JKW-KABUM-19-DZA-001-062

🚧 This website is under continued development. We appreciate your patience!

Previous Text Back to Volume PageNext Text

མཁན་ཆེན་དཔལ་ལྡན་ཆོས་སྐྱོང་གི་རྣམ་ཐར་ལས།

Wylie title	mkhan chen dpal ldan chos skyong gi rnam thar las
Location	mkhyen brtse'i bka' 'bum Volume 19, sde tshan 1, Text 62, Pages 436-440 (Folios 218b3 to 220b4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. mkhan chen dpal ldan chos skyong gi rnam thar las. In 'jam dbyangs mkhyen brtse'i dbang po'i bka' 'bum, Vol. 19: 436-440. Khams sde dge rdzong sar dgon: Rdzong sar blo gros phun tshogs, 2020.
Genre	History Texts - lo rgyus  ·  Religious History Texts - chos 'byung

1 Texts in this Section (sde tshan or chos tshan)

62 436-440	མཁན་ཆེན་དཔལ་ལྡན་ཆོས་སྐྱོང་གི་རྣམ་ཐར་ལས། mkhan chen dpal ldan chos skyong gi rnam thar las History Texts - lo rgyus   ·   Religious History Texts - chos 'byung	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

མཁན་ཆེན་དཔལ་ལྡན་ཆོས་སྐྱོང་གི་རྣམ་ཐར་ལས། རྡོ་རྗེ་འཛིན་པ་བཀྲ་ཤིས་བཟང་པོའི་རྣམ་ཐར་ཐོར་བུར་གསུངས་པ་ནི། དམ་པ་དེ་ཉིད་ནི་གཞི་ཚུལ་ཁྲིམས་རྣམ་པར་དག་པ་ལ་གནས་པ་དང། ཐེག་ཆེན་རྒྱལ་བའི་སྲས་པོའི་འཇུག་སྒོ་རིན་པོ་ཆེ་དེ་ཉིད་ཚེ་རབས་དུ་མར་སྦྱངས་པ་མཐར་ཕྱིན་པའི་སྟོབས་ཀྱིས། སྐུ་ཚེ་འདིར་ཡང་གཞན་ཕན་གྱི་ཐུགས་བསྐྱེད་ལ་གཅིག་ཏུ་གཞོལ་ཞིང་བཟོད་པ་ཐོབ་པ་དང་། རིག་འཛིན་སྔགས་ཀྱི་སྡོམ་པ་རྣམས་ཀྱང་ཚུལ་བཞིན་དུ་ལེགས་པར་ནོས་ཏེ། ཐོས་པ་དང་བསམ་པ་དང་སྒོམ་པ་ཕུལ་དུ་ཕྱིན་ཅིང། རྒྱུད་སྡེ་རྒྱ་མཚོར་འཇུག་པའི་དེད་དཔོན་ཆེན་པོར་དབང་བསྒྱུར་ནས། མིང་ཙམ་དང་བརྡ་ཙམ་དང་ཐ་སྙད་ཙམ་མ་ཡིན་པར་རྒྱུད་སྡེ་མཐའ་དག་གི་དབང་དང་བྱིན་རླབས་ཀྱི་རིམ་པ་རྗེས་གནང་ཁྲིད་ལུང་ཞལ་ཤེས་ཀྱི་གདམས་པ་རབ་ཏུ་གནས་པ་དང་། རྡོ་རྗེ་སློབ་དཔོན་གྱིས་