JKW-KABUM-02-KHA-001-004

🚧 This website is under continued development. We appreciate your patience!

Previous Text Back to Volume PageNext Text

དཔལ་ལྡན་བླ་མ་མཆོག་ལ་བསྔགས་པའི་གཏམ་དད་པའི་གེ་སར།

Wylie title	dpal ldan bla ma mchog la bsngags pa'i gtam dad pa'i ge sar
Location	mkhyen brtse'i bka' 'bum Volume 2, sde tshan 1, Text 4, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. dpal ldan bla ma mchog la bsngags pa'i gtam dad pa'i ge sar. In 'jam dbyangs mkhyen brtse'i dbang po'i bka' 'bum, Vol. 2: . Khams sde dge rdzong sar dgon: Rdzong sar blo gros phun tshogs, 2020.
Genre	Discourses - gtam

1 Texts in this Section (sde tshan or chos tshan)

4 28-30	དཔལ་ལྡན་བླ་མ་མཆོག་ལ་བསྔགས་པའི་གཏམ་དད་པའི་གེ་སར། dpal ldan bla ma mchog la bsngags pa'i gtam dad pa'i ge sar Discourses - gtam	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

དཔལ་ལྡན་བླ་མ་མཆོག་ལ་བསྔགས་པའི་གཏམ་དད་པའི་གེ་སར་ཞེས་བྱ་བ། ཀ༷་དམ་པ་ཅན་བླ་བྲེ་ལས་བྱུང་བའི། །ཁ༷་བའི་རྡུལ་བརྩེགས་ཁྲོད་ན་གནས་པའི་འགྲོ། །ག༷་ལ་བ་དེར་གཟིགས་ཏེ་མིག་མི་འཛུམ། །ང༷་ཅག་གདུང་སེལ་དམ་པར་བཞེངས་དེར་འདུད། ༡ །ཅ༷་ཅོའི་རླབས་ཕྲེང་རབ་ལྡན་འཁོར་བའི་ཆབ། །ཆ༷་མཐུན་བདེན་གཉིས་རིན་ཆེན་གྲུས་བརྒལ་ནས། །ཇ༷་ཆང་སྐྱེམས་ཀྱིས་མི་མཚོན་དབང་བཞིའི་རྒྱུན། །ཉ༷་རྒྱས་ཀུ་མུད་འཛུམ་བཞིན་སྩོལ་བར་མཛད། ༢ །ཏ༷་རུའི་ཚེར་མ་ལྟར་རྣོ་རྟོག་ཚོགས་ཀྱིས། །ཐ༷་དད་དགྲ་གཉེན་བར་མ་འདུ་བྱས་ཏེ། །ད༷་ཀོ་བྱང་སེམས་གཞོན་ཤ་འབིགས་པའི་ཚེ། །ན༷་མར་མགོན་པོ་ཁྱོད་ཀྱིས་རྗེས་སུ་ཟུངས། །པ༷་སངས་བཞད་པའི་འོད་དཀར་ཇི་བཞིན་དུ། །ཕ༷་རོལ་ཕྱིན་ལམ་སྤྱོད་པར་འཇུག་བྱས་ཏེ། །བ༷་མོར་ཉི་བཞིན་གློ་བུར་འཁྲུལ་པའི་ཚོགས། །མ༷་བཅོས་ལྷན་སྐྱེས་ཆེན་པོར་ཞི་བར་མཛོད། ༤ །ཙ༷་རི་ཏྲ་སོགས་གནས་ཡུལ་ཌཱ་ཀིའི་གྲོང་། །ཚ༷་གྲང་ཨ་ཧཾ་ཟུང་འཇུག་ལ་ཆགས་ཕྱིར། །ཛ༷་ལང་འབོད་དབྱངས་རོལ་མོས་འགུགས་བྱེད་པའི། །ཝ༷་ལྟར་ཉུལ་བའི་སྣང་སེམས་འཁོར་ལོར་བཅིངས། ༥ །ཞྭ༷་ཐོད་པདྨ་གསར་པའི་འཁྲི་ཤིང་དེར། །ཟ༷་ཧོར་རྒྱལ་པོའི་མཆོད་གནས་མཚོ་སྐྱེས་རྗེ། །འ༷་ཅག་བྱིན་གྱིས་བརླབ་ཕྱིར་རབ་བཞུགས་ཏེ། །ཡ༷་བྲལ་ལས་འདས་བདེན་གཉིས་དམ་ཆོས་སྟོན། ༦ །ར༷་ཧུ་ལ་དང་ཙ་ཏུ་རྨུ་ཁའི་འཁོར། །ལ༷་ཀླུང་རྒྱུ་ཞིང་འགྲོ་ལ་འཚེ་བ་ཀུན། །ཤ༷་ཟ་འབོད་སྒྲོག་རྒྱལ་པོ་པད་འབྱུང་གིས། །ས༷་བཅུའི་བཀའ་རྟགས་རྭ་བར་བཟླུམ་བཞིན་འདུལ། ༧ །ཧ༷་ལ་ལྟ་བུའི་རྟོག་བྲལ་རང་རིག་པ། །ཨ༷་དོན་རྫོགས་པ་ཆེན་པོར་མཉམ་པ་བཅིང་། །ཧཾ་ཡིག་ག་བུར་བཞུ་བའི་ཆུ་རྒྱུན་གྱིས། །ཨ་ལ་ལ་སྟེ་དབུ་མའི་ཀུནྡཱ་བཞད། ༨ །སྣ་ཚོགས་ཚིག་ཕྲེང་གང་ཤར་རྡོ་རྗེའི་གླུས། །གཏད་མེད ་ཉམས་མྱོང་གསར་པ་འགུགས་བྱས་པས། །རིང་པོར་མི་ཐོགས་འགྲོ་རྣམས་བརྒྱན་གྱུར་ཏེ། །ཕན་བདེའི་དགའ་སྟོན་མཆོག་ལ་རོལ་པར་ཤོག ༩ །ཨ་ཧོ་རྒྱལ་ཀུན་མཐོན་མཐིང་གཙུག་ཏོར་རྩེར། །ཨ་དཪྴ་ལྟར་རབ་དྭངས་མཁྱེན་བརྩེའི་དངོས། །ཨེ་མ་མགོན་པོ་གང་གི་ཞབས་བཀོད་པས། །ཨ་ཏིའི་ཤིན་ཏུ་བཀའ་དྲིན་དྲན་བཞིན་སླར་འདུད་དོ། ༡༠ །སརྦ་སུ་ཛ་ཀ་ཏཱཾ།། །། ༈

