JKW-KABUM-23-'A-004-001

🚧 This website is under continued development. We appreciate your patience!

First text in section. Back to Volume PageNext Text

གསུང་ངག་ལམ་རིམ་སྨོན་ལམ་བྱིན་རླབས་དཔལ་སྟེར།

Wylie title	gsung ngag lam rim smon lam byin rlabs dpal ster
Location	mkhyen brtse'i bka' 'bum Volume 23, sde tshan 4, Text 1, Pages 225-228 (Folios 1a to 2b2)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. gsung ngag lam rim smon lam byin rlabs dpal ster. In 'jam dbyangs mkhyen brtse'i dbang po'i bka' 'bum, Vol. 23: 225-228. Khams sde dge rdzong sar dgon: Rdzong sar blo gros phun tshogs, 2020.
Genre	Prayers - smon lam  ·  Stages of the Path - lam rim  ·  Supplications - gsol 'debs  ·  Advice - zhal gdams
Colophon	།ཞེས་པའང་སྒྲུབ་བརྩོན་བླ་མ་དམ་པ་འགྱུར་མེད་ཕྲིན་ལས་དཔལ་ལྡན་ནས་ཞལ་གདམས་ཤིག་དགོས་ཞེས་གསུང་ངོར་གསོལ་འདེབས་སྨོན་ཚིག་དང་འབྲེལ་བར་གསུང་ངག་རིན་པོ་ཆེའི་དགོངས་དོན་མདོར་བསྡུས་པའི་ཚུལ་གྱིས་འཇམ་དབྱངས་མཁྱེན་བརྩེའི་དབང་པོས་བྲིས་པ་དོན་དང་ལྡན་པར་གྱུར་ཅིག ། མངྒ་ལམ་བྷ་བ་ཏུ།།
	zhes pa'ang sgrub brtson bla ma dam pa 'gyur med phrin las dpal ldan nas zhal gdams shig dgos zhes gsung ngor gsol 'debs smon tshig dang 'brel bar gsung ngag rin po che'i dgongs don mdor bsdus pa'i tshul gyis 'jam dbyangs mkhyen brtse'i dbang pos bris pa don dang ldan par gyur cig__/_mang+ga lam b+ha ba tu/

Tibetan Text

Wylie

[edit]

གསུང་ངག་རིན་པོ་ཆེའི་ལམ་རིམ་གསོལ་འདེབས་སྨོན་ལམ་མདོར་བསྡུས་པ་བྱིན་རླབས་དཔལ་སྟེར་ཞེས་བྱ་བ་བཞུགས་སོ། །རྩ་བརྒྱུད་བླ་མ་ཡི་དམ་ཀྱེ་རྡོ་རྗེ། །རྣལ་འབྱོར་མ་དཔལ་ཆོས་སྲུང་ནོར་ལྷ་སོགས། །སྐྱབས་གནས་དཀོན་མཆོག་རྒྱ་མཚོའི་ཚོགས་རྣམས་ལ། །སྙིང་ནས་གསོལ་བ་འདེབས་སོ་བྱིན་གྱིས་རློབས། །བདག་གཞན་འགྲོ་ཀུན་སྐྱེ་བ་ཐམས་ཅད་དུ། །དམ་ཆོས་སྒྲུབ་པའི་རྟེན་མཆོག་ལེགས་ཐོབ་ནས། །ཐེག་ཆེན་རིགས་སད་དད་པ་རྣམ་གསུམ་གྱིས། །བཤེས་གཉེན་ཚུལ་བཞིན་བསྟེན་པར་བྱིན་གྱིས་རློབས། ཁམས་གསུམ་འཁོར་བ་མེ་འོབས་ལྟ་བུར་མཐོང་། །དལ་འབྱོར་རྙེད་དཀའ་འཇིག་སླའི་ངང་ཚུལ་རིག །ལས་འབྲས་བསླུ་མེད་ཡིད་ཆེས་བརྟན་པོ་ཡིས། །བླང་དོར་འཁྲུལ་མེད་སྤྱོད་པར་བྱིན་གྱིས་རློབས། །མཁའ་ཁྱབ་འགྲོ་ཀུན་ཕ་མ་དྲིན་ཅན་ཕྱིར། །བྱམས་དང་སྙིང་རྗེ་བྱང་ཆུབ་སེམས་གཉིས་འབྱོངས། །འབྲས་བུའི་ཡོན་ཏན་ཐོས་པས་རྒྱུད་བསྐུལ་ནས། །གསང་ཆེན་ལམ་ལ་འཇུག་པར་བྱིན་གྱིས་རློབས། །དབང་གིས་རྒྱུད་སྨིན་དམ་ཚིག་རྣམ་པར་དག །སྣང་སེམས་སྒྱུ་མ་རྟེན་འབྲེལ་བརྗོད་བྲལ་བའི། །འཁོར་འདས་དབྱེར་མེད་འོད་གསལ་ཕྱག་རྒྱ་ཆེ། །རྒྱུ་དུས་ལྟ་བ་རྟོགས་པར་བྱིན་གྱིས་རློབས། །ཐ་མལ་དངོས་ཀུན་ཕྱི་ནང་ལྷ་སྐུར་ཤར། །རླུང་དང་གཏུམ་མོས་གསལ་སྟོང་ཉམས་མྱོང་སྨིན། །དཔེ་དོན་ལྷན་སྐྱེས་ཡེ་ཤེས་མངོན་བྱེད་པའི། །དབང་བཞིའི་ལ༷མ་བཟང་བསྒོམ་པར་བྱིན་གྱིས་རློབས། །མཐར་ཐུག་རྟེན་དང་བརྟེན་པ་གནས་གྱུར་པ། །འབྲ༷ས་བུ་སྐུ་བཞིའི་གོ་འཕང་མྱུར་ཐོབ་ནས། །ཕྲིན་ལས་ལྷུན་གྲུབ་རྒྱུན་མི་འཆད་པ་ཡིས། །དོན་གཉིས་ཡིད་བཞིན་འགྲུབ་པར་བྱིན་གྱིས་རློབས། །ཞེས་པའང་སྒྲུབ་བརྩོན་བླ་མ་དམ་པ་འགྱུར་མེད་ཕྲིན་ལས་དཔལ་ལྡན་ནས་ཞལ་གདམས་ཤིག་དགོས་ཞེས་གསུང་ངོར་གསོལ་འདེབས་སྨོན་ཚིག་དང་འབྲེལ་བར་གསུང་ངག་རིན་པོ་ཆེའི་དགོངས་དོན་མདོར་བསྡུས་པའི་ཚུལ་གྱིས་འཇམ་དབྱངས་མཁྱེན་བརྩེའི་དབང་པོས་བྲིས་པ་དོན་དང་ལྡན་པར་གྱུར་ཅིག ། མངྒ་ལམ་བྷ་བ་ཏུ།། །། ༈

