JKW-KABUM-17-TSA-002-006

🚧 This website is under continued development. We appreciate your patience!

Previous Text Back to Volume PageNext Text

རིན་ཆེན་རིལ་བུ་གཏོང་བའི་ཚུལ་ལ།

Wylie title	rin chen ril bu gtong ba'i tshul la
Location	mkhyen brtse'i bka' 'bum Volume 17, sde tshan 2, Text 6, Pages 211-216 (Folios 33a2 to 35b4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. rin chen ril bu gtong ba'i tshul la. In 'jam dbyangs mkhyen brtse'i dbang po'i bka' 'bum, Vol. 17: 211-216. Khams sde dge rdzong sar dgon: Rdzong sar blo gros phun tshogs, 2020.
Genre	Medicine Texts - gso ba rig pa
Colophon	།རིན་པོ་ཆེའི་རིལ་བུ་གཏོང་བ་དང་ཉམས་པ་གསོ་བའི་ལག་ལེན་སྤར་བཅངས་སུ་བསྟན་པ་ས་མབྟ་མི་ཐི།
	rin po che'i ril bu gtong ba dang nyams pa gso ba'i lag len spar bcangs su bstan pa sa mab+ta mi thi

1 Texts in this Section (sde tshan or chos tshan)

6 211-216	རིན་ཆེན་རིལ་བུ་གཏོང་བའི་ཚུལ་ལ། rin chen ril bu gtong ba'i tshul la Medicine Texts - gso ba rig pa	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

རིན་ཆེན་རིལ་བུ་གཏོང་བའི་ཚུལ་ལ། སྦྱོར་དངོས་རྗེས་གསུམ་ལས། དང་པོ་ནི། གཟའ་སྐར་དུས་ཚེས་ཤིས་པའི་ཉིན། དབེན་ཞིང་ཉམས་དགའ་བའི་གནས་སུ། གཡུང་དྲུང་བྲིས་པའི་གདན་གྱི་སྟེང་དུ་གྲོ་འབོ་གང་དང་། དེ་སྟེང་རས་དཀར་གྱི་གཞི་གདན་ངོས་སུ་འབྲས་དཀར་པོས་སྣ་ཚོགས་རྡོ་རྗེ་དང་། ཕྱོགས་བཞིར་གཡུང་དྲུང་བཞི་བྲི། དར་སེར་པོས་དགབ། དེ་སྟེང་ལྷུང་བཟེད་འབྲུ་སྣ་ཚོགས་ཀྱིས་བཀང་བའི་ནང་ཨ་རུ་ར་བཞིའི་སྟེགས་ཀྱི་ཁར། ཤེལ་ལམ། དཀར་ཡོལ། གསེར་དངུལ་ལྟ་བུའི་ཡོལ་གོ་གཙང་མར་ཇ་བཟང་ཤོང་དཀར་གྱི་རྩེ་མོའི་ཁུ་བའི་དྭངས་མ་སུན་གཅིག་གི་ནང་རིལ་བུ་བཅུག །ཁ་དར་དམར་པོས་བཅད། དེ་སྟེང་ཆོས་གོས་བཞི་བསྟབས་དང་། དེ་སྟེང་སྨན་རྒྱལ་གྱི་སྐུ་༢༤༨རྒྱུད་ད་ལ་སྨན་མདོ་བཞུགས། དར་སྔོན་པོའི་ལྡིང་གུར་ཕུབ། མཐའ་བསྐོར་སྨན་རག་གཏོར་ཚོགས་དང་། བཟང་དྲུག་སོགས་སྐོང་བའི་རྫས་དམིགས་བསལ་རྣམས་དང་། གཞན་ཡང་ཉེར་སྤྱོད་འདོད་ཡོན་གྱི་རིགས་གྱ་ནོམས་པ་མཐོང་བརྒྱུད་ལྟར་བཤམས། སྐབས་སུ་བབས་པ་ན་ནད་པ་ཁ་ཤར་ལ་བལྟ་ཞིང་། སྨན་པའང་དེ་མཐུན་སྟན་བདེ་བར་བསྡད། ནད་བྱིངས་ཆེ་བའི་རིགས་ཞག་གསུམ་བཞིའི་གོང་ནས་བསྡུ་བའི་ཐང་ཐང་ཆེན་ཉེར་ལྔ་སོགས་སྐབས་སུ་གང་འོས་བླུད། སྤྱིར་དོ་ནུབ་གཏང་ན་ཉིན་གུང་ཙམ་ནས་ལྟོ་བཀུག་དགོང་མོ་གཡེར་མ་ཉེར་གཅིག་ཙམ་གྱི་ཐང་ཕོར་པ་གང་ཙམ་གཏང་བས་རྩ་ཁ་དབྱེ། དེ་ནས་སྐྱབས་སེམས་སྔོན་དུ་འགྲོ་བས། དཀར་ཕྱོགས་སྐྱོང་བའི་ཚོགས་དང་འབྱུང་པོ་རྣམས་ལ་གཏོར་མ་སྦྱིན་ནས་བགེགས་བསྐྲད་ནན་ཏན་དུ་བྱ། སྲུང་བའི་འཁོར་ལོས་བཅིངས། བསྐྱེད་བཟླས་སོགས་སྨན་བླ་ལོངས་སྐུའི་བསྒྲུབ་ཐབས་སོར་བཞག་ལ། བཟླས་པའི་འཇུག་ཏུ། ཨོཾ་ཨ་ཀ་ལི། ཀུ་ཀུ་རི་ཧ་འུང་། འབུ་ཛུ་བྷ་ཏི་བྷ་རི་སེ་དྷནྡྷ་བྷིས། བྷག་འུང་། ཨ་ན་བྷིས། བྷེས་འང་གུང་། བྷི་ས་ཀ་རི་ཀ་འུང་། བྷིས་གང་བྷི་བྷིས། ཧ་ར་ཧ་ར། མེ་ཧཱུྃ་ཁྱི་སྭཱ་ཧཱ། པྲ་བྷ་ར་བྷིས། ལ་ཧི་ཀ་ར་རོ། །ཨ་མྲྀ་ཏ། ཀ་རི་ས་རི་ན་རོ། །མ་ཧཱ་དེ་རོ་ནི་ལནྐནྡྷ་དྷ་རོ་ཧོ་ར་ཙ་ཧ་རི་བྷིས། ནནྟི་བྷིས། ཨོཾ་ཤད་དེ་ཤད་དེ་སྭཱ་ཧཱ། ཨོཾ་ཤད་ཤད་བི་ཤད་སྭཱ་ཧཱ། ཨོཾ་དཀྲུག་ལེ་ཧྲཱི། ཨ་ཧྲཱི་ཁ། བརྒྱ་འམ་ཉེར་གཅིག་བཟླས། མཐར་དབྱངས་གསལ་དང་རྟེན་སྙིང་ཅི་མང་བརྗོད། དེ་ནས་མཆོད་ཅིང་བསྟོད་ལ་གསོལ་བ་གདབ། ཞང་བློན་སྡེ་དགུ་ལ་གཏོར་མ་བསྔོ། བརྗོད་མེད་དོན་བཤགས་སྔོན་དུ་འགྲོ་བས་ཚོགས་ཀྱི་ཡོ་བྱད་བསང་སྦྱངས། ཚོགས་ཕུད་ཕུལ། བསྐང་བཤགས་བྱ། གཉིས་པ་ནི། བདུད་རྩི་ཐུན་མཚམས་འཆར་བ་དང་བསྟུན་སྟེ། རིན་ཆེན་རིལ་བུ་བཏེགས་ཏེ་ནད་པའི་སྔས་མགོར་ཕྱིན་ལ། དཔག་ཡས་བསོད་ནམས་སོགས་བརྒྱུད་འདེབས་གཏོང་། བཀའ་སྲུང་དྲེགས་བྱེད་ཚོགས་ལ་གསོལ་བ་འདེབས། ཞེས་པའི་མཚམས་སྨན་པའི་སྲིན་ལག་གིས་བཤིག་ཏེ། འཚོ་མཛད་སྨན་པའི་རྒྱལ་པོ་བཅོམ་ལྡན་འདས། སོགས་ནས་གཟུངས་སྔགས་ཚར་བདུན་བརྗོད་ཅིང་ཕུད་མཆོད། རང་གིས་ཀྱང་མྱང་། གསེར་གཟུངས་བཟླ་བཞིན་པས་བླུད་ནས་དབྱངས་གསལ་རྟེན་སྙིང་དང་། སྟོང་ཆེན་རབ་འབྱམས་ནས་གསུངས་པའི་བདེན་ཚིག་དང་ཤིས་པ་བརྗོད་ཅིང་མེ་ཏོག་འཐོར་སྟན་ལ་འདུག་སྟེ། བདག་ནི་སྐྱེ་བ་སོགས་དཀྱུས་བཞིན་དང་། ཚོགས་ཀྱི་དངོས་གྲུབ་བླངས་ཏེ་རང་གིས་ཀྱང་རོལ། ནད་པ་ལའང་རྟེན་འབྲེལ་ཙམ་སྦྱིན། དེ་ནས་ཆུ་བསྐོལ་ཚ་མོ་ཞིག་འཐུངས་སུ་གཞུག །གོས་ཤིན་ཏུ་དྲོ་བས་དབྱིབ་ཅིང་རྔུལ་འདོན་བྱ། ལྷག་མ་ནས་བཟུང་རྗེས་ཆོག་དཀྱུས་བཞིན་དུ་གཏོང་ངོ་། །གསུམ་པ་ནི། སང་ཉི་ཤར་དུས་དོམ་མཁྲིས་དང་། ཁ་ཆེ་ཐུན་གཅིག་མར་ཁུ་གསར་པ་བཙག་བཅད་ལ་བཏབ་སྟེ་གཏོང་ནས་རྩ་ཁ་བསྡམས། དེ་ནས་ཉིན་ཕྱེད་ཚུན་ལ་ཟས་མི་ཟ། དེ་ནས་དཀར་གསུམ་སོགས་བཀྲ་ཤིས་༼རིལ་བུ་བསྟན་དུས་ཟངས་ཐལ་མར་སྦྱར་བྱུགས་པ་དང་། རྩ་ཁ་བསྡམས་རྗེས་རླུང་གནོན་ཤ་ཆང་བསྟེན་སྲོལ་ཀྱང་སྣང་།༽ པའི་ཁ་ཟས་ཀྱིས་མདུན་གསུས་ཏེ་བག་ཀྱིས་ཀློད། འོན་ཀྱང་ཁ་ཚ་རུལ་སུམ་དང་། ཉ་ཕག་སྒོ་ང་བྲ་བོ་འཕྱུར་བ་སྟར་བུ་ཆང་སྐྱུར་སོགས་དང་། ཁམ་བུ་ཀུ་ཤུ་སོགས་སྔོ་ངད། རྩིབ་མའི་བར་ཤ །སོག་པའི་ཁྲུམ་ཁྲུམ་སོགས་སྤངས། སྤྱོད་ལམ་ཡང་དྲག་ཤུལ་གྱི་ལས་དང་། རྟ་རྒྱུག