JKW-KABUM-02-KHA-001-009

From Khyentse Lineage - A Tsadra Foundation Project

སྡོམ་པ་གསུམ་གྱི་ངེས་པ་འབྱེད་པའི་གཏམ་ཀུནྡཱའི་འཁྲི་ཤིང་།
Wylie title sdom pa gsum gyi nges pa 'byed pa'i gtam kun+dA'i 'khri shing JKW-KABUM-02-KHA-001.pdf
Location mkhyen brtse'i bka' 'bum
Volume 2, sde tshan 1, Text 9, Pages 36-37 (Folios 18b1 to 19a4)
Author འཇམ་དབྱངས་མཁྱེན་བརྩེའི་དབང་པོ་
Less details More details
Citation 'jam dbyangs mkhyen brtse'i dbang po. sdom pa gsum gyi nges pa 'byed pa'i gtam kun+dA'i 'khri shing. In 'jam dbyangs mkhyen brtse'i dbang po'i bka' 'bum, Vol. 2: 36-37. Khams sde dge rdzong sar dgon: Rdzong sar blo gros phun tshogs, 2020.
Genre Discourses - gtam  ·  Vows - sdom pa
[edit]
སྡོམ་པ་གསུམ་གྱི་ངེས་པ་འབྱེད་པའི་གཏམ་ཀུནྡཱའི་འཁྲི་ཤིང་ཞེས་བྱ་བ། ཀ༷་ལ་པིངྐའི་རོལ་མོ་ལྟར་སྙན་པའི། །ཁ༷་ཙམ་མ་ཡིན་བདེན་གཉིས་དམ་པའི་ཆོས། །ག༷ངྒཱའི་རྒྱུན་ལྟར་རྟག་པར་སྩོལ་མཛད་པའི། །ང༷་ཅག་གདུང་སེལ་སྲས་བཅས་རྒྱལ་བར་འདུད། ༡ །ཅ༷་ག་བག་ཡོད་སོ་ཐར་ཁྲིམས་ལ་བསྙེན། །ཆ༷་བྱད་ངུར་སྨྲིག་བླ་གོས་ལེགས་བགོས་ཏེ། །ཇ༷་སིག་རྟ་ནོར་སྒྱུ་མའི་རྫས་འཁོར་ལ། །ཉ༷་མོ་ལྕགས་ཀྱུའི་ཟིན་འདྲའི་ངེས་འབྱུང་བསྐྱེད། ༢།ཏ༷་ལའི་ཡལ་འདབ་གསར་པའི་གདུགས་བཞིན་དུ། །ཐ༷་དད་སྡུག་བསྔལ་སྐྱོབ་འདོད་སྨོན་སེམས་དང་། །ད༷་ནས་བཟུང་སྟེ་ཕྱིན་དྲུག་ལམ་བསྙེན་ནས། །ན༷་མར་འཇུག་པའི་བསླབ་བྱ་ལ་གནས་བྱ། ༣ །པ༷་སངས་ལྟ་བུའིཾ་དབང་བཞིའི་རྒྱུན་བཟང་པོ། །ཕ༷་མཐའ་མི་མངོན་རྡོ་རྗེ་ཐེག་པའི་ལམ། །བ༷་མོར་ཉི་བཞིན་ཉོན་མོངས་མྱུར་བཅོམ་ཕྱིར། །མ༷་ལུས་རྒྱུད་ལ་ཉེ་བར་བསྙེན་པར་བྱ། ༤ །ཙཱ༷་རི་ཏྲ་སོགས་གནས་ཡུལ་ཕྱག་རྒྱ་ཀུན། །ཚ༷་གྲང་ཨ་ཧཾ་རོལ་པའི་འཁོར་ལོར་འདུད། །ཛ༷་ཧུའི་རྒྱུན་ལྟར་རིམ་གཉིས་རྟག་བསྒོམས་ནས། །ཝ༷་ལྟར་ཉུལ་བའི་རླུང་སེམས་རྒྱུན་བཅད་བྱ། ༥ །ཞྭ༷་ཐོད་བཞིན་དུ་བླ་མ་སྤྱི་བོར་བཀུར། །ཟ༷་འོག་ལྟ་བུར་མ་འདྲེས་དམ་ཚིག་སྲུང་། །འ༷་འུར་བྲལ་བའི་སྒོ་གསུམ་སྤྱོད་ཡུལ་ཀུན། །ཡ༷་བྲལ་ཙམ་མིན་ལྷ་སྔགས་ཆོས་སྐུར་རོལ། ༦ །རཱ༷་མ་ཎ་ཡི་སྙིང་སྟོབས་ཇི་བཞིན་དུ། །ལ༷་ལ་ཙམ་མིན་འཁྲུལ་པའི་འཁོར་བ་ལ། །ཤ༷་ཟའི་བསམ་པ་ཀུན་ནས་རབ་བསླངས་ཏེ། །ས༷་བཅུའི་ཀློང་དུ་སྒྲོལ་བའི་བསམ་སྦྱོར་བསྐྱེད། ༧ །ཧ༷་ལའི་འདམ་རྫབ་ལྟ་བུའི་འཁོར་བ་ཡང་། །ཐ༷བས་མཆོག་ངེས་པའི་སྨན་གྱིས་ཟིན་གྱུར་ན། །ཨ༷་དོན་རྟོགས་པའི་ལང་ཚོ་རབ་རྒྱས་ཕྱིར། །ཉོན་མོངས་གང་ཤར་རང་གྲོལ་ཆེན་པོར་སྤྱོད། ༨ །དེ་སྐད་སྡོམ་པ་གསུམ་གྱི་བསླབ་བྱའི་དོན། །ཨཀྵ་ར་ཡི་གཟུགས་སུ་ཉེར་འཕོས་པའི། །ག་བུར་འཛིན་པ་བཞུ་བའི་ཆུ་རྒྱུན་གྱིས། །ཐར་པ་མཆོག་གི་ཀུནྡཱ་བཞད་བར་ཤོག །སརྦ་སུ་ཛ་ག་ཏཾ།། །། ༈
[edit]

