JKW-KABUM-16-MA-024-004

🚧 This website is under continued development. We appreciate your patience!

Previous Text Back to Volume PageNext Text

སྒྲོལ་མ་དཀར་མོ་ལ་བསྟེན་པའི་མཎྜལ་བཞི་པའི་ཆོ་ག་ཤིན་ཏུ་བསྡུས་པ།

Wylie title	sgrol ma dkar mo la bsten pa'i maN+Dal bzhi pa'i cho ga shin tu bsdus pa
Location	mkhyen brtse'i bka' 'bum Volume 16, sde tshan 24, Text 4, Pages 204-209 (Folios 11b6 to 14a5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. sgrol ma dkar mo la bsten pa'i maN+Dal bzhi pa'i cho ga shin tu bsdus pa. In 'jam dbyangs mkhyen brtse'i dbang po'i bka' 'bum, Vol. 16: 204-209. Khams sde dge rdzong sar dgon: Rdzong sar blo gros phun tshogs, 2020.
Genre	Notes - zin bris  ·  Ritual and Liturgical Texts - cho ga phyag len
Cycle	ཇོ་ལུགས་སྒྲོལ་དཀར་ (jo lugs sgrol dkar)
Deity	sgrol ma yid bzhin 'khor lo
Colophon	།ཞེས་པའང་ཚུལ་འདི་ལྟར་སྦྱར་བའི་ཕྱག་ལེན་གྱི་ཡི་གེ་མཐོང་བ་ལས་དོན་གྱི་སྙིང་པོ་ཤིན་ཏུ་བསྡུས་ཏེ། ཀུན་མཁྱེན་བླ་མ་དགྱེས་པའི་འབངས་ཨ་བྷ་ཡས་ཟིན་བྲིས་སུ་བཏབ་པ་དགེ་ལེགས་མཆོག་ཏུ་གྱུར་ཅིག
	zhes pa'ang tshul 'di ltar sbyar ba'i phyag len gyi yi ge mthong ba las don gyi snying po shin tu bsdus te/__kun mkhyen bla ma dgyes pa'i 'bangs a b+ha yas zin bris su btab pa dge legs mchog tu gyur cig

1 Texts in this Section (sde tshan or chos tshan)

4 204-209	སྒྲོལ་མ་དཀར་མོ་ལ་བསྟེན་པའི་མཎྜལ་བཞི་པའི་ཆོ་ག་ཤིན་ཏུ་བསྡུས་པ། sgrol ma dkar mo la bsten pa'i maN+Dal bzhi pa'i cho ga shin tu bsdus pa Notes - zin bris   ·   Ritual and Liturgical Texts - cho ga phyag len	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

སྒྲོལ་མ་དཀར་མོ་ལ་བསྟེན་པའི་མཎྜལ་བཞི་པའི་ཆོ་ག་ཤིན་ཏུ་བསྡུས་པ་བཞུགས་སོ། །ཨོཾ་སྭསྟི། རྗེ་བཙུན་སྒྲོལ་མ་དཀར་མོ་ཡིད་བཞིན་འཁོར་ལོ་ལ་བརྟེན་ནས་མཎྜལ་བཞི་པའི་ཆོ་ག་བྱ་བར་འདོད་ན། གནས་དབེན་པར་དཀོན་མཆོག་གི་རྟེན་སྤྱི་དང་སྟེགས་བུའི་དབུས་སུ་རྗེ་བཙུན་མའི་སྣང་བརྙན་བྲིས་འབུར་སྐུ་མེད་ན་མེ་ཏོག་གི་ཚོམ་བུ་དགོད་ཅིང་། རྗེས་ཆོག་གི་སྐབས་སུ་གཤེགས་སུ་གསོལ་བས་ཀྱང་རུང་། གང་རིགས་བཞུགས་པའི་ཟུར་བཞིར་མཎྜལ་ཚོམ་བུ་བདུན་མ་བཞི་དང་། ལོགས་བཞིར་མཆོད་པ་སྣ་ལྔ་ཅི་འབྱོར་པས་བསྐོར། གཏོར་མ་འབུལ་ན་དཀར་ཟླུམ་རྒྱན་ལྡན་བཤམ། གཞན་ཡང་ཉེར་མཁོའི་ཡོ་བྱད་རྣམས་འདུ་བྱ། ཆོ་ག་དངོས་ལ་གཉིས། དཀོན་མཆོག་སྤྱི་དང་། རྗེ་བཙུན་མ་ལ་བརྟེན་ནས་ཚོགས་གསོག་པའོ། །དང་པོ་ནི། བྱང་ཆུབ་སེམས་ཀྱི་བསྔགས་པ་བརྗོད་པ་ནས། མཆོད་པའི་སྤྲིན་གྱི་གཟུངས་བཟླ་བ་ཡན་མཎྜལ་གཅིག་པ་ལྟར་ལ། ཡན་ལག་བདུན་པའི་རྗེས་སུ་སྤྲོ་ན་བྱང་སྡོམ་སྤྱི་ལྟར་བླང་། དེ་ནས་དཀོན་མཆོག་གསུམ་གྱི་ཡོན་ཏན་རྗེས་སུ་དྲན་པས། འདི་ལྟར་སངས་རྒྱས་བཅོམ་ལྡན་འདས་སོགས་སྔོན་དུ་འགྲོ་བས། འདུན་པ་རྩེ་གཅིག་པས། མ་ལུས་སེམས་ཅན་ཀུན་གྱི་མགོན་གྱུར་ཅིང་། །བདུད་སྡེ་དཔུང་བཅས་མི་ཟད་འཇོམས་མཛད་ལྷ། །དངོས་རྣམས་མ་ལུས་ཇི་བཞིན་མཁྱེན་གྱུར་པའི། །བཅོམ་ལྡན་འཁོར་བཅས་གནས་འདིར་གཤེགས་སུ་གསོལ། །བཛྲ་སཱ་མ་ཛཿ ཞེས་སྤྱན་དྲངས་པས་སྐྱབས་གནས་དཀོན་མཆོག་རྒྱ་མཚོའི་ཚོགས་རྣམས་མདུན་གྱི་ནམ་མཁར་མངོན་སུམ་དུ་བཞུགས་པར་གྱུར་པའི་མོས་པས། པདྨ་ཀ་མ་ལཱ་ཡེ་སྟྭཾ་གྱིས་གདན་འབུལ། ཁྲུས་ཀྱི་ཁང་པ་ཤིན་ཏུ་དྲི་ཞིམ་པ། །ཤེལ་གྱི་ས་གཞི་གསལ་ཞིང་འཚེར་བར་བསྟར། །རིན་ཆེན་འབར་བའི་ཀ་བ་ཡིད་འོང་ལྡན། །མུ་ཏིག་འོད་ཆགས་བླ་བྲེ་བྲེས་པ་དེར། །དེ་བཞིན་གཤེགས་པ་རྣམས་དང་དེ་སྲས་ལ། །རིན་ཆེན་བུམ་པ་མང་པོ་སྤོས་ཀྱི་ཆུས། །ཡིད་འོང་ལེགས་པར་བཀང་བ་གླུ་དང་ནི། །རོལ་མོ་བཅས་པ་དུ་མས་སྐུ་ཁྲུས་གསོལ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲི་ཡེ་ཧཱུྃ། དེ་དག་སྐུ་ལ་མཚུངས་པ་མེད་པའི་གོས། །གཙང་ལ་དྲི་རབ་བགོས་པས་སྐུ་ཕྱིའོ། །ཨོཾ་ཧཱུྃ་ཏྲཱྃ་ཧྲཱི་ཨཱཿཀཱ་ཡ་བི་ཤོ་དྷ་ནི་སྭཱ་ཧཱ། དེ་ནས་དེ་ལ་ཁ་དོག་ལེགས་བསྒྱུར་བའི། །ན་བཟའ་ཤིན་ཏུ་དྲི་ཞིམ་དམ་པ་འབུལ། །གོས་བཟང་སྲབ་ལ་འཇམ་པ་སྣ་ཚོགས་དང་། །རྒྱན་མཆོག་བརྒྱ་ཕྲག་དག་ཀྱང་དབུལ་བར་བགྱི། །ཨོཾ་བཛྲ་ཝསྟྲ་ཨཱ་ལཾ་ཀཱ་རཱ་ཡཱ་སྭཱ་ཧཱ། ཞེས་ཁྲུས་གསོལ་ན་བཟའ་དང་རྒྱན་དབུལ། ཇི་སྙེད་སུ་དག་སོགས་བཟང་སྤྱོད་ཡན་ལག་བདུན་པ་དབུལ། མགོན་པོ་ཐུགས་རྗེ་ཆེ་ལྡན་པ། །ཞེས་སོགས་ཤློ་ཀ་གསུམ་དང་། བསྟོད་པར་འོས་པ་སོགས་ཀྱིས་བསྟོད། མཎྜལ་རྒྱས་པའམ། ས་གཞི་སྤོས་ཆུས་སོགས་ཀྱི་འབུལ། ཨོཾ་གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་རཏྣ་མཎྜལ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཨཱཿཧཱུྃ། ཞེས་བརྒྱ་རྩ་སོགས་ཇི་ལྟར་རིགས་པ་ཕུལ། སྐྱབས་གནས་དཀོན་མཆོག་རྒྱ་མཚོ་ཐུགས་རྗེ་ཅན། །ཞེས་སོགས་ནས། ཡར་ངོའི་ཟླ་ལྟར་འཕེལ་ཞིང་རྒྱས་པར་མཛོད། །ཅེས་པའི་བར་གྱིས་འདོད་པའི་དོན་ལ་གསོལ་བ་གདབ་བོ། །གཉིས་པ་ནི། མདུན་རྟེན་བསང་སྦྱང་། ཨཱཿ ཆོས་རྣམས་ཐམས་ཅད་སྟོང་ཞིང་བདག་མེད་ཀྱང་། །ཞེས་སོགས་ནས། ཞི་ཚུལ་དགུ་དང་རྒྱན་ཆ་བཅུ་གསུམ་མཛེས། །ཞེས་པའི་བར་གཞུང་ལྟར་ལ། དེ་མཐར་པད་འདབ་ཉེར་གཅིག་རྒྱས་པའི་དབུས། །དྲན་པས་སྲིད་ཞིའི་འཇིགས་པ་ཀུན་སེལ་ཞིང་། །འདོད་རྒུའི་དངོས་གྲུབ་ཡིད་བཞིན་སྩོལ་མཛད་པའི། །རྗེ་བཙུན་སྒྲོལ་མ་ཉི་ཤུ་རྩ་གཅིག་ནི། །གང་འདུལ་མཚན་དང་སྐུ་ཡི་བཀོད་པ་དང་། །ཕྱག་མཚན་གསལ་རྫོགས་འོད་ཟེར་རབ་འཕྲོ་བ། །ཞི་ཞིང་འཛུམ་ལ་སྒེག་པའི་ཉམས་འགྱུར་ཅན། །བདག་ལ་དགྱེས་ཤིང་བརྩེ་བས་རབ་བཞུགས་པའི། །མཐའ་སྐོར་སངས་རྒྱས་བྱང་སེམས་རིག་པ་འཛིན། །ཞེས་སོགས་ནས། ན་མོ་ན་མ་ཧཱུྃ། ཞེས་པའི་བར་གཞུང་ལྟར་དང་། ལྷ་དང་ལྷ་མིན་ཅོད་པན་སོགས་དང་། རྗེ་བཙུན་འཕགས་མ་སྒྲོལ་མ་དང་། །སོགས་ཀྱི་ཡན་ལག་བདུན་པ་དབུལ། ཁྲུས་གསོལ་རྒྱན་འབུལ་གོང་ལྟར་བྱ། མེ་ཏོག་དམ་པ་སོགས་ཤློ་ཀ་གསུམ་གྱི་མཐར་མཆོད་པའི་སྤྲིན་གྱི་གཟུངས་བརྗོད་པས་མཆོད། མཎྜལ་རྒྱས་བསྡུས་གང་རིགས་བརྒྱ་རྩ་སོགས་ཅི་ནུས་ཕུལ། ཨོཾ། ཆུ་སྐྱེས་ཞལ་གྱི་གེ་སར་ལས། སོགས་ནས། བདུད་བཞིའི་གཡུལ་ལས་རྒྱལ་བར་མཛོད། །ཅེས་པའི་བར་གཞུང་ལྟར་བྱ། ཕན་ཡོན་དྲན་པའི་སྒོ་ནས་ཕྱག་དང་བཅས་པས། ཨོཾ་རྗེ་བཙུན་མ་འཕགས་མ་སྒྲོལ་མ་ལ་ཕྱག་འཚལ་ལོ། །ཕྱག་འཚལ་སྒྲོལ་མ་མྱུར་མ་དཔའ་མོ། །སོགས་ཀྱང་ཕྱག་འཚལ་ཉེར་གཅིག་ཚར་གཉིས་དང་། ལྷ་མོ་ལ་གུས་སོགས་ཕན་ཡོན་དྲན་པ་ཚར་གཅིག་བརྗོད། མདུན་བསྐྱེད་ཀྱི་ཐུགས་ཀར་པདྨ་དང་ཟླ་བའི་གདན་ལ་ཏཱྃ་ཡིག་དཀར་པོའི་མཐར་སྔགས་ཀྱི་ཕྲེང་བས་བསྐོར་བ་ལས་འོད་ཟེར་འཕྲོས། འཕགས་པ་རྣམས་མཆོད། བདག་དང་སེམས་ཅན་ཐམས་ཅད་ཀྱི་འཇིགས་པ་མཐའ་དག་ཞི་བ་དང་། ཕན་པ་དང་བདེ་བའི་འདོད་རྒུ་མ་ལུས་པ་ཡིད་བཞིན་དུ་སྩལ་བར་གྱུར་པར་བསམས་ལ། ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། ཞེས་སྟོང་རྩ་སོགས་ཅི་ནུས་བཟླས་མཐར་ཏཱ་རེ་ཞེས་མཚན་སྔགས་བརྒྱ་ཕྲག་གསུམ་གྱིས་བོས་ནས། རྗེ་བཙུན་བཅོམ་ལྡན་འདས་མ་ཐུགས་རྗེ་ཅན། །སོགས་ནས། ལུང་བསྟན་པ་ཡང་བདག་གིས་དེར་ཐོབ་ཤོག །ཅེས་པའི་བར་སྤྱི་ལྟར་ལ། བདག་གིས་ཚེ་རབས་ཀུན་ཏུ་བསྒྲུབ་པའི་ལྷ། །དུས་གསུམ་སངས་རྒྱས་ཀུན་གྱི་ཕྲིན་ལས་མ། །རབ་དཀར་ཞལ་གཅིག་ཕྱག་གཉིས་སྤྱན་བདུན་མ། །ཡུམ་གྱུར་ཨུཏྤལ་བསྣམས་མའི་བཀྲ་ཤིས་ཤོག །ཅེས་འདོད་དོན་གསོལ་བ་མཎྜལ་དང་པོའོ། །དེ་བཞིན་མཎྜལ་གཉིས་པ་ལ། ལྷ་དང་ལྷ་མིན་སོགས་ཡན་ལག་བདུན་པ་ནས་འདོད་གསོལ་བར་གོང་ལྟར་ལ། ཕྱག་འཚལ་ཉེར་གཅིག་ཚར་གསུམ་དང་། མཎྜལ་གསུམ་པ་ལ་ཡང་དེ་བཞིན་གྱིས་ཕྱག་འཚལ་ཉེར་གཅིག་ཚར་བདུན་སྤར་བ་ཁྱད་པར་རོ། །རྗེས་ནི། གཏོར་མ་འབུལ་བར་སྤྲོ་ན་འདས་གཏོར་གཞུང་ལྟར་དང་། འཇིག་རྟེན་པ་རྣམས་ལ་གཏོར་མ་ཟུར་དུ་བཤམ་པའམ། འདས་གཏོར་གྱི་ལྷག་མ་ཨོཾ་ཨཱཿཧཱུྃ་གིས་སླར་ཡང་བརླབ། ཨ་ཀཱ་རོས་བསྔོ། འཇིག་རྟེན་པ་ཡི་འབྱུང་པོ་རྣམས། །མཆོད་སྦྱིན་གཏོར་མ་འདི་བཞེས་ལ། །སོགས་ཀྱིས་ཕྲིན་ལས་བཅོལ། མ་འབྱོར་པ་དང་སོགས་ཀྱི་མཐར་ཡི་གེ་བརྒྱ་པ་བརྗོད་པས་ནོངས་པ་བཤགས། ཨོཾ། འདིར་ནི་སོགས་རྟེན་ལ་བརྟན་བཞུགས་དང་། བཛྲ་མུཿས་རྟེན་ལ་མ་བརྟེན་པའི་མགྲོན་རྣམས་རང་བཞིན་གྱི་གནས་སུ་གཤེགས་པར་གྱུར་པའི་མོས་པ་བྱ། དགེ་བ་འདི་ཡིས་སྐྱེ་བོ་ཀུན། སོགས་བསྔོ་སྨོན་དང་། ཕུན་སུམ་ཚོགས་པ་སོགས་ཤིས་བརྗོད་རྒྱས་བསྡུས་གང་རིགས་བྱའོ། །དེ་ལྟར་བརྩོན་པས་འཇིགས་པ་ཐམས་ཅད་ཞི་བ་དང་། དངོས་གྲུབ་རྣམ་གཉིས་མྱུར་དུ་འགྲུབ་པ་སོགས་ཕན་ཡོན་བསམ་གྱིས་མི་ཁྱབ་བོ། །ཞེས་པའང་ཚུལ་འདི་ལྟར་སྦྱར་བའི་ཕྱག་ལེན་གྱི་ཡི་གེ་མཐོང་བ་ལས་དོན་གྱི་སྙིང་པོ་ཤིན་ཏུ་བསྡུས་ཏེ། ཀུན་མཁྱེན་བླ་མ་དགྱེས་པའི་འབངས་ཨ་བྷ་ཡས་ཟིན་བྲིས་སུ་བཏབ་པ་དགེ་ལེགས་མཆོག་ཏུ་གྱུར་ཅིག ། ༈

[edit]

sgrol ma dkar mo la bsten pa'i maN+Dal bzhi pa'i cho ga shin tu bsdus pa/ sgrol ma dkar mo la bsten pa'i maN+Dal bzhi pa'i cho ga shin tu bsdus pa bzhugs so/_/oM swasti/__rje btsun sgrol ma dkar mo yid bzhin 'khor lo la brten nas maN+Dal bzhi pa'i cho ga bya bar 'dod na/__gnas dben par dkon mchog gi rten spyi dang stegs bu'i dbus su rje btsun ma'i snang brnyan bris 'bur sku med na me tog gi tshom bu dgod cing /__rjes chog gi skabs su gshegs su gsol bas kyang rung /__gang rigs bzhugs pa'i zur bzhir maN+Dal tshom bu bdun ma bzhi dang /__logs bzhir mchod pa sna lnga ci 'byor pas bskor/__gtor ma 'bul na dkar zlum rgyan ldan bsham/__gzhan yang nyer mkho'i yo byad rnams 'du bya/__cho ga dngos