JKW-KABUM-19-DZA-001-019

🚧 This website is under continued development. We appreciate your patience!

Previous Text Back to Volume PageNext Text

ཡང་རྣམ་ཐར་ལུང་བཏུས་སྣ་ཚོགས།

Wylie title	yang rnam thar lung btus sna tshogs
Location	mkhyen brtse'i bka' 'bum Volume 19, sde tshan 1, Text 19, Pages 186-191 (Folios 93b6 to 96a1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. yang rnam thar lung btus sna tshogs. In 'jam dbyangs mkhyen brtse'i dbang po'i bka' 'bum, Vol. 19: 186-191. Khams sde dge rdzong sar dgon: Rdzong sar blo gros phun tshogs, 2020.
Genre	History Texts - lo rgyus  ·  Religious History Texts - chos 'byung

1 Texts in this Section (sde tshan or chos tshan)

19 186-191	ཡང་རྣམ་ཐར་ལུང་བཏུས་སྣ་ཚོགས། yang rnam thar lung btus sna tshogs History Texts - lo rgyus   ·   Religious History Texts - chos 'byung	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

འཇམ་དཔལ་རྩ་རྒྱུད་ཀྱི་ལེའུ་ཐ་མ་ལས་འཕགས་ཡུལ་དང་། བོད་དང་། རྒྱ་ནག་སོགས་ཀྱི་རྒྱལ་པོ་ཤིན་ཏུ་མང་བ་ལུང་བསྟན། དེ་དག་གི་བར་བར་དུ་ཀླུ་སྒྲུབ། ཐོགས་མེད། དཔའ་བོ། ཆོས་གྲགས་པ། ཀུན་སྙིང་སོགས་ལུང་བསྟན་པར་སྣང་ངོ་།། །། ༈ རྗེ་བཙུན་གྲགས་པའི་སློབ་མ་གྲགས་པའི་མཐའ་ཅན་བཞི་ནི། གསལ་བ་དབང་ཕྱུག་གྲགས། ནུབ་པ་རིག་འཛིན་གྲགས། དཀར་ཤཱཀྱ་གྲགས། བནྡེ་གཤིན་རྗེ་གྲགས་རྣམས་སོ། །ཆོས་དྲུག་ལུགས་གསུམ་ནི། མེས་ཚོན་པོ། རྨོག་ལྕོག་པ། གཙང་གཞེར་ནས་བརྒྱུད་པ་གསུམ་མོ། ། ༈ གྲོལ་མཆོག་ནི། གློ་བོ་མ་ཐང་དུ་གཉགས་སྟོན་ཤཱཀྱ་མུ་ནེའི་རིགས་ལས་འཁྲུངས། དགུང་ལོ་གསུམ་པར་དྲུང་ཆོས་རྗེར་སྐྱབས་སྡོམ་དང་། ཕྱི་ལོ་དགེ་བསྙེན་བཞེས། སྐབས་དེར་མདོ་སྡེ་དང་སྐྱེས་རབས་ཀློག་པས་ཕལ་ཆེར་ཐུགས་སུ་ཆུད། བདུན་པར་དྲུང་ཆོས་རྗེར་གཤེད་དམར་ལྷ་ལྔའི་དབང་གསན། གསང་མཚན་ཞེ་སྡང་རྣམ་པར་དག