JKW-KABUM-16-MA-030-001: Difference between revisions

From Khyentse Lineage - A Tsadra Foundation Project
JKW-KABUM-16-MA-030-001
No edit summary
m (Text replacement - "|editor=rdzong sar blo gros phun tshogs" to "|editor=")
Line 8: Line 8:
|collectiontitletib=མཁྱེན་བརྩེའི་བཀའ་འབུམ་
|collectiontitletib=མཁྱེན་བརྩེའི་བཀའ་འབུམ་
|author='jam dbyangs mkhyen brtse'i dbang po
|author='jam dbyangs mkhyen brtse'i dbang po
|editor=rdzong sar blo gros phun tshogs
|editor=
|authortib=འཇམ་དབྱངས་མཁྱེན་བརྩེའི་དབང་པོ་
|authortib=འཇམ་དབྱངས་མཁྱེན་བརྩེའི་དབང་པོ་
|editortib=རྫོང་སར་བློ་གྲོས་ཕུན་ཚོགས་
|editortib=རྫོང་སར་བློ་གྲོས་ཕུན་ཚོགས་

Revision as of 18:50, 2 March 2022

ཡིག་རིགས་ཉེར་མཁོའི་ཕྱི་མོ་དཔྱོད་ལྡན་མིག་གི་བདུད་རྩི་ཨུཏྤལ་གསར་པའི་ཆུན་པོ།
Wylie title yig rigs nyer mkho'i phyi mo dpyod ldan mig gi bdud rtsi ut+pal gsar pa'i chun po JKW-KABUM-16-MA-030.pdf
Location mkhyen brtse'i bka' 'bum
Volume 16, sde tshan 30, Text 1, Pages 321-327 (Folios 1a to 4a4)
Author འཇམ་དབྱངས་མཁྱེན་བརྩེའི་དབང་པོ་
Less details More details
Citation 'jam dbyangs mkhyen brtse'i dbang po. yig rigs nyer mkho'i phyi mo dpyod ldan mig gi bdud rtsi ut+pal gsar pa'i chun po. In 'jam dbyangs mkhyen brtse'i dbang po'i bka' 'bum, Vol. 16: 321-327. Khams sde dge rdzong sar dgon: Rdzong sar blo gros phun tshogs, 2020.
Genre Linguistics - skad rigs  ·  Literary Arts - sgrung yig dang snyan ngag
Colophon

།སཾ་སྐྲྀ་ཏའི་སྐད་ནཻ་པཱ་ལའི་ཡི་གེ་ལས་ལོ་ཙཱ་བ་མཉྫུ་གྷོ་ཥས་དོན་དང་མཐུན་པར་བསྒྱུར་བ་དགེ། སཱ་དྷུ་པཱ་ཤྱ་ཧོ།

saM skr-i ta'i skad nai pA la'i yi ge las lo tsA ba many+dzu g+ho Shas don dang mthun par bsgyur ba dge/__sA d+hu pA sh+ya ho

1 Texts in this Section (sde tshan or chos tshan)

[edit]
༄༅། །ཝརྞྞཱནཱཾཀུལོཔེཥྠམཱཏཱམཱནམཱཾཙཀྵཱརམྲྀཏོཏྤལནཱབསྱདཱམབིཧརཏིསྨ།།

༄༅། །ཡིག་རིགས་ཉེར་མཁོའི་ཕྱི་མོ་དཔྱོད་ལྡན་མིག་གི་བདུད་རྩི་ཨུཏྤལ་གསར་པའི་ཆུན་པོ་ཞེས་བྱ་བ་བཞུགས་སོ། །

༈ སྡེབ་སྦྱོར་མཉམ་པའི་པྲྀཏྟ་ཡི་གེ་བཅོ་བརྒྱད་པ་བསྟན་འཛིན་གྱི་སྡེ་ཚན་ལས་༣༧༡༥༧ཀྱི་མཚམས་ནས་ཟིན་པ་མེ་ཏོག་གཡོ་བའི་འཁྲི་ཤིང་གི་པྲསྟཱ་རས་བཅིངས་པ་ཛ་ཡནྟུ།། ཡིག་རིགས་ཉེར་མཁོའི་ཕྱི་མོ་དཔྱོད་ལྡན་མིག་གི་བདུད་རྩི་ཨུཏྤལ་གསར་པའི་ཆུན་པོའི་མགོ་གཤམ།

༄༅། །བྱནྟོདྷརྨཾདྷཱསརབཙཔདཾནཱམྣབརྞྞཱཔྲབཉྩོ།། ༄༅། །མཐའ་ཀླས་ཆོས་ཁམས་རྒྱ་མཚོའི་རྗོད་བྱེད་མིང་ཚིག་ཡི་གེའི་སྤྲོས་པ་ཀུན།།

