JKW-KABUM-01-KA-001-003

🚧 This website is under continued development. We appreciate your patience!

Previous Text Back to Volume PageNext Text

ཀུན་མཁྱེན་ཆོས་ཀྱི་རྒྱལ་པོ་དྲི་མེད་འོད་ཟེར་གྱི་ཞབས་ཀྱི་པདྨོ་ལ་ཅུང་ཟད་བསྔགས་པའི་ཀུན་བཟང་འཁོར་ལོའི་རེའུ་མིག་མཚོ་བྱུང་དགྱེས་པའི་རོལ་མོ་

Wylie title	kun mkhyen chos kyi rgyal po dri med 'od zer gyi zhabs kyi pad+mo la cung zad bsngags pa'i kun bzang 'khor lo'i re'u mig mtsho byung dgyes pa'i rol mo
Location	mkhyen brtse'i bka' 'bum Volume 1, sde tshan 1, Text 3, Pages 23-35 (Folios 12a3 to 18a6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. Kun mkhyen chos kyi rgyal po dri med 'od zer gyi zhabs kyi pad+mo la cung zad bsngags pa'i kun bzang 'khor lo'i re'u mig mtsho byung dgyes pa'i rol mo. In 'jam dbyangs mkhyen brtse'i dbang po'i bka' 'bum, Vol. 1: 23-35. Khams sde dge rdzong sar dgon: Rdzong sar blo gros phun tshogs, 2020.
Genre	Diagrams - re'u mig

1 Texts in this Section (sde tshan or chos tshan)

3 23-35	ཀུན་མཁྱེན་ཆོས་ཀྱི་རྒྱལ་པོ་དྲི་མེད་འོད་ཟེར་གྱི་ཞབས་ཀྱི་པདྨོ་ལ་ཅུང་ཟད་བསྔགས་པའི་ཀུན་བཟང་འཁོར་ལོའི་རེའུ་མིག་མཚོ་བྱུང་དགྱེས་པའི་རོལ་མོ། kun mkhyen chos kyi rgyal po dri med 'od zer gyi zhabs kyi pad+mo la cung zad bsngags pa'i kun bzang 'khor lo'i re'u mig mtsho byung dgyes pa'i rol mo Diagrams - re'u mig	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

༄༅། །ས རྦ ཏོ བྷ དྲ ཙ ཀྲཱ ཎཱཾ རེ ཁཱ ས ར སྭ ཏཱི ན ནྡ སྱ བཱ དྱ ནཱ མ སྶ རྦ ཛྙ དྷ རྨ རཱ ཛ བི མ ལར སྨི པཱ ད པ དྨ ཡོཿ ཀི ཉྩུ ཏྣུ ཏི བི ཧ ར ཏི སྨ།

༄༅། །ཀུན་མཁྱེན་ཆོས་ཀྱི་རྒྱལ་པོ་དྲི་མེད་འོད་ཟེར་གྱི་ཞབས་ཀྱི་པདྨོ་ལ་ཅུང་ཟད་བསྔགས་པའི་ཀུན་བཟང་འཁོར་ལོའི་རེའུ་མིག་མཚོ་བྱུང་དགྱེས་པའི་རོལ་མོ་ཞེས་བྱ་བ་བཞུགས་སོ། ། སྡེབ་སྦྱོར་མཉམ་པའི་བྲྀཏྟ་ཡི་གེ་བཅོ་ལྔ་པ་ཤིན་ཏུ་ནུས་ལྡན་ལ་སྤྱིར་རྣམ་གྲངས་༣༢༤༦༨མཆིས་པ་ལས། བྱེ་བྲག་ཨུདྡིཥྚ༡༦༣༨༤འི་མཚམས་ནས་ཟིན་པ་ཡོན་ཏན་ནོར་བུའི་ཚོགས་ཞེས་བྱ་བའི་པྲསྟཱ་རས་མཛེས་པར་བྱས་པ་ཛ་ཡནྟུ། ༄༅། །བིཾ ས མ བ རི ཎུ ད དྷི ས ད ཏི ཤམ སདཱ བིཾ ས མ བི ད སུ བི ད བི དྷུ མ ཎི མུ ཀུ ཊཻཿ ༄༅། །རྣམ༷་ཀུན༷་མཆོག༷་ལྡན་ཤིན་ཏུ་ཞི་བ་རྟག་པ་དམ་པའི་ཆུ་གཏེར་ལས། །རྣམ་པ་ཐམས་ཅད་མཁྱེན༷་པའི་ཡེ་ཤེས་ཟླ་བ་ནོར་བུའི་ཅོད་པན་ནི། ། ༄༅། །བིཾ མུ ཙ བི མ ལ ཀ ར བྲྀ ཐུ མ མྲྀ ཏ རུ ཙཱ བིཾ ཛ ཡ ཏུ ས མ ཤུ བྷ ཤ མ བྷ བ བ ར དཱ། ༄༅། །རྣམ་གྲོལ་དྲི༷་མེད༷་བདུད་རྩིའི་འོད༷་ཟེར༷་ཕ་མཐའ་ཡས་པར་འབར་བ་ཡིས། །རྣམ༷་ཀུན་ཤིས་པའི་སྣང་བ་སྦྱིན་མཛད་སྲིད༷་ཞིའི༷་བླ༷་ན༷་རྒྱལ༷་གྱུར༷་ཅིག ༡ །གཟོད་ནས་སྤྲོས་པའི་འཇུག་ལྡང་སིམ་གྱུར་ནང་གསལ་ཆོས་སྐུའི་ཡེ་ཤེས་ལས། །ཁ་སྦྱོར་ཡན་ལག་བདུན་གྱི་རྣམ་རོལ་ལོངས༷་སྤྱོད༷་རྫོགས༷་སྐུའི༷་སྤྲིན༷་བཀོད་པ། །འོད་གསལ་འཕོ་ཆེན་འཇའ་ལུས་མངོན་གྱུར་སྤྲུལ༷་པའི་གར་མཁན་བི༷་མ༷་ལ༷། །སླར་ཡང་གངས་ཅན་རི་བོའི་ལྗོངས་འདིར་ཀུན༷་མཁྱེན༷་ངག༷་གི༷་དབང༷་པོར༷་སྣང༷་། ༢ །གང་དེའི་མཁས་པའི་རྣམ་དཔྱོད་རྨད་བྱུང་བློ་ལྡན་བྱེ་བའི་བརྟན་པ་འཕྲོག །གྲུབ༷་གཉིས་གྲགས་དཀར་སྲིད་ན་མཐོ་བས་ཡིད་སྲུབས་ཁེངས་པའི་པདྨོ་ཟུམ། །འཕགས་བོད་བསྟན་འཛིན་རྒྱ༷་མཚོའི༷་གཙུག་ཏུ་ཞབས་སེན་ཨུཏྤལ་ངལ་འཚོ་བའི། །བཀྲ་ཤིས་སྣ༷ང་བ༷་དམ་པའི་དཔལ་གྱིས་འཇིག་རྟེན་གསུམ་ཀུན་མཛེས་པར་བྱས། ༣ །ལྷག་པར་རྡོ་རྗེའི་རིག་འཛིན་མཐའ་དག་གང་ལས་བྱུང་བའི་ངོ་མཚར་གྱིས། །རིམ་དགུའི་ཐེག་པའི་གཙུག་ཏོར་རྩེར་འཛེགས་འོད་གསལ་སྙིང་ཏིག་ནོར་བུའི་མཛོད། །སྔོན་མེད་བློ་མཆོག་ཤིང༷་རྟས༷་དྲངས་ནས་འགྲོ་མང་གདོད་མའི་རྒྱལ་སྲིད་ལ། །འདོད་དགུར་འགོད་པའི་རྣམ་པར་ཐར་པ་བྱིས་བློའི་ཡུལ་ལས་རིང་དུ་བརྒལ། ༤ །མཁས༷་མཁས༷་བསམ༷་པས་ཟབ་རྒྱས་ལམ་ལ་ཡང༷་དག༷་དཔྱད༷་པ༷་རབ་གསལ་བས། །སྙན༷་སྙན༷་སྐལ་བཟང་རྣ་བར་འཆད་ནས་མཐའ་ཀླས་ཐར་ལམ་སྣང་བར་མཛད། །བཟང༷་བཟང༷་གཞན་ཕན་པདྨར་རབ་ཆགས་རྣམ་དག་བསླབ་པས་བརླན་དང་བཅས། །ཡང་ཡང་ཟག་བྲལ་ལམ་ལ་གནས་གང་བགྲང་ཡས་ས་ལམ་ཕ་མཐར་འཕགས། ༥ །སྒྲིབ་གཉིས་སྤྲིན་རིས་ཞི་བའི་དབྱིངས་སིམ་རིག་པའི་མིག་གིས་ཇི་བཞིན་གཟིགས། །ཕུལ་བྱུང་འཇུག་ཚུལ་ཀུན་ཏུ་གྲུབ་གྱུར་བཙུན༷་ཚུལ༷་ནུས༷་མཐུས་བདུད་དཔུང་འདུལ། །མཁྱེན༷་བརྩེ༷་ཡེ་ཤེས་དཔེ་མེད་ཕྲེང་མཛེས་ངེས་སྟེར་བདེན་ཞེན་བསྲེགས་དེ་ཚེ། །རྩོད༷་རྩོམ༷་བློ་གྲོས་འདོད་དོན་ཡོངས་འཇོ་ཐོས༷་དོན་སྒོམ་སྦྱོར་མཆོག་དངོས་སྩོལ། ༦ །དེ་སླད་གང་གི་རྟོགས་པ་བརྗོད་པ་འཆི་མེད་ལམ་བཞིན་མཐའ་མི་འཚལ། །ཅུང་ཟད་རྙེད་པའང་བདུད་རྩིའི་དཔལ་ལྟར་བློ་ལྡན་རྣམས་ཀྱིས་བསྟེན་འོས་ཕྱིར། །བསྔགས་པ་བརྗོད་པའི་གཏམ་གྱི་གླིང་བུ་གཟུར་གནས་རྣ་བའི་བཅུད་ལེན་མཆོག །མཚོ་བྱུང་དགྱེས་པའི་ངག་གི་རོལ་མོ་སྙན་པར་འཁྲོལ་བས་སྐལ་བཟང་བྱ།། ༧ །། ༈ རྣམ་མེད་གཅིག་དང་དུ་མ་ལས་འདས་ཟབ་ཞི་སྤྲོས་བྲལ་ཆོས་སྐུའི་དབྱིངས། །རྣམ༷་བཅས་ལོངས༷་སྤྱོད༷་རྫོགས་སྐུར་ཤར་ལས་དེང་འདིར་བསིལ་ལྡན་རི་བོའི་ལྗོངས། །རྣམ༷་འདྲེན་སྲས་བཅས་སྤྲུལ་པའི་རང་གཟུགས་རྒྱལ༷་བ༷་གཉིས༷་པར༷་གྲགས་འབར་ཕྱིར། །རྣམ༷་གྲོལ༷་ཡེ༷་ཤེས༷་དམ༷་པས༷་འཇུག༷་མཁས༷་ཀུན་མཁྱེན་བླ་མ་སྲིད་ཞིའི་དཔལ༷། ། ༈ མཆོག༷་གི་གྲུབ་བརྙེས་མཁས་པའི་མཐར་སོན་བགྲང་ཡས་བཤེས་གཉེན་ཟླ་གཞོན་ལས། །མཆོག༷་བསྟན་མང་ཐོས་ཟིལ་དངར་བཏུང་བས་རྣམ་དཔྱོད་ཀུ་མུད་དར་བབས་ཤིང་། །མཆོག༷་གྱུར་འཕགས་བོད་མཁས་གྲུབ་རྒྱ་མཚོའི་རྒྱལ་ཐབས་རང་དབང་མཛད་པའི་ཕྱིར། །མཆོག༷་ཏུ༷་ཟབ་རྒྱས་གཞུང༷་ལུགས༷་མཐའ༷་དག༷་རྣམ་དཔྱོད་སྤོབས་པས་བཟུང༷་མཁས༷་དཔལ༷། ། ༈ བློ༷་ལྡན་ཡིད་འཕྲོག་བཟོ༷་དང༷་གསོ༷་བ༷་སྐར༷་རྩིས༷་ཟློས༷་གར༷་མངོན༷་བརྗོད༷་དང་། །བློ༷་མཆོག་བྱེ་བས་གཅིག་ཏུ་བསྔགས་པའི་སྙན༷་ངག༷་སྡེབ༷་ལེགས་སྦྱོར་བའི་ཚུལ། །བློ༷་གཏེར་དབང་པོ་དཔའ་བོའི་ཞབས་ཀྱི་རྣམ་ཐར་རྒྱ་མཚོར་འཇུག་པའི་ཕྱིར། །བློ༷་གསལ༷་ཀུན༷་གྱི༷་ཡིད༷་དང་མིག་ལ་སྔོན་མེད་རབ་དགའ༷་བསྐྱེད༷་མཁས༷་དཔལ༷། ། ༈ ཚུལ༷་མང་མིང་ཚིག་ཡི་གེའི་སྒྲ་སྦྱོར་ཙཱནྡྲ་གཽ་མཱིའི་རྗེས་འགྲོ་ཞིང་། །ཚུལ༷་གསུམ་ཚད་མས་གྲུབ་པའི་གཞུང་ལ་ཕྱོགས་གླང་ཆོས་ཀྱི་གྲགས་པ་བཞིན། །ཚུལ༷་དང་ཚུལ་མིན་རྣམ་པར་འབྱེད་མཁས་འཇིག་རྟེན་གསུམ་གྱི་མིག་གཅིག་པུ། །ཚུལ༷་བཞིན༷་སྨྲ༷་བའི༷་སྤོབས༷་པ༷་ཟླ་མེད་ལེགས་བཤད་སྣང་བ་འཛིན་མཁས༷་དཔལ༷། ། ༄༅། །འོད༷་གསལ༷་གཟོད་ནས་རྣམ་པར་གྲོལ་བའི་ཀ་དག་གཞོན་ནུ་བུམ་སྐུའི་དབྱིངས། །འོད༷་གསལ༷་ལྷུན་གྲུབ་རིག་པའི་ཐིག་ལེར་མི་ཕྱེད་གྲུབ་པའི་རོལ་རྩེད་ཀྱིས། །འོད༷་གསལ༷་སྙིང་པོའི་ཤིང་རྟ་གཅིག་གྱུར་དགའ་རབ་དགྱེས་པ་རྡོ་རྗེ་བཞིན། །འོད༷་གསལ༷་སྣང༷་བཞིའི༷་ཕ༷་མཐར༷་ཕྱིན༷་ནས་སྐུ་གསུམ་གོ་འཕང་བརྙེས་མཁས༷་དཔལ༷། ། རྣམ་ འདྲེན་ རྒྱལ་ ཀུན༷་ མཁྱེན༷ བརྩེ་ གཅིག་ བསྡུས་ མཆོག་ བློ་ གྲོས་ དྲི༷་ མེད༷་ འཇམ་ དཔལ་ གཞོན་ ནུའི་ ཚུལ་ རིག་ སྲོལ་ ཡོན་ ཏན་ པད་ མོའི་ ནགས་ ཀླུང་ ཏུ་ གསལ་ བྱེད་ མང༷་ ཐོས༷་ འོད༷་ ཟེར ཉིན་ བཞིན་ བཟུང་ ཇི་ ལྟའི་ ཡེ་ ཤེས་ མངོན་ གྱུར་ ཇི་ སྙེད་ གཞུང་ ཀུན་ གཟིགས་ ཚིག་ དང་ དོན་ བཅས་ སྨྲ་ མཁས་ པས་ བསམ༷ བྱུང༷་ རིག་ ཤེས་ ཚད་ མས་ དཔྱད་ བཟོད་ ལུགས་ ཡིད་ ཅན་ ཀུན་ ལ་ གསལ་ བའི་ བྱེད་ པོར་ གྱུར་ དེ་ ཚེ་ སྒོམ་ སྤངས་ དམ་ པའི་ མཁྱེན་ རབ་ མཐའ་ རབ་ འབྱམས་ འཕགས་ རྣམས་ སྤོབས་ པའི་ མཐར་ སོན་ ཞིང་ བརྩེ་ ཆེན་ ཐུགས་ རྗེའི་ ནུས་ པས་ ས་ གསུམ་ དག་ དགའ་ སྟེར་ གྲགས་ པ་ སྲིད་ ཞིའི་ བླ་ ན་ མཐོ་ སྨིན་ གྲོལ་ ལང་ ཚོས་ སྒེག་ པའི་ འཇུག་ པ་ བཟུང་ བསྐྱེད་ རྫོགས་ སྣང་ བ་ གསར་ པའི་ འཛུམ་ དཀར་ གཡོ་ ངེས་ གསང་ ནོར་ བུའི་ རྒྱུད་ མང་ བསྒྲེང་ མཁས་ མཁས་ མཁས་ མཁས་ དཔྱོད་ ལྡན་ བྱེ་ བའི་ ཁེངས་ པ་ འཕྲོག་ འོད་ གསལ་ སྣང་ བཞིའི་ ཕ་ མཐར་ ཕྱིན་ མཁས་ དཔལ་ དཔལ་ མཁས་ རྫོགས་ པས་ དཔྱད་ ལ་ ལམ་ གྱུར་ ཞི་ ༄༅། །ཞི༷་བསིལ་ཆོས་ཕུང་རྒྱ་མཚོའི་སྣང་བས་བློ་གྲོས་ཨུཏྤལ་འཛུམ་དཀར་གཡོ། །ཞི༷་དང་སྲིད་པའི་སྤྲོས་ཀུན་བསྙིལ་ལ་ཡང་དག་རིག་པའི་སྙེམས་འཆར་བས། །ཞི༷་བའི་ལྷ་དང་འཕགས་པའི་ཞབས་བཞིན་ངོ་མཚར་གཏམ་གྱི་གཞིར་གྱུར་ཕྱིར། །ཞི༷་གྱུར༷་ལམ༷་ལ༷་བསམ༷་བྱུང་དཔྱད༷་པས༷་ཡང་དག་མཁྱེན་མཆོག་རྫོགས༷་མཁས༷་དཔལ༷། ། ༈ གསང༷་བའི་རིག་སྔགས་ཐུན་མོང་ཉིད་གྱུར་བྱ་སྤྱོད་རྣལ་འབྱོར་རྒྱུད་ཀུན་དང་། །གསང༷་ཆེན་མཐར་ཐུག་བླ་ན་མེད་པ་ནང་རྒྱུད་སྡེ་གསུམ་སེང་གེའི་སྒྲས། །གསང༷་བདག་ངུར་སྨྲིག་གར་གྱིས་རོལ་པའི་གྲགས་པས་ས་གསུམ་ཁྱབ་གྱུར་ཕྱིར། །གསང༷་ཆེན༷་གདམས༷་པའི༷་བདུད་རྩིའི་བཅུད༷་ལེན༷་སྐལ་བཟང་འགྲོ་ལ་སྦྱིན་མཁས་དཔལ། ། གསང་ ཆེན་ གདམས་ པའི་ བཅུད་ ལེན་ སྦྱིན་ མཁས་ དཔལ་ དཔལ་ མཁས་ གཟིགས་ མཆོག་ བདེན་ དོན་ ངེས་ པས་ རྟོགས་ རྒྱན་ དྲུག་ མཆོག་ གཉིས་ རྒྱལ་ སར་ འཛེགས་ མཁས་ མཁས་ མཁས་ མཁས་ སྨྲ༷ བའི༷་ ཉི༷་ མ༷་ བསམ༷་ ཡས༷་ པས༷་ བཤད་ སྒྲུབ་ འོད་ ཀྱིས་ ས་ གསུམ་ གསལ་ བར་ བགྱིད་ འཆད་ དང་ བསླབ་ པའི་ ཨུད་ པལ་ མཆོག་ ཏུ་ དགོད་ རྩོད་ མེད་ ཤིང་ རྟའི་ བཞེད་ སྲོལ་ ཇི་ བཞིན་ དུ་ དག་ བྱེད་ མཚུངས་ བྲལ་ རྩོམ་ པའི་ ཟིལ་ དངར་ གྱིས་ རང་ གཞན་ གྲུབ་ མཐའི་ ལམ་ ཀུན་ འཛིན་ ལ་ དབང་ མཐའ་ ཀླས་ ཤེས་ བྱར་ ཆགས་ ཐོགས་ སྒྲིབ་ ལས་ འདས་ མཁས་ གྲུབ་ དུ་ མའི་ གཙུག་ གི་ ཅོད་ པན་ མཆོག་ ལམ་ ལྔ་ ས་ བཅུའི་ དགའ་ བ་ རྒྱས་ པ་ གང་ མཐའ་ གཉིས་ དབུ་ མར་ བསྙིལ་ བའི་ དཔལ་ ལ་ སྤྱོད་ རིག་ དང་ གྲོལ་ བའི་ རྣམ་ ཐར་ རྩ་ བ་ བརླིང་ ཟབ་ མོ་ འོད་ གསལ་ སྙིང་ པོའི་ ངེས་ གསང་ ཆུབ་ མངོན་ སུམ་ ལམ་ སྣང་ གོམས་ པའི་ ཚུལ་ བསྟན་ པས་ ཟབ་ ཅིང་ རྒྱ་ ཆེའི་ སྐུ་ བརྙེས་ ཟག་ པ་ བྱང་ ཆོས་ རྗེ་ ཀུན་ མཁྱེན་ བླ་ མ་ རྟག་ ཏུ་ རྒྱལ་ ༈ རྟོགས༷་དང་མ་རྟོགས་གཉིས་སྣང་དྲ་བ་གཅིག་ཅར་འཇིལ་བའི་མཚོན་ལྷུང་བས། །རྟོགས༷་པས་བརྟན་གཡོའི་དངོས་ཀུན་ཟིལ་གནོན་མཚོ་སྐྱེས་གྲུབ་པའི་རྡོ་རྗེ་དང་། །རྟོགས༷་པའི་ཚུལ་ལ་རྣམ་དབྱེར་མི་ཕྱེད་སྒོམ་བྱུང་ཤེས་རབ་མཐར་སོན་ཕྱིར། །རྟོགས༷་པས༷་ངེས༷་དོན༷་འགོག་པའི་བདེན་མཆོག༷་མངོན་སུམ་ཉིད་དུ་གཟིགས༷་མཁས༷་དཔ༷ལ། ། ༅། །ཟབ༷་ཞི་སྤྲོས་བྲལ་འདུས་བྱས་ལས་འདས་སོ་སོ་ཡང་དག་རིག་པའི་དོན། །ཟབ༷་ཅིང་རྒྱ་ཆེར་གཏན་ལ་འབེབས་མཁས་སངས་རྒྱས་གཉིས་པ་ཀླུ་སྒྲུབ་རྗེའི། །ཟབ༷་དོན་བདུད་རྩིའི་ཞལ་ལུང་མངར་པོས་རྣམ་དཔྱོད་པདྨོ་བསྐྱེད་བསྲིངས་པས། །ཟབ༷་མོ༷་དབུ༷་མའོ༷་ལམ༷་སྲོལ༷་འཁྲུལ་མེད་མཆོག་ཏུ་གསལ༷་བར་སྣང་མཁས༷་དཔལ༷། ། ༅། །བྱང༷་གྲོལ་ཤེས་རབ་ཕ་རོལ་ཕྱིན་མའི་སྦས་དོན་མངོན་པར་རྟོགས་པའི་རིམ། །བྱང༷་སེམས་འཕགས་དང་མཁས་པའི་ཚོགས་ཀྱིས་ཇི་བཞིན་ཕྱེ་བའི་རྗེས་ཞུགས་ཏེ། །བྱང༷་ཆེན་ལམ་བཟང་གསལ་བར་མཛད་ལ་ཐོགས་མེད་མཁྱེན་པའི་མཐུ་གྲུབ་ཕྱིར། །བྱང༷་ཆུབ༷་སྤྱོད༷་མཆོག༷་ཕ་མཐའ་ཡས་པ་དབང༷་དུ༷་བགྱིད༷་ལ་ཆེས་མཁས༷་དཔལ༷། ། ༅། །ཆོས་ཁམས་ཇི་སྙེད་གཏན་ལ་འབེབས་བྱེད་ཐམས་ཅད་མཁྱེན་པའི་ལམ་གྱི་སྲོལ། །ཆོས༷་ཀྱི༷་མ༷་མོའི༷་སྡེ་སྣོད་མཐའ་ཀླས་ཚིག་དང་དོན་དུ་བཅས་པའི་མཛོད༷། །ཆོས༷་བཞིན་འཛིན་མཛད༷་དབྱིག་གཉེན་ཞབས་དང་གཉིས་སུ་མི་ཕྱེད་བློ་གྲོས་ཀྱིས། །ཆོས༷་མངོན་རིག༷་པའི༷་ལམ༷་བཟང་རྨད་བྱུང་མཐའ༷་དག༷་གསལ་བར་འཆད༷་མཁས༷་དཔལ༷། ། ༄༅། །རྒྱལ་བ་སྲས་བཅས་ཀུན་གྱིས་རབ་བསྔགས་འབུམ་ཕྲག་འདུལ་བའི་སྡེ་སྣོད་གཞུང་། །རྒྱལ་སྲས་ཡོན་ཏན་ཤཱཀྱའི་འོད་བཞིན་འཆད་དང་སྒྲུབ་ལ་མཚུངས་མེད་ཅིང་། །རྒྱལ༷་བ་དགྱེས་པའི་ཚུལ་ཁྲིམས་ཕུང་པོ་ཉེས་པར་སྤྱོད་ལས་རིང་འདས་ཕྱིར། །རྒྱལ༷་བསྟན༷་རྩ༷་བ༷་ཆགས༷་བྲལ༷་བརྟུལ་ཞུགས་རང་དང་གཞན་ལ་བསླབ་མཁས་དཔལ།། ༈ ལེགས་སྦྱར་ངག་གི་སྣང་བ་ཡིས། །གསལ་བྱེད་ངེས་པའི་བྱ་དཀའ་བའི། །པདྨོ་རྣམ་པར་རྒྱས་པའི་དཔལ། །བློ་གསལ་རྣ་བའི་རྒྱན་དུ་བསྐྲུན།

ཙྪནྡོབཱཀྟྲཾནཱམསྱཔྲསྟཱར། གསལ་བྱེད་༼ད༽༼ན༽༼པ༽༼ཡ༽བཞིར་ངེས་པ་ལ་ཆོད་པའི ་ཟུང་ལྡན་རྐང་པ་དང་པོ་དང་། བཞི་པའི་ཐོག་མར་ཡོད་པས་མཛེས་པ། ༄༅། །ན ནྡཱ བི དྱཱ ད ཡཱ ཡི ནཱི བཻ དྱོ བཱ དཱི ན ན བྱཱ ནི། བི དྭཱཾ བི དྱོ ད ཡེ ན ཡཱ ན༷ ནྡ༷ དཱ བཱ དྱ བཻ ནཱ དཻཿ ། །

༄༅། །ཕུན༷་ཚོག༷ས་རིག་དང་བརྩེ་བའི་ལེགས་བྱས་ཅན། །ཀུན་མཁྱེན་སྨྲ་བའི་ཉི་མ་གསར་པ་ནི། །གང་དུ་འཆར་བས་མཁས་པ་རྣམས་ཀྱི་ཡིད། །དགའ༷་སྟེར༷་གྲགས་པའི་རོལ་མོ་རྣམ་པར་འཁྲོལ། ༡ །དཔལ་ལྡན་བསམ་ཡས་བྱང་ཆུབ་སྤྱོད་པའི་བདུད་རྩིའི་ཆུ་གཏེར་བསྲུབས་པའི་ཕུལ༷། །ཕུལ༷་བྱུང་ཚུལ་གནས་ཁྲིམས་ཀྱི་དཔག་བསམ་གཞན་ལ་ཕན་པའི་གྲིབ་བསིལ་མཆོག །མཆོག་གསང་ཟུང་འཇུག་ཨེ་ཝྃ་མཉམ་སྦྱོར་ཆོས་ཀུན་སྡོམ་པའི་འབྲས་འབར་གང༷་། །གང༷་འདིར་ཚུར་མཐོང་འགྲོ་བའི་མོས་ངོར་སྐལ་བཟང་བློ་གྲོས་དཔྱིད་དུ་འཁྲུངས། ༢ །མཁྱེན་པས་མཁྱེན་པའི་ཡེ་ཤེས་དྲི༷་མེད༷་འཇམ་དཔལ་གཞོན་ནུའི་རྗེས་འགྲོ་ཞིང་། །བརྩེ༷་བས༷་བརྩེ་བའི་སྤྱན་རས་མི་ཟུམ་ཕྱག་ན་པདྨོའི་གཟུགས་ཀྱི་ཟླ། །ནུས༷་པས༷་ནུས་པའི་འོད༷་ཟེར༷་རིང་འཕྲོ་གསང་བ་འཛིན་པའི་སྙེམས་འཆང་ཕྱིར། །ཡོན༷་ཏན༷་ཡོན་ཏན་རྒྱ་མཚོའི་འབབས་སྟེགས་ཆོས༷་ཀྱི༷་རྒྱལ༷་པོ༷་ཀློང༷་ཆེན༷་པ༷། ༣ །གང་མཚན་ཡིད་ལ་དྲན་པ་ཙམ་གྱིས་ཉེས་སྤྱོད་མུན་པ་འཇིལ་བ་དང་། །ཕན་བདེའི་འཛུམ་དཀར་གཅིག་ཅར་གྲོལ་ལ་ནམ་མཁའི་ཐིག་ལེས་མཚོན་མིན་པར། །ཇི་བཞིན་བསྔགས་པའི་ནོར་བུའི་རྒྱུད་མང་མཚོ་བྱུང་ཕྱག་གིས་བསྒྲེང་བ་ན། །སྲས་བཅས་རྒྱལ་ཀུན་དགྱེས་པའི་རོལ་མོས་དགེ་མཚན་དུས་སྟོན་ཅིར་ཡང་དར། ༤ །མང་མང་མཁས་དང་བཟང༷་བཟང༷་གྲུབ་པས་ཡང༷་ཡང༷་ཞབས་སེན་རྟག་མཆོད་པའི། །ཟབ༷་ཟབ༷་རྣམ་ཐར་གསལ༷་གསལ༷་སྣང་བ་དུང༷་དུང༷་ཡིད་མཁར་འཆར་བའི་མོད། །སྙན༷་སྙན༷་ཚིག་རྒྱན་མཛེས༷་མཛེས༷་ཨུཏྤལ་འགྲིགས༷་འགྲིགས༷་ཚར་དུ་དངར་འདི་ཡང་། །དྭངས༷་དྭངས༷་བློ་དང་རིག༷་རིག༷་མིག་ལ་སིམ༷་སིམ༷་དགའ་སྟེར་བདུད་རྩིའི་དངོས། ༥ །གང་ཡང་མཁས་པའི་ཉི་མས་རབ་བསྐོར་བདེན་དོན་བཅུ་གཉིས་མཐར་ཕྱིན་ནས། །དཔལ་བཞིའི་གྲུབ་པའི་ཐིག་ལེར་མི་ཕྱེད་གནས་སྐབས་ས་བོན་རྣམ་གྲོལ་འབྲས། །ཡན་ལག་བཅུ་གཉིས་ཞི་བསིལ་ལམ་གྱིས་སྲིད་ན་སྐུ་བཞིའི་མཆོག་སྦྱིན་པའི། །སྤོབས་པ་ཟླ་མེད་རི་བོའི་ཁོངས་སུ་མངོན་པར་མཐོ་བའི་ངང་ཚུལ་མཚོན། ༦ །དེ་ལས་བྱུང་བའི་ལེགས་བྱས་རྒྱུན་གྱིས་བདག་ཀྱང་བྱང་ཆུབ་སྙིང་པོའི་བར། །ཡེ་ཤེས་གཟིགས་པ་དམ་པས་རྗེས་བཟུང་བྲལ་སྨིན་ཡོན་ཏན་ཡོངས་རྫོགས་ཤིང་། །ཇི་སྙེད་ཡིད་ཅན་རྒྱ་མཚོའི་ཚོགས་རྣམས་ཀུན་མཁྱེན་བླ་མའི་རྣམ་ཐར་གྱི། །ངོ་མཚར་མཐའ་དག་རྫོགས་པར་བཟུང་བའི་བཀྲ་ཤིས་སྣང་བས་མཛེས་གྱུར་ཅིག ༧ །དེ་ལྟར་ན་གཟོད་མ་ནས་ཤིན་ཏུ་ཞི་བ་ཆོས་སྐུའི་ཡེ་ཤེས་ལས་མ་གཡོས་བཞིན་དུ་སྨོན་ལམ་དང་སྙིང་རྗེའི་འཕེན་པས་ལོངས་སྤྱོད་རྫོགས་སྐུ་རིགས་ལྔ་གངས་ཆེན་མཚོའི་སྤྲིན་བཀོད་དེ། ཚུ་རོལ་མཐོང་བ་རྣམས་ཀྱི་སྐལ་བ་དང་འཚམས་པར་སྤྲུལ་པའི་རྣམ་རོལ་ཚད་མེད་པར་འཆར་བ་ལས། རེ་ཞིག་གངས་ཀྱི་རི་བོའི་སུལ་ན་འོད་གསལ་རྡོ་རྗེ་སྙིང་པོའི་བསྟན་པའི་ཤིང་རྟ་ཆེན་པོ་གཅིག་པུར་གྱུར་པ། རང་དང་གཞན་གྱི་གྲུབ་པའི་མཐའ་རྒྱ་མཚོ་ལྟ་བུའི་ཕ་རོལ་ཏུ་སོན་པའི་དཔལ་བསམ་ཡས་པ་ཀུན་མཁྱེན་ངག་གི་དབང་པོ་ཞེས་མཚན་གྱི་གྲགས་དཀར་སྲིད་ཞིའི་བླ་ན་མངོན་པར་གསལ་བ་དེ་ཉིད་ཀྱི་ཞབས་ཀྱི་པདྨོར། གསང་བ་འཛིན་པའི་བདག་པོ་དགའ་རབ་དགྱེས་པ་རྡོ་རྗེ་དང་། སངས་རྒྱས་གཉིས་པ་མཚོ་སྐྱེས་རྡོ་རྗེ། རྒྱན་དྲུག །མཆོག་གཉིས། རྨད་དུ་བྱུང་བའི་སློབ་དཔོན་གཉིས་སོགས་འཕགས་བོད་ཀྱི་མཁས་གྲུབ་རྒྱ་མཚོ་ལྟ་བུའི་རྣམ་པར་ཐར་པ་དང་ཚུལ་མཚུངས་པར་ཅུང་ཟད་བསྔགས་པའི་གཏམ་གྱི་སྦྱོར་བ་ཀུན་བཟང་འཁོར་ལོའི་རེའུ་མིག་ཏུ་ཤར་བ་མཚོ་བྱུང་དགྱེས་པའི་རོལ་མོ་ཞེས་བྱ་བ་འདིའང་། རང་ཉིད་ཀྱིས་དུས་གསུམ་ཀུན་ཏུ་མི་ཕྱེད་པའི་མོས་པ་ཆེན་པོས་ཉེ་བར་ལེན་པ་དང་། དོན་གཉེར་ཅན་དག་གིས་སྔ་ཕྱིར་གསོལ་བ་བཏབ་པས་མཚམས་སྦྱར་ཏེ། མགོན་པོ་གང་གི་ཚད་མེད་པའི་ཐུགས་རྗེའི་སྣང་བས་འཆད་རྩོད་རྩོམ་པའི་ཚུལ་ལ་བློ་གྲོས་ཀྱི་པདྨོ་ཅུང་ཟད་འཛུམ་ཞིང་། རིས་མེད་པའི་བསྟན་པ་ཀུན་ལ་དག་པའི་སྣང་བ་གཅིག་ཏུ་དཀར་བའི་ཤཱཀྱའི་དགེ་སློང་ཐེག་པ་མཆོག་གི་རྣལ་འབྱོར་པ་ཀུན་མཁྱེན་བླ་མ་དགྱེས་པའི་འབངས་འཇིགས་མེད་མཁྱེན་བརྩེའི་དབང་པོའམ། གཙུག་ལག་སྨྲ་བའི་ཉི་མ་ཞེས་ཀྱང་བགྱི་བའི་རྒྱལ་ཁམས་ཀྱི་ད་རི་དྲཱས་དབེན་ཞིང་ཉམས་དགའ་བའི་བསམ་གཏན་གྱི་ཁང་བུར་རྫོགས་པར་སྦྱར་བ་སརྦ་དཱ་ཀ་ལྱཱ་ཎི་བྷ་བ་ཏུ།། །། ༈

[edit]

@#/__/sa_rba_to_b+ha_dra_tsa_krA_NAM_re_khA_sa_ra_swa_tI_na_n+da_s+ya_bA_d+ya_nA_ma_s+sa_rba_dz+nya_d+ha_rma_rA_dza_bi_ma_lar_smi_pA_da_pa_d+ma_yoH__ki_ny+tsu_t+nu_ti_bi_ha_ra_ti_sma/ @#/__/kun mkhyen chos kyi rgyal po dri med 'od zer gyi zhabs kyi pad+mo la cung zad bsngags pa'i kun bzang 'khor lo'i re'u mig mtsho byung dgyes pa'i rol mo zhes bya ba bzhugs so/__/ sdeb sbyor mnyam pa'i br-it+ta yi ge bco lnga pa shin tu nus ldan la spyir rnam grangs 32468mchis pa las/__bye brag ud+diSh+Ta16384'i mtshams nas zin pa yon tan nor bu'i tshogs zhes bya ba'i prastA ras mdzes par byas pa dza yan+tu/ @#/__/biM_sa_ma_ba_ri_Nu_da_d+hi_sa_da_ti_sham_sadA__biM_sa_ma_bi_da_su_bi_da_bi_d+hu_ma_Ni_mu_ku_TaiH @#/__/rnamaX kunaX mchogaX ldan shin tu zhi ba rtag pa dam pa'i