JKW-KABUM-02-KHA-001-010

🚧 This website is under continued development. We appreciate your patience!

Previous Text Back to Volume PageNext Text

བསླབ་པར་བྱ་བའི་གཏམ་ཀུ་མུད་གསར་པའི་ཆུན་པོ།

Wylie title	bslab par bya ba'i gtam ku mud gsar pa'i chun po
Location	mkhyen brtse'i bka' 'bum Volume 2, sde tshan 1, Text 10, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. bslab par bya ba'i gtam ku mud gsar pa'i chun po. In 'jam dbyangs mkhyen brtse'i dbang po'i bka' 'bum, Vol. 2: . Khams sde dge rdzong sar dgon: Rdzong sar blo gros phun tshogs, 2020.
Genre	Discourses - gtam

1 Texts in this Section (sde tshan or chos tshan)

10 37-38	བསླབ་པར་བྱ་བའི་གཏམ་ཀུ་མུད་གསར་པའི་ཆུན་པོ། bslab par bya ba'i gtam ku mud gsar pa'i chun po Discourses - gtam	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

བསླབ་པར་བྱ་བའི་གཏམ་ཀུ་མུད་གསར་པའི་ཆུན་པོ་ཞེས་བྱ་བ། ཀ༷་ཡེ་གསོན་དང་ཐར་པར་བརྩོན་པ་དང་། །ཁ༷་ཙམ་མ་ཡིན་དམ་ཆོས་སྒྲུབ་འདོད་ན། །ག༷ངྒཱས་འདྲེན་པའི་གསེར་གྱི་བྱེ་མ་ལྟར། །ང༷་བདག་འདུལ་བའི་ལམ་བཟང་བརྟན་པར་བྱོས། ༡ །ཅ༷་ཅོ་སྨྲ་བ་མང་པོ་གཡེང་བའི་རྒྱུ། །ཆ༷་ལུགས་བསླབ་པ་གསུམ་དང་མཐུན་པ་གཅེས། །ཇ༷་ཆང་ཉོན་མོངས་རོ་ལ་རབ་ཆགས་ཀྱང་། །ཉ༷་མོ་འདམ་གྱིས་བསྡམས་འདྲའི་སྡུག་བསྔལ་འབྱུང་།༢ །ཏ༷་རུའི་ཚེར་མ་ལྟར་རྣོ་ཚིག་རྩུབ་དང་། །ཐ༷་མལ་ཉོན་མོངས་འཁྲུལ་པའི་གཡེང་བ་དག །ད༷་ནས་བཟུང་སྟེ་ཀུན་ཏུ་བག་ཡོད་ཀྱི། །ན༷་མར་སྤངས་ལ་སྒོ་གསུམ་དགེ་བར་འབུངས། ༣ །པཱ༷་ར་མི་ཏ་དྲུག་པའི་སྙིང་པོ་ནི། །ཕ༷་རོལ་སྨན་པར་འདོད་པའི་བྱང་སེམས་ཏེ། །བ༷་ལང་ལྟ་བུའི་རྨོངས་པའི་དགྲ་ཟླ་ཡིས། །མ༷་དག་འཁོར་བར་བཅིངས་པར་མཁྱེན་འཚལ་ལོ། ༥ །ཙཱ༷་རུའི་ཞལ་ཟས་ལ་སོགས་མཆོད་པའི་རྒྱུ། །ཚ༷་གྲང་གདུང་བ་བཟོད་པར་རབ་བཞེངས་ཏེ། །ཛ༷་ཧུའི་རྒྱུན་བཞིན་ཐོག་མཐའ་བར་གསུམ་དུ། །ཝ༷་ལྟར་ཉུལ་ནས་སྐྱོན་རྣམས་བསལ་བར་བྱ། ༥ །ཞྭ༷་གོས་མཛེས་པར་རེར་ཡང་རྒྱགས་བའི་རྒྱུ། །ཟ༷་འོག་ཐག་ཏུ་བཏགས་ཀྱང་གཡེང་བའི་ལས། །འ༷་ཅག་ཕན་བར་མི་བགྱིད་དེ་ཡི་ཕྱིར། །ཡ༷་བྲལ་ལས་འདས་དབུ་མའི་དོན་ལ་བལྟ། ༦ །རྭ༷་ལྟར་མཐོ་བའི་རྒྱལ་སར་མ་སླེབས་ཀྱང་། །ལ༷་ཀླུང་ཉུལ་བའི་མུ་ཏོར་སླར་འགྱུར་ན། །ཤ༷་ཤཱ་ད་ནའི་རེག་བྱ་ལྟར་འཇམ་པའི། །ས༷་དང་ཕ་རོལ་ཕྱིན་པའི་ལམ་ལ་བསྙེན། ༧ །ཧ༷་ཅང་མི་འགྲུབ་བསྒྲུབ་པའི་དམ་བཅའ་བ། །ཨ༷་མཚར་ཙམ་དུ་མི་དགེར་ཕྱོགས་པ་ཡང་། །སོ་སོ་སྐྱེ་བོ་རྣམས་ཀྱི་ཁྱད་ཆོས་ཏེ། །ཐར་འདོད་དག་གིས་ཡུན་དུ་སྤངས་ན་ལེགས། ༨ །དེ་སྐད་བསླབ་པར་བྱ་བའི་ཟླ་ཤེལ་གྱིས། །མོས་ལྡན་ཐར་པའི་ཀུ་མུད་བཞད་པ་ལས། །ཕན་དང་བདེ་བའི་སྦྲང་རྩིའི་དོག་པ་ཡིས། །འགྲོ་ཀུན་སྲིད་ལས་ངལ་བསོ་བསྟེན་པར་ཤོག ༩ །སརྦ་མངྒ་ལཾ།། །། ༈

