JKW-KABUM-02-KHA-001-008

🚧 This website is under continued development. We appreciate your patience!

Previous Text Back to Volume PageNext Text

སྡེ་སྣོད་འཛིན་པའི་ཁྱུ་མཆོག་ཆེན་པོ་ལ་བསྔགས་པའི་གཏམ་དཔྱིད་ཀྱི་དཔལ་མོའི་གླུ་དབྱངས།

Wylie title	sde snod 'dzin pa'i khyu mchog chen po la bsngags pa'i gtam dpyid kyi dpal mo'i glu dbyangs
Location	mkhyen brtse'i bka' 'bum Volume 2, sde tshan 1, Text 8, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. sde snod 'dzin pa'i khyu mchog chen po la bsngags pa'i gtam dpyid kyi dpal mo'i glu dbyangs. In 'jam dbyangs mkhyen brtse'i dbang po'i bka' 'bum, Vol. 2: . Khams sde dge rdzong sar dgon: Rdzong sar blo gros phun tshogs, 2020.
Genre	Discourses - gtam

1 Texts in this Section (sde tshan or chos tshan)

8 34-36	སྡེ་སྣོད་འཛིན་པའི་ཁྱུ་མཆོག་ཆེན་པོ་ལ་བསྔགས་པའི་གཏམ་དཔྱིད་ཀྱི་དཔལ་མོའི་གླུ་དབྱངས། sde snod 'dzin pa'i khyu mchog chen po la bsngags pa'i gtam dpyid kyi dpal mo'i glu dbyangs Discourses - gtam	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

སྡེ་སྣོད་འཛིན་པའི་ཁྱུ་མཆོག་ཆེན་པོ་ལ་བསྔགས་པའི་གཏམ་དཔྱིད་ཀྱི་དཔལ་མོའི་གླུ་དབྱངས་ཞེས་བྱ་བ། ཀི༷་ཤུ་ཤ་ཡི་རྐང་འཐུང་འཁྲིགས་པའི་ཁྲོད། །ཁུ༷་བྱུག་མྱོས་པའི་གླུ་དབྱངས་སྒྲོག་པ་ལྟར། །གེ༷་སར་འདབ་མ་བཞད་པའི་མཆུ་སྒྲོས་ལས། །ངོ༷་མཚར་བདེན་པ་གཉིས་ཀྱི་དམ་ཆོས་སྤྲོ། ༡ །ཅི༷་ལྟར་བསླབ་པའི་སྡོམ་པ་གསུམ་གྱི་ཚོགས། །ཆུ༷་བོ་དལ་གྱིས་འབབ་པའི་རླབས་ཕྲེང་ལྟར། །ཇེ༷་ཞིག་སོང་ཡང་འགལ་བ་མི་མངའ་བར། །ཉོ༷་ཚོང་བགྱིས་པའི་བདོག་པ་བཞིན་དུ་བཟུང་། ༢ །ཏི༷་ལ་སྡེ་སྣོད་བཞི་པ་རྡོ་རྗེའི་ཐེག །ཐུ༷ན་མོང་མ་ཡིན་ངེས་གསང་མཐའ་དྲུག་རྒྱས། །དེ༷་དེའི་གསང་མཛོད་འགྲོལ་ལ་མི་འཇིགས་ཤིང་། །ནོ༷་པི་ཀ་ཡི་དོན་གྱི་སྙིང་པོ་རྙེད། ༣ །པི༷་ཝཾ་སྒེག་པའི་སོར་མོས་འཁྲོལ་བ་དང་། །ཕུ༷་ཆུ་ལྷུང་ལྷུང་འབབ་པའི་སྒྲ་དབྱངས་ལྟར། །བེ༷འུ་རྫི་བོས་སྐྱོང་བཞིན་བྱང་ཆུབ་སེམས། །མོ༷་གའི་འཁྲི་ཤིང་ལྟ་བུར་ཉེས་ཚོགས་གྲོལ། ༤ །ཙི༷ཏྟའི་དྭངས་མ་ལྟར་གཅེས་སོ་སོར་ཐར། །ཚུ༷་རོལ་མཛེས་བྱེད་ངུར་སྨྲིག་བླ་གོས་བཅས། །ཛེ༷་ཏའི་ཚལ་ན་རོལ་པའི་དགྲ་བཅོམ་ཚོགས། །ཝ༷་ལྟར་སྐལ་ལྡན་ཚོལ་ཕྱིར་ཉུལ་བ་བཞིན། ༥ །ཞི༷་གནས་རྩེ་གཅིག་མཆོག་གི་ཏིང་འཛིན་རོ། །ཟུ༷ར་ཕུད་རྣམ་པར་བསྒྲེང་འདྲའི་ལྷག་མཐོང་བཅས། །འེ༷་ཞེས་མཐོང་བའི་བྱ་ལྟར་རབ་སྙན་ཀྱང་། །ཡོ༷་ལང་ཉོན་མོངས་འཁྲུལ་པའི་དགྲ་བོ་བཅིལ། ༦ །ར༷ཿཡིག་ལས་སྐྱེས་སྤུན་ཟླ་མ་ཡིན་ཀྱང་། །ལུ༷་མའི་ཆུ་མཚོར་དྭངས་བའི་ཟླ་རིས་ལྟར། །ཤེ༷ས་རབ་ཕ་རོལ་ཕྱིན་པའི་ཡེ་ཤེས་ནི། །སོ༷་སོར་མ་འདྲེས་རྟོགས་པས་ཐུགས་སུ་ཆུད། ༧ །ཧི༷་ཧིའི་གད་རྒྱང་སྒྲོག་པའི་འབྱུང་པོའི་སྡེ། །ཧུར་ཐུམ་དྲག་པོའི་ནད་ཀྱི་ཕོ་ཉ་ཅན། །ཨེ༷་ལའི་འདབ་འདྲའི་གཞན་ཕན་གྱིས་འདུལ་ཕྱིར། །ཨོ༷་ཊི་བི་ཤའི་རིག་སྔགས་གྲུབ་པ་ཡིན། ༨།དེ་སྐད་ལེགས་གསུངས་ཐེག་པའི་སྟོན་པ་མཆོག །བསླབ་གསུམ་ཉིན་བྱེད་གཞོན་ནུའི་ཐོར་ཚུགས་ཀྱིས། །ཕན་བདེའི་ཆུ་སྐྱེས་བཞད་པའི་དཔལ་ཡོན་ཅན། །ཐུན་མོང་མཆོག་གི་བདག་པོ་དེར་བསྔགས་སོ། །སརྦ་ས་མནྟ་སིདྡྷནྟུ།། །། ༈