la gnyis/__dkon mchog spyi dang /__rje btsun ma la brten nas tshogs gsog pa'o/__/dang po ni/__byang chub sems kyi bsngags pa brjod pa nas/__mchod pa'i sprin gyi gzungs bzla ba yan maN+Dal gcig pa ltar la/__yan lag bdun pa'i rjes su spro na byang sdom spyi ltar blang /__de nas dkon mchog gsum gyi yon tan rjes su dran pas/__'di ltar sangs rgyas bcom ldan 'das sogs sngon du 'gro bas/__'dun pa rtse gcig pas/__ma lus sems can kun gyi mgon gyur cing /__/bdud sde dpung bcas mi zad 'joms mdzad lha/__/dngos rnams ma lus ji bzhin mkhyen gyur pa'i/__/bcom ldan 'khor bcas gnas 'dir gshegs su gsol/__/badz+ra sA ma dzaH__zhes spyan drangs pas skyabs gnas dkon mchog rgya mtsho'i tshogs rnams mdun gyi nam mkhar mngon sum du bzhugs par gyur pa'i mos pas/__pad+ma ka ma lA ye s+t+waM gyis gdan 'bul/__khrus kyi khang pa shin tu dri zhim pa/__/shel gyi sa gzhi gsal zhing 'tsher bar bstar/__/rin chen 'bar ba'i ka ba yid 'ong ldan/__/mu tig 'od chags bla bre bres pa der/__/de bzhin gshegs pa rnams dang de sras la/__/rin chen bum pa mang po spos kyi chus/__/yid 'ong legs par bkang ba glu dang ni/__/rol mo bcas pa du mas sku khrus gsol/__/oM sarba ta thA ga ta a b+hi She ka ta sa ma ya shri ye hU~M/__de dag sku la mtshungs pa med pa'i gos/__/gtsang la dri rab bgos pas sku phyi'o/__/oM hU~M trA~M hrI AHkA ya bi sho d+ha ni swA hA/__de nas de la kha dog legs bsgyur ba'i/__/na bza' shin tu dri zhim dam pa 'bul/__/gos bzang srab la 'jam pa sna tshogs dang /__/rgyan mchog brgya phrag dag kyang dbul bar bgyi/__/oM badz+ra was+t+ra A laM kA rA yA swA hA/__zhes khrus gsol na bza' dang rgyan dbul/__ji snyed su dag sogs bzang spyod yan lag bdun pa dbul/__mgon po thugs rje che ldan pa/__/zhes sogs sh+lo ka gsum dang /__bstod par 'os pa sogs kyis bstod/__maN+Dal rgyas pa'am/__sa gzhi spos chus sogs kyi 'bul/__oM gu ru sarba ta thA ga