ཉིན་གཉིད། བུད་མེད། མགོ་འཇུག་ལྡོག་ཏེ་ཉལ་བ། ཆུ་ཆེན་བརྒལ་བ། རྐང་རྗེན་གྱིས་འགྲོ་བ། ཧ་ཀྱང་འཁྱག་པ་སོགས་དང་། ཝ་ཞབས་སྐས་ཞབས་བུད་མེད་དང་། ཁྱི་དང་། བྱི་ལས་འགོམས་པ། གྲིབ་དང་མི་གཙང་བའི་རིགས་དང་། བཤལ་སྐྱུགས་གཏར་ག་བཟི་སྨན་རྣམས་གཏན་དུ་སྤངས་བའམ། དེ་ལས་སྒོག་བཙོང་ཕག་ཤ་འཕྱུར་བ་དང་། ཝ་སྐས་ཁྱི་དང་བྱི་ལས་འགོམ་པ་དང་། མེ་ཆུ་བརྒལ་བ་རྣམས་ཟླ་གཅིག བཤལ་སྐྱུགས་གཏར་ག་ཟླ་བ་གསུམ་ཚུན་ཆད་སྤངས། དེ་ལས་གཞན་རབ་གཏན། འབྲིང་ལོ་གསུམ། ཐ་མ་ཡང་ལོ་གཅིག་བར་དུ་ངེས་པར་སྤངས་དགོས། དེ་ལྟར་བསྟེན་པས་ནད་བཞི་བརྒྱ་རྩ་བཞི། གདོན་སྟོང་ཕྲག་བརྒྱད་བཅུ། དུས་མ་ཡིན་པའི་འཆི་བ་བརྒྱད་ལ་སོགས་པ་ཐམས་ཅད་ཞི་ཞིང་། ཚེ་བསོད་དཔལ་འབྱོར་ལུས་ཟུང་རྒྱས། མཐར་ཐུགས་མཁའ་སྤྱོད་ཀྱི་རིག་པ་འཛིན་པར་འགྱུར་པ་སོགས་ཕན་ཡོན་བསམ་གྱིས་མི་ཁྱབ་པ་རྒྱུད་དང་གྲུབ་པའི་སློབ་དཔོན་ཆེན་པོ་རྣམས་ཀྱིས་མཛད་པའི་གཞུང་དག་ལས་ཤེས་པར་བྱའོ། །ཞར་ལ་མཛེ་ཅན་དམེ་ཕོ་དམ་ཉམས་སོགས་ཀྱི་ལག་ཏུ་འགྲིམ་པ་དང་། ནམ་མཁའ་མཐོང་བ་དང་། ཁྱི་དང་བུད་མེད་བྱི་ལ་སོགས་ཀྱིས་རེག་པས་ཉམས་པ་རྣམས་གསོ་བའི་ཕྱག་ལེན་ནི། ཚེས་བཅོ་ལྔའི་དུས་སུ། ས་མ་རུབ་ཙམ་ནས་ཨ་རུ་སོགས་བཟང་སྨན་སྣ་ཚོགས་ཀྱིས་བཀང་བའི་རིན་པོ་ཆེའི་སྣོད་དུ་རིལ་བུ་ཉིད་དར་དམར་གྱིས་བསྟུམ་ལ་ཁ་བཅད་དེ་བཞག །མཐའ་མཆོད་པས་བསྐོར། སྐྱབས་སེམས་སྔོན་དུ་འགྲོ་བས་གཞི་བདག་ལ་གཏོར་མ་དང་། བགེགས་གཏོར་བྱིན། གུ་གུལ་བདུག་ཅིང་། ཧཱུྃ་བཞིས་སྔགས་ལན་མང་དུ་བརྗོད་པའམ། ཡང་ན་སྦྱོང་བ་སྤྱི་ལྟར་བྱས་ནས་བགེགས་ནན་ཏན་དུ་ཕྲལ། དེ་ནས་སྲུང་འཁོར་བསྒོམས་ཤིང་ལས་གཞུང་བསྲངས། བཟླས་པ་ཇི་ལྟར་རིགས་པའི་རྗེས། ཟླ་བ་ཤར་བ་དང་བསྟུན་ཞལ་ཁེབ་བསལ་ནས་ཟླ་བ་མ་གཤེགས་ཀྱི་བར་སྔགས་གསེར་གཟུངས་ངག་བཅད་དེ་ཟླ་བ་གཤེགས་འཕྲལ་ཞལ་ཁེབ་རྒྱབ། མཆོད་བསྟོད་གསོལ་འདེབས་ཚོགས་འཁོར་སོགས་དཀྱུས་བཞིན་མཐའ་རྒྱས་སུ་བྱས་ལ་བརྟན་བཞུགས་རབ་གནས་ནན་ཏན་དང་ཤིས་བརྗོད་རྒྱས་པར་བྱས་ནས་ནང་དུ་གདན་དྲངས་ལ་བཅའ་ག་ལེགས་པར་བྱས་ཤིང་མཆོད་གྲལ་དུ་བསྐུར་བསྟི་དང་བཅས་རེ་ཞིག་འཇོག་ཏེ་དེ་ནས་ཚགས་བྱའོ། །གོང་གི་སྨན་གཏོང་བའི་དུས་སུ་བདུད་རྩི་ཐུན་མཚམས་དང་འགྲིགས་ངེས་དང་། ཉམས་གསོའི་དུས་སུ་སྟོན་ཟླ་ལྟ་བུ་ཟླ་བ་སྤྲིན་དང་བྲལ་བ་ཤིན་ཏུ་གལ་ཆེའོ། །སྔར་གྱི་གསེར་གཟུངས་དེ་ཉེར་གཅིག་མ་ཆག་པས་དུག་སྲུངས། བརྒྱ་རྩ་བརྒྱད་ཀྱིས་གཞན་གསོ། མཐིང་ཤོག་ལ་ཚེགས་མེད་དབུ་ཅན་དུ་གསེར་གྱི་བྲིས་ཏེ་བཏགས་པས་སྦྱར་དང་གྱུར་དང་དངོས་ཀྱིས་དུག་ཀུན་སྲུང་ངོ་། །རིན་པོ་ཆེའི་རིལ་བུ་གཏོང་བ་དང་ཉམས་པ་གསོ་བའི་ལག་ལེན་སྤར་བཅངས་སུ་བསྟན་པ་ས་མབྟ་མི་ཐི། ། ༈

[edit]

