JKW-KABUM-22-ZA-006-001

🚧 This website is under continued development. We appreciate your patience!

First text in section. Back to Volume PageNext Text

Wylie title
Location	mkhyen brtse'i bka' 'bum Volume 22, sde tshan 6, Text 1, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 22: 1-. Khams sde dge rdzong sar dgon: Rdzong sar blo gros phun tshogs, 2020.
Genre

1 Texts in this Section (sde tshan or chos tshan)

1 51-59	གཏེར་གསར་དམ་རྫས་སོགས་རྟེན་རབ་འབྱམས་ཕྱོགས་བསྡུས་ཀྱི་བཞུགས་བྱང་གཞན་ལ་ཕན་པ་མཆོག་ཏུ་དགེ་བའི་དབྱངས་སྙན། gter gsar dam rdzas sogs rten rab 'byams phyogs bsdus kyi bzhugs byang gzhan la phan pa mchog tu dge ba'i dbyangs snyan	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

གཏེར་གསར་དམ་རྫས་སོགས་རྟེན་རབ་འབྱམས་ཕྱོགས་བསྡུས་ཀྱི་བཞུགས་བྱང་གཞན་ལ་ཕན་པ་མཆོག་ཏུ་དགེ་བའི་དབྱངས་སྙན།

༄༅། །གཏེར་གསར་དམ་རྫས་སོགས་རྟེན་རབ་འབྱམས་ཕྱོགས་བསྡུས་ཀྱི་བཞུགས་བྱང་གཞན་ལ་ཕན་པ་མཆོག་ཏུ་དགེ་བའི་དབྱངས་སྙན་ཅེས་བྱ་བ་བཞུགས་སོ། ། རིང་བསྲེལ༤། དམ་རྫས་ཀུན་འདུས༥། རྟེན་འདུས་བཅས༦།

ཨོཾ་སྭ་སྟི་སིདྡྷཾ། སྤྲུལ་པའི་གཏེར་ཆེན་ཨོ་རྒྱན་མཆོག་གྱུར་བདེ་ཆེན་གླིང་པས་གཏེར་གནས་ཐ་དད་པ་རྣམས་ནས་སྤྱན་དྲངས་པའི་མྱོང་གྲོལ་དམ་རྫས་དང་བྱིན་རྟེན་རིགས། དོན་གྲུབ་ཅེས་པ་ས་མོ་ལུག་གི་གནམ་ལོ་ཐོག་མར་ཤར་བ་ཕན་ཆད་ཇི་ཙམ་ལག་ཏུ་འབྱོར་པ་རྣམས། བསྟན་པ་དང་འགྲོ་ཕན་གྱི་བཙས་སུ་གཏའ་སྤེལ་སྦྱར་བའི་ཐོག་མར། ། ༈ ཡུངས་འབྲུ་ལྟ་བུའི་རིང་བསྲེལ་གྱི་རིལ་བུ་དམ་རྫས་མྱོང་༼༡༽གྲོལ་ཙིནྟ་མ་ཎི་ལ། རྒྱམ་རྒྱལ་རྡོ་ཏིའི་འགྱུར་མེད་གཏན་འཁྱིལ་གཡུ་མཚོ་ནས་བཞེས་པའི་སངས་རྒྱས་འོད་སྲུང་གི་འཕེལ་གདུང་། སྨན་ཤོད་འཛོམ་ནང་བྲག་དཀར་ཡང་རྩེ་ནས་སྤྱན་དྲངས་པའི་སྤྲུལ་སྐུ་དགའ་རབ་རྡོ་རྗེའི་གདུང་གི་དྭངས་མ་བཅས་གངས་ཏིག་དང་ཅུ་གང་གིས་སྤེལ་ཞིང་ཅོང་ཞིའི་འཕྲོད་སྦྱར་བའོ། ། ༈ སྐུ་གདུང་རིང་བསྲེལ་ཀུན་འདུས་ཀྱི་རིལ་བུ་དམ་རྫས་བཏགས་༼༢༽གྲོལ་ཡིད་བཞིན་སྙིང་པོ་ལ། མཁའ་འགྲོ་འབུམ་རྫོང་ཨོ་རྒྱན་རིན་པོ་ཆེའི་བཞུགས་ཁྲིའི་འོག་ནས་སྤྱན་དྲངས་པའི་སློབ་དཔོན་པྲ་བྷ་ཧ་སྟིའི་གདུང་། མངོན་རྫོགས་རྒྱལ་པོའི་སྨན་སྐུའི་ཆ་ཤས། ན་བུན་རྫོང་གཏེར་བྱོན་ཁྲི་སྲོང་ལྡེའུ་བཙན་གདུང་རུས། ལོང་གྲོ་ལོ་ཙཱ་བ་དཀོན་མཆོག་འབྱུང་གནས་ཀྱི་རིང་བསྲེལ་བཅས། ༈ ཆོས་ཀྱི་རིང་བསྲེལ་ཀུན་འདུས་ཀྱི་རིལ་བུ་དམ་རྫས་མཐོང་གྲོལ་ཞི་བའི་སྙིང་པོ་ལ། པདྨ་ཤེལ་ཕུག་གཏེར་བྱོན་རྫོགས་ཆེན་སྡེ་གསུམ་རྩ་བའི་ཤོག་སེར། ནམ་མཁའ་མཛོད་ཀྱི་གཏེར་བྱོན་ཚེ་དཀར་རྩ་གསུམ་དྲག་པོའི་ཤོག་སེར། བདུད་རྩི་ལྔ་ཤོག་ཚོ་ལྔ། དཔལ་སྤུངས་རི་ཁྲོད་ཙཱ་འདྲ་རིན་ཆེན་བྲག་ནས་བཞེས་པའི་ཁ་བྱང་གི་ཤོག་སེར། དཔའ་བོ་བྲག་གི་གཏེར་བྱོན་གནས་ཆེན་ཉེར་ལྔའི་མདོ་བྱང་གི་ཤོག་སེར། ཟབ་པ་སྐོར་བདུན་གྱི་ལུང་བྱང་ཤོག་སེར། ནམ་མཛོད་བོད་ཁམས་ལ་བདེ་ཐབས་ཀྱི་གཏེར་ཤོག་བཅས། ། ༈ སྐུ་བལ་རིང་བསྲེལ་ཀུན་འདུས་ཀྱི་རིལ་བུ་དམ་རྫས་རེག་གྲོལ་༼༤༽གྲུབ་པའི་སྙིང་པོ་ལ། ཟླ་ཉིན་ཁ་ལ་རོང་སྒོའི་གཏེར་བྱོན་སངས་རྒྱས་འོད་སྲུང་གི་སྐུ་ཆོས། སེང་ཆེན་གནམ་བྲག་ནས་སྤྱན་དྲངས་པ་བདག་ཅག་གི་སྟོན་པ་མཉམ་མེད་ཐུབ་པའི་དབང་པོའི་ཆོས་གོས། འཕགས་པ་ཀླུ་སྒྲུབ་ཀྱི་ཞབས་ཆགས་ཚལ། ཨོ་རྒྱན་རིན་པོ་ཆེའི་གསང་གོས་སྐུ་བེར་གསེར་མ། སྐུ་ཆིངས། ལྷ་ལྕམ་མནྡཱ་ར་བའི་ན་བཟའ། མཁའ་འགྲོ་ཡེ་ཤེས་མཚོ་རྒྱལ་ན་བཟའ་དང་གསང་གོས། ལོ་ཆེན་བཻ་རོ་ཙ་ནའི་སྐུ་ཆོས། ཆོས་རྒྱལ་ཁྲི་སྲོང་ལྡེའུ་བཙན་ན་བཟའ། འོག་མིན་ཀརྨའི་དཔལ་དེའུ་ནས་སྤྱན་དྲངས་པའི་ཨོ་རྒྱན་རིན་པོ་ཆེའི་དབུ་ལྗོན་དང་སྐུ་རེག །ཟླ་གམ་བྲག་གི་རྒྱབ་ངོས་ནས་ཟབ་བདུན་དང་ལྷན་ཅིག་སྤྱན་དྲངས་པའི་གནུབས་ཆེན་སངས་རྒྱས་ཡེ་ཤེས་དབུ་སྐྲ། མཁའ་འགྲོ་འབུམ་རྫོང་གཏེར་བྱོན་མཚོ་རྒྱལ་གསང་གོས། འཛི་སྨད་མཁའ་འགྲོ་ཤེལ་ཕུག་གཏེར་བྱོན་མཁན་ཆེན་བོ་དྷི་ས་ཏྭའི་སྐུ་ཆོས། སྨན་ཤོད་འཛོམ་ནང་པདྨ་ཤེལ་ཕུག་གཏེར་བྱོན་མཁའ་འགྲོ་ཡེ་ཤེས་མཚོ་རྒྱལ་དང་ལོ་ཆེན་བཻ་རོའི་དབུ་ལྗོན་བཅས། ༈ བདུད་རྩི་ཆོས་སྨན་སོགས་གཏེར་གསར་དམ་རྫས་རིགས་ཕྱོགས་བསྡུས་ཀྱི་རིལ་བུ་མྱོང་གྲོལ་ཆེན་པོ་༼༥༽དངོས་གྲུབ་བྱེ་བའི་སྙིང་པོ་ལ། ཆམ་གཤིས་ན་བུན་རྫོང་གི་གཏེར་བྱོན་ཨོ་རྒྱན་རིན་པོ་ཆེའི་ཤངས་མཚལ། པཎ་ཆེན་བི་མ་མི་ཏྲའི་ཆོས་སྨན། ཁྲི་སྲོང་ལྡེའུ་བཙན་གདུང་རུས། འཛོམ་ནང་པདྨ་ཤེལ་ཕུག་གཏེར་བྱོན་མཁས་པ་ཤྲཱི་སིཾ་ཧའི་ཆོས་སྨན། ནམ་མཁའ་མཛོད་ཀྱི་གཏེར་བྱོན་དམ་རྫས་སྡུག་བསྔལ་ཞི་བྱེད་འཁོར་བ་དོང་སྤྲུགས། སེང་ཆེན་གནམ་བྲག་གི་གཡས་ཟུར་བྲག་རི་རིན་ཆེན་བརྩེགས་པའི་གོང་མོ་འོག་མ་ནས་བཞེས་པའི་རིག་འཛིན་དགའ་རབ་རྡོ་རྗེའི་བདེ་ཆེན་ཡེ་ཤེས་སྐྱེད་པའི་བདུད་རྩིའི་ཕབ་རྒྱུན། དེའི་ཕྱི་ཐུམ་འཇམ་དཔལ་བཤེས་གཉེན་ཤེས་རབ་རིལ་བུ། ཨིནྡྲ་བྷཱུ་ཏིའི་རིན་ཆེན་རིལ་བུ། སངས་རྒྱས་གསང་བའི་རྡོར་སེམས་རིལ་བུ། ཐུགས་རྗེ་ཆེན་པོའི་མ་ཎི་རིལ་བུ། སྐྱེ་བདུན་སྐུ་ཤའི་རིལ་བུ། རིག་པའི་ཡེ་ཤེས་སྨན་གྱི་རིལ་བུ། རྒྱ་གར་རིག་འཛིན་བརྒྱད་ཀྱི་ཆོས་སྨན། མཁའ་འགྲོའི་བྲོ་རའི་དབུ་རྩེའི་བྲག་རྫོང་ནས་བཞེས་པའི་ཨོ་རྒྱན་རྗེ་འབངས་ཉེར་ལྔས་བསམ་ཡས་མཆིམས་ཕུར་བཀའ་བརྒྱད་ཀྱི་སྒོ་ནས་བསྒྲུབས་པའི་བདུད་རྩི་ཆོས་སྨན། སེང་ཕུ་སྨན་གྱི་རི་བོ་ནས་བཞེས་པའི་ཙནྡན་དཀར་དམར། གཏེར་ལྕིབས་ག་བུར་དང་ཅུ་གང་། འབུམ་རྫོང་ནས་སྤྱན་དྲངས་པའི་མངོན་རྫོགས་རྒྱལ་པོའི་སྨན་སྐུའི་ཆ་ཤས་དང་གཏེར་སྒྲོམ་ཚལ། ཐུགས་རྗེ་ཆེན་པོ་འཁོར་བ་དོང་སྤྲུགས་རིལ་བུ། རྫ་རྒྱལ་གོ་བོ་ཕུག་ཏུ་ཨོ་རྒྱན་རྗེ་འབངས་སྟོང་རྩ་བཅས་ཀྱིས་འོག་མིན་ཚོགས་ཆེན་འདུས་པའི་སྒོ་ནས་བསྒྲུབས་པའི་བདུད་རྩི་ཆོས་སྨན་བདེ་ཆེན་རོལ་པ་ཁྱད་འཕགས་འབུམ་རྫོང་མཚོ་མོ་ནས་ཀླུ་སྨན་གྱིས་མངོན་སུམ་ཕུལ་བ། ཡེལ་ཕུག་ནས་བྱོན་པའི་དམ་རྫས་རོལ་པ་ཆེན་པོ། གླེ་ཐུ་ཀརྨའི་དཔལ་དེའུ་ནས་བཞེས་པའི་གཟི་བརྗིད་སྐྱེད་པ་སྐུའི་རིལ་བུ། ཚངས་དབྱངས་སྐྱེད་པ་གསུང་གི་རིལ་བུ། བདེ་ཆེན་སྐྱེད་པ་ཐུགས་ཀྱི་རིལ་བུ། མ་མོ་སྤྱི་བསྡུས་ཀྱི་གཏེར་སྒྲོ མ་ཚལ། མཚོ་སྐེ་ནོར་བུ་སྤུན་གསུམ་ནས་སྐུ་ཚབ་དངོས་གྲུབ་དཔལ་འབར་དང་ལྷན་ཅིག་བཞེས་པའི་གི་ཝཾ། གོ་སྟོད་འོད་འབར་བྲག་ནས་སྐུ་ཚབ་ཐུགས་རྗེའི་ཆར་རྒྱུན་དང་ལྷན་ཅིག་བཞེས་པའི་སྐུ་ཚབ་ཀྱི་རྒྱུ། སིདྡྷི་རིལ་བུ་ཕྲིན་ལས་རོལ་པ། བུམ་སྒྲུབ་ཀྱི་གཏེར་ཤོག་ཕྱི་ཐུམ། རྡོ་རྗེ་ཅོད་ཕུག་གཏེར་བྱོན་ཨོ་རྒྱན་ཡབ་ཡུམ་གྱི་ཚེ་རིལ། ཡེལ་ཕུག་ནམ་མཛོད་འབུམ་རྫོང་ཤེལ་ཕུག་བཅས་ཀྱི་གཏེར་ལྕིབ་སིནྡྷཱུ་ར། ཀརྨར་ཡང་ཕུར་སྒྲུབ་ཆེན་མཛད་སྐབས་ཀྱི་བུམ་ཆུ་རིལ་བུ། རྡུལ་ཚོན། གཏོར་མ་ལས་བབས་པའི་བདུད་རྩི་བཅས། དཔལ་ལྷུན་གྲུབ་སྟེང་གི་རྒྱལ་ཁབ་ཆེན་པོ་དང་འདབས་ཆགས་པའི་རྡོ་རྗེའི་ཁོར་ཡུག་ལྕང་ལོ་ཅན་གྱི་དགའ་ཚལ་དུ་སྤྲུལ་པའི་གཏེར་སྟོན་ཆེན་པོས་ཐུགས་སྒྲུབ་བར་ཆད་ཀུན་སེལ་དང་། བཀའ་བརྒྱད་སྒྲུབ་ཆེན་སོགས་ཀྱི་སྐབས་སུ་བྱིན་གྱིས་བརླབས་པའི་འབྲུ་ཕྱེ་དང་བུམ་ཆུའི་རྒྱུན་གྱིས་ལེགས་པར་འཕྲོད་སྦྱར་ཞིང་བརྫིས་པའོ། ། ༈ གཏེར་གསར་བྱིན་རྟེན་རིགས་ཐམས་ཅད་འདུས་པའི་རིལ་བུ་དམ་རྫས་གྲོལ་བ་བཞི་ལྡན་༼༦༽ཡིད་བཞིན་ནོར་བུ་ནི། གོང་དུ་སྨོས་པའི་རིང་བསྲེལ་བཞི་དང་། ཆོས་སྨན་སོགས་དམ་རྫས་རིགས་ཕྱོགས་བསྡུས་ཀྱི་རིལ་བུ་བཅས་ཐམས་ཅད་འདུས་པ་དང་། ཐུགས་སྒྲུབ་དང་། བཀའ་བརྒྱད་ཀྱི་སྨན་འབྲུའི་ཕྱེ་མ་ལ། དེ་དག་གི་བུམ་ཆུ་དང་། བདག་ཅག་གིས་འོག་མིན་ཚོགས་ཆེན་འདུས་པ་ཐེག་དགུ་ཡོངས་རྫོགས་ཀྱི་དཀྱིལ་འཁོར་ཆེན་པོར་བསྒྲུབས་པའི་བུམ་ཆུ་བཅས་སྦྱར་ནས་རིལ་བུར་འདུ་བགྱིས་པ་སྟེ། དེའང་ཡུངས་འབྲུ་ལྟ་བུའི་རིང་བསྲེལ་མ་གཏོགས་པའི་གཞན་ཐམས་ཅད་འབྲུ་ཕྱེ་ལ་བཟང་དྲུག་གཞི་བྱས། ཡུངས་འབྲུ་ལྟ་བུ་ལས་གཞན་ཐམས་ཅད་ལ་འབྲས་བུ་གསུམ་དང་བཟང་དྲུག་གིས་བུང་བསྐྱེད། སྐུ་གདུང་རིལ་བུའི་སྐྱོབས་སུ་ཤིང་ཀུན། ཀ་ཀོ་ལ། ཙི་ཏྲ་ཀ །ཞོ་ཤ་རྣམ་གསུམ་བཅས་སྦྱར་ཏེ་གཙང་ལ་དག་པར་ས་ལུག་ཆོ་འཕྲུ ལ་ཟླ་བའི་གྲལ་ཚེས་དགེ་བ་ནས་བརྩམས་ཏེ། ཕུལ་དུ་བྱུང་བའི་དད་པ་དང་གཏོང་བའི་དཔལ་གྱིས་མངོན་པར་མཐོ་བའི་མི་དབང་ཆེན་པོའི་འདུན་ན་འདོན་ཨཱ་ནནྡ་གུ་ཎས་མཐུན་པའི་རྐྱེན་སྦྱར་ཞིང་། ལོ་ཙཱ་བ་ཆེན་པོ་བཻ་རོ་ཙ་ནའི་རྣམ་འཕྲུལ་དུ་རྡོ་རྗེའི་ལུང་གིས་ལན་གཅིག་མ་ཡིན་པར་བསྔགས་པ་མཁས་བཙུན་གྲུབ་པ་རྒྱ་མཚོའི་ཁྱུ་མཆོག་འཇམ་པའི་དབྱངས་བློ་གྲོས་མཐའ་ཡས་པའི་སྡེས་ཕྱག་གཞེས་ཀྱིས་གཏན་ལ་ཕབ་པས་འདུ་བྱས་ཏེ། ལུགས་བརྒྱའི་འདུན་ས་དཔལ་སྡེ་དགེ་ལྷུན་གྲུབ་སྟེང་གི་ཆོས་གྲ་ཆེན་པོའི་སྒྲུབ་ཁང་བླ་བྲང་ཕན་བདེ་ཀུན་ཁྱབ་གླིང་ཞེས། མཁས་པ་དང་གྲུབ་པའི་སྐྱེས་ཆེན་བརྒྱུད་མར་བྱོན་པའི་དཔལ་ཨེ་ཝྃ་པའི་མཁན་ཆེན་རྡོ་རྗེ་འཆང་ཆེན་པོ་རྣམས་དང་། བསྟན་འཛིན་གྱི་ཁྱུ་མཆོག་རླབས་པོ་ཆེའི་གནས་ཐོབ་བ་རྣམས་ཀྱིས་བྱིན་གྱིས་བརླབས་ཤིང་། བཀྲ་ཤིས་དང་དགེ་མཚན་བྱེ་བས་བརྒྱན་པའི་གཟིམས་སྤྱིལ་དུ་རབ་བྱུང་བཅུ་བཞི་པའི་ས་ལུག་དབོ་ཟླ་བའི་དཀར་ཕྱོགས་ཀྱི་ཚེས་བཅུ་ནས་བརྩམས་ཏེ། བྲང་ཏི་མཁས་པའི་རིགས་འཁྲུངས། རྣམ་འདྲེན་སྲིད་ཞིའི་སྐྱབས་གཅིག་རྡོ་རྗེ་འཛིན་པ་ཆེན་པོ་འཇམ་དབྱངས་ནམ་མཁའ་རྒྱལ་མཚན་དཔལ་བཟང་པོའི་ཞལ་སྔ་ནས་གཙོར་གྱུར། བདག་ཅག་འདུས་པ་རྣམས་ཀྱིས། ཟབ་གཏེར་གསར་པ་མཁའ་འགྲོའི་ཞལ་རླངས་མ་ཡལ་བ་བདེ་གཤེགས་ཞི་ཁྲོ་ཐམས་ཅད་འདུས་པའི་ཐུགས་སྒྲུབ་བར་ཆད་ཀུན་སེལ་དང་། ཡང་ཟབ་ཡིད་བཞིན་ནོར་བུ་བསམ་པ་ལྷུན་གྲུབ་ཟུང་དུ་འབྲེལ་བའི་རྡུལ་ཚོན་གྱི་དཀྱིལ་འཁོར་ཆེན་པོ་དག་ཞལ་ཕྱེ་ཞིང་། མཆོག་ཐུན་མོང་གི་དངོས་གྲུབ་མངོན་དུ་བྱེད་པ་བསྙེན་པའི་ཡན་ལག །དངོས་གྲུབ་ཀྱི་ཐབས་སྟ་གོན་དུ་བྱ་བ་ཉེ་བར་བསྙེན་པའི་ཡན་ལག །དངོས་གྲུབ་ཀྱི་ཐབས་ལ་ནན་ཏན་དུ་བྱ་བ་སྒྲུབ་པའི་ཡན་ལག ཐབས་དེའི་འབྲས་བུ་ལ་སྦྱོར་བ་སྒྲུབ་པ་ཆེན་པོའི་ཡན་ལག་སྟེ། བསྙེན་སྒྲུབ་ཡན་ལག་བཞི་ལྡན་དང་ལྡན་པའི་ཚོམ་བུ་ཚོགས་ཀྱི་སྒྲུབ་པའི་སྒོ་ནས་ལེགས་པར་བསྒྲུབས་པ་འདིས་ཀྱང་བསྟན་པ་རིན་པོ་ཆེ་དང་འགྲོ་ཕན་བླ་ན་མེད་པ་ལྷུན་གྱིས་གྲུབ་པར་གྱུར་ཅིག །ཤུ་བྷ་མསྟུ། །ཞེས་པའང་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་སོ། །འདི་ནི་རྟེན་འདུས་ཁག་གི་ནང་དུ་གང་སེང་བའི་བྱིན་རྟེན་རིགས་ཀྱི་མཚན་ཐོ་རྐྱང་པ་མདོར་བསྡུས་པ་ཙམ་སྟེ། སོ་སོའི་ཁུང་དང་ཆེ་བརྗོད་སོགས་རེ་རེ་ནས་ཀྱང་མཐའ་ཀླས་པ་ཞིག་འབྱུང་བ་ནི། གཏེར་གཞུང་དམ་རྫས་ཀྱི་ལོ་རྒྱུས་དཀར་ཆག་རབ་འབྱམས་དང་། འཇམ་པའི་དབྱངས་བློ་གྲོས་མཐའ་ཡས་སོགས་ཟབ་གཏེར་རྒྱ་མཚོའི་མཛོད་ཀྱི་བདག་པོ་མཁས་གྲུབ་ཆོས་ཀྱི་སྤྱན་ལྡན་རྣམས་ཀྱིས་ལེགས་བཤད་ཀྱི་གཏམ་རྒྱ་ཆེན་སྤྲོ་བར་འགྱུར་བ་ལས་ཤེས་པར་བྱའོ།། །།མངྒ་ལཾ།། །། ༈

[edit]

gter gsar dam rdzas sogs rten rab 'byams phyogs bsdus kyi bzhugs byang gzhan la phan pa mchog tu dge ba'i dbyangs snyan/ @#/__/gter gsar dam rdzas sogs rten rab 'byams phyogs bsdus kyi bzhugs byang gzhan la phan pa mchog tu dge ba'i dbyangs snyan ces bya ba bzhugs so/__/ ring bsrel4/__dam rdzas kun 'dus5/__rten 'dus bcas6/ oM swa sti sid+d+haM/__sprul pa'i gter chen o rgyan mchog gyur bde chen gling pas gter gnas tha dad pa rnams nas spyan drangs pa'i myong grol dam rdzas dang byin rten rigs/__don grub ces pa sa mo lug gi gnam lo thog mar shar ba phan chad ji tsam lag tu 'byor pa rnams/__bstan pa dang 'gro phan gyi btsas su gta' spel sbyar ba'i thog mar/__/__!_yungs 'bru lta bu'i ring bsrel gyi ril bu dam rdzas myong (1)grol tsin+ta ma Ni la/__rgyam rgyal rdo ti'i 'gyur med gtan 'khyil g.yu mtsho nas bzhes pa'i sangs rgyas 'od srung gi 'phel gdung /__sman shod 'dzom nang brag dkar yang rtse nas spyan drangs pa'i sprul sku dga' rab rdo rje'i gdung gi dwangs ma bcas gangs tig dang cu gang gis spel zhing cong zhi'i 'phrod sbyar ba'o/___/__!__sku gdung ring bsrel kun 'dus kyi ril bu dam rdzas btags (2)grol yid bzhin snying po la/__mkha' 'gro 'bum rdzong o rgyan rin po che'i bzhugs khri'i 'og nas spyan drangs pa'i slob dpon pra b+ha ha sti'i gdung /__mngon rdzogs rgyal po'i sman sku'i cha shas/__na bun rdzong gter byon khri srong lde'u btsan gdung rus/__long gro lo tsA ba dkon mchog 'byung gnas kyi ring bsrel bcas/__!_chos kyi ring bsrel kun 'dus kyi ril bu dam rdzas mthong grol zhi ba'i snying po la/__pad+ma shel phug gter byon rdzogs chen sde gsum rtsa ba'i shog ser/__nam mkha' mdzod kyi gter byon tshe dkar rtsa gsum drag po'i shog ser/__bdud rtsi lnga shog tsho lnga/__dpal spungs ri khrod tsA 'dra rin chen brag nas bzhes pa'i kha byang gi shog ser/__dpa' bo brag gi gter byon gnas chen nyer lnga'i mdo byang gi shog ser/__zab pa skor bdun gyi lung byang shog ser/__nam mdzod bod khams la bde thabs kyi gter shog bcas/__/__!_sku bal ring bsrel kun 'dus kyi ril bu dam rdzas reg grol (4)grub pa'i snying po la/__zla nyin kha la rong sgo'i gter byon sangs rgyas 'od srung gi sku chos/__seng chen gnam brag nas spyan drangs pa bdag cag gi ston pa mnyam med thub pa'i dbang po'i chos gos/__'phags pa klu sgrub kyi zhabs chags tshal/__o rgyan rin po che'i gsang gos sku ber gser ma/__sku chings/__lha lcam man+dA ra ba'i na bza'/__mkha' 'gro ye shes mtsho rgyal na bza' dang gsang gos/__lo chen bai ro tsa na'i sku chos/__chos rgyal khri srong lde'u btsan na