chu gter las/_____/rnam pa thams cad mkhyenaX pa'i ye shes zla ba nor bu'i cod pan ni/__/ @#/__/biM_mu_tsa_bi_ma_la_ka_ra_br-i_thu_ma_mr-i_ta_ru_tsA___biM_dza_ya_tu_sa_ma_shu_b+ha_sha_ma_b+ha_ba_ba_ra_dA/ @#/___/rnam grol driX medaX bdud rtsi'i 'odaX zeraX pha mtha' yas par 'bar ba yis/__/rnamaX kun shis pa'i snang ba sbyin mdzad sridaX zhi'iX blaX naX rgyalaX gyuraX cig__1__/gzod nas spros pa'i 'jug ldang sim gyur nang gsal chos sku'i ye shes las/__/kha sbyor yan lag bdun gyi rnam rol longasaX spyodaX rdzogasaX sku'iX sprinaX bkod pa/__/'od gsal 'pho chen 'ja' lus mngon gyur sprulaX pa'i gar mkhan biX maX laX/__/slar yang gangs can ri bo'i ljongs 'dir kunaX mkhyenaX ngagaX giX dbangaX poraX snangaX /__2__/gang de'i mkhas pa'i rnam dpyod rmad byung blo ldan bye ba'i brtan pa 'phrog__/grubaX gnyis grags dkar srid na mtho bas yid srubs khengs pa'i pad+mo zum/__/'phags bod bstan 'dzin rgyaX mtsho'iX gtsug tu zhabs sen ut+pal ngal 'tsho ba'i/__/bkra shis snaXng baX dam pa'i dpal gyis 'jig rten gsum kun mdzes par byas/__3__/lhag par rdo rje'i rig 'dzin mtha' dag gang las byung ba'i ngo mtshar gyis/__/rim dgu'i theg pa'i gtsug tor rtser 'dzegs 'od gsal snying tig nor bu'i mdzod/__/sngon med blo mchog shingaX rtasaX drangs nas 'gro mang gdod ma'i rgyal srid la/__/'dod dgur 'god pa'i rnam par thar pa byis blo'i yul las ring du brgal/__4__/mkhasaX mkhasaX bsamaX pas zab rgyas lam la yangaX dgaX dpyadaX paX rab gsal bas/__/snyanaX snyanaX skal bzang rna bar 'chad nas mtha' klas thar lam snang bar mdzad/__/bzangaX bzangaX gzhan phan pad+mar rab chags rnam dag bslab pas brlan dang bcas/__/yang yang zag bral lam la gnas gang bgrang yas sa lam pha mthar 'phags/__5_/sgrib gnyis sprin ris zhi ba'i dbyings sim rig pa'i mig gis ji bzhin gzigs/__/phul byung 'jug tshul kun tu grub gyur btsunaX tshulaX nusaX mthus bdud dpung 'dul/__/mkhyenaX brtseX ye shes dpe med phreng mdzes nges ster bden zhen bsregs de tshe/__/rtsodaX rtsomaX blo gros 'dod don yongs 'jo thosaX don sgom sbyor mchog dngos stsol/__6__/de slad gang gi rtogs pa brjod pa 'chi med lam bzhin mtha' mi 'tshal/__/cung zad rnyed pa'ang bdud rtsi'i dpal ltar blo ldan rnams kyis bsten 'os phyir/__/bsngags pa brjod pa'i gtam gyi gling bu gzur gnas rna ba'i bcud len mchog__/mtsho byung dgyes pa'i ngag gi rol mo snyan par 'khrol bas skal bzang bya//_7_// !__rnam med gcig dang du ma las 'das zab zhi spros bral chos sku'i dbyings/__/rnamaX bcas longasaX spyodaX rdzogs skur shar las deng 'dir bsil ldan ri bo'i ljongs/__/rnamaX 'dren sras bcas sprul pa'i rang gzugs rgyalaX baX gnyisaX paraX grags 'bar phyir/__/rnamaX grolaX yeX shesaX dmaX pasaX 'jugaX mkhasaX kun mkhyen bla ma srid zhi'i dpalaX/_/ !__mchogaX gi grub brnyes mkhas pa'i mthar son bgrang yas bshes gnyen zla gzhon las/__/mchogaX bstan mang thos zil dngar btung bas rnam dpyod ku mud dar babs shing /__/mchogaX gyur 'phags bod mkhas grub rgya mtsho'i rgyal thabs rang dbang mdzad pa'i phyir/__/mchogaX tuX zab rgyas gzhungaX lugasaX mtha'aX dgaX rnam dpyod spobs pas bzungaX mkhasaX dpalaX/_/ !__bloX ldan yid 'phrog bzoX dngaX gsoX baX skaraX rtsisaX zlosaX garaX mngonaX brjodaX dang /__/bloX mchog bye bas gcig tu bsngags pa'i snyanaX ngagaX sdebaX legs sbyor ba'i tshul/__/bloX gter dbang po dpa' bo'i zhabs kyi rnam thar rgya mtshor 'jug pa'i phyir/__/bloX gsalaX kunaX gyiX yidaX dang mig la sngon med rab dga'aX bskyedaX mkhasaX dpalaX/_/ !