rin chen ril bu gtong ba'i tshul la/ rin chen ril bu gtong ba'i tshul la/__sbyor dngos rjes gsum las/__dang po ni/__gza' skar dus tshes shis pa'i nyin/__dben zhing nyams dga' ba'i gnas su/__g.yung drung bris pa'i gdan gyi steng du gro 'bo gang dang /__de steng ras dkar gyi gzhi gdan ngos su 'bras dkar pos sna tshogs rdo rje dang /__phyogs bzhir g.yung drung bzhi bri/__dar ser pos dgab/__de steng lhung bzed 'bru sna tshogs kyis bkang ba'i nang a ru ra bzhi'i stegs kyi khar/__shel lam/__dkar yol/__gser dngul lta bu'i yol go gtsang mar ja bzang shong dkar gyi rtse mo'i khu ba'i dwangs ma sun gcig gi nang ril bu bcug__/kha dar dmar pos bcad/__de steng chos gos bzhi bstabs dang /__de steng sman rgyal gyi sku 248rgyud da la sman mdo bzhugs/__dar sngon po'i lding gur phub/__mtha' bskor sman rag gtor tshogs dang /__bzang drug sogs skong ba'i rdzas dmigs bsal rnams dang /__gzhan yang nyer spyod 'dod yon gyi rigs gya noms pa mthong brgyud ltar bshams/__skabs su babs pa na nad pa kha shar la blta zhing /__sman pa'ang de mthun stan bde bar bsdad/__nad byings che ba'i rigs zhag gsum bzhi'i gong nas bsdu ba'i thang thang chen nyer lnga sogs skabs su gang 'os blud/__spyir do nub gtang na nyin gung tsam nas lto bkug dgong mo g.yer ma nyer gcig tsam gyi thang phor pa gang tsam gtang bas rtsa kha dbye/__de nas skyabs sems sngon du 'gro bas/__dkar phyogs skyong ba'i tshogs dang 'byung po rnams la gtor ma sbyin nas bgegs bskrad nan tan du bya/__srung ba'i 'khor los bcings/__bskyed bzlas sogs sman bla longs sku'i bsgrub thabs sor bzhag la/__bzlas pa'i 'jug tu/__oM a ka li/__ku ku ri ha 'ung /__'bu dzu b+ha ti b+ha ri se d+han+d+ha b+his/__b+hag 'ung /__a na b+his/__b+hes 'ang gung /__b+hi sa ka ri ka 'ung /__b+his gang b+hi b+his/__ha ra ha ra/__me hU~M khyi swA hA/__pra b+ha ra b+his/__la hi ka ra ro/__/a mr-i ta/__ka ri sa ri na ro/__/ma hA de ro ni lan+kan+d+ha d+ha ro ho ra tsa ha ri b+his/__nan+ti b+his/__oM shad de shad de swA hA/__oM shad shad bi shad swA hA/__oM dkrug le hrI/__a hrI kha/__brgya 'am nyer gcig bzlas/__mthar dbyangs gsal dang rten snying ci mang brjod/__de nas mchod cing bstod la gsol ba gdab/__zhang blon