JKW-KABUM-19-DZA-001-005

🚧 This website is under continued development. We appreciate your patience!

Previous Text Back to Volume PageNext Text

Wylie title
Location	mkhyen brtse'i bka' 'bum Volume 19, sde tshan 1, Text 5, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 19: . Khams sde dge rdzong sar dgon: Rdzong sar blo gros phun tshogs, 2020.
Genre	History Texts - lo rgyus  ·  Religious History Texts - chos 'byung

1 Texts in this Section (sde tshan or chos tshan)

5 61-65	དབེན་ས་བཀའ་བརྒྱུད་ཅེས་གྲགས་པ་ནི། dben sa bka' brgyud ces grags pa ni History Texts - lo rgyus   ·   Religious History Texts - chos 'byung	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

དབེན་ས་བཀའ་བརྒྱུད་ཅེས་གྲགས་པ་ནི། དབེན་ས་བཀའ་བརྒྱུད་ཅེས་གྲགས་པ་ནི། ཐུན་མོང་གི་བརྒྱུད་པ་ཟབ་མོ་ལྟ་བ། རྒྱ་ཆེན་སྤྱོད་པ། ཉམས་ལེན་བྱིན་རླབས་ཀྱི་བརྒྱུད་པ་གསུམ་ལྡན་དཔལ་ལྡན་ཨ་ཏི་ཤ་ནས་རིམ་པར་བརྒྱུད་པའི་ཚུལ་སྤྱི་དང་། ཐུན་མོང་མ་ཡིན་པ་ནི། དེ་དག་གི་སྙིང་པོའི་ཉེ་བརྒྱུད་ནི་རྗེ་བཙུན་འཇམ་དབྱངས་ནས་བླ་མ་དབུ་མ་པ་དང་། དེས་རྗེ་བླ་མ་ལ་གནང་། ཐུན་མོང་མ་ཡིན་པ་རྗེ་བཙུན་འཇམ་པའི་དབྱངས་ཀྱིས་རྗེ་རིན་པོ་ཆེ་ལ་མངོན་སུམ་དུ་གནང་། དེ་དག་ལས་རགས་རིམ་ཞིག་མཁས་གྲུབ་དགེ་ལེགས་དཔལ་བཟང་ལ་གནང་། ཡོངས་སུ་རྫོགས་པ་སྤྲུལ་པའི་གླེགས་བམ་དང་བཅས་པ། ཙོང་ཁའི་ཡུལ་དུ་འཁྲུངས་པ་འཁོར་དག་པ་རྣམ་བརྒྱད་ཀྱི་ནང་ཚན་རྟོགས་ལྡན་འཇམ་དཔལ་རྒྱ་མཚོ་ཞེས་འཇམ་དཔལ་གྱིས་རྗེས་སུ་བཟུང་ཞིང་། རྗེས་ཀྱང་ཞལ་གཟིགས་ཚད་མར་མཛད་པ་དེ་ལ་གནང་། དེ་གཉིས་ཀས་ལུང་དང་རྟོགས་པའི་ཡོན་ཏན་བསམ་གྱིས་མི་ཁྱབ་པ་མཁས་གྲུབ་རྗེའི་གཅུང་པོ་བ་སོ་ཆོས་ཀྱི་རྒྱལ་མཚན་ལ་གནང་། དེས་ཀྱང་སྣོད་ལྡན་གསུམ་མ་གཏོགས་པ་གཞན་སུ་ལའང་མ་གནང་ཞིང་། བཀའ་རྒྱ་དམ་པར་མཛད། གསུམ་པོའི་ནང་ཚན་གྲུབ་ཆེན་དྷརྨ་བཛྲ་ནི། ཤར་ཕྱོགས་ཙོང་ཁ་པ་དང་ཁད་ཉེ་བ་ན། ཀུན་དགའ་རྒྱལ་པོ་དང་དཔལ་འཛོམ་ཞེས་བྱ་བའི་སྲས་སུ་རྟ་ནག་རྡོ་རྗེ་གདན་དུ་འཁྲུངས། དགུང་ལོ་བཅུ་གཅིག་པར་དགེ་ལྡན་དུ་ཕེབས། བ་སོ་ཆོས་རྗེ་ལོ་ལྔའི་བར་བསྟེན་ནས་དབང་གདམས་སྤྱི་དང་སྙན་བརྒྱུད་ཞལ་ཤེས་དང་བཅས་པ་གནང་། སླར་དབུ་ཕར་སོགས་ལ་སྦྱངས་པ་མཛད་ཅིང་རྟེན་དགེ་སློང་དུ་བསྒྲུབས་ནས་གངས་ཁྲོད་རི་སུལ་ངེས་མེད་དུ་སྒྲུབ་པའི་རྒྱལ་མཚན་བཙུགས