa dang /__nyon mongs pa lnga shas chung ngu 'gro ba dang /__ting 'dzin brtan pa dang /__snang ba mched pa dang /__rmi lam yang gcer bur 'byung ba/__dri ma dag pa sogs dge bar rmi'o/__/nyams gong 'phel gyi skabs su chos thams cad sgyu ma lta bu la sogs pa'i rnam par rtog cing snang ba cher mched pa dang /__'gro ba la dbang med kyi snying rje 'byung ste/__lam rim las/__rnam rtog mtshan ma ci skyes kyang /__/ye shes sgyu ma rang snang phyir/__/chags sdang re dogs mi 'byung ste/__/ye shes sgyu ma gzhan du min/__/zhes so/__/rdo rje las/__de ltar sgyu ma thob goms pas/__/'khor ba'i chos la tshad med pa'i/__/byang chub sems kyis 'phrogs par 'gyur/__/ma 'khrul 'khrul pa ngo mtshar skye/__/don med 'dug pa de bzhin te/__/tshe 'di'i spyod yul thams cad kun/__/rmi lam du yang sgyu mar mthong /__/zhes sogs gsungs/__tshe dbang thob par byed do/__/de'i lus shing bal ltar yangs shing dbugs rgyu mi tshor ba dang /__phyi nang gi srin bu dang shig sro med pa la sogs pa'i rtags dang ldan no/__/snang ba gsum pa'i skabs su snang ba thams cad lha'i dkyil 'khor rgya mtsho dwangs pa'i gzugs brnyan ltar rang snang ba ste 'di dag sangs rgyas stong gi dkyil 'khor bsgom pa sogs las kyang snang zhing 'od gsal ba las dngos su snang ngo /__/mngon shes drug 'char/__ye shes nyer lnga thob/__rmi lam med do/__/snang ba bzhi pa'i tshe lus dang snang ba'i rgya las grol te/__rdo rje las/__ye shes sgyu ma'i cha lugs can/__/'byung ba rdo rje'i lus las grol/__/zhes so/__/de ltar sgom pa'i tshe rang bzhin gyi dkyil 'khor dang ting 'dzin bskyed pa'i dkyil 'khor la gnas pa des rang snang 'od gsal gyi dkyil 'khor bsgom pa nyid shes rab rdzogs pa'i rim pa ye shes chen po'i dkyil 'khor du lhun gyis grub pa las lam gong nas gong gi yon tan mngon du byed do/__/gsang ba 'od gsal gyi don nyams su len pa'i tshe/__lam rim las/__rgyu 'bras mtshams sbyor bar skabs kun/__/chos spyod dgu yi spros pa dor/__/rgyud la ldan kyang blang bya min/__/mtshan ma'i g.yeng ba yin phyir ro/__/zhes so/__/de dag gi don rgyas par ma hA sarba dz+nyA'i snying 'grel du rtogs par bya'o/__/'di yan bla ma dam pa ak+Shar shA sa na d+hA ra'i zhabs kyi gsung las btus pa'o/__/sarba mang+ga laM//___//__!