JKW-KABUM-22-ZA-012-059

Previous Text Back to Volume PageNext Text

Wylie title
Location	mkhyen brtse'i bka' 'bum Volume 22, sde tshan 12, Text 59, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 22: . Khams sde dge rdzong sar dgon: Rdzong sar blo gros phun tshogs, 2020.
Genre	Vajra Songs - rdo rje'i glu

1 Texts in this Section (sde tshan or chos tshan)

59 521-523	དགའ་སྟོན་ཚོགས་འཁོར་གྱི་རྡོ་རྗེའི་ཐོལ་གླུ་བདེ་སྟོང་འཁོར་ལོའི་སྒྲ་དབྱངས། dga' ston tshogs 'khor gyi rdo rje'i thol glu bde stong 'khor lo'i sgra dbyangs Feast Offering - tshogs mchod - tshogs kyi 'khor lo   ·   Vajra Songs - rdo rje'i glu	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

དགའ་སྟོན་ཚོགས་འཁོར་གྱི་རྡོ་རྗེའི་ཐོལ་གླུ་བདེ་སྟོང་འཁོར་ལོའི་སྒྲ་དབྱངས། དགའ་སྟོན་ཚོགས་ཀྱི་འཁོར་ལོའི་རྡོ་རྗེའི་ཐོལ་གླུ་བདེ་སྟོང་འཁོར་ལོའི་སྒྲ་དབྱངས་ཞེས་བྱ་བ། ཨེ་མ་ཧོ། ཀ་ན་ཀ་ལྟར་བདེ་སྟོང་ཉིན་བྱེད་ཀྱིས་སྨིན་པའི། །ཁ་དོག་དཀར་དམར་ཟུང་འཇུག་སྟོང་གསལ་གྱི་ཐིག་ལེ། །ག་བུར་འཛིན་པ་གསར་པའི་ལང་ཚོ་ལས་ལྷག་པའི། །ངར་འཛིན་བདེ་བས་མྱོས་པའི་དངོས་གྲུབ་ཤིག་ཞུའོ། །ཅ་ག་སྣ་ཚོགས་ཤར་བའི་སྣོད་བཅུད་ཀྱི་རོལ་པ། །ཆ་མཐུན་ཙམ་མིན་སྣང་སྟོང་ཟུང་འཇུག་གི་དཀྱིལ་འཁོར། །ཇ་ཧོང་སྲིད་པའི་མུན་ནག་རང་ངོ་རུ་བཅིལ་བའི། །ཉ་རྒྱས་ཟླ་འདྲས་བསྐྱེད་པའི་དངོས་གྲུབ་ཞིག་ཞུའོ། །ཏ་ཐཱ་ག་ཏའི་སྙིང་པོ་རྫོགས་པ་ཡི་ཆེན་པོ། །ཐ་དད་མ་དམིགས་རིག་སྟོང་ཟུང་འཇུག་གི་རོལ་པ། །ད་བཟོད་བསྐྱར་གྲོལ་འབྲས་བུ་རེ་འདོད་དང་བྲལ་བའི། །ན་མར་འོད་གསལ་དྲྭ་བའི་དངོས་གྲུབ་ཞིག་ཞུའོ། །པཱ་པ་རྡོ་རྗེའི་ལམ་ནས་བབ་པ་ཡི་བྱང་སེམས། །ཕ་མཐའ་བྲལ་བའི་སྲིད་གསུམ་ཡོངས་སྒྲོལ་གྱི་མཱཾ་ས། །བ་ལིཾ་གཏོར་ཚོགས་ཐབས་ཤེས་ཟུང་འཇུག་གི་མཆོད་སྤྲིན། །མ་དག་མཚན་མ་བྲལ་བའི་དངོས་གྲུབ་ཤིག་ཞུའོ། །ཙ་མ་ར་ལྟར་འཁྲུལ་པའི་མུན་པ་ཀུན་མ་ལུས། །ཚ་ཟེར་ཅན་བཞིན་གསང་སྔགས་ལམ་མཆོག་གིས་བཅོམ་སྟེ། །ཛ་ཧུའི་རྒྱུན་ལྟར་ཡེངས་མེད་སྒོམ་བྲལ་གྱི་ཏིང་འཛིན། །ཝ་ལྟར་བས་མཐར་སྒོམ་པའི་དངོས་གྲུབ་ཤིག་ཞུའོ། །ཞྭ་ལྟར་མཐོ་བའི་བླ་དཔོན་དྲེགས་པ་ཡང་སྤང་ཞིང་། །ཟ་ཐང་གྱི་ནར་རེ་བའི་སྙམ་ཆུང་གི་ངང་ནས། །འ་ཅག་ཐར་པར་ཕྱིན་པའི་ཉེ་ལམ་ལ་འབད་པའི། །ཡ་མཚན་དགེ་ལ་འདུན་པའི་དངོས་གྲུབ་ཤིག་ཞུའོ། །རྭ་ཅོ་ལྟ་བུའི་ལམ་གོལ་ཐེག་དམན་དུ་མི་འཁྱམས། །ལ་ཀླུང་རྒྱུ་བའི་ལྟར་སྣང་འགྲོ་དོན་དང་བྲལ་ཏེ། །ཤ་བ་ནགས་སུ་གནས་བཞིན་བག་ཡངས་ཀྱི་ངང་ནས། །ས་བཅུ་རང་ལ་རྫོགས་པའི་དངོས་གྲུབ་ཤིག་ཞུའོ། །ཧ་ལའི་རྟོག་ཚོགས་བྲལ་བའི་རང་བྱུང་གི་ཡེ་ཤེས། །ཨ་ཏི་བྱ་རྩོལ་བྲལ་བའི་ཆོས་དབྱིངས་སུ་ཐིམ་ཚེ། །ཧ་ཅང་མཚན་མའི་ཆོས་ལ་དམིགས་གཏད་ཀུན་སྤངས་ཏེ། །ཨ་དོན་འོད་གསལ་དྲྭ་བའི་དངོས་གྲུབ་ཤིག་ཞུའོ། །སྲིད་པའི་དགྲ་ལས་རྒྱལ་བའི་བདེ་སྟོང་གི་མཚན་དཔེ། །སྲིད་ཞིའི་དེ་ཉིད་རྟོགས་པ་བདེ་ཆེན་གྱི་གསུང་དབྱངས། སྲིད་གསུམ་དབུ་མར་རོལ་པའི་འོད་གསལ་གྱི་ཐིག་ལེ། །སྲིད་ཞིའི་མཐའ་ལས་འདས་པའི་དངོས་གྲུབ་ཤིག་ཞུའོ། །འབར་འཛག་བདུད་རྩིའི་ཐིགས་ཕྲེང་བདུད་རྩི་ལ་རོལ་པས། །ཨེ་ཝཾ་ཟུང་འཇུག་བདེ་སྟོང་དྲྭ་བ་ཡི་འཁོར་ལོ། །འཆི་མེད་བཅུད་ལེན་བྲལ་བའི་སྣང་ཚུལ་དུ་བཞེངས་ནས། །བསྟན་འགྲོའི་འདོད་དོན་འཇོ་བའི་དངོས་གྲུབ་ཤིག་ཞུའོ། །དེ་སྐད་གང་ཤར་བདེ་བའི་གླུས། །ལོངས་སྤྱོད་ཡོངས་རྫོགས་འཁོར་ལོ་ནས། །གྲགས་སྟོང་རྡོ་རྗེའི་རོལ་མོར་བསྒྱུར། །ལྷན་སྐྱེས་བདེ་བར་རོ་གཅིག་ཤོག ། ༈