་པའི་རྡོ་རྗེར་གསོལ། ཞེན་པ་བཞི་བྲལ་གྱི་ཉམས་ཁྲིད་གསན་པས་ཉམས་རྟོགས་ཁྱད་པར་ཅན་འཁྲུངས། གཞུང་ཆེན་རྣམས་ཐུགས་ལ་བཟུང་། བཅུ་པར་དྲུང་ལས་དགེ་ཚུལ་བཞེས། དབང་ལུང་མང་དུ་གསན། དེ་ནས་གསེར་མདོག་ཅན་དུ་ཕེབས། དྲུང་རིན་པོ་ཆེ་ཨ་མོ་གྷ་སིདྡྷཱ་ར་མཚན་ཉིད་དང་། ཡོངས་འཛིན་དུ་མར་སྔགས་ཕྱོགས་རྒྱ་ཆེར་གསན་པས་མཁས་གྲུབ་ཆེན་པོར་གྱུར། ངོར་ཨེ་ཝྃ་དུ་བསྙེན་པར་རྫོགས། དབང་བརྒྱ། ཁྲིད་བརྒྱ། མགོན་བརྒྱ་སོགས་དམ་པའི་ཆོས་རྒྱ་མཚོ་ལྟ་བུ་འཆད་ཉན་མཛད། མི་ཆེན་ཐམས་ཅད་ཀྱིས་བླ་མར་བཀུར་བས་ཕྲིན་ལས་ཆེ། རྒྱས་པར་རྗེ་ཉིད་ཀྱིས་མཛད་པའི་རྣམ་ཐར་སྐལ་བཟང་དད་པའི་ཤིང་རྟ་འདྲེན་བྱེད་དུ་གསལ། དེ་སྐྱེ་བ་ཕྱི་མར། རྒྱ་གར་ག་ཡ་ཞེས་པའི་གྲོང་ཁྱེར་དུ་དགའ་བྱེད་ས་སྐྱོང་དང་། དེའི་ཕྱི་མ་ཐམས་ཅད་མཁྱེན་པ་ཏ་ར་ནཱ་ཐ་སྟེ། རྗེ་འདི་ཡུལ་དབུས་འབྲང་ཞེས་བྱ་བའི་གྲོང་དུ་ཆོས་འཁོར་སྙིང་པོ་ཞེས་བྱ་བར་ཤིང་ཕག་ལོར་འཁྲུངས། རྗེ་ཉིད་ཀྱི་མེས་པོ་དང་། སྟག་ལུང་རིན་པོ་ཆེ། རྡོ་རིང་དབོན་པོ་ཀུན་དགའ་རྒྱལ་མཚན། བྲག་སྟོད་པ་ལྷ་དབང་གྲགས་པ། ཇོ་ནང་པ་སྤྲུལ་སྐུ་བྱམས་པའི་མཚན་ཅན་སོགས་མཁས་གྲུབ་ཀྱི་བླ་མ་མང་དུ་བསྟེན། དམ་པའི་ཆོས་རྒྱ་མཚོ་ལྟ་བུ་གསན། རྒྱ་གར་གྱི་པཎྜི་ཏ་འགའ་དང་། ཁྱད་པར་གྲུབ་ཆེན་སངས་རྒྱས་སྦས་པ་སོགས་ལས་ཀྱང་ཟབ་ཆོས་བཞེས་ཤིང་ལོ་ཙཱ་ཡང་མཛད། མེ་ཡོས་ལོར་རྟག་བརྟན་ཕུན་ཚོགས་གླིང་བཏབ། ལེགས་བཤད་མཆོག་ཏུ་ཆེ་བའི་བཀའ་འབུམ་པོད་བཅུ་དྲུག་ཙམ་སྤར་ལ་བཞུགས། རྒྱས་པར་རྗེ་རང་གིས་མཛད་པའི་རྣམ་ཐར་དུ་གསལ། དེའི་སྐུ་སྐྱེ་ནི་ཁལ་ཁ་རྗེ་བཙུན་དམ་པ་བློ་བཟང་བསྟན་པའི་རྒྱལ་མཚན་ནོ།། །། ༈ མཆོག་ཟུང་གི་རྗེས་སུ་འབྲངས་ནས། ཀོ་ཀི་ཡི་ཀ་གཉིད་སད་དེ་བདས་ཀྱང་རྫུ་འཕྲུལ་གྱིས་ལམ་འགགས་ཏེ་མ་ཟིན། དེར་སྟོན་པས་རྟེན་འབྲེལ་ལུགས་འབྱུང་ལུགས་ལྡོག་བཤད་པས་རྒྱུན་ཞུགས་དགྲ་བཅོམ་པའི་བར་དུ་བསྟོད། རྒྱལ་བྱེད་ཀྱི་ཚལ་དུ་དབྱེན་འདུམས་ཀྱི་མཆོད་རྟེན་ཡང་བརྩིགས་སོ། ། ༈ མྱ་ངན་ལས་འདས་ཀར་དགེ་སློང་རྣམས་ལ་འདུ་ཤེས་བཅུ་པའི་མདོ་གསུང་གི་ཐ་མར་བསྟན། ། ༈ འཇམ་དཔལ་རྩ་རྒྱུད་ལས། དེ་འོག་རྭ་ལ་དེ་འོག་བསྒྲེངས། །ཞེས་སོ། ། ༈ རྒྱལ་མེ་ཏོག་ཐང་ནི་འོལ་དྭགས་མཚམས་སུ་རྗེ་དགེ་འདུན་རྒྱ་མཚོས་བཏབ། ། ༈ སློབ་དཔོན་མཚན་བརྒྱད་ཀྱི་རྣམ་༢༡༢ཐར་མཚམས་ཉུང་བསྡུས་ཤིག་ཡོད། ། ༈ ལྡེབ་ལ་༢༠༤རྙིང་མའི་བསྟན་བཅོས་ཡོད་ཚུལ་མང་དུ་སྣང་། ། ༈ དགོངས་པ་ཡང་ཟབ་ལས། ཀྲོ་ཏ་ལོ་ཀོཏྟ་ར་ཞེས༔ ཁྲོ་བོ་འཇིག་རྟེན་འདས་པར་འགྱུར༔ ནོར་བུའི་བང་མཛོད་ལས། ང་ཡི་གསུང་གི་གདུལ་བྱ་ཡིས༔ བོད་ལ་བདེ་སྐྱིད་འབྱུང་འདོད་ན༔ ཡར་ངོའི་ཚེས་བཅུ་ནམ་ཤར་ཚེ༔ ཨོ་རྒྱན་པདྨའི་སྤྲུལ་པ་འབྱུང་༔ ཞེས་དང་། རཏྣ་གླིང་པའི་གཏེར་བྱོན་ཡང་སྙིང་འདུས་པའི་བསྐུལ་བྱང་ལས། ང་ཉིད་སྲིན་ཡུལ་འགྲོ་བའི་ཚེ༔ བོད་ཀྱི་རྒྱལ་པོའི་སྔགས་སློབ་ལ༔ འབྱུང་ངོ་ཅོག་གི་ཚེས་བཅུ་ལ༔ ང་ཉིད་འབྱོན་པའི་དབུ་བསྙུངས་བཞེས༔ པདྨ་འབྱུང་གནས་གཞན་མི་བསླུ༔ ཐེ་ཚོམ་སྤོངས་ཤིག་རྗེས་འཇུག་རྣམས༔ ལས་སུ་རུང་བའི་བློ་ཡོད་ན༔ འདི་ལྟར་ང་ཡི་ཚེས་བཅུ་ལ༔ བརྩོན་ཅིང་གསོལ་བ་འདེབས་པའི་བུ༔ འཁོར་བར་ལྷུང་ན་ངས་ཤེས་ཀྱི༔ བློ་སྙིང་བྲང་གསུམ་ང་ལ་གཏོད༔ ཅེས་སོ། །དེ་ཡང་སྟག་ཟླ་ཕྱག་རྒྱ་ཆེན་པོ་དང་ལྷུན་གྲུབ། སྦྲུལ་ཟླར་ཚེ། སྤྲེལ་ལ་ལྷུན་གྲུབ། ཕག་ལ་རྣམ་སྨིན་རིག་འཛིན་ཐོབ། ཡོས་ལ་ཞི། རྟ་ལ་རྒྱས། བྱར་དབང་། བྱི་བར་དྲག་པོ་འགྲུབ། འབྲུག་གིས་ལུས་ཀྱི་ནད་གདོན་ཞི། ལུག་གིས་ཚེ་བསོད་བུ་ནོར་འཕེལ། ཁྱིར་གང་འདོད་འགྲུབ། གླང་ལ་མི་མཐུན་ཕྱོགས་དང་དགྲ་བགེགས་ཞི་བར་གསུངས། དེ་ཡང་བདེ་མཆོག་རྩ་རྒྱུད་ལས༢༧། དེ་ལྟར་རྟག་ཏུ་མཆོད་བྱས་ནས། །གུས་པའི་ཡིད་ཀྱིས་གཏོར་མ་བྱིན། །རང་འདོད་ལས་ལ་རྣལ་འབྱོར་པས། །ཆོ་ག་ཇི་བཞིན་སྦྱིན་བར་བྱ། །མར་གྱི་ངོ་ཡི་ཚེས་བཅུ་དང་། །ཟླ་བ་ཡར་ངོ་གང་རུང་ལ། །ཞེས་དང་། ཡང་ཐོག་མར་མཁའ་འགྲོ་རྒྱ་མཚོ་སོགས་ཀྱི་ལོ་མགོ་དང་སྦྱར་ཏེ་རྒྱལ་ཟླ་ངོས་བཟུང་དགོས་པར། ཀུན་སྤྱོད་ལས། དགུན་ཟླ་འབྲིང་པོ་ལ་སོགས་ཀྱི། །བཅུ་པ་ལ་ནི་གུས་པས་མཆོད། །ཅེས་དང་། སྤྱིར་གཏོར་ཚོགས་གསོག་པར་འདོད་ན་ཡར་ངོ་དང་། སྡིག་པ་ཞི་བར་འདོད་ན་མར་ངོའི་བཅུ་སོགས་སུ་མཆོད་པ་འབད་པར་བཤད། ། ༈