[edit]

sde snod 'dzin pa'i khyu mchog chen po la bsngags pa'i gtam dpyid kyi dpal mo'i glu dbyangs/__ sde snod 'dzin pa'i khyu mchog chen po la bsngags pa'i gtam dpyid kyi dpal mo'i glu dbyangs zhes bya ba/_kiX shu sha yi rkang 'thung 'khrigs pa'i khrod/_/khuX byug myos pa'i glu dbyangs sgrog pa ltar/_/geX sar 'dab ma bzhad pa'i mchu sgros las/_/ngoX mtshar bden pa gnyis kyi dam chos spro/_1__/ciX ltar bslab pa'i sdom pa gsum gyi tshogs/_/chuX bo dal gyis 'bab pa'i rlabs phreng ltar/_/jeX zhig song yang 'gal ba mi mnga' bar/_/nyoX tshong bgyis pa'i bdog pa bzhin du bzung /_2__/tiX la sde snod bzhi pa rdo rje'i theg__/thuXn mong ma yin nges gsang mtha' drug rgyas/_/deX de'i gsang mdzod 'grol la mi 'jigs shing /_/noX pi ka yi don gyi snying po rnyed/_3__/piX waM sgeg pa'i sor mos 'khrol ba dang /_/phuX chu lhung lhung 'bab pa'i sgra dbyangs ltar/_/beX'u rdzi bos skyong bzhin byang chub sems/_/moX ga'i 'khri shing lta bur nyes tshogs grol/_4__/tsiXt+ta'i dwangs ma ltar gces so sor thar/_/tshuX rol mdzes byed ngur smrig bla gos bcas/_/dzeX ta'i tshal na rol pa'i dgra bcom tshogs/_/waX ltar skal ldan tshol phyir nyul ba bzhin/_5__/zhiX gnas rtse gcig mchog gi ting 'dzin ro/_/zuXr phud rnam par bsgreng 'dra'i lhag mthong bcas/_/'eX zhes mthong ba'i bya ltar rab snyan kyang /_/yoX lang nyon mongs 'khrul pa'i dgra bo bcil/_6__/raXHyig las skyes spun zla ma yin kyang /_/luX ma'i chu mtshor dwangs ba'i zla ris ltar/_/sheXs rab pha rol phyin pa'i ye shes ni/_/soX sor ma 'dres rtogs pas thugs su chud/_7__/hiX hi'i gad rgyang sgrog pa'i 'byung po'i sde/_/hur thum drag po'i nad kyi pho nya can/_/eX la'i 'dab 'dra'i gzhan phan gyis 'dul phyir/_/oX Ti bi sha'i rig sngags grub pa yin/_8/de skad legs gsungs theg pa'i ston pa mchog__/bslab gsum nyin byed gzhon nu'i thor tshugs kyis/_/phan bde'i chu skyes bzhad pa'i dpal yon can/_/thun mong mchog gi bdag po der bsngags so/_/sarba sa man+ta sid+d+han+tu//___//_!_