bza'/__'og min karma'i dpal de'u nas spyan drangs pa'i o rgyan rin po che'i dbu ljon dang sku reg__/zla gam brag gi rgyab ngos nas zab bdun dang lhan cig spyan drangs pa'i gnubs chen sangs rgyas ye shes dbu skra/__mkha' 'gro 'bum rdzong gter byon mtsho rgyal gsang gos/__'dzi smad mkha' 'gro shel phug gter byon mkhan chen bo d+hi sa twa'i sku chos/__sman shod 'dzom nang pad+ma shel phug gter byon mkha' 'gro ye shes mtsho rgyal dang lo chen bai ro'i dbu ljon bcas/__!__bdud rtsi chos sman sogs gter gsar dam rdzas rigs phyogs bsdus kyi ril bu myong grol chen po (5)dngos grub bye ba'i snying po la/__cham gshis na bun rdzong gi gter byon o rgyan rin po che'i shangs mtshal/__paN chen bi ma mi tra'i chos sman/__khri srong lde'u btsan gdung rus/__'dzom nang pad+ma shel phug gter byon mkhas pa shrI siM ha'i chos sman/__nam mkha' mdzod kyi gter byon dam rdzas sdug bsngal zhi byed 'khor ba dong sprugs/__seng chen gnam brag gi g.yas zur brag ri rin chen brtsegs pa'i gong mo 'og ma nas bzhes pa'i rig 'dzin dga' rab rdo rje'i bde chen ye shes skyed pa'i bdud rtsi'i phab rgyun/__de'i phyi thum 'jam dpal bshes gnyen shes rab ril bu/__in+d+ra b+hU ti'i rin chen ril bu/__sangs rgyas gsang ba'i rdor sems ril bu/__thugs rje chen po'i ma Ni ril bu/__skye bdun sku sha'i ril bu/__rig pa'i ye shes sman gyi ril bu/__rgya gar rig 'dzin brgyad kyi chos sman/__mkha' 'gro'i bro ra'i dbu rtse'i brag rdzong nas bzhes pa'i o rgyan rje 'bangs nyer lngas bsam yas mchims phur bka' brgyad kyi sgo nas bsgrubs pa'i bdud rtsi chos sman/__seng phu sman gyi ri bo nas bzhes pa'i tsan+dan dkar dmar/__gter lcibs ga bur dang cu gang /__'bum rdzong nas spyan drangs pa'i mngon rdzogs rgyal po'i sman sku'i cha shas dang gter sgrom tshal/__thugs rje chen po 'khor ba dong sprugs ril bu/__rdza rgyal go bo phug tu o rgyan rje 'bangs stong rtsa bcas kyis 'og min tshogs chen 'dus pa'i sgo nas bsgrubs pa'i bdud rtsi chos sman bde chen rol pa khyad 'phags 'bum rdzong mtsho mo nas klu sman gyis mngon sum phul ba/__yel phug nas byon pa'i dam rdzas rol pa chen po/__gle thu karma'i dpal de'u nas bzhes pa'i gzi brjid skyed