__tshulaX mang ming tshig yi ge'i sgra sbyor tsAn+d+ra gau mI'i rjes 'gro zhing /__/tshulaX gsum tshad mas grub pa'i gzhung la phyogs glang chos kyi grags pa bzhin/_/tshulaX dang tshul min rnam par 'byed mkhas 'jig rten gsum gyi mig gcig pu/__/tshulaX bzhinaX smraX ba'iX spobasaX paX zla med legs bshad snang ba 'dzin mkhasaX dpalaX/__/ @#/__/'odaX gsalaX gzod nas rnam par grol ba'i ka dag gzhon nu bum sku'i dbyings/__/'odaX gsalaX lhun grub rig pa'i thig ler mi phyed grub pa'i rol rtsed kyis/_/'odaX gsalaX snying po'i shing rta gcig gyur dga' rab dgyes pa rdo rje bzhin/__/'odaX gsalaX snangaX bzhi'iX phaX mtharaX phyinaX nas sku gsum go 'phang brnyes mkhasaX dpalaX/__/ rnam _ 'dren _ rgyal _ kunaX _ mkhyenaX brtse _ gcig _ bsdus _ mchog _ blo _ gros _ driX _ medaX _ 'jam _ dpal _ gzhon _ nu'i _ tshul _ rig _ srol _ yon _ tan _ pad _ mo'i _ nags _ klung _ tu _ gsal _ byed _ mngaX _ thosaX 'odaX _ zer nyin _ bzhin _ bzung _ ji _ lta'i _ ye _ shes _ mngon _ gyur _ ji _ snyed _ gzhung _ kun _ gzigs _ tshig _ dang _ don _ bcas _ smra _ mkhas _ pas _ bsamaX byungaX __ rig _ shes _ tshad _ mas _ dpyad _ bzod _ lugs _ yid _ can _ kun _ la _ gsal _ ba'i _ byed _ por _ gyur _ de _ tshe _ sgom _ spangs __ dam __ pa'i _ mkhyen _ rab _ mtha' _ rab _ 'byams _ 'phags _ rnams _ spobs __ pa'i _ mthar _ son _ zhing _ brtse _ chen _ thugs _ rje'i _ nus _ pas _ sa _ gsum _ dag _ dga' _ ster _ grags _ pa _ srid _ zhi'i _ bla _ na _ mtho _ smin _ grol _ lang _ tshos _ sgeg _ pa'i _ 'jug _ pa _ bzung _ bskyed _ rdzogs _ snang _ ba _ gsar _ pa'i _ 'dzum _ dkar _ g.yo _ nges _ gsang _ nor _ bu'i _ rgyud _ mang _ bsgreng _ mkhas _ mkhas _ mkhas _ mkhas _ dpyod _ ldan _ bye _ ba'i _ khengs _ pa _ 'phrog _ 'od _ gsal _ snang _ bzhi'i _ pha _ mthar _ phyin _ mkhas _ dpal _ dpal _ mkhas _ rdzogs _ pas _ dpyad _ la _ lam _ gyur _ zhi _ @#/__/zhiX bsil chos phung rgya mtsho'i snang bas blo gros ut+pal 'dzum dkar g.yo/__/zhiX dang srid pa'i spros kun bsnyil la yang dag rig pa'i snyems 'char bas/__/zhiX ba'i lha dang 'phags pa'i zhabs bzhin ngo mtshar gtam gyi gzhir gyur phyir/__/zhiX gyuraX lamaX laX bsamaX byung dpyadaX pasaX yang dag mkhyen mchog rdzogasaX mkhasaX dpalaX/_/ !__gsangaX ba'i rig sngags thun mong nyid gyur bya spyod rnal 'byor rgyud kun dang /_/gsangaX chen mthar thug bla na med pa nang rgyud sde gsum seng ge'i sgras/__/gsangaX bdag ngur smrig gar gyis rol pa'i grags pas sa gsum khyab gyur phyir/__/gsangaX chenaX gdamasaX pa'iX bdud rtsi'i bcudaX lenaX skal bzang 'gro la sbyin mkhas dpal/_/ gsang _ chen _ gdams _ pa'i _ bcud _ len _ sbyin _ mkhas _ dpal _ dpal _ mkhas _ gzigs _ mchog _ bden _ don _ nges _ pas _ rtogs _ rgyan _ drug _ mchog _ gnyis _ rgyal _ sar _ 'dzegs _ mkhas _ mkhas _ mkhas _ mkhas _ smraX ba'iX _ nyiX _ maX _ bsamaX _ yasaX __ pasaX _ bshad _ sgrub _ 'od _ kyis _ sa _ gsum _ gsal _ bar _ bgyid _ 'chad _ dang _ bslab _ pa'i _ ud _ pal _ mchog _ tu _ dgod _ rtsod _ med _ shing _ rta'i _ bzhed _ srol _ ji _ bzhin _ du _ dag _ byed _ mtshungs _ bral _ rtsom _ pa'i _ zil _ dngar _ gyis _ rang _ gzhan _ grub _ mtha'i _ lam _ kun _ 'dzin _ la _ dbang _ mtha' _ klas _ shes _ byar _ chags _ thogs _ sgrib _ las _ 'das _ mkhas _ grub _ du _ ma'i _ gtsug _ gi _ cod _ pan _ mchog _ lam _ lnga _ sa _ bcu'i _ dga' _ ba _ rgyas _ pa _ gang _ mtha' _ gnyis _ dbu _ mar _ bsnyil _ ba'i _ dpal _ la _ spyod _ rig _ dang _ grol _ ba'i _ rnam _ thar _ rtsa _ ba _ brling _ zab _ mo _ 'od _ gsal _ snying __ po'i _ nges _ gsang _ chub _ mngon _ sum _ lam _ snang _ goms _ pa'i _ tshul _ bstan _ pas _ zab _ cing _ rgya _ che'i _ sku _ brnyes _ zag _ pa _ byang _ chos _ rje _ kun _ mkhyen _ bla _ ma _ rtag _ tu _ rgyal _ __!__rtogasaX dang ma rtogs gnyis snang dra ba gcig car 'jil ba'i mtshon lhung bas/_/rtogasaX pas brtan g.yo'i dngos kun zil gnon mtsho skyes grub pa'i rdo rje dang /__/rtogasaX pa'i tshul la rnam dbyer mi phyed sgom byung shes rab mthar son phyir/__/rtogasaX pasaX ngesaX donaX 'gog pa'i bden mchogaX mngon sum nyid du gzigasaX mkhasaX dpaXl/_/ ___#/__/zabaX zhi spros bral 'dus byas las 'das so so yang dag rig pa'i don/__/zabaX cing rgya cher gtan la 'bebs mkhas sangs rgyas gnyis pa klu sgrub rje'i/__/zabaX don bdud rtsi'i zhal lung mngar pos rnam dpyod pad+mo bskyed bsrings pas/__/zabaX moX dbuX ma'oX lamaX srolaX 'khrul med mchog tu gsalaX bar snang mkhasaX dpalaX/_/ __#/__/byangaX grol shes rab pha rol phyin ma'i sbas don mngon par rtogs pa'i rim/__/byangaX sems 'phags dang mkhas pa'i tshogs kyis ji bzhin phye ba'i rjes zhugs te/__/byangaX chen lam bzang gsal bar mdzad la thogs med mkhyen pa'i mthu grub phyir/__/byangaX chubaX spyodaX mchogaX pha mtha' yas pa dbangaX duX bgyidaX la ches mkhasaX dpalaX/__/ ___#/__/chos khams ji snyed gtan la 'bebs byed thams cad mkhyen pa'i lam gyi srol/__/chosaX kyiX maX mo'iX sde snod mtha' klas tshig dang don du bcas pa'i mdzodaX/__/chosaX bzhin 'dzin mdzadaX dbyig gnyen zhabs dang gnyis su mi phyed blo gros kyis/__/chosaX mngon rigaX pa'iX lamaX bzang rmad byung mtha'aX dgaX gsal bar 'chadaX mkhasaX dpalaX/_/ __@#/__/rgyal ba sras bcas kun gyis rab bsngags 'bum phrag 'dul ba'i sde snod gzhung /__/rgyal sras yon tan shAkya'i 'od bzhin 'chad dang sgrub la mtshungs med cing /__/rgyalaX ba dgyes pa'i tshul khrims phung po nyes par spyod las ring 'das phyir/__/rgyalaX bstanaX rtsaX baX chagasaX bralaX brtul zhugs rang dang gzhan la bslab mkhas dpal// !__legs sbyar ngag gi snang ba yis/__/gsal byed nges pa'i bya dka' ba'i/__/pad+mo rnam par rgyas pa'i dpal/__/blo gsal rna ba'i rgyan du bskrun/

ts+tshan+dobAk+t+raMnAmas+yaprastAr/_gsal byed (da)(na)(pa)(ya)bzhir nges pa la chod pa'i_ zung ldan rkang pa dang po dang /_bzhi pa'i thog mar yod pas mdzes pa/ @#/__/na_n+dA_bi_d+yA_da_yA_yi_nI_bai_d+yo_bA_dI_na_na_byA_ni/______bi_dwAM_bi_d+yo_da_ye_na_yA_naX_n+daX_dA_bA_d+ya_bai_nA_daiH_/_/ @#/__/phunaX tshogaXs rig dang brtse ba'i legs byas can/__/kun mkhyen smra ba'i nyi ma gsar pa ni/_/gang du 'char bas mkhas pa rnams kyi yid/__/dga'aX steraX grags pa'i rol mo rnam par 'khrol/_1_/dpal ldan bsam yas byang chub spyod pa'i bdud rtsi'i chu gter bsrubs pa'i phulaX/__/phulaX byung tshul gnas khrims kyi dpag bsam gzhan la phan pa'i grib bsil mchog__/mchog gsang zung 'jug e wa~M mnyam sbyor chos kun sdom pa'i 'bras 'bar gangaX /__/gangaX 'dir tshur mthong 'gro ba'i mos ngor skal bzang blo gros dpyid du 'khrungs/_2_/mkhyen pas mkhyen pa'i ye shes driX medaX 'jam