JKW-KABUM-20-WA-001-078

Previous Text Back to Volume PageNext Text

Wylie title
Location	mkhyen brtse'i bka' 'bum Volume 20, sde tshan 1, Text 78, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 20: . Khams sde dge rdzong sar dgon: Rdzong sar blo gros phun tshogs, 2020.
Genre	Official Letters - chab shog

1 Texts in this Section (sde tshan or chos tshan)

78 148-149	ཚེ་མཐའ་ཡས་པའི་ཕྱག་གིས་དབུགས་དབྱུང་ཞིང་། ཞེས་པའི་དབུ་ཅན། tshe mtha' yas pa'i phyag gis dbugs dbyung zhing/ zhes pa'i dbu can Prayers - smon lam   ·   Replies to Questions - dris lan	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

ཚེ་མཐའ་ཡས་པའི་ཕྱག་གིས་དབུགས་དབྱུང་ཞིང་། ཞེས་པའི་དབུ་ཅན། ཨོཾ་སྭསྟི་སིདྡྷཾ། ཚེ་མཐའ་ཡས་པའི་ཕྱག་གིས་དབུགས་དབྱུང་ཞིང་། །ཡིད་བཞིན་འཁོར་ལོས་འཆི་མེད་ཟིལ་དངར་སྩོལ། །རྣམ་པར་རྒྱལ་མས་བར་ཆད་ཀུན་བསལ་ནས། །ཁྱེད་ལ་རྟག་ཏུ་དགེ་ལེགས་སྦྱིན་གྱུར་ཅིག །བསོད་ནམས་བྱེ་བའི་དཔལ་གྱིས་མངོན་མཐོ་ཞིང་། །ལུགས་གཉིས་ཀུན་ལ་རྣམ་དཔྱོད་མཆོག་ཏུ་གསལ། །བསྟན་པའི་གདུགས་དཀར་བསྒྲེང་བའི་སྙིང་སྟོབས་ཅན། །མཚུངས་མེད་དམ་པ་མཆོག་གི་མདུན་ས་དེར། །ཞུ་གསོལ། དེང་དུས་སྒྲུབ་བརྒྱུད་སྙིང་པོ་སྟག་ལུང་པའི། །བཤད་སྒྲུབ་ལས་གསུམ་འདུས་པའི་རི་བོའི་སུལ། །ཆོས་དང་སྲིད་ཀྱི་འབྱོར་པ་ཆེན་པོ་ཡི། །ནོར་བུའི་དོ་ཤལ་གསར་པས་མཛེས་པ་གང་། །མཐོ་རིས་ཡོན་ཏན་བདུན་གྱི་སྐྱེད་ཚལ་ན། །འཁོར་ལོ་བཞི་དང་ལྡན་པའི་དཔག་བསམ་དབང་། །ཉེར་འཚེའི་དུས་ཀྱི་རླུང་གིས་མི་གཡོ་བཞིན། །འདོད་དགུའི་གྲིབ་བསིལ་སྣུམ་པོར་འཆར་བ་ནས། །འདི་ན་དགྱེས་བརྩེའི་བཀའ་མཆིད་གླེགས་བུ་དང་། །རིན་ཆེན་གཉིས་པའི་སྐྱེས་བཅས་སོན་པ་ཡིས། །ཡིད་སྤྲོའི་བཀའ་དྲིན་ཐོབ་པའི་དགེ་སྦྱོང་ཡང་། །བླ་མ་མཆོག་གསུམ་ཐུགས་རྗེས་འཚོ་བཞིན་མཆིས། །མཚམས་ཞུས། །སླད་མའི་ཆར་ཡང་། རྒྱལ་ཀུན་ཡེ་ཤེས་སྒྱུ་འཕྲུལ་དྲྭ་བ་མཚོ་སྐྱེས་བླ་མ་གཏེར་ཆེན་རྗེའི། །བྱིན་རླབས་ཐུགས་རྗེས་མངོན་པར་དབུགས་དབྱུང་དམ་པ་མཆོག་གི་མཛེས་སྐུའི་ཁམས། །མི་ཤིགས་རྡོ་རྗེའི་ཁམས་སུ་བརྟན་ཅིང་ལེགས་མཛད་བདུད་རྩིའི་འོད་དཀར་པོས། །ལྟོས་བཅས་ཀུན་དགའི་ངལ་འཚོ་དར་བབས་འདིར་ཡང་རྗེས་སུ་བརྩེ་བར་མཛོད། །ཅེས་པའི་ཞུ་མཚོན་བཅས།། །། ༈

[edit]

tshe mtha' yas pa'i phyag gis dbugs dbyung zhing /_zhes pa'i dbu can/ oM swasti sid+d+haM/_tshe mtha' yas pa'i phyag gis dbugs dbyung zhing /_/yid bzhin 'khor los 'chi med zil dngar stsol/_/rnam par rgyal mas bar chad kun bsal nas/_/khyed la rtag tu dge legs sbyin gyur cig_/bsod nams bye ba'i dpal gyis mngon mtho zhing /_/lugs gnyis kun la rnam dpyod mchog tu gsal/_/bstan pa'i gdugs dkar bsgreng ba'i snying stobs can/_/mtshungs med dam pa mchog gi mdun sa der/_/zhu gsol/_deng dus sgrub brgyud snying po stag lung pa'i/_/bshad sgrub las gsum 'dus pa'i ri bo'i sul/_/chos dang srid kyi 'byor pa chen po yi/_/nor bu'i do shal gsar pas mdzes pa gang /_/mtho ris yon tan bdun gyi skyed tshal na/_/'khor lo bzhi dang ldan pa'i dpag bsam dbang /_/nyer 'tshe'i dus kyi rlung gis mi g.yo bzhin/_/'dod dgu'i grib bsil snum por 'char ba nas/_/'di na dgyes brtse'i bka' mchid glegs bu dang /_/rin chen gnyis pa'i skyes bcas son pa yis/_/yid spro'i bka' drin thob pa'i dge sbyong yang /_/bla ma mchog gsum thugs rjes 'tsho bzhin mchis/_/mtshams zhus/_/slad ma'i char yang /_rgyal kun ye shes sgyu 'phrul drwa ba mtsho skyes bla ma gter chen rje'i/_/byin rlabs thugs rjes mngon par dbugs dbyung dam pa mchog gi mdzes sku'i khams/_/mi shigs rdo rje'i khams su brtan cing legs mdzad bdud rtsi'i 'od dkar pos/_/ltos bcas kun dga'i ngal 'tsho dar babs 'dir yang rjes su brtse bar mdzod/_/ces pa'i zhu mtshon bcas//__//_!_