sdom pa gsum gyi nges pa 'byed pa'i gtam kun+dA'i 'khri shing /__ sdom pa gsum gyi nges pa 'byed pa'i gtam kun+dA'i 'khri shing zhes bya ba/_kaX la ping+ka'i rol mo ltar snyan pa'i/_/khaX tsam ma yin bden gnyis dam pa'i chos/_/gaXng+gA'i rgyun ltar rtag par stsol mdzad pa'i/_/ngaX cag gdung sel sras bcas rgyal bar 'dud/_1__/caX ga bag yod so thar khrims la bsnyen/_/chaX byad ngur smrig bla gos legs bgos te/_/jaX sig rta nor sgyu ma'i rdzas 'khor la/_/nyaX mo lcags kyu'i zin 'dra'i nges 'byung bskyed/_2/taX la'i yal 'dab gsar pa'i gdugs bzhin du/_/thaX dad sdug bsngal skyob 'dod smon sems dang /_/daX nas bzung ste phyin drug lam bsnyen nas/_/naX mar 'jug pa'i bslab bya la gnas bya/_3_/paX sangs lta bu'iM dbang bzhi'i rgyun bzang po/_/phaX mtha' mi mngon rdo rje theg pa'i lam/_/baX mor nyi bzhin nyon mongs myur bcom phyir/_/maX lus rgyud la nye bar bsnyen par bya/_4__/tsAX ri tra sogs gnas yul phyag rgya kun/_/tshaX grang a haM rol pa'i 'khor lor 'dud/_/dzaX hu'i rgyun ltar rim gnyis rtag bsgoms nas/_/waX ltar nyul ba'i rlung sems rgyun bcad bya/_5__/zhwaX thod bzhin du bla ma spyi bor bkur/_/zaX 'og lta bur ma 'dres dam tshig srung /_/'aX 'ur bral ba'i sgo gsum spyod yul kun/_/yaX bral tsam min lha sngags chos skur rol/_6__/rAX ma Na yi snying stobs ji bzhin du/_/laX la tsam min 'khrul pa'i 'khor ba la/_/shaX za'i bsam pa kun nas rab bslangs te/_/saX bcu'i klong du sgrol ba'i bsam sbyor bskyed/_7__/haX la'i 'dam rdzab lta bu'i 'khor ba yang /_/thaXbs mchog nges pa'i sman gyis zin gyur na/_/aX don rtogs pa'i lang tsho rab rgyas phyir/_/nyon mongs gang shar rang grol chen por spyod/_8__/de skad sdom pa gsum gyi bslab bya'i don/_/ak+Sha ra yi gzugs su nyer 'phos pa'i/_/ga bur 'dzin pa bzhu ba'i chu rgyun gyis/_/thar pa mchog gi kun+dA bzhad bar shog__/sarba su dza ga taM//___//_!

Footnotes

Other Information