JKCL-KABUM-08-NYA-011-027

🚧 This website is under continued development. We appreciate your patience!

Previous Text Back to Volume PageNext Text

ཞལ་གདམས་དོན་བཞི་མ།

Wylie title	zhal gdams don bzhi ma
Location	chos kyi blo gros bka' 'bum Volume 8, sde tshan 11, Text 27, Pages 358-359 (Folios 37b3 to 38a2)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. zhal gdams don bzhi ma. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 8: 358-359. Bir, H.P.: Khyentse Labrang, 2012.
Genre	Advice - zhal gdams
Lotsawa House Link	https://www.lotsawahouse.org/tibetan-masters/jamyang-khyentse-chokyi-lodro/four-point-advice
Colophon	།ཅེས་པའང་བླ་མ་བྱམས་པའི་ངོར་ཆོས་ཀྱི་བློ་གྲོས་པས་བྲིས་པའོ།
	/ces pa'ang bla ma byams pa'i ngor chos kyi blo gros pas bris pa'o/

1 Texts in this Section (sde tshan or chos tshan)

27 358-359	ཞལ་གདམས་དོན་བཞི་མ། zhal gdams don bzhi ma Advice - zhal gdams	Text page View PDF
	[[|འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ()]]

Tibetan Text

Wylie

[edit]

༈ ཞལ་གདམས་དོན་བཞི་མ་བཞུགས་སོ། །བླ་མའི་ཞབས་ལ་ཕྱག་འཚལ་ལོ། །མི་རྟག་འཆི་བ་དྲན་པ་དང་། །ཚེ་འདིར་ཞེན་ལོག་ངེས་འབྱུང་བསྒོམ། །བློ་སྣ་ཐུང་ངུར་བྱེད་པ་གསུམ། །བློ་ཆོས་སུ་འགྲོ་བའི་ཁྲིད་ཡིན་ལགས། །སེམས་ཅན་ཕ་མར་ཤེས་པ་དང་། །བྱམས་དང་སྙིང་རྗེ་དྲག་ཏུ་བསྒོམས། །བདག་བས་གཞན་གཅེས་སེམས་མཆོག་བསྐྱེད། །ཆོས་ལམ་དུ་འགྲོ་བའི་གདམས་ངག་ཡིན། །ཞིང་ཁམས་ཆོས་རྣམས་ཐམས་ཅད་ཀུན། མ་བརྟག་སྣང་བ་འལ་འོལ་འདི། །བརྟགས་ན་སྒྱུ་མ་ཇི་བཞིན་མཚུངས། །ལམ་འཁྲུལ་པ་ཞི་བའི་གདམས་ངག་ལགས། །རིག་སྟོང་ཆོས་ཉིད་གཉུག་མ་འདི། །ཡིད་དཔྱོད་སེམས་ཀྱིས་མ་བསླད་པར། །རང་རིག་རྗེན་པར་བསྐྱངས་བ་འདི། །འཁྲུལ་པ་ཡེ་ཤེས་སུ་འཆར་བའི་གདམས་ངག་ཡིན། །འདི་ལས་སྤྲོས་ན་རྒྱ་ཆེ་མང་། །རྩ་བ་དེ་ཙམ་ཞིག་ཏུ་འདུས། །གདམས་ངག་བཞི་ནང་ཆོས་ཀུན་དྲིལ། །དེ་ལྟར་ཉམས་སུ་བླང་བར་མཛོད། །ཅེས་པའང་བླ་མ་བྱམས་པའི་ངོར་ཆོས་ཀྱི་བློ་གྲོས་པས་བྲིས་པའོ། །

[edit]

!_zhal gdams don bzhi ma bzhugs so/__/bla ma'i zhabs la phyag 'tshal lo/__/mi rtag 'chi ba dran pa dang /__/tshe 'dir zhen log nges 'byung bsgom/__/blo sna thung ngur byed pa gsum/__/blo chos su 'gro ba'i khrid yin lags/__/sems can pha mar shes pa dang /__/byams dang snying rje drag tu bsgoms/__/bdag bas gzhan gces sems mchog bskyed/__/chos lam du 'gro ba'i gdams ngag yin/__/zhing khams chos rnams thams cad kun/__ma brtag snang ba 'al 'ol 'di/__/brtags na sgyu ma ji bzhin mtshungs/__/lam 'khrul pa zhi ba'i gdams ngag lags/__/rig stong chos nyid gnyug ma 'di/__/yid dpyod sems kyis ma bslad par/__/rang rig rjen par bskyangs ba 'di/__/'khrul pa ye shes su 'char ba'i gdams ngag yin/__/'di las spros na rgya che mang /__/rtsa ba de tsam zhig tu 'dus/__/gdams ngag bzhi nang chos kun dril/__/de ltar nyams su blang bar mdzod/__/ces pa'ang bla ma byams pa'i ngor chos kyi blo gros pas bris pa'o/__/