pa sku'i ril bu/__tshangs dbyangs skyed pa gsung gi ril bu/__bde chen skyed pa thugs kyi ril bu/__ma mo spyi bsdus kyi gter sgro_ma tshal/__mtsho ske nor bu spun gsum nas sku tshab dngos grub dpal 'bar dang lhan cig bzhes pa'i gi waM/__go stod 'od 'bar brag nas sku tshab thugs rje'i char rgyun dang lhan cig bzhes pa'i sku tshab kyi rgyu/__sid+d+hi ril bu phrin las rol pa/__bum sgrub kyi gter shog phyi thum/__rdo rje cod phug gter byon o rgyan yab yum gyi tshe ril/__yel phug nam mdzod 'bum rdzong shel phug bcas kyi gter lcib sin+d+hU ra/__karmar yang phur sgrub chen mdzad skabs kyi bum chu ril bu/__rdul tshon/__gtor ma las babs pa'i bdud rtsi bcas/__dpal lhun grub steng gi rgyal khab chen po dang 'dabs chags pa'i rdo rje'i khor yug lcang lo can gyi dga' tshal du sprul pa'i gter ston chen pos thugs sgrub bar chad kun sel dang /__bka' brgyad sgrub chen sogs kyi skabs su byin gyis brlabs pa'i 'bru phye dang bum chu'i rgyun gyis legs par 'phrod sbyar zhing brdzis pa'o/___/__!_gter gsar byin rten rigs thams cad 'dus pa'i ril bu dam rdzas grol ba bzhi ldan (6)yid bzhin nor bu ni/__gong du smos pa'i ring bsrel bzhi dang /__chos sman sogs dam rdzas rigs phyogs bsdus kyi ril bu bcas thams cad 'dus pa dang /__thugs sgrub dang /__bka' brgyad kyi sman 'bru'i phye ma la/__de dag gi bum chu dang /__bdag cag gis 'og min tshogs chen 'dus pa theg dgu yongs rdzogs kyi dkyil 'khor chen por bsgrubs pa'i bum chu bcas sbyar nas ril bur 'du bgyis pa ste/__de'ang yungs 'bru lta bu'i ring bsrel ma gtogs pa'i gzhan thams cad 'bru phye la bzang drug gzhi byas/__yungs 'bru lta bu las gzhan thams cad la 'bras bu gsum dang bzang drug gis bung bskyed/__sku gdung ril bu'i skyobs su shing kun/__ka ko la/__tsi tra ka__/zho sha rnam gsum bcas sbyar te gtsang la dag par sa lug cho 'phru_la zla ba'i gral tshes dge ba nas brtsams te/__phul du byung ba'i dad pa dang gtong ba'i dpal gyis mngon par mtho ba'i mi dbang chen po'i 'dun na 'don A nan+da gu Nas mthun pa'i rkyen sbyar zhing /__lo tsA ba chen po bai ro tsa na'i rnam 'phrul du rdo rje'i lung gis lan gcig ma yin par bsngags pa mkhas btsun grub pa