༄༅། །ཛྙཱནསྱསྐནྡྷབུདྷཔརགཏོབྷོགཔུརྞྞཻྈྐབཏྲཻ། ༄༅། །ཇི་བཞིན་རྟོགས་པའི་ཕ་རོལ་སོན་ནས་ཡེ་ཤེས་ཕུང་པོར་ལྷུན་རྫོགས་པའི།

ཨཱཏྦྷུཏྱགམྱཾཙབུདྷསུརལཱནིརྦཙཾནཱདསཱནྟྭཻཿ པྲཱནིཏྱཾཙཀྲེསུབཙནཀུརུཤྲེཡསེབཱཙབཛྲཻཿ རྨད་བྱུང་ལུང་དང་རྟོགས་པའི་བཅུད་ལེན་བརྗོད་བྲལ་ནཱ་དའི་དབྱངས་སྙན་པོས། །རྟག་པ་རྒྱུན་གྱི་འཁོར་ལོར་འདོམས་མཛད་གསུང་གི་རྡོ་རྗེས་དགེ་ལེགས་མཛོད།

།དྲན་པ་ཙམ་གྱིས་ཀུན་ཏུ་རྨོངས་པའི་མུན། །ཕྲ་མོར་བགྱིད་ལ་ཉིན་མོའི་འཇོ་སྒེག་གིས། །མཚོན་མིན་དབྱངས་བདུན་རྫོགས་པའི་ཏམྦུ་ར། །སྒྲོགས་མཛད་མཚོ་བྱུང་ལྷ་མོ་དེས་སྐྱོངས་ཤིག །འདི་ན་གང་ཞིག་ཐམས་ཅད་མཁྱེན་པའི་གྲོང་། །བགྲོད་ལ་རེངས་པའི་སྐལ་བཟང་མཆོག་རྣམས་ཀྱིས། །མང་དུ་ཐོས་པའི་རྐང་སྟེགས་མཐོར་བསྒྲུབས་ཏེ། །ཤེས་བྱ་རྒྱ་མཚོའི་ཕ་རོལ་གཤེགས་པར་འོས། །ཁྱད་པར་ངག་ཚིག་དྲི་མེད་སྦྱོར་བ་ཡིས། །རྣམ་དཔྱོད་ལང་ཚོ་རྒྱས་པའི་དཔལ་མཐོང་ནས། །དེ་དེའི་ཕྱི་མོ་ཡི་གེའི་འདུ་འགོད་ལ། །ཐོག་མ་ཉིད་དུ་བློ་ཡི་བཟོ་བོས་འཆེལ། །སྣ་ཚོགས་ལས་ཀྱི་ཕྱག་རྒྱས་བཏབ་པ་ཡི། །བརྟན་དང་གཡོ་བའི་སྣང་ཚུལ་ཇི་སྙེད་དང་། །རྗེས་སུ་མཐུན་པའི་ཁམས་ཀྱི་གདངས་སྙན་པོ། །རི་མོར་འཕོས་པའི་ཉམས་འགྱུར་ཟད་མི་ཤེས། །དེ་ལྟ་ནའང་རེ་ཞིག་འཕགས་བོད་ཀྱི། །ལྗོངས་སུ་ཉེ་བར་གྲགས་པ་ལས་བརྩམས་ཏེ། །གཟུར་གནས་མིག་གི་བདུད་རྩི་འདིའོ་ཞེས། །བསྟན་ཕྱིར་སྤྲོ་བའི་གོ་སྐབས་ལྷོད་མ་གྱུར། །ཅི་སླད་ཟླ་ཐིགས་ལྷུང་བའི་ཕྱེ་མ་ཡི། །རྨད་བྱུང་མཚར་སྡུག་རྫོགས་པའི་ཀུ་མུ་ཏ་ལྟར། །བློ་ལྡན་མོས་པའི་རྗེས་སུ་ཉེར་ཆགས་པའི། །ཡི་རངས་འཛུམ་དཀར་གསར་པ་ཁོང་ནས་དགོད། །དེ་ཚེ་ཡོངས་འཛིན་འཇམ་དཔལ་གཞོན་ནུ་ཡི། །ཞབས་སེན་སྤྲིན་གྱི་བ་གམ་གྱིས་གསོས་པའི། །སྤོབས་པ་ཅུང་ཟད་དག་པའི་མདོངས་མཐའ་མོ། །ཤེས་བྱའི་ཚུལ་ལ་བག་ཡངས་དཀྱུ་བཞིན་དུ། །ཉུང་ངུའི་ཚིག་སྦྱོར་མེ་ཏོག་སྔོན་འགྲོ་བས། །ཚོགས་གསུམ་ལང་ཚོས་སྒེག་པའི་སོར་མོ་ཡིས། །ཟློས་གར་ཅིར་ཡང་རྩེན་པའི་ངང་ཚུལ་ལ། །དཔྱོད་ལྡན་ཡི་ག་འགུགས་པའི་ཆོ་ག་རྫོགས། །འཕགས་བོད་མཁས་པའི་མགྲིན་པར་ཉེར་བཟུང་བའི། །ལེགས་བཤད་སྦྲང་རྩིའི་ཟེགས་མ་བཏུང་བ་དང་། །ངོ་མཚར་ཡི་གེའི་པདྨོ་འབྱེད་འདོད་ན། །གང་གི་དཔྱིད་དཔལ་དར་འདིར་ཡིད་རྟོན་ཅིག ། ༈ སྒོ་མང་སྒྲིག་འདྲའི་སྒོ་བསྒྲིག་ཞེས་བྱའམ། །ཚག་རྣམས་བསྒྲིགས་འདྲའི་ཚགས་བསྒྲིགས་ཞེས་སུ་གྲགས། །ནང་དཀར་སྒོ་ང་ལྟ་བུ་ཡོད་པ་དང་། །མགོ་གཤམ་ཟླུམ་པོར་ཡོད་པས་ཟླུམ་རིས་ཞེས། །ནང་དཀར་གྲུ་བཞི་དཀར་ནག་སྙོམས་པ་དང་། །བསྟན་བཅོས་པུསྟི་ཀར་འབེབས་དཔེ་རིས་བརྗོད། །འཕྲིན་དང་ལན་གཉིས་བསྐྱེལ་བའི་འཕྲིན་ཡིག་གམ། །དལ་མེད་མྱུར་དུ་འབྲི་བའི་རྒྱུག་ཡིག་གོ། བསིལ་ལྡན་ལྗོངས་འདིར་ཡི་གེའི་རྣམ་འགྱུར་མང་མཆིས་ཀྱང་། །ཡོངས་སུ་གྲགས་པ་རྩ་བའི་ཡི་གེ་འདི་རྣམས་ནི། །འཛམ་གླིང་ཡིག་རིགས་དྲུག་ཅུ་རྩ་བཞི་མཚོན་བྱེད་དུ། །འདི་ན་རྣམ་གྲངས་ལྷག་པོར་སྤྲོས་ཏེ་བཀོད་པའོ། །སརྦ་དཱ་ཀ་ལྱཱ་ཎཾ་བྷ་བ་ཏུ། ། ༈ རྒྱ་གར་སྐད་དུ། པ་ཎ་ཝརྞྞ། བོད་སྐད་དུ། པ་ཎའི་ཡི་གེ། ཐམས་ཅད་མཁྱེན་པ་ལ་ཕྱག་འཚལ་ལོ། །བསྟེན་པར་བྱ་བ་གང་ཡིན་དང་། །དཔལ་དུ་གྱུར་པ་གང་ཡིན་དང་། །ཕུན་སུམ་ཚོགས་པ་གང་ཡིན་པ། །འཇིག་རྟེན་གསུམ་གྱི་མགོན་པོའོ། །འཆི་མེད་ཚོགས་ཀྱི་དཔལ་གྱུར་གང་། །མི་རྣམས་ཀྱི་ཡང་དཔལ་དུ་གྱུར། །ཀུན་ཏུ་གཡོ་ཞིང་སྐྱོད་བྱེད་པའི། །ཁྱབ་མཇུག་ལྷ་དེ་རྒྱལ་གྱུར་ཅིག །དཔའ་བོ་རྣལ་འབྱོར་ཆེན་པོ་སྟེ། །ལྟོ་བ་རྒྱས་པའི་བྷ་རོ་ཌྜ། །རྫུ་འཕྲུལ་ཤུགས་ཀྱི་སྟོབས་པོ་ཆེ། །ཕུན་སུམ་ཚོགས་གང་རྒྱལ་གྱུར་ཅིག །འདི་ལྟ་བུ་འབྲི་བ་དང་ཀློག་པར་བྱས་ན་འཇིག་རྟེན་ན་བསོད་ནམས་ཆེན་པོ་འཐོབ་པར་འགྱུར་ཅེའོ། །སཾ་སྐྲྀ་ཏའི་སྐད་ནཻ་པཱ་ལའི་ཡི་གེ་ལས་ལོ་ཙཱ་བ་མཉྫུ་གྷོ་ཥས་དོན་དང་མཐུན་པར་བསྒྱུར་བ་དགེ། སཱ་དྷུ་པཱ་ཤྱ་ཧོ།། །།

Footnotes

Other Information