བགྱི་བར་འོས་པའི་ཕྱག་ལེན་གྱི་རིམ་པ་ཆེ་ཕྲ་ཆུང་གསུམ་མཐའ་དག་སོགས་ཀྱིས་བསྟན་པ་རིན་པོ་ཆེ་སྤྱི་དང་། ཁྱད་པར་ཆོས་གྲྭ་ཆེན་པོ་ལྷུན་གྲུབ་སྟེང་གི་རྒྱན་དམ་པར་སྐུ་དྲིན་ཡུན་དུ་ཆེ་བ་ཞིག་ནི་ཡིན་པར། ངེས་པར་དོན་གྱིས་རྡོ་རྗེ་འཆང་དབང་དམ་པར་གོ་ཞིང་། བདག་ཅག་ནས་ཀྱང་སྦས་པའི་རྣལ་འབྱོར་དེ་ཉིད་ཀྱི་ཞལ་ལས་བཅོམ་ལྡན་འདས་འཁོར་ལོ་སྡོམ་པ་དཔལ་མཁའ་འགྲོ་རྒྱ་མཚོའི་དཀྱིལ་འཁོར་དུ་དབང་བསྐུར་བ་ངོར་ཆེན་རྡོ་རྗེ་འཆང་གི་གསུང་རབ་དྲི་མ་མེད་པའི་སྟེང་ནས་ལེགས་པར་ནོས་པས། རང་ཉིད་དང་ཡང་ཚེ་རབས་ཐོག་མ་མེད་པ་ནས་སྨོན་ལམ་གྱི་ལས་སྐལ་ཤིན་ཏུ་བཟང་བ་ཞིག་མཆིས། ཞེས་དང་། བླ་རྒན་ཉིད་ཀྱང་དགུང་ལོ་གྲངས་མང་བ་བཅས་ཞབས་འབམ་གྱིས་བསྙུན་ཡུན་རིང་བས། ངེད་ནས་ཀུན་རིག་དབང་དང་རྗེས་གནང་གཅིག་གཉིས་ཙམ་ཕུལ། ཟླ་བ་བདུན་པའི་ནང་གི་ཚེས་བཅུ་སྐོར་ཙམ་ནས་བསྙུང་གཞི་ཉོབ་ཤས་འདྲ་མོ་ཞིག་གིས་བདུན་ཅུ་དོན་བདུན་པ་ཚེས་ཉི་ཤུ་ལ་དག་པའི་ཞིང་དུ་གཤེགས། ཞག་གསུམ་གྱི་བར་འོད་གསལ་ཆེན་པོའི་ངང་དུ་གནས། ཐུགས་དམ་གསལ་འདེབས་དང་སྐུ་གདུང་ཆས་ཞུགས་ཀྱི་ཞབས་ཕྱི་རྣམས་ཅི་ལྟར་དགོས་པ་ངེད་རང་ནས་བསྒྲུབས། གདུང་གི་མེ་མཆོད་བཤེས་གཉེན་དམ་པ་བླ་མ་ནམ་མཁའ་དཔལ་བཟང་གིས་ཕུལ་བར་མཛད། སྐུ་གདུང་ཆས་ཞུགས་དང་སྦྱིན་སྲེག་གི་སྐབས་ནམ་མཁའ་ཐམས་ཅད་འཇའ་འོད་ཀྱིས་ཁེངས་པ་དང། ལྷག་པར་ནུབ་ཕྱོགས་ཀྱི་ནམ་མཁའི་ཕྱོགས་ཐམས་ཅད་འཇའ་སྤྲིན་རྨ་བྱའི་མགྲིན་པ་ལྟ་བུས་ཁྱབ་པ་སོགས་བྱུང་། གདུང་རུས་རྣམས་བྱིང་ལ་སཱཙྪ་བཏབ་ཆུ་བོ་ཆེན་མོར་གདན་དྲངས། ཉུང་ཤས་ལ་སྐུ་བརྙན་དང་སཱཙྪ་བཏབ་པ་བཅས་ལ་བྱང་ཆུབ་མཆོད་རྟེན་མདའ་ཚད་མ་ཞིག་བཞེངས་ཏེ་འཇམ་མགོན་སངས་རྒྱས་ཕུན་ཚོགས་ཀྱི་སྐུ་གདུང་བཞུགས་པའི་ལྷ་ཁང་དུ་བཞུགས་སུ་གསོལ། སྐུ་ཆས་རྣམས་ཇི་ལྟར་ཡོད་པ་ས་སྐྱོང་ཁྲི་ཆེན་བླ་མ་དང་། ངེད་ནས་ཞབས་འགྱུར་ཞུས་པས་བསོད་ནམས་ཀྱི་སྐལ་བ་ཤིན་ཏུ་ཆེ་བར་མཆིས། ཞེས་སོ། །ཡང་རྟོགས་བརྗོད་དེ་ཉིད་ལས། ལོ་དར་གྱིས་སྟོད་སྨད་གང་དུའང་བུམ་གཏེར་སུམ་བརྒྱ་ནས་བརྒྱ་ཕྲག་ལྷག་པའི་བར་བསྒྲུབས་ཏེ་སོ་སོར་ཕན་ཆ་བྱེད་པར། སྒྲུབ་ཚུལ་ཀྱང་མང་དུ་མཆིས་རུང་། འཕྲལ་ཕུག་ཐམས་ཅད་དུ་དགེ་ཕྱིར་སངས་རྒྱས་ཀླུ་དབང་རྒྱལ་པོ་གཙོ་བོར་བསྐྱེད། དགོན་སྡེ་ཡུལ་ཁམས་ཐམས་ཅད་ལ་བསོད་ནམས་སྤེལ་ཕྱིར། དེའི་མགྲོན་དུ་ནོར་ལྷ་ཕོ་མོ། ལྷ་ཀླུ་གཞི་བདག་གིས་བསྐོར་བ་དང་། ས་བདག་ཀླུ་གཉན་དང་སྡེ་བརྒྱད་ཀྱི་ནད་ལས་གྲོལ་བའི་ཕྱིར། ཀླུ་དབང་རྒྱལ་པོའི་ལྷ་ཚོགས་ལ་སེང་གེ་སྒྲ་དང་ལྷ་ཀླུ་རྣམས་ཀྱིས་བསྐོར་བ་ཞིག་དང་། དེ་དག་དང་མཐུན་པའི་གསོལ་གདབ་དང་བདེན་སྟོབས་བརྗོད་པ་ཞིག་བྱས་པས་གང་དུ་ཡང་དགེ་མཚན་ཆེ་བར་བྱུང་འདུག །དམིགས་བསལ་དགོས་རིགས་རྣམས་དམ་པ་གོང་མའི་གསུང་རབ་དྲི་མ་མེད་པ་ལྟར་ལག་ལེན་གང་ཐེབས་བགྱིས། ཞེས་དང་། ལྷུན་གྲུབ་སྟེང་གི་ཕོ་བྲང་གསར་བཞེངས་ཀྱི་ཕྱོགས་མཚམས་སྟེང་འོག་དང་། བང་མཛོད་རྣམས་སུ་བརྟན་གཡོའི་སྣོད་བཅུད་ཀྱི་དགེ་ལེགས་ཐམས་ཅད་བཀུག་སྟེ། འདོད་རྒུའི་དཔལ་ཡོན་མཐའ་དག་འབྱུང་ཕྱིར་གཏེར་དུ་སྦ་བར་མཛད་རྒྱུའི་ནོར་བུམ་གྱི་སྐོར་ལ། དམར་པོ་སྐོར་གསུམ། ཛཾ་དམར། ཛཾ་སེར། ཛཾ་ནག །དཀར་པོ་འབྲུག་ཞོན་ལྷ་ལྔ། མགོན་དཀར་ཡིད་བཞིན་ནོར་བུ། ཀླུའི་དབང་ཕྱུག་རྒྱལ་པོ། རྗེ་བཙུན་སེང་གེ་སྒྲ། རྒྱལ་པོ་ཆེན་པོ་རྣམ་ཐོས་སྲས་ཀྱི་སྐོར་དང་། གཞན་ཡང་བཅོམ་ལྡན་འདས་མ་གཙུག་ཏོར་གདུགས་དཀར་མོ་དང་། འཇམ་དཔལ་གཤིན་རྗེ་གཤེད་ཀྱི་སྐོར། རྡོ་རྗེ་ནག་པོ་ཆེན་པོ་གུར་གྱི་མགོན་པོ་དང་། ཞིང་སྐྱོང་སྟོབས་འཕྲོག་དབང་པོ། ནོར་སྐྱོང་དུར་ཁྲོད་ཀྱི་བདག་པོ། ཌཱ་ཀི་སེང་གེའི་གདོང་པ་ཅན་སོགས་ཀྱི་སྒོ་ནས་བསྟན་པའི་སྦྱིན་བདག་ཆེན་པོའི་རིགས་བརྒྱུད་དང་བཅས་པའི་སྐུ་ཚེ་ཆོས་སྲིད་དཔལ་འབྱོར་མངའ་ཐང་ལོངས་སྤྱོད་དང་མངའ་འབངས་སུ་གཏོགས་པའི་དགོན་སྡེ་ཡུལ་འབྲོག་གླིང་གསུམ་གྱི་མི་ནོར་རྫས་གསུམ་རྟག་ཏུ་བསྲུང་ཞིང་མི་མཐུན་པའི་གཡུལ་ཐམས་ཅད་ལས་རྣམ་པར་རྒྱལ་བའི་ཕྱིར་དམ་པ་གོང་མའི་དགོངས་པ་ལྟར་ལག་ལེན་ཡང་དག་པའི་སྒོ་ནས་བསྒྲུབས་ཏེ་ཆོས་རྒྱལ་ཆེན་པོའི་དགོངས་བཞེད་ལྟར་སོ་སོར་བཞུགས་སུ་གསོལ། །ཞེས་འབྱུང་བ་བུམ་གཏེར་ལ་སྐུ་དང་། སྔགས་བྱང་། ཁྱད་པར་གྱི་རྫས་སོགས་སོ་སོར་བཅུག་ནས་སྤྱི་འགྲོའི་མངོན་རྟོགས་ཀྱིས་བསྒྲུབ་པར་མཛད་དམ་སྙམ། །མངྒ་ལཾ།། །། ༈

