JKW-KABUM-02-KHA-001-003

Previous Text Back to Volume PageNext Text

ཁྱབ་བདག་འཁོར་ལོའི་མགོན་པོ་ལ་བསྔགས་པའི་གཏམ་ཉིན་མོར་བྱེད་པའི་འཁྲི་ཤིང་།

Wylie title	khyab bdag 'khor lo'i mgon po la bsngags pa'i gtam nyin mor byed pa'i 'khri shing
Location	mkhyen brtse'i bka' 'bum Volume 2, sde tshan 1, Text 3, Pages 27-28 (Folios 14a2 to 14b4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. khyab bdag 'khor lo'i mgon po la bsngags pa'i gtam nyin mor byed pa'i 'khri shing. In 'jam dbyangs mkhyen brtse'i dbang po'i bka' 'bum, Vol. 2: 27-28. Khams sde dge rdzong sar dgon: Rdzong sar blo gros phun tshogs, 2020.
Genre	Discourses - gtam

Tibetan Text

Wylie

[edit]

ཁྱབ་བདག་འཁོར་ལོའི་མགོན་པོ་ལ་བསྔགས་པའི་གཏམ་ཉིན་མོར་བྱེད་པའི་འཁྲི་ཤིང་ཞེས་བྱ་བ་བཞུགས་སོ། །ཀ༷་དག་གཟོད་ནས་རབ་ཞིའི་ཡེ་ཤེས་ཀྱང་། །ཁ༷་ཙམ་མ་ཡིན་ངེས་པ་ལྔ་ལྡན་སྐུར། །ག༷་ལ་པ་དེར་བཞེངས་པའི་མཁྱེན་བརྩེའི་མཐུས། །ང༷་བདག་གདུང་སེལ་ཁྱབ་བདག་བླ་མར་འདུད། ༡ །ཅ༷་ཅོ་བྲལ་བའི་ངེས་གསང་མཐའ་དྲུག་རྒྱ། །ཆ༷་མཐུན་མཁྱེན་པའི་སོར་མོས་བཀྲལ་བ་ལས། །ཇ༷་ཧོང་ལས་ལྡོག་བདེན་པ་གཉིས་ཀྱི་ཆོས། །ཉ༷་རྒྱས་ཀུ་མུད་འཛུམ་བཞིན་སྩོལ་ལ་འདུད། ༢ །ཏ༷་ལའི་ལྗོན་པའི་གྲིབ་བསིལ་ཡངས་པ་ལྟར། །ཐ༷་དད་མོས་པའི་རྗེས་འགྲོ་གཟུགས་སྐུའི་ཀླས། །ད༷་གཟོད་འཁྲུལ་པའི་མུན་པ་ཀུན་བཅོམ་སྟེ། །ན༷་མར་ཐར་པའི་ཨུཏྤལ་དཀར་པོ་བཞད། ༣ །པ༷་སངས་ལྟར་དཀར་སྨོན་འཇུག་བདུད་རྩིའི་རོས། །ཕ༷་རོལ་ཕྱིན་ལམ་ཆུ་སྐྱེས་ལ་བྲན་པས། །བ༷་མོར་ཉི་བཞིན་གཟུང་འཛིན་འཁྲུལ་པའི་དྲི། །མ༷་ལུས་སྦྱངས་པའི་འཛུམ་ཕྲེང་གསར་པར་དགོད། ༤ །ཙཱ༷་རི་ཏྲ་སོགས་གནས་ཡུལ་ཀུན་རྫོགས་པའི། །ཚ༷་གྲང་ཉི་ཟླ་མཉམ་རོལ་དབུ་མའི་མཐར། །ཛ༷་ཧུའི་རྒྱུན་ལྟར་ཞུ་བདེའི་བདུད་རྩི་ཡིས། །ཝ༷་ལྟར་ཉུལ་པའི་རླུང ་སེམས་དྷཱུ་ཏིར་རོལ། ༥ །ཞྭ༷་ཐོད་སྤངས་ཤིང་རལ་པའི་ཟུར་ཕུད་བྲལ། །ཟ༷་ལྟར་རྩུབ་པའི་དྲག་སྔགས་བཟླས་མིན་ཀྱང་། །འ༷་འུར་རྟོག་ཚོགས་ཀུན་བྲལ་བདེ་སྟོང་རོས། །ཡ༷་མཱནྟ་ཀ་ལ་སོགས་དམ་འོག་བཅུག ༦ །རཱ༷་ས་ན་སོགས་ཐབས་ཤེས་རྩ་མདུད་ཀུན། །ལ༷་ཀླུང་བྲལ་བའི་དབུ་མའི་ལམ་ཞུགས་པས། །ཤ༷་ཁྲག་འདུས་བྱས་ཟད་པའི་འོད་གསལ་སྐུར། །ས༷་བཅུའི་མངོན་པར་རྟོགས་པ་ཡོངས་སུ་རྫོགས། ༧ །ཧ༷་རིའི་ཙནྡན་གསར་པའི་ནགས་ཀླུང་ལྟར། །ཨ༷་ཏི་ཁྲེགས་ཆོད་སྐྱེ་མེད་རབ་ཞིའི་དོན། །ཟུང་འཇུག་ཆོས་ཀྱི་ཐིག་ལེར་རོ་གཅིག་པས། །སྲིད་པའི་ལམ་དུ་དུབ་ཀུན་ངལ་བསོར་བསྟེན། ༨ །དེ་སྐད་ཁྱབ་བདག་འཁོར་ལོའི་མགོན་པོ་ལ། །བསྟོད་ཚིག་ཉིན་བྱེད་གཞོན་ནུའི་འཁྲི་ཤིང་གིས། །སྐལ་བཟང་དད་པའི་ཆུ་སྐྱེས་རབ་བཞད་དེ། །ཕན་བདེའི་དགའ་སྟོན་མཆོག་ལ་སྤྱོད་པར་ཤོག ༩ །སརྦ་སིདྡྷིནྟུ།། །། ༈

