DKYD-KABUM-03-GA-048

🚧 This website is under continued development. We appreciate your patience!

Previous Text Back to Volume PageNext Text

Wylie title	rgyal chen sde bzhi'i 'phrin bcol
Location	mdo mkhyen brtse bka' 'bum Volume 3, Text 47, Pages (Folios to )
Author	མདོ་མཁྱེན་བརྩེ་
Less details More details
Tertön	མདོ་མཁྱེན་བརྩེ་ (Mdo mkhyen brtse)
Citation
Genre	Exhortations to Act - phrin bcol
Colophon	ཞེས་ཕྲིན་ལས་བཅོལ་ལོཿ བསྲུང་འཁོར་བསྒོམསཿ
	zhes phrin las bcol lo:_bsrung 'khor bsgoms:

Tibetan Text

[edit]

༄༅། །«དེ་ནས་རྒྱལ་ཆེན་གཏོར་མ་ཆབ་བྲན་ལཿ» རཾ་ཡཾ་ཁཾཿ ཨོཾ་ཨཱཿཧཱུྃཿ «ལན་གསུམ་གྱི་བྱིན་ཀྱིས་རླབས་ལཿ» ཧཱུྃཿ སྟོན་པའི་བཀའ་ཉན་འཇིག་རྟེན་འདུལཿ ཐུག་རྗེའི་སྟོབས་ཀྱིས་བགེགས་རིགས་འཇོམསཿ སྤྲུལ་སྐུ་རྒྱལ་ཆེན་སྡེ་བཞི་པོརཿ ཕྱི་མཚམས་བསྲུང་བའི་ཕྲིན་ལས་མཛོདཿ ཧཱུྃཿ ཆོས་སྐྱོང་རྒྱལ་པོ་ཡུལ་འཁོར་སྲུངཿ ཞི་བའི་ལས་མཛད་སྐུ་མདོག་དཀརཿ ཡང་དག་དོན་སྟོན་པི་ཝཾ་སྒྲོགསཿ ཤར་ཕྱོགས་གདོན་རྣམས་སྲུང་དུ་གསོལཿ ཧཱུྃཿ ཆོས་སྐྱོང་རྒྱལ་པོ་འཕགས་སྐྱེས་པོཿ རྒྱས་པའི་ལས་མཛད་སྐུ་མདོག་སེརཿ མཐའ་གཉིས་གཅོད་པའི་རལ་གྲི་འཛིནཿ ལྷོ་ཕྱོགས་གདོན་རྣམས་སྲུང་དུ་གསོལཿ ཧཱུྃཿ ཆོས་སྐྱོང་རྒྱལ་པོ་སྤྱན་མི་བཟངཿ དབང་གི་ལས་མཛད་སྐུ་མདོག་དམརཿ འཁོར་བ་གནས་འདྲེན་ཞགས་པ་བསྣམསཿ ནུབ་ཕྱོགས་གདོན་རྣམས་སྲུངཿ ཧཱུྃཿ ཆོས་སྐྱོང་རྒྱལ་པོ་རྣམ་ཐོས་སྲསཿ བྱ་བ་མཐར་ཕྱིན་སྐུ་མདོག་ལྗངཿ འཁོར་བ་འཇོམས་པའི་བེ་ཅོན་བསྣམསཿ བྱང་གི་གདོན་རྣམས་སྲུང་དུ་གསོལ༴ ཧཱུྃཿ སྤྲུལ་སྐུ་རྒྱལ་ཆེན་སྡེ་བཞི་པོཿ དོན་ལ་སངས་རྒྱས་ཡིན་མོད་ཀྱངཿ གསང་སྔགས་བརྟན་པ་བསྲུང་བའི་ཕྱིརཿ བར་ཆད་འདུལ་བར་མཛད་དུ་གསོལཿ «རྒྱལ་ཆེན་གཏོར་མ་འབུལ་བཤལ་ཆུ་བཏངཿ» ཨོཾ་ངྷྲི་ཏ་རཥྟ་ཡེ་སྭཱ་ཧཱཿ ཨོཾ་བེ་རུ་དྷ་ག་ཡེ་སྭཱ་ཧཱཿ ཨོཾ་བེ་རུ་བཀྵ་ཡེ༴ ཨོཾ་བཻ་ཤྲ་མ་ཎ་ཡེ་སྭཱ་ཧཱཿ ཨེ་དམ་བྷ་ལིཾ་ཏ་ཁཱ་ཧཱིཿ རྒྱལ་པོ་ཆེན་པོ་སྡེ་བཞི་འཁོར་དང་བཅས་པ་ཁྱེད་རྣམས་འབུལ་བའི་མཆོད་གཏོར་འདི་བཞེས་ལཿ བདག་གི་སྒྲུབ་པ་ཆེན་པོ་འདི་ཉིད་མ་གྲོལ་གྱི་བར་དུཿ ཕྱི་ཡི་བར་ཆད་ནང་དུ་མི་གཏོང་ཞིངཿ ནང་གི་དངོས་གྲུབ་ཕྱིར་མ་འཁྱམས་པའི་ཕྲིན་ལས་མཛད་དུ་གསོལཿ« ཞེས་ཕྲིན་ལས་བཅོལ་ལོཿ བསྲུང་འཁོར་བསྒོམསཿ