[edit]

yang rnam thar lung btus sna tshogs/ 'jam dpal rtsa rgyud kyi le'u tha ma las 'phags yul dang /__bod dang /__rgya nag sogs kyi rgyal po shin tu mang ba lung bstan/__de dag gi bar bar du klu sgrub/__thogs med/__dpa' bo/__chos grags pa/__kun snying sogs lung bstan par snang ngo //____//_!_rje btsun grags pa'i slob ma grags pa'i mtha' can bzhi ni/__gsal ba dbang phyug grags/__nub pa rig 'dzin grags/__dkar shAkya grags/__ban+de gshin rje grags rnams so/__/chos drug lugs gsum ni/__mes tshon po/__rmog lcog pa/__gtsang gzher nas brgyud pa gsum mo/___/__!_grol mchog ni/__glo bo ma thang du gnyags ston shAkya mu ne'i rigs las 'khrungs/__dgung lo gsum par drung chos rjer skyabs sdom dang /__phyi lo dge bsnyen bzhes/__skabs der mdo sde dang skyes rabs klog pas phal cher thugs su chud/__bdun par drung chos rjer gshed dmar lha lnga'i dbang gsan/__gsang mtshan zhe sdang rnam par dag pa'i rdo rjer gsol/__zhen pa bzhi bral gyi nyams khrid gsan pas nyams rtogs khyad par can 'khrungs/__gzhung chen rnams thugs la bzung /__bcu par drung las dge tshul bzhes/__dbang lung mang du gsan/__de nas gser mdog can du phebs/__drung rin po che a mo g+ha sid+d+hA ra mtshan nyid dang /__yongs 'dzin du mar sngags phyogs rgya cher gsan pas mkhas grub chen por gyur/__ngor e wa~M du bsnyen par rdzogs/__dbang brgya/__khrid brgya/__mgon brgya sogs dam pa'i chos rgya mtsho lta bu 'chad nyan mdzad/__mi chen thams cad kyis bla mar bkur bas phrin las che/__rgyas par rje nyid kyis mdzad pa'i rnam thar skal bzang dad pa'i shing rta 'dren byed du gsal/__de skye ba phyi mar/__rgya gar ga ya zhes pa'i grong khyer du dga' byed sa skyong dang /__de'i phyi ma thams cad mkhyen pa ta ra nA tha ste/__rje 'di yul dbus 'brang zhes bya ba'i grong du chos 'khor snying po zhes bya bar shing phag lor 'khrungs/__rje nyid kyi mes po dang /__stag lung rin po che/__rdo ring dbon po kun dga' rgyal mtshan/__brag stod pa lha dbang grags pa/__jo nang pa sprul sku byams pa'i mtshan can sogs mkhas grub kyi bla ma mang du bsten/__dam pa'i chos rgya mtsho lta bu gsan/__rgya gar gyi paN+Di ta 'ga' dang /__khyad par grub chen sangs rgyas sbas pa sogs las kyang zab chos bzhes shing lo tsA yang mdzad/__me yos lor rtag brtan phun tshogs gling btab/__legs bshad mchog tu che ba'i bka' 'bum pod bcu drug tsam spar la bzhugs/__rgyas par rje rang gis mdzad pa'i rnam thar du gsal/__de'i sku skye ni khal kha rje btsun dam pa blo bzang bstan pa'i rgyal mtshan no//____//_!