[edit]

bslab par bya ba'i gtam ku mud gsar pa'i chun po/__ bslab par bya ba'i gtam ku mud gsar pa'i chun po zhes bya ba/_kaX ye gson dang thar par brtson pa dang /_/khaX tsam ma yin dam chos sgrub 'dod na/_/gaXng+gAs 'dren pa'i gser gyi bye ma ltar/_/ngaX bdag 'dul ba'i lam bzang brtan par byos/_1__/caX co smra ba mang po g.yeng ba'i rgyu/_/chaX lugs bslab pa gsum dang mthun pa gces/_/jaX chang nyon mongs ro la rab chags kyang /_/nyaX mo 'dam gyis bsdams 'dra'i sdug bsngal 'byung /2__/taX ru'i tsher ma ltar rno tshig rtsub dang /_/thaX mal nyon mongs 'khrul pa'i g.yeng ba dag__/daX nas bzung ste kun tu bag yod kyi/_/naX mar spangs la sgo gsum dge bar 'bungs/_3_/pAX ra mi ta drug pa'i snying po ni/_/phaX rol sman par 'dod pa'i byang sems te/_/baX lang lta bu'i rmongs pa'i dgra zla yis/_/maX dag 'khor bar bcings par mkhyen 'tshal lo/_5__/tsAX ru'i zhal zas la sogs mchod pa'i rgyu/_/tshaX grang gdung ba bzod par rab bzhengs te/_/dzaX hu'i rgyun bzhin thog mtha' bar gsum du/_/waX ltar nyul nas skyon rnams bsal bar bya/_5___/zhwaX gos mdzes par rer yang rgyags ba'i rgyu/_/zaX 'og thag tu btags kyang g.yeng ba'i las/_/'aX cag phan bar mi bgyid de yi phyir/_/yaX bral las 'das dbu ma'i don la blta/_6__/rwaX ltar mtho ba'i rgyal sar ma slebs kyang /_/laX klung nyul ba'i mu tor slar 'gyur na/_/shaX shA da na'i reg bya ltar 'jam pa'i/_/saX dang pha rol phyin pa'i lam la bsnyen/_7_/haX cang mi 'grub bsgrub pa'i dam bca' ba/_/aX mtshar tsam du mi dger phyogs pa yang /_/so so skye bo rnams kyi khyad chos te/_/thar 'dod dag gis yun du spangs na legs/_8_/de skad bslab par bya ba'i zla shel gyis/_/mos ldan thar pa'i ku mud bzhad pa las/_/phan dang bde ba'i sbrang rtsi'i dog pa yis/_/'gro kun srid las ngal bso bsten par shog__9__/sarba mang+ga laM//___//_!_