rgya mtsho'i khyu mchog 'jam pa'i dbyangs blo gros mtha' yas pa'i sdes phyag gzhes kyis gtan la phab pas 'du byas te/__lugs brgya'i 'dun sa dpal sde dge lhun grub steng gi chos gra chen po'i sgrub khang bla brang phan bde kun khyab gling zhes/__mkhas pa dang grub pa'i skyes chen brgyud mar byon pa'i dpal e wa~M pa'i mkhan chen rdo rje 'chang chen po rnams dang /__bstan 'dzin gyi khyu mchog rlabs po che'i gnas thob ba rnams kyis byin gyis brlabs shing /__bkra shis dang dge mtshan bye bas brgyan pa'i gzims spyil du rab byung bcu bzhi pa'i sa lug dbo zla ba'i dkar phyogs kyi tshes bcu nas brtsams te/__brang ti mkhas pa'i rigs 'khrungs/__rnam 'dren srid zhi'i skyabs gcig rdo rje 'dzin pa chen po 'jam dbyangs nam mkha' rgyal mtshan dpal bzang po'i zhal snga nas gtsor gyur/__bdag cag 'dus pa rnams kyis/__zab gter gsar pa mkha' 'gro'i zhal rlangs ma yal ba bde gshegs zhi khro thams cad 'dus pa'i thugs sgrub bar chad kun sel dang /__yang zab yid bzhin nor bu bsam pa lhun grub zung du 'brel ba'i rdul tshon gyi dkyil 'khor chen po dag zhal phye zhing /__mchog thun mong gi dngos grub mngon du byed pa bsnyen pa'i yan lag__/dngos grub kyi thabs sta gon du bya ba nye bar bsnyen pa'i yan lag__/dngos grub kyi thabs la nan tan du bya ba sgrub pa'i yan lag__thabs de'i 'bras bu la sbyor ba sgrub pa chen po'i yan lag ste/__bsnyen sgrub yan lag bzhi ldan dang ldan pa'i tshom bu tshogs kyi sgrub pa'i sgo nas legs par bsgrubs pa 'dis kyang bstan pa rin po che dang 'gro phan bla na med pa lhun gyis grub par gyur cig__/shu b+ha mastu/__/zhes pa'ang mtsho skyes bla ma dgyes pa'i 'bangs mkhyen brtse'i dbang pos so/__/'di ni rten 'dus khag gi nang du gang seng ba'i byin rten rigs kyi mtshan tho rkyang pa mdor bsdus pa tsam ste/__so so'i khung dang che brjod sogs re re nas kyang mtha' klas pa zhig 'byung ba ni/__gter gzhung dam rdzas kyi lo rgyus dkar chag rab 'byams dang /__'jam pa'i dbyangs blo gros mtha' yas sogs zab gter rgya mtsho'i mdzod kyi bdag po mkhas grub chos kyi spyan ldan rnams kyis legs bshad kyi gtam rgya chen spro bar 'gyur ba las shes par bya'o//__//mang+ga laM//____//__!