sde dgu la gtor ma bsngo/__brjod med don bshags sngon du 'gro bas tshogs kyi yo byad bsang sbyangs/__tshogs phud phul/__bskang bshags bya/__gnyis pa ni/__bdud rtsi thun mtshams 'char ba dang bstun ste/__rin chen ril bu btegs te nad pa'i sngas mgor phyin la/__dpag yas bsod nams sogs brgyud 'debs gtong /__bka' srung dregs byed tshogs la gsol ba 'debs/__zhes pa'i mtshams sman pa'i srin lag gis bshig te/__'tsho mdzad sman pa'i rgyal po bcom ldan 'das/__sogs nas gzungs sngags tshar bdun brjod cing phud mchod/__rang gis kyang myang /__gser gzungs bzla bzhin pas blud nas dbyangs gsal rten snying dang /__stong chen rab 'byams nas gsungs pa'i bden tshig dang shis pa brjod cing me tog 'thor stan la 'dug ste/__bdag ni skye ba sogs dkyus bzhin dang /__tshogs kyi dngos grub blangs te rang gis kyang rol/__nad pa la'ang rten 'brel tsam sbyin/__de nas chu bskol tsha mo zhig 'thungs su gzhug__/gos shin tu dro bas dbyib cing rngul 'don bya/__lhag ma nas bzung rjes chog dkyus bzhin du gtong ngo /__/gsum pa ni/_sang nyi shar dus dom mkhris dang /__kha che thun gcig mar khu gsar pa btsag bcad la btab ste gtong nas rtsa kha bsdams/__de nas nyin phyed tshun la zas mi za/__de nas dkar gsum sogs bkra shis (ril bu bstan dus zangs thal mar sbyar byugs pa dang /__rtsa kha bsdams rjes rlung gnon sha chang bsten srol kyang snang /)__pa'i kha zas kyis mdun gsus te bag kyis klod/__'on kyang kha tsha rul sum dang /__nya phag sgo nga bra bo 'phyur ba star bu chang skyur sogs dang /__kham bu ku shu sogs sngo ngad/__rtsib ma'i bar sha__/sog pa'i khrum khrum sogs spangs/__spyod lam yang drag shul gyi las dang /__rta rgyug__nyin gnyid/__bud med/__mgo 'jug ldog te nyal ba/__chu chen brgal ba/__rkang rjen gyis 'gro ba/__ha kyang 'khyag pa sogs dang /__wa zhabs skas zhabs bud med dang /__khyi dang /__byi las 'goms pa/__grib dang mi gtsang ba'i rigs dang /__bshal skyugs gtar ga bzi sman rnams gtan du spangs ba'am/__de las sgog btsong phag sha 'phyur ba dang /__wa skas khyi dang byi las 'gom pa dang /__me chu brgal ba rnams zla gcig__bshal skyugs