JKW-KABUM-16-MA-029-003

🚧 This website is under continued development. We appreciate your patience!

Previous Text Back to Volume PageNext Text

འཇམ་དཔལ་ཆོས་དབྱིངས་གསུང་དབང་གི་བརྒྱུད་འདེབས་སྨོན་ལམ་དང་བཅས་པ་བྱིན་རླབས་བདུད་རྩིའི་སྣང་སྟེར།

Wylie title	'jam dpal chos dbyings gsung dbang gi brgyud 'debs smon lam dang bcas pa byin rlabs bdud rtsi'i snang ster
Location	mkhyen brtse'i bka' 'bum Volume 16, sde tshan 29, Text 3, Pages 264-267 (Folios 4b6 to 6a2)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. 'jam dpal chos dbyings gsung dbang gi brgyud 'debs smon lam dang bcas pa byin rlabs bdud rtsi'i snang ster. In 'jam dbyangs mkhyen brtse'i dbang po'i bka' 'bum, Vol. 16: 264-267. Khams sde dge rdzong sar dgon: Rdzong sar blo gros phun tshogs, 2020.
Genre	Prayers - smon lam  ·  Lineage Supplications - brgyud 'debs
Colophon	།ཅེས་པའང་རིགས་དང་དཀྱིལ་འཁོར་རྒྱ་མཚོའི་ཁྱབ་བདག་དཔལ་ལྡན་རྡོ་རྗེ་སེམས་པའི་ངོ་བོ་རི༷ན་ཆེ༷ན་བློ༷་གས༷ལ་བསྟ༷ན་སྐྱོང༷་དཔལ་བཟང་པོའི་ཞལ་སྔ་ནས་བཀའ་སྩལ་རིན་ཆེན་ཕྲེང་བ་ལྷ་རྫས་ཀྱི་མེ་ཏོག་དང་བཅས་སྤྱི་བོར་ཕེབས་པ་གུས་པས་མཆོད་དེ། རྗེ་བཙུན་བླ་མ་དེ་ཉིད་སོགས་ཡོངས་འཛིན་མཁས་གྲུབ་དུ་མས་རྗེས་སུ་བཟུང་བའི་ཤར་མདོ་ཁམས་ཀྱི་བཙུན་པ་འཇམ་དབྱངས་མཁྱེན་རྩེའི་དབང་པོས་དཔལ་ཞ་ལུ་རི་སྦུག་བྱང་ཆུབ་ལྗོན་པའི་དགའ་བའི་ཚལ་ཆེན་པོར་གང་ཤར་གསོལ་བ་བཏབ་པ་དགེ་ལེགས་མཆོག་ཏུ་གྱུར་ཅིག
	ces pa'ang rigs dang dkyil 'khor rgya mtsho'i khyab bdag dpal ldan rdo rje sems pa'i ngo bo riXn cheXn bloX gsaXl bstaXn skyongX dpal bzang po'i zhal snga nas bka' stsal rin chen phreng ba lha rdzas kyi me tog dang bcas spyi bor phebs pa gus pas mchod de/__rje btsun bla ma de nyid sogs yongs 'dzin mkhas grub du mas rjes su bzung ba'i shar mdo khams kyi btsun pa 'jam dbyangs mkhyen rtse'i dbang pos dpal zha lu ri sbug byang chub ljon pa'i dga' ba'i tshal chen por gang shar gsol ba btab pa dge legs mchog tu gyur cig

1 Texts in this Section (sde tshan or chos tshan)

3 264-267	འཇམ་དཔལ་ཆོས་དབྱིངས་གསུང་དབང་གི་བརྒྱུད་འདེབས་སྨོན་ལམ་དང་བཅས་པ་བྱིན་རླབས་བདུད་རྩིའི་སྣང་སྟེར། 'jam dpal chos dbyings gsung dbang gi brgyud 'debs smon lam dang bcas pa byin rlabs bdud rtsi'i snang ster Prayers - smon lam   ·   Lineage Supplications - brgyud 'debs	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

འཇམ་དཔལ་ཆོས་དབྱིངས་གསུང་དབང་གི་བརྒྱུད་འདེབས་སྨོན་ལམ་དང་བཅས་པ་བྱིན་རླབས་བདུད་རྩིའི་སྣང་སྟེར་ཞེས་བྱ་བ་བཞུགས་སོ། ། ༈ རྣམ་འདྲེན་སྟོབས་བཅུའི་མངའ་བདག་ཤཱཀྱའི་ཏོག །རྒྱལ་ཀུན་གསུང་གི་དབང་ཕྱུག་འཇམ་པའི་དབྱངས། །གང་དེས་རྗེས་བཟུང་ཛྙཱ་ན་བཛྲ་དང་། །འཇ༷མ་དཔ༷ལ་གྲག༷ས་པ༷་རྣམས་ལ་གསོལ་བ་འདེབས། །དཔལ་སྦས་བཟང་པོ་ཡེ་ཤེས་རྡོ་རྗེ་དང་། །ཤེས་རབ་འབྱུང་གནས་བཞད་པ་རྡོ་རྗེ་ཞབས། །པདྨཱ་ཀཱ་ར་དད་བྱེད་གོ་ཆ་དང་། །ལོ་ཆེན་རིན་བཟང་རྣམས་ལ༴ ལེགས་པའི་ཤེས་རབ་རྔོག་སྟོན་གེ་སར་པ། །དར་མ་གྲགས་དང་ཁྲི་སྟོན་ཀུན་དགའ་འོད། །མཁན་ཆེན་ཆོས་རིན་ཆོས་སྐུ་འོད་ཟེར་དང་། །ཡོན་ཏན་རྒྱ་མཚོ་རྣམས་ལ༴ རྩོད་དུས་ཀུན་མཁྱེན་གཉིས་པ་རིན་ཆེན་གྲུབ། །རིན་ཆེན་རྣམ་རྒྱལ་གྲགས་པ་རྒྱལ་མཚན་དང་། །ཡེ་ཤེས་རྒྱ་མཚོ་ཀུན་དགའ་རྣམ་རྒྱལ་ཞབས། །བློ་གྲོས་ཐོགས་མེད་རྣམས་ལ༴ མ་ཎི་བཛྲ་དབང་ཕྱུག་རྒྱལ་མཚན་དཔལ། །བསོད་ནམས་མཆོག་ལྡན་ཀུན་དགའ་དབང་པོ་དང་། །མང་ཐོས་རྒྱ་མཚོ་བློ་གྲོས་དབང་ཕྱུག་ཞབས། །ཀུན་དགའི་མཚན་ཅན་རྣམས་ལ༴ བསོད་ནམས་དོན་ལྡན་ཕུན་ཚོགས་རྣམ་པར་རྒྱལ། །དཀོན་མཆོག་སྦྱིན་པ་ཕུན་ཚོགས་ཆོས་འཕེལ་དང་། །ལམ་འདིའི་བཀའ་དྲིན་དངོས་སུ་འདོམས་མཁས་པའི། །རྩ་བའི་བླ་མ་རྣམས་ལ་གསོལ་བ་འདེབས། །དེ་ལྟར་གསོལ་བ་བཏབ་མཐུས་བྱང་ཆུབ་བར། །དལ་འབྱོར་རྟེན་ཐོབ་ཐེག་མཆོག་བཤེས་དང་མཇལ། །ཚུལ་གནས་ཐོས་བསམ་སྒོམ་པའི་མཐར་སོན་ནས། །བཤད་སྒྲུབ་བསྟན་པ་འཛིན་པར་བྱིན་གྱིས་རློབས། །ཁྱད་པར་དེ་ཉིད་བཅུ་ལྡན་སློབ་དཔོན་ལས། །ཆོས་དབྱིངས་གསུང་གི་དབང་ཕྱུག་དཀྱིལ་འཁོར་ཆེར། །རིགས་བཞི་འཁོར་ལོས་སྒྱུར་བ་དང་བཅས་པའི། །སྨིན་བྱེད་བདུད་རྩི་ནོད་པར༴ དབང་དུས་ཐོབ་པའི་བསླབ་ལས་མི་འདའ་བཞིན། །དབེན་པའི་གནས་སུ་འཇམ་དཔལ་གཞོན་ནུ་ཡི། །ཏིང་འཛིན་གསུམ་དང་ཆོ་འཕྲུལ་རྣམ་པ་བཞིའི། །ཟབ་མོའི་ལམ་བཟང་བསྒོམ་པར༴ དེ་མཐུས་གནས་སྐབས་དངོས་གྲུབ་ཡེ་ཤེས་དང་། །མཐར་ཐུག་ཕྱག་རྒྱའི་ཡེ་ཤེས་ལ་བརྟེན་ནས། །མངོན་པར་བྱང་ཆུབ་རྣམ་ལྔའི་ཉེར་ལེན་གྱིས། །སྐུ་བཞིའི་འབྲས་བུ་འགྲུབ་པར་བྱིན་གྱིས་རློབས། །གཞན་ཡང་རིས་མེད་ཐུབ༷་བསྟ༷ན་དར་ཞིང་རྒྱས། །བསྟན༷་འཛི༷ན་མཆོག་རྣམས་ཞབས་པད་བསྐལ་བརྒྱར་བརྟན། །འགྲོ་རྣམས་དུས་ཀྱི་རྒུད་པ་ཀུན་ཞི་ནས། །ཕན་བདེའི་དགེ་མཚན་རྒྱས་པའི་བཀྲ་ཤིས་ཤོག །ཅེས་པའང་རིགས་དང་དཀྱིལ་འཁོར་རྒྱ་མཚོའི་ཁྱབ་བདག་དཔལ་ལྡན་རྡོ་རྗེ་སེམས་པའི་ངོ་བོ་རི༷ན་ཆེ༷ན་བློ༷་གས༷ལ་བསྟ༷ན་སྐྱོང༷་དཔལ་བཟང་པོའི་ཞལ་སྔ་ནས་བཀའ་སྩལ་རིན་ཆེན་ཕྲེང་བ་ལྷ་རྫས་ཀྱི་མེ་ཏོག་དང་བཅས་སྤྱི་བོར་ཕེབས་པ་གུས་པས་མཆོད་དེ། རྗེ་བཙུན་བླ་མ་དེ་ཉིད་སོགས་ཡོངས་འཛིན་མཁས་གྲུབ་དུ་མས་རྗེས་སུ་བཟུང་བའི་ཤར་མདོ་ཁམས་ཀྱི་བཙུན་པ་འཇམ་དབྱངས་མཁྱེན་རྩེའི་དབང་པོས་དཔལ་ཞ་ལུ་རི་སྦུག་བྱང་ཆུབ་ལྗོན་པའི་དགའ་བའི་ཚལ་ཆེན་པོར་གང་ཤར་གསོལ་བ་བཏབ་པ་དགེ་ལེགས་མཆོག་ཏུ་གྱུར་ཅིག ། ༈

[edit]

'jam dpal chos dbyings gsung dbang gi brgyud 'debs smon lam/__ 'jam dpal chos dbyings gsung dbang gi brgyud 'debs smon lam dang bcas pa byin rlabs bdud rtsi'i snang ster zhes bya ba bzhugs so/___/__!_rnam 'dren stobs bcu'i mnga' bdag shAkya'i tog__/rgyal kun gsung gi dbang phyug 'jam pa'i dbyangs/__/gang des rjes bzung dz+nyA na badz+ra dang /__/'jaXm dpaXl gragaXs paX rnams la gsol ba 'debs/__/dpal sbas bzang po ye shes rdo rje dang /__/shes rab 'byung gnas bzhad pa rdo rje zhabs/__/pad+mA kA ra dad byed go cha dang /__/lo chen rin bzang rnams la=__legs pa'i shes rab rngog ston ge sar pa/__/dar ma grags dang khri ston kun dga' 'od/__/mkhan chen chos rin chos sku 'od zer dang /__/yon tan rgya mtsho rnams la=__rtsod dus kun mkhyen gnyis pa rin chen grub/__/rin chen rnam rgyal grags pa rgyal mtshan dang /__/ye shes rgya mtsho kun dga' rnam rgyal zhabs/__/blo gros thogs med rnams la=__ma Ni badz+ra dbang phyug rgyal mtshan dpal/__/bsod nams mchog ldan kun dga' dbang po dang /_/mang thos rgya mtsho blo gros dbang phyug zhabs/__/kun dga'i mtshan can rnams la=__bsod nams don ldan phun tshogs rnam par rgyal/__/dkon mchog sbyin pa phun tshogs chos 'phel dang /__/lam 'di'i bka' drin dngos su 'doms mkhas pa'i/__/rtsa ba'i bla ma rnams la gsol ba 'debs/__/de ltar gsol ba btab mthus byang chub bar/__/dal 'byor rten thob theg mchog bshes dang mjal/__/tshul gnas thos bsam sgom pa'i mthar son nas/__/bshad sgrub bstan pa 'dzin par byin gyis rlobs/__/khyad par de nyid bcu ldan slob dpon las/__/chos dbyings gsung gi dbang phyug dkyil 'khor cher/__/rigs bzhi 'khor los sgyur ba dang bcas pa'i/__/smin byed bdud rtsi nod par=__dbang dus thob pa'i bslab las mi 'da' bzhin/__/dben pa'i gnas su 'jam dpal gzhon nu yi/__/ting 'dzin gsum dang cho 'phrul rnam pa bzhi'i/__/zab mo'i lam bzang bsgom par=__de mthus gnas skabs dngos grub ye shes dang /__/mthar thug phyag rgya'i ye shes la brten nas/__/mngon par byang chub rnam lnga'i nyer len gyis/__/sku bzhi'i 'bras bu 'grub par byin gyis rlobs/__/gzhan yang ris med thubaX bstaXn dar zhing rgyas/__/bstanaX 'dziXn mchog rnams zhabs pad bskal brgyar brtan/__/'gro rnams dus kyi rgud pa kun zhi nas/__/phan bde'i dge mtshan rgyas pa'i bkra shis shog__/ces pa'ang rigs dang dkyil 'khor rgya mtsho'i khyab bdag dpal ldan rdo rje sems pa'i ngo bo riXn cheXn bloX gsaXl bstaXn skyongaX dpal bzang po'i zhal snga nas bka' stsal rin chen phreng ba lha rdzas kyi me tog dang bcas spyi bor phebs pa gus pas mchod de/__rje btsun bla ma de nyid sogs yongs 'dzin mkhas grub du mas rjes su bzung ba'i shar mdo khams kyi btsun pa 'jam dbyangs mkhyen rtse'i dbang pos dpal zha lu ri sbug byang chub ljon pa'i dga' ba'i tshal chen por gang shar gsol ba btab pa dge legs mchog tu gyur cig___/__!_