JKW-KABAB-02-KHA-067

🚧 This website is under continued development. We appreciate your patience!

Previous Text Back to Volume PageLast text in volume.

བཟློག་པའི་ཕྲིན་ལས་བཅོལ་བ་རྒྱས་པ།

Wylie title	bzlog pa'i phrin las bcol ba rgyas pa
Location	mkhyen brtse'i bka' babs Volume 2, Text 67, Pages 629-632 (Folios 1a1 to 2b3)
Author	མཆོག་གྱུར་གླིང་པ་
Less details More details
Tertön	མཆོག་གྱུར་གླིང་པ་ (Mchog gyur gling pa)
Citation	Mchog gyur gling pa. bzlog pa'i phrin las bcol ba rgyas pa. In Rdzong sar 'jam dbyangs mkhyen brtse'i dbang po'i bka' babs, Vol. 2: 629-632. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre	Revelations - gter ma
Cycle	བླ་མའི་ཐུགས་སྒྲུབ་བར་ཆད་ཀུན་སེལ་ (bla ma'i thugs sgrub bar chad kun sel)
Deity	rig 'dzin rak+sha thod phreng
Karchag page	JKW-KABAB-Volume-02-KHA-Karchag
RTZ	In the Rinchen Terdzö: https://rtz.tsadra.org/index.php/Terdzo-BI-055
Notes	This text is not mentioned in the Karchag.

Tibetan Text

Wylie

[edit]