dpal gzhon nu'i rjes 'gro zhing /__/brtseX bsaX brtse ba'i spyan ras mi zum phyag na pad+mo'i gzugs kyi zla/__/nusaX pasaX nus pa'i 'odaX zeraX ring 'phro gsang ba 'dzin pa'i snyems 'chang phyir/__/yonaX tanaX yon tan rgya mtsho'i 'babs stegs chosaX kyiX rgyalaX poX klongaX chenaX paX/__3__/gang mtshan yid la dran pa tsam gyis nyes spyod mun pa 'jil ba dang /__/phan bde'i 'dzum dkar gcig car grol la nam mkha'i thig les mtshon min par/__/ji bzhin bsngags pa'i nor bu'i rgyud mang mtsho byung phyag gis bsgreng ba na/__/sras bcas rgyal kun dgyes pa'i rol mos dge mtshan dus ston cir yang dar/__4__/mang mang mkhas dang bzangaX bzangaX grub pas yangaX yangaX zhabs sen rtag mchod pa'i/__/zabaX zabaX rnam thar gsalaX gsalaX snang ba dungaX dungaX yid mkhar 'char ba'i mod/__/snyanaX snyanaX tshig rgyan mdzesaX mdzesaX ut+pal 'grigasaX 'grigasaX tshar du dngar 'di yang /__/dwangasaX dwangasaX blo dang rigaX rigaX mig la simaX simaX dga' ster bdud rtsi'i dngos/__5__/gang yang mkhas pa'i nyi mas rab bskor bden don bcu gnyis mthar phyin nas/__/dpal bzhi'i grub pa'i thig ler mi phyed gnas skabs sa bon rnam grol 'bras/__/yan lag bcu gnyis zhi bsil lam gyis srid na sku bzhi'i mchog sbyin pa'i/__/spobs pa zla med ri bo'i khongs su mngon par mtho ba'i ngang tshul mtshon/__6__/de las byung ba'i legs byas rgyun gyis bdag kyang byang chub snying po'i bar/__/ye shes gzigs pa dam pas rjes bzung bral smin yon tan yongs rdzogs shing /__/ji snyed yid can rgya mtsho'i tshogs rnams kun mkhyen bla ma'i rnam thar gyi/__/ngo mtshar mtha' dag rdzogs par bzung ba'i bkra shis snang bas mdzes gyur cig__7_/de ltar na gzod ma nas shin tu zhi ba chos sku'i ye shes las ma g.yos bzhin du smon lam dang snying rje'i 'phen pas longs spyod rdzogs sku rigs lnga gangs chen mtsho'i sprin bkod de/__tshu rol mthong ba rnams kyi skal ba dang 'tshams par sprul pa'i rnam rol tshad med par 'char ba las/__re zhig gangs kyi ri bo'i sul na 'od gsal rdo rje snying po'i bstan pa'i shing rta chen po gcig pur gyur pa/__rang dang gzhan gyi grub pa'i mtha' rgya mtsho lta bu'i pha rol tu son pa'i dpal bsam yas pa kun mkhyen ngag gi dbang po zhes mtshan gyi grags dkar srid zhi'i bla na mngon par gsal ba de nyid kyi zhabs kyi pad+mor/__gsang ba 'dzin pa'i bdag po dga' rab dgyes pa rdo rje dang /__sangs rgyas gnyis pa mtsho skyes rdo rje/__rgyan drug__/mchog gnyis/__rmad du byung ba'i slob dpon gnyis sogs 'phags bod kyi mkhas grub rgya mtsho lta bu'i rnam par thar pa dang tshul mtshungs par cung zad bsngags pa'i gtam gyi sbyor ba kun bzang 'khor lo'i re'u mig tu shar ba mtsho byung dgyes pa'i rol mo zhes bya ba 'di'ang /__rang nyid kyis dus gsum kun tu mi phyed pa'i mos pa chen pos nye bar len pa dang /__don gnyer can dag gis snga phyir gsol ba btab pas mtshams sbyar te/__mgon po gang gi tshad med pa'i thugs rje'i snang bas 'chad rtsod rtsom pa'i tshul la blo gros kyi pad+mo cung zad 'dzum zhing /__ris med pa'i bstan pa kun la dag pa'i snang ba gcig tu dkar ba'i shAkya'i dge slong theg pa mchog gi rnal 'byor pa kun mkhyen bla ma dgyes pa'i 'bangs 'jigs med mkhyen brtse'i dbang po'am/__gtsug lag smra ba'i nyi ma zhes kyang bgyi ba'i rgyal khams kyi da ri drAs dben zhing nyams dga' ba'i bsam gtan gyi khang bur rdzogs par sbyar ba sarba dA ka l+yA Ni b+ha ba tu//___//__!_