། ཆོས་ཀྱི་རྒྱལ་པོ་ཙོང་ཁ་པས་ཞལ་གཟིགས། སྙན་བརྒྱུད་ཀྱི་གདམས་པ་གནང་། མཐར་ཟུང་འཇུག་རྡོ་རྗེ་འཆང་གི་གོ་འཕང་བརྙེས་ནས་སྐུ་ཚེའི་རིག་འཛིན་ཐོབ་པས་ནམ་མཁའ་ཇི་སྲིད་བར་དུ་དབེན་གནས་པདྨ་ཅན་དུ་བཞུགས་ཞེས་རྣམ་ཐར་ལས་འབྱུང་ངོ་། །དེའི་སློབ་མ་ནི་རྒྱལ་བ་བློ་བཟང་དོན་གྲུབ་སྟེ། དེའང་གཡས་རུ་གཙང་འགྲམ་དགེ་རྒྱས་བྱེ་མ་གླིང་གི་གཙུག་ལག་ཁང་གི་འདབས་རོལ་ཏུ་མདངས་ཀྱི་རྒྱུད་ལས་སྔ་འགྱུར་གྱི་གྲུབ་རིགས། བཀའ་བརྒྱུད་ཀྱི་རས་ཆེན་དཔལ་འབྱོར་བཟང་པོ་སོགས་ཀྱི་རྒྱུད་ལས་འཁྲུངས། ཆོས་འཁོར་དབུས་ལྡིང་གི་དགོན་པར་རབ་ཏུ་བྱུང་། ཡོངས་འཛིན་དུ་མ་བསྙེན། ཁྱད་པར་རྗེ་བཙུན་སྐྱབས་མཆོག་པ་དང་། གྲུབ་ཆེན་ཆོས་རྡོར་བ་གཉིས་བཀའ་དྲིན་ཆེ་བའི་བླ་མར་མཛད། ཕྱི་མ་ལས་དགུང་ལོ་བཅུ་བདུན་པར་མཇལ་ཞིང་། འགར་མོ་ཆོས་རྫོང་དུ་ཐུན་མོང་མ་ཡིན་པའི་སྙན་བརྒྱུད་ཐམས་ཅད་གསན། ཆོས་བརྒྱད་ཀྱི་སྤྲོས་པ་བཅད་དེ་ཟབ་ལམ་སྙིང་པོའི་རྣལ་འབྱོར་ལ་གཅིག་ཏུ་གཞོལ་བས་ཏིང་ངེ་འཛིན་གྱི་ཕ་མཐར་སོན། མཁས་དང་གྲུབ་པའི་ཕ་རོལ་དུ་གཤེགས་ཏེ། ཉིད་ཀྱིས། འཇམ་པའི་དབྱངས་ཀྱི་སྲས་ཀྱི་ཐུ་བོ་མཆོག །བློ་བཟང་གྲགས་པ་ཞེས་པའི་བླ་མ་དེའི། །གསུང་གི་སྙིང་པོའི་སྙན་བརྒྱུད་འཛིན་པ་ནི། །དེང་སང་དུས་ན་ཁོ་བོ་ཙམ་དུ་བས། །ཞེས་སོགས་གསུངས། ཕྱིས་དགེ་འདུན་རྒྱ་མཚོར་བསྙེན་རྫོགས་བཞེས། བཀྲས་ལྷུན་ཀུན་མཁྱེན་ལེགས་དོན་པའང་ཐུགས་ཡིད་གཅིག་འདྲེས་སུ་གྱུར། མཐར་གཟུགས་སྐུ་ཐིམ་པའི་ཚེའང་རྟགས་མཚན་ཁྱད་པར་ཅན་བྱུང་། དེའི་སློབ་མ་ནི་མཁས་གྲུབ་སངས་རྒྱས་ཡེ་ཤེས་ཏེ། གཡག་སྡེ་པཎ་ཆེན་སོགས་དམ་པ་དུ་མའི་རྒྱུད་ལས་ཡབ་རྣལ་འབྱོར་དབང་ཕྱག་བླ་མ་རིན་ཆེན་དང་། ཡུམ་ཆོས་བསྟན་ཞེས་བྱ་བའི་སྲས་སུ་འཁྲུངས། ཡོངས་ཀྱི་དགེ་བའི་བཤེས་གཉེན་ཡོན་ཏན་བཟང་པོ་ལས་རབ་ཏུ་བྱུང་། བཅོ་ལྔ་པར་བཀྲ་ཤིས་ལྷུན་པོར་ཕེབས་ནས་མཚན་ཉིད་ལ་ཞུགས། སླར་རྟ་ནག་དགེ་འདུན་བློ་བཟང་སོགས་ལ་དབུ་ཚད་གཉིས་གསན། ཕར་ཕྱིན་འདུལ་མཛོད་སོགས་མཐར་ཕྱིན་པར་སྦྱངས་ནས་དཔལ་འཁོར་བདེ་ཆེན་དུ་གྲྭ་སྐོར་མཛད། དགེ་ལྡན་དུ་རྒྱུད་ལ་སྦྱངས། མཐར་དབེན་དགོན་དུ་བློ་བཟང་དོན་གྲུབ་ལས་སྙན་བརྒྱུད་ཀྱི་གདམས་པ་མཐའ་དག་གསན་ཞིང་ཉམས་ལེན་ལ་གཞོལ། དེ་ཉིད་ལའང་བསྙེན་པར་རྫོགས། ཕྱིས་མཁས་དང་གྲུབ་པའི་འུར་ལངས་ནས་དབུས་གཙང་ནས་བུ་སློབ་ཀྱང་མང་དུ་འདུས། རེ་བདུན་པར་ངོ་མཚར་བའི་ལྟས་དང་བཅས་ཏེ་མྱ་ངན་ལས་འདས། དེའི་སློབ་མའི་གཙོ་བོ་ནི། དབེན་ས་བློ་བཟང་དོན་གྲུབ་ཀྱི་སྐུ་སྐྱེ་པཎ་ཆེན་བློ་བཟང་ཆོས་རྒྱན་ཏེ། འདི་ནི་སྦའི་རིགས་ལས་གཙང་རོང་མཚམས་ལྷན་གྱི་ནང་ཚན་དྲུག་བརྒྱ་ཞེས་པར་ཡབ་འཚོ་བྱེད་ཀུན་དགའ་འོད་ཟེར་དང་། ཡུམ་མཚོ་རྒྱལ་ཞེས་བྱ་བའི་སྲས་སུ་འཁྲུངས། ཆུང་ངུ་ནས་ངོ་མཚར་བའི་ལྟས་བསམ་གྱིས་མི་ཁྱབ། དགུང་ལོ་ལྔ་ནས་བཟུང་མཁས་གྲུབ་སངས་རྒྱས་ཡེ་ཤེས་ལས་དབང་ལུང་མན་ངག་རྒྱ་མཚོ་ལྟ་བུ་གསན་བཞེས་གྲུབ་ནས་བཀྲས་ལྷུན་དུ་ཕེབས། གཞན་ཡང་ཡོངས་འཛིན་དུ་མ་ལས་ཆོས་མང་དུ་གསན། གསང་འདུས་དང་དུས་འཁོར་གྱི་རྒྱུད་བཤད་སོགས་དང་། མདོ་ཕྱོགས་ཀྱི་པོད་ཆེན་རྣམས་ལ་གསན་བསམ་མཐར་ཕྱིན་པར་མཛད། བར་སྐབས་སུ་ཡི་དམ་གྱི་ལྷ་དཔག་ཏུ་མེད་པའི་བསྙེན་སྒྲུབ་མཛད་པས་གྲུབ་པའི་ཕ་རོལ་ཏུ་སོན་ཅིང་གངས་ཅན་ཆོས་འཕེལ་གྱི་མཁན་པོ་མཛད། ཕྱིས་བཀྲ་ཤིས་ལྷུན་པོའི་མཁན་པོ་མཛད། སེར་འབྲས་གཉིས་ཀའི་ཞལ་བདག་ཀྱང་གནང་། དགུང་ལོ་བརྒྱ་ཕྲག་ཐལ་བར་བཞུགས་ཤིང་། གཞན་ཡང་ཡོངས་འཛིན་དུ་མ་ལས་ཆོས་མང་དུ་གསན། གསང་འདུས་དང་དུས་འཁོར་གྱི་རྒྱུད་བཤད་སོགས་ཕྲིན་ལས་དང་འགྲོ་དོན་ནམ་མཁའ་མཉམ་པར་བྱུང་ཞིང་། ཕྱིས་ཀྱི་དགེ་ལྡན་པའི་བསྟན་འཛིན་ཆེ་བ་ཞིག་གོ ། ༈

[edit]

dben sa bka' brgyud ces grags pa ni/ dben sa bka' brgyud ces grags pa ni/__thun mong gi brgyud pa zab mo lta ba/__rgya chen spyod pa/__nyams len byin rlabs kyi brgyud pa gsum ldan dpal ldan a ti sha nas rim par brgyud pa'i tshul spyi dang /__thun mong ma yin pa ni/__de dag gi snying po'i nye brgyud ni rje btsun 'jam dbyangs nas bla ma dbu ma pa dang /__des rje bla ma la gnang /__thun mong ma yin pa rje btsun 'jam pa'i dbyangs kyis rje rin po che la mngon sum du gnang /__de dag las rags rim zhig mkhas grub dge legs dpal bzang la gnang /__yongs su rdzogs pa sprul pa'i glegs bam dang bcas pa/__tsong kha'i yul du 'khrungs pa 'khor dag pa rnam brgyad kyi nang tshan rtogs ldan 'jam dpal rgya mtsho zhes 'jam dpal gyis rjes su bzung zhing /__rjes kyang zhal gzigs tshad mar mdzad pa de la gnang /__de gnyis kas lung dang rtogs pa'i yon tan bsam gyis mi khyab pa mkhas grub rje'i gcung po ba so chos kyi rgyal mtshan la gnang /__des kyang snod ldan gsum ma gtogs pa gzhan su la'ang ma gnang zhing /__bka' rgya dam par mdzad/__gsum po'i nang tshan grub chen d+harma badz+ra ni/__shar phyogs tsong kha pa dang khad nye ba na/__kun dga' rgyal po dang dpal 'dzom zhes bya ba'i sras su rta nag rdo rje gdan du 'khrungs/__dgung lo bcu gcig par dge ldan du phebs/__ba so chos rje lo lnga'i bar bsten nas dbang gdams spyi dang snyan brgyud zhal shes dang bcas pa gnang /__slar dbu phar sogs la sbyangs pa mdzad cing rten dge slong du bsgrubs nas gangs khrod ri sul nges med du sgrub pa'i rgyal mtshan btsugs/__chos kyi rgyal po tsong kha pas zhal gzigs/__snyan brgyud kyi gdams pa gnang /__mthar zung 'jug rdo rje 'chang gi go 'phang brnyes nas sku tshe'i rig 'dzin thob pas nam mkha' ji srid bar du dben gnas pad+ma can du bzhugs zhes rnam thar las 'byung ngo /__/de'i slob ma ni rgyal ba blo bzang don grub ste/__de'ang g.yas ru gtsang 'gram dge rgyas bye ma gling gi gtsug lag khang gi 'dabs rol tu mdangs kyi rgyud las snga 'gyur gyi grub rigs/__bka' brgyud kyi ras chen dpal 'byor bzang po sogs kyi rgyud las 'khrungs/__chos 'khor dbus lding gi dgon par rab tu byung /__yongs 'dzin du ma bsnyen/__khyad par rje btsun skyabs mchog pa dang /__grub chen chos rdor ba gnyis bka' drin che ba'i bla mar mdzad/__phyi ma las dgung lo bcu bdun par mjal zhing /__'gar mo chos rdzong du thun mong ma yin pa'i snyan brgyud thams cad gsan/__chos brgyad kyi spros pa bcad de zab lam snying po'i rnal 'byor la gcig tu gzhol bas ting nge 'dzin gyi pha mthar son/__mkhas dang grub pa'i pha rol du gshegs te/__nyid kyis/__'jam pa'i dbyangs kyi sras kyi thu bo mchog__/blo bzang grags pa zhes pa'i bla ma de'i/__/gsung gi snying po'i snyan brgyud 'dzin pa ni/__/deng sang dus na kho bo tsam du bas/__/zhes sogs gsungs/__phyis dge 'dun rgya mtshor bsnyen rdzogs bzhes/__bkras lhun kun mkhyen legs don pa'ang thugs yid gcig 'dres su gyur/__mthar gzugs sku thim pa'i tshe'ang rtags mtshan khyad par can byung /__de'i slob ma ni mkhas grub sangs rgyas ye shes te/__g.yag sde