༄༅༔ བཟློག་པའི་ཕྲིན་ལས་བཅོལ་བ་རྒྱས་པར་འདོད་ན། ལིང་རོ་དམར་གཏོར་ཤ་ཁྲག་གིས་བརྒྱན་པ་འབུལ་ཞིང༌། ཧཱུྃ་བྷྱོ༔ མཐིང་ནག་གྲུ་གསུམ་གཞལ་ཡས་ནས༔ སངས་རྒྱས་ཀུན་གྱི་མཐུ་སྟོབས་བདག༔ རཀྴ་ཐོད་ཕྲེང་དབྱིངས་ནས་བཞེངས༔ དགྲ་བགེགས་དམ་སྲི་བསྒྲལ་བ་ཡི༔ ཤ་ཁྲག་གཏོར་མ་འདི་བཞེས་ལ༔ ལོ་ཟླ་ཞག་དུས་ལ་འཁོར་བའི༔ ཆེ་སྲི་ཆུང་སྲི་དར་མའི་སྲི༔ ཕོ་སྲི་མོ་སྲི་རྒན་གཞོན་སྲི༔ ནད་སྲི་དུར་སྲི་ངན་པ་དང་༔ གློ་བུར་རྩུབ་པའི་སྐེག་རིགས་ཀུན༔ བཟློག་གོ་དམར་ཆེན་གཏོར་མས་བཟློག༔ གནོད་བྱེད་བགེགས་ཀྱི་སྟེང་དུ་བཟློག༔ བསྒྱུར་རོ་ལྟས་ངན་དགྲ་ལ་བསྒྱུར༔ ཞིང་བཅུ་ཚང་བའི་དགྲ་ལ་བསྒྱུར༔ བཟློག་བསྒྱུར་བཅོལ་པའི་ཕྲིན་ལས་མཛོད༔ ཧཱུྃ་བྷྱོ༔ སྟེང་ཕྱོགས་ཚངས་པའི་གདན་སྟེང་ནས༔ ཧཱུྃ་ཆེན་ཀ་ར་དབྱིངས་ནས་བཞེངས༔ དགྲ་བགེགས་དམ་སོགས། ཧཱུྃ་བྷྱོ༔ ཤར་ཕྱོགས་དྲི་ཟའི་གདན་སྟེང་ནས༔ རྣམ་པར་རྒྱལ་བ་དབྱིངས་ནས་བཞེངས༔ དགྲ་བགེགས༴ ཧཱུྃ་བྷྱོ༔ ཤར་ལྷོ་མེ་ལྷའི་གདན་སྟེང་ནས༔ དབྱུག་པ་སྔོན་པོ་དབྱིངས་ནས་བཞེངས༔ དགྲ་བགེགས་དམ་སྲི་བསྒྲལ་བ་ཡི༔ ཤ་ཁྲག་གཏོར་མ་འདི་བཞེས་ལ༔ ལོ་ཟླ་ཞག་དུས་ལ་དབང་བའི༔ ཆེ་སྲི་ཆུང་སྲི་དར་མའི་སྲི༔ ཕོ་སྲི་མོ་སྲི་རྒན་གཞོན་སྲི༔ ནད་སྲི་དུར་སྲི་ངན་པ་དང་༔ གློ་བུར་རྩུབ་པའི་ཀེག་རིགས་ཀུན༔ བཟློག་གོ་དམར་ཆེན་གཏོར་མས་ཟློག༔ གནོད་བྱེད་བགེགས་ཀྱི་སྟེང་དུ་ཟློག༔ བསྒྱུར་རོ་ལྟས་ངན་དགྲ་ལ་བསྒྱུར༔ ཞིང་བཅུ་ཚང་བའི་དགྲ་ལ་སྒྱུར༔ བཟློག་བསྒྱུར་བཅོལ་པའི་ཕྲིན་ལས་མཛོད༔ ཧཱུྃ་བྷྱོ༔ ལྷོ་ཕྱོགས་གཤིན་རྗེའི་གདན་སྟེང་ནས༔ གཤིན་རྗེའི་གཤེད་པོ་དབྱིངས་ནས་བཞེངས༔ དགྲ་བགེགས་དམ་སྲི༴ ཧཱུྃ་བྷྱོ༔ ལྷོ་ནུབ་སྲིན་པོའི་གདན་སྟེང་ནས༔ མི་གཡོ་མགོན་པོ་དབྱིངས་ནས་བཞེངས༔ དགྲ་བགེགས༴ ཧཱུྃ་བྷྱོ༔ ནུབ་ཕྱོགས་ཀླུ་དབང་གདན་སྟེང་ནས༔ རྟ་མགྲིན་རྒྱལ་པོ་དབྱིངས་ནས་བཞེངས༔ དགྲ་བགེགས༴ ཧཱུྃ་བྷྱོ༔ ནུབ་བྱང་རླུང་ལྷའི་གདན་སྟེང་ནས༔ འདོད་པའི་རྒྱལ་པོ་དབྱིངས་ནས་བཞེངས༔ དགྲ་བགེགས༴ ཧཱུྃ་བྷྱོ༔ བྱང་ཕྱོགས་གནོད་སྦྱིན་གདན་སྟེང་ནས༔ བདུད་རྩི་འཁྱིལ་བ་དབྱིངས་ནས་བཞེངས༔ དགྲ་བགེགས་དམ་སྲི་བསྒྲལ་བ་ཡི༔ ཤ་ཁྲག་གཏོར་མ་འདི་བཞེས་ལ༔ ལོ་ཟླ་ཞག་དུས་ལ་འཁོར་བའི༔ ཆེ་སྲི་ཆུང་སྲི་དར་མའི་སྲི༔ ཕོ་སྲི་མོ་སྲི་རྒན་གཞོན་སྲི༔ ནད་སྲི་དུར་སྲི་ངན་པ་དང་༔ གློ་བུར་རྩུབ་པའི་ཀེག་རིགས་ཀུན༔ བཟློག་གོ་དམར་ཆེན་གཏོར་མས་བཟློག༔ གནོད་བྱེད་བགེགས་ཀྱི་སྟེང་དུ་ཟློག༔ བསྒྱུར་རོ་ལྟས་ངན་དགྲ་ལ་སྒྱུར༔ ཞིང་བཅུ་ཚང་བའི་དགྲ་ལ་སྒྱུར༔ བཟློག་བསྒྱུར་བཅོལ་པའི་ཕྲིན་ལས་མཛོད༔ ཧཱུྃ་བྷྱོ༔ བྱང་ཤར་དབང་ལྡན་གདན་སྟེང་ནས༔ ཁམས་གསུམ་རྣམ་རྒྱལ་དབྱིངས་ནས་བཞེངས༔ དགྲ་བགེགས༴ ཧཱུྃ་བྷྱོ༔ འོག་ཕྱོགས་ས་བདག་གདན་སྟེང་ནས༔ མ་ཧཱ་བ་ལ་དབྱིངས་ནས་བཞེངས༔ དགྲ་བགེགས༴ ཧཱུྃ་བྷྱོ༔ ཡེ་ཤེས་ཀློང་དགུའི་དཀྱིལ་འཁོར་ནས༔ རིགས་ཀྱི་ཚོམ་བུ་དབྱིངས་ནས་བཞེངས༔ དགྲ་བགེགས༴ ཧཱུྃ་བྷྱོ༔ ཡང་སྤྲུལ་ཁྲོ་བོ་ཁྲོ་མོ་དང་༔ ཟ་གསོད་ཕྲ་མན་དབྱིངས་ནས་བཞེངས༔ དགྲ་བགེགས་དམ་སྲི་བསྒྲལ་བ་ཡི༔ ཧཱུྃ་བྷྱོ༔ དྲང་སྲོང་དམོད་པའི་མཚོན་འཆང་བ༔ ལོག་ཏྲི་པ་ལས་སྟོང་ཁམས་ཁེངས༔ དགྲ་བགེགས༴ ཧཱུྃ་བྷྱོ༔ དྲེགས་འདུལ་དྲག་པོའི་དཀྱིལ་འཁོར་ནས༔ རྒྱུད་གསུམ་དྲེགས་པ་ལས་ལ་བཞེངས༔ དགྲ་བགེགས་དམ་སྲི་བསྒྲལ་བ་ཡི༔ ཤ་ཁྲག་གཏོར་མ་འདི་བཞེས་ལ༔ ལོ་ཟླ་ཞག་དུས་ལ་འཁོར་བའི༔ ཆེ་སྲི་ཆུང་སྲི་དར་མའི་སྲི༔ ཕོ་སྲི་མོ་སྲི་རྒན་གཞོན་སྲི༔ ནད་སྲི་དར་སྲི་ངན་པ་སོགས༔ གློ་བུར་རྩུབ་པའི་ཀེག་རིགས་ཀུན༔ བཟློག་གོ་དམར་ཆེན་གཏོར་མས་ཟློག༔ གནོད་བྱེད་བགེགས་ཀྱི་སྟེང་དུ་ཟློག༔ བསྒྱུར་རོ་ལྟས་ངན་དགྲ་ལ་སྒྱུར༔ ཞིང་བཅུ་ཚང་པའི་དགྲ་ལ་སྒྱུར༔ བཟློག་བསྒྱུར་བཅོལ་པའི་ཕྲིན་ལས་མཛོད༔ ཐུན་ལ་བརྟེན་ནས་བསད་པ་ནི། ལྕགས་ཕྱེ། ཟངས་ཕྱེ། ཡུངས་ཀར། ཡུངས་ནག །ཀེ་ཚེ། ཤང་ཚེ། ཟི་ར་ནག་པོ། རྡོ་ཕྱེ། ཕུང་ས། ལན་ཚྭ། ཚ་བ་གསུམ། ཐང་ཕྲོམ། གཞན་ཡང་དུག་སྣ་དང་ཁྲག་སྣ་རང་གི་དྲི་མས་མགོས་པར་བྱས་ལ། ལྕགས་ཧོམ་དུ་བླུགས་ལ། ཐུན་སྣོད་ཨེ་སྒྲོམ་མེ་འབར་བའི་ཀློང་དུ་ཐུན་རྫས་ནད་མཚོན་དུག་གི་དངོས་པོ་དགྲ་བགེགས་ཁ་ཕུང་རྗེས་མེད་དུ་གཏོང་བའི་ནུས་པ་དང་ལྡན་པར་གྱུར་པར་བསམས་ལ། སྔགས་མཐར། གློ་བུར་བར་ཆད་ཀེག་སྲི་ངན་པ་ཐམས་ཅད་ཏྲིག་ནན་ཨེ་ཧུར་ཐུམ་ཛཿ གཟིར་ནན་ཀཱ་ཝཱ་ཙི་ཤག་ལིང་མྱོག་རྦད་རྦད༔ ཞེས་བསྒྲུབ་ཏེ་བསད་ལས་ཀྱི་དུས་སུ་བརྡེག །དམིགས་གནད་ཁྱད་པར་ནི། དམིགས་བྱའི་གནས་ལྔར་གནམ་ལྕགས་ཀྱི་ཙཀྲ་རྩིབས་བཞི་སྲ་ཞིང་འཐས་པ་དང༌། མཆོད་རྟེན་ནག་པོས་མནན་པས་བསྐལ་པའི་བར་དུ་གཡོ་འགུལ་མེད་པར་གྱུར་པར་བསམ་ཞིང༌། སྔགས་མཐར། གློ་བུར་བར་ཆད་ཀེག་སྲི་ངན་པ་ཐམས་ཅད་ཨེ་ཡཾ་རཾ་བཾ་ལཾ་བྷྲཱུྃ་སྟྭཱམ་བྷ་ཡ་ཏྲི་གནན༔ ཞེས་རྟགས་མ་བྱུང་གི་བར་དུ་བཟླའོ།། །།

