JKW-KABUM-23-'A-001-069

🚧 This website is under continued development. We appreciate your patience!

Previous Text Back to Volume PageNext Text

Wylie title	glu ka dag stong chen ma
Location	mkhyen brtse'i bka' 'bum Volume 23, sde tshan 1, Text 69, Pages 133-134 (Folios 67a2 to 67b6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. glu ka dag stong chen ma. In 'jam dbyangs mkhyen brtse'i dbang po'i bka' 'bum, Vol. 23: 133-134. Khams sde dge rdzong sar dgon: Rdzong sar blo gros phun tshogs, 2020.
Genre	Vajra Songs - rdo rje'i glu
Colophon	།ཅེས་སངས་རྒྱས་གཉིས་པ་མཚོ་སྐྱེས་རྡོ་རྗེའི་ཞབས་རྡུལ་ལ་སྤྱི་བོས་རེག་པའི་འཇིགས་བྲལ་གྱི་སློབ་དཔོན་འཇམ་དབྱངས་མཁྱེན་བརྩེའི་དབང་པོ་པདྨ་འོད་གསལ་མདོ་སྔགས་གླིང་པའི་སྡེས་འཇམ་མགོན་རྡོ་རྗེ་འཆང་ཆེན་པོའི་ཆོས་གཞིས་ཕྱ་གཡང་བཀྲ་ཤིས་བདེ་ལྡན་གཡུང་དྲུང་འཁྱིལ་བར་བྲིས་པའི་ཡི་གེ་པ་ནི་སྡེ་སྣོད་འཛིན་པ་བཀྲ་ཤིས་པས་མཛད་པ་བྱང་ཆུབ་ཀྱི་སེམས་རིན་པོ་ཆེའི་མཐུ་ལ་བརྟེན་ནས་ཕྱོགས་དང་དུས་དང་གནས་སྐབས་ཐམས་ཅད་དུ་བཀྲ་ཤིས་པར་གྱུར་ཅིག
	ces sangs rgyas gnyis pa mtsho skyes rdo rje'i zhabs rdul la spyi bos reg pa'i 'jigs bral gyi slob dpon 'jam dbyangs mkhyen brtse'i dbang po pad+ma 'od gsal mdo sngags gling pa'i sdes 'jam mgon rdo rje 'chang chen po'i chos gzhis phya g.yang bkra shis bde ldan g.yung drung 'khyil bar bris pa'i yi ge pa ni sde snod 'dzin pa bkra shis pas mdzad pa byang chub kyi sems rin po che'i mthu la brten nas phyogs dang dus dang gnas skabs thams cad du bkra shis par gyur cig

Tibetan Text

Wylie

[edit]

ཀ་དག་སྟོང་ཆེན་གཞོན་ནུ་བུམ་སྐུའི་བཀའ། །ཁ་སྦྱོར་བདུན་ལྡན་ལྷུན་གྲུབ་ལོངས་སྐུའི་ལུང་། །ག་ལ་བ་དེར་དམིགས་པའི་མོད་ཉིད་ནས། །ང་རྒྱལ་བདུད་འཇོམས་ཁྲག་འཐུང་ཆེན་པོའི་གཏམ། །ཅ་ཅོའི་ངག་དང་གནོད་ཅིང་རྩུབ་པའི་སེམས། །ཆ་ལུགས་འཇིགས་སུ་རུང་བ་སྣ་ཚོགས་གཟུགས། །ཇ་ཆང་མདངས་འཕྲོགས་སྣོད་བཅུད་ཐམས་ཅད་ལའང་། །ཉ་རྒྱས་ཟླ་བ་སྤྲིན་གྱིས་སྒྲིབ་པ་བཞིན། །ཏ་རུའི་ཚེར་ལྟར་རྩུབ་པའི་བསམ་སྦྱོར་གྱི། །ཐ་དད་གནོད་ཅིང་འཚེ་བའི་གདོན་བགེགས་རྣམས། །ད་ནས་བཟུང་སྟེ་ཡུལ་ཕྱོགས་འདི་ཉིད་དུ། །ན་མར་འགལ་རྐྱེན་སྤང་བའི་དམ་བཅའ་ཟུངས། །པ་སངས་ལྟར་དཀར་བྱང་ཆུབ་སེམས་མཆོག་བསྐྱེད། །ཕ་རོལ་ཚུ་རོལ་མཐའ་ལ་མི་གནས་པའི། །བ་བཟང་དཔག་བསམ་ཤིང་ལྟར་དགོས་པའི་ཚོགས། །མ་ལུས་འབྱུང་བའི་དོན་དམ་བྱང་སེམས་སྒོམས། །ཙ་མ་ར་ལྟར་ཁེངས་དྲེགས་བློ་འཆང་ན། །ཚ་གྲང་འབྱུང་འཁྲུག་རྡོ་རྗེའི་མཚོན་ཆར་གྱིས། །ཛ་ལང་སྤྱོད་པ་ཐམས་ཅད་རྡུལ་བརླག་ནས། །ཝ་སྐྱེས་ལྟར་ཞུམ་གནས་སྐབས་ཐོབ་པར་འགྱུར། །ཞྭ་རེངས་བཏང་བའི་ས་བདག་ཀླུ་གཉན་སོགས། །ཟ་ལྟར་རྩུབ་པའི་གདུལ་དཀའི་འབྱུང་པོ་ཀུན། །འ་འུར་དྲག་ཤུལ་གཏུམ་པོའི་ཆོ་འཕྲུལ་གྱིས། །ཡ་མཱནྟ་ཀའི་ཞལ་དུ་བསྟབ་པར་ངེས། །ར་ཧུ་ལ་སོགས་སྡེ་བརྒྱད་ཆེན་པོ་དང་། །ལ་ཀླུང་ཀུན་ཉུལ་ཐེའུ་རང་ཕྲ་མོ་ཡན། །ཤ་ཟ་ཁྲག་འཐུང་རྒྱལ་བསེན་དམ་སྲིའི་ཚོགས། །ས་གསུམ་རྒྱུ་ཞིང་ཀུན་ཏུ་འཚེ་བྱེད་རྣམས། །ཧ་ལ་ལྟ་བུའི་གདུག་པའི་སེམས་ཞི་ནས། །ཨ་དོན་སྐྱེ་མེད་དོན་གྱི་འཇམ་པའི་དབྱངས། །དཀའ་བ་མེད་པ་མྱུར་དུ་ཐོབ་གྱུར་ཏེ། །ཕན་བདེའི་དོན་ཀུན་གྲུབ་པའི་བཀྲ་ཤིས་ཤོག །ཅེས་སངས་རྒྱས་གཉིས་པ་མཚོ་སྐྱེས་རྡོ་རྗེའི་ཞབས་རྡུལ་ལ་སྤྱི་བོས་རེག་པའི་འཇིགས་བྲལ་གྱི་སློབ་དཔོན་འཇམ་དབྱངས་མཁྱེན་བརྩེའི་དབང་པོ་པདྨ་འོད་གསལ་མདོ་སྔགས་གླིང་པའི་སྡེས་འཇམ་མགོན་རྡོ་རྗེ་འཆང་ཆེན་པོའི་ཆོས་གཞིས་ཕྱ་གཡང་བཀྲ་ཤིས་བདེ་ལྡན་གཡུང་དྲུང་འཁྱིལ་བར་བྲིས་པའི་ཡི་གེ་པ་ནི་སྡེ་སྣོད་འཛིན་པ་བཀྲ་ཤིས་པས་མཛད་པ་བྱང་ཆུབ་ཀྱི་སེམས་རིན་པོ་ཆེའི་མཐུ་ལ་བརྟེན་ནས་ཕྱོགས་དང་དུས་དང་གནས་སྐབས་ཐམས་ཅད་དུ་བཀྲ་ཤིས་པར་གྱུར་ཅིག ། ༈