ta sa pa ri wA ra rat+na maN+Dal pU dza me g+ha sa mu dra s+pha ra Na sa ma ye AHhU~M/__zhes brgya rtsa sogs ji ltar rigs pa phul/__skyabs gnas dkon mchog rgya mtsho thugs rje can/__/zhes sogs nas/__yar ngo'i zla ltar 'phel zhing rgyas par mdzod/__/ces pa'i bar gyis 'dod pa'i don la gsol ba gdab bo/__/gnyis pa ni/__mdun rten bsang sbyang /__AH__chos rnams thams cad stong zhing bdag med kyang /__/zhes sogs nas/__zhi tshul dgu dang rgyan cha bcu gsum mdzes/__/zhes pa'i bar gzhung ltar la/__de mthar pad 'dab nyer gcig rgyas pa'i dbus/__/dran pas srid zhi'i 'jigs pa kun sel zhing /__/'dod rgu'i dngos grub yid bzhin stsol mdzad pa'i/__/rje btsun sgrol ma nyi shu rtsa gcig ni/__/gang 'dul mtshan dang sku yi bkod pa dang /__/phyag mtshan gsal rdzogs 'od zer rab 'phro ba/__/zhi zhing 'dzum la sgeg pa'i nyams 'gyur can/__/bdag la dgyes shing brtse bas rab bzhugs pa'i/__/mtha' skor sangs rgyas byang sems rig pa 'dzin/__/zhes sogs nas/__na mo na ma hU~M/__zhes pa'i bar gzhung ltar dang /__lha dang lha min cod pan sogs dang /__rje btsun 'phags ma sgrol ma dang /__/sogs kyi yan lag bdun pa dbul/__khrus gsol rgyan 'bul gong ltar bya/__me tog dam pa sogs sh+lo ka gsum gyi mthar mchod pa'i sprin gyi gzungs brjod pas mchod/__maN+Dal rgyas bsdus gang rigs brgya rtsa sogs ci nus phul/__oM/__chu skyes zhal gyi ge sar las/__sogs nas/__bdud bzhi'i g.yul las rgyal bar mdzod/__/ces pa'i bar gzhung ltar bya/__phan yon dran pa'i sgo nas phyag dang bcas pas/__oM rje btsun ma 'phags ma sgrol ma la phyag 'tshal lo/__/phyag 'tshal sgrol ma myur ma dpa' mo/__/sogs kyang phyag 'tshal nyer gcig tshar gnyis dang /__lha mo la gus sogs phan yon dran pa tshar gcig brjod/__mdun bskyed kyi thugs kar pad+ma dang zla ba'i gdan la tA~M yig dkar po'i mthar sngags kyi phreng bas bskor ba las 'od zer 'phros/__'phags pa rnams mchod/__bdag dang sems