[edit]

@#:__bzlog pa'i phrin las bcol ba rgyas par 'dod na/__ling ro dmar gtor sha khrag gis brgyan pa 'bul zhing*/__hU~M b+h+yo:__mthing nag gru gsum gzhal yas nas:__sangs rgyas kun gyi mthu stobs bdag:__rak+sha thod phreng dbyings nas bzhengs:__dgra bgegs dam sri bsgral ba yi:__sha khrag gtor ma 'di bzhes la:__lo zla zhag dus la 'khor ba'i:__che sri chung sri dar ma'i sri:__pho sri mo sri rgan gzhon sri:__nad sri dur sri ngan pa dang :__glo bur rtsub pa'i skeg rigs kun:__bzlog go dmar chen gtor mas bzlog:__gnod byed bgegs kyi steng du bzlog:__bsgyur ro ltas ngan dgra la bsgyur:__zhing bcu tshang ba'i dgra la bsgyur:__bzlog bsgyur bcol pa'i phrin las mdzod:__hU~M b+h+yo:__steng phyogs tshangs pa'i gdan steng nas:__hU~M chen ka ra dbyings nas bzhengs:__dgra bgegs dam sogs/__hU~M b+h+yo:__shar phyogs dri za'i gdan steng nas:__rnam par rgyal ba dbyings nas bzhengs:__dgra bgegs=__hU~M b+h+yo:__shar lho me lha'i gdan steng nas:__dbyug pa sngon po dbyings nas bzhengs:__dgra bgegs dam sri bsgral ba yi:__sha khrag gtor ma 'di bzhes la:__lo zla zhag dus la dbang ba'i:__che sri chung sri dar ma'i sri:__pho sri mo sri rgan gzhon sri:__nad sri dur sri ngan pa dang :__glo bur rtsub pa'i keg rigs kun:__bzlog go dmar chen gtor mas zlog:__gnod byed bgegs kyi steng du zlog:__bsgyur ro ltas ngan dgra la bsgyur:__zhing bcu tshang ba'i dgra la sgyur:__bzlog bsgyur bcol pa'i phrin las mdzod:__hU~M b+h+yo:__lho phyogs gshin rje'i gdan steng nas:__gshin rje'i gshed po dbyings nas bzhengs:__dgra bgegs dam sri=__hU~M b+h+yo:__lho nub srin po'i gdan steng nas:__mi g.yo mgon po dbyings nas bzhengs:__dgra bgegs=__hU~M b+h+yo:__nub phyogs klu dbang gdan steng nas:__rta mgrin rgyal po dbyings nas bzhengs:__dgra bgegs=__hU~M b+h+yo:__nub byang rlung lha'i gdan steng nas:__'dod pa'i rgyal po dbyings nas bzhengs:__dgra bgegs=__hU~M b+h+yo:__byang phyogs gnod sbyin gdan steng nas:__bdud rtsi 'khyil ba dbyings nas bzhengs:__dgra bgegs dam sri bsgral ba yi:__sha khrag gtor ma 'di bzhes la:__lo zla zhag dus la 'khor ba'i:__che sri chung sri dar ma'i sri:__pho sri mo sri rgan gzhon sri:__nad sri dur sri ngan pa dang :__glo bur rtsub pa'i keg rigs kun:__bzlog go dmar chen gtor mas bzlog:__gnod byed bgegs kyi steng du zlog:__bsgyur ro ltas ngan dgra la sgyur:__zhing bcu tshang ba'i dgra la sgyur:__bzlog bsgyur bcol pa'i phrin las mdzod:__hU~M b+h+yo:__byang shar dbang ldan gdan steng nas:__khams gsum rnam rgyal dbyings nas bzhengs:__dgra bgegs=__hU~M b+h+yo:__'og phyogs sa bdag gdan steng nas:__ma hA ba la dbyings nas bzhengs:__dgra bgegs=__hU~M b+h+yo:__ye shes klong dgu'i dkyil 'khor nas:__rigs kyi tshom bu dbyings nas bzhengs:__dgra bgegs=__hU~M b+h+yo:__yang sprul khro bo khro mo dang :__za gsod phra man dbyings nas bzhengs:__dgra bgegs dam sri bsgral ba yi:__hU~M b+h+yo:__drang srong dmod pa'i mtshon 'chang ba:__log tri pa las stong khams khengs:__dgra bgegs=__hU~M b+h+yo:__dregs 'dul drag po'i dkyil 'khor nas:__rgyud gsum dregs pa las la bzhengs:__dgra bgegs dam sri bsgral ba yi:__sha khrag gtor ma 'di bzhes la:__lo zla zhag dus la 'khor ba'i:__che sri chung sri dar ma'i sri:__pho sri mo sri rgan gzhon sri:__nad sri dar sri ngan pa sogs:__glo bur rtsub pa'i keg rigs kun:__bzlog go dmar chen gtor mas zlog:__gnod byed bgegs kyi steng du zlog:__bsgyur ro ltas ngan dgra la sgyur:__zhing bcu tshang pa'i dgra la sgyur:__bzlog bsgyur bcol pa'i phrin las mdzod:__thun la brten nas bsad pa ni/__lcags phye/__zangs phye/__yungs kar/__yungs nag__/ke tshe/__shang tshe/__zi ra nag po/__rdo phye/__phung sa/__lan tshwa/__tsha ba gsum/__thang phrom/__gzhan yang dug sna dang khrag sna rang gi dri mas mgos par byas la/__lcags hom du blugs la/__thun snod e sgrom me 'bar ba'i klong du thun rdzas nad mtshon dug gi dngos po dgra bgegs kha phung rjes med du gtong ba'i nus pa dang ldan par gyur par bsams la/__sngags mthar/__glo bur bar chad keg sri ngan pa thams cad trig nan e hur thum dzaH__gzir nan kA wA tsi shag ling myog rbad rbad:__zhes bsgrub te bsad las kyi dus su brdeg__/dmigs gnad khyad par ni/__dmigs bya'i gnas lngar gnam lcags kyi tsakra rtsibs bzhi sra zhing 'thas pa dang*/__mchod rten nag pos mnan pas bskal pa'i bar du g.yo 'gul med par gyur par bsam zhing*/__sngags mthar/__glo bur bar chad keg sri ngan pa thams cad e yaM raM baM laM b+h+rU~M s+t+wAm b+ha ya tri gnan:__zhes rtags ma byung gi bar du bzla'o//__//