JKW-KABUM-20-WA-001-032

Previous Text Back to Volume PageNext Text

རྫོགས་ཆེན་མཆོག་སྤྲུལ་རིན་པོ་ཆེར་དགོན་གནས་གསར་བཞེངས་སྐབས་ཞལ་འདེབས་ཕུལ་བའི་ཡི་གེ།

Wylie title	rdzogs chen mchog sprul rin po cher dgon gnas gsar bzhengs skabs zhal 'debs phul ba'i yi ge
Location	mkhyen brtse'i bka' 'bum Volume 20, sde tshan 1, Text 32, Pages 61-62 (Folios 31a3 to 31b5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. rdzogs chen mchog sprul rin po cher dgon gnas gsar bzhengs skabs zhal 'debs phul ba'i yi ge. In 'jam dbyangs mkhyen brtse'i dbang po'i bka' 'bum, Vol. 20: 61-62. Khams sde dge rdzong sar dgon: Rdzong sar blo gros phun tshogs, 2020.
Genre	Official Letters - chab shog

Tibetan Text

Wylie

[edit]

རྫོགས་ཆེན་མཆོག་སྤྲུལ་རིན་པོ་ཆེར་དགོན་གནས་གསར་བཞེངས་སྐབས་ཞལ་འདེབས་ཕུལ་བའི་ཡི་གེ་ཕན་བདེའི་ཟླ་སྣང་ཞེས་བྱ་བ་བཞུགས་སོ། ། ༅། ། ཏྣཻརཱབྷོགྱཙལོརུབཛྲབྷཱ། དག་པའི་སྣང་བའོ། །ནིརྨཱཀཱཡབརཱཏལཱལིཏཱ ཛཱིཡཱཏྴཱསནསཱུཪྻནོསམཾ། །ཀ་དག་འོད་གསལ་གཉུག་མའི་ཡེ་ཤེས་ལས། །ལྷུན་གྲུབ་འཕོ་ཆེན་རྡོ་རྗེའི་སྣང་བ་ནི། །དེང་འདིར་མཆོག་གི་སྤྲུལ་སྐུའི་རྣམ་རོལ་ཅན། །མཚུངས་མེད་བསྟན་པའི་ཉི་མ་རྒྱལ་གྱུར་ཅིག །ཅེས་ཚིག་སྦྱོར་གྱི་ཨུཏྤལ་སྔོན་དུ་གཏོར་ནས། དེང་གི་ཆར་ཡང་། སྔ་འགྱུར་འོད་གསལ་རྡོ་རྗེ་སྙིང་པོའི་བཤད་སྒྲུབ་ཀྱི་ཆུ་གཏེར་ཆེན་པོ་འོག་མིན་ཨོ་རྒྱན་བསམ་གཏན་ཆོས་གླིང་ཞེས་གྲགས་པ་ཕྱོགས་མཐར་དཀར་བ་ཉིད། བར་སྐབས་སུ་སྙིགས་མའི་དུས་ཀྱི་གཞན་དབང་གིས་ཉམས་ཆག་ཆེ་བར་གྱུར་ནའང་། སླར་ཡང་མཆོག་སྤྲུལ་བསྟན་པའི་ཉི་མ་གང་གི་ཐུགས་བསྐྱེད་དང་ཕྲིན་ལས་རྨད་དུ་བྱུང་བས་གསར་བཞེངས་ཉམས་གསོས་སྐོར་འགྲན་ཟླ་དང་བྲལ་བར་གྲུབ་པ་ལ་མངོན་དུ་ཕྱོགས་པའི་སྐབས་འདིར། རིས་མེད་པའི་བསྟན་པ་ལ་དག་པའི་སྣང་བ་པུཎྜཱ་རཱི་ཀའི་འཁྲི་ཤིང་ལྟར་གཅིག་ཏུ་དཀར་བའི་བྲང་ཏི་མཁས་པའི་རིགས་སྐྱེས་དགེ་སྦྱོང་རྒན་པོ་ཨེ་ཝྃ་ཐར་རྩེ་མཁན་མིང་པའང་། དད་སྤྲོའི་ཆུ་གཏེར་སྙིང་དབུས་ནས་གཡོ་བས་ཡན་ལག་བཞི་པའི་བསོད་ནམས་ཀྱི་བུང་བ་བདག་གིར་བགྱི་བའི་མཚོན་བྱེད། ཞལ་འདེབས་དངོས་པོའི་མེ་ཏོག་ཟེག་མ་ཙམ་བསྟར་བར། བཀྲ་ཤིས་པའི་ལྷ་གོས་རབ་དཀར་སོགས། སླད་མའི་ཆར་ཡང་། བསྟན་འཛིན་མཆོག་ཁྱོད་བསྐལ་བརྒྱར་ཞབས་བརྟན་མཐུས། །བསྟན་པའི་སྙིང་པོ་འོད་གསལ་རྫོགས་པ་ཆེའི། །བསྟན་པ་སྲིད་མཐའི་བར་དུ་གོང་འཕེལ་ཞིང་། །བསྟན་འགྲོར་ཕན་བདེའི་སྣང་བ་འབར་གྱུར་ཅིག །སརྦ་དཱ་ཀ་ལྱཱ་ཎཾ་བྷ་བ་ཏུ།། །། ༈

