JKW-KABUM-20-WA-001-031

🚧 This website is under continued development. We appreciate your patience!

Previous Text Back to Volume PageNext Text

ཐར་རྩེ་མཁན་རིན་པོ་ཆེ་ལ།

Wylie title	thar rtse mkhan rin po che la
Location	mkhyen brtse'i bka' 'bum Volume 20, sde tshan 1, Text 31, Pages 59-61 (Folios 30a5 to 31a3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. thar rtse mkhan rin po che la. In 'jam dbyangs mkhyen brtse'i dbang po'i bka' 'bum, Vol. 20: 59-61. Khams sde dge rdzong sar dgon: Rdzong sar blo gros phun tshogs, 2020.
Genre	Official Letters - chab shog

1 Texts in this Section (sde tshan or chos tshan)

31 59-61	ཐར་རྩེ་མཁན་རིན་པོ་ཆེ་ལ། thar rtse mkhan rin po che la Official Letters - chab shog	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

༅། ། རྦྷཱུཏཾཀཱརུཎཔཱདྱསཱརྜྷབཻ། སྡེབ་སྦྱོར་མཉམ་པའི་བྲྀཏྟ་ལས་ཡི་གེ་བཅུ་པ་ཕྲེང་ལྡན་གྱི་བྱེ་བྲག་དག་པའི་སྣང་བ་ཞེས་བྱ་བའི་པྲ་སྟྲཱ་རས་མཛེས་པའོ། །བྷཱབབྷཱབསམཾཔྲབྲཾཏྱཡོ རྫཱིཡཱཏྨཱསམཤཱསནཾརབིཿ གཟོད་ནས་ཤིན་ཏུ་ཞི་བའི་མཆོག་བརྙེས་ཀྱང་། །རྨད་བྱུང་སྙིང་རྗེའི་རོལ་མོ་དང་འགྲོགས་པས། །སྲིད་ན་སྲིད་པ་བཞིན་དུ་འཇུག་བརྩོན་པའི། །མཚུངས་མེད་བསྟན་པའི་ཉི་མ་རྒྱལ་གྱུར་ཅིག །ཅེས་དགེ་ལེགས་སུ་བྱ་བའི་ཚིག་གི་ཨུཏྤལ་སྔོན་དུ་གཏོར་བས་ལམ་ཡངས་པར་བྱས་ཏེ། གང་གི་ཚེ་གཟོད་མ་ནས་རྒྱལ་བ་སྲས་དང་བཅས་པས་ཇི་ལྟར་གཟིགས་པའི་སྤངས་རྟོགས་ཀྱི་ཡོན་ཏན་མཐའ་ཡས་པ་བདག་གིར་མཛད་ནས་བྱང་ཆུབ་ཆེན་པོའི་གོ་འཕང་མངོན་དུ་བརྙེས་སུ་ཟིན་ཀྱང་། སྨོན་ལམ་དང་སྙིང་རྗེའི་འཕེན་པས་ཚུར་མཐོང་གི་འགྲོ་བ་རྣམས་སྒྲོལ་བའི་སླད་དུ་མཆོག་གི་སྤྲུལ་པའི་སྐུའི་རྣམ་རོལ་ཏུ་ཤར་བའི་མཚུངས་མེད་བསྟན་པའི་ཉིན་བྱེད་ཆེན་པོ་བླ་ན་གསལ་ཞིང་། བསྟན་འཛིན་གྱི་སྐྱེས་བུ་འདུས་པ་རྒྱ་མཚོ་དང་བཅས་པ་བཤད་སྒྲུབ་ཀྱི་འདུ་བ་ལྷག་པར་འཕེལ་བའི་དུས་ཕུན་སུམ་ཚོགས་པའི་སྐབས་འདིར། སྐྱེས་སྦྱངས་ཀྱི་ཡོན་ཏན་དམན་ཡང་ལྷག་བསམ་པུཎྜ་རཱི་ཀའི་འཁྲི་ཤིང་ལྟར་གཅིག་ཏུ་དཀར་བའི་དགེ་སྦྱོང་རྒན་པོ་བྲང་ཏི་མཁས་པའི་རིགས་སྐྱེས་ཨེ་ཝྃ་ཐར་རྩེ་མཁན་མིང་པའང་། གནའ་ནས་ད་བར་དུ་ལུགས་གཉིས་ཀྱི་འབྲེལ་ཟབ་མཆོག་ཏུ་ཆེ་བར་མ་ཟད། ད་ལམ་ཡང་སྔོན་སྨོན་གྱི་རྟེན་འབྱུང་དུས་སུ་སྨིན་པའི་དགེ་ལེགས་ཀྱི་དུས་སྟོན་ཅིར་ཡང་ཐོབ་པ་ལ་གུས་སྤྲོའི་ལེགས་སྐྱེས་ཀྱི་མཆོད་སྤྲིན་འཕགས་པ་ཀུན་ཏུ་བཟང་པོའི་རྣམ་ཐར་ལ་དྲན་པ་ཉེ་བར་བཞག་པའི་མཚོན་བྱེད་དངོས་བཤམས་ཀྱི་མཎྜལ་ཟེག་མ་ཙམ་བསྟར་བར། ཐོག་མར་བཀྲ་ཤིས་པའི་ལྷ་གོས་རབ་དཀར་སྲིད་དུ་རིང་བ་སོགས། བཅས་འབུལ་ལམ་ཞུ་ན་དགྱེས་པ་ཆེན་པོས་བདག་གིར་མཛད་པ་དང་། སླད་མའི་ཆར་ཡང་། ངེས་གསང་བསྟན་པའི་ཉི་མ་མཆེད་ཞལ་རྣམ་པ་འབྱུང་འགྱུར་གྱི་རྒྱལ་བ་ལ་རྒྱལ་བས་སྲིད་ཞིའི་མཐའ་གཉིས་ལས་རྒྱལ་བའི་རྒྱལ་རྔ་བརྡུང་གི་བར་དུ་ཞབས་པད་རྡོ་རྗེའི་ཆོས་བདུན་གྱི་རང་བཞིན་དུ་བརྟན་ཅིག །བཤད་སྒྲུབ་ཀྱི་བསྟན་པ་ཉིན་མོ་ལྟར་མཛད་པ་ནས། ཕན་ཚུན་མཉེན་ཞིང་གཤིན་པའི་ཐུགས་བརྩེའི་འཇུག་པའང་རྒྱུན་མི་འཆད་པར་རྩེ་གཅིག་པའི་ཡིད་ཀྱིས་གསོལ་བ་ལགས་ན་ཅི་གནང་། སརྦ་དཱ་ཀ་ལྱཱ་ཎཾ་བྷ་བ་ཏུ།། །། ༈

