JKW-KABUM-12-NA-001-011

🚧 This website is under continued development. We appreciate your patience!

Previous Text Back to Volume PageNext Text

Wylie title
Location	mkhyen brtse'i bka' 'bum Volume 12, sde tshan 1, Text 11, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 12: 1-. Khams sde dge rdzong sar dgon: Rdzong sar blo gros phun tshogs, 2020.
Genre	Collected Works - Selected - bka' 'bum

1 Texts in this Section (sde tshan or chos tshan)

11 115-116	ཤེར་ཕྱིན་དཀར་མོའི་བསྒོམ་བཟླས་སྙིང་པོའི་སྣང་། sher phyin dkar mo'i bsgom bzlas snying po'i snang Activity Manual - las byang   ·   Liturgy - ngag 'don	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

ཤེར་ཕྱིན་དཀར་མོའི་བསྒོམ་བཟླས་སྙིང་པོའི་སྣང་། ༄༅། །ཤེར་ཕྱིན་དཀར་མོའི་བསྒོམ་བཟླས་སྙིང་པོའི་སྣང་བ་བཞུགས་སོ། །ན་མོ་གུ་རུ་པྲཛྙཱ་པཱ་ར་མི་ཏཱ་ཡཻ། འཕགས་པ་མཁའ་འགྲོ་མ་རྡོ་རྗེ་གུར་གྱི་རྒྱུད་ནས་གསུངས་པའི་ཤེས་རབ་ཀྱི་ཕ་རོལ་ཏུ་ཕྱིན་མ་དཀར་མོའི་བསྒོམ་བཟླས་ལ་བརྟེན་ནས་བློ་དང་ངག་གི་དཔལ་ཡོན་བསྒྲུབ་པར་འདོད་པས། བདག་སོགས་འགྲོ་ཀུན་བྱང་ཆུབ་བར། །བླ་མ་དཀོན་མཆོག་རྣམ་གསུམ་ལ། །གུས་པས་སྐྱབས་མཆི་སེམས་ཅན་དོན། །རྫོགས་པའི་སངས་རྒྱས་བསྒྲུབ་པར་བགྱི། །ཨོཾ་ཤཱུནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅་ཧཾ། སྟོང་པའི་ངང་ལས་པད་ཟླའི་སྟེང་། །རང་སེམས་ཨོཾ་ཡིག་དཀར་པོ་ལས། །འོད་འཕྲོས་འཕགས་མཆོད་འགྲོ་དོན་བྱས། །ཚུར་འདུས་བདག་ཉིད་སྐད་ཅིག་གིས། །ཤེས་རབ་ཕ་རོལ་ཕྱིན་པ་མོ། །རབ་དཀར་ཡིད་འོང་མཚན་དཔེས་བརྒྱན། །ཕྱག་གཉིས་ཐུགས་ཀར་ཆོས་འཆད་རྒྱས། །པདྨ་དཀར་དམར་སྡོང་བུ་འཛིན། །འདབ་མ་སྙན་ཐད་ཁ་བྱེ་བར། །ཤེར་ཕྱིན་གླེགས་བམ་ཟུང་གིས་མཚན། །དར་དང་རིན་ཆེན་རྒྱན་གྱིས་མཛེས། །ཞབས་གཉིས་རྡོ་རྗེའི་སྐྱིལ་ཀྲུང་བཞུགས། །ཐུགས་དབུས་པད་དཀར་འདབ་བརྒྱད་པའི། །ལྟེ་བར་ཨོཾ་ལས་ཡེ་ཤེས་སེམས། །རང་འདྲའི་ཐུགས་ཀར་པད་ཟླའི་སྟེང་། །ཏིང་འཛིན་སེམས་དཔའ་ཨོཾ་དཀར་པོ། །དེ་ལས་མུ་ཏིག་ལྟར་དཀར་བའི། །སྔགས་ཕྲེང་འོད་ཟེར་དང་བཅས་བྱུང་། །ལྟེ་བ་ནས་ཐོན་ཞལ་ནས་ཞུགས། །ཐུགས་ཀའི་ཨོཾ་ལ་གཉིས་མེད་ཐིམ། །སླར་ཡང་མགལ་མེ་ལྟར་འཁོར་བས། །རྨོངས་པའི་མུན་པ་ཀུན་བསལ་ནས། །ཡེ་ཤེས་སྣང་བ་རྒྱས་པར་གྱུར། །ཅེས་བརྗོད་ཅིང་བསམས་ལ། ཨོཾ་པི་ཙུ་པི་ཙུ་པྲཛྙ་ཝརྡྡྷ་ནི་ཛྭ་ལ་ཛྭ་ལ་མེ་དྷཱ་ཝ་རྡྷ་ནི་དྷི་རི་དྷི་རི་བུདྡྷི་ཝ་རྡྷི་ནི་སྭཱཧཱ། ཞེས་ཅི་ནུས་བཟླས་མཐར་ཐུན་ལས་ལྡང་བ་ན། བཅོམ་ལྡན་འདས་མས་བདག་སོགས་ལ། །ཤེས་རབ་ཡེ་ཤེས་སྣང་བ་སྩོལ། །རང་གི་གནས་གསུམ་ཨོཾ་ཨཱཿཧཱུྃ། །རྡོ་རྗེའི་ཡི་གེས་མཚན་པར་གྱུར། །དགེ་བ་འདི་ཡིས་མྱུར་དུ་བདག །ཤེས་རབ་ཕར་ཕྱིན་འགྲུབ་གྱུར་ནས། །ཞེས་སོགས་བསྔོ་སྨོན་གྱིས་མཚམས་སྦྱར་ཏེ་སྤྱོད་ལམ་ལ་འཇུག་གོ །ཞེས་པའང་མཉྫུ་གྷོ་ཥས་བྲིས་པ་སུ་ཤྲེ་ཡནྟུ།། །། ༈

