JKW-KABUM-20-WA-001-057

🚧 This website is under continued development. We appreciate your patience!

Previous Text Back to Volume PageNext Text

Wylie title
Location	mkhyen brtse'i bka' 'bum Volume 20, sde tshan 1, Text 57, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 20: . Khams sde dge rdzong sar dgon: Rdzong sar blo gros phun tshogs, 2020.
Genre	Official Letters - chab shog

1 Texts in this Section (sde tshan or chos tshan)

57 104-105	འཇམ་མགོན་ས་པཎ་ལ་ཁྱད་པར་དུ་བསྔགས་པ། 'jam mgon sa paN la khyad par du bsngags pa Verses of Praise - bstod pa	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

འཇམ་མགོན་ས་པཎ་ལ་ཁྱད་པར་དུ་བསྔགས་པ། མཱརསིདྡྷཀུལསྱསུབྲྀཀྵབཻ་སྡེབ་སྦྱོར་ཡི་གེ་བཅུ་པ་ཕྲེང་ལྡན་མའི་བྱེ་བྲག་དག་པའི་སྣང་བའོ། །སཱརྡྷཱནཱཾཤུབྷཔུཥྤབརྔྷནཱ པུརྦཾབྷུཤྴུཙིམནྡརེཤྭརཻཿ ཤིས་བརྗོད་ཀྱི་སྒོ་གཉིས་པ་ས་སྐྱའི་གདུང་རབས་སྤྱི་དང་། འཇམ་མགོན་ས་པཎ་ལ་ཁྱད་པར་དུ་བསྔགས་པ། འཇམ་དཔལ་མཁྱེན་པའི་སྣང་བ་གསར་པ་ནི། །འཆི་མེད་གྲུབ་པའི་རིགས་ཀྱི་ལྗོན་བཟང་དང་། །འགྲོགས་པའི་དགེ་མཚན་མེ་ཏོག་དར་བབས་པ། །སྔོན་མེད་དཔག་བསམ་དབང་པོ་ས་སྐྱ་པ། ༡ །གང་དེའི་ཕྲིན་ལས་ནོར་བུའི་ཆུ་གཏེར་སྲིད་པའི་རྩེ་མོར་རབ་གཡོ་བར། །གང་གིས་རེག་པའི་དེ་མ་ཐག་ནས་ཕན་བདེའི་འདོད་དགུ་སྦྱིན་ནོ་ཞེས། །གང་དག་ས་གསུམ་འགྲོ་བའི་རྣ་ལུང་ཡང་ཡང་མཛེས་བྱས་ངོ་མཚར་ཅན། །གང་ཞིག་འཁོན་གདུང་བརྒྱུད་པར་བཅས་ལ་གུས་པས་བསྔགས་པར་མི་བགྱིད་སུ། ༢། ཁྱད་པར་བཟོ་གསོ་པདྨོ་དགོད་པར་སྒྲ་དང་ཚད་མའི་བདུད་རྩི་ཡིས། །རབ་ཏུ་ལྕི་བའི་སྙིང་པོ་ཡིད་འོང་སྡེ་སྣོད་རྒྱུད་སྡེའི་འབྲས་བུས་གཏམས། །ཚིག་རྒྱན་སྡེབ་སྦྱོར་མངོན་བརྗོད་ཟློས་གར་སྐར་རྩིས་རིག་པའི་གྲིབ་བསིལ་གྱིས། །རྒྱལ་བ་དགྱེས་པའི་ལམ་བཟང་གསལ་མཛད་འཇམ་དཔལ་མགོན་དངོས་པཎྜི་ཏ། ༣ །མཁས་པས་མཁས་པའི་ལེགས་བཤད་གཏམ་གྱིས་དཔྱོད་ལྡན་བྱེ་བའི་བརྟན་པ་འཕྲོག །གྲུབ་པས་གྲུབ་པའི་ངོ་མཚར་མཐའ་ཀླས་སྐལ་བཟང་ཀུན་དགའི་རྒྱལ་མཚན་འཛིན། །ཡོན་ཏན་ཡོན་ཏན་དུ་མའི་གཞི་གྱུར་ཕྱོགས་ལས་རྣམ་རྒྱལ་དཔལ་བཟང་པོའི། །ཤིས་པས་ཤིས་པའི་བདུད་རྩིའི་བརླན་གྱིས་ཕན་བདེའི་ཨུཏྤལ་དབྱེ་མཛོད་ཀྱེ། ༤ །

[edit]

'jam mgon sa paN la khyad par du bsngags pa/ mArasid+d+hakulas+yasubr-ik+Shabai sdeb sbyor yi ge bcu pa phreng ldan ma'i bye brag dag pa'i snang ba'o/_/sAr+d+hAnAMshub+hapuSh+pabar+ng+hanA_purbaMb+hush+shutsiman+dareshwaraiH_shis brjod kyi sgo gnyis pa sa skya'i gdung rabs spyi dang /_'jam mgon sa paN la khyad par du bsngags pa/_'jam dpal mkhyen pa'i snang ba gsar pa ni/_/'chi med grub pa'i rigs kyi ljon bzang dang /_/'grogs pa'i dge mtshan me tog dar babs pa/_/sngon med dpag bsam dbang po sa skya pa/_1_/gang de'i phrin las nor bu'i chu gter srid pa'i rtse mor rab g.yo bar/_/gang gis reg pa'i de ma thag nas phan bde'i 'dod dgu sbyin no zhes/_/gang dag sa gsum 'gro ba'i rna lung yang yang mdzes byas ngo mtshar can/_/gang zhig 'khon gdung brgyud par bcas la gus pas bsngags par mi bgyid su/_2/_khyad par bzo gso pad+mo dgod par sgra dang tshad ma'i bdud rtsi yis/_/rab tu lci ba'i snying po yid 'ong sde snod rgyud sde'i 'bras bus gtams/_/tshig rgyan sdeb sbyor mngon brjod zlos gar skar rtsis rig pa'i grib bsil gyis/_/rgyal ba dgyes pa'i lam bzang gsal mdzad 'jam dpal mgon dngos paN+Di ta/_3_/mkhas pas mkhas pa'i legs bshad gtam gyis dpyod ldan bye ba'i brtan pa 'phrog_/grub pas grub pa'i ngo mtshar mtha' klas skal bzang kun dga'i rgyal mtshan 'dzin/_/yon tan yon tan du ma'i gzhi gyur phyogs las rnam rgyal dpal bzang po'i/_/shis pas shis pa'i bdud rtsi'i brlan gyis phan bde'i ut+pal dbye mdzod kye/_4_/