[edit]

thar rtse mkhan rin po che la/

1. /___/_r+b+hUtaMkAruNapAd+yasAr+D+habai/_sdeb sbyor mnyam pa'i br-it+ta las yi ge bcu pa phreng ldan gyi bye brag dag pa'i snang ba zhes bya ba'i pra s+t+rA ras mdzes pa'o/___/b+hAbab+hAbasamaMprabraMt+yayo__rdzIyAt+mAsamashAsanaMrabiH__gzod nas shin tu zhi ba'i mchog brnyes kyang /___/rmad byung snying rje'i rol mo dang 'grogs pas/___/srid na srid pa bzhin du 'jug brtson pa'i/___/mtshungs med bstan pa'i nyi ma rgyal gyur cig__/ces dge legs su bya ba'i tshig gi ut+pal sngon du gtor bas lam yangs par byas te/___gang gi tshe gzod ma nas rgyal ba sras dang bcas pas ji ltar gzigs pa'i spangs rtogs kyi yon tan mtha' yas pa bdag gir mdzad nas byang chub chen po'i go 'phang mngon du brnyes su zin kyang /___smon lam dang snying rje'i 'phen pas tshur mthong gi 'gro ba rnams sgrol ba'i slad du mchog gi sprul pa'i sku'i rnam rol tu shar ba'i mtshungs med bstan pa'i nyin byed chen po bla na gsal zhing /___bstan 'dzin gyi skyes bu 'dus pa rgya mtsho dang bcas pa bshad sgrub kyi 'du ba lhag par 'phel ba'i dus phun sum tshogs pa'i skabs 'dir/___skyes sbyangs kyi yon tan dman yang lhag bsam puN+Da rI ka'i 'khri shing ltar gcig tu dkar ba'i dge sbyong rgan po brang ti mkhas pa'i rigs skyes e wa~M thar rtse mkhan ming pa'ang /___gna' nas da bar du lugs gnyis kyi 'brel zab mchog tu che bar ma zad/___da lam yang sngon smon gyi rten 'byung dus su smin pa'i dge legs kyi dus ston cir yang thob pa la gus spro'i legs skyes kyi mchod sprin 'phags pa kun tu bzang po'i rnam thar la dran pa nye bar bzhag pa'i mtshon byed dngos bshams kyi maN+Dal zeg ma tsam bstar bar/___thog mar bkra shis pa'i lha gos rab dkar srid du ring ba sogs/___bcas 'bul lam zhu na dgyes pa chen pos bdag gir mdzad pa dang /___slad ma'i char yang /___nges gsang bstan pa'i nyi ma mched zhal rnam pa 'byung 'gyur gyi rgyal ba la rgyal bas srid zhi'i mtha' gnyis las rgyal ba'i rgyal rnga brdung gi bar du zhabs pad rdo rje'i chos bdun gyi rang bzhin du brtan cig___/bshad sgrub kyi bstan pa nyin mo ltar mdzad pa nas/___phan tshun mnyen zhing gshin pa'i thugs brtse'i 'jug pa'ang rgyun mi 'chad par rtse gcig pa'i yid kyis gsol ba lags na ci gnang /___sarba dA ka l+yA NaM b+ha ba tu//___//_!_