[edit]

sher phyin dkar mo'i bsgom bzlas snying po'i snang / @#/_/sher phyin dkar mo'i bsgom bzlas snying po'i snang ba bzhugs so/__/na mo gu ru pradz+nyA pA ra mi tA yai/__'phags pa mkha' 'gro ma rdo rje gur gyi rgyud nas gsungs pa'i shes rab kyi pha rol tu phyin ma dkar mo'i bsgom bzlas la brten nas blo dang ngag gi dpal yon bsgrub par 'dod pas/__bdag sogs 'gro kun byang chub bar/__/bla ma dkon mchog rnam gsum la/__/gus pas skyabs mchi sems can don/__/rdzogs pa'i sangs rgyas bsgrub par bgyi/__/oM shUn+ya tA dz+nyA na badz+ra swa b+hA wa At+ma ko\u0f85 haM/__stong pa'i ngang las pad zla'i steng /__/rang sems oM yig dkar po las/__/'od 'phros 'phags mchod 'gro don byas/__/tshur 'dus bdag nyid skad cig gis/__/shes rab pha rol phyin pa mo/__/rab dkar yid 'ong mtshan dpes brgyan/__/phyag gnyis thugs kar chos 'chad rgyas/__/pad+ma dkar dmar sdong bu 'dzin/__/'dab ma snyan thad kha bye bar/__/sher phyin glegs bam zung gis mtshan/__/dar dang rin chen rgyan gyis mdzes/__/zhabs gnyis rdo rje'i skyil krung bzhugs/__/thugs dbus pad dkar 'dab brgyad pa'i/__/lte bar oM las ye shes sems/__/rang 'dra'i thugs kar pad zla'i steng /__/ting 'dzin sems dpa' oM dkar po/__/de las mu tig ltar dkar ba'i/__/sngags phreng 'od zer dang bcas byung /__/lte ba nas thon zhal nas zhugs/__/thugs ka'i oM la gnyis med thim/__/slar yang mgal me ltar 'khor bas/__/rmongs pa'i mun pa kun bsal nas/__/ye shes snang ba rgyas par gyur/__/ces brjod cing bsams la/__oM pi tsu pi tsu pradz+nya war+d+d+ha ni dz+wa la dz+wa la me d+hA wa r+d+ha ni d+hi ri d+hi ri bud+d+hi wa r+d+hi ni swAhA/__zhes ci nus bzlas mthar thun las ldang ba na/__bcom ldan 'das mas bdag sogs la/__/shes rab ye shes snang ba stsol/__/rang gi gnas gsum oM AHhU~M/__/rdo rje'i yi ges mtshan par gyur/__/dge ba 'di yis myur du bdag__/shes rab phar phyin 'grub gyur nas/__/zhes sogs bsngo smon gyis mtshams sbyar te spyod lam la 'jug go__/zhes pa'ang many+dzu g+ho Shas bris pa su shre yan+tu//___//__!