པཎ་ཆེན་དགེ་འདུན་གྲུབ་པ་ནི།

🚧 This website is under continued development. We appreciate your patience!

Previous Text Back to Volume PageNext Text

Wylie title	paN chen dge 'dun grub pa ni
Location	mkhyen brtse'i bka' 'bum Volume 19, sde tshan 1, Text 6, Pages 65-70 (Folios 33a6 to 35b1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. paN chen dge 'dun grub pa ni. In 'jam dbyangs mkhyen brtse'i dbang po'i bka' 'bum, Vol. 19: 65-70. Khams sde dge rdzong sar dgon: Rdzong sar blo gros phun tshogs, 2020.
Genre	History Texts - lo rgyus  ·  Religious History Texts - chos 'byung

1 Texts in this Section (sde tshan or chos tshan)

6 65-70	པཎ་ཆེན་དགེ་འདུན་གྲུབ་པ་ནི། paN chen dge 'dun grub pa ni History Texts - lo rgyus   ·   Religious History Texts - chos 'byung	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

ཡང་པཎ་ཆེན་དགེ་འདུན་གྲུབ་པ་ནི། གཙང་རུ་ལག་གི་ས་ཡི་ཆར། །དཔལ་ལྡན་ས་སྐྱའི་ཉེ་འདབས་སྲད་ཀྱི་ལུང་ལག་གུར་མེའི་རུ་བར་ལྕགས་ལུག་ལོ་ལ་ཡབ་མགོན་པོ་རྡོ་རྗེ་དང་། ཡུམ་ཇོ་མོ་ནམ་མཁའ་སྐྱིད་ཀྱི་སྲས་སུ་སྐུ་འཁྲུངས། རབ་བྱུང་བདུན་པའི་ལྕགས་ལུག་ལ། མཚན་པདྨ་རྡོ་རྗེར་བཏགས། འཁྲུངས་པའི་ནུབ་རུ་བ་ལ་དགྲ་ཇག་བྱུང་ནས་རིམ་པར་འཁྱར་ནས་མཐར་ལོ་བདུན་པར་སྣར་ཐང་དུ་སླེབས། དེའི་མཁན་རབས་བཅུ་བཞི་པ་སྟོན་པ་སྨན་པའི་རྒྱལ་པོའི་སྤྲུལ་པ་གྲུབ་པ་ཤེས་རབ་ལས་དགེ་བསྙེན་གྱི་སྡོམ་པ་བཞེས། རྒྱ་བོད་ཀྱི་ཡིག་རིགས་ཐམས་ཅད་ལ་ཤིན་ཏུ་མཁས། དགུང་ལོ་བཅོ་ལྔ་པ་ལ་རབ་བྱུང་དང་། ཉི་ཤུ་པ་ལ་བསྙེན་པར་རྫོགས། དེ་ནས་བཟུང་སྟེ་ཡོངས་འཛིན་དྲུག་ཅུ་ཙམ་བསྟེན། ཁྱད་པར་སྣར་ཐང་གཉེར་འཛིན་ཆེན་པོ་ལས་བཀའ་གདམས་ཀྱི་སྐོར་ཕལ་ཆེར་དང་། ལོ་ཙཱ་བ་སཾ་གྷ་ཤྲཱི་ལས་སྙན་ངག་དང་མངོན་བརྗོད། ཕྱིས་སྒྲ་པ་ཐུགས་རྗེ་དཔལ་ལས་ཀ་ལཱ་པ་དང་། སྡེབ་སྦྱོར་རིན་འབྱུང་། ཨེ་ཝྃ་དུ་ཆོས་མཆོག་གི་སློབ་མ་འཇམ་དབྱངས་རིན་རྒྱལ་བ་ལས་སྐར་རྩིས་སོགས་གསན། སྣར་ཐང་དང་། རྗེ་རིན་པོ་ཆེ། གསང་ཕུ་ལ་སོགས་སུ་ཚད་མ་ལ་ཤིན་ཏུ་མཁས་པར་གྱུར་ཅིང་། མདོར་ན་དབུས་ཕྱོགས་སུ་ལོ་བཅུ་གཉིས་ཙམ་བཞུགས། སླར་གཙང་དུ་ཕེབས། སྤྱིར་དབུས་ཕྱོགས་སུ་དགེ་ལྡན་དང་། གསང་ཕུ་སོགས་དང་། གཙང་དུ་སྣར་ཐང་། ཞྭ་ལུ། གནས་རྙིང་། བོ་དོང་སོགས་གནས་ངེས་མེད་དུ་ཀ་པོད་བཞི་གཙོ་བོར་གྱུར་པའི་འཆད་ཉན་རྒྱུན་ཆད་མེད་པར་གནང་བས་སློབ་ཚོགས་བསམ་གྱིས་མི་ཁྱབ། དགུང་ལོ་ལྔ་བཅུ་པར་བྱང་ཆེན་དུ་སྐུ་མཚམས་ཡུན་རིང་དུ་བཅད་པས་ལྷག་པའི་ལྷས་རྗེས་སུ་བཟུང་། ང་བདུན་པ་མེ་ཡོས་ལ་བཀྲ་ཤིས་ལྷུན་པོ་དཔལ་གྱི་སྡེ་ཆེན་པོ་ཕྱོགས་ཐམས་ཅད་ལས་རྣམ་པར་རྒྱལ་བའི་གླིང་བཏབ་ཅིང་། བྱམས་ཆེན་སྐུ་གསུང་ཐུགས་རྟེན་བསམ་གྱིས་མི་ཁྱབ་པ་བཞེངས། དཀོན་མཆོག་མཆོད་པ་དང་། དགེ་འདུན་ལ་བསྙེན་བཀུར། གཞུང་ལུགས་ཀྱི་འཆད་ཉན་སོགས་སྐུ་མཆེད་གསུམ་གྱི་རྣམ་ཐར་ལྷུར་བླངས། ཕུ་ཆུ་བས་དཀོན་མཆོག་མཆོད་པ་ལ་ནན་ཏན་མཛད། སྤྱན་སྔ་བས་སྐུ་གསུང་ཐུགས་རྟེན་གཙོ་བོར་མཛད། པོ་ཏོ་བས་འཆད་ཉན་དང་དགེ་འདུན་གྱི་ཞབས་ཏོག་ལ་བརྩོན། འདི་གསུམ་འབྲོམ་གྱི་སློབ་མ། གྱ་བཞི་པ་ཤིང་རྟ་ཧོར་ཟླ་༡༢པའི་ཚེས་བརྒྱད་ལ་མྱ་ངན་ལས་འདས་སོ། །དགུན་ཟླ་འབྲིང་བོའི་ཚེས་བརྒྱད་ཅེས་སྣང་། བསྟན་བཅོས་རྩོམ་པའི་རྒྱུ་གསུམ་ཀ་ཚང་བས། འདུལ་བའི་གླེང་འབུམ། མདོ་ཊཱིཀ །ཚད་མའི་ཊཱི་ཀ །རྩ་འཇུག་གི་ཊཱི་ཀ་སོགས་༡༢མང་དུ་མཛད། ལེགས་བཤད་པོ་ཏི་བདུན་ཙམ་ཡོད། རྗེ་ཤེས་རབ་སེང་གེ་དང་། རྗེ་བླ་མ་གཉིས་བཀའ་དྲིན་ཆེ་བའི་བླ་མ་གཅིག་ཏུ་མཛད་དོ། །དགུང་ལོ་གྱ་བཞི་པར་ཆུ་སྒོ་ཕྱོགས་སུ་ཕེབས་པའི་ཚེ་གྲིབ་ཀྱིས་སྐུ་རྐེད་བསྙུན་པས་ཕྱག་མཁར་བསྣམས་ཤིང་ན་བཟའ་གཞན་གྱིས་ཁུར་དགོས་པ་བྱུང་། ། ༈ བདེ་བ་ཅན་དུ་སྐྱེ་བ་ལ་དེ་བཞིན་གཤེགས་པ་འོད་དཔག་ཏུ་མེད་པའི་མཚན་བརྗོད་པ་ལས། སྨན་གྱི་བླ་མའི་མཐུ་ཆེ་བར་མདོ་ལས་གསུངས་ཞེས་གསུངས་སོ། ། ༈ དེ་བཞིན་གཤེགས་པ་ཤཱཀྱ་ཐུབ་པ་བྱང་ཤར་མཚམས་མེ་ཏོག་བཀྲམ་པ་ཞེས་བྱ་བའི་འཇིག་རྟེན་ཁམས་སུ་བཞུགས། མགོན་པོ་ཞལ་བཞི་པ་ཐུན་མོང་མ་ཡིན་པའི་ཆོས་སྐྱོང་དུ་མཛད། རྟ་ནག་སྒྲོལ་མ་བའི་བླ་མ་འཇམ་དབྱངས་བསམ་འགྲུབ་རྡོ་རྗེ་བྱ་བ་ལ་རྟ་མགྲིན་ལྕགས་རལ་ཅན་གྱི་རྗེས་གནང་དང་། རྡོ་རྗེ་ཕུར་པའི་བཀའ་གསན་ཏེ་རྟ་མགྲིན་གྱི་བསྙེན་སྒྲུབ་ཀྱང་མཛད། ཅེས་སོ། །མནལ་ལམ་དུ། ཆོས་ཀྱི་མཐར་ཐུགས་སེམས་བསྐྱེད་ཡིན། །ལྟ་བའི་མཐར་ཐུག་སྟོང་ཉིད་ཡིན། །རྒྱུད་ཀྱི་མཐར་ཐུག་གསང་འདུས་ཡིན། །ཞེས་དང་། ཡེ་ཤེས་རྩེ་མོ་ལ། ངེད་ཁོང་རྣམས་ལ་མ་ཎི་བཀའ་འབུམ་ཞིག་འཆད་ཀྱིན་ཡོད། ཚེ་འདིར་གཞན་ལས་ལུང་ཐོབ་པ་སོགས་མེད་དེ། ཁྱེད་རང་ཡང་ཉོན་ཅིག་གསུངས་ནས་ཉན་ཏེ། དེ་ལྟ་བུའི་གསུང་དེ་ཡང་གནད་ཤིན་ཏུ་ཆེ་བར་ཡོད་དོ། །ཞེས་དང་། གཅིག་གིས་བཀའ་གདམས་གླེགས་བམ་ལ་འདི་ཆོས་མིན་ཟེར་བ་འདུག་པས་ཇི་ལྟར་ལགས་ཞེས་ཞུས་པས། ཆོས་ཡིན་མིན་ཆ་མེད། སེམས་ལ་ཕན་པོ་ཡོད་གསུངས། ཡེ་ཤེས་རྩེ་མོས་ཞུས་པར། རྗེ་རིན་པོ་ཆེ་ནི། ཕྱི་མ་ལ་སྔར་བདེ་བ་ཅན་དུ་འབྱོན་བཞེད་ཡོད་པ་ལ། ཕྱིས་དགའ་ལྡན་དུ་འབྱོན་བཞེད་ཡོད་པ་ཡིན་ཞེས་མི་ཀུན་གླེང་བར་འདུག་ལགས་ཞུས་པས། རྗེའི་ཞལ་ནས། ཁོ་བོ་ལ་དེ་ལྟ་བུའི་འདོད་པ་ཕུར་ཚུགས་པ་མེད། རྗེ་བཙུན་གྱི་སྐུ་བཞེངས་པ་འདི་ཡང་སེམས་ཅན་ཐམས་ཅད་རྗེ་བཙུན་གྱི་འཁོར་དུ་སྐྱེས་ཏེ་ཐེག་ཆེན་ཆོས་ལ་ལོངས་སྤྱོད་པའི་རྟེན་འབྲེལ་དུ་བསམས་ཏེ་བྱས་ཤིང་། བདེ་བ་ཅན་སོགས་སུ་གདུལ་བྱ་ཡང་དག་པ་འབའ་ཞིག་ཡོད། དེ་བས་མ་དག་པའི་གདུལ་བྱ་རྣམས་འདུལ་བའི་ཕྱིར་དུ་རེ་ཞིག་མ་དག་པའི་ཞིང་འདི་ཀར་སྡོད་འདོད་པ་ཡིན། ཞེས་གསུངས། ། ༈ རྗེ་རང་གི་གསུང་ལས། སྤྱིར་རྗེ་བཙུན་མ་སྒྲོལ་མ་དཀར་མོ་འདི་ལ་བརྟེན་ནས་གཙོ་བོར་ཚེ་བསྒྲུབས་ན་ཞར་ལ་ཤེས་རབ་འཕེལ་ཞིང་། གཙོ་བོར་ཤེས་རབ་བསྒྲུབས་ན་ཞར་ལ་གཅིག་ཤོས་འཕེལ་བར་གསུངས། ཞེས་སོ། །དེ་ཡང་བྱང་ཆེན་དུ་གཙོ་བོར་ཚེའི་སྒྲུབ་པ་ཟླ་དགུ་བཞུགས་པའི་ཚེ་ཞར་ལ་ཤེས་རབ་འཕེལ་ནས་བསྟོད་ཚོགས་རྣམས་མཛད་ཅེས་སོ། ། ༈ མ་ཎི་ཞེས་པ་ནི་ནོར་བུ་ཡིན་ལ། ཕྱག་གཡས་ཀྱི་ནོར་བུ་ཆུ་ཤེལ་གྱི་ཕྲེང་བའོ། །པདྨ་ནི་ཕྱག་གཡོན་པའི་པདྨའོ། །མེ་ནི་འབོད་པའི་ཚིག་སྟེ། དེ་ཡང་ཕྱག་མཚན་དེ་གཉིས་འཛིན་པའི་ལྷ་སྔར་བསྒོམས་པ་དེ་ཉིད་ལམ་ལམ་དྲན་པར་བྱེད་པའོ། །ཨོཾ་དང་ཧཱུྃ་ནི་སྤྱི་དང་མཐུན་ནོ། ། ༈

[edit]

paN chen dge 'dun grub pa ni/ yang paN chen dge 'dun grub pa ni/__gtsang ru lag gi sa yi char/__/dpal ldan sa skya'i nye 'dabs srad kyi lung lag gur me'i ru bar lcags lug lo la yab mgon po rdo rje dang /__yum jo mo nam mkha' skyid kyi sras su sku 'khrungs/__rab byung bdun pa'i lcags lug la/__mtshan pad+ma rdo rjer btags/__'khrungs pa'i nub ru ba la dgra jag byung nas rim par 'khyar nas mthar lo bdun par snar thang du slebs/__de'i mkhan rabs bcu bzhi pa ston pa sman pa'i rgyal po'i sprul pa grub pa shes rab las dge bsnyen gyi sdom pa bzhes/__rgya bod kyi yig rigs thams cad la shin tu mkhas/__dgung lo bco lnga pa la rab byung dang /__nyi shu pa la bsnyen par rdzogs/__de nas bzung ste yongs 'dzin drug cu tsam bsten/__khyad par snar thang gnyer 'dzin chen po las bka' gdams kyi skor phal cher dang /__lo tsA ba saM g+ha shrI las snyan ngag dang mngon brjod/__phyis sgra pa thugs rje dpal las ka lA pa dang /__sdeb sbyor rin 'byung /__e wa~M du chos mchog gi slob ma 'jam dbyangs rin rgyal ba las skar rtsis sogs