[edit]

glu ka dag stong chen ma/__ ka dag stong chen gzhon nu bum sku'i bka'/__/kha sbyor bdun ldan lhun grub longs sku'i lung /__/ga la ba der dmigs pa'i mod nyid nas/__/nga rgyal bdud 'joms khrag 'thung chen po'i gtam/__/ca co'i ngag dang gnod cing rtsub pa'i sems/__/cha lugs 'jigs su rung ba sna tshogs gzugs/__/ja chang mdangs 'phrogs snod bcud thams cad la'ang /__/nya rgyas zla ba sprin gyis sgrib pa bzhin/__/ta ru'i tsher ltar rtsub pa'i bsam sbyor gyi/__/tha dad gnod cing 'tshe ba'i gdon bgegs rnams/__/da nas bzung ste yul phyogs 'di nyid du/__/na mar 'gal rkyen spang ba'i dam bca' zungs/__/pa sangs ltar dkar byang chub sems mchog bskyed/__/pha rol tshu rol mtha' la mi gnas pa'i/__/ba bzang dpag bsam shing ltar dgos pa'i tshogs/__/ma lus 'byung ba'i don dam byang sems sgoms/__/tsa ma ra ltar khengs dregs blo 'chang na/__/tsha grang 'byung 'khrug rdo rje'i mtshon char gyis/__/dza lang spyod pa thams cad rdul brlag nas/__/wa skyes ltar zhum gnas skabs thob par 'gyur/__/zhwa rengs btang ba'i sa bdag klu gnyan sogs/__/za ltar rtsub pa'i gdul dka'i 'byung po kun/__/'a 'ur drag shul gtum po'i cho 'phrul gyis/__/ya mAn+ta ka'i zhal du bstab par nges/__/ra hu la sogs sde brgyad chen po dang /__/la klung kun nyul the'u rang phra mo yan/__/sha za khrag 'thung rgyal bsen dam sri'i tshogs/_/sa gsum rgyu zhing kun tu 'tshe byed rnams/__/ha la lta bu'i gdug pa'i sems zhi nas/__/a don skye med don gyi 'jam pa'i dbyangs/__/dka' ba med pa myur du thob gyur te/__/phan bde'i don kun grub pa'i bkra shis shog__/ces sangs rgyas gnyis pa mtsho skyes rdo rje'i zhabs rdul la spyi bos reg pa'i 'jigs bral gyi slob dpon 'jam dbyangs mkhyen brtse'i dbang po pad+ma 'od gsal mdo sngags gling pa'i sdes 'jam mgon rdo rje 'chang chen po'i chos gzhis phya g.yang bkra shis bde ldan g.yung drung 'khyil bar bris pa'i yi ge pa ni sde snod 'dzin pa bkra shis pas mdzad pa byang chub kyi sems rin po che'i mthu la brten nas phyogs dang dus dang gnas skabs thams cad du bkra shis par gyur cig__/__!_