[edit]

mkhan chen dpal ldan chos skyong gi rnam thar las/ mkhan chen dpal ldan chos skyong gi rnam thar las/__rdo rje 'dzin pa bkra shis bzang po'i rnam thar thor bur gsungs pa ni/__dam pa de nyid ni gzhi tshul khrims rnam par dag pa la gnas pa dang/__theg chen rgyal ba'i sras po'i 'jug sgo rin po che de nyid tshe rabs du mar sbyangs pa mthar phyin pa'i stobs kyis/__sku tshe 'dir yang gzhan phan gyi thugs bskyed la gcig tu gzhol zhing bzod pa thob pa dang /__rig 'dzin sngags kyi sdom pa rnams kyang tshul bzhin du legs par nos te/__thos pa dang bsam pa dang sgom pa phul du phyin cing/__rgyud sde rgya mtshor 'jug pa'i ded dpon chen por dbang bsgyur nas/__ming tsam dang brda tsam dang tha snyad tsam ma yin par rgyud sde mtha' dag gi dbang dang byin rlabs kyi rim pa rjes gnang khrid lung zhal shes kyi gdams pa rab tu gnas pa dang /__rdo rje slob dpon gyis bgyi bar 'os pa'i phyag len gyi rim pa che phra chung gsum mtha' dag sogs kyis bstan pa rin po che spyi dang /__khyad par chos grwa chen po lhun grub steng gi rgyan dam par sku drin yun du che ba zhig ni yin par/__nges par don gyis rdo rje 'chang dbang dam par go zhing /__bdag cag nas kyang sbas pa'i rnal 'byor de nyid kyi zhal las bcom ldan 'das 'khor lo sdom pa dpal mkha' 'gro rgya mtsho'i dkyil 'khor du dbang bskur ba ngor chen rdo rje 'chang gi gsung rab dri ma med pa'i steng nas legs par nos pas/__rang nyid dang yang tshe rabs thog ma med pa nas smon lam gyi las skal shin tu bzang ba zhig mchis/__zhes dang /__bla rgan nyid kyang dgung lo grangs mang ba bcas zhabs 'bam gyis bsnyun yun ring bas/__nged nas kun rig dbang dang rjes gnang gcig gnyis tsam phul/__zla ba bdun pa'i nang gi tshes bcu skor tsam nas bsnyung gzhi nyob shas 'dra mo zhig gis bdun cu don bdun pa tshes nyi shu la dag pa'i zhing du gshegs/__zhag gsum gyi bar 'od gsal chen po'i ngang du gnas/__thugs dam gsal 'debs dang sku gdung chas zhugs kyi zhabs phyi rnams ci ltar dgos pa nged rang nas bsgrubs/__gdung gi me mchod bshes gnyen dam pa bla ma nam mkha' dpal bzang gis phul bar mdzad/__sku gdung chas zhugs dang sbyin sreg gi skabs nam mkha' thams cad 'ja' 'od kyis khengs pa dang/__lhag par nub phyogs kyi nam mkha'i phyogs thams cad 'ja' sprin rma bya'i mgrin pa lta bus khyab pa sogs byung /__gdung rus rnams bying la sAts+tsha btab chu bo chen mor gdan drangs/__nyung shas la sku brnyan dang sAts+tsha btab pa bcas la byang chub mchod