can thams cad kyi 'jigs pa mtha' dag zhi ba dang /__phan pa dang bde ba'i 'dod rgu ma lus pa yid bzhin du stsal bar gyur par bsams la/__oM tA re tut+tA re tu re swA hA/__zhes stong rtsa sogs ci nus bzlas mthar tA re zhes mtshan sngags brgya phrag gsum gyis bos nas/__rje btsun bcom ldan 'das ma thugs rje can/__/sogs nas/__lung bstan pa yang bdag gis der thob shog__/ces pa'i bar spyi ltar la/__bdag gis tshe rabs kun tu bsgrub pa'i lha/_/dus gsum sangs rgyas kun gyi phrin las ma/__/rab dkar zhal gcig phyag gnyis spyan bdun ma/__/yum gyur ut+pal bsnams ma'i bkra shis shog__/ces 'dod don gsol ba maN+Dal dang po'o/__/de bzhin maN+Dal gnyis pa la/__lha dang lha min sogs yan lag bdun pa nas 'dod gsol bar gong ltar la/__phyag 'tshal nyer gcig tshar gsum dang /__maN+Dal gsum pa la yang de bzhin gyis phyag 'tshal nyer gcig tshar bdun spar ba khyad par ro/__/rjes ni/__gtor ma 'bul bar spro na 'das gtor gzhung ltar dang /__'jig rten pa rnams la gtor ma zur du bsham pa'am/__'das gtor gyi lhag ma oM AHhU~M gis slar yang brlab/__a kA ros bsngo/__'jig rten pa yi 'byung po rnams/__/mchod sbyin gtor ma 'di bzhes la/__/sogs kyis phrin las bcol/__ma 'byor pa dang sogs kyi mthar yi ge brgya pa brjod pas nongs pa bshags/__oM/__'dir ni sogs rten la brtan bzhugs dang /__badz+ra muHsa rten la ma brten pa'i mgron rnams rang bzhin gyi gnas su gshegs par gyur pa'i mos pa bya/__dge ba 'di yis skye bo kun/__sogs bsngo smon dang /__phun sum tshogs pa sogs shis brjod rgyas bsdus gang rigs bya'o/__/de ltar brtson pas 'jigs pa thams cad zhi ba dang /__dngos grub rnam gnyis myur du 'grub pa sogs phan yon bsam gyis mi khyab bo/__/zhes pa'ang tshul 'di ltar sbyar ba'i phyag len gyi yi ge mthong ba las don gyi snying po shin tu bsdus te/__kun mkhyen bla ma dgyes pa'i 'bangs a b+ha yas zin bris su btab pa dge legs mchog tu gyur cig___/__!