JKW-KABUM-21-ZHA-001-005

🚧 This website is under continued development. We appreciate your patience!

Previous Text Back to Volume PageNext Text

སྒྲུབ་ཐབས་འདོད་འཇོ་དང་འབྲེལ་བར་དབྱངས་ཅན་རིལ་བུ་སྒྲུབ་པའི་ངག་འདོན།

Wylie title	sgrub thabs 'dod 'jo dang 'brel bar dbyangs can ril bu sgrub pa'i ngag 'don
Location	mkhyen brtse'i bka' 'bum Volume 21, sde tshan 1, Text 5, Pages 23-26 (Folios 12a1 to 13b4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. sgrub thabs 'dod 'jo dang 'brel bar dbyangs can ril bu sgrub pa'i ngag 'don. In 'jam dbyangs mkhyen brtse'i dbang po'i bka' 'bum, Vol. 21: 23-26. Khams sde dge rdzong sar dgon: Rdzong sar blo gros phun tshogs, 2020.
Genre

1 Texts in this Section (sde tshan or chos tshan)

5 23-26	སྒྲུབ་ཐབས་འདོད་འཇོ་དང་འབྲེལ་བར་དབྱངས་ཅན་རིལ་བུ་སྒྲུབ་པའི་ངག་འདོན། sgrub thabs 'dod 'jo dang 'brel bar dbyangs can ril bu sgrub pa'i ngag 'don Liturgy - ngag 'don   ·   Medicinal Pills - Making and Activating Practices - sman sgrub	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

སྒྲུབ་ཐབས་འདོད་འཇོ་དང་འབྲེལ་བར་དབྱངས་ཅན་རིལ་བུ་སྒྲུབ་པའི་ངག་འདོན། སྒྲུབ་ཐབས་འདོད་འཇོ་དང་འབྲེལ་བར་དབྱངས་ཅན་རིལ་བུ་སྒྲུབ་པའི་ངག་འདོན་ནི། བདག་བསྐྱེད་བཟླས་པ་དང་བཅས་པ་སྔོན་དུ་འགྲོ་བས། སྦྱོང་ཁྲུས་རྒྱས་པར་བྱ་བའམ། ཨ་མྲྀ་ཏས་བསང་། སྭ་བྷཱ་ཝས་སྦྱང་། སྟོང་པའི་ངང་ལས་མདུན་དུ་ལྷ་དང་དྲང་སྲོང་དྲི་ཟ་གྲུབ་པའི་ཚོགས་ཀྱིས་བསྟེན་པའི་གཞི། རི་བོ་ནགས་ཚལ་སྨན་ལྗོངས་ཉམས་དགའ་བའི་དབུས། འོ་མའི་རྒྱ་མཚོ་དཀར་ལ་དྭངས་པའི་ནང་དུ་པཾ་ལས་པདྨ་དཀར་པོའི་སྡོང་བུ་འདབ་མ་རྒྱས་པ་དང་། ཨ་ལས་ཟླ་བའི་དཀྱིལ་འཁོར་གྱི་སྟེང་དུ་རིལ་བུ་རྣམས་ཧྲཱིཾ་དཀར་པོ་ལས། ཞེས་པ་ནས། རང་བཞིན་མེད་པའི་སྐུར་གྱུར། རང་གི་ཐུགས་སྲོག་ལས་འོད་ཟེར་དཀར་པོ་འཕྲོས། སྣ་བུག་གཡས་ནས་ཐོན་སོགས་ནས། བི་ལེ་པ་ནི་ཧཱུྃ། ཞེས་པའི་བར་སྒྲུབ་ཐབས་ལྟར། ཛཿཧཱུྃ་བྃ་ཧོཿ དམ་ཚིག་པ་དང་གཉིས་སུ་མེད་པར་གྱུར། མཆོད་པ་བསང་སྦྱང་། སྟོང་པའི་ངང་ལས་ལྷ་རྫས་དང་ཏིང་ངེ་འཛིན་ལས་གྲུབ་པའི་མཆོད་པའི་སྤྲིན་ཕུང་ཡེ་ཤེས་ཀྱི་རྣམ་རོལ་མཁའ་ཁྱབ་ཏུ་འཆར་བར་གྱུར། ཨོཾ་བཛྲ་ཨརྒྷཾ་ཨཱཿཧཱུྃ་ནས། ཤབྡ་ཨཱཿཧཱུྃ་གི་བར་གྱིས་བརླབ། རབ་བྱམས་རྒྱ་མཚོ་དཔག་མེད་ན། །མཆོད་ཡོན་ཇི་སྙེད་ཡོད་པ་རྣམས། །འཕགས་མ་སྒྲ་དབྱངས་ལྷ་མོར་འབུལ། །བློ་དང་ངག་གི་དངོས་གྲུབ་སྩོལ། །ཨོཾ་སྭ་ར་སྭ་སྟཱི་དེ་ཝཱི་ས་པ་རི་ཝཱ་ར་ཨརྒྷཾ་པྲ་ཏཱིཙྪ་སྭཱ་ཧཱ། དེ་བཞིན་དུ། ཞབས་བསིལ། པཱདྱཾ། མེ་ཏོག །པུཥྤེ། བདུག་སྤོས། དྷཱུ་པེ། སྣང་གསལ། ཨཱ་ལོ་ཀེ། །དྲི་མཆོག །གནྡྷེ། ཞལ་ཟས། ནཻ་ཝིདྱཱ། རོལ་མོ། ཤབྡ་ཞེས་སྦྱར་བས་མཆོད། སྤྲོ་ན། མི་དབང་རིན་ཆེན་སྣ་བདུན་འདི་དག་ནི། །འཕགས་མ་འཁོར་དང་བཅས་པ་མ་ལུས་ལ། །བཤམས་ཤིང་ཡིད་ཀྱིས་སྤྲུལ་ཏེ་ཕུལ་བ་ཡིས། །འགྲོ་བ་མི་ཟད་གཏེར་ལ་སྤྱོད་པར་ཤོག །ཨོཾ་སཔྟ་མ་ཧཱ་རཏྣ་བཛྲ་པཱུ་ཛི་ཏེ་ཨཱཿཧཱུྃ། ཕྱོགས་དུས་ཀུན་ན་གཟུགས་སྒྲ་དྲི་དང་རོ། །རེག་བྱའི་ཁྱད་པར་ཕུན་སུམ་ཚོགས་པ་རྣམས། །མོས་བློས་སྒྲ་དབྱངས་ལྷ་མོར་བདག་འབུལ་ན། །བཞེས་ཤིང་བློ་དང་ངག་གི་དངོས་གྲུབ་སྩོལ། ཨོཾ་པཉྩ་ཀཱ་མ་གུ་ཎ་བཛྲ་པཱུ་ཛི་ཏེ་ཨཱཿཧཱུྃ། ལྷ་ཡི་དབང་པོ་ལྷ་མིན་གཡུལ་རྒྱལ་ནས། །བཀྲ་ཤིས་ལྷ་མོ་བརྒྱད་ཀྱིས་མཆོད་པ་ལྟར། རྒྱལ་བའི་ཡུམ་མཆོག་སྒྲ་དབྱངས་ལྷ་མོ་ལ། །བཀྲ་ཤིས་རྫས་བརྒྱད་དག་གིས་མཆོད་པར་བགྱི། །ཨོཾ་ཨཥྚ་མངྒ་ལ་བཛྲ་པཱུ་ཛི་ཏེ་ཨཱཿཧཱུྃ། བྲམ་ཟེ་ཕུར་བུས་མཛད་པ་སོགས་བསྟོད་པ་རྒྱས་བསྡུས་ཇི་ལྟར་རིགས་པས་བསྟོད། གཟུངས་ཐག་བླངས་ལ། རིལ་བུ་ལྷ་མོར་གསལ་བའི་ཐུགས་ཀར་དབྱངས་ཅན་གྱི་འཁོར་ལོ་པདྨ་འདབ་བརྒྱད་དཀར་ཞིང་འཚེར་བའི་ལྟེ་བར་ཟླ་བ་ལ་ཧྲཱིཾ། འདབ་མ་བརྒྱད་ལ་མདུན་ནས་གཡས་སྐོར་དུ་དབྱངས་ཀྱི་ཡི་གེ་གཉིས་གཉིས་འཁོད་པ་མར་མེའི་ཕྲེང་བ་ལྟར་འབར་བ། རང་གི་ཐུགས་ཀའི་ས་བོན་ལས་འོད་ཟེར་འཕྲོས། མདུན་གྱི་ལྷ་མོའི་ཐུགས་རྒྱུད་བསྐུལ། དེའི་ཐུགས་ཀ་ནས་འོད་ཟེར་ཕྱོགས་བཅུར་འཕྲོས། འཕགས་པ་མཆོད། སེམས་ཅན་ཐམས་ཅད་ཀྱི་མ་རིག་པའི་མུན་པ་བསལ། ཤེས་རབ་ཀྱི་སྣང་བ་ལ་བཀོད། འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ། མཁྱེན་བརྩེ་ནུས་པའི་ཡེ་ཤེས། བརྟན་གཡོའི་དྭངས་བཅུད་ཐམས་ཅད་བསྡུས་ནས་ཐུགས་ཀའི་ས་བོན་ལ་ཐིམ་པར་གྱུར། ཧྲཱི་ཞེས་ཅི་ནུས་དང་། ཐུན་མཐར་དབྱངས་གསལ་དང་། ཨོཾ་ཧྲཱིཾ་མ་ཧཱ་མཱ་ཡཱངྒེ་མ་ཧཱ་ས་ར་སྭ་སྟྱཻ་ན་མཿ ཞེས་དང་། ཨོཾ་བཱ་གྷཱ་དི་ནི་བཱ་ཙཪྻ་ནི་ཡཙྪ་སྭ་ར་སྭ་སྟཱི་མ་ཧཱ་ཤྭེ་ཏེ་སྭཱ་ཧཱ། ཞེས་དང་། ཨོཾ་ཙནྡྲ་གཽ་མི་སལ་སལ་ཕྱེ་ཕྱེ་ཧཱུྃ་ཧཱུྃ་སྭཱ་ཧཱ། ཞེས་པ་རྣམས་ཀྱང་བཟླས། རྗེས་གནང་གི་སྐབས་ལྟར་གཏོར་མ་གསུམ་ཕུལ། ལྷག་ཆད་ཁ་སྐོང་། བཟོད་གསོལ། བསྔོ་སྨོན་ཤིས་བརྗོད་བཅས་བྱ། ཐུན་ཕྱི་མ་རྣམས་ལ་མདུན་བསྐྱེད་སྔར་ཡོད་གསལ་གདབ་ཀྱི་ཚུལ་དུ་བསྐྱེད་ལ་ཇི་སྐད་བཤད་པ་བཞིན་ཉམས་སུ་བླངས་ཏེ། དེ་ལྟར་རྨི་ལམ་སོགས་རྟགས་མཚན་དགེ་བ་མཐོང་བའི་བར་དུ་བསྒྲུབ། ཐུན་ཐ་མར་གཏོར་མ་ཕུལ་བའི་རྗེས་སུ། དབྱངས་ཅན་མ་འོད་དུ་ཞུ་བ་ཡོངས་སུ་གྱུར་པ་ལས་སྨན་གྱི་རིལ་བུ་བློ་གྲོས་ཀྱི་མཐུ་ཐོགས་པ་མེད་པར་སྟེར་བའི་ནུས་བྱིན་དང་ལྡན་པར་གྱུར། རྟེན་འབྲེལ་སྙིང་པོ་མང་དུ་བཟླས་པའི་མེ་ཏོག་གི་ཆར་ཕབ་ལ་ཤིས་པ་བརྗོད། གཏོར་མགྲོན་རྟེན་མེད་ན་གཤེགས་སུ་གསོལ་བ་སོགས་སྐབས་དང་སྦྱར། དགེ་བ་འདི་ཡིས་མྱུར་དུ་བདག །སྒྲ་དབྱངས་ལྷ་མོ་འགྲུབ་གྱུར་ནས། །སོགས་དགེ་བ་བསྔོ། ཆེ་བའི་ཆེ་མཆོག་ལྟ་བུའི་ཤིས་བརྗོད་གང་རིགས་བྱའོ། ། ༈