rten mda' tshad ma zhig bzhengs te 'jam mgon sangs rgyas phun tshogs kyi sku gdung bzhugs pa'i lha khang du bzhugs su gsol/__sku chas rnams ji ltar yod pa sa skyong khri chen bla ma dang /__nged nas zhabs 'gyur zhus pas bsod nams kyi skal ba shin tu che bar mchis/__zhes so/__/yang rtogs brjod de nyid las/__lo dar gyis stod smad gang du'ang bum gter sum brgya nas brgya phrag lhag pa'i bar bsgrubs te so sor phan cha byed par/__sgrub tshul kyang mang du mchis rung /__'phral phug thams cad du dge phyir sangs rgyas klu dbang rgyal po gtso bor bskyed/__dgon sde yul khams thams cad la bsod nams spel phyir/__de'i mgron du nor lha pho mo/__lha klu gzhi bdag gis bskor ba dang /__sa bdag klu gnyan dang sde brgyad kyi nad las grol ba'i phyir/__klu dbang rgyal po'i lha tshogs la seng ge sgra dang lha klu rnams kyis bskor ba zhig dang /__de dag dang mthun pa'i gsol gdab dang bden stobs brjod pa zhig byas pas gang du yang dge mtshan che bar byung 'dug__/dmigs bsal dgos rigs rnams dam pa gong ma'i gsung rab dri ma med pa ltar lag len gang thebs bgyis/__zhes dang /__lhun grub steng gi pho brang gsar bzhengs kyi phyogs mtshams steng 'og dang /__bang mdzod rnams su brtan g.yo'i snod bcud kyi dge legs thams cad bkug ste/__'dod rgu'i dpal yon mtha' dag 'byung phyir gter du sba bar mdzad rgyu'i nor bum gyi skor la/__dmar po skor gsum/__dzaM dmar/__dzaM ser/__dzaM nag__/dkar po 'brug zhon lha lnga/__mgon dkar yid bzhin nor bu/__klu'i dbang phyug rgyal po/__rje btsun seng ge sgra/__rgyal po chen po rnam thos sras kyi skor dang /__gzhan yang bcom ldan 'das ma gtsug tor gdugs dkar mo dang /__'jam dpal gshin rje gshed kyi skor/__rdo rje nag po chen po gur gyi mgon po dang /__zhing skyong stobs 'phrog dbang po/__nor skyong dur khrod kyi bdag po/__DA ki seng ge'i gdong pa can sogs kyi sgo nas bstan pa'i sbyin bdag chen po'i rigs brgyud dang bcas pa'i sku tshe chos srid dpal 'byor mnga' thang longs spyod dang mnga' 'bangs su gtogs pa'i dgon sde yul 'brog gling gsum gyi mi nor rdzas gsum rtag tu bsrung zhing mi mthun pa'i g.yul thams cad las rnam par rgyal ba'i phyir dam pa gong ma'i dgongs pa ltar lag len yang dag pa'i sgo nas bsgrubs te chos rgyal chen po'i dgongs bzhed ltar so sor bzhugs su gsol/__/zhes 'byung ba bum gter la sku dang /__sngags byang /__khyad par gyi rdzas sogs so sor bcug nas spyi 'gro'i mngon rtogs kyis bsgrub par mdzad dam snyam/__/mang+ga laM//____//_!