JKW-KABUM-21-ZHA-002-044

Previous Text Back to Volume PageNext Text

Wylie title
Location	mkhyen brtse'i bka' 'bum Volume 21, sde tshan 2, Text 44, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 21: . Khams sde dge rdzong sar dgon: Rdzong sar blo gros phun tshogs, 2020.
Genre

1 Texts in this Section (sde tshan or chos tshan)

44 247-248	སྙིང་གཏེར་ནོར་བུམ། ཀླུ་བུམ་རྣམས་ཀྱི་རྫས་ཐོ། snying gter nor bum klu bum rnams kyi rdzas tho Vase Preparations - bum bca'	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

སྙིང་གཏེར་ནོར་བུམ། ཀླུ་བུམ་རྣམས་ཀྱི་རྫས་ཐོ། ༄༅། །སྙིང་གཏེར། ནོར་བུམ། ཀླུ་བུམ་རྣམས་ཀྱི་རྫས་ཐོ་མཐོང་བས་དོན་གསལ་དབྱེ། སྭསྟི། ས་བདག་སྙིང་གཏེར་དུ་གྲགས་པའི་གཏེར་བུམ་ལ། བུམ་པ་ཡུལ་དེའི་བྲེ་གང་ཤོང་བ་ལས་མི་ཆུང་བ་དཀར་རྩིས་ལེགས་པར་བྱུགས། རྟེན་འབྲེལ་གྱི་རི་མོ་གཞན་བྲིས་ཀྱང་ལེགས་མོད། མདུན་དུ་ས་སྙིང་གི་སྙིང་པོ། ཀྵཱིཾ། ཙམ་བྲིས་ཀྱང་རུང་། རྫས་ལ། མཐིལ་དུ་ཞིང་ས་ཆེན་པོ་དགུའི་ས། ས་དཔལ་ཅན་དང་། གནས་ཆེན་མང་པོའི་ས་སྣ་ཆུ་སྣ། རིན་ཆེན་ཕྱེ་མ་དཀྱིལ་འཁོར་ཆེན་པོའི་རྡུལ་ཚོན། རྒྱས་པའི་སྦྱིན་སྲེག་གི་ཐལ་བ། རབ་གནས་ཀྱི་མེ་ཏོག་སོགས་དགྲམ། དེ་ནས་འབྲུ་ནག་མ་ཡིན་པའི་འབྲུ་སྣ་གཙང་མ་བླུགས། དབུས་སུ་སྲོག་ཤིང་མཚོན་བྱེད་ཤུག་པ་རྩ་རྩེ་མ་ལོག་པར་གཞུང་ནས་འབྱུང་བའི་གཟུངས་ཀྱི་ཤོག་དྲིལ་ལ་དྲི་བཟང་དང་། བྱིན་རྟེན་རིགས་བྱུགས་པ་དྲིལ། འདིའི་ཡི་གེ་ཤར་རྟགས་མ་ནོར་བ་བྱུང་ན་ལེགས། ན་བཟའ་མེད་ཀྱང་ཆོག །དེའི་དབུས་དྲང་པོར་མ་ཎི་རིལ་བུ་ཤོག་རྒྱ་དང་། སྒྲུབ་ཆེན་བྱས་པའི་གཏོར་སྒྲུབ་ཀྱི་དུམ་བུ་ངེས་པར་དགོས་གསུངས། སྙིང་ཞོ་ཤ་རེ་བཅུག །བུམ་རྫས་ཉེར་ལྔའི་རིལ་བུ་ཡོད་ཀྱང་བཞག །དར་སྣས་རྒྱབ་ནས་དྲིལ་བར་གསུངས་ཀྱང་སྟབས་མི་བདེ་བས། ངེས་པར་བཅུག་དགོས་ཚེ་དར་སྣ་རས་སྣ་དྲིལ་ལ་ཤོག་རྒྱ་བྱས་ཏེ་བཞག །དེ་ནས་འབྲུ་སྣ། ཀླུ་དང་ས་བདག་ལ་མི་གནོད་པའི་སྨན་སྣ། ཀླུ་སྨན། བུམ་རྫས་ཉེར་ལྔ། ཟངས་ལྕགས་སོགས་མ་ཡིན་པའི་རིན་ཆེན་སྣ་ཚོགས། ཤིང་རྟོག་སྣ་ཚོགས། གནས་ཆེན་གྱི་བཟང་ཤིང་སྣ་ཚོགས། གླ་རྩི་སོགས་མ་འདྲེས་པའི་སྤོས་སྣ། དུག་རིགས་མ་ཡིན་པའི་མེ་ཏོག་སྣ་ཚོགས་བླུགས། ཁ་ཆོད་ཤིང་ལེབ་བག་ཕྱེ་ལྟ་བུས་དམ་པར་སྦྱར་བའི་སྟེང་མི་འཁྲུལ་བའི་ཕྱིར་རས་སམ་ཤོག་བུ་ལྟ་བུ་སྦྱར། རས་དཀར་པོ་ལ་རིགས་ལྔའི་ཕྱག་མཚན་གྱིས་མཚན་པས་ཁ་བཀབ། རས་དཀར་གྱིས་མགུལ་བ་བཅིངས་པའི་མདུད་པ་རྒྱབ་ཏུ་འོང་བར་བྱས་ལ་རྒྱས་བཏབ་བོ། །མངྒ་ལཾ། ༈ །