[edit]

sgrub thabs 'dod 'jo dang 'brel bar dbyangs can ril bu sgrub pa'i ngag 'don/ sgrub thabs 'dod 'jo dang 'brel bar dbyangs can ril bu sgrub pa'i ngag 'don ni/__bdag bskyed bzlas pa dang bcas pa sngon du 'gro bas/__sbyong khrus rgyas par bya ba'am/__a mr-i tas bsang /__swa b+hA was sbyang /__stong pa'i ngang las mdun du lha dang drang srong dri za grub pa'i tshogs kyis bsten pa'i gzhi/__ri bo nags tshal sman ljongs nyams dga' ba'i dbus/__'o ma'i rgya mtsho dkar la dwangs pa'i nang du paM las pad+ma dkar po'i sdong bu 'dab ma rgyas pa dang /__a las zla ba'i dkyil 'khor gyi steng du ril bu rnams hrIM dkar po las/__zhes pa nas/__rang bzhin med pa'i skur gyur/__rang gi thugs srog las 'od zer dkar po 'phros/__sna bug g.yas nas thon sogs nas/__bi le pa ni hU~M/__zhes pa'i bar sgrub thabs ltar/__dzaHhU~M ba~M hoH__dam tshig pa dang gnyis su med par gyur/__mchod pa bsang sbyang /__stong pa'i ngang las lha rdzas dang ting nge 'dzin las grub pa'i mchod pa'i sprin phung ye shes kyi rnam rol mkha' khyab tu 'char bar gyur/__oM badz+ra ar+g+haM AHhU~M nas/__shab+da AHhU~M gi bar gyis brlab/__rab byams rgya mtsho dpag med na/__/mchod yon ji snyed yod pa rnams/__/'phags ma sgra dbyangs lha mor 'bul/__/blo dang ngag gi dngos grub stsol/__/oM swa ra swa stI de wI sa pa ri wA ra ar+g+haM pra tIts+tsha swA hA/__de bzhin du/__zhabs bsil/__pAd+yaM/__me tog__/puSh+pe/__bdug spos/__d+hU pe/__snang gsal/__A lo ke/__/dri mchog__/gan+d+he/__zhal zas/__nai wid+yA/__rol mo/__shab+da zhes sbyar bas mchod/__spro na/__mi dbang rin chen sna bdun 'di dag ni/__/'phags ma 'khor dang bcas pa ma lus la/__/bshams shing yid kyis sprul te phul ba yis/__/'gro ba mi zad gter la spyod par shog__/oM sap+ta ma hA rat+na badz+ra pU dzi te AHhU~M/__phyogs dus kun na gzugs sgra dri dang ro/__/reg bya'i khyad par phun sum tshogs pa rnams/__/mos blos sgra dbyangs lha mor bdag 'bul na/__/bzhes shing blo dang ngag gi dngos grub stsol/__oM pany+tsa kA ma gu Na badz+ra pU dzi te AHhU~M/__lha yi dbang po lha min g.yul rgyal nas/__/bkra shis lha mo brgyad kyis mchod pa ltar/__rgyal ba'i yum mchog sgra dbyangs lha mo la/__/bkra shis rdzas brgyad dag gis mchod par bgyi/__/oM aSh+Ta mang+ga la badz+ra pU dzi te AHhU~M/__bram ze phur bus mdzad pa sogs bstod pa rgyas bsdus ji ltar rigs pas bstod/__gzungs thag blangs la/__ril bu lha mor gsal ba'i thugs kar dbyangs can gyi 'khor lo pad+ma 'dab brgyad dkar zhing 'tsher ba'i lte bar zla ba la hrIM/__'dab ma brgyad la mdun nas g.yas skor du dbyangs kyi yi ge gnyis gnyis 'khod pa mar me'i phreng ba ltar 'bar ba/__rang gi thugs ka'i sa bon las 'od zer 'phros/__mdun gyi lha mo'i thugs rgyud bskul/__de'i thugs ka nas 'od zer phyogs bcur 'phros/__'phags pa mchod/__sems can thams cad kyi ma rig pa'i mun pa bsal/__shes rab kyi snang ba la bkod/__'jig rten dang 'jig rten las 'das pa'i dngos grub/__mkhyen brtse nus pa'i ye shes/__brtan g.yo'i dwangs bcud thams cad bsdus nas thugs ka'i sa bon la thim par gyur/__hrI zhes ci nus dang /__thun mthar dbyangs gsal dang /__oM hrIM ma hA mA yAng+ge ma hA sa ra swa s+t+yai na maH__zhes dang /__oM bA g+hA di ni bA tsaR+Ya ni yats+tsha swa ra swa stI ma hA shwe te swA hA/__zhes dang /__oM tsan+d+ra gau mi sal sal phye phye hU~M hU~M swA hA/__zhes pa rnams kyang bzlas/__rjes gnang gi skabs ltar gtor ma gsum phul/__lhag chad kha skong /__bzod gsol/__bsngo smon shis brjod bcas bya/__thun phyi ma rnams la mdun bskyed sngar yod gsal gdab kyi tshul du bskyed la ji skad bshad pa bzhin nyams su blangs te/__de ltar rmi lam sogs rtags mtshan dge ba mthong ba'i bar du bsgrub/__thun tha mar gtor ma phul ba'i rjes su/__dbyangs can ma 'od du zhu ba yongs su gyur pa las sman gyi ril bu blo gros kyi mthu thogs pa med par ster ba'i nus byin dang ldan par gyur/__rten 'brel snying po mang du bzlas pa'i me tog gi char phab la shis pa brjod/__gtor mgron rten med na gshegs su gsol ba sogs skabs dang sbyar/__dge ba 'di yis myur du bdag__/sgra dbyangs lha mo 'grub gyur nas/__/sogs dge ba bsngo/__che ba'i che mchog lta bu'i shis brjod gang rigs bya'o/__/_!