[edit]

gsung ngag lam rim smon lam byin rlabs dpal ster/ gsung ngag rin po che'i lam rim gsol 'debs smon lam mdor bsdus pa byin rlabs dpal ster zhes bya ba bzhugs so/__/rtsa brgyud bla ma yi dam kye rdo rje/__/rnal 'byor ma dpal chos srung nor lha sogs/__/skyabs gnas dkon mchog rgya mtsho'i tshogs rnams la/__/snying nas gsol ba 'debs so byin gyis rlobs/__/bdag gzhan 'gro kun skye ba thams cad du/__/dam chos sgrub pa'i rten mchog legs thob nas/__/theg chen rigs sad dad pa rnam gsum gyis/__/bshes gnyen tshul bzhin bsten par byin gyis rlobs/__khams gsum 'khor ba me 'obs lta bur mthong /__/dal 'byor rnyed dka' 'jig sla'i ngang tshul rig__/las 'bras bslu med yid ches brtan po yis/__/blang dor 'khrul med spyod par byin gyis rlobs/__/mkha' khyab 'gro kun pha ma drin can phyir/__/byams dang snying rje byang chub sems gnyis 'byongs/__/'bras bu'i yon tan thos pas rgyud bskul nas/__/gsang chen lam la 'jug par byin gyis rlobs/__/dbang gis rgyud smin dam tshig rnam par dag__/snang sems sgyu ma rten 'brel brjod bral ba'i/__/'khor 'das dbyer med 'od gsal phyag rgya che/__/rgyu dus lta ba rtogs par byin gyis rlobs/__/tha mal dngos kun phyi nang lha skur shar/__/rlung dang gtum mos gsal stong nyams myong smin/__/dpe don lhan skyes ye shes mngon byed pa'i/__/dbang bzhi'i laXm bzang bsgom par byin gyis rlobs/__/mthar thug rten dang brten pa gnas gyur pa/__/'braXs bu sku bzhi'i go 'phang myur thob nas/__/phrin las lhun grub rgyun mi 'chad pa yis/__/don gnyis yid bzhin 'grub par byin gyis rlobs/__/zhes pa'ang sgrub brtson bla ma dam pa 'gyur med phrin las dpal ldan nas zhal gdams shig dgos zhes gsung ngor gsol 'debs smon tshig dang 'brel bar gsung ngag rin po che'i dgongs don mdor bsdus pa'i tshul gyis 'jam dbyangs mkhyen brtse'i dbang pos bris pa don dang ldan par gyur cig__/_mang+ga lam b+ha ba tu//___//___!_