[edit]

rdzogs chen mchog sprul rin po cher dgon gnas gsar bzhengs skabs zhal 'debs phul ba'i yi ge/ rdzogs chen mchog sprul rin po cher dgon gnas gsar bzhengs skabs zhal 'debs phul ba'i yi ge phan bde'i zla snang zhes bya ba bzhugs so/_/__#/___/_t+nairAb+hogyatsalorubadz+rab+hA/___dag pa'i snang ba'o/___/nirmAkAyabarAtalAlitA__dzIyAt+shAsanasUR+YanosamaM/___/ka dag 'od gsal gnyug ma'i ye shes las/___/lhun grub 'pho chen rdo rje'i snang ba ni/___/deng 'dir mchog gi sprul sku'i rnam rol can/___/mtshungs med bstan pa'i nyi ma rgyal gyur cig__/ces tshig sbyor gyi ut+pal sngon du gtor nas/___deng gi char yang /___snga 'gyur 'od gsal rdo rje snying po'i bshad sgrub kyi chu gter chen po 'og min o rgyan bsam gtan chos gling zhes grags pa phyogs mthar dkar ba nyid/___bar skabs su snyigs ma'i dus kyi gzhan dbang gis nyams chag che bar gyur na'ang /___slar yang mchog sprul bstan pa'i nyi ma gang gi thugs bskyed dang phrin las rmad du byung bas gsar bzhengs nyams gsos skor 'gran zla dang bral bar grub pa la mngon du phyogs pa'i skabs 'dir/___ris med pa'i bstan pa la dag pa'i snang ba puN+DA rI ka'i 'khri shing ltar gcig tu dkar ba'i brang ti mkhas pa'i rigs skyes dge sbyong rgan po e wa~M thar rtse mkhan ming pa'ang /___dad spro'i chu gter snying dbus nas g.yo bas yan lag bzhi pa'i bsod nams kyi bung ba bdag gir bgyi ba'i mtshon byed/___zhal 'debs dngos po'i me tog zeg ma tsam bstar bar/___bkra shis pa'i lha gos rab dkar sogs/___slad ma'i char yang /___bstan 'dzin mchog khyod bskal brgyar zhabs brtan mthus/___/bstan pa'i snying po 'od gsal rdzogs pa che'i/___/bstan pa srid mtha'i bar du gong 'phel zhing /___/bstan 'gror phan bde'i snang ba 'bar gyur cig__/sarba dA ka l+yA NaM b+ha ba tu//__//_!