JKW-KABUM-20-WA-001-035

🚧 This website is under continued development. We appreciate your patience!

Previous Text Back to Volume PageNext Text

Wylie title
Location	mkhyen brtse'i bka' 'bum Volume 20, sde tshan 1, Text 35, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 20: . Khams sde dge rdzong sar dgon: Rdzong sar blo gros phun tshogs, 2020.
Genre	Official Letters - chab shog

1 Texts in this Section (sde tshan or chos tshan)

35 66-68	མཛེས་བྱེད་ལོར་སེ་ནཱ་ཤུ་བྷར་ལེགས་སྐྱེས་ཕུལ་བའི་ཡི་གེ། mdzes byed lor se nA shu b+har legs skyes phul ba'i yi ge Official Letters - chab shog	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

མཛེས་བྱེད་ལོར་སེ་ནཱ་ཤུ་བྷར་ལེགས་སྐྱེས་ཕུལ་བའི་ཡི་གེ། མཛེས་བྱེད་ལོར་སེ་ནཱ་ཤུ་བྷར་ལེགས་སྐྱེས་ཕུལ་བའི་ཡི་གེ་བདུད་རྩིའི་སྙེ་མའོ། ། ཙྪནྡཱབཱཀྟྲཾནཱམ། སྡེ་བཞིའི་ཆུ་གཏེར་ལས་བྱུང་ཞིང་། །དགེ་ལེགས་བདུད་རྩིའི་རང་བཞིན་ཅན། །མི་བདག་ཤར་གྱི་ཐིག་ལེ་ཡི། །ཞབས་ཀྱི་པདྨོའི་ཉེ་དྲུང་དུ། ༡ །མཆོག་གསུམ་ཐུགས་རྗེའི་ཉིན་བྱེད་ཀྱིས། །ཉེ་བར་སྐྱོང་བའི་ད་རི་དྲྭ། །ཨུཏྤལ་གཞོན་ནུའི་མགྲིན་པ་ནས། །ཞུ་གསོལ་རྒྱུད་མང་འདི་ལྟར་བསྒྲེངས། ༢ །གང་ཁྱོད་བསོད་ནམས་བྱེ་སྙེད་ཀྱིས། །རིང་མི་ཉིད་ནས་བསྒྲུབས་པ་ལས། །མཐའ་ཀླས་བསྟན་འགྲོའི་ཉེར་འཚོ་རུ། །མཚན་དཔེའི་གཟི་བྱིན་ལྷམ་མེར་གསལ། ༣ །དེ་ཚེ་རིགས་གཟུགས་ཤེས་རབ་དང་། །ཆོས་སྲིད་འབྱོར་པ་རྨད་བྱུང་གིས། །ཤིས་པར་བྱས་པའི་གཏམ་གྱི་རྔས། །ས་གསུམ་ཁྱབ་དང་ལྷན་ཅིག་པར། ༤ །དེང་དུས་ཞལ་གྱི་དཀྱིལ་འཁོར་མཆོག །མངོན་སུམ་མཇལ་བའི་བཀའ་དྲིན་ནི། །ཚངས་པའི་བློས་ཀྱང་གཞལ་དཀའི་ཕྱིར། །གུས་སྤྲོའི་ལེགས་སྐྱེས་ཅུང་ཟད་སྟོབས། ༥ །ཞེས་ཚིག་གི་མེ་ཏོག་ཕྲ་མོ་ཙམ་སྔོན་དུ་འཐོར་བས་ལམ་ཡངས་པར་བྱས་ནས། དེང་གི་ཆར་ཡང་། གཟོད་མ་ནས་རྣམ་པར་གྲོལ་བའི་ཡེ་ཤེས་བརྙེས་སུ་ཟིན་ཀྱང་། སྨོན་ལམ་དང་སྙིང་རྗེའི་འཕེན་པས་གདན་གསུམ་ཚང་བའི་དཀྱིལ་འཁོར་དུ་ཤར་བ་མཁན་ཆེན་རྡོ་རྗེ་འཆང་ཆེན་པོའི་མཚན་དཔེའི་ཉིན་བྱེད་བླ་ན་གསལ་ཞིང་། བོད་དང་བོད་ཆེན་པོའི་ལྗོངས་ཀྱི་རིས་སུ་མ་ཆད་པའི་བསྟན་འགྲོ་ཡོངས་ཀྱི་རྟེན་དང་། གླིང་དང་། དཔུང་གཉེན་གཅིག་པུར་གྱུར་པ་མི་བདག་སའི་ཚངས་པ་ཆེན་པོ་གང་གི་ཞབས་ཀྱི་པདྨོ་ཆེ་དགུའི་རལ་བའི་རྩེ་མོར་འཚོ་ཞིང་གཞེས་ལ་ལུགས་གཉིས་ཀྱི་ཕྲིན་ལས་མཁའ་མཐའ་མཉམ་པར་བརྡལ་བའི་སྐབས་འདིར་གསེར་ཞལ་རིན་པོ་ཆེ་མངོན་སུམ་དུ་མཇལ་ཞིང་། གསུང་གི་བདུད་རྩིས་སྐལ་བཟང་ཐོབ་པའི་ཐོག་མའི་མཇལ་ཕྱག་ལ་རིངས་པར་མཚོན་པ་བཀྲ་ཤིས་པའི་ལྷ་གོས་རབ་དཀར་སོགས། སླར་སྨྲས་པ། རྒྱལ་ཀུན་སོ་སོར་རྟོག་པའི་ཡེ་ཤེས་གཅིག་བསྡུས་སྒྱུ་འཕྲུལ་དྲྭ་བའི་གར། །འོད་མཚན་སྟོང་འབར་ཐུགས་རྗེའི་བདུད་རྩིས་ཁྱེད་ལ་རྟག་ཏུ་དགེ་བྱས་པས། །གསང་གསུམ་རྡོ་རྗེའི་ཆོས་བདུན་ངོ་བོར་བསྐལ་པ་རྒྱ་མཚོར་འཚོ་གཞེས་ཤིང་། །ཆབ་སྲིད་མངའ་ཐང་ཆེས་ཆེར་དར་བའི་དགེ་མཚན་སྣང་བ་འབར་གྱུར་ཅིག ༡ །དེ་མཐུས་བསྟན་པའི་བཤད་སྒྲུབ་དང་། །འགྲོ་བའི་བདེ་སྐྱིད་དར་བབས་ཤིང་། །རྫོགས་ལྡན་གཞོན་ནུའི་དུས་སྟོན་ལ། །ཉམས་མེད་ལོངས་སུ་སྤྱོད་པར་ཤོག ༢ །གང་ན་སྐྱབས་སུ་བསྙེན་ཙམ་ནས། །སྲིད་ཞིའི་དཔལ་ཀུན་སྦྱིན་མཁས་པ། །མཆོག་གསུམ་ཐུགས་རྗེའི་གདུགས་དཀར་པོས། །ཕན་བདེའི་ངལ་འཚོ་རྒྱས་གྱུར་ཅིག ༣ །སརྦ་དཱ་ཀ་ལྱ་ཎཾ་བྷ་བ་ཏུ།། །། ༈