[edit]

snying gter nor bum/__klu bum rnams kyi rdzas tho/__ @#/_/snying gter/__nor bum/__klu bum rnams kyi rdzas tho mthong bas don gsal dbye/__swasti/__sa bdag snying gter du grags pa'i gter bum la/__bum pa yul de'i bre gang shong ba las mi chung ba dkar rtsis legs par byugs/__rten 'brel gyi ri mo gzhan bris kyang legs mod/__mdun du sa snying gi snying po/__k+ShIM/__tsam bris kyang rung /__rdzas la/__mthil du zhing sa chen po dgu'i sa/__sa dpal can dang /__gnas chen mang po'i sa sna chu sna/__rin chen phye ma dkyil 'khor chen po'i rdul tshon/__rgyas pa'i sbyin sreg gi thal ba/__rab gnas kyi me tog sogs dgram/__de nas 'bru nag ma yin pa'i 'bru sna gtsang ma blugs/__dbus su srog shing mtshon byed shug pa rtsa rtse ma log par gzhung nas 'byung ba'i gzungs kyi shog dril la dri bzang dang /__byin rten rigs byugs pa dril/__'di'i yi ge shar rtags ma nor ba byung na legs/__na bza' med kyang chog__/de'i dbus drang por ma Ni ril bu shog rgya dang /__sgrub chen byas pa'i gtor sgrub kyi dum bu nges par dgos gsungs/__snying zho sha re bcug__/bum rdzas nyer lnga'i ril bu yod kyang bzhag__/dar snas rgyab nas dril bar gsungs kyang stabs mi bde bas/__nges par bcug dgos tshe dar sna ras sna dril la shog rgya byas te bzhag__/de nas 'bru sna/__klu dang sa bdag la mi gnod pa'i sman sna/__klu sman/__bum rdzas nyer lnga/__zangs lcags sogs ma yin pa'i rin chen sna tshogs/__shing rtog sna tshogs/__gnas chen gyi bzang shing sna tshogs/__gla rtsi sogs ma 'dres pa'i spos sna/__dug rigs ma yin pa'i me tog sna tshogs blugs/__kha chod shing leb bag phye lta bus dam par sbyar ba'i steng mi 'khrul ba'i phyir ras sam shog bu lta bu sbyar/__ras dkar po la rigs lnga'i phyag mtshan gyis mtshan pas kha bkab/__ras dkar gyis mgul ba bcings pa'i mdud pa rgyab tu 'ong bar byas la rgyas btab bo/__/mang+ga laM/_!__/