[edit]

dpal ldan bla ma mchog la bsngags pa'i gtam dad pa'i ge sar/__ dpal ldan bla ma mchog la bsngags pa'i gtam dad pa'i ge sar zhes bya ba/_kaX dam pa can bla bre las byung ba'i/_/khaX ba'i rdul brtsegs khrod na gnas pa'i 'gro/_/gaX la ba der gzigs te mig mi 'dzum/_/ngaX cag gdung sel dam par bzhengs der 'dud/_1__/caX co'i rlabs phreng rab ldan 'khor ba'i chab/_/chaX mthun bden gnyis rin chen grus brgal nas/_/jaX chang skyems kyis mi mtshon dbang bzhi'i rgyun/_/nyaX rgyas ku mud 'dzum bzhin stsol bar mdzad/_2_/taX ru'i tsher ma ltar rno rtog tshogs kyis/_/thaX dad dgra gnyen bar ma 'du byas te/_/daX ko byang sems gzhon sha 'bigs pa'i tshe/_/naX mar mgon po khyod kyis rjes su zungs/_/paX sangs bzhad pa'i 'od dkar ji bzhin du/_/phaX rol phyin lam spyod par 'jug byas te/_/baX mor nyi bzhin glo bur 'khrul pa'i tshogs/_/maX bcos lhan skyes chen por zhi bar mdzod/_4__/tsaX ri tra sogs gnas yul DA ki'i grong /_/tshaX grang a haM zung 'jug la chags phyir/_/dzaX lang 'bod dbyangs rol mos 'gugs byed pa'i/_/waX ltar nyul ba'i snang sems 'khor lor bcings/_5__/zhwaX thod pad+ma gsar pa'i 'khri shing der/_/zaX hor rgyal po'i mchod gnas mtsho skyes rje/_/'aX cag byin gyis brlab phyir rab bzhugs te/_/yaX bral las 'das bden gnyis dam chos ston/_6__/raX hu la dang tsa tu rmu kha'i 'khor/_/laX klung rgyu zhing 'gro la 'tshe ba kun/_/shaX za 'bod sgrog rgyal po pad 'byung gis/_/saX bcu'i bka' rtags rwa bar bzlum bzhin 'dul/_7__/haX la lta bu'i rtog bral rang rig pa/_/aX don rdzogs pa chen por mnyam pa bcing /_/haM yig ga bur bzhu ba'i chu rgyun gyis/_/a la la ste dbu ma'i kun+dA bzhad/_8__/sna tshogs tshig phreng gang shar rdo rje'i glus/_/gtad med_ nyams myong gsar pa 'gugs byas pas/_/ring por mi thogs 'gro rnams brgyan gyur te/_/phan bde'i dga' ston mchog la rol par shog__9__/a ho rgyal kun mthon mthing gtsug tor rtser/_/a daR+sha ltar rab dwangs mkhyen brtse'i dngos/_/e ma mgon po gang gi zhabs bkod pas/_/a ti'i shin tu bka' drin dran bzhin slar 'dud do/_10__/sarba su dza ka tAM//___//_!_