_mchog zung gi rjes su 'brangs nas/__ko ki yi ka gnyid sad de bdas kyang rdzu 'phrul gyis lam 'gags te ma zin/__der ston pas rten 'brel lugs 'byung lugs ldog bshad pas rgyun zhugs dgra bcom pa'i bar du bstod/__rgyal byed kyi tshal du dbyen 'dums kyi mchod rten yang brtsigs so/___/__!_mya ngan las 'das kar dge slong rnams la 'du shes bcu pa'i mdo gsung gi tha mar bstan/___/__!_'jam dpal rtsa rgyud las/__de 'og rwa la de 'og bsgrengs/__/zhes so/___/__!_rgyal me tog thang ni 'ol dwags mtshams su rje dge 'dun rgya mtshos btab/___/__!_slob dpon mtshan brgyad kyi rnam 212thar mtshams nyung bsdus shig yod/___/__!_ldeb la 204rnying ma'i bstan bcos yod tshul mang du snang /___/__!_dgongs pa yang zab las/__kro ta lo kot+ta ra zhes:__khro bo 'jig rten 'das par 'gyur:__nor bu'i bang mdzod las/__nga yi gsung gi gdul bya yis:__bod la bde skyid 'byung 'dod na:__yar ngo'i tshes bcu nam shar tshe:__o rgyan pad+ma'i sprul pa 'byung :__zhes dang /__rat+na gling pa'i gter byon yang snying 'dus pa'i bskul byang las/__nga nyid srin yul 'gro ba'i tshe:__bod kyi rgyal po'i sngags slob la:__'byung ngo cog gi tshes bcu la:__nga nyid 'byon pa'i dbu bsnyungs bzhes:__pad+ma 'byung gnas gzhan mi bslu:__the tshom spongs shig rjes 'jug rnams:__las su rung ba'i blo yod na:__'di ltar nga yi tshes bcu la:__brtson cing gsol ba 'debs pa'i bu:__'khor bar lhung na ngas shes kyi:__blo snying brang gsum nga la gtod:__ces so/__/de yang stag zla phyag rgya chen po dang lhun grub/__sbrul zlar tshe/__sprel la lhun grub/__phag la rnam smin rig 'dzin thob/__yos la zhi/__rta la rgyas/__byar dbang /__byi bar drag po 'grub/__'brug gis lus kyi nad gdon zhi/__lug gis tshe bsod bu nor 'phel/__khyir gang 'dod 'grub/__glang la mi mthun phyogs dang dgra bgegs zhi bar gsungs/__de yang bde mchog rtsa rgyud las27/__de ltar rtag tu mchod byas nas/__/gus pa'i yid kyis gtor ma byin/__/rang 'dod las la rnal 'byor pas/__/cho ga ji bzhin sbyin bar bya/__/mar gyi ngo yi tshes bcu dang /__/zla ba yar ngo gang rung la/__/zhes dang /__yang thog mar mkha' 'gro rgya mtsho sogs kyi lo mgo dang sbyar te rgyal zla ngos bzung dgos par/__kun spyod las/__dgun zla 'bring po la sogs kyi/__/bcu pa la ni gus pas mchod/__/ces dang /__spyir gtor tshogs gsog par 'dod na yar ngo dang /__sdig pa zhi bar 'dod na mar ngo'i bcu sogs su mchod pa 'bad par bshad/___/__!_