gsan/__snar thang dang /__rje rin po che/__gsang phu la sogs su tshad ma la shin tu mkhas par gyur cing /__mdor na dbus phyogs su lo bcu gnyis tsam bzhugs/__slar gtsang du phebs/__spyir dbus phyogs su dge ldan dang /__gsang phu sogs dang /__gtsang du snar thang /__zhwa lu/__gnas rnying /__bo dong sogs gnas nges med du ka pod bzhi gtso bor gyur pa'i 'chad nyan rgyun chad med par gnang bas slob tshogs bsam gyis mi khyab/__dgung lo lnga bcu par byang chen du sku mtshams yun ring du bcad pas lhag pa'i lhas rjes su bzung /__nga bdun pa me yos la bkra shis lhun po dpal gyi sde chen po phyogs thams cad las rnam par rgyal ba'i gling btab cing /__byams chen sku gsung thugs rten bsam gyis mi khyab pa bzhengs/__dkon mchog mchod pa dang /__dge 'dun la bsnyen bkur/__gzhung lugs kyi 'chad nyan sogs sku mched gsum gyi rnam thar lhur blangs/__phu chu bas dkon mchog mchod pa la nan tan mdzad/__spyan snga bas sku gsung thugs rten gtso bor mdzad/__po to bas 'chad nyan dang dge 'dun gyi zhabs tog la brtson/__'di gsum 'brom gyi slob ma/__gya bzhi pa shing rta hor zla 12pa'i tshes brgyad la mya ngan las 'das so/__/dgun zla 'bring bo'i tshes brgyad ces snang /__bstan bcos rtsom pa'i rgyu gsum ka tshang bas/__'dul ba'i gleng 'bum/__mdo TIka__/tshad ma'i TI ka__/rtsa 'jug gi TI ka sogs 12mang du mdzad/__legs bshad po ti bdun tsam yod/__rje shes rab seng ge dang /__rje bla ma gnyis bka' drin che ba'i bla ma gcig tu mdzad do/__/dgung lo gya bzhi par chu sgo phyogs su phebs pa'i tshe grib kyis sku rked bsnyun pas phyag mkhar bsnams shing na bza' gzhan gyis khur dgos pa byung /___/__!_bde ba can du skye ba la de bzhin gshegs pa 'od dpag tu med pa'i mtshan brjod pa las/__sman gyi bla ma'i mthu che bar mdo las gsungs zhes gsungs so/___/__!