[edit]

mdzes byed lor se nA shu b+har legs skyes phul ba'i yi ge/ mdzes byed lor se nA shu b+har legs skyes phul ba'i yi ge bdud rtsi'i snye ma'o/___/_ts+tshan+dAbAk+t+raMnAm/__sde bzhi'i chu gter las byung zhing /___/dge legs bdud rtsi'i rang bzhin can/___/mi bdag shar gyi thig le yi/___/zhabs kyi pad+mo'i nye drung du/___1__/mchog gsum thugs rje'i nyin byed kyis/___/nye bar skyong ba'i da ri drwa/___/ut+pal gzhon nu'i mgrin pa nas/___/zhu gsol rgyud mang 'di ltar bsgrengs/___2_/gang khyod bsod nams bye snyed kyis/__/ring mi nyid nas bsgrubs pa las/___/mtha' klas bstan 'gro'i nyer 'tsho ru/___/mtshan dpe'i gzi byin lham mer gsal/___3__/de tshe rigs gzugs shes rab dang /___/chos srid 'byor pa rmad byung gis/___/shis par byas pa'i gtam gyi rngas/___/sa gsum khyab dang lhan cig par/___4__/deng dus zhal gyi dkyil 'khor mchog__/mngon sum mjal ba'i bka' drin ni/___/tshangs pa'i blos kyang gzhal dka'i phyir/___/gus spro'i legs skyes cung zad stobs/___5__/zhes tshig gi me tog phra mo tsam sngon du 'thor bas lam yangs par byas nas/___deng gi char yang /___gzod ma nas rnam par grol ba'i ye shes brnyes su zin kyang /___smon lam dang snying rje'i 'phen pas gdan gsum tshang ba'i dkyil 'khor du shar ba mkhan chen rdo rje 'chang chen po'i mtshan dpe'i nyin byed bla na gsal zhing /___bod dang bod chen po'i ljongs kyi ris su ma chad pa'i bstan 'gro yongs kyi rten dang /___gling dang /___dpung gnyen gcig pur gyur pa mi bdag sa'i tshangs pa chen po gang gi zhabs kyi pad+mo che dgu'i ral ba'i rtse mor 'tsho zhing gzhes la lugs gnyis kyi phrin las mkha' mtha' mnyam par brdal ba'i skabs 'dir gser zhal rin po che mngon sum du mjal zhing /___gsung gi bdud rtsis skal bzang thob pa'i thog ma'i mjal phyag la rings par mtshon pa bkra shis pa'i lha gos rab dkar sogs/___slar smras pa/___rgyal kun so sor rtog pa'i ye shes gcig bsdus sgyu 'phrul drwa ba'i gar/___/'od mtshan stong 'bar thugs rje'i bdud rtsis khyed la rtag tu dge byas pas/___/gsang gsum rdo rje'i chos bdun ngo bor bskal pa rgya mtshor 'tsho gzhes shing /___/chab srid mnga' thang ches cher dar ba'i dge mtshan snang ba 'bar gyur cig__1__/de mthus bstan pa'i bshad sgrub dang /___/'gro ba'i bde skyid dar babs shing /___/rdzogs ldan gzhon nu'i dus ston la/___/nyams med longs su spyod par shog__2__/gang na skyabs su bsnyen tsam nas/___/srid zhi'i dpal kun sbyin mkhas pa/___/mchog gsum thugs rje'i gdugs dkar pos/___/phan bde'i ngal 'tsho rgyas gyur cig__3__/sarba dA ka l+ya NaM b+ha ba tu//____//_!