JKCL-KABUM-11-DA-096

🚧 This website is under continued development. We appreciate your patience!

Previous Text Back to Volume PageNext Text

Wylie title
Location	chos kyi blo gros bka' 'bum Volume 11, Text 96, Pages (Folios 1a to )
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. '. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 11: . Bir, H.P.: Khyentse Labrang, 2012.
Genre

1 Texts in this Section (sde tshan or chos tshan)

485-486	དགེ་བསྙེན་རྡོ་རྗེ་ཐོག་སྲས་ལ་བསང་མཆོད། dge bsnyen rdo rje thog sras la bsang mchod Smoke Offerings - bsangs mchod - lha bsang	Text page View PDF
	[[|འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ()]]

Tibetan Text

Wylie

[edit]

དགེ་བསྙེན་རྡོ་རྗེ་ཐོག་སྲས་ལ་བསང་མཆོད་བཞུགས་སོ། །ཕྱེ་མར་གཏོར་མ་སྐྱེམས་ཕུད་རྩི་ཤིང་དུད་པ་བཟང་པོ་བཅས་འདུ་བྱས་ལ། རྃ་ཡྃ་ཁྃ། ཨོཾ་ཨཱཿཧཱུྃ། ཀྱཻ། དག་པ་ལྷ་ཡི་གཞལ་ཡས་ན། །ངོ་མཚར་ཤེལ་གྱི་ཁང་བཟང་ནང་། །ལྷ་ཆེན་རྡོ་རྗེ་ཐོག་སྲས་ནི། །ལྷ་ཡི་དགེ་བསྙེན་སྐུ་མདོག་དཀར། །ནོར་བུའི་རྒྱལ་མཚན་མདུང་དར་བསྣམས། །དུང་རྟ་དཀར་པོ་རི་ཙམ་ཆིབས། །ཁྲབ་རྨོག་འཁོར་གསུམ་བརྗིད་པས་མཛེས། །ལྷ་ཀླུ་བཙན་དང་གནོད་སྦྱིན་དམག །སྲས་ཡུམ་སྤྲུལ་པ་བློན་འཁོར་རྣམས། །འདི་གཤེགས་བསང་དང་གསེར་སྐྱེམས་དང་། །གཏོར་མ་དཀོར་ཆའི་བརྔན་འདི་འབུལ། །གང་འདོད་ཕྲིན་ལས་མྱུར་དུ་སྒྲུབས། །ཤྭ་རྐྱང་གླ་རྣ་རྒོ་འབྲོང་སོགས། །རྟ་གཡག་གནག་ལུག་འདོད་འཇོའི་བ། །གཏེར་ཆེན་བུམ་པ་བཟང་པོ་དང་། །གོ་ཁྲབ་གོས་དར་གཅན་གཟན་སོགས། །ཤིང་རྩི་བལ་ཚོན་སྨྱུག་རྒོད་དང་། །ཤིང་རིས་སྣ་ཚོགས་རི་མོ་བཀྲ། །མདའ་མདུང་རལ་གྲི་མེ་སྒྱོགས་སོགས། །སྤྱན་གཟིགས་མཆོད་པ་སྣ་ཚོགས་བཞེས། །འགལ་འཁྲུགས་ཉམས་ཆགས་མནོལ་འཐིབས་སངས། །རྨེ་ཡུག་བཙོག་མནོལ་གྲིབ་རིགས་ཀྱིས། །གོས་པ་ཐམས་ཅད་དག་གྱུར་ཅིག །ཡུལ་ཕྱོགས་སྣོད་བཅུད་ཐམས་ཅད་ཀྱི། །མི་མཐུན་རྒུད་པ་ཀུན་སེལ་ཞིང་། །སྡེ་བཞི་དགེ་བཅུའི་དཔལ་ཡོན་རྒྱས། །བཙའ་སད་སེར་བའི་གནོད་པ་སྲུངས། །དགྲ་ཇག་ཆོམ་རྐུན་འཚེ་བ་བཟློག །འཁོར་འདས་ཕྱྭ་གཡང་བཅུད་བསྡུས་ནས། །བཀྲ་ཤིས་དགེ་མཚན་རབ་འཕེལ་ཤོག །ཅེས་པ་འདིའང་འགུལ་དགོན་དགེ་སློང་དམ་ཆོས་རབ་རྒྱས་ཀྱིས་བསྐུལ་ངོར་འཇམ་དབྱངས་ཆོས་ཀྱི་བློ་གྲོས་པས་བྲིས་པ་དགེ། སརྦ་མངྒ་ལཾ།། །།

[edit]

dge bsnyen rdo rje thog sras la bsang mchod bzhugs so/__/phye mar gtor ma skyems phud rtsi shing dud pa bzang po bcas 'du byas la/__ra~M ya~M kha~M/__oM AHhU~M/__kyai/__dag pa lha yi gzhal yas na/__/ngo mtshar shel gyi khang bzang nang /__/lha chen rdo rje thog sras ni/__/lha yi dge bsnyen sku mdog dkar/__/nor bu'i rgyal mtshan mdung dar bsnams/__/dung rta dkar po ri tsam chibs/__/khrab rmog 'khor gsum brjid pas mdzes/__/lha klu btsan dang gnod sbyin dmag__/sras yum sprul pa blon 'khor rnams/__/'di gshegs bsang dang gser skyems dang /__/gtor ma dkor cha'i brngan 'di 'bul/__/gang 'dod phrin las myur du sgrubs/__/shwa rkyang gla rna rgo 'brong sogs/__/rta g.yag gnag lug 'dod 'jo'i ba/__/gter chen bum pa bzang po dang /__/go khrab gos dar gcan gzan sogs/__/shing rtsi bal tshon smyug rgod dang /__/shing ris sna tshogs ri mo bkra/__/mda' mdung ral gri me sgyogs sogs/__/spyan gzigs mchod pa sna tshogs bzhes/__/'gal 'khrugs nyams chags mnol 'thibs sangs/__/rme yug btsog mnol grib rigs kyis/__/gos pa thams cad dag gyur cig__/yul phyogs snod bcud thams cad kyi/__/mi mthun rgud pa kun sel zhing /__/sde bzhi dge bcu'i dpal yon rgyas/__/btsa' sad ser ba'i gnod pa srungs/__/dgra jag chom rkun 'tshe ba bzlog__/'khor 'das phywa g.yang bcud bsdus nas/__/bkra shis dge mtshan rab 'phel shog__/ces pa 'di'ang 'gul dgon dge slong dam chos rab rgyas kyis bskul ngor 'jam dbyangs chos kyi blo gros pas bris pa dge/__sarba mang+ga laM//__//