[edit]

khyab bdag 'khor lo'i mgon po la bsngags pa'i gtam nyin mor byed pa'i 'khri shing / khyab bdag 'khor lo'i mgon po la bsngags pa'i gtam nyin mor byed pa'i 'khri shing zhes bya ba bzhugs so/_/kaX dag gzod nas rab zhi'i ye shes kyang /_/khaX tsam ma yin nges pa lnga ldan skur/_/gaX la pa der bzhengs pa'i mkhyen brtse'i mthus/_/ngaX bdag gdung sel khyab bdag bla mar 'dud/_1__/caX co bral ba'i nges gsang mtha' drug rgya/_/chaX mthun mkhyen pa'i sor mos bkral ba las/_/jaX hong las ldog bden pa gnyis kyi chos/_/nyaX rgyas ku mud 'dzum bzhin stsol la 'dud/_2_/taX la'i ljon pa'i grib bsil yangs pa ltar/_/thaX dad mos pa'i rjes 'gro gzugs sku'i klas/_/daX gzod 'khrul pa'i mun pa kun bcom ste/_/naX mar thar pa'i ut+pal dkar po bzhad/_3__/paX sangs ltar dkar smon 'jug bdud rtsi'i ros/_/phaX rol phyin lam chu skyes la bran pas/_/baX mor nyi bzhin gzung 'dzin 'khrul pa'i dri/_/maX lus sbyangs pa'i 'dzum phreng gsar par dgod/_4_/tsAX ri tra sogs gnas yul kun rdzogs pa'i/_/tshaX grang nyi zla mnyam rol dbu ma'i mthar/_/dzaX hu'i rgyun ltar zhu bde'i bdud rtsi yis/_/waX ltar nyul pa'i rlung_ sems d+hU tir rol/_5__/zhwaX thod spangs shing ral pa'i zur phud bral/_/zaX ltar rtsub pa'i drag sngags bzlas min kyang /_/'aX 'ur rtog tshogs kun bral bde stong ros/_/yaX mAn+ta ka la sogs dam 'og bcug__6__/rAX sa na sogs thabs shes rtsa mdud kun/_/laX klung bral ba'i dbu ma'i lam zhugs pas/_/shaX khrag 'dus byas zad pa'i 'od gsal skur/_/saX bcu'i mngon par rtogs pa yongs su rdzogs/_7__/haX ri'i tsan+dan gsar pa'i nags klung ltar/_/aX ti khregs chod skye med rab zhi'i don/_/zung 'jug chos kyi thig ler ro gcig pas/_/srid pa'i lam du dub kun ngal bsor bsten/_8__/de skad khyab bdag 'khor lo'i mgon po la/_/bstod tshig nyin byed gzhon nu'i 'khri shing gis/_/skal bzang dad pa'i chu skyes rab bzhad de/_/phan bde'i dga' ston mchog la spyod par shog__9__/sarba sid+d+hin+tu//___//_!_