[edit]

dga' ston tshogs 'khor gyi rdo rje'i thol glu bde stong 'khor lo'i sgra dbyangs/__ dga' ston tshogs kyi 'khor lo'i rdo rje'i thol glu bde stong 'khor lo'i sgra dbyangs zhes bya ba/__e ma ho/__ka na ka ltar bde stong nyin byed kyis smin pa'i/__/kha dog dkar dmar zung 'jug stong gsal gyi thig le/__/ga bur 'dzin pa gsar pa'i lang tsho las lhag pa'i/__/ngar 'dzin bde bas myos pa'i dngos grub shig zhu'o/__/ca ga sna tshogs shar ba'i snod bcud kyi rol pa/__/cha mthun tsam min snang stong zung 'jug gi dkyil 'khor/__/ja hong srid pa'i mun nag rang ngo ru bcil ba'i/__/nya rgyas zla 'dras bskyed pa'i dngos grub zhig zhu'o/__/ta thA ga ta'i snying po rdzogs pa yi chen po/__/tha dad ma dmigs rig stong zung 'jug gi rol pa/__/da bzod bskyar grol 'bras bu re 'dod dang bral ba'i/__/na mar 'od gsal drwa ba'i dngos grub zhig zhu'o/__/pA pa rdo rje'i lam nas bab pa yi byang sems/__/pha mtha' bral ba'i srid gsum yongs sgrol gyi mAM sa/__/ba liM gtor tshogs thabs shes zung 'jug gi mchod sprin/__/ma dag mtshan ma bral ba'i dngos grub shig zhu'o/__/tsa ma ra ltar 'khrul pa'i mun pa kun ma lus/__/tsha zer can bzhin gsang sngags lam mchog gis bcom ste/__/dza hu'i rgyun ltar yengs med sgom bral gyi ting 'dzin/__/wa ltar bas mthar sgom pa'i dngos grub shig zhu'o/__/zhwa ltar mtho ba'i bla dpon dregs pa yang spang zhing /__/za thang gyi nar re ba'i snyam chung gi ngang nas/__/'a cag thar par phyin pa'i nye lam la 'bad pa'i/__/ya mtshan dge la 'dun pa'i dngos grub shig zhu'o/__/rwa co lta bu'i lam gol theg dman du mi 'khyams/__/la klung rgyu ba'i ltar snang 'gro don dang bral te/__/sha ba nags su gnas bzhin bag yangs kyi ngang nas/__/sa bcu rang la rdzogs pa'i dngos grub shig zhu'o/__/ha la'i rtog tshogs bral ba'i rang byung gi ye shes/__/a ti bya rtsol bral ba'i chos dbyings su thim tshe/__/ha cang mtshan ma'i chos la dmigs gtad kun spangs te/__/a don 'od gsal drwa ba'i dngos grub shig zhu'o/__/srid pa'i dgra las rgyal ba'i bde stong gi mtshan dpe/__/srid zhi'i de nyid rtogs pa bde chen gyi gsung dbyangs/__srid gsum dbu mar rol pa'i 'od gsal gyi thig le/__/srid zhi'i mtha' las 'das pa'i dngos grub shig zhu'o/__/'bar 'dzag bdud rtsi'i thigs phreng bdud rtsi la rol pas/__/e waM zung 'jug bde stong drwa ba yi 'khor lo/__/'chi med bcud len bral ba'i snang tshul du bzhengs nas/__/bstan 'gro'i 'dod don 'jo ba'i dngos grub shig zhu'o/__/de skad gang shar bde ba'i glus/__/longs spyod yongs rdzogs 'khor lo nas/__/grags stong rdo rje'i rol mor bsgyur/__/lhan skyes bde bar ro gcig shog_/_!