PJCW-KABUM-02-KHA-003

🚧 This website is under continued development. We appreciate your patience!

Previous Text Back to Volume PageNext Text

Wylie title	dbu ma'i bstan bcos rtsa ba shes rab kyi bsdus don sa bcad rab tu gsal ba
Location	dpal sprul bka' 'bum Volume 2, Text 3, Pages (Folios to )
Author	དཔལ་སྤྲུལ་རིན་པོ་ཆེ་
Less details More details
Citation
Genre	Commentary Synoptic - bsdus don 'grel pa  ·  Outlines - sa bcad

Tibetan Text

[edit]

༄༅། །དབུ་མའི་བསྟན་བཅོས་རྩ་བ་ཤེས་རབ་ཀྱི་བསྡུས་དོན་ས་བཅད་རབ་ཏུ་གསལ་བ་བཞུགས།

འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །དབུ་མ་རྩ་བའི་ཚིག་ལེའུར་བྱས་པ་འདི་འཆད་པར་བྱེད་པ་ལ་བཞི། མཚན་གྱི་དོན། འགྱུར་གྱི་ཕྱག །གཞུང་གི་དོན། མཇུག་གི་དོན་ནོ། །དང་པོ་ནི་རྒྱ་གར་སྐད་སོགས། གཉིས་པ་ནི། འཇམ་དཔལ་སོགས། གསུམ་པ་ལ་གསུམ། སྟོན་པ་ལ་རྟེན་འབྱུང་མཐའ་བྲལ་དུ་གསུངས་པའི་སྒོ་ནས་བསྟོད་པ། རྟེན་འབྱུང་མཐའ་བརྒྱད་དང་བྲལ་བར་འགྲེལ་བའི་ཚུལ། དེ་ལྟར་བསྟན་པའི་བཀའ་དྲིན་རྗེས་སུ་དྲན་པའི་ཕྱག་བྱ་བའོ། །དང་པོ་ནི། གང་གིས་སོགས། གཉིས་པ་ལ་གསུམ། རྟེན་འབྱུང་རང་བཞིན་གྱིས་སྟོང་བར་བསྟན་པ། དེ་ལྟར་རྟོགས་མ་རྟོགས་པ་ལས་འཁོར་བའི་འཇུག་ལྡོག་བྱེད་ལུགས། རྟེན་འབྱུང་རྟོགས་ན་ལྟ་བ་ངན་པ་ལྡོག་ཚུལ་ལོ། །དང་པོ་ལ་གཉིས། དངོས་ཀྱི་དོན་དང་། རྩོད་པ་སྤང་བའོ། །དང་པོ་ལ་གཉིས། རྒྱུ་འབྲས། བདག་མེད་གཉིས་མདོར་བསྟན་པ་དང་། རྒྱས་པར་བཤད་པའོ། །དང་པོ་ལ་གཉིས། རྒྱུ་འབྲས་ཀྱི་བྱ་བྱེད་ལ་བརྟགས་ནས་ཆོས་ལ་རང་བཞིན་དགག་པ། འགྲོ་འོང་གི་བྱ་བྱེད་ལ་བརྟེན་ནས་གང་ཟག་ལ་རང་བཞིན་དགག་པའོ། །དང་པོ་ལ་གཉིས་འབྲས་བུ་ལ་སྐྱེ་བའི་རང་བཞིན་དགག་པ། སྐྱེ་བྱེད་ལ་རྐྱེན་གྱི་རང་བཞིན་དགག་པའོ། །དང་པོ་ལ་གཉིས། མཐའ་བཞིའི་སྐྱེ་བ་དགག་པའི་དམ་བཅའ། གཞན་སྐྱེ་དགག་པ་ལ་ལུང་འགལ་སྤང་པའོ། །དང་པོ་ནི། བདག་ལས་སོགས། གཉིས་པ་ལ་གཉིས། ལུང་དང་འགལ་བའི་རྩོད་པ་དགོད་པ། ལུང་དང་འགལ་བ་སྤོང་བའོ། །དང་པོ་ནི། རྐྱེན་རྣམས་སོགས། གཉིས་པ་ནི། དངོས་པོ་སོགས། གཉིས་པ་སྐྱེད་བྱེད་ལ་རྐྱེན་གྱི་རང་བཞིན་འགོག་པ་ལ་གསུམ། རྐྱེན་གྱི་རང་བཞིན་ཐུན་མོང་དུ་དགག་པ་དང་། སོ་སོར་དགག་པ། ཐུན་མོང་དུ་དགག་ཚུལ་གཞན་བསྟན་པའོ། །དང་པོ་ལ་གཉིས། བྱེད་པའི་སྒོ་ནས་རྐྱེན་དུ་རྟོག་པ་དགག་པ། ལས་ཀྱི་སྒོ་ནས་རྐྱེན་དུ་རྟོག་པ་དགག་པའོ། །དང་པོ་ལ་གཉིས། སྐྱེ་བའི་བྱ་བ་སྒྲུབ་པའི་རྒྱུ་མཚན་གྱིས་རྐྱེན་དུ་རྟོག་པ་དགག་པ། འབྲས་བུ་སྐྱེ་བའི་རྒྱུ་མཚན་གྱིས་རྐྱེན་དུ་རྟོག་པ་དགག་པའོ། །དང་པོ་ནི། བྱ་བ་རྐྱེན་སོགས། གཉིས་པ་ནི། འདི་དག་སོགས། གཉིས་པ་ལས་ཀྱི་སྒོ་ནས་རྐྱེན་དུ་རྟོག་པ་དགག་པ་ནི། མེད་དམ་སོགས། གཉིས་པ་རྐྱེན་སོ་སོར་དགག་པ་ལ་བཞི། རྒྱུ་རྐྱེན་དམིགས་རྐྱེན། དེ་མ་ཐག་རྐྱེན། བདག་རྐྱེན་ཉིད་ཀྱི་མཚན་ཉིད་དགག་པའོ། །དང་པོ་ནི། གང་ཚེ་སོགས། གཉིས་པ་ནི། ཡོད་པའི་སོགས། གསུམ་པ་ནི། ཆོས་རྣམས་སོགས། བཞི་པ་ནི། དངོས་པོ་སོགས། གསུམ་པ་ཐུན་མོང་དུ་འགོག་ཚུལ་གཞན་བསྟན་པ་ལ་གསུམ། འབྲས་བུ་འབྱུང་བའི་རྒྱུ་མཚན་གྱིས་རྐྱེན་ལ་རང་བཞིན་ཡོད་པ་དགག་པ་འབྲས་བུ་རྐྱེན་ཡིན་མིན་གྱི་རང་བཞིན་ངེས་པ་དགག་པའོ། །དང་པོ་ནི། རྐྱེན་རྣམས་སོགས། གཉིས་པ་ནི། འབྲས་བུ་སོགས་ནས་ཡོད་མིན་ཞེས། གསུམ་པ་ནི། འབྲས་བུ་མེད་པར་ནས། རྐྱེན་མིན་རྐྱེན་དུ་ག་ལ་འགྱུར། ཞེས་སོ། །རབ་བྱེད་དང་པོའོ། ། ༈ གཉིས་པ་འགྲོ་འོང་གི་བྱ་བྱེད་ལ་བརྟགས་ནས་གང་ཟག་ལ་རང་བཞིན་གྱིས་གྲུབ་པ་དགག་པ་ལ་གཉིས། རྒྱས་པར་བཤད་པ་དང་། མཇུག་བསྡུ་བའོ། །དང་པོ་ལ་བཞི། ལས་ལ་བརྟགས་ནས་དགག་པ། བྱེད་པོ་ལ་བརྟེན་ནས་དགག་པ། བྱ་བ་ཡོད་པའི་སྒྲུབ་བྱེད་དགག་པ། བྱ་བ་བརྟགས་ནས་དགག་པའོ། །དང་པོ་ལ་གཉིས། ལམ་གསུམ་ལ་ཐུན་མོང་དུ་བྱ་བ་དགག་པ། བགོམ་པ་ལ་བྱ་བ་བྱེ་བྲག་ཏུ་དགག་པའོ། །དང་པོ་ནི། རེ་ཞིག་སོགས། གཉིས་པ་ལ་གཉིས། ཕྱོགས་སྔ་མ་དགོད་པ་དང་། དེ་འགོག་པའི་རིགས་པའོ། །དང་པོ་ནི། གང་ན་གཡོ་སོགས། གཉིས་པ་ལ་གཉིས། ལས་ཚིག་དང་བྱ་ཚིག་གཅིག་དོན་དང་བཅས་ན་ཅིག་ཤོས་དོན་གྱིས་སྟོང་པ། གཉིས་ཀ་དོན་དང་བཅས་ན་ཧ་ཅང་ཐལ་བའོ། །དང་པོ་ནི། བགོམ་ལ་སོགས། གཉིས་པ་ནི། བགོམ་ལ་འགྲོ་སོགས། གཉིས་པ་བྱེད་པ་པོ་ལ་བརྟེན་ནས་དགག་པ་ལ་གསུམ། འགྲོ་བ་པོ་འགྲོ་བའི་རྟེན་དུ་ཡོད་པ་དགག་པ། རྣམ་གྲངས་གསུམ་གྱིས་གང་ཟག་ལ་འགྲོ་བ་སྤྱིར་དགག་པ། འགྲོ་བ་པོ་ལ་འགྲོ་བ་བྱེ་བྲག་ཏུ་དགག་པའོ། །དང་པོ་ནི། གལ་ཏེ་འགྲོ་སོགས། གཉིས་པ་ནི། རེ་ཞིག་འགྲོ་སོགས། གསུམ་པ་ནི། གང་ཚེ་འགྲོ་སོགས། གསུམ་པ་བྱ་བ་ཡོད་པའི་སྒྲུབ་བྱེད་དགག་པ་ལ་ལྔ། རྩོམ་པ་པོ་ཡོད་པར་དགག་པ། འགྲོ་བའི་ལམ་ཡོད་པར་དགག་པ། འགྲོ་བའི་གཉེན་པོར་ཡོད་པར་དགག་པ། ཐ་མའི་ལྡོག་པ་ཡོད་པ་དགག་པ། གནས་པའི་སྒྲུབ་བྱེད་དགག་པའོ། ། དང་པོ་ནི། སོང་བ་སོགས། གཉིས་པ་ནི། འགྲོ་རྩོམ་སོགས། གསུམ་པ་ནི། རེ་ཞིག་འགྲོ་སོགས། བཞི་པ་ནི། བགོམ་ལ་སོགས། ལྔ་པ་ནི། འགྲོ་བ་དང་སོགས། བཞི་པ་བྱ་བ་ལ་བརྟགས་ནས་དགག་པ་ལ་གཉིས། འགྲོ་བ་པོ་དང་འགྲོ་བ་ལ་གཅིག་དང་ཐ་དད་བརྟགས་ཏེ་དགག་པ། འགྲོ་བ་སོགས་འཇོག་པའི་བྱ་བ་ལ་གཉིས་པོ་ཡོད་མེད་བརྟགས་ནས་དགག་པའོ། །དང་པོ་ནི། འགྲོ་བ་དེ་སོགས། གཉིས་པ་ནི། འགྲོ་བ་སོགས། གཉིས་པ་ལས་དང་བྱེད་པ་པོ་ལ་བྱ་བ་ཐུན་མོང་དུ་དགག་པ་ནི། འགྲོ་བ་ཡིན་སོགས། གཉིས་པ་མཇུག་བསྡུ་བ་ནི། དེ་ཕྱིར་སོགས། རབ་བྱེད་གཉིས་པའོ། ། ༈ གཉིས་པ་བདག་མེད་གཉིས་རྒྱས་པར་བཤད་པ་ལ་ལྔ། ཆོས་དང་གང་ཟག་སོ་སོར་ཕྱེ་སྟེ་བཤད་པ། དངོས་པོ་ཙམ་རང་བཞིན་གྱིས་སྟོང་པར་བསྟན་པ། བདག་མེད་པའི་དེ་ཁོ་ན་ཉིད་ལ་འཇུག་པའི་ཚུལ། དུས་ཀྱི་རང་བཞིན་གྱིས་སྟོང་པར་བསྟན་པ། སྲིད་པའི་རྒྱུན་གྱི་རང་བཞིན་གྱིས་སྟོང་བར་བསྟན་པའོ། །དང་པོ་ལ་གཉིས། ཆོས་ཀྱི་བདག་མེད་བཤད་པ་དང་། གང་ཟག་གི་བདག་མེད་བཤད་པའོ། །དང་པོ་ལ་གཉིས། ཆོས་གསུམ་བདག་མེད་པར་བཤད་པ་དང་། དེ་ལས་བདག་ཡོད་པའི་སྒྲུབ་བྱེད་དགག་པའོ། །དང་པོ་ལ་གསུམ། སྐྱེ་མཆེད་ལ་ཆོས་བདག་དགག་པ། ཕུང་པོ་ལ་ཆོས་བདག་དགག་པ། ཁམས་ལ་ཆོས་བདག་དགག་པའོ། ། དང་པོ་ལ་གཉིས། ཕྱོགས་སྔ་མ་དགོད་པ་དང་། དེ་སུན་དབྱུང་བའོ། །དང་པོ་ནི། ལྟ་དང་སོགས། གཉིས་པ་ལ་གཉིས་ལྟ་བའི་ཆོས་གསུམ་རང་བཞིན་གྱིས་གྲུབ་པ་དགག་པ། རིགས་པ་དེ་གཞན་ལ་སྦྱར་བའོ། །དང་པོ་ལ་གཉིས། མི་ལྟ་བའི་བྱེད་པོ་ཡིན་པ་དགག་པ་བདག་གམ་རྣམ་ཤེས་ལྟ་བའི་བྱེད་པ་པོ་ཡིན་པ་དགག་པའོ། །དང་པོ་ལ་གཉིས། རང་ལ་མི་ལྟ་བའི་རྟགས་ཀྱིས་དགག་པ། ལྟ་བའི་བྱ་བ་དང་འབྲེལ་མ་འབྲེལ་བརྟགས་ལ་དགག་པའོ། །དང་པོ་ལ་གསུམ། རྟགས་དགོད་པ་དང་། མ་ངེས་པ་སྤོང་བ་དོན་བསྡུ་བའོ། །དང་པོ་ནི། ལྟ་དེ་རང་སོགས། གཉིས་པ་ནི། ལྟ་བ་སོགས། གསུམ་པ་ནི། གང་ཚེ་སོགས། གཉིས་པ་ལྟ་བའི་བྱ་བ་དང་འབྲེལ་མ་འབྲེལ་བརྟགས་ལ་དགག་པ་ནི། ལྟ་བ་སོགས། གཉིས་པ་བདག་པོའི་རྣམ་ཤེས་ལྟ་བའི་བྱེད་པ་པོ་ཡིན་པར་དགག་པ་ནི། ལྟ་བ་ཉིད་སོགས། གཉིས་ལྟ་བའི་ལས་དང་བྱ་བ་དགག་པ་ནི། ལྟ་བ་མེད་སོགས། གཉིས་པ་རིགས་པ་དེ་གཞན་ལ་སྦྱར་བ་ནི། ལྟ་བ་སོགས། རབ་བྱེད་གསུམ་པའོ། ། ༈ གཉིས་པ་ཕུང་པོ་ལ་ཆོས་བདག་དགག་པ་ལ་གསུམ། གཟུགས་ཕུང་རང་བཞིན་གྱིས་ཡོད་པ་དགག་པ། རིགས་པ་དེ་གཞན་ལ་སྦྱར་བ། རྩོད་པ་དང་འཆད་པའི་ཚེ་ལན་གདབ་ཚུལ་ལོ། །དང་པོ་ལ་གཉིས། དོན་གཞན་དུ་ཡོད་པ་ལ་རྒྱུ་འབྲས་དགག་པ། ཡོད་མེད་དང་འདྲ་མི་འདྲ་ལ་རྒྱུ་འབྲས་དགག་པའོ། །དང་པོ་ནི། གཟུགས་ཀྱི་སོགས། གཉིས་པ་ནི། གཟུགས་ཡོད་ན་སོགས། གཉིས་པ་དེ་གཞན་ལ་སྦྱར་བ་ནི། ཚོར་དང་སོགས། གསུམ་པ་རྩོད་པ་དང་འཆད་པའི་ཚེ་ལན་གདབ་ཚུལ་ནི། སྟོང་པ་ཉིད་སོགས། རབ་བྱེད་བཞི་པའོ། ། ༈ གསུམ་པ་ཁམས་ལ་ཆོས་བདག་དགག་པ་ལ་གཉིས། ཁམས་དྲུག་རང་བཞིན་གྱིས་གྲུབ་པ་དགག་པ། ཡོད་མེད་ཀྱི་མཐར་ལྟ་སྨད་པའོ། །དང་པོ་ལ་གཉིས། ནམ་མཁའི་ཁམས་རང་བཞིན་གྱིས་གྲུབ་པ་དགག་པ། རིགས་པ་དེ་ཁམས་ལྷག་མ་ལ་ཡང་སྦྱར་བའོ། །དང་པོ་ལ་གསུམ། ནམ་མཁའི་ཁམས་ལ་མཚན་ཉིད་དགག་པ། དངོས་དང་དངོས་མེད་དུ་གྲུབ་པ་དགག་པ། བཀག་པ་རྣམས་ཀྱི་མཇུག་བསྡུ་བའོ། །དང་པོ་ལ་གསུམ། མཚན་གཞི་དགག་པ། མཚན་ཉིད་དགག་པ། མཇུག་བསྡུ་བའོ། །དང་པོ་གཉིས། མཚན་ཉིད་འཇུག་པ་དགག་པ། དེས་མཚན་གཞི་ཁེག་པར་བསྟན་པའོ། །དང་པོ་ལ་གཉིས། སྔ་ཕྱི་ལ་བརྟགས་ནས་མཚན་ཉིད་འཇུག་པ་དགག་པ། མཚན་ཉིད་ཡོད་མེད་ལ་བརྟགས་ནས་མཚན་ཉིད་འཇུག་པ་དགག་པའོ། ། དང་པོ་ནི། ནམ་མཁའི་མཚན་ཉིད་སོགས། གཉིས་པ་ནི། མཚན་ཉིད་མེད་སོགས། གཉིས་པ་མཚན་ཉིད་དགག་པ་ནི། མཚན་གཞི་འཐད་སོགས། གསུམ་པ་མཇུག་བསྡུ་བ་ནི། དེ་ཕྱིར་སོགས། གཉིས་པ་དངོས་མེད་གྲུབ་པ་དགག་པ་ལ་གཉིས། དངོས་ཀྱི་དོན་དང་། རྩོད་པ་སྤང་བའོ། ། ཕྱོགས་སྔ་མ་བརྗོད་པ། དེ་སུན་འབྱུང་བའོ། །དང་པོ་ནི། མཚན་གཞི་སོགས། གཉིས་པ་ནི། དངོས་དང་སོགས། གསུམ་པ་བཀག་པ་རྣམས་ཀྱི་མཇུག་བསྡུ་བ་ནི། དེ་ཕྱིར་ནམ་མཁའ་སོགས་ནས་མ་ཡིན་ཞེས། གཉིས་པ་རིགས་པ་དེ་ཁམས་ལྷག་མ་བཞི་ལའང་སྦྱར་བ་ནི། ཁམས་ལྔ་སོགས་ནས་ནམ་མཁའ་མཚུངས་ཞེས་པས་བསྟན། གཉིས་པ་ཡོད་མེད་ཀྱི་མཐར་ལྟ་སྤང་བ་ནི། བློ་ཆུང་མང་སོགས། རབ་བྱེད་ལྔ་པའོ། ། ༈ གཉིས་པ་དེ་ལ་བདག་ཡོད་པའི་སྒྲུབ་བྱེད་དགག་པ་ལ་གསུམ། བརྟེན་པ་ཀུན་ནས་ཉོན་མོངས་ཡོད་པ་དགག་པ། མཚན་ཉིད་སྐྱེ་འཇིག་གནས་པ་ཡོད་པ་དགག་པ། ལས་དང་བྱེད་པ་པོ་ཡོད་པ་དགག་པའོ། །དང་པོ་ལ་གསུམ། འདོད་ཆགས་དང་ཆགས་པ་རང་བཞིན་གྱིས་ཡོད་པ་དག་དགག་པ། བཀག་པ་རྣམས་ཀྱི་མཇུག་བསྡུ་བ། རིགས་དེ་གཞན་ལ་སྦྱར་བའོ། །དང་པོ་ལ་གཉིས། སྔ་ཕྱི་འབྱུང་བ་དགག་པ། ལྷན་ཅིག་ཏུ་འབྱུང་བ་དགག་པའོ། །དང་པོ་ལ་གཉིས། འདོད་ཆགས་ཀྱི་སྔ་རོལ་ན་ཆགས་པ་ཡོད་མེད་དགག་པ། ཆགས་པའི་སྔ་རོལ་ན་འདོད་ཆགས་ཡོད་མེད་དགག་པའོ། །དང་པོ་ནི། གལ་ཏེ་འདོད་སོགས། གཉིས་པ་ནི། ཆགས་པ་སོགས། གཉིས་པ་ལྷན་ཅིག་ཏུ་འབྱུང་བ་དགག་པ་ལ་གཉིས། ལྟོས་པ་མེད་པའི་ལྷན་ཅིག་དགག་པ། གཅིག་ཐ་དད་ལ་ལྷན་ཅིག་དགག་པའོ། །དང་པོ་ནི། འདོད་ཆགས་སོགས། གཉིས་པ་ལ་གཉིས། གཅིག་དང་ཐ་དད་ལ་ལྷན་ཅིག་སྤྱིར་དགག །ཐ་དད་པ་ལྷན་ཅིག་བྱེ་བྲག་ཏུ་དགག་པའོ། །དང་པོ་ནི། གཅིག་ཉིད་སོགས། གཉིས་པ་ལ་གསུམ། ཐ་དད་དུ་མ་གྲུབ་པས་ལྷན་ཅིག་མི་འགྲུབ་པ་ཐ་དད་དུ་འགྲུབ་ན་ལྷན་ཅིག་དགོས་པ་མེད་པ། ཐ་དད་ལྷན་ཅིག་ལ་ལྟོས་ན་ཕན་ཚུན་བརྟེན་པར་བསྟན་པའོ། །དང་པོ་ནི། གལ་ཏེ་སོགས། གཉིས་པ་ནི། གལ་ཏེ་འདོད་སོགས། གསུམ་པ་ནི། ཐ་དད་སོགས། གཉིས་པ་བཀག་པ་རྣམས་ཀྱི་མཇུག་བསྡུ་བ་ནི། དེ་ལྟར་སོགས། གསུམ་པ་རིགས་པ་དེ་གཞན་ལ་སྦྱར་བ་ནི། འདོད་ཆགས་སོགས། རབ་བྱེད་དྲུག་པའོ། ། ༈ གཉིས་པ་མཚན་ཉིད་སྐྱེ་གནས་འཇིག་པ་དགག་པ་ལ་གསུམ། ལུས་རང་བཞིན་གྱིས་གྲུབ་པ་དགག་པ། དེས་འདུས་མ་བྱས་རང་བཞིན་གྱིས་གྲུབ་པ་ཁེག་པར་བསྟན་པ། དེ་ལྟར་བཀག་པ་ལ་ལུང་འགལ་སྤང་བའོ། །དང་པོ་ལ་གཉིས། སྤྱིའི་མཚན་ཉིད་དགག་པ། ཁྱད་པར་གྱི་མཚན་ཉིད་དགག་པའོ། །དང་པོ་ལ་གཉིས། མཚན་ཉིད་གསུམ་ཐུན་མོང་དུ་དགག་པ། སོ་སོར་དགག་པའོ། །དང་པོ་ལ་གསུམ། འདུས་བྱས་ཡིན་མིན་བརྟགས་ནས་དགག་པ། རེ་རེ་བ་ཚོགས་པ་གང་ཡིན་པ་བརྟགས་ནས་དགག་པ། མཚན་གཞི་ཡོད་མེད་བརྟགས་ནས་དགག་པའོ། །དང་པོ་ནི། གལ་ཏེ་སྐྱེ་སོགས། གཉིས་པ་ནི། སྐྱེ་བ་སོགས། གསུམ་པ་ལ་གཉིས། ཐལ་བ་དགོད་པ། སྐྱོན་སྤོང་གི་ལན་དགག་པའོ། །དང་པོ་ནི། སྐྱེ་དང་སོགས། གཉིས་པ་ལ་གཉིས། ཐལ་བ་དང་པོའི་སྐྱོན་སྤོང་གི་ལན་དགག་པ། ཐལ་བ་གཉིས་པའི་སྐྱོན་སྤོང་གི་ལན་དགག་པའོ། ། དང་པོ་ལ་གཉིས། སྐྱོན་སྤོང་བརྗོད། དེ་དག་དགག་པའོ། །དང་པོ་ནི། སྐྱེས་པའི་སྐྱེ་སོགས། གཉིས་པ་ནི། གལ་ཏེ་ཁྱོད་སོགས། གཉིས་པ་ལ་གཉིས། སྐྱོན་སྤོང་བརྗོད། དེ་དགག་པའོ། ། དང་པོ་ནི། ཇི་ལྟར་སོགས། གཉིས་པ་ལ་གཉིས། དཔེ་དགག་པ། དོན་དགག་པའོ། །དང་པོ་ལ་གཉིས། དམ་བཅའ་བ་ལ་གནོད་པ་བརྗོད་པས་དགག་པ། གཏན་ཚིག་ལ་མ་ངེས་པར་བསྟན་པས་དགག་པའོ། །དང་པོ་ནི། མར་མེ་སོགས། གཉིས་པ་ནི། མར་མེ་རང་སོགས། གཉིས་པ་དོན་དགག་པ་ནི། སྐྱེ་བ་སོགས། གཉིས་པ་མཚན་ཉིད་སོ་སོར་དགག་པ་ལ་གསུམ། སྐྱེ་བ་རང་བཞིན་གྱིས་གྲུབ་པར་དགག་པ། གནས་པ་རང་བཞིན་གྱིས་གྲུབ་པ་དགག་པ། འཇིག་པ་རང་བཞིན་གྱིས་གྲུབ་པ་དགག་པའོ། །དང་པོ་ལ་གསུམ། བསྐྱེད་བྱ་ལ་དུས་གསུམ་དུ་དཔྱད་ནས་དགག་པ། ཡོད་མེད་གསུམ་དུ་དཔྱད་ནས་དགག་པ། །འགག་བཞིན་ཡིན་མིན་གཉིས་སུ་དཔྱད་ནས་དགག་པའོ། །དང་པོ་ལ་གསུམ། ཐུན་མོང་དང་བྱེ་བྲག་ཏུ་དགག་པ། བཀག་པ་ལ་རྩོད་པ་སྤང་བ། སྐྱེ་བཞིན་པ་ཁས་བླངས་ནས་ཀྱང་དགག་པའོ། །དང་པོ་ལ་གཉིས། དུས་གསུམ་གྱི་སྐྱེ་བ་ཐུན་མོང་དུ་དགག་པ། སྐྱེ་བཞིན་པ་ལ་བྱེ་བྲག་ཏུ་དགག་པའོ། །དང་པོ་ནི། སྐྱེས་དང་སོགས། གཉིས་པ་ནི། གང་ཚེ་སོགས། གཉིས་པ་བཀག་པ་ལ་རྩོད་པ་སྤང་པ་ལ་གཉིས། དུས་གསུམ་པའི་སྐྱེ་བའི་བཀག་པ་ལ་རྩོད་པ་སྤང་བ། སྐྱེས་བཞིན་པ་ལ་སྐྱེ་བ་བཀག་པས་རྩོད་པ་སྤང་བའོ། །དང་པོ་ནི། རྟེན་ཅིང་སོགས། གཉིས་པ་ནི། གལ་ཏེ་དངོས་སོགས། གསུམ་པ་སྐྱེ་བཞིན་པ་ཁས་བླངས་ནས་ཀྱང་དགག་པ་ནི། གལ་ཏེ་སྐྱེ་སོགས། གཉིས་པ་ཡོད་མེད་གསུམ་དུ་དཔྱད་ནས་དགག་པ་ནི། རེ་ཞིག་སོགས། གསུམ་པ་འགག་བཞིན་པ་ཡིན་མིན་གཉིས་སུ་དཔྱད་ནས་དགག་པ་ནི། དངོས་པོར་འགག་པ་སོགས། གཉིས་པ་གནས་པ་རང་བཞིན་གྱིས་གྲུབ་པ་དགག་པ་ལ་གསུམ། ལས་ལ་དུས་གསུམ་དུ་དཔྱད་ནས་དགག་པ། འགག་བཞིན་པ་ཡིན་མིན་ལ་དཔྱད་ནས། གནས་བྱེད་གཞན་ཡོད་མེད་དཔྱད་ནས་དགག་པའོ། །དང་པོ་ནི། དངོས་པོ་གནས་སོགས། གཉིས་པ་ནི། དངོས་པོ་འགག་སོགས། གསུམ་པ་ནི། གནས་པ་གནས་སོགས། གསུམ་པ་འཇིག་པ་རང་བཞིན་གྱིས་གྲུབ་པ་དགག་པ་ལ་ལྔ། དུས་གསུམ་ལ་བརྟགས་ནས་དགག་པ། གནས་དང་ཡིན་མིན་ལ་བརྟགས་ནས་དགག་པ། གནས་སྐབས་རང་གཞན་ལ་བརྟགས་ནས་དགག་པ། དངོས་པོ་ཡོད་མེད་ལ་བརྟགས་ནས་དགག་པ། འཇིག་བྱེད་ཡོད་མེད་ལ་བརྟགས་ནས་དགག་པའོ། །དང་པོ་ནི། འགག་པ་སོགས། གཉིས་པ་ནི། རེ་ཞིག་དངོས་པོ་སོགས། གསུམ་པ་ལ་གཉིས། དངོས་ཀྱི་དོན་དང་། རྩོད་པ་སྤང་བའོ། །དང་པོ་ནི། གནས་སྐབས་སོགས། གཉིས་པ་ནི། གང་ཚེ་སོགས། བཞི་པ་དངོས་པོ་ཡོད་མེད་ལ་བརྟགས་ནས་དགག་པ་ནི། རེ་ཞིག་སོགས། ལྔ་པ་འཇིག་བྱེད་ཡོད་མེད་ལ་བརྟགས་ནས་དགག་པ་ནི། འགག་པ་རང་སོགས། གཉིས་པ་ཁྱད་པར་གྱི་མཚན་ཉིད་དགག་པ་ནི། སྐྱེ་དང་སོགས། གཉིས་པ་དེས་འདུས་མ་བྱས་རང་བཞིན་གྱིས་གྲུབ་པ་ཡང་ཁེག་པར་བསྟན་པ་ནི། འདུས་བྱས་སོགས། གསུམ་པ་དེ་ལྟར་བཀག་པ་ལུང་དང་འགལ་བ་སྤང་བ་ནི། རྨི་ལམ་སོགས། རབ་བྱེད་བདུན་པའོ། ། ༈ གསུམ་པ་ལས་དང་བྱེད་པ་པོ་ཡོད་མེད་དགག་པ་ལ་གསུམ་ལས། དང་པོ་བྱེད་པ་པོ་ངོ་བོ་ཉིད་ཀྱིས་གྲུབ་པ་དགག་པ། ཐ་སྙད་དུ་ལས་དང་བྱེད་པ་པོ་འཇོག་པའི་ཚུལ། རིགས་པ་དེ་གཞན་ལ་ཡང་སྦྱར་བའོ། །དང་པོ་ལ་གཉིས། ཕྱོགས་མཐུན་བྱ་བྱེད་ངོ་བོ་ཉིད་ཀྱིས་གྲུབ་པ་དགག་པ། ཕྱོགས་མི་མཐུན་གྱི་བྱ་བྱེད་ངོ་བོ་ཉིད་ཀྱིས་གྲུབ་པ་དགག་པའོ། །དང་པོ་ལ་གཉིས་མུ་དང་པོ་གཉིས་ཀྱི་བྱ་བྱེད་དགག་པ། མུ་གསུམ་པའི་བྱ་བྱེད་དགག་པའོ། །དང་པོ་ལ་གཉིས། དམ་བཅའ་བཞག་པ། སྒྲུབ་བྱེད་བསྟན་པའོ། །དང་པོ་ནི། བྱེད་པ་པོ་སོགས། གཉིས་པ་ལ་གཉིས། དམ་བཅའ་དང་པོའི་སྒྲུབ་བྱེད། དམ་བཅའ་གཉིས་པའི་སྒྲུབ་བྱེད་དོ། །དང་པོ་ལ་གཉིས། སུས་ཀྱང་མ་བྱས་པའི་ལས་ཡོད་པར་ཐལ་བའི་དགག་པ། ཅི་ཡང་མི་བྱེད་པའི་བྱེད་པར་ཡོད་པར་ཐལ་བའི་དགག་པའོ། །དང་པོ་ནི། ཡིན་པར་སོགས། གཉིས་པ་མིན་པར་སོགས། གཉིས་པ་དམ་བཅའ་གཉིས་པའི་སྒྲུབ་བྱེད་བསྟན་པ་ལ་གཉིས། རྒྱུ་མེད་དུ་ཐལ་བ་དགག་པ། དེ་འདོད་པ་ལ་གནོད་པ་བརྗོད་པའོ། །དང་པོ་ནི། གལ་ཏེ་བྱེད་སོགས། གཉིས་པ་ནི། རྒྱུ་མེད་སོགས། གཉིས་པ། མུ་གསུམ་པའི་བྱ་བྱེད་དགག་པ་ནི། བྱེད་པ་པོར་སོགས། གཉིས་པ་ཕྱོགས་མི་མཐུན་གྱི་བྱ་བྱེད་ངོ་བོ་ཉིད་ཀྱིས་གྲུབ་པ་དགག་པ་ལ་གཉིས། བྱེད་པ་པོ་རེ་རེས་ལས་ཕྱོགས་མི་མཐུན་པ་རེ་རེ་བྱེད་པ་དགག་པ། ལས་ཕྱོགས་མི་མཐུན་པ་གཉིས་གཉིས་བྱེད་པ་དགག་པའོ། ། དང་པོ་ནི། བྱེད་པ་པོར་སོགས། གཉིས་པ་ནི། བྱེད་པ་པོར་སོགས། གཉིས་པ་ལས་དང་བྱེད་པོ་འཇོག་པའི་ཚུལ་ནི། བྱེད་པ་པོ་སོགས། གསུམ་པ་རིགས་པ་དེ་གཞན་ལའང་སྦྱར་བ་ནི། དེ་བཞིན་སོགས། རབ་བྱེད་བརྒྱད་པའོ། ། ༈ གཉིས་པ་གང་ཟག་གི་བདག་མེད་བཤད་པ་ལ་གཉིས། གང་ཟག་རང་བཞིན་གྱིས་གྲུབ་པ་དགག་པ། གང་ཟག་རང་བཞིན་གྱིས་ཡོད་པའི་སྒྲུབ་བྱེད་དགག་པའོ། །དང་པོ་ལ་གཉིས་ཕྱོགས་སྔ་མ་བརྗོད་པ་དང་། དེ་སུན་དབྱུང་བའོ། །དང་པོ་ནི། ལྟ་དང་སོགས། གཉིས་པ་ལ་གསུམ། ཉེ་བར་ལེན་པ་ངོ་བོ་ཉིད་ཀྱིས་ཡོད་པ་དགག་པ། །དེས་ཉེ་བར་བླང་བྱ་མིང་ངོ་བོ་ཉིད་ཀྱིས་ཡོད་པ་ཁེགས་པར་བསྟན་པ། ཉེ་བར་ལེན་པ་ངོ་བོ་ཉིད་ཀྱིས་མེད་པ་ལ་རྩོད་པ་སྤོང་བའོ། །དང་པོ་ལ་གསུམ། ལེན་པ་པོ་བླང་བྱ་ཐམས་ཅད་ཀྱི་སྔ་རོལ་ན་ཡོད་པ་དགག་པ། བླང་བྱ་རེ་རེའི་སྔ་རོལ་ན་ཡོད་པ་དགག་པ། བླང་བྱ་ཐམས་ཅད་ཀྱི་སྔ་རོལ་ན་ཡོད་པ་དགག་པའོ། ། དང་པོ་ལ་གཉིས། བླང་བྱ་ལས་སྔོན་ལེན་པ་པོར་གདགས་པའི་རྒྱུ་མེད་པར་དགག་པ། ལེན་ པ་པོའི་སྔོན་བླང་བྱ་ལ་གནས་པའི་རྟེན་མེད་པས་དགག་པའོ། །དང་པོ་ནི། ལྟ་དང་ཉན་དང་སོགས། གཉིས་པ་ནི། ལྟ་བ་ལ་སོགས། གཉིས་པ་བླང་བྱ་རེ་རེའི་སྔ་རོལ་ན་ཡོད་པ་དགག་པ་ལ་གཉིས། ཕྱོགས་སྔ་མ་བརྗོད་པ། དེ་སུན་འབྱུང་བའོ། །དང་པོ་ནི། ལྟ་དང་སོགས། གཉིས་པ་ལ་གསུམ། ཉེ་བར་ལེན་པ་བོ་ངོ་བོ་ཉིད་ཀྱི་ཡོད་པ་དགག་པ། དེས་ཉེ་བར་ལེན་པ་པོ་ངོ་བོ་ཉིད་ཀྱིས་ཡོད་པ་ཁེགས་པར་བསྟན་པ། ཉེ་བར་ལེན་པ་པོ་ངོ་བོ་ཉིད་ཀྱིས་མེད་པ་ལ་རྩོད་པ་སྤང་བའོ། །དང་པོ་ལ་གསུམ་ལེན་པ་པོ་བླང་བྱ་ཐམས་ཅད་ཀྱི་སྔ་རོལ་ན་ཡོད་པ་དགག་པ། བླང་བྱ་རེ་རེའི་སྔ་རོལ་ན་ཡོད་པ་དགག་པ། བླང་བྱ་ཐམས་ཅད་ཀྱི་སྔ་རོལ་ན་ཡོད་པའི་སྒྲུབ་བྱེད་དགག་པའོ། །དང་པོ་ལ་གཉིས་བླང་བྱ་ལས་སྔར་ལེ་པ་པོར་གདགས་པའི་སྒྱུ་མེད་པས་དགག་པ། ལེན་པ་པོའི་སྔོན་བླང་བྱ་ལ་གནས་པའི་རྟེན་མེད་པས་དགག་པའོ། །དང་པོ་ནི། ལྟ་དང་ཉན་སོགས། གཉིས་པ་ནི། ལྟ་བ་ལ་སོགས། གཉིས་པ་བླང་བྱ་རེ་རེའི་སྔ་རོལ་ན་ཡོད་པ་དགག་པ་ལ་གཉིས། ཕྱོགས་སྔ་བརྗོད་པ། དེ་སུན་འབྱུང་བའོ། །དང་པོ་ནི། ལྟ་ལ་སོགས། གཉིས་པ་ནི། ལྟ་ལ་སོགས། གསུམ་པ་བླང་བྱ་ཐམས་ཅད་ཀྱི་སྔ་རོལ་ན་ཡོད་པའི་སྒྲུབ་བྱེད་དགག་པ་ནི། ལྟ་དང་སོགས། གཉིས་པ་དེས་ཉེ་བར་བླང་བྱ་ངོ་བོས་ཡོད་པ་ཁེགས་པར་བསྟན་པ་ནི། ལྟ་དང་སོགས། གསུམ་པ་ཉེ་བར་ལེན་པ་པོ་ངོ་བོ་ཉིད་ཀྱིས་མེད་པ་རྩོད་པ་སྤང་བ་ནི། གང་ཞིག་སོགས། རབ་བྱེད་དགུ་བའོ། ། ༈ གཉིས་པ་གང་ཟག་རང་བཞིན་གྱིས་གྲུབ་པ་ཡོད་པའི་སྒྲུབ་བྱེད་དགག་པ་ལ་གཉིས། སྒྲུབ་བྱེད་ཀྱི་དཔེ་དགག་པ། སྒྲུབ་བྱེད་ཀྱི་གཏན་ཚིག་དགག་པའོ། །དང་པོ་ལ་གསུམ། མེ་དང་བུད་ཤིང་ངོ་བོ་ཉིད་ཀྱིས་ཡོད་པར་དགག་པ། རིགས་པ་དེ་གཞན་ལ་ཡང་སྦྱར་བ། བཀག་པའི་དོན་དུ་བལྟ་བ་སྨད་པའོ། །དང་པོ་ལ་གསུམ་སྔར་མ་བཤད་པའི་རིགས་པས་དགག་པ། སྔར་བཤད་པའི་རིགས་པས་དགག་པ། དེ་དག་གི་མཇུག་བསྡུ་བའོ། །དང་པོ་ལ་གཉིས། རང་བཞིན་གཅིག་པ་དགག་པ། རང་བཞིན་ཐ་དད་པ་དགག་པའོ། །དང་པོ་ནི། བུད་ཤིང་སོགས། གཉིས་པ་ལ་གཉིས། རང་བཞིན་ཐ་དད་པའི་སྒྲུབ་བྱ་དགག་པ། རང་བཞིན་ཐ་དད་པའི་སྒྲུབ་བྱེད་དགག་པའོ། དང་པོ་ལ་གཉིས། རང་བཞིན་གྱིས་ཐ་དད་ན་ཤིང་ལ་མི་ལྟོས་པ་དང་། རང་བཞིན་གྱིས་ཐ་དད་ན་མེ་ཤིང་དང་མི་འཕྲད་པར་འགྱུར་བའོ། །དང་པོ་ལ་གཉིས། དགག་པ་དངོས་དང་། མ་ངེས་པ་སྤང་བའོ། །དང་པོ་ལ་གཉིས། ཤིང་མེད་བཞིན་དུ་འབྱུང་བ་དང་། རྟག་ཏུ་འབར་བ་སོགས་སུ་འགྱུར་བའོ། །དང་པོ་ནི། གལ་ཏེ་ཤིང་སོགས། གཉིས་པ་ནི། རྟག་ཏུ་འབར་སོགས། གཉིས་པ་མ་ངེས་པ་སྤང་བ་ནི། དེ་ལ་སོགས། གཉིས་པ་རང་བཞིན་གྱིས་ཐ་དད་ན་ཤིང་དང་མི་འཕྲད་པར་འགྱུར་བ་ལ་གཉིས། དངོས་ཀྱི་དོན་དང་། མ་ངེས་པ་སྤང་བའོ། །དང་པོ་ནི། གཞན་ཕྱིར་སོགས། གཉིས་པ་ནི། ཇི་ལྟར་སོགས། གཉིས་པ་རང་བཞིན་ཐ་དད་པའི་སྒྲུབ་བྱེད་དགག་པ་ལ་གཉིས། ལྟོས་པའི་སྒྲུབ་བྱེད་དགག་པ། མངོན་སུམ་དུ་མཐོང་བའི་སྒྲུབ་བྱེད་དགག་པའོ། །དང་པོ་ལ་གསུམ། དུས་གསུམ་དུ་དཔྱད་ནས་ལྟོས་པ་དགག་པ། ལྟོས་ཆོས་ཡོད་མེད་ལ་དཔྱད་ནས་ལྟོས་པ་དགག་པ། ལྟོས་མི་ལྟོས་གཉིས་ཀ་དགག་པའོ། །དང་པོ་ལ་གཉིས། དུས་སྔ་ཕྱི་ལ་དགག་པ། དུས་མཉམ་པ་ལ་ལྟོས་པ་དགག་པའོ། །དང་པོ་ནི། གལ་ཏེ་ཤིང་སོགས། གཉིས་པ་ནི། གལ་ཏེ་དངོས་པོ་གང་སོགས། གཉིས་པ་ལྟོས་ཆོས་ཡོད་མེད་ལ་དཔྱད་ནས་ལྟོས་པ་དགག་པ་ནི། དངོས་པོ་སོགས། གསུམ་པ་ལྟོས་མ་ལྟོས་གཉིས་ཀ་དགག་པ་ནི། ཤིང་མེ་སོགས། གཉིས་པ་མངོན་སུམ་དུ་མཐོང་བའི་སྒྲུབ་བྱེད་དགག་པ་ནི། མེ་ནི་སོགས། གཉིས་པ་སྔར་བཤད་པའི་རིགས་པས་དགག་པ་ནི། དེ་བཞིན་སོགས། གསུམ་པ་དེ་དག་གི་མཇུག་བསྡུ་བ་ནི། ཤིང་ཉིད་སོགས། གཉིས་པ་རིགས་པ་དེ་གཞན་ལ་སྦྱར་བ་ནི། མེ་དང་སོགས། གསུམ་པ་བཀག་པའི་དོན་དུ་བལྟ་བ་སྨད་པ་ནི། གང་དག་སོགས། རབ་བྱེད་བཅུ་པའོ། ། ༈ གཉིས་པ་གང་ཟག་རང་བཞིན་གྱིས་ཡོད་པའི་སྒྲུབ་བྱེད་ཀྱི་གཏན་ཚིག་དགག་པ་ལ་གཉིས། སྐྱེ་འཆིའི་བྱ་བ་ཡོད་པའི་གཏན་ཚིག་དགག་པ། བརྟེན་པ་སྡུག་བསྔལ་ཡོད་པའི་གཏན་ཚིག་དགག་པའོ། །དང་པོ་ལ་གཉིས། འཁོར་བ་ལ་ཐོག་མཐའ་བར་གསུམ་གྱི་ཆ་དགག་པ། སྐྱེ་འཆི་ལ་དུས་སྔ་ཕྱི་དང་ལྷན་ཅིག་དགག་པའོ། །དང་པོ་ནི། སྔོན་མཐའ་སོགས། གཉིས་པ་ལ་གསུམ། མདོར་བསྟན། རྒྱས་པར་བཤད། དོན་བསྡུ་བའོ། དང་པོ་ནི་དེ་ཕྱིར་སོགས། གཉིས་པ་ལ་གཉིས། སྔ་ཕྱི་དགག་པ། དུས་མཉམ་པ་དགག་པའོ། །དང་པོ་ལ་གཉིས། སྐྱེ་བ་སྔ་བ་དགག་པ། རྒ་ཤི་སྔ་བ་དགག་པའོ། །དང་པོ་ནི། གལ་ཏེ་སྐྱེ་སོགས། གཉིས་པ་ནི། གལ་ཏེ་སྐྱེ་སོགས། གཉིས་པ་དུས་མཉམ་པ་དགག་པ་ནི། སྐྱེ་བ་དང་སོགས། གསུམ་པ་དོན་བསྡུ་བ་ནི། གང་ལ་སོགས། གཉིས་པ་རིགས་པ་དེ་གཞན་ལ་སྦྱར་བ་ནི། འཁོར་བ་སོགས། རབ་བྱེད་བཅུ་གཅིག་པའོ། ། ༈ གཉིས་པ་བརྟེན་པ་སྡུག་བསྔལ་ཡོད་པའི་གཏན་ཚིག་དགག་པ་ལ་གཉིས། སྡུག་བསྔལ་ངོ་བོ་ཉིད་ཀྱིས་ཡོད་པ་དགག་པ། རིགས་པ་དེ་ཆོས་གཞན་ལ་ཡང་སྦྱར་བའོ། །དང་པོ་ལ་གཉིས། དམ་བཅའ་བཞག་པ། སྒྲུབ་བྱེད་བསྟན་པའོ། །དང་པོ་ནི། ཁ་ཅིག་སོགས། གཉིས་པ་ལ་གཉིས། སྡུག་བསྔལ་རང་གཞན་རེ་རེ་བས་བྱས་པ་དགག་པ། གཉིས་ཀ་ཚོགས་པས་བྱས་པ་དང་རྒྱུ་མེད་དུ་སྨྲ་བ་དགག་པའོ། དང་པོ་ལ་གཉིས། སྡུག་བསྔལ་ལ་ལྟོས་ཏེ་རང་བཞིན་རེ་རེ་བས་བྱས་པ་དགག་པ། གང་ཟག་ལ་ལྟོས་ཏེ་རང་གཞན་རེ་རེ་བས་བྱེད་པ་དགག་པ། རང་གཞན་རེ་རེ་བས་མ་བྱས་པའི་སྒྲུབ་བྱེད་གཞན་བསྟན་པའོ། །དང་པོ་ལ་གཉིས། སྡུག་སྔལ་ལ་ལྟོས་ཏེ་རང་གིས་བྱས་པ། སྡུག་བསྔལ་ལ་ལྟོས་ཏེ་གཞན་གྱིས་བྱས་པ་དགག་པའོ། །དང་པོ་ནི། གལ་ཏེ་སོགས། གཉིས་པ་ནི། གལ་ཏེ་འདི་སོགས། གཉིས་པ་གང་ཟག་ལ་ལྟོས་ཏེ་རེ་རེ་བས་བྱས་པ་དགག་པ་ལ་གཉིས། གང་ཟག་རང་གིས་བྱས་པ་དགག་པ། གང་ཟག་གཞན་གྱིས་བྱས་པ་དགག་པའོ། །དང་པོ་ནི། གལ་ཏེ་གང་སོགས། གསུམ་པ་རང་གཞན་རེ་རེ་བས་བྱས་པའི་སྒྲུབ་བྱེད་གཞན་བསྟན་པ་ནི། རེ་ཞིག་སོགས། གཉིས་པ་གཉིས་ཀ་ཚོགས་པས་བྱས་པ་དང་རྒྱུ་མེད་དུ་སྨྲ་བ་དགག་པ་ནི། གལ་ཏེ་སོགས། གཉིས་པ་རིགས་པ་དེ་ཆོས་གཞན་ལ་སྦྱར་བ་ནི། སྡུག་བསྔལ་སོགས། རབ་བྱེད་བཅུ་གཉིས་པའོ། ། ༈ གཉིས་པ་དངོས་པོ་ཙམ་གྱིས་རང་བཞིན་གྱིས་སྟོང་བར་བསྟན་པ་ལ་གཉིས། དངོས་པོ་རང་བཞིན་གྱིས་ཡོད་པ་དགག་པ། རང་བཞིན་གྱིས་ཡོད་པའི་སྒྲུབ་བྱེད་དགག་པའོ། །དང་པོ་ལ་གསུམ། གཞན་ལ་གྲགས་པའི་ལུང་གིས་རང་བཞིན་མེད་པར་བཤད་པ། དེ་ལྟར་བཤད་པའི་མི་འཐད་པའི་རྩོད་པ་སྤང་བ། ལུང་དེའི་དོན་རྣམ་པ་གཞན་དུ་འཆད་པ་དགག་པའོ། །དང་པོ་ནི། བཅོམ་ལྡན་སོགས། གཉིས་པ་ནི། གལ་ཏེ་སོགས། གསུམ་པ་ལ་གཉིས། ལུང་དོན་གཞན་དུ་འཆད་ཚུལ་བསྟན་པ། དེ་ལྟར་འཆད་པའི་སྒྲུབ་བྱེད་དགག་པའོ། །དང་པོ་ནི། དངོས་རྣམས་སོགས། གཉིས་པ་ལ་གཉིས། གཞན་འགྱུར་རང་བཞིན་གྱིས་ཡོད་པའི་སྒྲུབ་བྱེད་དགག་པ། སྟོང་ཉིད་རང་བཞིན་གྱིས་ཡོད་པའི་སྒྲུབ་བྱེད་དགག་པའོ། །དང་པོ་ལ་གཉིས། རང་བཞིན་དང་གཞན་འགྱུར་གཉིས་འགལ་བ་དགག་པ། གཞན་འགྱུར་རང་བཞིན་གྱིས་ཡོད་པ་མི་སྲིད་པ་དགག་པའོ། །དང་པོ་ནི། གལ་ཏེ་སོགས། གཉིས་པ་ནི། དེ་ཉིད་སོགས། གཉིས་པ་སྟོང་ཉིད་རང་བཞིན་གྱིས་ཡོད་པའི་སྒྲུབ་བྱེད་དགག་པ་ལ་གཉིས། དངོས་ཀྱི་དོན་དང་། དེ་ལ་ལུང་འགལ་སྤང་བའོ། །དང་པོ་ནི། གལ་ཏེ་སོགས། གཉིས་པ་ནི། རྒྱལ་བ་སོགས། རབ་བྱེད་བཅུ་གསུམ་པའོ། ། ༈ གཉིས་པ་དངོས་པོ་རང་བཞིན་གྱིས་ཡོད་པའི་སྒྲུབ་བྱེད་དགག་པ་ལ་གསུམ། ཕྲད་པ་རང་བཞིན་གྱིས་ཡོད་པ་དགག་པ་རྒྱུ་རྐྱེན་བདག་གིར་བྱས་པ་རང་བཞིན་གྱིས་ཡོད་པ་དགག་པ། བཅིང་ཐར་རང་བཞིན་གྱིས་ཡོད་པ་དགག་པའོ། །དང་པོ་ལ་གཉིས། དམ་བཅའ་བཞག་པ་དང་སྒྲུབ་བྱེད་བསྟན་པའོ། །དང་པོ་ནི། བལྟ་བྱ་སོགས། གཉིས་པ་ལ་གཉིས། གཞན་རང་བཞིན་མེད་པས་འཕྲད་པ་དགག་པ། གཅིག་ཐ་དད་དཔྱད་ནས་འཕྲད་པ་དགག་པའོ། ། དང་པོ་ལ་གསུམ། སྦྱོར་བ་དགོད་པ། ཚུལ་དེ་གཞན་ལ་སྦྱར་བ། གཏན་ཚིག་སྒྲུབ་པའོ། །དང་པོ་ནི། གཞན་དང་སོགས། གཉིས་པ་ནི། བལྟ་བྱ་སོགས། གསུམ་པ་ལ་གཉིས། རྟགས་དགོད་པ། དེ་ལ་སྐྱོན་སྤང་བའོ། །དང་པོ་ནི། གཞན་ནི་སོགས། གཉིས་པ་ལ་གཉིས། མ་ངེས་པའི་སྐྱོན་སྤང་བ། དེ་ནི་སོགས། གཉིས་པ་དེའི་ཕྲད་བཞིན་པ་ལ་སོགས་ཁེགས་པར་བསྟན་པ་ནི། ཕྲད་བཞིན་སོགས། རབ་བྱེད་བཅུ་བཞི་པའོ། ། ༈ གཉིས་པ་རྒྱུ་རྐྱེན་བདག་གིར་བྱེད་པ་རང་བཞིན་ཡོད་པ་དགག་པ་ལ་གཉིས། དངོས་པོ་རང་བཞིན་གྱིས་ཡོད་པ་དགག་པ། རང་བཞིན་གྱིས་ཡོད་པར་སྨྲ་བ་ན་མཐར་འཛིན་ལས་མི་འདའ་བར་སྟོན་པའོ། །དང་པོ་ལ་གཉིས། རང་བཞིན་གྱིས་ཡོད་པའི་སྒྲུབ་བྱེད་དགག་པ། རང་བཞིན་གྱིས་ཡོད་པ་ལ་གནོད་བྱེད་བསྟན་པའོ། །དང་པོ་ལ་གསུམ། དངོས་ཀྱི་དོན། དེས་མཐའ་གཞན་གསུམ་ཁེགས་པར་བསྟན་པ། དགག་པའི་དོན་དུ་ལྟ་བ་སྨད་པའོ། །དང་པོ་ལ་གཉིས། རང་བཞིན་ལ་རྒྱུ་རྐྱེན་མི་དགོས་ཤིང་འགལ་བ་བསྟན་པ། རང་ལུགས་ཀྱི་རང་བཞིན་མཚན་ཉིད་བསྟན་པའོ། །དང་པོ་ནི། རང་བཞིན་རྒྱུ་སོགས། གཉིས་པ་ནི། རང་བཞིན་དག་ནི་སོགས། གཉིས་པ་དེས་མཐའ་གཞན་གསུམ་ཁེགས་པར་བསྟན་པ་ནི། རང་བཞིན་སོགས། གསུམ་པ་དགག་པའི་དོན་དུ་ལྟ་བ་སྨད་པ་ནི། གང་དག་སོགས། གཉིས་པ་རང་བཞིན་གྱིས་ཡོད་པ་ལ་གནོད་བྱེད་བསྟན་པ་ལ་གཉིས། ལུང་གི་གནོད་བྱེད་དང་། རིགས་པའི་གནོད་བྱེད་དོ། ། དང་པོ་ནི། བཅོམ་ལྡན་སོགས། གཉིས་པ་ནི། གལ་ཏེ་སོགས། གཉིས་པ་རང་བཞིན་གྱིས་ཡོད་པར་སྨྲ་ན་མཐར་འཛིན་ལས་མི་འདའ་བར་བསྟན་པ་ནི། ཡོད་ཅེས་སོགས། རབ་བྱེད་བཅོ་ལྔ་པའོ། ། ༈ གསུམ་པ་བཅིང་ཐར་རང་བཞིན་གྱིས་ཡོད་པ་དགག་པ་ལ་གཉིས། དངོས་ཀྱི་དོན། དེའི་སྒྲུབ་བྱེད་དགག་པའོ། །དང་པོ་ལ་གསུམ། འཁོར་འདས་རང་བཞིན་གྱིས་གྲུབ་པ་དགག་པ། བཅིང་ཐར་རང་བཞིན་གྱིས་གྲུབ་པ་དགག་པ། མྱང་འདས་ཀྱི་དོན་དུ་རྩོམ་པ་དོན་མེད་དུ་ཐལ་བ་སྤང་བའོ། །དང་པོ་ལ་གཉིས། འཁོར་བ་རང་བཞིན་གྱིས་གྲུབ་པ་དགག་པ། མྱང་འདས་རང་བཞིན་གྱིས་གྲུབ་པ་དགག་པའོ། །དང་པོ་ལ་གཉིས། བླང་བྱ་ཕུང་པོ་འཁོར་བ་དགག་པ། ལེན་པ་པོ་སེམས་ཅན་འཁོར་བ་དགག་པའོ། །དང་པོ་ལ་གཉིས་རྟག་པ་འཁོར་བ་དགག་པ། མི་རྟག་པ་འཁོར་བ་དགག་པའོ། །དང་པོ་ནི། གལ་ཏེ་སོགས། གཉིས་པ་ནི། མི་རྟག་སོགས། གཉིས་པ་ལེན་པ་པོ་སེམས་ཅན་འཁོར་བ་དགག་པ་ལ་གཉིས། ཕུང་པོ་ལས་ཐ་དད་པའི་སེམས་ཅན་འཁོར་བ་དགག་པ། ཕུང་པོ་ལས་དེ་ཉིད་དང་གཞན་དུ་བརྗོད་དུ་མེད་པའི་གང་ཟག་འཁོར་བ་དགག་པའོ། །དང་པོ་ནི། སེམས་ཅན་སོགས། གཉིས་པ་ནི། གལ་ཏེ་སོགས། གཉིས་པ་མྱང་འདས་རང་བཞིན་གྱིས་གྲུབ་པ་དགག་པ་ནི། འདུ་བྱེད་སོགས། གཉིས་པ་བཅིང་ཐར་རང་བཞིན་གྱིས་གྲུབ་པ་དགག་པ་ལ་གཉིས། བཅིང་ཐར་རང་བཞིན་གྱིས་ཡོད་པ་ཐུན་མོང་དུ་དགག་པ། སོ་སོར་དགག་པའོ། །དང་པོ་ནི། སྐྱེ་འཇིག་སོགས། གཉིས་པ་ལ་གཉིས། བཅིང་པ་རང་བཞིན་གྱིས་ཡོད་པ་དགག་པ། ཐར་པ་རང་བཞིན་གྱིས་ཡོད་པ་དགག་པའོ། ། དང་པོ་ནི། གལ་ཏེ་སོགས། གཉིས་པ་ནི། རེ་ཞིག་སོགས། གསུམ་པ་མྱང་འདས་ཀྱི་དོན་དུ་རྩོམ་པ་དོན་མེད་དུ་ཐལ་པ་སྤང་བ་ནི། བདག་ནི་སོགས། རབ་བྱེད་བཅུ་དྲུག་པའོ། ། ༈ གཉིས་པ་བཅིང་ཐར་རང་བཞིན་གྱིས་གྲུབ་པའི་སྒྲུབ་བྱེད་དགག་པ་ལ་གཉིས། རྩོད་པ་དང་། ལན་ནོ། །དང་པོ་ལ་གཉིས། དགེ་མི་དགེའི་རྣམ་བཞག །དེ་ལ་རྟག་ཆད་སྤོང་ཚུལ་ལོ། །དང་པོ་ལ་གཉིས་སེམས་ཀྱི་དགེ་མི་དགེའི་རྣམ་བཞག །ལས་ཀྱི་རབ་ཏུ་དབྱེ་བའི་རྣམ་བཞག་གོ། དང་པོ་ནི། བདག་ཉིད་སོགས། གཉིས་པ་ལ་གཉིས། མདོར་བསྟན་རྒྱས་པར་བཤད་པའོ། །དང་པོ་ནི། དྲང་སྲོང་སོགས། གཉིས་པ་ལ་གཉིས། ལས་གཉིས་པ་ལས་གསུམ་དུ་དབྱེ་བ། ལས་གསུམ་པ་ལས་བདུན་དུ་དབྱེ་བའོ། །དང་པོ་ནི། དེ་ལ་སོགས། གཉིས་པ་ནི། དག་དང་སོགས། གཉིས་པ་དེ་ལ་རྟག་ཆད་སྤོང་ཚུལ་ལ་གཉིས། རྩོད་པ་དགོད་པ་དེ་སྤོང་བའི་ཚུལ་ལོ། དང་པོ་ནི། གལ་ཏེ་སོགས། གཉིས་པ་ལ་གཉིས། རྒྱུ་ཁས་བླང་ནས་རྟག་ཆད་སྤོང་བ། ཆུད་མི་ཟ་བ་ཁས་བླངས་ནས་རྟག་ཆད་སྤོང་བའོ། །དང་པོ་ལ་གཉིས། རྟག་ཆད་སྤོང་ཚུལ་དངོས། ལས་ལམ་བཅུ་འབྲས་བུ་དང་བཅས་པ་ངོས་གཟུང་བའོ། །དང་པོ་ལ་གཉིས། དཔེ་འགོད་པ། དོན་ལ་སྦྱར་བའོ། །དང་པོ་ནི། མྱུ་གུ་སོགས། གཉིས་པ་ནི། སེམས་ཀྱི་སོགས། གཉིས་པ་ལས་ལམ་བཅུ་འབྲས་བུ་དང་བཅས་ངོས་བཟུང་བ་ནི། དཀར་པོའི་སོགས། གཉིས་པ་ཆུད་མི་ཟ་བ་ཁས་བླང་ནས་རྟག་ཆད་སྤོང་བ་ལ་གཉིས། སྡེ་བ་གཞན་གྱི་ལན་དགག་པའོ། །དང་པོ་ནི། གལ་ཏེ་སོགས། གཉིས་པ་ལ་གསུམ། མདོར་བསྟན། རྒྱས་བཤད། དོན་བསྡུས་ཏེ་རྟག་ཆད་སྤོང་བའོ། ། དང་པོ་ནི། སངས་རྒྱས་སོགས། གཉིས་པ་ལ་བཞི། ཁམས་ཀྱི་དབྱེ་བ་དང་རང་བཞིན་སྤང་བྱ་གང་ཡིན་པ། སྐྱེ་བའི་ཚུལ། འགག་པའི་ཚུལ་ལོ། །དང་པོ་ནི། དེ་ནི་སོགས། གཉིས་པ་ནི། སྤོང་བའི་སོགས། གསུམ་པ་ནི། ཁམས་མཚུངས་སོགས། བཞི་པ་ནི། དེ་ནི་སོགས། གསུམ་པ་དོན་བསྡུས་ཏེ་རྟག་ཆད་སྤོང་བ་ནི། སྟོང་པ་སོགས། གཉིས་པ་ལ་ལན་ལ་གསུམ། ལས་ལ་རང་བཞིན་མེད་པའི་རྟག་ཆད་མེད་པ། ལས་ལ་རང་བཞིན་ཡོད་པ་དགག་པ། རང་བཞིན་མེད་པས་བྱ་བ་བྱེད་པ་དཔེས་བསྟན་པའོ། །དང་པོ་ནི། གང་ཕྱིར་སོགས། གཉིས་པ་ལ་གཉིས། རང་བཞིན་གྱིས་ཡོད་པ་ལ་གནོད་བྱེད་དགོད་པ། རང་བཞིན་གྱིས་ཡོད་པའི་སྒྲུབ་བྱེད་དགག་པའོ། །དང་པོ་ལ་གཉིས། རྟག་ཅིང་མ་བྱས་པར་ཐལ་པ་རྣམ་སྨིན་ཐུག་མེད་དུ་འབྱིན་པར་ཐལ་བའོ། །དང་པོ་ལ་གཉིས། ཐལ་བ་དངོས་དང་། དེ་འདོད་པ་ལ་གནོད་པ་བརྗོད་པའོ། །དང་པོ་ནི། གལ་ཏེ་སོགས། གཉིས་པ་ལ་གཉིས། བསྟན་བཅོས་དང་འགལ་བ། འཇིག་རྟེན་གྱིས་གྲགས་པ་དང་འགལ་བའོ། །དང་པོ་ནི། ཅི་སྟེ་སོགས། གཉིས་པ་ནི། ཐ་སྙད་སོགས། གཉིས་པ་རྣམ་སྨིན་ཐུག་མེད་དུ་འབྱིན་པར་ཐལ་བ་ནི། དེ་ནི་སོགས། གཉིས་པ་རང་བཞིན་གྱིས་ཡོད་པའི་སྒྲུབ་བྱེད་དགག་པ་ལ་གསུམ། ལས་རང་བཞིན་གྱིས་ཡོད་པའི་སྒྲུབ་བྱེད་དགག་པ། ལས་དང་ཉོན་མོངས་པ་གཉིས་ཀ་རང་བཞིན་ཡོད་པའི་སྒྲུབ་བྱེད་དགག་པ། ལས་རང་བཞིན་གྱིས་ཡོད་པའི་སྒྲུབ་བྱེད་གཞན་དགག་པའོ། །དང་པོ་ནི། ལས་འདི་སོགས། གཉིས་པ་ནི། ལས་དང་སོགས། གསུམ་པ་ནི། མ་རིག་སོགས། གསུམ་པ་རང་བཞིན་མེད་པའི་བྱ་བ་བྱེད་པ་བསྟན་པ་ནི། ཇི་ལྟར་སོགས། རབ་བྱེད་བཅུ་བདུན་པའོ། ། ༈ གསུམ་པ་བདག་མེད་དམ་པའི་དེ་ཁོ་ན་ཉིད་ལ་འཇུག་པའི་ཚུལ་ལ་ལྔ། དེ་ཁོ་ན་ཉིད་ལ་འཇུག་པའི་ཚུལ། དེ་ལ་ལུང་འགལ་སྤང་བ། དེ་ཁོ་ན་ཉིད་ལ་དཀྲི་བའི་རིམ་པ། དེ་ཁོ་ན་ཉིད་ཀྱི་མཚན་ཉིད། དོན་དེ་ངེས་པར་བསྒྲུབ་དགོས་པར་བསྟན་པའོ། །དང་པོ་ལ་གཉིས་དེ་ཁོ་ན་ཉིད་ཀྱི་ལྟ་བ་གཏན་ལ་དབབ་པ། དེ་བསྒོམ་པའི་ཉེས་སྤྱོད་ལྡོག་པའི་རིམ་པའོ། །དང་པོ་ལ་གཉིས། བདག་ངོ་བོ་ཉིད་ཀྱིས་གྲུབ་པ་དགག་པ། དེས་བདག་གི་པ་ངོ་བོ་ཉིད་ཀྱིས་གྲུབ་པ་ཡང་ཁེགས་པར་བསྟན་པའོ། །དང་པོ་ལ་གཉིས། བདག་དང་ཕུང་པོ་རང་བཞིན་གཅིག་པ་དགག་པ། བདག་དང་ཕུང་པོ་རང་བཞིན་ཐ་དད་པ་དགག་པའོ། །དང་པོ་ནི། གལ་ཏེ་སོགས། གཉིས་པ་ནི། གལ་ཏེ་སོགས། གཉིས་པ་དེས་བདག་གི་བ་ངོ་བོ་ཉིད་ཀྱིས་གྲུབ་པ་ཁེགས་པར་བསྟན་པ་ནི། བདག་ཉིད་སོགས། གཉིས་པ་དེ་བསྒོམ་པས་ཉེས་སྐྱོན་ལྡོག་པའི་རིམ་པ་ལ་གཉིས། ཉེས་སྐྱོན་ལྡོག་པའི་རིམ་པ་དངོས། ཐར་པ་ཐོབ་པའི་ཚུལ་ལོ། །དང་པོ་ལ་གསུམ། འཇིག་རྟེན་ལྡོག་པའི་ཚུལ། དེ་ལ་རྩོད་པ་སྤོང་བ། ལེན་པ་ཟད་པས་སྐྱེ་བ་ཟད་ཚུལ་ལོ། །དང་པོ་ནི། བདག་དང་སོགས། གཉིས་པ་ནི། ངར་འཛིན་སོགས། གསུམ་པ་ནི། ནང་དང་སོགས། གཉིས་པ་ཐར་བ་ཐོབ་པའི་ཚུལ་ནི། ལས་དང་སོགས། གཉིས་པ་དེ་ལ་ལུང་འགལ་སྤང་བ་ལ་གཉིས། ལུང་དང་འགལ་བ་སྤོང་བ་དངོས། དེ་ཁོ་ནར་དུ་ཡང་བརྗོད་པར་མི་ནུས་པའི་རྒྱུ་མཚན་ནོ། །དང་པོ་ནི། བདག་གི་སོགས། གཉིས་པ་ནི། བརྗོད་པར་སོགས། གསུམ་པ་དེ་ཁོ་ན་ཉིད་ལ་དཀྲི་བའི་རིམ་པ་ནི། ཐམས་ཅད་སོགས། བཞི་པ་དེ་ཁོ་ན་ཉིད་ཀྱི་མཚན་ཉིད་ལ་གཉིས། འཕགས་པ་རྣམས་ཀྱི་དེ་ཁོ་ན་ཉིད་ཀྱི་མཚན་ཉིད། འཇིག་རྟེན་པའི་དེ་ཁོ་ན་ཉིད་ཀྱི་མཚན་ཉིད་དོ། །དང་པོ། །གཞན་ལས་སོགས། གཉིས་པ་ནི། གང་ལ་སོགས། ལྔ་པ་དོན་དེ་ངེས་པར་སྒྲུབ་དགོས་པར་བསྟན་པ་ནི། སངས་རྒྱས་སོགས། རབ་བྱེད་བཅོ་བརྒྱད་པའོ། ། ༈ བཞི་པ་དུས་ཀྱི་རང་བཞིན་གྱིས་སྟོང་པར་བསྟན་པ་ལ་གཉིས། དུས་ངོ་བོ་ཉིད་ཀྱི་གྲུབ་པ་དགག་པ། དེའི་སྒྲུབ་བྱེད་དགག་པའོ། །དང་པོ་ལ་གཉིས། དུས་གསུམ་རང་བཞིན་གྱིས་ཡོད་པ་སྤྱིར་དགག་པ། རང་གཞན་གྱི་སྡེ་བའི་འདོད་པ་སོ་སོར་དགག་པའོ། །དང་པོ་ལ་གསུམ། འདས་པ་ལ་ལྟོས་མ་ལྟོས་ཀྱི་དུས་གཉིས་རང་བཞིན་ཀྱིས་གྲུབ་པ་དགག་པ། རིགས་པ་དེ་དུས་གཞན་གཉིས་ལ་སྦྱར་བ་ཆོས་གསུམ་ཚན་ལ་སྦྱར་བའོ། །དང་པོ་ལ་གཉིས། འདས་པ་དེ་ལྟོས་པའི་རང་བཞིན་གྱིས་གྲུབ་པ་དགག་པ། མ་ལྟོས་པའི་དུས་རང་བཞིན་གྱིས་གྲུབ་པ་དགག་པའོ། །དང་པོ་ནི། ད་ལྟར་སོགས། གཉིས་པ་ནི། འདས་པ་སོགས། གཉིས་པ་རིགས་པ་དེ་དུས་གཞན་གཉིས་ལ་སྦྱར་བ་ནི། རིམ་པའི་སོགས། གསུམ་པ་ཆོས་གསུམ་ཚན་ལ་སྦྱར་བ་ནི། མཆོག་དང་སོགས། གཉིས་པ་རང་གཞན་གྱི་སྡེ་བས་འདོད་པ་སོ་སོར་དགག་པ་ལ་གཉིས། གཞན་སྡེའི་འདོད་པའི་དུས་དགག་པ། རང་སྡེའི་དངོས་པོར་སྨྲ་བས། འདོད་པའི་དུས་དགག་པའོ། །དང་པོ་ནི། མི་གནས་སོགས། གཉིས་པ་ནི། གལ་ཏེ་སོགས། རབ་བྱེད་བཅུ་དགུ་བའོ། ། ༈ གཉིས་པ་དུས་རང་བཞིན་གྱིས་ཡོད་པའི་སྒྲུབ་བྱེད་དགག་པ་ལ་གཉིས། དུས་འབྲས་བུ་འབྱུང་བའི་ལྷན་ཅིག་བྱེད་རྐྱེན་ཡིན་པ་དགག་པ། དུས་འབྲས་བུ་འབྱུང་འཇུག་གི་རྒྱུ་ཡིན་པ་དགག་པའོ། །དང་པོ་ལ་གསུམ། རྒྱུ་རྐྱེན་གྱི་འཚོགས་པ་ལས་སྐྱེ་བ་དགག་པ། རྒྱུ་ཉིད་ལས་སྐྱེ་བ་དགག་པ། རྒྱུ་རྐྱེན་ཚོགས་པ་ལས་སྐྱེ་བ་འགོག་པའི་རིགས་པ་གཞན་བསྟན་པའོ། ། དང་པོ་ལ་གསུམ། ཚོགས་པ་སྔ་མ་ལས་སྐྱེ་བ་དགག་པ། དུས་མཉམ་པའི་ཚོགས་པ་ལས་སྐྱེ་བ་དགག་པ། ཚོགས་པ་ཕྱི་མ་ལས་སྐྱེ་བ་དགག་པའོ། །དང་པོ་ལ་གཉིས། །ཚོགས་པ་ལས་དངོས་སུ་སྐྱེ་བ་དགག་པ། །ཚོགས་པ་ལས་བརྒྱུད་ནས་སྐྱེ་བ་དགག་པའོ། །དང་པོ་ལ་གཉིས། ཚོགས་པ་ལ་ཡོད་མེད་ཀྱི་སྐྱེ་བ་དགག་པ། ཚོགས་པ་ལ་ཡོད་མེད་ཉིད་དགག་པའོ། །དང་པོ་ནི། གལ་ཏེ་སོགས། གཉིས་པ་ནི། གལ་ཏེ་སོགས། གཉིས་པ་ཚོགས་པ་ལས་བརྒྱུད་ནས་སྐྱེ་བ་དགག་པ་ནི། གལ་ཏེ་རྒྱུ་འབྲས་སོགས། གཉིས་པ་དུས་མཉམ་པའི་ཚོགས་པ་ལས་སྐྱེ་བ་དགག་པ་ནི། གལ་ཏེ་ཚོགས་སོགས། གསུམ་པ་ཚོགས་པ་ཕྱི་མ་ལས་སྐྱེ་བ་དགག་པ་ནི། གལ་ཏེ་སོགས། གཉིས་པ་རྒྱུ་ཉིད་ལས་སྐྱེ་བ་དགག་པ་ལ་གཉིས། རྒྱུ་འབྲས་ངོ་བོ་གཅིག་པའི་ཕྱོགས་དགག་པ། རྒྱུ་འབྲས་ངོ་བོ་ཐ་དད་པའི་ཕྱོགས་དགག་པའོ། །དང་པོ་ནི། གལ་ཏེ་རྒྱུ་སོགས། གཉིས་པ་ལ་གཉིས། རྒྱུ་འབྲས་བུ་སྐྱེ་བའི་བྱ་བ་སྦྱོར་བ་བྱེད་པ་དགག་པ། རྒྱུ་ཉིད་རང་བཞིན་གྱིས་ཡོད་པ་དགག་པའོ། ། དང་པོ་ལ་བདུན། རྒྱུ་འགགས་པ་དང་གནས་པས་འབྲས་བུ་བསྐྱེད་པ་དགག་པ། རྒྱུ་འབྲས་མཐོང་བ་དང་མ་མཐོང་བར་འབྲས་བུ་བསྐྱེད་པ་དགག་པ། རྒྱུ་འབྲས་ཕྲད་པ་དང་མ་ཕྲད་པར་འབྲས་བུ་བསྐྱེད་པ་དགག་པ། འབྲས་བུ་སྟོང་མི་སྟོང་གི་རྒྱུས་འབྲས་བུ་སྐྱེ་བ་དགག་པ། འབྲས་བུ་སྟོང་མི་སྟོང་རྒྱུ་བསྐྱེད་པ་དགག་པ། རང་བཞིན་གཅིག་དང་ཐ་དད་ཀྱི་རྒྱུས་འབྲས་བུ་སྐྱེད་པ་དགག་པ། འབྲས་བུ་ངོ་བོ་ཉིད་ཀྱིས་ཡོད་མེད་རྒྱུས་བསྐྱེད་པ་དགག་པའོ། །དང་པོ་ནི། འགགས་པ་སོགས། གཉིས་པ་ནི། རྒྱུས་ནི་སོགས། གསུམ་པ་ནི། འབྲས་བུ་སོགས། བཞི་པ་ནི། གལ་ཏེ་སོགས། ལྔ་པ་ནི། འབྲས་བུ་སོགས། དྲུག་པ་ནི། རྒྱུ་དང་འབྲས་བུ་སོགས། བདུན་པ་ནི། འབྲས་བུ་སོགས། གཉིས་པ་རྒྱུ་ཉིད་རང་བཞིན་གྱིས་ཡོད་པ་དགག་པ་ནི། སྐྱེད་པར་བྱེད་སོགས། གསུམ་པ་རྒྱུ་རྐྱེན་ཚོགས་པ་ལས་སྐྱེ་བ་འགོགས་པའི་རིགས་པ་གཞན་བསྟན་པ་ནི། རྒྱུ་རྣམས་སོགས། རབ་བྱེད་ཉི་ཤུ་བའོ། ། ༈ གཉིས་པ་དུས་འབྱུང་འཇུག་གི་རྒྱུ་ཡིན་པ་དགག་པ་ལ་གཉིས། སྐྱེ་འཇིག་རང་བཞིན་གྱིས་གྲུབ་པ་དགག་པ། སྐྱེ་འཇིག་རང་བཞིན་གྱིས་གྲུབ་པར་འདོད་ན་རྟག་ཆད་ཀྱི་སྐྱོན་བསྟན་པའོ། །དང་པོ་ལ་གཉིས། འབྱུང་འཇིག་རང་བཞིན་གྱིས་ཡོད་པར་དགག་པ། འབྱུང་འཇིག་རང་བཞིན་གྱིས་ཡོད་པའི་སྒྲུབ་བྱེད་དགག་པ། དང་པོ་ལ་གསུམ། འབྱུང་འཇིག་ལྷན་ཅིག་ཡིན་མིན་བརྟགས་ནས་དགག་པ། འབྱུང་འཇིག་རྟེན་གང་ལ་ཡོད་མེད་བརྟགས་ཏེ་དགག་པ། འབྱུང་འཇིག་གཅིག་དང་ཐ་དད་བརྟགས་ཏེ་དགག་པའོ། །དང་པོ་ལ་གསུམ། དམ་བཅའ་བཞག་པ། སྒྲུབ་བྱེད་བསྟན་པ། དེ་དག་གི་དོན་བསྡུ་བའོ། །དང་པོ་ནི། འཇིག་པ་སོགས། གཉིས་པ་ལ་གཉིས། འཇིག་པ་འབྱུང་བ་དང་ལྷན་ཅིག་ཡིན་མིན་དགག་པ། འབྱུང་བ་འཇིག་པ་དང་ལྷན་ཅིག་ཡིན་མིན་དགག་པའོ། །དང་པོ་ནི། འཇིག་པ་སོགས། གཉིས་པ་ནི། འབྱུང་བ་སོགས། གསུམ་པ་དེ་དག་གི་དོན་བསྡུ་བ་ནི། གང་དག་སོགས། གཉིས་པ་འབྱུང་བ་འཇིག་རྟེན་གང་ལ་ཡོད་བརྟགས་ཏེ་དགག་པ་ལ་གསུམ། ཟད་མ་ཟད་ཀྱི་རྟེན་ལ་འབྱུང་འཇིག་དགག་པ། དངོས་པོའི་རྟེན་ལ་འབྱུང་འཇིག་དགག་པ། སྟོང་མི་སྟོང་གི་རྟེན་ལ་འབྱུང་འཇིག་དགག་པའོ། །དང་པོ་ནི། ཟད་ལ་སོགས། གཉིས་པ་ནི། དངོས་པོ་སོགས། གསུམ་པ་ནི། སྟོང་ལ་སོགས། གསུམ་པ་འབྱུང་འཇིག་གཅིག་ཐ་དད་བརྟགས་ཏེ་དགག་པ་ནི། འབྱུང་བ་སོགས། གཉིས་པ་འབྱུང་འཇིག་རང་བཞིན་གྱིས་ཡོད་པའི་སྒྲུབ་བྱེད་དགག་པ་ལ་གཉིས། མཐོང་བ་སྒྲུབ་བྱེད་མིན་པ། ཁོའི་སྒྲུབ་བྱེད་བསྟན་པའོ། །དང་པོ་ནི། འབྱུང་བ་སོགས། གཉིས་པ་ལ་གཉིས། འབྱུང་འཇིག་རང་དང་རིགས་མཐུན་མི་མཐུན་ལས་སྐྱེ་བ་དགག་པ། །དངོས་པོ་རང་དང་གཞན་ལས་སྐྱེ་བ་དགག་པའོ། །དང་པོ་ནི། དངོས་པོ་སོགས། གཉིས་པ་ནི་དངོས་པོ་སོགས། གཉིས་པ་སྐྱེ་འཇིག་རང་བཞིན་གྱིས་གྲུབ་པར་འདོད་ན་རྟག་ཆད་ཀྱི་སྐྱོན་བསྟན་པ་ལ་གསུམ། །དངོས་པོ་རང་བཞིན་གྱིས་ཡོད་པར་ཁས་བླང་ན་རྟག་ཆད་དུ་འགྱུར་ཚུལ། །དེ་ལྟར་ཁས་བླངས་ནས་སྐྱོན་དེ་སྤོང་བའི་ལན་དགག་པ། དེ་ལྟར་བཀག་པའི་དོན་བསྡུ་བའོ། །དང་པོ་ནི། དངོས་པོ་སོགས། གཉིས་པ་ལ་གཉིས། རང་བཞིན་གྱིས་གྲུབ་པ་ཁས་བླང་ནས་རྟག་ཆད་སྤོང་ཚུལ། དེ་དགག་པའི་ལན་ནོ། ། དང་པོ་ནི། དངོས་པོ་སོགས། གཉིས་པ་ལ་གཉིས། རྒྱུན་ཁས་བླངས་ནས་ཀྱང་རྟག་ཆད་སྤོང་མི་ནུས་པ་རྒྱུན་ཉིད་རང་བཞིན་གྱིས་མ་གྲུབ་པར་བསྟན་པའོ། །དང་པོ་ནི། འབྲས་བུ་སོགས། གཉིས་པ་ནི། ཐ་མ་སོགས། གསུམ་པ་དེ་ལྟར་བཀག་པའི་དོན་བསྡུ་བ་ནི། གལ་ཏེ་སོགས། རབ་བྱེད་ཉི་ཤུ་གཅིག་པའོ། ། ༈ ལྔ་པ་སྲིད་པའི་རྒྱུན་གྱི་རང་བཞིན་གྱིས་སྟོང་པར་བསྟན་པ་ལ་གཉིས། དེ་བཞིན་གཤེགས་པ་རང་བཞིན་གྱིས་ཡོད་པ་དགག་པ། ཉོན་མོངས་པ་རང་བཞིན་གྱིས་ཡོད་པ་དགག་པའོ། །དང་པོ་ལ་བཞི། དེ་བཞིན་གཤེགས་པ་རང་གི་མཚན་ཉིད་ཀྱིས་གྲུབ་པ་དགག་པ། དེ་ལ་ལོག་ལྟ་གཞན་གྱི་གནས་མེད་པར་བསྟན་པ། ལོག་པར་བཟུང་བའི་ཉེས་དམིགས་བསྟན་པ། རིགས་པ་དེ་གཞན་ལའང་སྦྱར་བའོ། །དང་པོ་ལ་གསུམ། ལེན་པ་པོ་རང་བཞིན་གྱིས་གྲུབ་པ་དགག་པ། བླང་བྱ་རང་བཞིན་གྱིས་གྲུབ་པ་དགག་པ། དེ་གཉིས་ཀའི་མཇུག་བསྡུ་བའོ། །དང་པོ་ལ་གསུམ། དེ་བཞིན་གཤེགས་པ་རྫས་སུ་ཡོད་པ་དགག་པ། ཕུང་པོ་ལ་བརྟེན་ནས་བཏགས་པ་རང་བཞིན་གྱིས་ཡོད་པ་དགག་པ། དེ་རྣམས་ཀྱི་མཇུག་བསྡུ་བའོ། །དང་པོ་ནི། ཕུང་མིན་སོགས། གཉིས་པ་ལ་གཉིས། ཕུང་པོ་ལ་བརྟེན་ནས་བཏགས་པའི་དེ་བཞིན་གཤེགས་པ་རང་བཞིན་གྱིས་ཡོད་པ་དགག་པ། དེ་བཞིན་གཤེགས་པ་དང་ཕུང་པོ་ལེན་པ་པོ་དང་བླང་བྱ་རང་བཞིན་གྱིས་ཡོད་པ་དགག་པའོ། །དང་པོ་ལ་བཞི། ཕུང་པོ་ལ་བརྟེན་ནས་བཏགས་ན་རང་བཞིན་གྱིས་ཡོད་པ་མ་ཡིན་པ། དེ་གཉིས་མི་འགལ་བའི་ལན་དགག་པ། རང་དངོས་མ་གྲུབ་པ་གཞན་དངོས་མ་གྲུབ་པ། དེས་ན་དེ་བཞིན་གཤེགས་པ་རང་བཞིན་གྱིས་མེད་པར་གྲུབ་པའོ། །དང་པོ་ནི། གལ་ཏེ་སོགས། གཉིས་པ་ནི། གང་ཞིག་སོགས། གསུམ་པ་ནི། གལ་ཏེ་སོགས། བཞི་པ་ནི། རང་བཞིན་སོགས། གཉིས་པ་དེ་བཞིན་གཤེགས་པ་དང་ལེན་པ་པོ་དང་བླང་བྱ་རང་བཞིན་གྱིས་ཡོད་པ་དགག་པ་ནི། གལ་ཏེ་སོགས། གསུམ་པ་དེ་རྣམས་ཀྱི་མཇུག་བསྡུ་བ་ནི། རྣམ་པ་སོགས། གཉིས་པ་བླང་བྱར་རང་བཞིན་གྱིས་གྲུབ་པ་དགག་པ་ནི། གང་ཞིག་སོགས། གསུམ་པ་གཉིས་ཀའི་མཇུག་བསྡུ་བ་ནི། དེ་ལྟར་སོགས། གཉིས་པ་དེ་ལ་ལོག་ལྟ་གཞན་གྱི་གནས་མེད་པར་བསྟན་ནི། སྟོང་ངོ་སོགས། གསུམ་པ་ལོག་ལྟར་བཟུང་བའི་ཉེས་དམིགས་ནི། གང་དག་སོགས། བཞི་པ་རིགས་པ་དེ་གཞན་ལའང་སྦྱར་བ་ནི། དེ་བཞིན་སོགས། རབ་བྱེད་ཉི་ཤུ་གཉིས་པའོ། ། ༈ གཉིས་པ་ཉོན་མོངས་རང་བཞིན་གྱིས་ཡོད་པ་དགག་པ་ལ་གཉིས། ཉོན་མོངས་རང་བཞིན་གྱིས་ཡོད་པ་དགག་པ། དེའི་སྒྲུབ་བྱེད་དེ་སྤོང་བའི་ཐབས་རང་བཞིན་གྱིས་ཡོད་པ་དགག་པའོ། །དང་པོ་ལ་ལྔ། རྟེན་འབྲེལ་གྱི་རྟགས་ཀྱིས་དགག་པ། རྟེན་རང་བཞིན་གྱིས་མེད་པའི་རྟགས་ཀྱིས་དགག་པ། རྒྱུ་རང་བཞིན་གྱིས་མེད་པའི་རྟགས་ཀྱིས་དགག་པ། དམིགས་པ་རང་བཞིན་གྱིས་མེད་པའི་རྟགས་ཀྱིས་དགག་པ། རྒྱུ་རང་བཞིན་གྱིས་མེད་པའི་རྟགས་གཞན་གྱིས་དགག་པའོ། །དང་པོ་ནི། འདོད་ཆགས་སོགས། གཉིས་པ་ལ་གཉིས། བདག་རྟེན་དུ་མེད་པའི་རྟགས་ཀྱིས་དགག་པ། སེམས་རྟེན་དུ་མེད་པའི་རྟགས་ཀྱིས་དགག་པའོ། །དང་པོ་ནི། བདག་གི་སོགས། གཉིས་པ་ནི། རང་ལུས་སོགས། གསུམ་པ་རྒྱུ་རང་བཞིན་མེད་པའི་རྟགས་ཀྱིས་དགག་པ་ནི། སྡུག་དང་སོགས། བཞི་པ་དམིགས་པ་རང་བཞིན་གྱིས་མེད་པའི་རྟགས་ཀྱིས་དགག་པ་ནི། གཟུགས་སྒྲ་སོགས། ལྔ་པ་རྒྱུ་རང་བཞིན་གྱིས་མེད་པའི་རྟགས་གཞན་གྱིས་དགག་པ་ལ་གཉིས། ཆགས་སྡང་གི་རྒྱུ་རང་བཞིན་གྱིས་གྲུབ་པ་དགག་པ། གཏི་མུག་གི་རྒྱུ་རང་བཞིན་གྱིས་གྲུབ་པ་དགག་པའོ། །དང་པོ་ནི། སྒྱུ་མའི་སོགས། གཉིས་པ་ལ་བཞི། ཕྱིན་ཅི་ལོག་རང་བཞིན་གྱིས་གྲུབ་པ་དགག་པ། ཕྱིན་ཅི་ལོག་དང་ལྡན་པ་རང་བཞིན་གྱིས་གྲུབ་པ་དགག་པ། ཕྱིན་ཅི་ལོག་གི་ཡུལ་ཡོད་མེད་བརྟགས་ལ་དགག་པ། དེ་ལྟར་དགག་པ་དོན་ཆེ་བར་བསྟན་པའོ། །དང་པོ་ལ་གསུམ། རྟག་འཛིན་ཕྱིན་ཅི་ལོག་གི་རྒྱུ་རང་བཞིན་གྱིས་གྲུབ་པ་དགག་པ། མི་རྟག་པར་འཛིན་པ་ཕྱིན་ཅི་མ་ལོག་པར་རང་བཞིན་གྱིས་གྲུབ་པ་དགག་པ། འཛིན་པ་ཙམ་རང་བཞིན་གྱིས་གྲུབ་པ་དགག་པའོ། །དང་པོ་ནི། གལ་ཏེ་སོགས། གཉིས་པ་ནི། གལ་ཏེ་སོགས། གསུམ་པ་ནི། གང་གི་སོགས། གཉིས་པ་ཕྱིན་ཅི་ལོག་དང་ལྡན་པ་རང་བཞིན་གྱིས་གྲུབ་པ་དགག་པ་ལ་གསུམ། ལྡན་ཆོས་རང་བཞིན་གྱིས་མེད་པས་ལྡན་པ་པོ་རང་བཞིན་གྱིས་ཡོད་པ་དགག་པ། ཕྱིན་ཅི་ལོག་གི་རྟེན་རང་བཞིན་གྱིས་གྲུབ་པ་དགག་པ། ཕྱིན་ཅི་ལོག་རང་བཞིན་གྱིས་སྐྱེས་པ་དགག་པའོ། །དང་པོ་ནི། ལོག་པའམ་སོགས། གཉིས་པ་ནི་ཕྱིན་ཅི་སོགས། གསུམ་པ་ནི་ཕྱིན་ཅི་ལོག་གི་ཡུལ་ཡོད་མེད་བརྟགས་ལ་དགག་པ་ནི། གལ་ཏེ་སོགས། བཞི་པ་དེ་ལྟར་དགག་པ་དོན་ཆེ་བར་བསྟན་པ་ནི། དེ་ལྟར་སོགས། གཉིས་པ་དེའི་སྒྲུབ་བྱེད་དེ་སྤོང་པའི་ཐབས་རང་བཞིན་གྱིས་གྲུབ་པ་དགག་པ་ནི། གལ་ཏེ་སོགས། རབ་བྱེད་ཉི་ཤུ་གསུམ་པའོ། ། ༈ གཉིས་པ་དེ་ལ་རྩོད་པ་སྤོང་བ་ལ་གཉིས། བདེན་པ་བརྟགས་པ། མྱང་འདས་བརྟགས་པའོ། །དང་པོ་ལ་གཉིས། རྩོད་པ་དང་ལན་ནོ། །དང་པོ་ལ་གཉིས། འབྱུང་འཇིག་སོགས་མི་འཐད་པའི་རྩོད་པ། ལས་འབྲས་སོགས་མི་འཐད་པའི་རྩོད་པའོ། །དང་པོ་ལ་གསུམ། བདེན་བཞིའི་བྱ་བྱེད་མི་འཐད་པའི་རྩོད་པ། ཞུགས་པ་འབྲས་གནས་མི་འཐད་པའི་རྩོད་པ། དཀོན་མཆོག་གསུམ་མི་འཐད་པའི་རྩོད་པའོ། །དང་པོ་ནི། གལ་ཏེ་སོགས། གཉིས་པ་ནི། དགེ་སོགས། གསུམ་པ་ནི། གལ་ཏེ་སོགས། གཉིས་པ་ལས་འབྲས་སོགས་མི་འཐད་པའི་རྩོད་པ་ནི། དེ་སྐད་སོགས། གཉིས་པ་ལན་ལ་བཞི། གཞན་གྱིས་སྨྲས་པ་རྟེན་འབྱུང་གི་དེ་ཉིད་མ་རྟོགས་པའི་རྩོད་པར་བསྟན་པ། རང་གིས་བཞེད་པ་སྟོང་པ་རྟེན་འབྱུང་གི་དོན་དུ་བསྟན་པ། དེ་ལྟར་མི་འདོད་པ་ལ་རྣམ་བཞག་ཐམས་ཅད་མི་འཐད་པའི་ཚུལ། རྟེན་འབྱུང་གི་དེ་ཉིད་རྟོགས་ན་བདེན་བཞིའི་དེ་ཉིད་མཐོང་བར་འགྱུར་བའོ། །དང་པོ་ལ་གཉིས། གཞན་གྱིས་བཀོད་པའི་སྐྱོན་རང་ལ་མི་འཇུག་པའི་ཚུལ། སྐྱོན་བཀོད་པ་པོ་ཉིད་ལ་སྐྱོན་དེ་འཇུག་པའི་ཚུལ་ལོ། །དང་པོ་ལ་གསུམ། སྐྱོན་བརྗོད་མི་འཇུག་པར་བསྟན་པ་དངོས། སྐྱོན་མེད་པར་མ་ཟད་ཡོན་ཏན་ཡོད་པའི་ཚུལ་ལོ། །དང་པོ་ལ་གཉིས། དོན་གསུམ་མ་རྟོགས་པའི་རྩོད་པ་བསྟན་པ། དེ་ལྟར་རྩོད་པས་བདེན་གཉིས་མ་རྟོགས་པར་བསྟན་པའོ། །དང་པོ་ནི། དེ་ལ་སོགས། གཉིས་པ་ལ་ལྔ། གང་ཞིག་མ་རྟོགས་པའི་བདེན་གཉིས་ཀྱི་ངོ་བོ། བདེན་གཉིས་མ་ཤེས་ན་གསུང་རབ་ཀྱི་དེ་ཉིད་མི་ཤེས་པ། བདེན་གཉིས་བསྟན་པའི་དགོས་པ། བདེན་གཉིས་ལོག་པར་བཟུང་བའི་ཉེས་དམིགས། བདེན་གཉིས་རྟོགས་དཀའ་བས་སྟོན་པས་དང་པོར་མ་བསྟན་པའི་ཚུལ་ལོ། །དང་པོ་ནི། སངས་རྒྱས་སོགས། གཉིས་པ་ནི། གང་དག་སོགས། གསུམ་པ་ནི། ཐ་སྙད་སོགས། བཞི་པ་ནི། སྟོང་པ་སོགས། ལྔ་པ་ནི། དེ་ཕྱིར་སོགས། གཉིས་པ་སྐྱོན་བརྗོད་མི་འཇུག་པར་བསྟན་པ་ནི། སྐྱོན་དུ་སོགས། གསུམ་པ་སྐྱོན་མེད་པར་མ་ཟད་ཡོན་ཏན་ཡོད་པའི་ཚུལ་ནི། གང་ལ་སོགས། གཉིས་པ་སྐྱོན་འགོད་པ་པོ་ཉིད་ལ་སྐྱོན་དེ་འཇུག་པའི་ཚུལ་ལ་གསུམ། སྐྱོན་འགོད་པ་པོ་ལ་སྐྱོན་དེ་འཇུག་པའི་རྒྱུ་མཚན། དེས་རང་ཉིད་སྐྱོན་གཞན་གྱིས་བཟུང་ཚུལ། སྐྱོན་དེ་རྣམས་གང་ཡིན་གསལ་བར་སྟོན་པའོ། །དང་པོ་ནི། གང་ལ་སོགས། གཉིས་པ་ནི། ཁྱོད་ནི་སོགས། གསུམ་པ་ནི། གལ་ཏེ་སོགས། གཉིས་པ་རང་གི་བཞེད་པ་སྟོང་བའི་དོན་རྟེན་འབྱུང་གི་དོན་དུ་བསྟན་པ་ནི། རྟེན་ཅིང་སོགས། གསུམ་པ་དེ་ལྟར་མི་འདོད་པ་ལ་རྣམ་བཞག་ཐམས་ཅད་མི་འཐད་པའི་ཚུལ་ལ་དྲུག །ཤེས་བྱ་བདེན་བཞི་མི་རུང་པ་བདེན་པ་བཞི་ཤེས་པ་སོགས་དང་འབྲས་བུ་བཞི་མི་རུང་བ། དཀོན་མཆོག་གསུམ་མི་རུང་བ། བྱེད་པ་པོ་དང་ལས་འབྲས་མི་རུང་བ། འཇིག་རྟེན་པའི་ཐ་སྙད་མི་རུང་པ། འཇིག་རྟེན་ལས་འདས་པའི་ཐ་སྙད་མི་རུང་བའོ། །དང་པོ་ནི། གལ་ཏེ་སོགས། གཉིས་པ་ནི། གལ་ཏེ་སོགས། གསུམ་པ་ནི། འབྲས་བུ་སོགས། བཞི་པ་ནི། འགའ་ཡང་སོགས། ལྔ་པ་ནི། རྟེན་ཅིང་སོགས། དྲུག་པ་ནི། གལ་ཏེ་སོགས། བཞི་པ་རྟེན་འབྱུང་གི་དེ་ཉིད་མཐོང་ན་བདེན་བཞིའི་དེ་ཉིད་མཐོང་བར་འགྱུར་བ་ནི་གང་གི་སོགས། རབ་བྱེད་ཉི་ཤུ་བཞི་པའོ། ། ༈ གཉིས་པ་མྱང་འདས་བརྟགས་པ་ལ་གཉིས། རྩོད་པ་དང་། ལན་ནོ། དང་པོ་ནི། གལ་ཏེ་སོགས། གཉིས་པ་ལ་བཞི། དངོས་པོ་རང་བཞིན་གྱིས་གྲུབ་པའི་ཕྱོགས་ལ་མྱང་འདས་མི་འཐད་པ། རང་གི་ལུགས་ཀྱི་མྱང་འདས་ངོས་བཟུང་བ། དེ་ལས་ཚུལ་གཞན་དུ་སྨྲ་བ་དགག་པ། དེ་ལྟར་བཀག་པ་ལ་ལུང་འགལ་སྤང་པའོ། །དང་པོ་ནི། གལ་ཏེ་སོགས། གཉིས་པ་ནི། སྤང་བས་སོགས། གསུམ་པ་ལ་གསུམ། མྱང་འདས་མཐའ་བཞིར་གྲུབ་པ་དགག་པ། མྱང་འདས་ཐུགས་སུ་ཆུད་པ་པོ་མཐའ་བཞིར་མ་གྲུབ་པར་བསྟན་པ། དེས་གྲུབ་པའི་དོན་ནོ། །དང་པོ་ལ་གསུམ། མྱང་འདས་དངོས་པོར་ཡོད་མེད་སོ་སོ་བའི་མཐར་འདོད་པ་དགག་པ། དེ་གཉིས་ཀའི་མཐར་འདོད་པ་དགག་པ། གཉིས་ཀ་མ་ཡིན་པའི་མཐར་འདོད་པ་དགག་པའོ། །དང་པོ་ལ་བཞི། མྱང་འདས་དངོས་པོའི་མཐར་འདོད་པ་དགག་པ། དངོས་པོར་མེད་པའི་མཐར་འདོད་པ་དགག་པ། མཐའ་གཉིས་སྤང་བའི་མྱང་འདས་གང་ལ་འཇོག་པ། མཐའ་གཉིས་སུ་ལྟ་བ་སྟོན་པ་སྨད་པའི་ཚུལ་ལོ། །དང་པོ་ནི། རེ་ཞིག་སོགས། གཉིས་པ་ནི། གལ་ཏེ་སོགས། གསུམ་པ་ནི། འོང་བ་སོགས། བཞི་པ་ནི། འབྱུང་བ་སོགས། གཉིས་པ་དེ་གཉིས་ཀའི་མཐར་འདོད་པ་དགག་པ་ནི། གལ་ཏེ་སོགས། གསུམ་པ་གཉིས་ཀ་མ་ཡིན་པའི་མཐར་འདོད་པ་དགག་པ་ནི། དངོས་མིན་སོགས། གཉིས་པ་དེ་གཉིས་མྱང་འདས་ཐུགས་སུ་ཆུད་པ་པོ་མཐའ་བཞིར་མ་གྲུབ་པར་བསྟན་པ་ནི། བཅོམ་ལྡན་སོགས། གསུམ་པ་དེས་གྲུབ་པའི་དོན་ལ་གཉིས། སྲིད་ཞི་མཉམ་ཉིད་དུ་གྲུབ་པ། ལུང་མ་བསྟན་གྱི་ལྟ་བ་དགག་པ་གྲུབ་པའོ། །དང་པོ་ནི། འཁོར་བ་སོགས། གཉིས་པ་ནི། གང་འདས་སོགས། བཞི་བ་དེ་ལྟར་བཀག་པའི་ལུང་འགལ་སྤོང་བ་ནི། དམིགས་པ་སོགས། རབ་བྱེད་ཉི་ཤུ་ལྔ་པའོ། ། ༈ གཉིས་པ་རྟེན་འབྱུང་རྟོགས་མ་རྟོགས་ལས་འཁོར་བའི་འཇུག་ལྡོག་བྱེད་ལུགས་ལ་གཉིས། ལུགས་འབྱུང་གི་རྟེན་འབྲེལ་དང་། ལུགས་ལྡོག་གི་རྟེན་འབྲེལ་ལོ། །དང་པོ་ལ་གཉིས། འཕེན་བྱེད་ཀྱི་རྒྱུ་འབྲས། འགྲུབ་བྱེད་ཀྱི་འབྲས་བུའོ། །དང་པོ་ནི། མ་རིག་སོགས། གཉིས་པ་ནི། ཚོར་བའི་སོགས། གཉིས་པ་ལུགས་ལྡོག་གི་རྟེན་འབྲེལ་ནི། འཁོར་བའི་སོགས། རབ་བྱེད་ཉི་ཤུ་དྲུག་པའོ། ། ༈ གསུམ་པ་རྟེན་འབྱུང་རྟོགས་ན་ལྟ་བ་ངན་པ་ལྡོག་ཚུལ་ལ་གཉིས། ལྟ་བ་ངན་པ་བཅུ་དྲུག་ངོས་བཟུང་བ། རྟེན་འབྲེལ་རྟོགས་པ་དེ་ལ་མི་གནས་པའི་ཚུལ་ལོ། །དང་པོ་ནི། འདས་དུས་སོགས། གཉིས་པ་ལ་གཉིས། ཐ་སྙད་དུ་གཟུགས་བརྙན་ལྟ་བུའི་རྟེན་འབྲེལ་གྱི་དབང་དུ་བྱས་ནས་ལྟ་བ་དེ་དག་ལ་གནས་པ་དགག་པ། དོན་དམ་པར་སྤྲོས་པ་ཐམས་ཅད་ཞི་བས་ལྟ་བ་དེ་དག་ལ་གནས་པ་དགག་པའོ། །དང་པོ་ལ་བཞི། སྔོན་གྱི་མཐའ་ལ་བརྟེན་པའི་ལྟ་བ་བཞི་ཚན་དང་པོ་དགག་པ། དེས་ཕྱི་མའི་མཐའ་ལ་བརྟེན་པའི་བཞི་ཚན་དང་པོ་ཁེགས་པར་བསྟན་པ། སྔོན་གྱི་མཐའ་ལ་བརྟེན་པའི་ལྟ་བ་བཞི་ཚན་གཉིས་པ་དགག་པ། ཕྱི་མའི་མཐའ་ལ་བརྟེན་པའི་ལྟ་བ་བཞི་ཚན་གཉིས་པ་དགག་པའོ། །དང་པོ་ལ་གཉིས། འདས་དུས་བྱུང་མ་བྱུང་དུ་ལྟ་བ་གཉིས་དགག་པ། མཇུག་བསྡུས་ཏེ་ལྟ་བ་གཞན་གཉིས་ཀྱང་མི་འཐད་པར་བསྟན་པའོ། ། དང་པོ་ལ་གཉིས། འདས་དུས་སུ་བྱུང་བར་ལྟ་བ་དགག་པ། འདས་དུས་སུ་མ་བྱུང་བར་ལྟ་བ་དགག་པའོ། །དང་པོ་ལ་གཉིས། དགག་པ་དངོས། བཀག་པའི་མཇུག་བསྡུ་བའོ། །དང་པོ་ནི། འདས་པའི་སོགས། གཉིས་པ་ནི། དེ་ལྟ་སོགས། གཉིས་པ་འདས་དུས་མ་བྱུང་བར་ལྟ་བ་དགག་པ་ནི། འདས་པའི་སོགས། གཉིས་པ་མཇུག་བསྡུས་ཏེ་ལྟ་བ་གཞན་གཉིས་ཀྱང་མི་འཐད་པར་བསྟན་པ་ནི། དེ་ལྟར་སོགས། གཉིས་པ་དེའི་ཕྱི་མའི་མཐའ་ལ་བརྟེན་པའི་ལྟ་བ་བཞི་ཚན་དང་པོ་ཁེགས་པར་བསྟན་པ་ནི། མ་འོང་ས་སོགས། གསུམ་པ་སྔོན་གྱི་མཐར་ལ་བརྟེན་པའི་ལྟ་བ་བཞི་ཚན་གཉིས་པ་དགག་པ་ལ་གཉིས། རྟག་མི་རྟག་མཐར་ལྟ་པ་དང་པོ་གཉིས་དགག་པ། མཐར་ལྟ་བ་ཕྱི་མ་གཉིས་དགག་པའོ། །དང་པོ་ནི། གལ་ཏེ་སོགས། གཉིས་པ་ནི། གལ་ཏེ་ཕྱོགས་སོགས། བཞི་བ་ཕྱི་མའི་མཐའ་ལ་བརྟེན་པའི་ལྟ་བ་བཞི་ཚན་གཉིས་པ་དགག་པ་ལ་གཉིས། མཐའ་དང་ལྡན་མི་ལྡན་གྱི་མཐའ་ལྟ་བ་དང་པོ་གཉིས་དགག་པ། མཐར་ལྟ་བ་ཕྱི་མ་གཉིས་དགག་པའོ། ། དང་པོ་ནི། གལ་ཏེ་སོགས། གཉིས་པ་ནི། གལ་ཏེ་ཕྱོགས་སོགས། གཉིས་པ་དོན་དམ་པར་སྤྲོས་པ་ཐམས་ཅད་ཞི་བས་ལྟ་བ་དེ་དག་གནས་པས་དགག་པ་ནི། ཡང་ན་སོགས། རབ་བྱེད་ཉི་ཤུ་བདུན་པའོ། །གསུམ་པ་དེ་ལྟར་སྟོན་པའི་བཀའ་དྲིན་རྗེས་སུ་དྲན་པའི་ཕྱག་ནི། གང་གི་སོགས། གསུམ་པ་མཇུག་གི་དོན་ནི། དབུ་མ་རྩ་བའི་སོགས་ནས་རྫོགས་སོ། །དགེའོ། །དགེའོ། །དགེའོ།། །།