gtar ga zla ba gsum tshun chad spangs/__de las gzhan rab gtan/__'bring lo gsum/__tha ma yang lo gcig bar du nges par spangs dgos/__de ltar bsten pas nad bzhi brgya rtsa bzhi/__gdon stong phrag brgyad bcu/__dus ma yin pa'i 'chi ba brgyad la sogs pa thams cad zhi zhing /__tshe bsod dpal 'byor lus zung rgyas/__mthar thugs mkha' spyod kyi rig pa 'dzin par 'gyur pa sogs phan yon bsam gyis mi khyab pa rgyud dang grub pa'i slob dpon chen po rnams kyis mdzad pa'i gzhung dag las shes par bya'o/__/zhar la mdze can dme pho dam nyams sogs kyi lag tu 'grim pa dang /__nam mkha' mthong ba dang /__khyi dang bud med byi la sogs kyis reg pas nyams pa rnams gso ba'i phyag len ni/__tshes bco lnga'i dus su/__sa ma rub tsam nas a ru sogs bzang sman sna tshogs kyis bkang ba'i rin po che'i snod du ril bu nyid dar dmar gyis bstum la kha bcad de bzhag__/mtha' mchod pas bskor/__skyabs sems sngon du 'gro bas gzhi bdag la gtor ma dang /__bgegs gtor byin/__gu gul bdug cing /__hU~M bzhis sngags lan mang du brjod pa'am/__yang na sbyong ba spyi ltar byas nas bgegs nan tan du phral/__de nas srung 'khor bsgoms shing las gzhung bsrangs/__bzlas pa ji ltar rigs pa'i rjes/__zla ba shar ba dang bstun zhal kheb bsal nas zla ba ma gshegs kyi bar sngags gser gzungs ngag bcad de zla ba gshegs 'phral zhal kheb rgyab/__mchod bstod gsol 'debs tshogs 'khor sogs dkyus bzhin mtha' rgyas su byas la brtan bzhugs rab gnas nan tan dang shis brjod rgyas par byas nas nang du gdan drangs la bca' ga legs par byas shing mchod gral du bskur bsti dang bcas re zhig 'jog te de nas tshags bya'o/__/gong gi sman gtong ba'i dus su bdud rtsi thun mtshams dang 'grigs nges dang /__nyams gso'i dus su ston zla lta bu zla ba sprin dang bral ba shin tu gal che'o/__/sngar gyi gser gzungs de nyer gcig ma chag pas dug srungs/__brgya rtsa brgyad kyis gzhan gso/__mthing shog la tshegs med dbu can du gser gyi bris te btags pas sbyar dang gyur dang dngos kyis dug kun srung ngo /__/rin po che'i ril bu gtong ba dang nyams pa gso ba'i lag len spar bcangs su bstan pa sa mab+ta mi thi/__/_!