_de bzhin gshegs pa shAkya thub pa byang shar mtshams me tog bkram pa zhes bya ba'i 'jig rten khams su bzhugs/__mgon po zhal bzhi pa thun mong ma yin pa'i chos skyong du mdzad/__rta nag sgrol ma ba'i bla ma 'jam dbyangs bsam 'grub rdo rje bya ba la rta mgrin lcags ral can gyi rjes gnang dang /__rdo rje phur pa'i bka' gsan te rta mgrin gyi bsnyen sgrub kyang mdzad/__ces so/__/mnal lam du/__chos kyi mthar thugs sems bskyed yin/__/lta ba'i mthar thug stong nyid yin/__/rgyud kyi mthar thug gsang 'dus yin/__/zhes dang /__ye shes rtse mo la/__nged khong rnams la ma Ni bka' 'bum zhig 'chad kyin yod/__tshe 'dir gzhan las lung thob pa sogs med de/__khyed rang yang nyon cig gsungs nas nyan te/__de lta bu'i gsung de yang gnad shin tu che bar yod do/__/zhes dang /__gcig gis bka' gdams glegs bam la 'di chos min zer ba 'dug pas ji ltar lags zhes zhus pas/__chos yin min cha med/__sems la phan po yod gsungs/__ye shes rtse mos zhus par/__rje rin po che ni/__phyi ma la sngar bde ba can du 'byon bzhed yod pa la/__phyis dga' ldan du 'byon bzhed yod pa yin zhes mi kun gleng bar 'dug lags zhus pas/__rje'i zhal nas/__kho bo la de lta bu'i 'dod pa phur tshugs pa med/__rje btsun gyi sku bzhengs pa 'di yang sems can thams cad rje btsun gyi 'khor du skyes te theg chen chos la longs spyod pa'i rten 'brel du bsams te byas shing /__bde ba can sogs su gdul bya yang dag pa 'ba' zhig yod/__de bas ma dag pa'i gdul bya rnams 'dul ba'i phyir du re zhig ma dag pa'i zhing 'di kar sdod 'dod pa yin/__zhes gsungs/___/__!_rje rang gi gsung las/__spyir rje btsun ma sgrol ma dkar mo 'di la brten nas gtso bor tshe bsgrubs na zhar la shes rab 'phel zhing /__gtso bor shes rab bsgrubs na zhar la gcig shos 'phel bar gsungs/__zhes so/__/de yang byang chen du gtso bor tshe'i sgrub pa zla dgu bzhugs pa'i tshe zhar la shes rab 'phel nas bstod tshogs rnams mdzad ces so/___/__!_ma Ni zhes pa ni nor bu yin la/__phyag g.yas kyi nor bu chu shel gyi phreng ba'o/__/pad+ma ni phyag g.yon pa'i pad+ma'o/__/me ni 'bod pa'i tshig ste/__de yang phyag mtshan de gnyis 'dzin pa'i lha sngar bsgoms pa de nyid lam lam dran par byed pa'o/__/oM dang hU~M ni spyi dang mthun no/___/__!_