paN chen sogs dam pa du ma'i rgyud las yab rnal 'byor dbang phyag bla ma rin chen dang /__yum chos bstan zhes bya ba'i sras su 'khrungs/__yongs kyi dge ba'i bshes gnyen yon tan bzang po las rab tu byung /__bco lnga par bkra shis lhun por phebs nas mtshan nyid la zhugs/__slar rta nag dge 'dun blo bzang sogs la dbu tshad gnyis gsan/__phar phyin 'dul mdzod sogs mthar phyin par sbyangs nas dpal 'khor bde chen du grwa skor mdzad/__dge ldan du rgyud la sbyangs/__mthar dben dgon du blo bzang don grub las snyan brgyud kyi gdams pa mtha' dag gsan zhing nyams len la gzhol/__de nyid la'ang bsnyen par rdzogs/__phyis mkhas dang grub pa'i 'ur langs nas dbus gtsang nas bu slob kyang mang du 'dus/__re bdun par ngo mtshar ba'i ltas dang bcas te mya ngan las 'das/__de'i slob ma'i gtso bo ni/__dben sa blo bzang don grub kyi sku skye paN chen blo bzang chos rgyan te/__'di ni sba'i rigs las gtsang rong mtshams lhan gyi nang tshan drug brgya zhes par yab 'tsho byed kun dga' 'od zer dang /__yum mtsho rgyal zhes bya ba'i sras su 'khrungs/__chung ngu nas ngo mtshar ba'i ltas bsam gyis mi khyab/__dgung lo lnga nas bzung mkhas grub sangs rgyas ye shes las dbang lung man ngag rgya mtsho lta bu gsan bzhes grub nas bkras lhun du phebs/__gzhan yang yongs 'dzin du ma las chos mang du gsan/__gsang 'dus dang dus 'khor gyi rgyud bshad sogs dang /__mdo phyogs kyi pod chen rnams la gsan bsam mthar phyin par mdzad/__bar skabs su yi dam gyi lha dpag tu med pa'i bsnyen sgrub mdzad pas grub pa'i pha rol tu son cing gangs can chos 'phel gyi mkhan po mdzad/__phyis bkra shis lhun po'i mkhan po mdzad/__ser 'bras gnyis ka'i zhal bdag kyang gnang /__dgung lo brgya phrag thal bar bzhugs shing /__gzhan yang yongs 'dzin du ma las chos mang du gsan/__gsang 'dus dang dus 'khor gyi rgyud bshad sogs phrin las dang 'gro don nam mkha' mnyam par byung zhing /__phyis kyi dge ldan pa'i bstan 'dzin che ba zhig go__/_!