JKW-KABUM-20-WA-001-046

🚧 This website is under continued development. We appreciate your patience!

Previous Text Back to Volume PageNext Text

Wylie title	ho thog thu d+harma ma ti'i zhabs pad du phul ba'i 'phrin lan
Location	mkhyen brtse'i bka' 'bum Volume 20, sde tshan 1, Text 46, Pages 82 (Folios 41b1 to 41b6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. ho thog thu d+harma ma ti'i zhabs pad du phul ba'i 'phrin lan. In 'jam dbyangs mkhyen brtse'i dbang po'i bka' 'bum, Vol. 20: 82. Khams sde dge rdzong sar dgon: Rdzong sar blo gros phun tshogs, 2020.
Genre	Official Letters - chab shog  ·  Replies to Questions - dris lan

1 Texts in this Section (sde tshan or chos tshan)

46 82	ཧོ་ཐོག་ཐུ་དྷརྨ་མ་ཏིའི་ཞབས་པད་དུ་ཕུལ་བའི་འཕྲིན་ལན། ho thog thu d+harma ma ti'i zhabs pad du phul ba'i 'phrin lan Official Letters - chab shog   ·   Replies to Questions - dris lan	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

ཧོ་ཐོག་ཐུ་དྷརྨ་མ་ཏིའི་ཞབས་པད་དུ་ཕུལ་བའི་འཕྲིན་ལན་ནོ། །མཁས་པའི་ཅོད་པན་གྲུབ་པའི་ཉི་མ་རྣམ་འདྲེན་རྡོ་རྗེ་འཆང་མངོན་སུམ་པའི་ཞབས་པད་ཉེ་དྲུང་དུ། རྒྱལ་ཁམས་ཀྱི་སྤྲང་པོ་འདུ་ཤེས་གསུམ་པའི་མོས་གུས་ཀྱི་ངག །གང་ན་ཀུན་ཏུ་རྟོག་པ་ཡི། །འཕོ་བ་འགགས་པའི་སྒྱུ་འཕྲུལ་ནི། །རྡོ་རྗེ་སྙེམས་མའི་བདག་པོ་ཉིད། །ངུར་སྨྲིག་ཟོལ་གྱིས་གཞན་ཕྱིར་འོང་། །དེ་ཚེ་ཕྲིན་ལས་མཐའ་ཡས་པ། །མཁའ་དང་སྙོམས་པར་འཇུག་བཞིན་དུ། །བྱིན་རླབས་གཟི་འབར་བདུད་རྩིའི་དཔྱིད། །གླེགས་བམ་ཕྲེང་བཅས་ཉམས་མེད་སོན། །རྣམ་ཀུན་བརྩེ་ཆེན་ཐུགས་རྗེ་ཡིས། །གཞར་ཡང་གཏོང་མིན་འདམ་སྐྱེས་ཀྱང་། །དད་པའི་ལང་ཚོ་ མ་རྙིང་བཞིན། །འདུ་ཤེས་གསུམ་གྱི་མནལ་ལ་གཡུར། །མཚམས་ཞུས། ཛི་ཝནྟུ་ཞེས་ཤིས་བརྗོད་ཀྱི། །མེ་ཏོག་ཉིན་བཞིན་འཐོར་བ་ཡང་། །རང་ཉིད་མོས་པས་གཙོར་བྱས་ཀྱི། །རྒྱལ་ལ་སྐྱེ་འགག་ཕ་མཐའ་གང་། །བདེན་པ་དེ་ཡིས་འཇིག་རྟེན་ན། །ཁྱོད་ཀྱི་ཕྲིན་ལས་ནུབ་མེད་ཅིང་། །བདག་ཀྱང་བྱང་ཆུབ་སྙིང་པོའི་བར། །སྔར་བཞིན་ཡེ་ཤེས་གཟིགས་པས་སྐྱོངས། །སརྦ་དཱ་ཀ་ལྱཱ་ཎཾ་བྷ་བ་ཏུ།། །། ༈

[edit]

ho thog thu d+harma ma ti'i zhabs pad du phul ba'i 'phrin lan/ ho thog thu d+harma ma ti'i zhabs pad du phul ba'i 'phrin lan no/___/mkhas pa'i cod pan grub pa'i nyi ma rnam 'dren rdo rje 'chang mngon sum pa'i zhabs pad nye drung du/___rgyal khams kyi sprang po 'du shes gsum pa'i mos gus kyi ngag__/gang na kun tu rtog pa yi/___/'pho ba 'gags pa'i sgyu 'phrul ni/___/rdo rje snyems ma'i bdag po nyid/___/ngur smrig zol gyis gzhan phyir 'ong /___/de tshe phrin las mtha' yas pa/___/mkha' dang snyoms par 'jug bzhin du/___/byin rlabs gzi 'bar bdud rtsi'i dpyid/___/glegs bam phreng bcas nyams med son/___/rnam kun brtse chen thugs rje yis/___/gzhar yang gtong min 'dam skyes kyang /___/dad pa'i lang tsho _ma rnying bzhin/___/'du shes gsum gyi mnal la g.yur/___/mtshams zhus/___dzi wan+tu zhes shis brjod kyi/___/me tog nyin bzhin 'thor ba yang /___/rang nyid mos pas gtsor byas kyi/___/rgyal la skye 'gag pha mtha' gang /___/bden pa de yis 'jig rten na/___/khyod kyi phrin las nub med cing /___/bdag kyang byang chub snying po'i bar/___/sngar bzhin ye shes gzigs pas skyongs/___/sarba dA ka l+yA NaM b+ha ba tu//___//__!