JKW-KABUM-19-DZA-002: Difference between revisions

From Khyentse Lineage - A Tsadra Foundation Project
(Created page with "{{Khyentse Metadata |classification=Tibetan Publications |subclass=Tibetan Texts |collectiontitle=mkhyen brtse'i bka' 'bum |collectiontitletib=མཁྱེན་བརྩེ...")
 
m (Text replacement - "Khyentse Metadata" to "Text")
 
(5 intermediate revisions by 2 users not shown)
Line 1: Line 1:
{{Khyentse Metadata
{{Text
|classification=Tibetan Publications
|sectionheading=Yes|classification=Tibetan Publications
|subclass=Tibetan Texts
|subclass=Tibetan Texts
|fulltitletib=དམ་པའི་ཆོས་ཀྱི་བྱུང་བ་བརྗོད་པ་ལས་གཙོ་བོར་བརྩམས་པའི་གཏམ་སྐལ་བཟང་རྣ་བའི་བཅུད་ལེན།
|fulltitle=dam pa'i chos kyi byung ba brjod pa las gtso bor brtsams pa'i gtam skal bzang rna ba'i bcud len
|citation=[['jam dbyangs mkhyen brtse'i dbang po]]. ''dam pa'i chos kyi byung ba brjod pa las gtso bor brtsams pa'i gtam skal bzang rna ba'i bcud len''. In '''jam dbyangs mkhyen brtse'i dbang po'i bka' 'bum'', Vol. 19: 505-566. Khams sde dge rdzong sar dgon: Rdzong sar blo gros phun tshogs, 2020.
|collectiontitle=mkhyen brtse'i bka' 'bum
|collectiontitle=mkhyen brtse'i bka' 'bum
|collectiontitletib=མཁྱེན་བརྩེའི་བཀའ་འབུམ་
|collectiontitletib=མཁྱེན་བརྩེའི་བཀའ་འབུམ་
|totalvolumes=25
|author='jam dbyangs mkhyen brtse'i dbang po
|author='jam dbyangs mkhyen brtse'i dbang po
|editor=
|authortib=འཇམ་དབྱངས་མཁྱེན་བརྩེའི་དབང་པོ་
|authortib=འཇམ་དབྱངས་མཁྱེན་བརྩེའི་དབང་པོ་
|editor=rdzong sar blo gros phun tshogs
|editortib=
|editortib=རྫོང་སར་བློ་གྲོས་ཕུན་ཚོགས་
|tibgenre=History Texts - lo rgyus, Religious History Texts - chos 'byung
|terma=No
|sabcadcategory=Seven
|language=Tibetan
|language=Tibetan
|tibgenre=Collected Works - Selected - bka' 'bum
|volumenumber=019
|language=Tibetan
|volnumtib=༡༩
|pagestatus=Temporary stub only
|volyigtib=ཛ་
|volumenumber=DZA
|totalvolumes=25
|textnuminvol=002
|textnuminvol=002
|pagenumbers=505-566
|totalpages=62
|beginfolioline=1a
|endfolioline=31b4
|totalfolios=31
|multivolumework=No
|rectonotes=sde tshan 2
|versonotes=mkhyen brtse'i bka' 'bum
|colophontib=།ཅེས་པའང་དོན་གཉེར་ཅན་དག་གིས་ཆེད་དུ་དྲིས་ཤིང་བསྐུལ་བའི་ངོར།  ལོ་རྒྱུས་སྨྲ་བ་ལ་དགའ་བའི་ཤཱཀྱའི་དགེ་སློང་བྱ་བྲལ་བ་མཁྱེན་བརྩེའི་དབང་པོས་དཔལ་ཨེ་ཝཾ་ཆོས་ལྡན་གྱི་བླ་བྲང་ཐར་པ་རྩེར་ཤིན་ཏུ་བསྡུས་པའི་ཚུལ་གྱིས་མགྱོགས་པར་སྦྱར་བ་ལས།  སླད་ནས་ཀྱང་ཅུང་ཟད་གསལ་བར་བགྱིས་པའོ།  །འདི་ལས་རྒྱས་པར་སྤྲོས་པའི་ངག་ཚིག་གི།  །པདྨོ་དགོད་པར་འདོད་ན་སྐབས་གཞན་དུ།  ཁོ་བོས་སྨྲས་པའི་ལེགས་བཤད་ཉི་གཞོན་གྱི།  །བཅུད་ལེན་ཅི་དགར་འཐུང་བའི་གར་རྩེན་ཤིག  །སརྦ་དཱ་ཀ་ལྱ་ཎཾ་བྷ་བ་ཏུ།།
|colophonwylie=ces pa'ang don gnyer can dag gis ched du dris shing bskul ba'i ngor/__lo rgyus smra ba la dga' ba'i shAkya'i dge slong bya bral ba mkhyen brtse'i dbang pos dpal e waM chos ldan gyi bla brang thar pa rtser shin tu bsdus pa'i tshul gyis mgyogs par sbyar ba las/__slad nas kyang cung zad gsal bar bgyis pa'o/__/'di las rgyas par spros pa'i ngag tshig gi/__/pad+mo dgod par 'dod na skabs gzhan du/__kho bos smras pa'i legs bshad nyi gzhon gyi/__/bcud len ci dgar 'thung ba'i gar rtsen shig__/sarba dA ka l+ya NaM b+ha ba tu
|pdflink=File:JKW-KABUM-19-DZA-002.pdf
|pdflink=File:JKW-KABUM-19-DZA-002.pdf
}}
}}
Line 20: Line 35:
<h1 style="font-size: 24px !important;">Tibetan Text</h1>
<h1 style="font-size: 24px !important;">Tibetan Text</h1>
<onlyinclude>
<onlyinclude>
{{TibP|དམ་པའི་ཆོས་ཀྱི་བྱུང་བ་བརྗོད་པ་ལས་གཙོ་བོར་བརྩམས་པའི་གཏམ་སྐལ་བཟང་རྣ་བའི་བཅུད་ལེན།
{{TibP|༄༅།  །དམ་པའི་ཆོས་ཀྱི་བྱུང་བ་བརྗོད་པ་ལས་གཙོ་བོར་བརྩམས་པའི་གཏམ་སྐལ་བཟང་རྣ་བའི་བཅུད་ལེན་ཞེས་བྱ་བ་བཞུགས་སོ། །
༄༅།  །དམ་པའི་ཆོས་ཀྱི་བྱུང་བ་བརྗོད་པ་ལས་གཙོ་བོར་བརྩམས་པའི་གཏམ་སྐལ་བཟང་རྣ་བའི་བཅུད་ལེན་ཞེས་བྱ་བ་བཞུགས་སོ། །
ཨོཾ་སྭ་སྟི་པྲཛ་བྷྱཿ  རྡོ་རྗེའི་རྣམ༷་འབྱོར༷་གཅིག་པུའི་གར་གྱིས་བརྟན་གཡོ་ཀུན་ལ་ཁྱབ་པའི་སྐུ།  །འཇ༷མ་མཉེན་དབྱངས་ཀྱི་ཡན་ལག་དང་འགྲོགས་ལུང་རྟོགས་ཆོས་ཁམས་རྒྱ་མཚོའི་གསུང་།  །སྲིད་དང་ཞི་བའི་དཔ༷ལ་དུ་གྱུར་པའི་རྣམ་ཀུན་མཆོག་ལྡན་ཡེ་ཤེས་ཐུགས།  །དྲན་པ་ཙམ་གྱིས་རྨོངས་པའི་འཇིགས་འཕྲོག་རྣམ་འདྲེན་བཟ༷ང་པོ༷ས་དགེ་ལེགས་སྩོལ།  །ཞེས་ཤིས་པར་བརྗོད་པའི་ཚིག་གི་ཨུཏྤལ་སྔོན་དུ་གཏོར་ནས་འདིར་ལས་སུ་བྱ་བ་ནི།  མཆོག་འབྲིང་ཕལ་པའི་འདུས་པ་རྒྱ་མཚོ་ལྟ་བུའི་དབུས་སུ།  དམ་པའི་ཆོས་གཙོ་བོར་གྱུར་པའི་གླེང་བསླང་བ་ལས་བརྩམས་ཏེ་འབེལ་པའི་གཏམ་གཏན་ལ་དབབ་པའི་ཚུལ་མདོ་ཙམ་སྤྲོ་ན།  ཚོགས་པ་རྣམས་གྲལ་ལ་འཁོད་གྲུབ་པ་དང་བསྟུན།  །ཕུན་སུམ་ཚོགས་པ་མངའ་བ་གསེར་གྱི་རི་བོ་འདྲ་ནས།  དེ་ནི་འཇིག་རྟེན་དགེ་བའི་བཀྲ་ཤིས་གསུམ་པ་ཡིན།  ཞེས་པ་ནི།  སངས་རྒྱས་མཉམ་སྦྱོར་དང་།  རྡོ་རྗེ་གུར་གྱི་རྒྱུད་སོགས་ལས་གསུངས་པའི་དཀོན་མཆོག་གསུམ་གྱི་བཀྲ་ཤིས་ཀྱི་ཚིགས་སུ་བཅད་པ་སྟེ་སྐབས་འདིར་ཐོག་མར་དགེ་བ་ཀླད་ཀྱི་དོན་དང་ཚུལ་མཚུངས་པའི་ཕྱིར་མདུན་བསུས་ཏེ།  དེ་རིང་གི་དུས་སུ།  ཉི་མ་ཐམས་ཅད་དགེ་བ་ཡིན།  །རྒྱུ་སྐར་ཐམས་ཅད་བཟང་པོ་ཡིན།  ཞེས་པ་ལྟར།  གནམ་ལ་སྐར་མ།  ས་ལ་དུས་ཚོད།  བར་ལ་ལ་ཉེ་སོགས་རྟེན་ཅིང་འབྲེལ་བར་འབྱུང་བའི་ཆོས་ཕུན་སུམ་ཚོགས་པ་མ་ཚང་བ་མེད་པའི་སྐབས་འདིར།  སྐུ་བཞི་ཡེ་ཤེས་ལྔ་ཡི་ཁྱབ་བདག  །རིགས་དང་དཀྱིལ་འཁོར་ཀུན་གྱི་གཙོ་བོ།  །བདག་སོགས་བསྟན་འགྲོ་ཡོངས་ཀྱི་སྐྱབས་གཅིག  །མཚན་བརྗོད་པར་དཀའ་བ།  དོན་གྱི་སླད་དུ་མཚན་ནས་སྨོས་ཏེ།  མཆོག་གི་སྤྲུལ་པའི་སྐུ་རིན་པོ་ཆེའམ།  དཔལ་ལྡན་བླ་མ་དམ་པ་འདི་བླ་མ་སོ་སོའི་མཚན་བཅུག  ཞེས་བྱ་བའི་ཞལ་སྔ་ནས་མཁན་སློབ་ཉི་ཟླ་ཟུང་འབྲེལ་གུང་ལ་བཞུགས།  མི་ཆེ་བ་རྣམས་ཀྱིས་གྲལ་གྱི་དབུ་མནན།  ཡོན་ཏན་མཁྱེན་པ་རྣམས་ཀྱིས་གྲལ་གྱི་གཞུང་བསྲང་།  རྒྱུ་སྦྱོར་བའི་དད་ལྡན་སྦྱིན་བདག་ཕོ་མོ་བྱ་བ་བྱེད་པ་དང་བཅས་པས་གྲལ་གྱི་མཐའ་བསྐོར་ཏེ་སྟོན་འཁོར་ཕུན་སུམ་ཚོགས་པ་ལྔ་ལྡན་དུ་བཞུགས་པ་རྣམས་ཀྱི་སྙན་ལམ་དུ།  མཁས་མཆོག་དཔའ་བོས།  ཡ་རབས་རྣམས་དང་འཕྲད་ན་སྐྱེས་ཀྱི་མཆོག  །ཚོགས་ཀྱི་དབུས་སུ་མཁས་པ་དགའ་བར་འགྱུར།  །ཕས་ཀྱི་རྒོལ་ལ་ཉི་མའི་འོད་དང་འདྲ།  །འགྲན་པ་རྣམས་ཀྱི་གྲགས་དང་དྲེགས་པ་སེལ།  ཞེས་གསུངས་པ་ལྟར།  ཡ་རབས་མཁས་པ་རྣམས་དགྱེས་པ་སྐྱེད་པའི་མཆོག  །ཕྱི་སྣོད་འཇིག་རྟེན་ཆགས་ཚུལ།  ནང་བཅུད་སེམས་ཅན་གྲུབ་ཚུལ།  སྟོན་པ་སངས་རྒྱས་བྱོན་ཚུལ།  སྐྱོབས་པ་དམ་ཆོས་གསུངས་ཚུལ།  འདྲེན་པ་དགེ་འདུན་དར་ཚུལ།  ས་སྐྱོང་རྒྱལ་པོའི་རྒྱལ་རབས་སོགས་ཆོས་སྲིད་དང་འབྲེལ་བའི་འབེལ་གཏམ་གྱི་དགའ་སྟོན་རྒྱ་ཆེར་སྤྲོ་དགོས་རྒྱུར་མཆིས་ནའང་།  ཁོ་བོ་ཅག་སྐྱེས་ཐོབ་ཀྱི་ཡོན་ཏན་དམན་ཞིང་།  སྦྱོར་བྱུང་གི་བརྩོན་འགྲུས་ཞན་པའི་མཐུས་རྒྱ་ཆེར་ཞུ་མ་ཤེས་ཤིང་།  གང་མཐོང་གང་ཐོས་ཙམ་ཞུ་བའི་ལོངས་སྐབས་ཀྱང་ཐུང་མོད།  འོན་ཀྱང་སྐབས་སུ་བབས་པའི་གཏམ།  དུས་སུ་སྨིན་པའི་ཆར།  བརྗོད་བྱ་ཕུན་སུམ་ཚོགས་ཞིང་།  རྗོད་བྱེད་རྒྱས་བསྡུས་འཚམས་པ་ས་བོན་ཙམ་ཞིག་གསོལ་བ་ལ།  སྙན་གྱི་དབང་པོས་གསན།  ཐུགས་ཀྱིས་བརྗོད་དོན་དགོངས་པར་ཞུ་སྙིང་།
ཨོཾ་སྭ་སྟི་པྲཛ་བྷྱཿ  རྡོ་རྗེའི་རྣམ༷་འབྱོར༷་གཅིག་པུའི་གར་གྱིས་བརྟན་གཡོ་ཀུན་ལ་ཁྱབ་པའི་སྐུ།  །འཇ༷མ་མཉེན་དབྱངས་ཀྱི་ཡན་ལག་དང་འགྲོགས་ལུང་རྟོགས་ཆོས་ཁམས་རྒྱ་མཚོའི་གསུང་།  །སྲིད་དང་ཞི་བའི་དཔ༷ལ་དུ་གྱུར་པའི་རྣམ་ཀུན་མཆོག་ལྡན་ཡེ་ཤེས་ཐུགས།  །དྲན་པ་ཙམ་གྱིས་རྨོངས་པའི་འཇིགས་འཕྲོག་རྣམ་འདྲེན་བཟ༷ང་པོ༷ས་དགེ་ལེགས་སྩོལ།  །ཞེས་ཤིས་པར་བརྗོད་པའི་ཚིག་གི་ཨུཏྤལ་སྔོན་དུ་གཏོར་ནས་འདིར་ལས་སུ་བྱ་བ་ནི།  མཆོག་འབྲིང་ཕལ་པའི་འདུས་པ་རྒྱ་མཚོ་ལྟ་བུའི་དབུས་སུ།  དམ་པའི་ཆོས་གཙོ་བོར་གྱུར་པའི་གླེང་བསླང་བ་ལས་བརྩམས་ཏེ་འབེལ་པའི་གཏམ་གཏན་ལ་དབབ་པའི་ཚུལ་མདོ་ཙམ་སྤྲོ་ན།  ཚོགས་པ་རྣམས་གྲལ་ལ་འཁོད་གྲུབ་པ་དང་བསྟུན།  །ཕུན་སུམ་ཚོགས་པ་མངའ་བ་གསེར་གྱི་རི་བོ་འདྲ་ནས།  དེ་ནི་འཇིག་རྟེན་དགེ་བའི་བཀྲ་ཤིས་གསུམ་པ་ཡིན།  ཞེས་པ་ནི།  སངས་རྒྱས་མཉམ་སྦྱོར་དང་།  རྡོ་རྗེ་གུར་གྱི་རྒྱུད་སོགས་ལས་གསུངས་པའི་དཀོན་མཆོག་གསུམ་གྱི་བཀྲ་ཤིས་ཀྱི་ཚིགས་སུ་བཅད་པ་སྟེ་སྐབས་འདིར་ཐོག་མར་དགེ་བ་ཀླད་ཀྱི་དོན་དང་ཚུལ་མཚུངས་པའི་ཕྱིར་མདུན་བསུས་ཏེ།  དེ་རིང་གི་དུས་སུ།  ཉི་མ་ཐམས་ཅད་དགེ་བ་ཡིན།  །རྒྱུ་སྐར་ཐམས་ཅད་བཟང་པོ་ཡིན།  ཞེས་པ་ལྟར།  གནམ་ལ་སྐར་མ།  ས་ལ་དུས་ཚོད།  བར་ལ་ལ་ཉེ་སོགས་རྟེན་ཅིང་འབྲེལ་བར་འབྱུང་བའི་ཆོས་ཕུན་སུམ་ཚོགས་པ་མ་ཚང་བ་མེད་པའི་སྐབས་འདིར།  སྐུ་བཞི་ཡེ་ཤེས་ལྔ་ཡི་ཁྱབ་བདག  །རིགས་དང་དཀྱིལ་འཁོར་ཀུན་གྱི་གཙོ་བོ།  །བདག་སོགས་བསྟན་འགྲོ་ཡོངས་ཀྱི་སྐྱབས་གཅིག  །མཚན་བརྗོད་པར་དཀའ་བ།  དོན་གྱི་སླད་དུ་མཚན་ནས་སྨོས་ཏེ།  མཆོག་གི་སྤྲུལ་པའི་སྐུ་རིན་པོ་ཆེའམ།  དཔལ་ལྡན་བླ་མ་དམ་པ་འདི་བླ་མ་སོ་སོའི་མཚན་བཅུག  ཞེས་བྱ་བའི་ཞལ་སྔ་ནས་མཁན་སློབ་ཉི་ཟླ་ཟུང་འབྲེལ་གུང་ལ་བཞུགས།  མི་ཆེ་བ་རྣམས་ཀྱིས་གྲལ་གྱི་དབུ་མནན།  ཡོན་ཏན་མཁྱེན་པ་རྣམས་ཀྱིས་གྲལ་གྱི་གཞུང་བསྲང་།  རྒྱུ་སྦྱོར་བའི་དད་ལྡན་སྦྱིན་བདག་ཕོ་མོ་བྱ་བ་བྱེད་པ་དང་བཅས་པས་གྲལ་གྱི་མཐའ་བསྐོར་ཏེ་སྟོན་འཁོར་ཕུན་སུམ་ཚོགས་པ་ལྔ་ལྡན་དུ་བཞུགས་པ་རྣམས་ཀྱི་སྙན་ལམ་དུ།  མཁས་མཆོག་དཔའ་བོས།  ཡ་རབས་རྣམས་དང་འཕྲད་ན་སྐྱེས་ཀྱི་མཆོག  །ཚོགས་ཀྱི་དབུས་སུ་མཁས་པ་དགའ་བར་འགྱུར།  །ཕས་ཀྱི་རྒོལ་ལ་ཉི་མའི་འོད་དང་འདྲ།  །འགྲན་པ་རྣམས་ཀྱི་གྲགས་དང་དྲེགས་པ་སེལ།  ཞེས་གསུངས་པ་ལྟར།  ཡ་རབས་མཁས་པ་རྣམས་དགྱེས་པ་སྐྱེད་པའི་མཆོག  །ཕྱི་སྣོད་འཇིག་རྟེན་ཆགས་ཚུལ།  ནང་བཅུད་སེམས་ཅན་གྲུབ་ཚུལ།  སྟོན་པ་སངས་རྒྱས་བྱོན་ཚུལ།  སྐྱོབས་པ་དམ་ཆོས་གསུངས་ཚུལ།  འདྲེན་པ་དགེ་འདུན་དར་ཚུལ།  ས་སྐྱོང་རྒྱལ་པོའི་རྒྱལ་རབས་སོགས་ཆོས་སྲིད་དང་འབྲེལ་བའི་འབེལ་གཏམ་གྱི་དགའ་སྟོན་རྒྱ་ཆེར་སྤྲོ་དགོས་རྒྱུར་མཆིས་ནའང་།  ཁོ་བོ་ཅག་སྐྱེས་ཐོབ་ཀྱི་ཡོན་ཏན་དམན་ཞིང་།  སྦྱོར་བྱུང་གི་བརྩོན་འགྲུས་ཞན་པའི་མཐུས་རྒྱ་ཆེར་ཞུ་མ་ཤེས་ཤིང་།  གང་མཐོང་གང་ཐོས་ཙམ་ཞུ་བའི་ལོངས་སྐབས་ཀྱང་ཐུང་མོད།  འོན་ཀྱང་སྐབས་སུ་བབས་པའི་གཏམ།  དུས་སུ་སྨིན་པའི་ཆར།  བརྗོད་བྱ་ཕུན་སུམ་ཚོགས་ཞིང་།  རྗོད་བྱེད་རྒྱས་བསྡུས་འཚམས་པ་ས་བོན་ཙམ་ཞིག་གསོལ་བ་ལ།  སྙན་གྱི་དབང་པོས་གསན།  ཐུགས་ཀྱིས་བརྗོད་དོན་དགོངས་པར་ཞུ་སྙིང་།
   ཐོག་མར་ཕྱི་སྣོད་འཇིག་རྟེན་ཆགས་ཚུལ་ནི།  མདོ་སྡུད་པ་ལས།  མཁའ་ལ་རླུང་བརྟེན་དེ་ལ་ཆུ་ཡི་ཕུང་པོ་བརྟེན།  །དེ་ལ་ས་ཆེན་འདི་བརྟེན་དེ་ལ་འགྲོ་བ་མཐའ་དག་བརྟེན།  ཞེས་གསུངས་པ་ལྟར།  འོག་གཞི་ནམ་མཁའ་སྟོང་པ་ལ་བརྟེན་པའི་རླུང་གི་དཀྱིལ་འཁོར་སྔོན་པོ་རྔམས་སུ་དཔག་ཚད་ས་ཡ་གཅིག་དང་དྲུག་འབུམ།  རྒྱར་གྲངས་མེད་པ།  དེའི་སྟེང་དུ་ཆུའི་དཀྱིལ་འཁོར་རྔམས་སུ་དཔག་ཚད་འབུམ་ཕྲག་བརྒྱད།  དེ་སྟེང་ས་གཞིའི་དཀྱིལ་འཁོར་སུམ་འབུམ་ཉི་ཁྲི།  གཉིས་ཀའི་ཐད་ཀར་འབུམ་ཕྲག་བཅུ་གཉིས་དང་སུམ་སྟོང་བཞི་བརྒྱ་ལྔ་བཅུ།  མཐའ་སྐོར་དུ་དེའི་སུམ་འགྱུར་དང་བཅས་པའི་དབུས་སུ་རིའི་རྒྱལ་པོ་རིན་པོ་ཆེ་སྣ་བཞི་ལས་གྲུབ་པ།  འཕངས་སུ་དཔག་ཚད་ཆིག་འབུམ་དྲུག་ཁྲི་ལས་ཕྱེད་མན་ཆད་རྒྱ་མཚོར་ནུབ་ཅིང་།  ལྷག་མ་སྟེང་དུ་འཕགས་པར་བང་རིམ་བཞི་དང་ལྡན་པ།  སྟེང་གི་ངོས་སུ་སུམ་ཅུ་རྩ་གསུམ་གྱི་གྲོང་ཁྱེར།  ཕྱོགས་བཞིར་གླིང་བཞི་དང་།  གླིང་གཡོག་གཉིས་གཉིས་ཀྱིས་བསྐོར་བ།  དེའི་བར་མཚམས་སུ་གསེར་གྱི་རི་བདུན་དང་རོལ་པའི་མཚོ་བདུན་གྱིས་ཆོད་ཅིང་།  ཕྱི་མཐའ་བ་ཚ་ཅན་གྱི་རྒྱ་མཚོ་དང་།  ལྕགས་རིའི་མུ་ཁྱུད་ཀྱིས་མཛེས་པར་བྱས་པ་ཉིད།  མས་ནས་རིམ་བཞིན་དུ་ཆགས་པའོ།  །
   ཐོག་མར་ཕྱི་སྣོད་འཇིག་རྟེན་ཆགས་ཚུལ་ནི།  མདོ་སྡུད་པ་ལས།  མཁའ་ལ་རླུང་བརྟེན་དེ་ལ་ཆུ་ཡི་ཕུང་པོ་བརྟེན།  །དེ་ལ་ས་ཆེན་འདི་བརྟེན་དེ་ལ་འགྲོ་བ་མཐའ་དག་བརྟེན།  ཞེས་གསུངས་པ་ལྟར།  འོག་གཞི་ནམ་མཁའ་སྟོང་པ་ལ་བརྟེན་པའི་རླུང་གི་དཀྱིལ་འཁོར་སྔོན་པོ་རྔམས་སུ་དཔག་ཚད་ས་ཡ་གཅིག་དང་དྲུག་འབུམ།  རྒྱར་གྲངས་མེད་པ།  དེའི་སྟེང་དུ་ཆུའི་དཀྱིལ་འཁོར་རྔམས་སུ་དཔག་ཚད་འབུམ་ཕྲག་བརྒྱད།  དེ་སྟེང་ས་གཞིའི་དཀྱིལ་འཁོར་སུམ་འབུམ་ཉི་ཁྲི།  གཉིས་ཀའི་ཐད་ཀར་འབུམ་ཕྲག་བཅུ་གཉིས་དང་སུམ་སྟོང་བཞི་བརྒྱ་ལྔ་བཅུ།  མཐའ་སྐོར་དུ་དེའི་སུམ་འགྱུར་དང་བཅས་པའི་དབུས་སུ་རིའི་རྒྱལ་པོ་རིན་པོ་ཆེ་སྣ་བཞི་ལས་གྲུབ་པ།  འཕངས་སུ་དཔག་ཚད་ཆིག་འབུམ་དྲུག་ཁྲི་ལས་ཕྱེད་མན་ཆད་རྒྱ་མཚོར་ནུབ་ཅིང་།  ལྷག་མ་སྟེང་དུ་འཕགས་པར་བང་རིམ་བཞི་དང་ལྡན་པ།  སྟེང་གི་ངོས་སུ་སུམ་ཅུ་རྩ་གསུམ་གྱི་གྲོང་ཁྱེར།  ཕྱོགས་བཞིར་གླིང་བཞི་དང་།  གླིང་གཡོག་གཉིས་གཉིས་ཀྱིས་བསྐོར་བ།  དེའི་བར་མཚམས་སུ་གསེར་གྱི་རི་བདུན་དང་རོལ་པའི་མཚོ་བདུན་གྱིས་ཆོད་ཅིང་།  ཕྱི་མཐའ་བ་ཚ་ཅན་གྱི་རྒྱ་མཚོ་དང་།  ལྕགས་རིའི་མུ་ཁྱུད་ཀྱིས་མཛེས་པར་བྱས་པ་ཉིད།  མས་ནས་རིམ་བཞིན་དུ་ཆགས་པའོ།  །

Latest revision as of 16:06, 1 June 2024

Previous Section Back to Volume PageLast section in volume.
Wylie title dam pa'i chos kyi byung ba brjod pa las gtso bor brtsams pa'i gtam skal bzang rna ba'i bcud len JKW-KABUM-19-DZA-002.pdf
Location mkhyen brtse'i bka' 'bum
Volume 19, sde tshan 2, Pages 505-566 (Folios 1a to 31b4)
Author འཇམ་དབྱངས་མཁྱེན་བརྩེའི་དབང་པོ་
Less details More details
Citation 'jam dbyangs mkhyen brtse'i dbang po. dam pa'i chos kyi byung ba brjod pa las gtso bor brtsams pa'i gtam skal bzang rna ba'i bcud len. In 'jam dbyangs mkhyen brtse'i dbang po'i bka' 'bum, Vol. 19: 505-566. Khams sde dge rdzong sar dgon: Rdzong sar blo gros phun tshogs, 2020.
Genre History Texts - lo rgyus  ·  Religious History Texts - chos 'byung
Colophon

།ཅེས་པའང་དོན་གཉེར་ཅན་དག་གིས་ཆེད་དུ་དྲིས་ཤིང་བསྐུལ་བའི་ངོར། ལོ་རྒྱུས་སྨྲ་བ་ལ་དགའ་བའི་ཤཱཀྱའི་དགེ་སློང་བྱ་བྲལ་བ་མཁྱེན་བརྩེའི་དབང་པོས་དཔལ་ཨེ་ཝཾ་ཆོས་ལྡན་གྱི་བླ་བྲང་ཐར་པ་རྩེར་ཤིན་ཏུ་བསྡུས་པའི་ཚུལ་གྱིས་མགྱོགས་པར་སྦྱར་བ་ལས། སླད་ནས་ཀྱང་ཅུང་ཟད་གསལ་བར་བགྱིས་པའོ། །འདི་ལས་རྒྱས་པར་སྤྲོས་པའི་ངག་ཚིག་གི། །པདྨོ་དགོད་པར་འདོད་ན་སྐབས་གཞན་དུ། ཁོ་བོས་སྨྲས་པའི་ལེགས་བཤད་ཉི་གཞོན་གྱི། །བཅུད་ལེན་ཅི་དགར་འཐུང་བའི་གར་རྩེན་ཤིག །སརྦ་དཱ་ཀ་ལྱ་ཎཾ་བྷ་བ་ཏུ།།

ces pa'ang don gnyer can dag gis ched du dris shing bskul ba'i ngor/__lo rgyus smra ba la dga' ba'i shAkya'i dge slong bya bral ba mkhyen brtse'i dbang pos dpal e waM chos ldan gyi bla brang thar pa rtser shin tu bsdus pa'i tshul gyis mgyogs par sbyar ba las/__slad nas kyang cung zad gsal bar bgyis pa'o/__/'di las rgyas par spros pa'i ngag tshig gi/__/pad+mo dgod par 'dod na skabs gzhan du/__kho bos smras pa'i legs bshad nyi gzhon gyi/__/bcud len ci dgar 'thung ba'i gar rtsen shig__/sarba dA ka l+ya NaM b+ha ba tu

1 Texts in this Section (sde tshan or chos tshan)

505-566
དམ་པའི་ཆོས་ཀྱི་བྱུང་བ་བརྗོད་པ་ལས་གཙོ་བོར་བརྩམས་པའི་གཏམ་སྐལ་བཟང་རྣ་བའི་བཅུད་ལེན།
 dam pa'i chos kyi byung ba brjod pa las gtso bor brtsams pa'i gtam skal bzang rna ba'i bcud len
History Texts - lo rgyus
  ·  
Religious History Texts - chos 'byung
 Text page
View PDF
འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)
[edit]
༄༅། །དམ་པའི་ཆོས་ཀྱི་བྱུང་བ་བརྗོད་པ་ལས་གཙོ་བོར་བརྩམས་པའི་གཏམ་སྐལ་བཟང་རྣ་བའི་བཅུད་ལེན་ཞེས་བྱ་བ་བཞུགས་སོ། །

ཨོཾ་སྭ་སྟི་པྲཛ་བྷྱཿ རྡོ་རྗེའི་རྣམ༷་འབྱོར༷་གཅིག་པུའི་གར་གྱིས་བརྟན་གཡོ་ཀུན་ལ་ཁྱབ་པའི་སྐུ། །འཇ༷མ་མཉེན་དབྱངས་ཀྱི་ཡན་ལག་དང་འགྲོགས་ལུང་རྟོགས་ཆོས་ཁམས་རྒྱ་མཚོའི་གསུང་། །སྲིད་དང་ཞི་བའི་དཔ༷ལ་དུ་གྱུར་པའི་རྣམ་ཀུན་མཆོག་ལྡན་ཡེ་ཤེས་ཐུགས། །དྲན་པ་ཙམ་གྱིས་རྨོངས་པའི་འཇིགས་འཕྲོག་རྣམ་འདྲེན་བཟ༷ང་པོ༷ས་དགེ་ལེགས་སྩོལ། །ཞེས་ཤིས་པར་བརྗོད་པའི་ཚིག་གི་ཨུཏྤལ་སྔོན་དུ་གཏོར་ནས་འདིར་ལས་སུ་བྱ་བ་ནི། མཆོག་འབྲིང་ཕལ་པའི་འདུས་པ་རྒྱ་མཚོ་ལྟ་བུའི་དབུས་སུ། དམ་པའི་ཆོས་གཙོ་བོར་གྱུར་པའི་གླེང་བསླང་བ་ལས་བརྩམས་ཏེ་འབེལ་པའི་གཏམ་གཏན་ལ་དབབ་པའི་ཚུལ་མདོ་ཙམ་སྤྲོ་ན། ཚོགས་པ་རྣམས་གྲལ་ལ་འཁོད་གྲུབ་པ་དང་བསྟུན། །ཕུན་སུམ་ཚོགས་པ་མངའ་བ་གསེར་གྱི་རི་བོ་འདྲ་ནས། དེ་ནི་འཇིག་རྟེན་དགེ་བའི་བཀྲ་ཤིས་གསུམ་པ་ཡིན། ཞེས་པ་ནི། སངས་རྒྱས་མཉམ་སྦྱོར་དང་། རྡོ་རྗེ་གུར་གྱི་རྒྱུད་སོགས་ལས་གསུངས་པའི་དཀོན་མཆོག་གསུམ་གྱི་བཀྲ་ཤིས་ཀྱི་ཚིགས་སུ་བཅད་པ་སྟེ་སྐབས་འདིར་ཐོག་མར་དགེ་བ་ཀླད་ཀྱི་དོན་དང་ཚུལ་མཚུངས་པའི་ཕྱིར་མདུན་བསུས་ཏེ། དེ་རིང་གི་དུས་སུ། ཉི་མ་ཐམས་ཅད་དགེ་བ་ཡིན། །རྒྱུ་སྐར་ཐམས་ཅད་བཟང་པོ་ཡིན། ཞེས་པ་ལྟར། གནམ་ལ་སྐར་མ། ས་ལ་དུས་ཚོད། བར་ལ་ལ་ཉེ་སོགས་རྟེན་ཅིང་འབྲེལ་བར་འབྱུང་བའི་ཆོས་ཕུན་སུམ་ཚོགས་པ་མ་ཚང་བ་མེད་པའི་སྐབས་འདིར། སྐུ་བཞི་ཡེ་ཤེས་ལྔ་ཡི་ཁྱབ་བདག །རིགས་དང་དཀྱིལ་འཁོར་ཀུན་གྱི་གཙོ་བོ། །བདག་སོགས་བསྟན་འགྲོ་ཡོངས་ཀྱི་སྐྱབས་གཅིག །མཚན་བརྗོད་པར་དཀའ་བ། དོན་གྱི་སླད་དུ་མཚན་ནས་སྨོས་ཏེ། མཆོག་གི་སྤྲུལ་པའི་སྐུ་རིན་པོ་ཆེའམ། དཔལ་ལྡན་བླ་མ་དམ་པ་འདི་བླ་མ་སོ་སོའི་མཚན་བཅུག ཞེས་བྱ་བའི་ཞལ་སྔ་ནས་མཁན་སློབ་ཉི་ཟླ་ཟུང་འབྲེལ་གུང་ལ་བཞུགས། མི་ཆེ་བ་རྣམས་ཀྱིས་གྲལ་གྱི་དབུ་མནན། ཡོན་ཏན་མཁྱེན་པ་རྣམས་ཀྱིས་གྲལ་གྱི་གཞུང་བསྲང་། རྒྱུ་སྦྱོར་བའི་དད་ལྡན་སྦྱིན་བདག་ཕོ་མོ་བྱ་བ་བྱེད་པ་དང་བཅས་པས་གྲལ་གྱི་མཐའ་བསྐོར་ཏེ་སྟོན་འཁོར་ཕུན་སུམ་ཚོགས་པ་ལྔ་ལྡན་དུ་བཞུགས་པ་རྣམས་ཀྱི་སྙན་ལམ་དུ། མཁས་མཆོག་དཔའ་བོས། ཡ་རབས་རྣམས་དང་འཕྲད་ན་སྐྱེས་ཀྱི་མཆོག །ཚོགས་ཀྱི་དབུས་སུ་མཁས་པ་དགའ་བར་འགྱུར། །ཕས་ཀྱི་རྒོལ་ལ་ཉི་མའི་འོད་དང་འདྲ། །འགྲན་པ་རྣམས་ཀྱི་གྲགས་དང་དྲེགས་པ་སེལ། ཞེས་གསུངས་པ་ལྟར། ཡ་རབས་མཁས་པ་རྣམས་དགྱེས་པ་སྐྱེད་པའི་མཆོག །ཕྱི་སྣོད་འཇིག་རྟེན་ཆགས་ཚུལ། ནང་བཅུད་སེམས་ཅན་གྲུབ་ཚུལ། སྟོན་པ་སངས་རྒྱས་བྱོན་ཚུལ། སྐྱོབས་པ་དམ་ཆོས་གསུངས་ཚུལ། འདྲེན་པ་དགེ་འདུན་དར་ཚུལ། ས་སྐྱོང་རྒྱལ་པོའི་རྒྱལ་རབས་སོགས་ཆོས་སྲིད་དང་འབྲེལ་བའི་འབེལ་གཏམ་གྱི་དགའ་སྟོན་རྒྱ་ཆེར་སྤྲོ་དགོས་རྒྱུར་མཆིས་ནའང་། ཁོ་བོ་ཅག་སྐྱེས་ཐོབ་ཀྱི་ཡོན་ཏན་དམན་ཞིང་། སྦྱོར་བྱུང་གི་བརྩོན་འགྲུས་ཞན་པའི་མཐུས་རྒྱ་ཆེར་ཞུ་མ་ཤེས་ཤིང་། གང་མཐོང་གང་ཐོས་ཙམ་ཞུ་བའི་ལོངས་སྐབས་ཀྱང་ཐུང་མོད། འོན་ཀྱང་སྐབས་སུ་བབས་པའི་གཏམ། དུས་སུ་སྨིན་པའི་ཆར། བརྗོད་བྱ་ཕུན་སུམ་ཚོགས་ཞིང་། རྗོད་བྱེད་རྒྱས་བསྡུས་འཚམས་པ་ས་བོན་ཙམ་ཞིག་གསོལ་བ་ལ། སྙན་གྱི་དབང་པོས་གསན། ཐུགས་ཀྱིས་བརྗོད་དོན་དགོངས་པར་ཞུ་སྙིང་། 

 ཐོག་མར་ཕྱི་སྣོད་འཇིག་རྟེན་ཆགས་ཚུལ་ནི།  མདོ་སྡུད་པ་ལས།  མཁའ་ལ་རླུང་བརྟེན་དེ་ལ་ཆུ་ཡི་ཕུང་པོ་བརྟེན།  །དེ་ལ་ས་ཆེན་འདི་བརྟེན་དེ་ལ་འགྲོ་བ་མཐའ་དག་བརྟེན།  ཞེས་གསུངས་པ་ལྟར།  འོག་གཞི་ནམ་མཁའ་སྟོང་པ་ལ་བརྟེན་པའི་རླུང་གི་དཀྱིལ་འཁོར་སྔོན་པོ་རྔམས་སུ་དཔག་ཚད་ས་ཡ་གཅིག་དང་དྲུག་འབུམ།  རྒྱར་གྲངས་མེད་པ།  དེའི་སྟེང་དུ་ཆུའི་དཀྱིལ་འཁོར་རྔམས་སུ་དཔག་ཚད་འབུམ་ཕྲག་བརྒྱད།  དེ་སྟེང་ས་གཞིའི་དཀྱིལ་འཁོར་སུམ་འབུམ་ཉི་ཁྲི།  གཉིས་ཀའི་ཐད་ཀར་འབུམ་ཕྲག་བཅུ་གཉིས་དང་སུམ་སྟོང་བཞི་བརྒྱ་ལྔ་བཅུ།  མཐའ་སྐོར་དུ་དེའི་སུམ་འགྱུར་དང་བཅས་པའི་དབུས་སུ་རིའི་རྒྱལ་པོ་རིན་པོ་ཆེ་སྣ་བཞི་ལས་གྲུབ་པ།  འཕངས་སུ་དཔག་ཚད་ཆིག་འབུམ་དྲུག་ཁྲི་ལས་ཕྱེད་མན་ཆད་རྒྱ་མཚོར་ནུབ་ཅིང་།  ལྷག་མ་སྟེང་དུ་འཕགས་པར་བང་རིམ་བཞི་དང་ལྡན་པ།  སྟེང་གི་ངོས་སུ་སུམ་ཅུ་རྩ་གསུམ་གྱི་གྲོང་ཁྱེར།  ཕྱོགས་བཞིར་གླིང་བཞི་དང་།  གླིང་གཡོག་གཉིས་གཉིས་ཀྱིས་བསྐོར་བ།  དེའི་བར་མཚམས་སུ་གསེར་གྱི་རི་བདུན་དང་རོལ་པའི་མཚོ་བདུན་གྱིས་ཆོད་ཅིང་།  ཕྱི་མཐའ་བ་ཚ་ཅན་གྱི་རྒྱ་མཚོ་དང་།  ལྕགས་རིའི་མུ་ཁྱུད་ཀྱིས་མཛེས་པར་བྱས་པ་ཉིད།  མས་ནས་རིམ་བཞིན་དུ་ཆགས་པའོ།  །

གཉིས་པ་ནང་བཅུད་སེམས་ཅན་གྲུབ་ཚུལ་ནི། ཐོག་མར་སྟེང་གི་ནམ་མཁར་གནས་ཐ་དད་དུ་གྲུབ་པ་མེད་པའི་གཟུགས་མེད་སྐྱེ་མཆེད་མུ་བཞི། དེ་ནས་མི་ཆེ་བ་སོགས་གཙང་རིས་ལྷ་ལྔ་དང་། ཚངས་རིས་སོགས་བསམ་གཏན་བཞིའི་ལྷ་གནས་བཅུ་གཉིས་ཏེ་གཟུགས་ཁམས་གནས་རིགས་བཅུ་བདུན། གཞན་འཕྲུལ་དབང་བྱེད་ནས་བཟུང་རི་རབ་ཀྱི་བང་རིམ་ལ་བརྟེན་པའི་རྒྱལ་ཆེན་རིས་བཞིའི་བར་གྱི་འདོད་ལྷ་རིགས་དྲུག་དང་། དེ་ནས་རི་རབ་ཀྱི་ཆུ་མཚམས་ཀྱི་བར་དུ་ལྷ་མ་ཡིན་དང་། གླིང་བཞི་དང་གླིང་ཕྲན་རྣམས་ལ་མིའི་འགྲོ་བ། ཕྱིའི་རྒྱ་མཚོ་ལ་གཙོ་བོར་བརྟེན་པའི་དུད་འགྲོ། རྒྱལ་པོའི་ཁབ་ཀྱི་འོག་ཐད་དུ་ཡི་དྭགས་ཀྱི་གྲོང་དངོས། ཛམ་བུའི་གླིང་གི་འོག་ནས་དཔག་ཚད་སྟོང་ཉི་ཤུའི་མཚམས་སུ་སེམས་ཅན་དམྱལ་བ་པ་རྣམས་ཏེ། མདོར་ན་སྲིད་པ་སུམ་ཅུ་རྩ་གཅིག་པོ་ཐམས་ཅད་ཡས་ནས་རིམ་བཞིན་དུ་གྲུབ་པ་སྟེ། དེ་ལྟ་བུའི་གླིང་བཞི་ལྷུན་པོ་ཉི་ཟླ་འདོད་ལྷ། བསམ་གཏན་དང་པོ་དང་བཅས་པ་སྟོང་ལ་སྟོང་གི་སྤྱི་ཕུད་དང་། དེ་འདྲ་བ་སྟོང་ལ་སྟོང་གཉིས་པ་བར་མ། དེ་འདྲ་བ་སྟོང་ལ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཞེས་སུ་བཏགས་ཞིང་། དེ་བྱེ་བ་ཕྲག་བརྒྱ་ལ་རབ་འབྱམས་ཀྱི་འཚམས་སྦྱོར་གཅིག །དེ་བྱེ་བ་ཕྲག་བརྒྱ་ལ་རབ་འབྱམས་ཀྱི་རྒྱུད་གཅིག །དེ་བྱེ་བ་ཕྲག་བརྒྱ་ལ་རབ་འབྱམས་ཀྱི་རྒྱུད་བར་མ་གཅིག །དེ་བྱེ་བ་ཕྲག་བརྒྱ་ལ་གཞི་དང་སྙིང་པོ་མེ་ཏོག་བརྒྱན་པ་སྟེ་སྤྲུལ་སྐུ་གཅིག་གི་ཞིང་དུ་འདོད་ལ། དེའང་རྣམ་སྣང་གངས་ཆེན་མཚོའི་བ་སྤུའི་ཁུང་བུ་རེ་དང་ཞིང་གི་རྡུལ་རེར་ཡང་དེ་ལྟ་བུ་བྱེ་བ་ཕྲག་བརྒྱ་རེ་གནས་ཤིང་ལོངས་སྤྱོད་རྫོགས་སྐུའི་ཞིང་ངོ་། །དེ་ལས་རང་ཅག་རྣམས་ཀྱི་ཞིང་འདི་ནི་དེ་ཉིད་ཀྱི་ཕྱག་གི་ལྷུང་བཟེད་ཀྱི་ནང་དུ་པདྨའི་སྡོང་པོ་ཉེར་ལྔ་བརྩེགས་མར་ཡོད་པའི་ཐུགས་ཀའི་ཐད་ཀྱི་བཅུ་གསུམ་པའི་གཞིར་འཁོད་པ་སྟེ། འདིར་གནས་པ་རྣམས་ཉོན་མོངས་པའི་ཡུལ་ལ་ལྷག་པར་བཟོད་པ་དང་ལྡན་པས་མི་མཇེད་འཇིག་རྟེན་གྱི་ཁམས་ཞེས་གྲགས་ལ། དེའང་གླིང་བཞིར་ཡོད་པའི་ནང་ཚན་ལྷོ་ཕྱོགས་ཛམ་བུའི་ལྗོན་པས་མཚན་པའི་ལྗོངས་ལས་ཀྱི་ས་པ་མཆོག་ཏུ་གྱུར་པ། དབུས་སུ་མ་ག་དྷ་རྡོ་རྗེ་གདན། དུས་གསུམ་གྱི་སངས་རྒྱས་ཐམས་ཅད་འབྱུང་བའི་གནས། ཤར་དུ་རྗེ་བཙུན་འཇམ་དཔལ་དབྱངས་ཀྱི་བྱིན་གྱིས་བརླབས་པ་གཞོན་ནུའི་ཚུལ་གྱིས་རྩེན་པ་རྒྱ་ནག་རི་བོ་རྩེ་ལྔ། ལྷོར་གཉིས་སུ་མེད་པ་དུས་ཀྱི་འཁོར་ལོའི་རྒྱུད་གསུངས་པའི་གནས་དཔལ་ལྡན་འབྲས་སྤུངས་ཀྱི་མཆོད་རྟེན་དང་། འཕགས་པ་སྤྱན་རས་གཟིགས་ཀྱི་ཕོ་བྲང་རི་བོ་གྲུའི་འཛིན། ནུབ་ཏུ་གསང་བའི་བདག་པོ་ཕྱག་ན་རྡོ་རྗེས་གསང་རྒྱུད་རྒྱ་མཚོའི་གན་མཛོད་དུ་བྱིན་གྱིས་བརླབས་པ་དཔའ་བོ་དང་ཌཱཀྐི་སྤྲིན་ལྟར་འཐིབ་པའི་ཡུལ་ཨོ་རྒྱན་མཁའ་འགྲོའི་གླིང་། བྱང་དུ་དཔལ་དམ་པ་དང་པོའི་སངས་རྒྱས་ཀྱི་སྨིན་གྲོལ་བདུད་རྩིའི་སྒོ་བརྒྱ་དབྱེ་བ་པོ་རིགས་ལྡན་སྤྲུལ་པའི་ཆོས་རྒྱལ་རྣམས་ཀྱི་བསྟི་གནས་ཤམྦྷ་ལ། གཞན་ཡང་ལྷོ་གླིང་དབུས་མ་འདིའི་ཕྱེད་བྱང་མ་ལ་བྱང་ནས་རིམ་བཞིན་གངས་ལྡན། ཀཻ་ཤ །རྒྱ་ནག །ལི། བོད། འཕགས་ཡུལ་ཏེ་ཡུལ་གྱི་དུམ་བུ་དྲུག་ཅེས་དུས་འཁོར་ནས་བཤད་པ་དང་། རྨ་བྱ་ཆེན་མོ་ནས་གསུངས་པའི་ཡུལ་འཁོར་ལྔ་བརྒྱ། ལྗོངས་ཆེན་པོ་བཅུ་དྲུག །ཡུལ་ཕྲན་སྟོང་སོགས་ཚང་བར་ཡོད་པའི་ཞིང་འདིའི་མི་རྣམས་ཀྱང་ལྷ་ལས་ཆད་པ་སོགས་ཡས་རིམ་གྱི་བཤད་ཚུལ་མཆིས་ནའང་། ཕྱི་ལྟར་ན་རྒྱལ་རིགས། རྗེའུ་རིགས། དམངས་རིགས། བྲམ་ཟེའི་རིགས་བཞི་དང་། བར་གྱི་རིགས། རྒྱ་གར་ལྷ། རྒྱ་ནག་ཀླུ། ཧོར་སོག་ལྷ་མིན། བོད་སྤྲེའུ་དང་བྲག་སྲིན་མོ་ལས་ཆད་པ་དང་། ནང་རིགས་རྒྱ་གར་འཕགས་ཡུལ་གཅིག་པུ་རང་དུའང་། འདུལ་བ་ལས། གྲོང་ཁྱེར་ཆེན་པོ་དྲུག །མི་རིགས་མི་གཅིག་སུམ་བརྒྱ་དྲུག་ཅུ། སྐད་རིགས་མི་གཅིག་བདུན་བརྒྱ་ཉི་ཤུ་སོགས་ཡོད་པར་གསུངས་ཤིང་། དེ་ལས་བོད་ཀྱི་ཡུལ་འདི་ནི། སྟོན་པ་དངོས་ཀྱིས་འོད་ཟེར་གྱི་བྱིན་གྱིས་བརླབས་ཤིང་། འཕགས་པ་སྤྱན་རས་གཟིགས་ཀྱི་འདུལ་ཞིང་དུ་ལུང་བསྟན་ཞིང་རྗེས་སུ་གནང་བ་ལས། དང་པོར་མཚོར་གནས་པ་ཉིད་རིམ་གྱིས་བྲི་ནས་སཱ་ལའི་ནགས་ཚལ་དུ་གྱུར། དེ་ནས་འཕགས་པའི་སྤྲུལ་པས་མིའི་འགྲོ་བ་ལ་བཀོད་ཅིང་། ཆོས་ལྡན་གྱི་རྒྱལ་པོར་བསྟན་ནས་མདོ་སྔགས་ཀྱི་བསྟན་པ་རིན་པོ་ཆེ་གསལ་བར་མཛད་པའི་མཐུས། དེང་སང་གི་དུས་སུ་ཆོས་ཀྱིས་གཞལ་བའི་ཡུལ་དབུས་སུ་གྱུར་པ་སྟེ། དེ་ལའང་ཆོས་རྒྱལ་མེས་དབོན་གྱི་དུས་སུ་བརྡར་བཏགས་པའི། སྤུ་རངས། མང་ཡུལ། ཟང་དཀར་གསུམ་སྐོར་གཅིག ལི་གུ་ཤ །སྦལ་ཏེ་སྐོར་གཅིག །ཞང་ཞུང་། ཁྲི་སྡེ་སྟོད་སྨད་གསུམ་ལ་སྐོར་གཅིག་སྟེ། སྟོད་མངའ་རིས་སྐོར་གསུམ། རྫིང་ལྟ་བུ། གཙང་ན་གཡས་རུ་དང་། རུ་ལག །དབུས་ན་དབུ་རུ། གཡོ་རུ་སྟེ། བར་དབུས་གཙང་རུ་བཞི་ཡུར་བ་ལྟ་བུ། འབྲི་ཟླ་ཟལ་མོ་སྒང་། ཚ་བ་སྒང་། སྨར་ཁམས་སྒང་། སྦོ་འབོར་སྒང་། དམར་རྫ་སྒང་། མེ་ཉག་ར་བ་སྒང་སྟེ། སྨད་མདོ་ཁམས་སྒང་དྲུག་ཞིང་ས་ལྟ་བུར་གནས་ཤིང་། ཚད་མར་གྱུར་པའི་མདོ་རྒྱུད་རྣམས་ནས་ཀྱང་ལུང་གིས་བསྟན་ཏེ། ལྷ་མོ་དྲི་མ་མེད་པས་ཞུས་པའི་མདོ་ལས། ང་མྱ་ངན་ལས་འདས་ནས་ལོ་ཉིས་སྟོང་ལྔ་བརྒྱ་ན་གདོང་དམར་ཅན་གྱི་ཡུལ་དུ་དམ་པའི་ཆོས་དར་བར་འགྱུར་རོ། །ཞེས་དང་། འཇམ་དཔལ་རྩ་རྒྱུད་ལས། ཁ་བ་ཅན་དུ་མཚོ་བྲི་ནས། སཱ་ལའི་ནགས་ནི་འབྱུང་བར་འགྱུར། ཞེས་གསུངས་པ་ལྟར་རོ། །ཁྱད་པར་དེང་སང་གི་དུས་སུ་འཕགས་པའི་ཡུལ་སོགས་སྔར་བསྟན་པ་དར་བའི་གནས་རྣམས་སུ་ནི། དུས་ཀྱི་དབང་གིས་རིམ་བཞིན་འགྲིབ་སྟེ། དམ་པའི་ཆོས་རྣལ་མ་ཡོད་པར་དཀོན་ཀྱང་། བོད་ཡུལ་འདིར་རྒྱལ་བའི་བསྟན་པ་རིན་པོ་ཆེ་ཚང་ལ་མ་ནོར་བར་ཡོངས་སུ་རྫོགས་པར་བཞུགས་པའི་ཕྱིར་གཅིག་ཏུ་བསྔགས་པའི་གླིང་བུ་བསྒྱུར་བར་འོས་ཏེ། ཁྲོ་ཕུ་ལོ་ཙཱ་བ་ཆེན་པོ་བྱམས་པའི་དཔལ་གྱིས། མ་གྷ་དྷ་སོགས་རིག་པའི་འབྱུང་གནས་སྡིག་ཏོ་ཡི། །དམག་ཚོགས་ཀྱིས་བཅོམ་ཨོ་རྒྱན་ཁ་ཆེ་བལ་ཡུལ་ཡང་། །ལོག་སྤྱོད་ཀྱིས་ཁེངས་དེང་སང་བསྟན་སྲོག་ལེགས་གནས་ནི། །བོད་ཡུལ་འདིར་ཟད་སྐྱེས་ཆེན་བྱང་ཕྱོགས་ཞབས་བསྐྱོད་ཞུ། ཞེས་པཎྜི་ཏ་ཤཱཀྱ་ཤྲཱི་ལ་འཕྲིན་དུ་གསོལ་བ་བཞིན་ནོ། ། དེ་ལྟར་གང་དུ་བྱོན་པའི་གཞི་ཞིང་ཁམས་ཀྱི་གནས་ཚུལ་མདོ་ཙམ་ཞུས་ནས། གསུམ་པ་དེར་སྟོན་པ་སངས་རྒྱས་ཇི་ལྟར་བྱོན་པའི་ཚུལ་ནི། སློབ་དཔོན་ཆེན་པོ་གང་གི་དབང་ཕྱུག་གྲགས་པས། །གང་གིས་དཔལ་ལྡན་སྟུག་པོ་བཀོད་པར་དོན་དམ་ཐུགས་ཆུད་ཅིང་། །དགའ་ལྡན་སྐྱེ་བོའི་དོན་མཛད་ཕྱིར་ནི་དམ་པ་ཏོག་དཀར་གྱུར། །དེ་ནས་འདིར་ནི་འགྲོ་བའི་དོན་དུ་ཤཱཀྱའི་ཏོག་གྱུར་པ། །འཆི་བདག་ལས་རྒྱལ་སྒྱུ་མ་མཐའ་ཡས་སྟོན་དེ་རྒྱལ་གྱུར་ཅིག །ཅེས་གསུངས་པ་ལྟར། བསྐལ་པ་བཟང་པོ་འདིའི་ཚེ་ལོ་བཞི་ཁྲི་པར་འཁོར་བ་འཇིགས། སུམ་ཁྲི་ལ་གསེར་ཐུབ། ཉི་ཁྲི་ལ་འོད་སྲུངས་རྣམས་བྱོན་ཞིང་། ཚེ་ལོ་བརྒྱ་པའི་དུས་འདིར། གཟོད་མ་ནས་ཟད་དང་མི་སྐྱེ་ཤེས་པའི་གོ་འཕང་མངོན་སུམ་དུ་མཛད་ཀྱང་། སྨོན་ལམ་དང་། སྙིང་རྗེའི་འཕེན་པས་ལོངས་སྤྱོད་རྫོགས་པའི་རང་མདངས་ལས་མཆོག་གི་སྤྲུལ་པའི་རྣམ་རོལ་དུ་ཤར་བའི་བདག་ཅག་གི་སྟོན་པ། ལྷ་དང་བཅས་པའི་འཇིག་རྟེན་ཀུན་གྱི་མ་འདྲིས་པའི་མཛའ་བཤེས་གཅིག་པུ་པ། ཤཱཀྱའི་རྒྱལ་པོ་དེ་ཉིད་དགའ་ལྡན་གྱི་གནས་སུ། སྲིད་པ་ཐ་མ་པའི་བྱང་ཆུབ་སེམས་དཔའ་དམ་པ་ཏོག་དཀར་པོར་གྱུར་ཏོ། །ལྷ་ཡི་འཁོར་རྣམས་སྨིན་པར་མཛད། །དེ་ནས་ཐེག་པ་ཆེན་པོའི་རྒྱུད་བླ་མ་ལས། །སྐྱེ་བ་མངོན་པར་སྐྱེ་བ་དང་། །དགའ་ལྡན་གནས་ནས་འཕོ་བ་དང་། །ལྷུམས་སུ་ཞུགས་དང་བལྟམས་པ་དང་། །བཟོ་ཡི་གནས་ལ་མཁས་པ་དང་། །བཙུན་མོའི་འཁོར་དགྱེས་རོལ་པ་དང་། །ངེས་འབྱུང་དཀའ་བ་སྤྱད་པ་དང་། །བྱང་ཆུབ་སྙིང་པོར་གཤེགས་པ་དང་། །བདུད་སྡེ་བཅོམ་དང་རྫོགས་པར་ནི། །བྱང་ཆུབ་ཆོས་ཀྱི་འཁོར་ལོ་དང་། །མྱ་ངན་འདས་པར་གཤེགས་མཛད་རྣམས། །ཡོངས་སུ་མ་དག་ཞིང་རྣམས་སུ། །སྲིད་པ་ཇི་སྲིད་གནས་པར་སྟོན། །ཞེས་མཛད་པ་བཅུ་གཉིས་ཀྱི་ཚུལ་གྱིས་མི་རྣམས་ཀྱི་དོན་མཛད་པ། དེ་ཡང་མདོར་བསྡུ་ན། དང་པོར་རྫ་མཁན་གྱི་བུ་ཁྱེའུ་སྣང་བྱེད་དུ་གྱུར་ནས། སངས་རྒྱས་ཤཱཀྱ་ཐུབ་པ་ཆེན་པོའི་སྤྱན་སྔར་སྨོན་པ་དང་འཇུག་པའི་བདག་ཉིད་ཅན་གྱི་བྱང་ཆུབ་མཆོག་ཏུ་ཐུགས་བསྐྱེད། བར་དུ་བསྐལ་པ་གྲངས་མེད་པ་གསུམ་དུ་དེའི་བསླབ་བྱ་བསོད་ནམས་དང་ཡེ་ཤེས་ཀྱི་ཚོགས་རྒྱ་མཚོ་ལྟ་བུ་བསགས། །མཐར་མ་གྷ་དྷ་རྡོ་རྗེ་གདན་གྱི་སྤོར། །སྲོད་ལ་བདུད་བཏུལ། །གུང་ལ་མཉམ་པར་བཞག །ཐོ་རངས་ལ་རིག་པ་གསུམ་བསྐྱེད་དེ་མངོན་པར་རྫོགས་པར་སངས་རྒྱས་ནས། ཆོས་ཀྱི་འཁོར་ལོ་རིམ་པ་གསུམ་དུ་བསྐོར་ཞིང་ཡོངས་སུ་མྱ་ངན་ལས་འདས་པའི་ཚུལ་བསྟན་ཏེ། འཕགས་པ་ཀླུ་སྒྲུབ་ཀྱིས། །དང་པོར་བྱང་ཆུབ་མཆོག་ཏུ་ཐུགས་བསྐྱེད་དེ། །བསྐལ་པ་གྲངས་མེད་གསུམ་དུ་ཚོགས་བསགས་ཤིང་། །བར་དུ་གཅོད་པའི་བདུད་རྣམས་འཇོམས་མཛད་པ། །བཅོམ་ལྡན་སེང་གེ་དེ་ལ་ཕྱག་འཚལ་ལོ། །ཞེས་གསུངས་པ་བཞིན་ནོ། ། བཞི་པ་དེས་སྐྱོབས་པ་དམ་ཆོས་ཇི་ལྟར་གསུངས་པའི་ཚུལ་ནི། མངོན་པར་རྫོགས་པར་སངས་རྒྱས་ནས་ཞག་བདུན་ཕྲག་བདུན་ལོན་པ་ན། །ཚངས་པ་གཙུག་ཕུད་ཅན་དང་། ལྷའི་དབང་པོ་བརྒྱ་བྱིན་གྱིས་གསོལ་བ་བཏབ་སྟེ། ཡུལ་ཝཱ་ར་ཎཱ་སིར་དྲང་སྲོང་ལྷུང་བ་རི་དྭགས་ཀྱི་ནགས་སུ། འཁོར་ལྔ་སྡེ་བཟང་པོས་མཚོན་ཉན་ཐོས་ཀྱི་རིགས་ཅན་དཔག་ཏུ་མེད་པ་རྣམས་ལ། བཀའ་དང་པོ་བདེན་པ་བཞིའི་ཆོས་ཀྱི་འཁོར་ལོ་ལན་གསུམ་དུ་བཟླས་ཏེ་བསྐོར་བ་དང་། །གནས་རྒྱལ་པོའི་ཁབ་དང་། །བྱ་རྒོད་ཕུང་པོའི་རི་ལ། འཁོར་རྣམ་པ་བཞི་དང་། ཁྱད་པར་བྱང་ཆུབ་སེམས་དཔའི་ཚོགས་བསམ་གྱིས་མི་ཁྱབ་པ་ལ། བཀའ་བར་པ་རྣམ་ཐར་སྒོ་གསུམ་གྱི་དོན་སྟོན་པ་མཚན་ཉིད་མེད་པའི་ཆོས་ཀྱི་འཁོར་ལོ་ཤེར་ཕྱིན་སྟོང་ཕྲག་བརྒྱ་པ་ལ་སོགས་པ་གསུངས་པ་དང་། །གནས་གཅིག་ཏུ་མ་ངེས་པར་འཁོར་གདུལ་བྱ་སྣ་ཚོགས་པའི་རིགས་ཅན་ལ། བཀའ་ཐ་མ་ཆོས་ཐམས་ཅད་མཚན་ཉིད་གསུམ་དུ་གཏན་ལ་ཕབ་པ་ལེགས་པར་རྣམ་པར་ཕྱེ་བའི་ཆོས་ཀྱི་འཁོར་ལོ་རྒྱ་ཆེར་བསྟན་པ་ལ། ཆོས་འཁོར་རིམ་པ་གསུམ་ཞེས་ཡོངས་སུ་གྲགས་ཤིང་། ཁྱད་པར་གསང་སྔགས་ཀྱི་ཚུལ་རྣམ་ལས། རྒྱུད་སྡེ་འོག་མ་གསུམ་གྱི་བྱ་སྤྱོད་གཉིས་ནི། རི་རབ་ཀྱི་རྩེ་མོ་དང་། ལྕང་ལོ་ཅན་ལ་སོགས་པར་སྟོན་པ་མཆོག་གི་སྤྲུལ་སྐུའི་རྣམ་རོལ་གྱིས་གསུངས་པ་དང་། རྣལ་འབྱོར་གྱི་རྒྱུད་རྣམས་འོག་མིན་གྱི་ཞིང་དུ་མངོན་བྱང་ལྔའི་རོལ་པར་སངས་རྒྱས་ཏེ། རི་རབ་ཀྱི་རྩེ་མོར་སྤྲུལ་པའི་གཞལ་ཡས་ཁང་དུ་གསུངས་པ་སོགས་རྒྱུད་སོ་སོའི་གླིང་གཞི་ལས་བྱུང་བ་ལྟར་ཡིན་ལ། བླ་མེད་ཀྱི་རྒྱུད་ལས། དཔལ་གསང་བ་འདུས་པ་ནི། ཨོ་རྒྱན་གྱི་ཡུལ་དུ་རྒྱལ་པོ་ཨིནྡྲ་བྷུ་ཏི་ལ་གསུངས་པ་དང་། དུས་ཀྱི་འཁོར་ལོ་དཔལ་ལྡན་འབྲས་སྤུངས་སུ་ཆོས་རྒྱལ་ཟླ་བ་བཟང་པོ་ལ་བསྟན་ཅིང་། དེའི་ཚེ་རྒྱུད་སྡེ་མཐའ་དག་གསུངས་པར་བཞེད་པ་སོགས་མཐའ་ཀླས་ཤིང་། དེ་དག་ཀྱང་གདུལ་བྱའི་བློ་ལ་ལྟོས་ནས་རིམ་གྱིས་འཇུག་པའི་སྐལ་པ་ཅན་རྣམས་ལ་ཆོས་འཁོར་གསུམ་པོ་དུས་སོ་སོར་བསྐོར་བ་དང་། གཅིག་ཅར་འཇུག་པའི་རིགས་ཅན་རྣམས་ལ་དུས་སྐད་ཅིག་གཅིག་གིས་བསྟན་ཀྱང་མི་འགལ་ཏེ། ཇི་སྐད་དུ། ང་ཡིས་ཅི་ཡང་མི་གསུངས་པར། །སེམས་ཅན་ཀུན་ལ་ཁྱབ་བདལ་སྣང་། །གང་ཚེ་རིམ་གྱིས་འདོད་པ་ལ། །དེ་དག་ཀུན་ཀྱང་དེ་བཞིན་ཏེ། །དུས་གཅིག་ཉིད་དུ་འཇུག་པ་ལ། །ཆོས་ཀྱི་རྣམ་གྲངས་རྫོགས་པར་སྣང་། །ཡིད་བཞིན་རེ་བ་རྣམ་བསྐང་བའི། །གསུང་གི་ཆེ་བ་དེ་ཉིད་དོ། །ཞེས་གསུངས་པའི་ཕྱིར་རོ། །དེ་ལྟར་བསྐོར་བའི་ཆོས་ཀྱི་འཁོར་ལོ་དེ་ཉིད། སྡུད་པ་པོ་རྣམས་ཀྱིས་བཀའ་བསྡུ་བ་མཛད་པའི་ཚུལ་ནི། ཐེག་པ་ཆུང་ངུའི་ལུགས་ལྟར་ན། ཉེ་བ་འཁོར་གྱིས་འདུལ་བ། ཀུན་དགའ་བོས་མདོ་སྡེ། འོད་སྲུངས་ཆེན་པོས་མངོན་པ་རྣམས་དགྲ་བཅོམ་པ་ལྔ་བརྒྱ་དང་ལྷན་གཅིག་ཏུ། སྟོན་པ་མྱ་ངན་ལས་འདས་ནས་དུས་རིང་པོར་མ་ལོན་པ་ན། མ་སྐྱེས་དགྲས་དབྱར་གནས་པའི་སྦྱིན་བདག་བྱས་ནས། རྒྱལ་པོའི་ཁབ་ནྱ་གྲོ་དྷ་ཡི་ཕུག་ཏུ་བསྡུས་པ་བསྡུ་བ་དང་པོ་དང་། ཡངས་པ་ཅན་གྱི་དགེ་སློང་རྣམས་ཀྱིས་རུང་བ་མ་ཡིན་པའི་གཞི་བཅུ་སྤེལ་བ། གྲགས་པ་ལ་སོགས་པའི་དགྲ་བཅོམ་པ་བདུན་བརྒྱས་སུན་ཕྱུང་ཞིང་། སྡེ་སྣོད་གསུམ་རྫོགས་པར་བཏོན་པ་ལ་བསྡུ་བ་གཉིས་པ། དགེ་སློང་ལྷ་ཆེན་པོས་རུང་མིན་གྱི་གཞི་ལྔ་བསྒྲགས་ཤིང་། སོ་སོར་ཐར་པའི་མདོ་བཀླག་ཚུལ་མ་མཐུན་པའི་དབང་གིས་སྡེ་པ་བཅོ་བརྒྱད་དུ་གྱེས་པའི་ཚེ། རྒྱལ་པོ་ཀུ་ནིཥྐས་སྦྱིན་བདག་བྱས་ནས་དགྲ་བཅོམ་པ་ལྔ་བརྒྱ་དང་། བྱང་ཆུབ་སེམས་དཔལ་ལྔ་བརྒྱ། སོ་སྐྱེའི་བཙུན་པ་ཁྲི་དྲུག་སྟོང་རྣམས་ཀྱིས་བསྡུས་པར་བསྡུ་བ་གསུམ་པ་ཞེས་འདོད། ཐེག་པ་ཆེན་པོ་ནི། རྒྱལ་པོའི་ཁབ་ཀྱི་ལྷོ་ཕྱོགས་བི་མ་སྭ་བྷ་བའི་རི་ལ་རྒྱལ་སྲས་འབུམ་ཕྲག་བཅུ་དང་ལྷན་ཅིག་ཏུ་བྱམས་པས་འདུལ་བ། འཇམ་དཔལ་གྱིས་མདོ་སྡེ། གསང་བདག་གིས་མངོན་པའི་སྡེ་སྣོད་རྣམས་བསྡུས་པར་མཛད་པ་དང་། ཁྱད་པར་གསང་སྔགས་རྡོ་རྗེ་ཐེག་པ་ཐམས་ཅད་ཀྱི་སྤྱིར་སྡུད་པ་པོ་ནི། །དཔལ་གསང་བ་འཛིན་པའི་བདག་པོ་ལག་ན་རྡོ་རྗེ་སྟེ། །གཞན་དུ་ན་དུས་འཁོར་ཟླ་བཟང་། །བརྟག་གཉིས་རྡོ་རྗེ་སྙིང་པོ། སྡོམ་འབྱུང་ཕྱག་རྡོར་སོགས་ཞུ་བ་པོ་དེ་ཉིད་ཀྱིས་བསྡུས་པར་འདོད་པ་སོགས་མཐའ་ཀླས་སོ། ། ལྔ་པ་དེ་ལས་འདྲེན་པ་དགེ་འདུན་ཇི་ལྟར་དར་བའི་ཚུལ་ལ་གཉིས་ཏེ། རྒྱ་གར་འཕགས་པའི་ཡུལ་དུ་ཇི་ལྟར་དར་ཚུལ་དང་། བོད་ཡུལ་དུ་ཇི་ལྟར་དར་བའི་ཚུལ་ལོ། །དང་པོ་ནི། ཐེག་པ་ཐུན་མོང་པའི་ལུགས་ལྟར་ན། སྟོན་པ་མྱ་ངན་ལས་འདས་ཁར་བསྟན་པ་འོད་སྲུང་ཆེན་པོ་ལ་གཏད། དེ་ནས་རིམ་པར་ཀུན་དགའ་བོ། །ཤཱ་ནའི་གོས་ཅན། ཉེར་སྦས། དྷི་ཏི་ཀ་ནག་པོ་ལེགས་མཐོང་ཆེན་པོ་རྣམས་ཀྱིས་སྔ་མ་སྔ་མས་ཕྱི་མ་ཕྱི་མ་ལ་གཏད་པས་བསྟན་པའི་གཏད་རབས་བདུན་ཞེས་གྲགས། ཐེག་ཆེན་ཐུན་མོང་མ་ཡིན་པའི་ལུགས་ལྟར་ན། ལངྐར་གཤེགས་པའི་འགྲེལ་པ་ལས། དྷི་ཏི་ཀ་ཡན་ཆད་སྔར་སྨོས་པ་ལྟར་ལ། དེ་ནས་བི་བྷ་ག །བུདྡྷཱ་ནནྟི། བུདྡྷཱ་མི་ཏྲ། དགེ་སློང་རྩིབས། སུ་ནོཿཤ་ཏ། རྟ་སྐད། མ་ཤི་བ། ཀླུ་སྒྲུབ་སོགས་གཏད་རབས་རྒྱས་པར་བཤད་པ་དང་། གཞན་ཡང་ཡན་ལག་འབྱུང་ལ་སོགས་པའི་འཕགས་པ་གནས་བརྟན་ཆེན་པོ་བཅུ་དྲུག་གིས། གླིང་བཞི་དང་། སུམ་ཅུ་རྩ་གསུམ་སོགས་ཡུལ་སོ་སོར་དགྲ་བཅོམ་པ་ལྔ་བརྒྱ་ལ་སོགས་པ་དང་ཐབས་གཅིག་ཏུ་བཞུགས་ནས་བསྟན་པ་རིན་པོ་ཆེ་འཛིན་པར་མཛད་པ་དང་། སློབ་དཔོན་ཆོས་སྐྱོང་། བཙུན་པ་དབྱིག་བཤེས། དབྱངས་སྒྲོག །སངས་རྒྱས་ལྷ་རྣམས་ལ་ཆེན་པོ་བཞི་ཞེས་བྱ་སྟེ། དེ་རེ་རེ་ལའང་འཁོར་འབུམ་ཕྲག་ཏུ་ལོངས་པ་བྱོན་ནས་ཐེག་དམན་གྱི་སྒྲོན་མེ་ཆེས་ཆེར་སྦར། དེ་ནས་བྲམ་ཟེ་ཆེན་པོ་ས་ར་ཧའི་སློབ་མ་ཟབ་མོ་ལྟ་བའི་ཤིང་རྟའི་སྲོལ་འབྱེད་པ་པོ་སངས་རྒྱས་གཉིས་པ་ཀླུ་སྒྲུབ། རྗེ་བཙུན་བྱམས་པའི་སློབ་མ་རྒྱ་ཆེན་སྤྱོད་པའི་རིང་ལུགས་ཀྱིས་ཛམ་བུའི་གླིང་ཐམས་ཅད་ཁྱབ་པར་མཛད་པ་པོ་འཕགས་པ་ཐོགས་མེད། །འཇམ་དཔལ་དབྱངས་ཀྱི་རྗེས་སུ་བཟུང་ཞིང་ཕྱོགས་ཐམས་ཅད་ལས་རྣམ་པར་རྒྱལ་བའི་དངོས་གྲུབ་བརྙེས་པས་དངོས་སྟོབས་རིགས་པའི་སྲོལ་འབྱེད་སློབ་དཔོན་ཕྱོགས་ཀྱི་གླང་པོ་སྟེ་གཞུང་བྱེད་པ་པོ་གསུམ་དང་། འཕགས་པ་ཀླུ་སྒྲུབ་ཀྱི་སློབ་མ་པདྨའི་སྙིང་པོ་ལས་བརྫུས་ཏེ་འཁྲུངས་པ་སློབ་དཔོན་ཨཱརྱ་དེ་བ། ཐོག་མེད་ཀྱི་གཅུང་གཞུང་འབུམ་སྡེ་དགུ་བཅུ་གོ་དགུ་ཐུགས་ལ་མངའ་ཞིང་། མང་དུ་ཐོས་པ་རྒྱ་མཚོའི་མཐར་སོན་པ་ཀུན་མཁྱེན་གཉིས་པ་དབྱིག་གཉེན། ཕྱོགས་ཀྱི་གླང་པོའི་སློབ་མ། རྒོལ་བ་དབང་ཕྱུག་སྡེའི་རྗེས་སུ་ཞུགས་པས་ཕྱི་རོལ་པ་ཐམས་ཅད་ཀྱི་བརྟན་པ་གཅིག་ཅར་དུ་འཕྲོག་པའི་བྱེད་པོ་དཔལ་ཆོས་ཀྱི་རྩོད་པས་བསྟན་པ་འཛིན་པ་དཔལ་ཆོས་ཀྱི་གྲགས་པ། དབང་ཕྱུག་གིས་བསྟན་པ་འཛིན་པ་ཆོས་རྒྱལ་མྱ་ངན་མེད་ཅེས་གཏམ་དུ་གྲགས་སོ། མཆན། གྲགས་པ་སྟེ། འགྲེལ་པ་བྱེད་པ་པོ་གསུམ་ཞེས་འཛམ་གླིང་མཛེས་པའི་རྒྱན་དྲུག་དང་། ། ༈ རྒྱ་གར་འཕགས་པའི་ཡུལ་དུ་བརྟུལ་ཞུགས་ཀྱིས་བསྟན་པ་འཛིན་པ་རྣལ་འབྱོར་དབང་ཕྱུག་བིཪྺི་པ། ངོ་མཚར་གྱི་གཏམ་བདུན་མངའ་བའི་རྒྱལ་སྲས་ཆེན་པོ་ཞི་བ་ལྷ་དང། རིག་པའི་གནས་ཡན་ལག་དང་བཅས་པ་ལ་མཁས་ཤིང་དངོས་གྲུབ་བརྙེས་པ་ཙནྡྲ་གོ་མཱི་སྟེ་རྨད་དུ་བྱུང་བའི་སློབ་དཔོན་གཉིས་ཞེས་གྲགས་པ་རྣམས་དང་། ཕྱིས་སུ་བི་ཀྲ་མ་ཤྲཱི་ཡང་ཉི་ཟླ་ལྟ་བུའི་མཁས་པ་སྒོ་དྲུག་སོགས་བྱོན་ནས། ཤར་སྒོ་སྲུང་བ་ཤནྟི་པ། ལྷོ་སྒོ་སྲུང་བ་ཤེར་འབྱུང་སྦས་པ། ནུབ་སྒོ་སྲུང་བ་ངག་དབང་གྲགས་པ། བྱང་སྒོ་སྲུང་བ་ནཱ་རོ་པ། དབུས་ཀྱི་ཀ་ཆེན་བྲམ་ཟེ་རིན་ཆེན་རྡོ་རྗེ། ཛྙཱ་ན་ཤྲཱི་མི་ཏྲ་རྣམས་སོ། མཆན། ཐེག་པ་ཆེན་པོའི་བསྟན་པ་གཞི་བཞེངས་སུ་བསླངས། གསང་སྔགས་ཀྱི་རྒྱུད་སྡེ་རྣམས་ནི་དེ་རྣམས་ལས་ཀྱང་བྱུང་མོད། གཙོ་བོར་བྱ་སྤྱོད་གཉིས་སློབ་དཔོན་བྱང་ཆུབ་མཆོག་དང་། སངས་རྒྱས་གསང་བ་རྣལ་འབྱོར་གྱི་རྒྱུད་རྣམས་རྒྱལ་པོ་རབ་གསལ་ཟླ་བ་དང་། པཎྜི་ཏ་ཀུན་དགའ་སྙིང་པོ་སོགས་ཀྱིས་རྒྱ་ཆེར་སྤེལ་ཞིང་། ཁྱད་པར་རྣལ་འབྱོར་བླ་མེད་ཀྱི་རྒྱུད་རྣམས་ནི། འཕགས་པ་ཀླུ་སྒྲུབ་སློབ་དཔོན་ཡེ་ཤེས་ཞབས། གྲུབ་པའི་དབང་ཕྱུག་ལཱུ་ནག་དྲིལ་གསུམ། རྗེ་བཙུན་རྣལ་འབྱོར་གྱི་དབང་ཕྱུག་འཇིགས་བྲལ་དཔལ་ལྡན་ཆོས་སྐྱོང་སྟེ་བི་རཱུ་པ་སོགས་གྲུབ་ཆེན་བརྒྱད་ཅུ་རྩ་བཞི་དང་། ཤམྦྷ་ལའི་སྤྲུལ་པའི་ཆོས་རྒྱལ་བརྒྱུད་པར་བཅས་པས་མཚོན་ཇི་སྙེད་ཅིག་བྱོན་ཏེ། དཔལ་གསང་བ་འཛིན་པའི་བདག་པོ་དང་། རྡོ་རྗེ་རྣལ་འབྱོར་མ་སོགས་ལས་དངོས་སུ་ལུང་བླང་ཞིང་། ཐུགས་རྗེ་དང་རྫུ་འཕྲུལ་རྡོ་རྗེའི་བཀོད་པ་ཟད་མི་ཤེས་པས་སྐལ་ལྡན་གྱི་གདུལ་བྱ་རྣམས་མཆོག་ཐུན་གྱི་ཕྲིན་ལས་རླབས་པོ་ཆེ་ལ་སྦྱར་བ་དང་། གསང་རྒྱུད་རྒྱ་མཚོའི་བསྟན་པའི་བ་དན་དཀར་པོས་སྲིད་ཞིའི་བླ་ན་མཛེས་པར་བྱས་སོ། ། གཉིས་པ་དེ་ཉིད་བོད་དུ་ཇི་ལྟར་དར་བའི་ཚུལ་ལ། བསྟན་པ་སྔ་དར་དང་། ཕྱི་དར་གཉིས་ལས། དང་པོ་ནི། སྔར་ཞུས་པ་ལྟར། །འཕགས་པ་ཐུགས་རྗེ་ཆེན་པོའི་བྱིན་རླབས་ལས། བྱང་ཆུབ་སེམས་དཔའ་ཀུན་ཏུ་བཟང་པོའི་རྣམ་འཕྲུལ། ལྷ་ཐོ་ཐོ་རི་སྙན་བཙན་གྱི་སྐུ་རིང་ལ་ཕོ་བྲང་ཡུམ་བུ་བླ་སྒང་དུ་དམ་པ་ཆོས་ཀྱི་དབུ་བརྙེས། སྤྱན་རས་གཟིགས་དངོས་སྲོང་བཙན་སྒམ་པོའི་དུས་སུ། རྒྱ་གར་གྱི་པཎྜིཏ་བྲམ་ཟེ་ཀུ་སཱ་དང་། ཤངྐུ་སོགས་ཕེབས་ཤིང་། ལོ་ཙཱ་ལ་སྔ་བ་ཐོན་མི་སཾ་བྷོ་ཊས་མཚམས་སྦྱར་ཏེ། ལག་ན་པདྨོའི་མདོ་རྒྱུད་ཉེར་གཅིག་ལ་སོགས་པ་བསྒྱུར། སྟོན་པ་དངོས་དང་ཁྱད་པར་མེད་པའི་ཇོ་ཤཱཀ་རྣམ་གཉིས་སྤྱན་དྲངས། དཔལ་གཡོ་རུ་ཁྲ་འབྲུག་བཀྲ་ཤིས་བྱམས་སྙོམས་ཀྱི་གཙུག་ལག་ཁང་དང་། ལྷ་ལྡན་དགའ་བཞི་འཕྲུལ་སྣང་གི་གཙུག་ཁང་གིས་མཚོན་མང་དུ་བཞེངས་ཏེ་དམ་པ་ཆོས་ཀྱི་སྲོལ་བཏོད། འཇམ་དབྱངས་མིའི་གཟུགས་ཅན་ལྷ་བཙན་པོ་ཁྲི་སྲོང་ལྡེའུ་བཙན་གྱི་སྐུ་རིང་ལ། མཚན་བརྗོད་པར་དཀའ་བ་མཁན་ཆེན་ཐམས་ཅད་མཁྱེན་པ་ཞི་བ་འཚོ་དང་། བརྟུལ་ཞུགས་གྲུབ་པའི་སློབ་དཔོན་པདྨ་སཾ་བྷ་ཝ་སོགས་པཎ་གྲུབ་དུ་མ་སྤྱན་དྲངས། ལོ་ཙཱ་བ་བཻ་རོ་ཙཱ་ན་དང་། ཀ་ཅོག་གཉིས་ལ་སོགས་མཁྱེན་རབ་ནམ་མཁའི་མཐའ་དང་མཉམ་པ་རྣམས་ཀྱི་བཀའ་དྲིན་ལས་སྡེ་སྣོད་གསུམ་དང་། རྒྱུད་སྡེ་བཞི་ལས་བརྩམས་པའི། རྒྱལ་བསྟན་ཡོངས་སུ་རྫོགས་པ་བསྒྱུར་བཤད་སྒོམ་སྒྲུབ་ཀྱིས་གཏན་ལ་ཕབ། ལུགས་གསུམ་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་རྟེན་དང་བརྟེན་པར་བཅས་པ། ཉི་འོག་གི་ས་སྟེང་ན་འགྲན་ཟླ་བྲལ་བར་བཞེངས་པ་སོགས་དམ་པའི་ཆོས་དར་ཞིང་རྒྱས་པར་མཛད། ཁྱད་པར་དུ་ཛམ་བུའི་གླིང་ན་ཆེ་བའི་རིག་སྔགས་འཆང་བ། སངས་རྒྱས་གཉིས་པ་སློབ་དཔོན་ཆེན་པོས་ནང་རྒྱུད་སྡེ་གསུམ་གྱི་སྨིན་གྲོལ་ཕོག་ནས་རྗེ་འབངས་ཉེར་ལྔ་སོགས་གྲུབ་པའི་སྐྱེས་བུ་བགྲང་ལས་འདས་པ་བསྐྲུན། བྱེ་བྲག་ཏུ་མ་ཧཱ་ཡོ་གའི་སྐོར་རྣམས་ལས། རྒྱུད་སྡེ་སྒྱུ་འཕྲུལ་ནི། སློབ་དཔོན་སངས་རྒྱས་གསང་བ་ལ། གཉགས་ཛྙཱ་ན་ཀུ་མ་རས་གསན་པ་སོགས་དང་། སྒྲུབ་སྡེ་བཀའ་བརྒྱད་སྤྱི་བྱེ་བྲག་གི་སྐོར་རྣམས། སློབ་དཔོན་ཆེན་པོ་དང་། ཤིནྟཾ་གརྦྷ། ཧཱུྃ་ཀ་ར་སོགས་ལས། མངའ་བདག་དང་། གནུབས་ཆེན། ནམ་མཁའི་སྙིང་པོས་མཚོན་པའི་བཀའ་བབས་མི་བརྒྱད་དམ། ལས་ཅན་སྙིང་གི་བུ་དགུར་གྲགས་པ་རྣམས་ཀྱིས་གསན་ནས་དར། ལུང་ཨ་ནུ་ཡོ་ག་ནི་བྲུ་ཤའི་སློབ་དཔོན་ཆེ་བཙན་སྐྱེས་ལས། གནུབས་སངས་རྒྱས་ཡེ་ཤེས་ཀྱིས་གསན་པ་དང་། མན་ངག་རྫོགས་པ་ཆེན་པོ་ཨ་ཏི་ཡོ་གའི་སྐོར་རྣམས་ལས་སེམས་ཀློང་གཉིས་ནི། ཤྲཱི་སིདྷ་ལས་བཻ་རོ་ཙ་ན་དང་། མན་ངག་སྡེ་ནི་བི་མ་ལར། མངའ་བདག་དང་། ཉང་གིས་གསན་པ་སོགས་ཀྱི་རྒྱུན་ལས་བྱུང་། སྤྱིར་བརྒྱུད་པའི་བཀའ་བབས་བཞིའམ་དྲུག་ཅེས་གཏམ་དུ་གྲགས་ཤིང་། དེ་ཡང་དང་པོ་གཉགས། བར་དུ་གནུབས། ཐ་མ་ཟུར་ལ་བབས་པས། བོད་ཁམས་ཐམས་ཅད་རིག་སྔགས་འཆང་བའི་དབང་པོས་ཁེངས། དེའི་ཚེ་སློབ་དཔོན་རིན་པོ་ཆེ་དང། གནུབས་ཆེན་སོགས་ཀྱིས་ཕྱི་མའི་དུས་ན་དགོས་པ་ཁྱད་པར་ཅན་གཟིགས་ཏེ། ཟབ་མོ་གཏེར་གྱིས་རི་བྲག་གངས་གསུམ་ཐམས་ཅད་བཀང་བ། ཕྱིས་སྨོན་ལམ་ལ་དབང་བའི་སྤྲུལ་པའི་གཏེར་སྟོན་ཆེན་པོ་རྣམས་ཀྱིས་སྤྱན་དྲངས་ཏེ། དེ་ཡང་བཀའ་བརྒྱད་རྣམ་པ་གསུམ་དང་། བཀའ་འདུས་སྔ་ཕྱི་བར་གསུམ་དང་། བླ་རྫོགས་ཐུགས་གསུམ་གྱི་སྐོར་དང་། འཇམ་དཔལ་ཚེ་བདག་ལ་སོགས་པ་རྣམས་ཏེ། སྔར་མངའ་བདག་ཉང་ཡབ་སྲས་དང་། ཕྱིས་བཀའ་མའི་བཤད་སྒྲུབ་ཀྱི་རྒྱུན་ནི་ཐུན་མོང་དུ་འཛིན་ནོ། །ལྷོ་བྱང་གཉིས་ཁོ་ན་གྲགས་ཆེ་ཞིང་། དེང་སང་རྡོར་སྨིན་གཉིས་སུ་གྲགས་པའང་། སྔ་མ་བྱང་གཏེར་དང་། ཕྱི་མ་ལྷོ་གཏེར་གྱི་བརྒྱུད་འཛིན་ལས་གཙོ་བོར་བྱུང་བ་ཡིན་ལ། གཞན་ནི་གྲངས་ཀྱིས་མི་ཆོད་པ་ཞིག་བྱོན་ལ། དེ་དག་བརྒྱུད་པ་དང་བཅས་པར་གསང་སྔགས་སྔ་འགྱུར་རྙིང་མ། བཀའ་གཏེར་གྱི་རིང་ལུགས་ཞེས་བྱའོ། །དེའི་རྗེས་སུ་ཕྱག་ན་རྡོ་རྗེའི་སྤྲུལ་པ་མངའ་བདག་ཁྲི་རལ་པ་ཅན་གྱིས་ཀྱང་། ཡབ་མེས་རྣམས་ཀྱི་ཕྱག་སྲོལ་ལྟར་སངས་རྒྱས་བསྟན་པ་ལ་སྲིད་ཞུ་རྒྱ་ཆེར་མཛད་དོ། ། གཉིས་པ་ཕྱི་དར་ནི། བར་སྐབས་སུ་གླང་དར་མ་འུ་དུམ་བཙན་གྱི་སྙིང་ལ་གདོན་ཆེན་པོ་གསོལ་ཏེ། ཡུལ་དབུས་ཀྱི་བསྟན་པ་ཐམས་ཅད་མིང་གི་ལྷག་མ་ཙམ་དུ་གྱུར་པ་ན། སྨད་ནས་འདུལ་བ་འཛིན་པ་དམར་གཡོ་གཙང་གསུམ་གྱིས་བསྟན་པའི་མེ་རོ་གསོས། སྟོད་མངའ་རིས་སུ་ལྷ་བླ་མ་ཡེ་ཤེས་འོད་ཀྱི་བདག་པོའི་རྐྱེན་ལ་བརྟེན་ནས། སྤྲུལ་པའི་སྐྱེས་མཆོག་ལོ་ཙཱ་བ་ཆེན་པོ་རིན་ཆེན་བཟང་པོས་འཕགས་ཡུལ་དང་། ཁ་ཆེའི་པཎ་གྲུབ་མང་པོ་ལ་གཏུགས་ནས་རྡོ་རྗེ་ཐེག་པ་གཙོ་བོར་གྱུར་པའི་བསྟན་པ་གཞི་བཞེངས་སུ་བསླངས་པ་ལ་བརྟེན་ནས། ཕྱི་འགྱུར་གསར་མར་གྲགས་པའི་བསྟན་པ་རྣམ་པར་དག་པ་འདི་བྱུང་། །དེ་ལ་ཡང་སྔར་བཀའ་ཕྱག་གཉིས་དང་། ཕྱིས་སུ་ས་དགེ་བཀའ་གསུམ་ཁོ་ན་དར་ཆེ་ཞིང་། གཞན་ཡང་ཇོ་ཞལ། ཞི་གཅོད། བོ་ཤངས་རྣམས་ཀྱི་རྒྱུན་ཀྱང་མ་ནུབ་ཙམ་ཡོད་པ་ལས། ཐོག་མར་ལྷ་ཆོས་བདུན་ལྡན་གྱི་བསྟན་པའི་མངའ་བདག ལྷ་ཐུབ་པ། སྤྱན་རས་གཟིགས། སྒྲོལ་མ། མི་གཡོ་བ་བཞི། ཆོས་སྡེ་སྣོད་གསུམ་ཏེ་བདུན་ནོ། །རྒྱལ་བའི་བཀའ་ཐམས་ཅད་གང་ཟག་གཅིག་འཚང་རྒྱ་བའི་གདམས་ངག་ཏུ་ཤར་བའི་བཀའ་གདམས་པའི་ལུགས་སྲོལ་ནི། ལྔ་བརྒྱ་པ་རྣམས་ཀྱི་གཙུག་གི་ནོར་བུ་ཇོ་བོ་རྗེ་དཔལ་ལྡན་ཨ་ཏི་ཤ་ལས་བྱུང་སྟེ། དེ་ཡང་དེ་ཉིད་ཀྱི་སློབ་མ་རིགས་གསུམ་མགོན་པོའི་རྣམ་འཕྲུལ་ཁུ་རྔོག་འབྲོམ་གསུམ་དང་། འབྲོམ་སྟོན་པའི་སློབ་མ་སྐུ་མཆེད་གསུམ་ཞེས། ཕུ་ཆུང་བ་གཞོན་ནུ་རྒྱལ་མཚན། སྤྱན་སྔ་བ་ཚུལ་ཁྲིམས་འབར། པུ་ཏོ་བ་རིན་ཆེན་གསལ། ཕྱི་མ་ལས། གླང་ཐང་པ་རྡོ་རྗེ་སེང་གེ་དང་། ཤ་ར་བ་ཡོན་ཏན་གྲགས་སོགས་བསམ་གྱིས་མི་ཁྱབ་པ་བྱོན་ཏེ་བར་སྐབས་ཤིག་གངས་ཅན་གྱི་ལྗོངས་མཐའ་དག་ཁྱབ་པར་གྱུར་ནའང་། དེང་སང་ནི་བསྟན་པ་ཐམས་ཅད་ལ་ཐིམ་སྟེ་གནས་པ་ལས་གྲུབ་མཐའ་ཟུར་པ་མེད་དོ། ། ཡོངས་རྫོགས་བསྟན་པའི་མངའ་བདག་དཔལ་ས་སྐྱ་པ་ནི། གདུང་བརྒྱུད་ཇི་ལྟར་བྱོན་ཚུལ་དང་། ཆོས་བརྒྱུད་ཇི་ལྟར་འཕེལ་བའི་ཚུལ་གཉིས་ལས། དང་པོ་ནི། སྔོན་གྱི་དུས་འོད་གསལ་ལྷ་ཡི་རིགས་ཆེ་བ་གནམ་ལྷ་སྤྱི་རིང་། བར་པ་གཡུ་རིང་། ཆུང་བ་ཨུ་སེ་སྟེ་གནམ་ལྷ་མཆེད་གསུམ་དུ་གྲགས་པ་ཡུལ་མངའ་རིས་སྟོད་དམ་འགའ་ཞིག་གིས་བྱང་གི་རྒྱལ་མོ་ཤེལ་ཚའི་འགྲམ་དུ་བབས་པར་འདོད། གང་ལྟར་ཡང་གཡུ་རིང་གིས་རྨུ་ཡི་བུ་མོ་དང་ལྷན་གཅིག་ཏུ་ཞུགས་པས། སྲས་མ་སང་སྤུན་བདུན་གྱི་ནང་ནས། ཆུང་བ་མ་སང་རྗེས་མི་ཡུལ་དུ་བཞུགས་པའི་སྲས་ཐོག་ཚ་དཔའ་བོ་སྟག །དེ་སྲས་ཀླུ་ཚ་དཔའ་བོ་ཆེ། དེ་སྲས་འཁོན་བར་སྐྱེས་ཏེ། འདི་མན་ལ་འཁོན་གྱི་གདུང་བརྒྱུད་ཅེས་གྲགས། དེ་ལ་སྲས་བཞི་བྱུང་བའི་ནང་ཚན་གསུམ་པ་འཁོན་ཀླུ་དབང་སྲུང་བ་དང་། བཞི་པ་ཚེ་འཛིན་གྱི་སྲས་རྡོ་རྗེ་རིན་ཆེན་གཉིས་ཀྱིས་སློབ་དཔོན་ཆེན་པོར་གཏུགས། དེ་ནས་བཟུང་འཁོན་རོག་ཤེས་རབ་ཚུལ་ཁྲིམས་ཀྱི་བར་གདུང་བརྒྱུད་བཅུ་ཙམ་གྱི་རིང་ལ་ཡང་ཕུར་གཙོ་བོར་གྱུར་པའི་སྔགས་རྙིང་མའི་ཆོས་ལ་མཁས་ཤིང་གྲུབ་པ་བརྙེས། ཤེས་རབ་ཚུལ་ཁྲིམས་ཀྱི་གཅུང་འཁོན་དཀོན་མཆོག་རྒྱལ་པོས་འབྲོག་མི་ལོ་ཙཱ་བ་སོགས་བླ་མར་བསྟེན་ནས་གསང་སྔགས་ཕྱི་འགྱུར་གྱི་བསྟན་པའི་བདག་པོར་གྱུར། དགུང་ལོ་བཞི་བཅུ་པ་ཆུ་མོ་གླང་གི་ལོར་གངས་ཅན་བོད་ཀྱི་རྡོ་རྗེ་གདན་དཔལ་ས་སྐྱའི་གཙུག་ལག་ཁང་བཏབ་པ་ནས་བཟུང་། འཁོན་ས་སྐྱ་པ་ཞེས་གྲགས་དཀར་གྱི་སྣང་བས་འཛམ་གླིང་ཐམས་ཅད་ཁྱབ། དེ་ནས་ཇོ་བོ་རྗེས། ས་དཀར་པོའི་ལོགས་ལ། དྷཱི་ཡིག་བདུན་དང་། ཧཱུྃ་ཡིག་གཅིག་འདུག་པ་གཟིགས་ནས་དེར་འཇམ་དབྱངས་ཀྱི་སྤྲུལ་པ་བདུན་དང་། ཕྱག་རྡོར་གྱི་སྤྲུལ་པ་གཅིག་སྟེ་བརྒྱད་འབྱོན་པར་ལུང་བསྟན་པ་རྣམས་རིམ་གྱིས་བྱོན་ཏེ། དེ་ཡང་སློབ་དཔོན་ཆེན་པོས། ཀུན་དགའ་སྙིང་པོ་ས་སྐྱ་ལོ་ཙཱ་དང་། བསོད་ནམས་རྩེ་མོ་གྲགས་པ་རྒྱལ་མཚན་ཞེས། རིགས་གསུམ་མགོན་པོའི་སྤྲུལ་པ་གཙང་དུ་འབྱུང་། ཞེས་གསུངས་པ་ལྟར། འཁོན་དཀོན་མཆོག་རྒྱལ་པོའི་སྲས་གངས་ཅན་གྱི་རྡོ་རྗེ་འཛིན་པ་ཐམས་ཅད་ཀྱི་གཙུག་གི་ནོར་བུ་དཔལ་བརྩེ་བ་ཆེན་པོ་ཀུན་དགའ་སྙིང་པོ་ནི། ལག་ན་པདྨོ་མི་ཡི་རྣམ་རོལ་དུ་བསྟན་པ་སྟེ། ཆུང་ངུ་ནས་བླ་མ་བ་རི་ལོ་ཙཱ་བ་ལ་མདོ་སྔགས་ཀྱི་ཆོས་ཚུལ་རྒྱ་མཚོ་ལྟ་བུ་གསན། འཇམ་དཔལ་དབྱངས་བསྙེན་པས་མངོན་སུམ་དུ་རྗེས་སུ་བཟུང་ཞིང་བློ་སྦྱོང་ཞེན་པ་བཞི་བྲལ་གྱི་གདམས་པ་གནང་། བྲང་ཏི་དར་མ་སྙིང་པོ་ལས་མངོན་པ། ཁྱུང་རིན་ཆེན་གྲགས་སོགས་ལས་དབུ་ཚད། གནམ་ཁའུ་པ་སྐུ་མཆེད་ལས་གསང་འདུས་དང་། གཉན་མགོན་གྱི་ཆོས་སྐོར། གུང་ཐང་པ་བླ་མ་མལ་ལོ་ཙཱ་བ་ལས་འཁོར་ལོ་བདེ་མཆོག་གསང་མཐའི་སྐོར་མན་ངག་དང་བཅས་པ་དང་ཡོ་ག ཁྱད་པར་འབྲོག་མི་ལོ་ཙཱ་བ་ཤཱཀྱ་ཡེ་ཤེས་ཀྱིས་རྒྱ་གར་གྱི་པཎ་གྲུབ་རབ་ཏུ་མང་པོ་དང་། གཙོ་བོར་དགེ་སློང་དཔའ་བོ་རྡོ་རྗེ། གྲུབ་ཆེན་ག་ཡ་དྷ་ར་གཉིས་ལས་གསན་པའི་དཔལ་ཀྱེ་རྡོ་རྗེའི་སྐོར་འགྲེལ་པ་དང་། མན་ངག་གི་ལུགས་ཡོངས་སུ་རྫོགས་པ་གསུང་ངག་རིན་པོ་ཆེ་ལམ་འབྲས་བུ་དང་བཅས་པ་རྣམས་འཁོན་སྐྱི་ཆུ་བ་དང་། ཞང་སྟོན་ཆོས་འབར་སོགས་རྒྱུན་བཞིའི་བླ་མ་ལས་གསན་ཅིང་། ཐུན་མོང་མ་ཡིན་པར་རྣལ་འབྱོར་གྱི་དབང་ཕྱུག་བི་རུ་པ་ཆོས་སྒོ་སྐྱལ་གྱི་ཚུལ་དུ་བྱོན་ཏེ་རྒྱུད་སྡེ་བདུན་ཅུ་རྩ་གཉིས་དང་། ལྕགས་རིའི་ཁང་ལས་མི་འདའ་བའི་ཟབ་ཆོས་བཞི་ལ་སོགས་པ་གནང་། ལམ་སྦས་བཤད། ལམ་ཟབ། བིར་སྲུང་། རྣམ་འཇོམས་བིར་ལུགས་བཞིའོ། །སྐུའི་བཀོད་པ་དྲུག་དུས་གཅིག་ཏུ་བསྟན་པས་མཚོན་གྲུབ་པའི་དབང་ཕྱུག་ཆེན་པོར་གྱུར། སློབ་མ་མཆོག་ཐོབ་པ་གསུམ། བཟོད་ཐོབ་པ་བདུན། རྟོགས་པ་དང་ལྡན་པ་བརྒྱད་ཅུ། གཞུང་བཤད་འཛིན་པ་བཅུ་གཅིག་སོགས་མཐའ་ཀླས་པ་ཞིག་བྱོན་པའི་གཙོ་བོ་ནི། རྗེ་བཙུན་སྐུ་མཆེད་གཉིས་ཡིན་ལ། ཞིང་འདིར་མྱ་ངན་ལས་འདས་པའི་ཚུལ་བསྟན་པའི་ཚེ་ནའང་། བདེ་བ་ཅན། པོ་ཏཱ་ལ། ཨཽ་ཌྜི་ཡཱ་ན། བྱང་ཕྱོགས་གསེར་མདོག་ཅན་རྣམས་སུ་སྐུའི་བཀོད་པ་སོ་སོར་བསྟན་ནས་གཤེགས་པ་སོགས་ངོ་མཚར་བའི་གཏམ་ཟད་མི་ཤེས་པ་མངའ་འོ། །དེ་ལ་སྲས་བཞི་འཁྲུངས་པའི། ཆེ་བ་ཀུན་དགའ་འབར་རྒྱ་གར་དུ་གཤེགས། གཉིས་པ་སློབ་དཔོན་མི་ཐུབ་ཟླ་བའི་རྣམ་སྤྲུལ་མཁྱེན་རབ་དང་ཐུགས་རྗེ་ཚད་མེད་པའི་མངའ་བདག་སློབ་དཔོན་རིན་པོ་ཆེ་བསོད་ནམས་རྩེ་མོ། གསུམ་པ། སངས་རྒྱས་ཐམས་ཅད་ཀྱི་གསུང་གི་གསང་བ་འཛིན་པའི་བདག་པོ་འཕགས་ཡུལ་གྱི་མཁས་གྲུབ་རྣམས་ཀྱིས་ཀྱང་ཞབས་ཀྱི་པདྨོ་རྟག་ཏུ་མཆོད་པ་རྗེ་བཙུན་རིན་པོ་ཆེ་གྲགས་པ་རྒྱལ་མཚན་ཏེ། དེ་ལྟར་ས་ཆེན་དང་། རྗེ་བཙུན་སྐུ་མཆེད་གཉིས་བཅས་རྟེན་སྐྱ་བོར་བཞུགས་པས་དཀར་པོ་རྣམ་གསུམ་ཞེས་གྲགས། བཞི་པ་དཔལ་ཆེན་འོད་པོའི་སྲས། འཇམ་དབྱངས་མིའི་གཟུགས་ཅན་བོད་ཁམས་ཙམ་ན་པཎྜི་ཏའི་མཚན་གྱིས་སྔ་བ་བཅུ་ཕྲག་རིག་པའི་སྣང་བྱེད་ཆེན་པོ། ས་གསུམ་ན་འགྲན་ཟླ་དང་བྲལ་བ་ཆོས་ཀྱི་རྗེ་ཀུན་དགའ་རྒྱལ་མཚན་དཔལ་བཟང་པོ་དང་། ཟངས་ཚ་བསོད་ནམས་རྒྱལ་མཚན་གཉིས། ཕྱི་མ་ལ་སྲས་ལྕམ་སྲིང་བརྒྱད་དུ་འཁྲུངས་པའི་ཆེ་བ་ནི། ལུང་དང་མངོན་པར་རྟོགས་པའི་ཡོན་ཏན་ཟད་མི་ཤེས་པའི་བདག་ཉིད་ཁམས་གསུམ་ཆོས་ཀྱི་རྒྱལ་པོ་འཕགས་པ་རིན་པོ་ཆེ་བློ་གྲོས་རྒྱལ་མཚན་དཔལ་བཟང་པོ་སྟེ། ཆོས་རྗེ་ཁུ་དབོན་འདི་གཉིས་རྟེན་རབ་བྱུང་དུ་བཞུགས་པས་དམར་པོ་རྣམ་གཉིས་ཞེས་གྲགས་ཤིང་། དེ་ལྟ་བུའི་རྗེ་བཙུན་ས་སྐྱ་པ་གོང་མ་ལྔ་པོ་འདི་ནི། རྒྱལ་བའི་གསུང་རབ་དགོངས་འགྲེལ་དང་བཅས་པའི་དོན་མ་ལུས་པར་འཁྲུལ་པའི་དྲི་མ་ཕྲ་མོ་ཙམ་ཡང་སྤངས་པའི་མཁྱེན་རབ་དང་། འགྲོ་བ་ཐམས་ཅད་ལ་བུ་གཅིག་པ་ལྟར་བརྩེ་བའི་ཐུགས་རྗེ་དང་། འཛམ་གླིང་ཡངས་པའི་རྒྱལ་ཁམས་ཀུན་ཏུ་གང་གི་བཀའ་སྲོལ་འཛིན་པས་ཁྱབ་བརྡལ་དུ་གྱུར་པའི་ཕྲིན་ལས་ཚད་མེད་པས་ན། བདེ་བར་གཤེགས་པའི་རིང་ལུགས་པ་མཐའ་དག་ཐམས་ཅད་ཀྱི་གཙུག་ན་སངས་རྒྱས་གཉིས་པ་ལྟ་བུར་བཞུགས་པའི་ཕྱིར། སྐུ་གསུང་ཐུགས་ཆེ་བའི་ཡོན་ཏན་ལས་བརྩམས་ཏེ་བསྔགས་བརྗོད་ཀྱི་གླིང་བུ་བསྐལ་པར་བསྒྱུར་ཀྱང་ཟད་མི་ཤེས་པ་ཉིད་དོ། །འཕགས་པའི་གདུང་འགྲོ་མགོན་ཕྱག་ནའི་སྲས་ཆོས་སྐྱོང་སྲུང་བས་ཀྱང་གདན་ས་ལོ་ཤས་བཟུང་། དེ་རྗེས་སློབ་དཔོན་ཡེ་ཤེས་འབྱུང་གནས་ཀྱི་སྲས་བདག་ཆེན་བཟང་པོ་དཔལ་གདན་སར་ཕེབས། འདི་ལ་སྲས་མིང་སྲིང་བཅོ་ལྔ་འཁྲུངས། ཏི་ཤྲཱི་ཀུན་དགའ་བློ་གྲོས་ཀྱིས། བླ་བྲང་ཁག་བཞིར་བགོ་ནས་གཅུང་རྣམས་ལ་བྱིན་པས། གཞི་ཐོག་བླ་བྲང་། ལྷ་ཁང་ཆེན་མོ། རིན་ཆེན་སྒང་། དུས་མཆོད་བླ་བྲང་རྣམས་བྱུང་། དེང་སང་གི་གདུང་བརྒྱུད་འདི་རྣམས་དུས་མཆོད་བླ་བྲང་གི་ཞལ་ངོ་སྟེ། གདན་ས་དངོས་རྩེ་གདོང་ཡིན་ཡང་། གདུང་རབས་བརྒྱད་པ་སྔགས་འཆང་ཀུན་དགའ་རིན་ཆེན་གདན་ས་གོང་ས་སྐྱར་ཕེབས། དེ་སྲས་གྲགས་པ་བློ་གྲོས། དེ་སྲས་འཇམ་མགོན་ཨ་མེས་ཞབས་ངག་དབང་ཀུན་དགའ་བསོད་ནམས། དེ་སྲས་འཇམ་དབྱངས་བསོད་ནམས་དབང་ཕྱུག །དེ་སྲས་ཀུན་དགའ་བཀྲ་ཤིས། དེ་སྲས་བདག་ཆེན་བསོད་ནམས་རིན་ཆེན། དེ་སྲས་ངག་དབང་ཀུན་དགའ་བློ་གྲོས། དེ་སྲས་ངག་དབང་དཔལ་ལྡན་ཆོས་སྐྱོང་ངམ། འཛམ་གླིང་དབང་སྡུད་སྙིང་པོ། དེ་སྲས་བདག་ཆེན་པདྨ་བདུད་འདུལ་དབང་ཕྱུག་སྐུ་མཆེད། དེ་སྲས་འཁོན་སྟོན་བཀྲ་ཤིས་རིན་ཆེན་དང་། ངག་གི་དབང་པོ་རྡོ་རྗེ་རིན་ཆེན་མཆེད་ཞལ་གྱི་བར་དུ་བྱོན་པ་དང་། ཡང་སྔར་ཞུས་པའི་རིན་ཆེན་སྒང་པའི་ཞལ་ངོ་དང་པོའི་སྲས་དཔལ་ལྡན་བླ་མ་དམ་པ་བསོད་ནམས་རྒྱལ་མཚན། ཞེས་རྗེ་བཙུན་གོང་མ་ལྔ་དང་དབྱེར་མེད་པའི་མཁས་གྲུབ་ཆེན་པོ་དེ་ཉིད་ཀྱིས་སྤྱིར་བསྟན་འགྲོ་ཡོངས་ལ་བཀའ་དྲིན་ཆེན་པོས་ཁྱབ་པར་མཛད་ཅིང་། ཁྱད་པར་དུ་དཔལ་ས་སྐྱ་པའི་ཟབ་ཆོས་རྣམས་ལ་ཚོགས་བཤད་དང་། སློབ་བཤད་གཉིས་སུ་ཕྱེ་བའི་སྲོལ་བཏོད་དོ། །གཉིས་པ་ཆོས་བརྒྱུད་ཇི་ལྟར་བྱུང་ཚུལ་ནི། སྤྱིར་རྗེ་བཙུན་ས་སྐྱ་པ་ཡབ་སྲས་རྣམས་ལ་ཟབ་ཅིང་རྒྱ་ཆེ་བའི་གདམས་པ་རྒྱ་མཚོ་ལྟ་བུ་བཀའ་བབས་ཤིང་། མཁས་གྲུབ་ཀྱི་གྲགས་དཀར་སྲིད་པའི་རྩེ་མོར་གཡོ་བ་ལ་བརྟེན་ནས་འཕགས་བལ། བོད་ལྗོངས་མ་ཧཱ་ཙི་ནའི་གཞིར་འཁོད་པའི་ཆེ་དགུ་མཐའ་དག་གིས་དངོས་དང་བརྒྱུད་ནས་ཞལ་གྱི་བདུད་རྩི་གསོལ་བའི་ཚུལ་མཐའ་ཡས་ཤིང་། ཁྱད་པར་འགྲོ་བའི་མགོན་པོ་ཆོས་རྒྱལ་འཕགས་པ་རིན་པོ་ཆེ་དེ་ཉིད་གོང་མ་སེ་ཆེན་གན་དང་ཡོན་མཆོད་དུ་འབྲེལ་བའི་སྟོབས་ཀྱིས་ཕྲིན་ལས་ནམ་མཁའི་མཐའ་དང་མཉམ་པར་སོང་བས། བོད་གངས་ཅན་ཙམ་ན་འདི་ཉིད་ཀྱི་ཆོས་རྒྱུན་གྱིས་མ་ཁྱབ་པ་མེད་པ་ལྟ་བུར་སྣང་བའི་ཕྱིར། ཡོངས་རྫོགས་བསྟན་པའི་མངའ་བདག་ཅེས་བརྗོད་པ་མིང་དོན་དང་མཚུངས་པར་སྣང་ལ། བྱེ་བྲག་ཏུ་ཕྱིས་སུ། མདོ་ལ་མཁས་པ་གཡག་གཞོན་རྣམ་གཉིས་སམ། གཡག་རོང་རྣམ་གཉིས་དང་། སྔགས་ལ་མཁས་པ་ཀུན་དགའ་རྣམ་གཉིས། གཉིས་ཀ་ལ་མཁས་པ་གོ་ཤཱག་རྣམ་གཉིས་ཞེས་དཔལ་ལྡན་ས་སྐྱ་པའི་བསྟན་འཛིན་ཆེན་པོ་གངས་ཅན་མཛེས་པར་བྱེད་པའི་རྒྱན་དྲུག་ཏུ་གྲགས་པ་བྱུང་བ་ལས། ཀུན་མཁྱེན་གཡག་ཕྲུག་པ་སངས་རྒྱས་དཔལ་གྱིས་ས་སྐྱ་དང་རྩེ་གདོང་སོགས་སུ་གསན་བསམ་མཛད་ཅིང་འདུལ་མངོན་ཕར་ཚད་རྣམས་ལ་མཁས་པའི་ཕ་རོལ་དུ་སོན་པའི་ལག་རྗེས་སུ་སློབ་མ་གཞུང་ལུགས་སྨྲ་བའི་དབང་པོ་ས་ཆེན་པོའི་རྡུལ་ཙམ་ཞིག་བསྐྲུན། རེ་མདའ་བ་གཞོན་ནུ་བློ་གྲོས་ཀྱིས་ས་བཟང་མ་ཏི་པཎ་ཆེན་སོགས་གཙོ་བོར་བསྟེན་ནས་མདོ་སྔགས་ཀྱི་ཕྱོགས་ལ་གསན་པ་རྒྱ་ཆེར་མཛད། དབུ་མ་ཐལ་འགྱུར་བའི་སྲོལ་ལྷག་པར་ཕྱེས། སློབ་མའང་། རྗེ་བློ་བཟང་གྲགས་པ་དང་། རྒྱལ་ཚབ་དར་མ་རིན་ཆེན་སོགས་མང་དུ་བྱོན། སློབ་དཔོན་ཀ་མ་ལ་ཤཱི་ལའི་སྤྲུལ་པ་རོང་སྟོན་ཤེས་བྱ་ཀུན་གཟིགས་སམ། ཤཱཀྱ་རྒྱལ་མཚན་གྱིས་ཀུན་མཁྱེན་གཡག་པ་སོགས་གཙོ་བོར་བསྟེན་ནས་གཞུང་ལུགས་རབ་འབྱམས་ལ་སྦྱངས། དབུ་རུ་འཕན་ཡུལ་དུ་དཔལ་ནཱ་ལེན་དྲའི་ཆོས་གྲྭ་བཏབ། སྐུ་ཚེ་ཧྲིལ་པོར་འཆད་རྩོད་རྩོམ་གསུམ་གྱི་སྒོ་ནས་བསྟན་པ་སྐྱོང་བར་མཛད་དོ། སྙིགས་མའི་དུས་ཀྱི་ཐམས་ཅད་མཁྱེན་པ་རྒྱལ་བ་གཉིས་པ་ངོར་ཆེན་རྡོ་རྗེ་འཆང་ཀུན་དགའ་བཟང་པོ་ནི། དམ་པའི་ཆོས་པདྨ་དཀར་པོ་ལས། །ངས་ནི་དགེ་སློང་དགེ་འདུན་མོས་པར་བྱས། །ཀུན་དགའ་བཟང་པོ་ང་ཡི་ཆོས་འཛིན་པ། །བདེ་གཤེགས་བྱེ་བ་དྲུག་ཅུ་མཆོད་བྱས་ནས། །མ་འོང་དུས་ཀྱི་ཚེ་ན་རྒྱལ་བར་འགྱུར། །ཞེས་པ་ལ་སོགས་པའི་ལུང་བསྟན་གྱི་བདེན་པའི་རྔ་བོ་ཆེ་ཡོངས་སུ་བསྒྲགས་པ་ལྟར། ཕྱི་ལྟར་ན་བོད་ཆོས་རྒྱལ་གྱི་སྐུ་ཞང་ལྕོག་རོའི་རིགས་དང་། དོན་དུ་འོད་གསལ་འཁོན་གྱི་གདུང་བརྒྱུད་ལས་རབ་བྱུང་དྲུག་པའི་ཆུ་ཁྱི་ལོར་འཁྲུངས། །ཤར་ཆེན་ཡེ་ཤེས་རྒྱལ་མཚན། གྲུབ་ཆེན་བུདྡྷ་ཤྲཱི། ས་བཟང་འཕགས་པ་སོགས་ལས་མདོ་སྔགས་རིག་གནས་དང་བཅས་པའི་གསན་པ་རྒྱ་མཚོའི་ཕ་རོལ་དུ་སོན། དེ་དག་གི་དོན་ལ་བསམ་པ་དང་། ཚུལ་བཞིན་བསྒོམས་པས། མཁས་གྲུབ་ཀྱི་གོ་འཕང་མཐོན་པོར་གཤེགས། ས་བྱ་ལོར་ཡོན་ཏན་རིན་པོ་ཆེ་དུ་མའི་འབྱུང་གནས་དཔལ་ཨེ་ཝཾ་ཆོས་ལྡན་གྱི་དགོན་པ་བཏབ་ཅིང་། ཆོས་ཀྱི་འཁོར་ལོ་རྒྱ་ཆེན་རྒྱུན་མི་ཆད་པར་བསྐོར་ནས་བསྟན་འཛིན་གྱི་སློབ་མ་མཐའ་ཀླས་པ་བསྐྲུན། དགུང་ལོ་བདུན་ཅུ་དོན་ལྔ་པར་གྲུབ་མཐའ་སྙོགས་ཏེ་གཟུགས་སྐུའི་བཀོད་པ་བསྡུས། དེ་ནས་གདན་སར་རིམ་པ་བཞིན། མུས་ཆེན་སེམས་དཔའ་ཆེན་པོ་དཀོན་མཆོག་རྒྱལ་མཚན། འཇམ་དབྱངས་ཤེས་རབ་རྒྱ་མཚོ། རྒྱལ་ཚབ་དམ་པ་ཀུན་དགའ་དབང་ཕྱུག །ངོར་ཆེན་དབོན་པོ། མཁས་གྲུབ་དཔལ་ལྡན་རྡོ་རྗེ། ཀུན་མཁྱེན་བསོད་ནམས་སེང་གེ །ཡོངས་འཛིན་དཀོན་མཆོག་འཕེལ་བ། རྗེ་བཙུན་སངས་རྒྱས་རིན་ཆེན། རྒྱལ་བ་ལྷ་མཆོག་སེང་གེ །ཐམས་ཅད་མཁྱེན་པ་དཀོན་མཆོག་ལྷུན་གྲུབ། འཇམ་དབྱངས་སངས་རྒྱས་སེང་གེ །མཚུངས་མེད་དཀོན་མཆོག་དཔལ་ལྡན། །པཎ་ཆེན་ནམ་མཁའ་དཔལ་བཟང་། ཐར་རྩེ། བྱམས་པ་ཀུན་དགའ་བཀྲ་ཤིས། ཀླུ་སྡིང་། འཇམ་དབྱངས་ཀུན་དགའ་བསོད་ནམས། མཁས་གྲུབ་དཔལ་ལྡན་དོན་གྲུབ། མཁན་ཆེན་ནམ་མཁའ་སངས་རྒྱས། ཐར་རྩེ། ཤར་ཆེན་ཤེས་རབ་འབྱུང་གནས། ཀླུ་སྡིང་། མཁན་ཆེན་ནམ་མཁའ་རིན་ཆེན། འདྲེན་མཆོག་བསོད་ནམས་རྒྱ་མཚོ། ཁང་སར། འཇམ་དབྱངས་དཔལ་མཆོག་རྒྱལ་མཚན། འདྲེན་མཆོག་ནམ་མཁའ་དཔལ་བཟང་། འཇམ་མགོན་ལྷུན་གྲུབ་དཔལ་ལྡན། མཁས་གྲུབ་སངས་རྒྱས་ཕུན་ཚོགས། ཤར་ཆེན་སངས་རྒྱས་བསྟན་འཛིན། ཀླུ་སྡིང་། མཁན་ཆེན་ཤེས་བྱ་བཟང་པོ། བྱམས་པ་ཚུལ་ཁྲིམས་དཔལ་བཟང་། མཚུངས་མེད་བསོད་ནམས་དཔལ་ལྡན། བྱམས་པ་བསོད་ནམས་བཟང་པོ། ཁང་སར། མཁན་ཆེན་བཀྲ་ཤིས་ལྷུན་གྲུབ། བྱམས་པ་ཚུལ་ཁྲིམས་ལྷུན་གྲུབ། བྱམས་པ་ནམ་མཁའ་བསམ་འགྲུབ། ཐར་རྩེ། བྱམས་པ་དཔལ་ལྡན་ཆོས་སྐྱོང་། ཕན་ཁང་། མཁས་གྲུབ་སངས་རྒྱས་དཔལ་བཟང་། འཇམ་མགོན་བསོད་ནམས་ལྷུན་གྲུབ། ཁང་སར། རིན་ཆེན་མི་འགྱུར་རྒྱལ་མཚན། ཀླུ་སྡིང་། འཇམ་མགོན་སངས་རྒྱས་ཡེ་ཤེས། འཇམ་དབྱངས་དཀོན་མཆོག་གྲགས་པ། ཁང་སར། ངག་དབང་ཆོས་སྐྱོང་བཟང་པོ། ཁང་སར། མཁས་གྲུབ་སངས་རྒྱས་གྲགས་པ། མཚུངས་མེད་ཕུན་ཚོགས་དོན་གྲུབ། མཁས་གྲུབ་ཀུན་དགའ་བསོད་ནམས། བྱམས་པ་ནམ་མཁའ་འཆི་མེད། ཐར་རྩེ། མཁས་གྲུབ་ངག་དབང་དམ་ཆོས། མཁན་ཆེན་བསོད་ནམས་དཔལ་འབྱོར། བྱམས་པ་ཀུན་དགའ་བསྟན་འཛིན། ཐར་རྩེ། ངག་དབང་བློ་གྲོས་བཟང་པོ། ཁང་སར། འཇམ་མགོན་དཔལ་ལྡན་དོན་གྲུབ། བྱམས་པ་དཔལ་ལྡན་བཟང་པོ། ཕན་ཁང་། བདག་ཅག་ཡོངས་ཀྱི་འདྲེན་པ་མཚན་བརྗོད་པར་དཀའ་བ། དོན་གྱི་སླད་དུ་མཚན་ནས་སྨོས་ཏེ་བྲང་ཏི་མཁན་ཆེན་རྡོ་རྗེ་འཆང་རྣལ་འབྱོར་འཇམ་དཔལ་བཟང་པོའི་ཞལ་སྔ་ནས་ཀྱི་བར། འདིའི་རྗེས་ལ་དེང་སང་ཁང་སར་མཁན་ཆེན་ངག་དབང་བློ་གྲོས་བསྟན་འཛིན་བཞུགས། མཁན་བརྒྱུད་མུ་ཏིག་ཕྲེང་བ་བསྟར་ལ་བརྒྱུས་པ་ལྟར་བྱོན་པ་རྣམས་ཀྱང་རང་དོན་དུ་ཐོས་བསམ་སྒོམ་གསུམ་གྱི་ཕ་རོལ་དུ་སོན། གཞན་དོན་དུ་འཆད་རྩོད་རྩོམ་གསུམ་གྱི་བགྱི་བས་རྒྱལ་བསྟན་ཉིན་མོ་ལྟར་མཛད། གཉིས་ཀའི་དོན་དུ་མཁྱེན་བརྩེ་ནུས་པའི་ཡོན་ཏན་ཟད་མི་ཤེས་པ་དང་ལྡན་པས། དམ་པའི་ཚུལ་དགུའི་རྣམ་ཐར་གྱིས་མཛེས་པ་ཤ་སྟག་ཡིན་ནོ། །ཡང་མུས་ཆེན་གྱི་སློབ་མ། བདག་ཆེན་རྡོ་རྗེ་འཆང་བློ་གྲོས་རྒྱལ་མཚན་དང་། དེའི་སློབ་མ་རྗེ་བཙུན་རྡོ་རིང་པ་ཀུན་བཟང་ཆོས་ཀྱི་ཉི་མ། དེ་ཡི་སློབ་མ་རྡོ་རྗེ་འཆང་མི་ཡི་གཟུགས་ཅན་ཚར་པ་ཆོས་རྗེ་བློ་གསལ་རྒྱ་མཚོ། དེའི་སློབ་མ་གནས་གསར་པ་རྗེ་མཁྱེན་བརྩེ་དང་། མང་ཐོས་ཀླུ་སྒྲུབ་རྒྱ་མཚོ་སོགས་བརྒྱུད་པར་བཅས་པ་ལ་ཚར་ལུགས་ཞེས་གྲགས་ཤིང་། དཔལ་ས་སྐྱ་པའི་སྙན་བརྒྱུད་ཐུན་མོང་མ་ཡིན་པའི་བསྟན་པའི་སྲོག་ཤིང་མཚུངས་པ་དང་བྲལ་བ་ལས་རིམ་གྱིས་མཆེད་དེ། ཕྱིས་སུ་བདག་ཆེན་འཇམ་པའི་དབྱངས་ཀུན་དགའ་བློ་གྲོས་ཡབ་སྲས་དང་། ཐར་རྩེ་རྡོ་རྗེ་འཆང་བྱམས་པ་ནམ་མཁའ་འཆི་མེད་ཁུ་དབོན། ཡར་ཀླུང་རྡོ་རྗེ་འཆང་ནམ་མཁའ་ལེགས་པ་ལྷུན་གྲུབ་སོགས་ཀྱི་བར་དུ་བྱོན་ནས་དེང་སང་ཡང་ཆོས་བརྒྱུད་དར་རྒྱས་སུ་གྱུར་ཏོ། །རྫོང་པ་ཀུན་དགའ་རྒྱལ་མཚན་ནི། ཞང་ཡེ་ཤེས་སྡེའི་རིགས་སུ་འཁྲུངས། ཐེག་ཆེན་ཆོས་ཀྱི་རྒྱལ་པོའི་སློབ་མ་བླ་བྲང་རྫོང་ཆུང་པའི་ལུགས་སྲོལ་གཙོ་བོར་བསྐྱངས་པས་མཚན་དེ་སྐད་དུ་གྲགས། གཙང་དུ་མུས་སྲད་པ་སོགས་དང་། ཕྱིས་དབུས་སུ་མཐུ་སྟོབས་ཀྱི་དབང་ཕྱུག་ཐོན་སྟོན་རྡོ་རྗེ་འཆང་ཀུན་དགའ་རྣམ་རྒྱལ་གྱིས་གོང་དཀར་རྡོ་རྗེ་གདན་གྱི་ཆོས་གྲྭ་བཏབ་སྟེ་ཆོས་བརྒྱུད་རྒྱ་ཆེར་སྤེལ་ལོ། །ཀུན་མཁྱེན་གོ་བོ་རབ་འབྱམས་པ་བསོད་ནམས་སེང་གེ་དང་། པཎྜི་ཏ་ཆེན་པོ་ཤཱཀྱ་མཆོག་ལྡན་གཉིས་ནི་མདོ་ཕྱོགས་ལ་གཡག་རོང་རྣམ་གཉིས་ཀྱི་གྲུབ་མཐའ་འཛིན་ཞིང་། སྔགས་ཀྱི་རྒྱུད་སྡེ་རྣམས་ཀྱི་སྨིན་གྲོལ་བཤད་བཀའ་ལ་སོགས་པ་རྗེ་བཙུན་ངོར་པ་ལས་གསན། སྔ་མས་གཙང་རྟ་ནག་ཏུ་ཐུབ་བསྟན་རྣམ་རྒྱལ་གླིང་བཏབ་ཅིང་། ཕྱི་མས་ཐུབ་བསྟན་གསེར་མདོག་ཅན་གྱི་གྲྭ་ཚང་བཙུགས་ཏེ་འཆད་ཉན་གྱི་སྲོལ་རྒྱ་ཆེར་བཏོད་པས་བསྟན་པ་ལ་གཅིག་ཏུ་བཀའ་དྲིན་ཆེའོ། ། དཔལ་མཉམ་མེད་རི་བོ་དགེ་ལྡན་པ་ནི། འཇམ་དཔལ་དབྱངས་དངོས་རྒྱལ་བ་གཉིས་པ་རྗེ་བཙུན་བློ་བཟང་གྲགས་པའི་རིང་ལུགས་ལས་བྱུང་སྟེ། དེ་ཡང་རབ་བྱུང་དྲུག་པའི་མེ་བྱ་ལོར། ཤར་ཙོང་ཁའི་ཡུལ་དུ་སྐུ་འཁྲུངས། དབུས་གཙང་དུ་ཕེབས་ནས་མཚན་ཉིད། ས་རྔོག་གཉིས་ཀྱི་བཤད་སྲོལ་དང་། སྔགས་བུ་ལུགས་གཙོ་བོར་བཏོན་པའི་གསན་བསམ་རྒྱ་ཆེར་གནང་། བར་སྐབས་སུ་བྱ་བྲལ་བའི་ཚུལ་གྱིས་སྒྲུབ་པ་ལ་སྙིང་པོར་གཞོལ་བས། རྗེ་བཙུན་འཇམ་དཔལ་དབྱངས་ཀྱིས་རྗེས་སུ་བཟུང་སྟེ། ཤིང་རྟ་ཆེན་པོ་གཉིས་ཀྱི་རིང་ལུགས་ལ་སྔོན་མེད་པའི་སྤོབས་པའི་གཏེར་མཛོད་ཡོངས་སུ་གྲོལ་ཏེ་བསྟན་བཅོས་ཀྱང་རྒྱ་ཆེར་མཛད། དགུང་ལོ་ལྔ་བཅུ་རྩ་གསུམ་པ་ས་མོ་གླང་གི་ལོར་འབྲོག་རི་བོ་དགེ་ལྡན་རྣམ་པར་རྒྱལ་བའི་གླིང་བཏབ་ཅིང་། དྲུག་ཅུ་རྩ་གསུམ་པར་སྐུ་གཤེགས། གདན་སར་རྒྱལ་ཚབ་དར་མ་རིན་ཆེན་དང་། མཁས་གྲུབ་དགེ་ལེགས་དཔལ་བཟང་བཞུགས་ཏེ། འདི་གསུམ་ལ་རྗེ་ཡབ་སྲས་གསུམ་ཞེས་ཡོངས་སུ་གྲགས། དེ་ནས་ཞྭ་ལུ་པ་ལེགས་པ་རྒྱལ་མཚན་སོགས་འཇམ་དབྱངས་གཙང་པ་བདུན་བརྒྱུད་ནས། རྒྱལ་ཚབ། མཁས་གྲུབ་གཉིས་ཞྭ་ལུ་པ་ལེགས་པ་རྒྱལ་མཚན། གཡག་སྡེ་བློ་གྲོས་རྒྱལ་མཚན། བ་སོ་ཆོས་ཀྱི་རྒྱལ་མཚན། ཤངས་པ་བློ་གྲོས་བརྟན་པ། གཡས་རུ་པ་སྨོན་ལམ་དཔལ་བ་སྟེ་བདུན་ནོ། །དེ་ནས་བཟུང་དེང་སང་ཁྲི་འཇམ་དཔལ་ཚུལ་ཁྲིམས་དང་། ཁྲི་ཆེན་ནོ་མིན་ཧན་ངག་དབང་འཇམ་དཔལ་ཚུལ་ཁྲིམས་རྒྱ་མཚོའི་བར་མཁན་བརྒྱུད་བདུན་ཅུ་རྩ་ལྷག་བྱོན་ཏེ་བསྟན་པ་ཉིན་མོ་ལྟར་མཛད། གཞན་ཡང་རྗེ་ཉིད་ཀྱི་དངོས་སློབ་འཇམ་དབྱངས་བཀྲ་ཤིས་དཔལ་ལྡན་གྱིས་དགའ་ལྡན་བཏབ་ནས་ལོ་བརྒྱད་ལོན་པ་ན་དཔལ་འབྲས་སྤུངས་ཀྱི་ཆོས་གྲྭ་དང་། བྱམས་ཆེན་ཆོས་རྗེ་ཤཱཀྱ་ཡེ་ཤེས་ཀྱིས་ལོ་བཅུ་གཅིག་ལོན་པ་ན་སེ་ར་ཐེག་ཆེན་ཆོས་གླིང་། སྟོད་ཤེར་སེང་གིས་སྲས་རྒྱུད་གྲྭ་ཚང་དང་དབུས་ཀྱི་རྒྱུད་སྨད་པ། སྨད་ཤེར་བཟང་གིས་ཆབ་མདོ་ཆོས་འཁོར་བྱམས་གླིང་རྣམས་བཏབ། ཁྱད་པར་འབྲོམ་སྟོན་རྒྱལ་བའི་འབྱུང་གནས་ཀྱི་རྣམ་འཕྲུལ་པཎ་ཆེན་དགེ་འདུན་གྲུབ། ས་སྐྱ་དང་ཉེ་བར་འཁྲུངས། པས་དགའ་ལྡན་བཏབ་ནས་ལོ་ཉེར་དགུ་ལོན་པ་ན་གཙང་དུ་བཀྲ་ཤིས་ལྷུན་པོའི་གྲྭ་ཚང་བཙུགས། དེ་ཡི་སྐྱེ་བ་གཉིས་པ་དབྱངས་ཅན་མགྲིན་པར་ཆགས་པ་དགེ་འདུན་རྒྱ་མཚོ། གཙང་རྟ་ནག་དུ་འཁྲུངས། ཆོས་དང་སྲིད་ཀྱིས་མངོན་པར་མཐོ་བ་གསུམ་པ་བསོད་ནམས་རྒྱ་མཚོ། སྟོད་ལུང་རྩེ་དཀར། མཐུ་སྟོབས་གྱི་དབང་ཕྱུག་བཞི་པ་ཡོན་ཏན་རྒྱ་མཚོ། སོག་ཡུལ། སྲིད་དང་ཞི་བ་ཐམས་ཅད་ཀྱི་གཙུག་རྒྱན་ཀུན་གཟིགས་ལྔ་པ་རིན་པོ་ཆེ་ངག་དབང་བློ་བཟང་རྒྱ་མཚོ། ཡར་ཀླུང་འཕྱོང་རྒྱས་སུ། གྲུབ་པའི་འཁོར་ལོས་སྒྱུར་བ་དྲུག་པ་རིན་པོ་ཆེ་ཚངས་དབྱངས་རྒྱ་མཚོ། མོན་དུ་པད་གླིང་གི་གདུང་བརྒྱུད་དུ། མཁས་བཙུན་བཟང་པོའི་ཕ་རོལ་དུ་སོན་པ་བདུན་པ་བསྐལ་བཟང་རྒྱ་མཚོ། ལི་ཐང་། བྱང་ཆུབ་སེམས་དཔའ་ཆེན་པོ་བརྒྱད་པ་འཇམ་དཔལ་རྒྱ་མཚོ། དབུས་སུ། ངོ་མཚར་ཡོན་ཏན་དུ་མའི་མངའ་བདག་དགུ་པ་ལུང་རྟོགས་རྒྱ་མཚོ། ལྡན་ཆོས་འཁོར་དུ། རྨད་དུ་བྱུང་བའི་རྣམ་པར་ཐར་པས་མཛེས་པ་བཅུ་པ་ཚུལ་ཁྲིམས་རྒྱ་མཚོ། ལི་ཐང་། གངས་ཅན་བསྟན་འགྲོའི་རྩ་ལག་ད་ལྟ་ཞལ་བཞུགས་པའི་བཅུ་གཅིག་པ་ངག་དབང་མཁས་གྲུབ་རྒྱ་མཚོའི་མགར་ཐང་། བར་དུ་བྱོན་ནས་འཛམ་གླིང་ཡངས་པའི་ལྗོངས་ཐམས་ཅད་ལ་མངའ་མཛད་པའི་ཆོས་ཀྱི་འཁོར་ལོས་སྒྱུར་བ་ཆེན་པོ་གྱུར། བཀྲ་ཤིས་ལྷུན་པོའི་གདན་ས་དངོས་ནི། ཕྱིས་སུ་པཎ་ཆེན་རིན་པོ་ཆེ་ནས་བསྐྱངས་ཏེ། དེ་ཡང་མཁས་གྲུབ་དགེ་ལེགས་དཔལ་བཟང་གི་སྐུ་སྐྱེ་བ་བསོད་ནམས་སྟོབས་ཀྱི་གླང་པོ། དེའི་སྐྱེ་བ་རྒྱལ་བ་བློ་བཟང་གྲགས་པའི་སྙན་རྒྱུད་རྒྱ་མཚོའི་བསྟན་པའི་སྲོག་ཤིང་དབེན་ས་བ་བློ་བཟང་དོན་གྲུབ། དེའི་སྐྱེ་བ་པཎ་ཆེན་རིན་པོ་ཆེ་བློ་བཟང་ཆོས་ཀྱི་རྒྱལ་མཚན་ཏེ། གཙང་རོང་ཆེན། འདི་ནི་ཕྱིས་བྱུང་གི་དགེ་ལྡན་པའི་བསྟན་འཛིན་ཚད་མ་ཐམས་ཅད་ཀྱིས་གཙུག་གི་ནོར་བུ་ལྟར་བསྔགས་འོས་ཀྱི་ཡུལ་དུ་གྱུར་པ་ཞིག་གོ །དེའི་སྐྱེ་བ་པཎ་ཆེན་བློ་བཟང་ཡེ་ཤེས་དང་། གཙང་ཐོབ་རྒྱལ། པཎ་ཆེན་དཔལ་ལྡན་ཡེ་ཤེས། ཤངས་ལྷ་ཕུར། ད་ལྟ་ཞལ་བཞུགས་པའི་མཆོག་སྤྲུལ་དཔལ་ལྡན་བསྟན་པའི་ཉི་མའི་བར་དུ། གཙང་པ་གནམ་དུ། བྱོན་པ་དང་། ཐམས་ཅད་མཁྱེན་པ་ཞི་བ་འཚོའི་རྣམ་འཕྲུལ་དེ་མོ་ཧོ་ཐུག་ཐུ། བ་སོ་ཆོས་ཀྱི་རྒྱལ་མཚན་གྱི་སྐྱེ་བརྒྱུད་རྟ་ཚག་རྗེ་དྲུང་རིན་པོ་ཆེ། འཁོན་ཀླུ་དབང་སྲུང་བ་སོགས་ཀྱི་རྣམ་འཕྲུལ་ཚེ་སྨོན་གླིང་ནོ་མིན་ཧན། སློབ་དཔོན་ཨཱརྱ་དེ་བ་དང་། ཤཱནྟ་དེ་བའི་རྣམ་འཕྲུལ། ཆབ་མདོའི་སྤྲུལ་སྐུ་མཆེད། རྔོག་ལོ་ཙཱ་བ་བློ་ལྡན་ཤེས་རབ་དང་། ལེགས་པའི་ཤེས་རབ་ཀྱི་ཟློས་གར་བྲག་གཡབ་ཆེ་ཚང་ཆུང་ཚང་། རྗེ་ཡི་དངོས་སློབ་གུ་ཎ་ཤྲཱི་དཔལ་ལྡན་དོན་གྲུབ་ཀྱི་སྐྱེ་བརྒྱུད་སྟག་ཕུ་སྤྲུལ་སྐུ། །མཁས་པའི་དབང་པོ་འཇམ་དབྱངས་བཞད་པའི་རྡོ་རྗེ། ལུང་དང་རྟོགས་པའི་ཡོན་ཏན་མངོན་པར་མཐོ་བ་ཕུར་བུ་ལྕོག་བྱམས་པ་རིན་པོ་ཆེ། རྒྱལ་བ་བསྐལ་བཟང་རྒྱ་མཚོའི་ཡོངས་འཛིན་ཁྲི་ཆེན་རྡོ་རྗེ་འཆང་ཆེན་པོའི་སྐྱེ་སྤྲུལ་ར་སྒྲེང་ནོ་མིན་ཧན། སྐྱབས་མགོན་འཇམ་དཔལ་རྒྱ་མཚོའི་ཡོངས་འཛིན་ཆེ་མཆོག་བསམ་གཏན་གླིང་གི་པཎྜི་ཏ་ཡེ་ཤེས་རྒྱལ་མཚན་རྣམས་དང་། གཞན་ཡང་ཏཱ་ཀཽ་ཤྲཱི་སྟེ་ཆབ་སྲིད་ཆེན་པོའི་བླ་མར་བསྔགས་པ་ལྕང་སྐྱ་ཐམས་ཅད་མཁྱེན་པ། ཇོ་ནང་ཏ་ར་ནཱ་ཐའི་ཟློས་གར་ཁལ་ཁ་རྗེ་བཙུན་དམ་པ་སོགས་ཕྱོགས་མཐའི་བླ་ཆེན། ལོ་སེམས་དཔའ་རིན་པོ་ཆེ། འོན་རྒྱལ་སྲས་རིན་པོ་ཆེ། འོལ་ཀ་རྗེ་དྲུང་རིན་པོ་ཆེ་སྟེ་བོད་ཀྱི་སྤྲུལ་སྐུ་རྣམ་གསུམ་དུ་གྲགས་པས་མཚོན་བསྟན་འཛིན་ཆེ་ཕྲ་བསམ་ལས་འདས་པ་ཞིག་བྱོན་ཏེ། བོད་སོག་ནས་བཟུང་ཤར་ཕྱོགས་རྒྱ་ནག་གི་ཡུལ་གྲུ་ཚུན་ཆད་དུ་བསྟན་པ་ནམ་ལངས་པའི་རྗེས་སུ་ཉི་མ་ཤར་བ་ལྟ་བུར་མཛད་དོ། ། མཉམ་མེད་དྭགས་པོ་ལྷ་རྗེས་དང་པོར་བཀའ་གདམས་པའི་ཆོས་ཀྱི་བདུད་རྩི་གསོལ་ཞིང་། ཕྱིས་སུ་ཕྱག་རྒྱ་ཆེན་པོའི་བརྒྱུད་པ་རིན་པོ་ཆེར་ཞུག་ནས་ཆུ་བོ་གཉིས་འདྲེས་སུ་གྱུར་པར་བཀའ་བརྒྱུད་ཅེས་པའི་མཚན་གྱིས་མཛེས་པ་ནི། གཙོ་བོར་རྗེ་བཙུན་མར་པ་ལོ་ཙཱ་བ་ཆོས་ཀྱི་བློ་གྲོས་ལས་བྱུང་སྟེ། དེ་ཡང་ལྷོ་བྲག་ཆུ་ཁྱེར་དུ་སྐུ་འཁྲུངས། འབྲོག་མི་ལོ་ཙཱ་བ་ལས་སྒྲ་བསླབ། རྒྱ་གར་དུ་ལན་གསུམ་བྱོན། པཎ་ཆེན་ནཱ་རོ་པ། མངའ་བདག་མེ་ཏྲི་པ། དཔལ་ཡེ་ཤེས་སྙིང་པོ། གྲུབ་ཆེན་ཞི་བ་བཟང་པོ་སོགས་མཁས་གྲུབ་ཀྱི་བླ་མ་བརྒྱ་རྩ་བརྒྱད་ལ་གཏུགས། རྒྱུད་དང་མན་ངག་རྒྱ་མཚོའི་མངའ་བདག་ཏུ་གྱུར། བོད་དུ་ཕེབས་ནས་སློབ་མ་བསྐྱངས་ཏེ། མེས་རྔོག་མཚུར་གསུམ་ལ་བཤད་རྒྱུད་དང་། གངས་ཁྲོད་གྲུབ་རིགས་རྒྱ་མཚོའི་སྤྱི་མེས་གུང་ཐང་པ་རྗེ་བཙུན་རིན་པོ་ཆེ་མི་ལ་བཞད་པའི་རྡོ་རྗེར་སྒྲུབ་བརྒྱུད་བསྟན་པ་གཏད་པས་ཀ་ཆེན་བཞི་ཞེས་གྲགས། མི་ལའི་སློབ་མ་ཉི་མ་ལྟ་བུ་དྭགས་པོ་ལྷ་རྗེ་སྟེ། ཟླ་འོད་གཞོན་ནུ་ནི་གཉལ་སྙིང་ལུང་དུ་འཁྲུངས། བྱ་ཡུལ་པ། ཀ་རུམ་པ། ལྕགས་རི་གང་ཁ་པ་རྣམས་ལས་བཀའ་གདམས་དང་། རྗེ་མི་ལ་ལས་ཕྱག་རྒྱ་ཆེན་པོའི་གདམས་ངག་གསན་ནས་ཐུགས་ཉམས་སུ་བཞེས་པས་ཏིང་ངེ་འཛིན་དཔག་ཏུ་མེད་པ་འཁྲུངས། ཕྱིས་བླ་མས་ལུང་བསྟན་པའི་གནས་དྭགས་ལ་སྒམ་པོར་བཞུགས། བཀའ་བརྒྱུད་སྟོང་གི་ཆུ་མགོ་ལྟ་བུར་གྱུར། དགུང་ལོ་བདུན་ཅུ་རྩ་ལྔ་པར་གཤེགས་སོ། །དེའི་སློབ་མའི་གཙོ་བོ་ནི་རྗེ་ཕག་མོ་གྲུབ་པ། སྒོམ་ཚུལ་ཚུལ་ཁྲིམས་སྙིང་པོ། འབའ་རོམ་རས་པ། གྲུབ་ཐོབ་དབུ་སེ་སྟེ་བཞི་ལས། དང་པོ་ཕག་མོ་གྲུ་པ་རྡོ་རྗེ་རྒྱལ་མཚན་ནི་ཁམས་སུ་འཁྲུངས་སོ། །དབུས་གཙང་དུ་ཕེབས་ནས་ཕྱ་པ་དང་ས་ཆེན་སོགས་བླ་མ་མང་དུ་བསྟེན། དྭགས་པོ་ལྷ་རྗེ་ལས་རྟོགས་པ་བརྙེས། སྐུ་ཚེའི་སྨད་ལ་དམ་ཤོད་ཕག་མོ་གྲུ་ཀུན་ཏུ་བཟང་པོའི་ནག་ཁྲོད་དུ་བཞུགས། དགུང་ལོ་རེ་གཅིག་པར་གཤེགས། དེའི་སློབ་མ་བཀའ་བརྒྱུད་ཟུང་བཞིའམ། ཡ་བརྒྱད་གྲགས་པ་བྱུང་སྟེ། དེ་ཡང་འཕགས་པ་ཀླུ་སྒྲུབ་ཀྱི་རྣམ་འཕྲུལ་མདོ་ཁམས་སྐྱུ་རའི་གདུང་བརྒྱུད་འབྲི་གུང་པ་འཇིག་རྟེན་གསུམ་གྱི་མགོན་པོ་རིན་ཆེན་དཔལ་དང་། བླ་མར་མོས་གུས་ཐུན་གཅིག་གིས་གྲོལ་བ་གཡང་ཤོད་གཟིའི་གདུང་ལས་སོན་པའི་དཔལ་སྟག་ལུང་ཐང་པ་བཀྲ་ཤིས་དཔལ་སྟེ་འབྲི་སྟག་གཉིས། མོན་ཟར་པ་ཡེ་ཤེས་སེང་གེའི་སློབ་མ་ལུགས་གཉིས་ཀྱིས་མངོན་པར་མཐོ་བ་རྒྱལ་བ་གཡའ་བཟང་པ་དང་། སྒེ་ཕུ་ཤུག་གསེབ་པ་གྱེར་སྒོམ་ཆེན་པོ་སྟེ་གཡའ་ཤུག་གཉིས། ཁམས་སྨར་ཤོད་དུ་འཁྲུངས་པའི་ཆོས་རྗེ་སྨར་པ་ཤེས་རབ་ཡེ་ཤེས་དང་། མདོ་ཁམས་ཟླ་རྒྱུད་པ་སངས་རྒྱས་སྤེལ་བ་ཡེ་ཤེས་བརྩེགས་སྟེ་སྨར་སྤེལ་གཉིས། གནུབས་ཆེན་ནམ་མཁའི་སྙིང་པོའི་གདུང་བརྒྱུད་རིན་ཆེན་རྒྱལ་མཚན་དང་། ཀུན་ལྡན་རས་ཆུང་མཆེད་ལས་བྱུང་བའི་ཁྲོ་ཕུ་བ་དང་། རྒྱ་གར་གྱི་ཆུ་བོ་གངྒཱ་ཚུན་དུ་རྟོགས་པ་མཐོ་བར་གྲགས་པ་སྣ་ཕུ་གླིང་རས་པ་པདྨ་རྡོ་རྗེ་ལ་ཁྲོ་གླིང་གཉིས་ཞེས་གྲགས་ཤིང་། ཕྱི་མ་ལས་དོན་བརྒྱུད་འབྲུག་པ་ཞེས་ཕྱོགས་ཐམས་ཅད་དུ་ཁྱབ་པའི་ཕྲིན་ལས་ཅན་འདི་ཡང་བྱུང་བ་ཡིན་ཏེ། གྲུབ་ཆེན་གླིང་གི་སློབ་མ་ན་རོ་པའི་སྤྲུལ་པ་གཙང་པ་རྒྱ་རས་ཡེ་ཤེས་རྡོ་རྗེ་ལ་ཞང་གིས་ལུང་བསྟན་ནས་ཀློང་རྡོལ་དགོན་དང་། གླིང་གིས་ལུང་བསྟན་ནས་ར་ལུང་། ཀརྨ་པས་ལུང་བསྟན་འབྲུག་དགོན་པ་རྣམས་བཏབ། རོ་སྙོམས་སྐོར་གཏེར་ནས་བཞེས་ཤིང་རྒྱ་ཆེར་སྤེལ། དེ་ཡི་སློབ་ཚོགས་བསམ་གྱིས་མི་ཁྱབ་པའི་ནང་། རྒྱལ་བ་རྒོད་ཚང་པ་མགོན་པོ་རྡོ་རྗེ་ལས་སྟོད་འབྲུག་གནམ་གྱི་སྐར་མ་ལྟ་བུ་དང་། རྗེ་ལོ་རས་པ་གྲགས་པ་དབང་ཕྱུག་ལས་སྨད་འབྲུག་ས་ཡི་དྲེགས་པ་ལྟ་བུ་ཞེས་གྲགས་པ་བྱུང་། གདན་ས་ར་ལུང་དུ་དབོན་བརྒྱུད་མཉམ་མེད་སེང་གེ་དགུ་ཚར་དང་། དེའི་རྗེས་སུ་རྒྱ་རས་རྣམ་འཕྲུལ་འབྲུག་པ་རྒྱལ་དབང་རྗེ་ངག་དབང་ཆོས་རྒྱལ། རྒྱལ་དབང་རྗེ་ཡི་སྐྱེ་སྤྲུལ་འཇམ་དབྱངས་ཆོས་ཀྱི་གྲགས་པ་དང་། ཀུན་མཁྱེན་པདྨ་དཀར་པོ་སོགས་འབྲུག་པ་ཐམས་ཅད་མཁྱེན་པའི་མཆོག་སྤྲུལ་རིམ་བྱོན་རྣམས་ཕེབས། གཉིས་པ་སྒོམ་པ་ཚུལ་ཁྲིམས་སྙིང་པོ་ནས་དབོན་བརྒྱུད་དང་། སྐྱེ་སྤྲུལ་སོགས་རིམ་བྱོན་ལ་གདན་ས་བཀའ་བརྒྱུད་དང་། ཡང་དེའི་སློབ་མ་ཞང་གཡུ་བྲག་པ་འགྲོ་བའི་མགོན་པོ་ལས་ཚལ་པ་བཀའ་བརྒྱུད་དུ་གྲགས་པ་བྱུང་། གསུམ་པ་བྱང་འབའ་རོམ་བྲག་ཕུག་ཏུ་གདན་ས་མཛད་པའི་རས་པ་དར་མ་དབང་ཕྱུག་སློབ་ཚོགས་བཅས་པ་ལས་འབའ་རོམ་བཀའ་བརྒྱུད་དང་། བཞི་པ་ཁམས་པ་དབུ་སེའམ། ཀརྨ་པ་དུས་གསུམ་མཁྱེན་པ་ལས་བཀའ་བརྒྱུད་ཐམས་ཅད་ཀྱི་སྙིང་པོ་ཀཾ་ཚང་བཀའ་བརྒྱུད་ཅེས་བྱུང་སྟེ། དེ་ཡང་ཁམས་ཀྲེ་ཤོད་དུ་འཁྲུངས། དབུས་གཙང་དུ་བྱོན་ནས་དམ་པ་ཆོས་ཀྱི་སྒྲོ་འདོགས་བཅད། ཁྱད་པར་འགྲོ་མགོན་དྭགས་པོ་ལྷ་རྗེའི་ཐུགས་སྲས་ཀྱི་གཙོ་བོར་གྱུར། ཁམས་སུ་ཀརྨའི་དགོན་དང་། དབུས་སྟོད་ལུང་དུ་མཁའ་སྤྱོད་དཔལ་གྱི་མཚུར་ཕུ་སོགས་བཏབ། དོན་བརྒྱུད་གྱི་བསྟན་པ་སངས་རྒྱས་རས་ཆེན་ལ་གཏད། དགུང་ལོ་གྱ་བཞི་པར་གཤེགས། དེའི་སྐྱེ་སྤྲུལ་རིམ་པར། གཉིས་པ་ཀརྨ་པཀྴི། མདོ་སྨད་ལེའི་ཚན་ཏོར། གསུམ་པ་ཐམས་ཅད་མཁྱེན་པ་རང་བྱུང་རྡོ་རྗེ། མང་ཡུལ་གུང་ཐང་། བཞི་པ་ཆོས་རྗེ་རོལ་པའི་རྡོ་རྗེ། སྟོད་ཨ་ལ་རོང་། ལྔ་པ་དེ་བཞིན་གཤེགས་པ། ཉང་པོའི་ཡུལ། དྲུག་པ་མཐོང་བ་དོན་ལྡན། ངོམ་གྱི་ས། བདུན་པ་ཆོས་གྲགས་རྒྱ་མཚོ། སྟོད་ཀྱི་མདོར། བརྒྱད་པ་ཀུན་མཁྱེན་མི་བསྐྱོད་རྡོ་རྗེ། ངོམ། དགུ་པ་དབང་ཕྱུག་རྡོ་རྗེ། ཀྲེ་ཤོད། བཅུ་པ་ཆོས་དབྱིངས་རྡོ་རྗེ། འགུ་ལོག །བཅུ་གཅིག་ཡེ་ཤེས་རྡོ་རྗེ། འགུ་ལོག །བཅུ་གཉིས་བྱང་ཆུབ་རྡོ་རྗེ། དབོན་པོ་སྟོད། བཅུ་གསུམ་བདུད་འདུལ་རྡོ་རྗེ། ལྷོ་གནས་དགེ་རི། བཅུ་བཞི་པ་དེང་སང་ཞལ་བཞུགས་པའི་ཁྱབ་བདག་ཐེག་པ་མཆོག་གི་རྡོ་རྗེའི་བར། རི་བོ་ཆེར་འཁྲུངས། བྱོན་པ་རྣམས་དང་། རྗེ་རང་བྱུང་བའི་ཐུགས་སྲས་ཀྱི་གཙོ་བོ་རྟོགས་ལྡན་གྲགས་པ་སེང་གེ་ནས་རིམ་པར་བརྒྱུད་པའི་ཞྭ་དམར་བ་རིམ་བྱོན་དང་། རས་ཆེན་བསོད་ནམས་རྒྱ་མཚོའི་ཟློས་གར་ཕྱི་མ་སི་ཏུ་ཆོས་ཀྱི་རྒྱལ་མཚན་སོགས་ནས། མ་ཧཱ་པཎྜི་ཏ་ཆོས་ཀྱི་འབྱུང་གནས་དང་། མཆོག་གི་སྤྲུལ་པའི་སྐུ་པདྨ་ཉིན་བྱེད་དབང་པོའི་བར་བྱོན་པའི་སི་ཏུའི་རབས། གཏེར་སྟོན་རིན་ཆེན་གླིང་པའི་སྐྱེ་བ་དཔའ་བོ་ཆོས་དབང་ལྷུན་གྲུབ་སོགས་རྗེ་དཔལ་བོ་ན་རིམ། གཽ་ཤྲཱི་དཔལ་འབྱོར་དོན་གྲུབ་ནས་རྒྱལ་ཚབ་རིམ་བྱོན་གྱིས་མཚོན་བོད་ཁམས་ཀྱི་ལྗོངས་འདིར་ཆོས་གྲྭ་དང་སློབ་རྒྱུན་རྒྱ་ཆེར་འཕེལ། གཞན་ཡང་མི་ལའི་སློབ་མ་ཟླ་བ་ལྟ་བུ་རས་ཆུང་པ་ལས་རས་ཆུང་སྙན་བརྒྱུད། ངན་རྫོང་སྟོན་པ་བྷོ་དྷི་རཱ་ཛ་ལས་ངན་རྫོང་སྙན་རྒྱུད་སོགས་མང་དུ་མཆེད་དོ། ། དེ་དག་ཏུ་མ་འཐུས་པའི་གྲུབ་མཐའ་ཟུར་པ་ཕྲ་མོ་ནི། ཀུན་སྤངས་ཐུགས་ཆེ་བརྩོན་འགྲུས་ནས་རིམ་པར་བྱོན་ཞིང་། ཀུན་མཁྱེན་དོལ་བུ་པ་ཤེས་རབ་རྒྱལ་མཚན་ཀྱི་རིངས་ལ་དར་ཞིང་རྒྱས་པར་མཛད་ནས། ཕྱིས་ཐམས་ཅད་མཁྱེན་པ་ཏ་ར་ནཱ་ཐཱ་སོགས་ཀྱིས་བསྐྱངས་པའི་ཇོ་ནང་ལུགས་དང་། བྲག་སྟོན་རྒྱལ་མཚན་དཔལ་བཟང་གི་སྲས་རྩོད་པའི་དུས་ཀྱི་ཐམས་ཅད་མཁྱེན་པ་བུ་སྟོན་རིན་ཆེན་གྲུབ་ཀྱིས་མདོ་སྔགས་རྒྱུད་སྡེ་རྒྱ་མཚོར་མང་དུ་ཐོས་པའི་མཐར་སོན་པར་མཛད་ནས། འཆད་རྩོད་རྩོམ་གསུམ་གྱིས་རྒྱལ་བསྟན་རྨང་ནས་གསོལ་བའི་ཕྲིན་ལས་ཀྱི་རྒྱུན་དཔལ་ཞྭ་ལུ་གསེར་ཁང་གི་ཆོས་གྲྭར་གནས་པས་ཞྭ་ལུ་པའི་ལུགས་སུ་གྲགས་པ་སྟེ། ཇོ་ཞྭ་ལུ་གཉིས། དཔང་ལོ་ཙཱ་བའི་དབོན་བརྒྱུད་བོ་དོང་འཇིགས་བྲལ་ལམ། ཆོས་ཀྱི་རྒྱལ་མཚན་ཞེས་གྲགས་པར་རྡོ་རྗེ་སེམས་དཔས། གསང་བའི་མཛོད་ཆེན་པོ་བྱིན་ནས་མདོ་རྒྱུད་དགོངས་འགྲེལ་དང་བཅས་པ་རང་སྟོབས་ཀྱིས་བཀྲལ་བའི་བསྟན་བཅོས་པོད་བརྒྱ་ཕྲག་ཐལ་བ་མཛད་དེ་དཔལ་མོ་ཆོས་སྡིང་སོགས་སུ་ཕྲིན་ལས་བསྐྱངས་པ་ལ་བོ་དོང་པའི་ལུགས་དང་། རྒྱུད་སྡེ་ལྔ་ཡི་ངོ་བོར་བཞུགས་པའི་གྲུབ་ཐོབ་ཆེན་པོ་ཁྱུང་པོ་རྣལ་འབྱོར་བརྩོན་འགྲུས་མགོན་གྱིས་ཡེ་ཤེས་ཀྱི་མཁའ་འགྲོ་ནི་གུ་མ་དང་། མངའ་བདག་མེ་ཏྲི་པ། བླ་མ་རྡོ་རྗེ་གདན་པ་སོགས་པཎ་གྲུབ་བརྒྱ་དང་ལྔ་བཅུ་ལྷག་ཙམ་བསྟེན་ཅིང་དམ་པའི་ཆོས་ཀྱི་བདུད་རྩི་ངོམ་པ་མེད་པར་གསོལ། བོད་དུ་ཕེབས་ནས་ཤོང་དུ་ཞོང་ཞོང་དགོན་བཏབ། དེ་ནས་བརྒྱུད་པ་རིན་ཆེན་སྣ་བདུན་དུ་གྲགས་པའི་བདུན་པ་རྡོ་རྗེ་འཆང་། ནི་གུ་མ། ཁྱུང་པོ་རྣལ་འབྱོར། རྨོག་ལྕོག་པ་རིན་ཆེན་བརྩོན་འགྲུས། སྐྱེར་སྒང་པ་ཆོས་ཀྱི་སེང་གེ། །འགྲོ་མགོན་གཉན་སྟོན། སངས་རྒྱས་སྟོན་པ་སྟེ་བདུན་ནོ། །མཁས་གྲུབ་སངས་རྒྱས་སྟོན་པ་ནས་རྒྱ་ཆེར་འཕེལ་བ་ལ་དཔལ་ལྡན་ཤངས་པ་བཀའ་བརྒྱུད་ཅེས་གྲགས་པ་སྟེ་བོ་ཤངས་གཉིས། གྲུབ་པའི་དབང་ཕྱུག་དམ་པ་རྒྱ་གར་ཀྱིས་བདེ་གཤེགས་བཅུ་གཉིས་དང་། ངོ་མཚར་མཁའ་སྤྱོད་ཀྱི་བླ་མ་སོ་དྲུག་སོགས་ལས་དངོས་སུ་གསན་པའི་གདམས་པ་རྒྱ་མཚོ་ལྟ་བུ་རྣམས་གདུལ་བྱའི་དབང་པོ་དང་འཚམས་པར་བོད་ཡུལ་འདིར་སྔ་ཕྱི་བར་གསུམ་དུ་གསུངས་པའི་བརྒྱུད་འཛིན་རྣམས་ལས་ཞི་བྱེད་པ་དང་། དེ་ལས་ཡར་ཀླུང་སྨ་ར་སེར་པོ་དང་། སྐྱོ་སྟོན་བསོད་ནམས་བླ་མ་དག་བརྒྱུད་དེ། ཡུམ་ཆེན་མོ་མི་མོའི་གཟུགས་ཅན་མ་ཅིག་ལབ་ཀྱི་སྒྲོན་མས་རྒྱ་ཆེར་སྤེལ་བ་ལ་གཅོད་ཡུལ་དུ་གྲགས་པ་སྟེ་ཞི་གཅོད་གཉིས་དང་གཞན་ཡང་ཕྱག་རྒྱ་ཆེན་པོའི་བརྒྱུད་པ་ལ་སྔ་ཕྱི་བར་གསུམ་དང་། གྱི་གྱོ་དང་། ར་འབྲོ་སོགས་ནས་བརྒྱུད་ཅིང་། བུ་དོལ་གཉིས་ཀྱིས་རྩལ་དུ་བཏོན་པའི་དཔལ་དུས་ཀྱི་འཁོར་ལོའི་རྫོགས་རིམ་སྦྱོར་བ་ཡན་ལག་དྲུག་དང་། གྲུབ་ཆེན་ཨོ་རྒྱན་པ་རིན་ཆེན་དཔལ་གྱིས་སྤྲུལ་པའི་ཞིང་དྷུ་མ་ཐ་ལར་མཁའ་འགྲོའི་གཙོ་མོ་རྡོ་རྗེ་རྣལ་འབྱོར་མ་ལས་དངོས་སུ་གསན་པའི་ཨོ་རྒྱན་བསྙེན་སྒྲུབ་དང་། གྲུབ་ཆེན་མི་ཏྲ་ཛོ་ཀི་དང་། བྱང་སེམས་ཟླ་བ་རྒྱལ་མཚན་སོགས་ལས་བརྒྱུད་པའི་ཐུགས་རྗེ་ཆེན་པོའི་སྐོར་དང་། པཎ་ཆེན་ཨ་བྷཱ་ཡ་ཀཱ་ར་གུཔྟས་བཀྲལ་ཞིང་བོད་ཡུལ་དུ་ཁ་ཆེ་པཎྜི་ཏ་ཤཱཀྱ་ཤྲཱི། ཆག་ལོ་ཙཱ་བ་ཆོས་རྗེ་དཔལ། པཎྜི་ཏ་ནགས་ཀྱི་རིན་ཆེན་སོགས་ཀྱིས་རྒྱ་ཆེར་སྤེལ་བའི་རྡོ་རྗེ་ཕྲེང་བས་མཚོན་ཆོས་བཀའ་མཐའ་ཡས་པ་ཞིག་བྱུང་བ་ལས། ཕལ་ཆེར་ནི་དེང་སང་ཡང་མ་ནུབ་པར་བཞུགས་སོ། ། དྲུག་པ་ས་སྐྱོང་རྒྱལ་པོའི་རྒྱལ་རབས་ནི། རྒྱ་གར་འཕགས་པའི་ཡུལ་དུ་མང་པོས་བཀུར་བའི་རྒྱལ་པོ་ནས་བཟུང་སྟེ། བདག་ཅག་གི་སྟོན་པའི་བར་ལ། རྒྱལ་རབས་འབུམ་ཕྲག་དགུ་དང་སུམ་ཁྲི་བདུན་སྟོང་ལྔ་བརྒྱ་སོ་གཅིག་བྱུང་བར་བཤད་ལ། སྟོན་པ་ཞལ་བཞུགས་པའི་དུས་རྒྱལ་པོའི་ཁབ་ཏུ་གཟུགས་ཅན་སྙིང་པོ་དང་། དེའི་སྲས་མ་སྐྱེས་དགྲ་སོགས་བསྟན་པ་ལ་གུས་པས་མཆོད་པ་མང་པོ་དང་། བར་སྐབས་སུ་ཆོས་རྒྱལ་ཆེན་པོ་མྱ་ངན་མེད་དང་། ཕྱིས་སུ་རྒྱལ་པོ་དྷརྨ་པཱ་ལ་སོགས་ཀྱིས་བདེ་བར་གཤེགས་པའི་རིང་ལུགས་མཐའ་དག་ལ་བསྙེན་བཀུར་རྒྱ་ཆེར་མཛད་དོ། །བོད་ཡུལ་དབུས་སུ་རྒྱ་གར་འཕགས་པའི་ཡུལ་གྱི་རྒྱལ་རིགས་ལས་སོན་པ་ཆོས་རྒྱལ་གཉའ་ཁྲི་བཙན་པོ་སོགས་གནམ་གྱི་ཁྲི་བདུན། བར་གྱི་སྟེང་གཉིས་དང་ལེགས་དྲུག ༡༥ །ས་ཡི་སྡེ་བརྒྱད། འོག་གི་བཙན་བཞི་སྟེ་ཉེར་བདུན་རིམ་པར་བྱོན་པའི་དུས་སུ་ཆབ་སྲིད་སྒྲུངས་དང་རྡེའུ་བོན་རྣམས་ཀྱིས་བསྐྱངས། ཐོ་རི་གཉན་༢༨བཙན་གྱི་དུས་སུ་ཟ་མ་ཏོག་༧༧སོགས་ནམ་མཁའ་༢ནས་༩བབས་ཏེ་དམ་པའི་ཆོས་༡༥ཀྱི་དབུ་བརྙེས། དེ་ནས་རྒྱལ་རབས་ལྔ་པ་རྒྱལ་པོ་སྲོང་བཙན་༣༣སྒམ་པོ་དང་། དེ་ནས་གདུང་རབས་བཞི་པ་ཁྲི་ལྡེ་གཙུག་བརྟན༣༧། དེའི་སྲས་ཁྲི་སྲོང་ལྡེའུ་བཙན། དེའི་སྲས་མུ་ནི་བཙན་པོ་དང་༣༩། སད་༣ན་ལེགས་འཇིངས་ཡོན། མུ་ཏིག་བཙན་པོ། དེའི་སྲས་མངའ་བདག་ཁྲི་རལ་པ་ཅན་སོགས་ཀྱིས་སངས་རྒྱས་ཀྱི་བསྟན་པ་ཉིན་མོ་ལྟར་མཛད། དེ་ནས་རེ་ཞིག་གླང་དར་མས་བསྟན་པ་བསྣུབ་ཀྱང་། དེའི་སྲས་འོད་སྲུངས་དང་ཡུམ་བརྟན་གཉིས་ལས་སྟོད་ལ་མངའ་རིས་པ། ཡུལ་དབུས་སོགས་སུ་གདུང་བརྒྱུད་བྱུང་བ་རྣམས་ཀྱིས་ཀྱང་། རང་རང་གི་སྟོབས་འབྱོར་དང་བསྟུན་པའི་བསྟན་པ་ལ་སྲི་ཞུ་རྒྱ་ཆེར་མཛད་མོད། བོད་ཁམས་ཐམས་ཅད་ལ་དབང་བསྒྱུར་བའི་རྒྱལ་པོ་ནི་མ་བྱུང་ཞིང་། དེ་ཙམ་ནས་རྗེ་བཙུན་ས་སྐྱ་པ་ཆེན་པོ་འགྲོ་མགོན་འཕགས་པ་རིན་པོ་ཆེ་ཧོར་གྱིས་གདན་དྲངས་ཏེ། བོད་ཁྲི་སྐོར་བཅུ་གསུམ་གྱི་བདག་པོར་མངའ་གསོལ་བ་ནས་ལོ་བརྒྱད་ཅུ་ཙམ་བསྐྱངས། དེ་ནས་རབ་བྱུང་ལྔ་པའི་ས་གླང་ནས། དབུས་ཕྱོགས་ཕལ་ཆེར་ནི་ཏཱ་སི་བྱང་ཆུབ་རྒྱལ་མཚན་གྱིས་བཟུང་ཞིང་། ཤིང་རྟ་ནས་གཙང་ཕྱོགས་ཕལ་ཆེར་ཡང་བཟུང་ནས། ལོ་བརྒྱད་ཅུ་གྱ་བདུན་གྱི་བར་དུ་དབུས་གཙང་གི་མཐིལ་རྣམས་སྡེ་སྲིད་ཕག་མོ་གྲུབ་པས་དབང་མཛད། ཤིང་ཡོས་ལ་རིན་སྤུངས་པ་ནོར་བུ་བཟང་པོས་གཙང་གི་གཞིས་ཀ་བསམ་འགྲུབ་རྩེ་བཟུང་བ་ནས། རིམ་པར་དབུས་གཙང་གི་གཞུང་ཕལ་ཆེར་ཀྱང་བཟུང་། དེ་ནས་སྡེ་པ་ཚེ་བརྟན་རྡོ་རྗེ་ཡབ་སྲས་ཀྱིས་བསམ་འགྲུབ་རྩེ་དང་། ཀརྨ་ཕུན་ཚོགས་རྣམ་རྒྱལ་གྱིས་ཡབ་རྒྱལ་གཞུང་བཟུང་ནས་དབུས་གཙང་ཐམས་ཅད་ཕྱག་ཏུ་བཞེས། དེའི་སྲས་ཀརྨ་བསྟན་སྐྱོང་དབང་པོའི་དུས། སོག་པོ་གོ་ཤྲཱི་བསྟན་འཛིན་ཆོས་རྒྱལ་གྱིས་བོད་ཁྲི་སྐོར་བཅུ་གསུམ་དབང་དུ་མཛད། རྒྱལ་དབང་ལྔ་པ་རིན་པོ་ཆེར་ཆོས་གཞིས་སུ་ཕུལ། རབ་བྱུང་བཅུ་བཞི་པའི་ས་རྟ་ལོ་ནས་བཟུང་། དགའ་ལྡན་ཕོ་བྲང་ཡོན་མཆོད་ཀྱིས་ས་ཆེན་ཆོས་བཞིན་དུ་བདེ་བར་སྐྱོང་། དེ་ཡང་སྡེ་སྲིད་བསོད་ནམས་རབ་བརྟན་དང་། བསྟན་འཛིན་ཆོས་རྒྱལ་གཉིས་ལ་རྒྱལ་པོ་མཆོད་ཡོན་དུ་གྲགས། རྒྱལ་པོ་དང་སྡེ་སྲིད་འདས་ནས། སླར་ཡང་སྡེ་སྲིད་ཕྲིན་ལས་རྒྱ་མཚོ། བློ་བཟང་སྦྱིན་པ་བློ་བཟང་མཐུ་སྟོབས། རྒྱལ་པོ་པཎྜི་ཏ་སངས་རྒྱས་རྒྱ་མཚོ་རྣམས་རིམ་པར་བསྐོས། དེ་རྗེས་སོག་པོའི་རྒྱལ་པོ་ལྷ་བཟང་དང་། དེ་ནས་དྲུང་སོག་པོ་སྒར་གྱིས་རིམ་པར་བཟུང་ཡང་ཤར་ཕྱོགས་གོང་མའི་དཔུང་གིས་བསྐྲད་དེ་ཆབ་སྲིད་ཐམས་ཅད་རྒྱལ་བ་བསྐལ་བཟང་རྒྱ་མཚོའི་ཕྱག་ཏུ་བཀལ། སྡེ་སྲིད་དྷཱ་ཆིངས་ཁཱ་ཐུར། མི་དབང་བསོད་ནམས་སྟོབས་རྒྱལ། སྲས་ཆིང་ཝ་དཱ་ལས་པཱ་ཐུར་སོགས་ཀྱིས་མཛད། རྒྱལ་བ་ཐམས་ཅད་མཁྱེན་པ་མྱ་ངན་ལས་འདས་ནས། རྒྱལ་ཚབ་དེ་མོ། བསྟན་རྒྱས་གླིང་པ། འདིས་བསམ་ཡས་ཞིག་གསོས་མཛད། ཚེ་སྨོན་གླིང་པ། དེ་ནས་ཁྲི་ཆེན་ནོ་མིན་ཧན། འདི་དུས་བལ་བོད་འཁྲུགས། རྟ་ཚག་རྗེ་དྲུང་རིན་པོ་ཆེ། ཀུན་བདེ་གླིང་པ། འདི་དུས་བསམ་ཡས་ལ་མེའི་གནོད་པ་བྱུང་། དེ་མོ་སྤྲུལ་པའི་སྐུ་འཇམ་དཔལ་རྒྱ་མཚོ་དང་། ད་ལྟའི་ཚེ་སྨོན་གླིང་ཁྲི་ཆེན་ནོ་མི་ཧན་གྱི་བར་རིམ་པར་བྱོན་ནས་བསིལ་ལྡན་ར་བ་དཀར་པོས་བསྐོར་བའི་ལྗོངས་ཀྱི་བསྟན་འགྲོ་ཀུན་ལ་ཕན་བདེའི་སྒོ་འཕར་བརྒྱ་ཕྲག་དུས་གཅིག་ཏུ་དབྱེ་བར་མཛད་དོ། ། ཁྱད་པར་བོད་ཆེན་པོའི་ནོར་འཛིན་གྱི་ཁྱོན་འདིར་རང་རང་གི་མངའ་རིས་བདེ་བར་སྐྱོང་ཞིང་བསྟན་པ་རིན་པོ་ཆེར་སྲི་ཞུས་མཆོད་པའི་ཁམས་ཀྱི་རྒྱལ་པོ་དང་། རྒྱལ་ཕྲན་ཇི་སྙེད་པ་ལས། གཙོ་བོར་གྱུར་པ་ལྷ་བཙན་པོ་མེས་དབོན་གསུམ་གྱི་ཕྱག་རྗེས་ལ་འགྲན་པར་ནུས་པའི་སྟོབས་ཀྱི་འཁོར་ལོས་སྒྱུར་བ་ས་སྐྱོང་སྡེ་དགེ་ཆོས་རྒྱལ་རིན་པོ་ཆེའི་རྒྱལ་རབས་ནི། ཐོག་མར་རུས་ཆེན་སྡེ་བཞི་ལས་ཆད་པའི་བོད་ཆེན་པོའི་འགྲོ་བ་མཐའ་དག་གི་ཞང་པོར་འོས་པ་སྒོ་ལྷ་རྗེ་དཀར་པོའི་རུས་ལས། རྡུ་ཆེན་རྒྱལ་མོ་ཚོ་བཅོ་བརྒྱད་དུ་གྲགས་པའི་ཡ་གྱལ་མགར་གྱི་རིགས་ལས་བྱུང་བ་སྟེ། དེ་ཡང་བོད་ཁམས་འདིར་མིའི་འགྲོ་བ་ཆགས་ནས་རིང་ཞིག་ལོན་པ་ན། ཤར་མེ་ཉག་བཞག་ར་དཀར་པོའི་རྩེ་ལ་སྟེང་འོད་གསལ་གྱི་ལྷ་ཞིག་བབས་པར་མི་རྣམས་ཀྱིས་མགར་གནམ་ཚ་འབྲུག་ཅེས་བཏགས། དེ་ཡི་བརྒྱུད་པ་ལས་མགར་བླ་མཁྱེན་ཆེན་པོ། དེ་སྲས་སྲོང་མེས་ཁྲི་ཆགས། དེ་སྲས་ཆོས་རྒྱལ་སྲོང་བཙན་སྒམ་པོའི་བློན་པོ་མགར་སྟོང་བཙན་ཡུལ་བཟུང་། དེ་ནས་དམ་པའི་བརྒྱུད་པ་བར་མ་ཆད་པར་རིམ་གྱིས་བྱོན་པ་ལས། སྟོང་བཙན་ཡུལ་བཟུང་ནས་བརྩིས་པས་གདུང་རབས་ཉེར་བརྒྱད་པ་འགར་ཆེན་ཡེ་ཤེས་བཟང་པོ་ལ་རིགས་ཀྱི་སྲས་གཉིས་ཀྱི། སྒོམ་སྟོན་བསོད་ནམས་རིན་ཆེན་གྱིས། ལ་ལར་བསོད་ནམས་བཟང་པོ་ཞེས་ཀྱང་བྱུང་། འགྲོ་མགོན་འཕགས་པ་རིན་པོ་ཆེའི་གསོལ་དཔོན་གྱི་ལས་ཀ་ཟིན་ཏེ་ཆེན་པོའི་གོ་སར་དབང་བསྐུར། གཅུང་པོ་རྒུ་རུ་ལ་སྲས་དགུ་བྱུང་བའི་ནང་ཚན། སྟོང་དཔོན་ཟླ་བ་བཟང་པོའི་སྲས་སུ་རྔུ་རྒྱལ་བ་བཟང་པོ། དེ་སྲས་པདྨ་བསྟན་སྲུང་། དེ་སྲས་བྱང་ཆུབ་འབུམ། དེ་སྲས་གདུང་རབས་སོ་བཞི་པ་བདེ་ཆེན་བསོད་ནམས་བཟང་པོ་སྟེ། དེ་ཉིད་རྔུ་ཆོས་ཀྱི་རྡོ་རྗེ་དང་། ཀརྨ་པ་ཆོས་གྲགས་རྒྱ་མཚོའི་ལུང་གིས་བསྐུལ་ཏེ་ལྕགས་ར་བསམ་འགྲུབ་རྩེར་ཕེབས་ནས་ཡུལ་དེའི་མངའ་རིས་ཀྱི་བདག་པོར་གྱུར། སྔོན་སྨོན་རྣམ་པར་དག་པའི་བྱེད་པོས་ལྗོངས་དེར་སྡེ་བཞིའི་དགེ་ལེགས་ཀྱི་མཚན་མ་ཕུན་སུམ་ཚོགས་པར་འཕེལ་བས་མཚན་ཡང་དེ་སྐད་ཆགས། དེ་ལ་སྲས་བཞི་བྱུང་བའི་གཉིས་པ་སྡེ་དགེ་བོ་ཐར་བཀྲ་ཤིས་སེང་གེས་ཟིལ་བརྒྱུད་ཕྱོགས་ཐམས་ཅད་བཟུང་ཞིང་། གྲུབ་པའི་དབང་ཕྱུག་ཐང་སྟོང་རྒྱལ་པོ་བླ་ཡི་མཆོད་གནས་སུ་བཞེས་ཏེ་རྔུ་མདའི་སྲིབ་དགོན་ཐོག་མར་བཞེངས། ལྷུན་གྲུབ་སྟེང་ཞེས་གྲགས་པའི་ཡི་གེས་མཛེས་པར་བྱས། དེ་ཡི་སྲས་དཔལ་ལྡན་སེང་གེ་དང་། རྒྱལ་མཚན་འབུམ་གཉིས་ལས། སྔ་མས་ཉིན་དགོན་གྱི་འདུས་སྡེ་བཙུགས། ཕྱི་མ་ལ་སྲས་བཞི་བྱུང་བའི། དཔོན་ཆེན་ཨ་སྔ་ལ་སྲས་རྡོ་རྗེ་འཇིགས་བྱེད་ཀྱི་གྲུབ་ཐོབ་ཇོ་གདན་ནམ་མཁའི་ལྷུན་བཟང་དང་། དེའི་མཆེད་ཡ་རྒྱལ་འཕེལ། དེ་ལ་སྲས་གསུམ་བྱུང་བའི་ཆེ་བ་གྲུབ་ཐོབ་ཀུན་དགའ་རིན་ཆེན་གྱིས་བླ་བྲང་ལྷ་ཁང་གསར་དུ་བཞེངས། གཅུང་རྡོ་རྗེ་ལྷུན་གྲུབ་ལ་སྲས་གྲགས་པ་ལྷུན་གྲུབ་དང་། ཀརྨ་སྲུང་གཉིས། ནམ་མཁའ་ལ་སྲས་དཔོན་ཆེན་ལྷུན་གྲུབ་ཅེས་སྟོབས་ཀྱིས་འཁོར་ལོས་སྒྱུར་བ་དེ་ཉིད་འཁྲུངས། དེ་ལ་སྲས་དྲུག་བྱོན་པའི། དང་པོ་སྡེ་དགེ་གྲུབ་ཐོབ་ཀུན་དགའ་རྒྱ་མཚོ་ཞེས་ཡོངས་སུ་གྲགས་པ་དེས་གཙུག་ལག་ཁང་བསམ་འགྲུབ་མཐོང་གྲོལ་ཆེན་མོ་བཞེངས་ཤིང་རྣམ་དཀར་གྱི་ཕྱག་རྗེས་རྒྱ་ཆེ། ས་སྐྱ་པ་བདག་ཆེན་བསོད་ནམས་བཟང་པོ། ཤར་ཆེན་བྱམས་པ་ཀུན་དགའ་བཀྲ་ཤིས། བྱང་བདག་བཀྲ་ཤིས་སྟོབས་རྒྱལ། འཁྲུལ་ཞིག་དབང་དྲག་རྒྱ་མཚོ། རིག་འཛིན་འཇའ་ཚོན་སྙིང་པོ་སོགས་ཡོངས་འཛིན་རྒྱ་ཚོ་ལྟ་བུ་བསྟེན། གཉིས་པ་དཔོན་ཆེན་གླུ་འཕེལ། གསུམ་པ་ལག་ན་རྡོ་རྗེའི་རྣམ་པར་འཕྲུལ་པ་བླ་ཆེན་བྱམས་པ་ཕུན་ཚོགས་ཞེས། འདིས་གནམ་ཆོས་དང། བདུད་འདུལ་གཉིས་ཀྱང་རྒྱལ་ཁབ་ཏུ་སྤྱན་དྲངས། ནོར་འཛིན་ཡངས་པའི་ཁྱོན་ལ་སྟོབས་ཀྱི་དཔུང་པས་དབང་བསྒྱུར་བ་དེ་ཉིད་བྱོན། ངོར་ནས་མཁན་རབས་ཉེར་གཅིག་པ་སྒྲུབ་ཁང་པ་དཔལ་མཆོག་རྒྱལ་མཚན་སྤྱན་དྲངས་ཤིང་རྣམ་པར་དག་པའི་བསྟན་པ་རིན་པོ་ཆེ་རྒྱ་ཆེར་སྤེལ་བས་མཚོན་ཆོས་སྲིད་ཀྱི་ཕྲིན་ལས་རྒྱ་ཆེ་བས། བླ་ཆེན་འདི་ཉིད་ཁྲི་རབས་ཀྱི་ཐོག་མར་འཛིན། བཞི་པ་དཔོན་ཆེན་ཀརྨ་སྲུང་། ལྔ་པ་བླ་མ་ལྷ་སྲུང་། དྲུག་པ་བླ་མ་ཀརྨ་བསམ་འགྲུབ་རྣམས་སོ། །ཀརྨ་སྲུང་གི་སྲས་མགོན་པོ་དང་། ལྷུན་འགྲུབ་གཉིས། སྔ་མ་ལ་བླ་མ་བསོད་ནམས་རྒྱལ་མཚན་སོགས་མཆེད་བཞི་འཁྲུངས། དེའི་ནང་ནས་སྐལ་བཟང་འབུམ་ཀྱི་སྲས་བཀྲ་ཤིས་རྒྱ་མཚོ་སོགས་འཁྲུངས་ནས་འདུས་སྡེའི་བསྒྲིགས་ཁྲིམས་དང་བསྟན་པའི་སྲི་ཞུ་ལ་བརྩོན་པར་མཛད། དཔོན་ཆེན་གླུ་འཕེལ་ལ་སྲས་གསུམ་བྱུང་པའི། དཔོན་ཆེན་ཀུན་དགའ་ཕུན་ཚོགས་པས་གདན་ས་གཉིས་པ་མཛད། དཔོན་ཆེན་ལྷུན་གྲུབ་ཀྱི་སྲས་བཞི་པ་ཀརྨའི་སྲས་ཆེ་མཆོག་གིས་གདན་ས་གསུམ་པ་མཛད། དེ་ནས་གླུ་འཕེལ་སྲས་འགྲན་ཟླ་མེད་པའི་བསོད་ནམས་ཀྱི་ཕུང་པོ་གཅིག་ཏུ་འཁྱིལ་བ་ཁྲི་རབས་བཞི་པ། ལོ་ཙཱ་བ་ཅོག་རོ་ཀླུའི་རྒྱལ་མཚན་གྱི་རྣམ་འཕྲུལ་ཁྲི་ཆེན་བླ་མ་སངས་རྒྱས་བསྟན་པས། ངོར་ཨེ་ཝཾ་ནས་འཇམ་མགོན་བཀྲ་ཤིས་དཔལ་ལྡན། རྟ་ནག་མཁན་ཆེན་བཟང་པོ་རྒྱལ་མཚན། ཨེ་ཝཾ་པའི་མཁན་རབས་ཉེར་བཞི་པ་མཁས་གྲུབ་སངས་རྒྱས་ཕུན་ཚོགས་རྣམས་སྤྱན་དྲངས། གཞན་ཡང་རིག་འཛིན་ཀློང་གསལ་སྙིང་པོ། རྫོགས་ཆེན་པདྨ་རིག་འཛིན། གཏེར་ཆེན་ཉི་མ་གྲགས་པ་སོགས་དང་མཆོད་ཡོན་དུ་འབྲེལ་བས་མཚོན། རིས་མེད་ཀྱི་ཡོངས་འཛིན་དུ་མ་བསྙེན་བཀུར་ཤིང་། ལུགས་གཉིས་ཀྱི་མངའ་ཐང་དགུང་དུ་རེག །ཡང་གླུ་འཕེལ་ཀྱི་སྲས་ཨོ་རྒྱན་བཀྲ་ཤིས་ལ་སྲས་བཞི་འཁྲུངས་པའི། དང་པོ་ཁྲི་རབས་ལྔ་པ་ཁྲི་ཆེན་བླ་མ་བསོད་ནམས་ཕུན་ཚོགས་ཀྱིས་རྒྱལ་དབང་བདུན་པ་བསྐལ་བཟང་རྒྱ་མཚོའི་ཐང་ནས་སྤྱན་དྲངས་པ་སོགས་ཞབས་འགྱུར་རྨད་དུ་བྱུང་བ་བསྒྲུབས་པ་ནས་བཟུང་། གཞུང་ས་ཆེན་མོ་དང་མཆོད་ཡོན་འགྲན་མེད་དུ་གྱུར། སྲས་གཉིས་པ་དབང་ཆེན་མགོན་པའི་སྲས་སུ་སར་གནས་ཀྱི་བྱང་ཆུབ་སེམས་དཔའ་བསམ་བཞིན་མིའི་རྗེ་བོར་ཕེབས་པའི་ཁྲི་རབས་དྲུག་པ་ཆོས་རྒྱལ་བསྟན་པ་ཚེ་རིང་ཞེས་མཚན་གྱི་ཡི་གེ་སྲིད་པའི་རྩེ་མོར་མངོན་པར་མཐོ་བ་དེས། ངོར་ཨེ་ཝཾ་པ་མཁན་ཆེན་བཀྲ་ཤིས་ལྷུན་གྲུབ་དང་། ཡར་ཀླུང་བཀྲ་ཤིས་ཆོས་སྡེ་ནས་གནས་གསར་པ་ངག་དབང་ཀུན་དགའ་ལེགས་པའི་འབྱུང་གནས་སོགས་གདན་དྲངས། བཅུ་ཕྲག་རིག་པའི་མ་ཧཱ་པཎྜི་ཏ་སི་ཏུ་ཆོས་ཀྱི་འབྱུང་གནས་དང་། གཏེར་ཆེན་ཉི་གྲགས། རྫོགས་ཆེན་གཉིས་པ་སོགས་གསར་རྙིང་རིས་མེད་པའི་སྐྱེས་བུ་དམ་པ་དུ་མ་བསྙེན་བཀུར། ངོར་ཨེ་ཝཾ་དུ་གླིང་ཁང་གསར་བཟོས་མཚོན་དགོན་གནས་ཆེ་ཕྲ་དུ་མ་གསར་བཞེངས་དང་ཉམས་གསོ། ཁྱད་པར་རྒྱལ་བའི་བཀའ་འགྱུར་རིན་པོ་ཆེ་པར་དུ་བསྐྲུན་པ་སོགས་རྣམ་དཀར་གྱི་འཇུག་པ་བྱིས་བློའི་ར་བ་ལས་ཡོངས་སུ་བརྒལ་བར་མཛད་པའི་མཐུས། འཇམ་དབྱངས་གོང་མ་ཆེན་པོས་ཀྱང་གསན་ཡུ་སིའི་ཐམ་ཀས་དབང་བསྐུར་ཞིང་། བསྔགས་བརྗོད་ཀྱི་མེ་ཏོག་འཐོར་བར་མཛད་པ་ཡིན་ནོ། །དེ་ལ་སྲས་ལྕམ་དྲལ་བཞི་བྱུང་བའི། ཆེ་བ་བསོད་ནམ་མགོན་པོ་ལས་གདུང་བརྒྱུད་སོགས་མ་འཕེལ། འབྲིང་བ་ཁྲི་རབས་བདུན་པ་ཁྲི་ཆེན་བླ་མ་ཕུན་ཚོགས་བསྟན་པའམ། ཀུན་དགའ་ཕྲིན་ལས་རྒྱ་མཚོས། ངོར་ནས་མཁན་ཆེན་དཔལ་ལྡན་ཆོས་སྐྱོང་སྤྱན་དྲངས་ཤིང་། བསྟན་འགྱུར་རིན་པོ་ཆེ་པར་དུ་བཞེངས་པ་སོགས་རྣམ་དཀར་གྱི་ཕྱག་རྗེས་རྒྱ་ཆེ། གཅུང་ཁྲི་རབས་བརྒྱད་པ་ས་སྐྱོང་བློ་གྲོས་རྒྱ་མཚོས། ངོར་མཁན་ཆེན་ཀླུ་སྡིངས་མི་འགྱུར་རྒྱལ་མཚན་སྤྱན་དྲངས། དབུ་བླ་སྔ་མ་རྣམས་དང་། ཞུ་ཆེན་པཎྜི་ཏ། ཀཿཐོག་དྲི་མེད་ཞིང་སྐྱོང་། ཉི་གྲགས་གཉིས་པ་སོགས་བསྟེན། སྐུ་གསུང་ཐུགས་རྟེན་རྒྱ་ཆེར་བཞེངས། དགུང་གྲངས་བཞི་ཅུ་རྩ་གྲངས་ཡན་རབ་བྱུང་དང་། དེ་ཕྱིན་གདུང་སྤེལ་གྱི་གོ་སར་བཞུགས། དེ་རྗེས་ལྕམ་རྗེ་བཙུན་དབྱངས་ཅན་སྒྲོལ་མས་རྒྱལ་ཚབ་མཛད་ཅིང། ངོར་ནས་ཁང་སར་མཁན་ཆེན་ངག་དབང་ཆོས་སྐྱོང་བཟང་པོ་གདན་དྲངས། ལྕང་རའི་བུམ་སྒྲུབ་ཆེན་མོའི་སྲོལ་བཏོད། ས་སྐྱོང་བློ་གྲོས་རྒྱ་མཚོ་ལ་སྲས་ཁྲི་རབས་དགུ་པ་ས་དབང་བཟང་པོ་འཁྲུངས། སྐུ་ན་ཕྲ་མོའི་དུས་ནས་དགེ་བའི་བག་ཆགས་སད་ཅིང་། འཇམ་མགོན་དབང་སྡུད་སྙིང་པོ་སོགས་དབུ་བླར་བཞེས། འོན་ཀྱང་སྐུ་གཞོན་ནུ་ནས་གཤེགས་པས་བར་འདིར་དཔོན་མོ་ཚེ་དབང་ལྷ་མོས་རྒྱལ་སྲིད་ཀྱི་བྱ་བ་མཛད་ཅིང་། བསྟན་པ་སྤྱི་དང་གསང་སྔགས་སྔ་འགྱུར་གྱི་ཕྱོགས་ལ་སྲི་ཞུ་ལྷག་པར་གནང་། དེ་ནས་ས་དབང་བཟང་པོ་ལ་སྲས་ལྕམ་དྲལ་བཞི་འཁྲུངས། གཞན་གཉིས་ཆུང་ངུ་ནས་གཤེགས། ནང་ནས། ཁྲི་རབས་བཅུ་པ། ས་སྐྱོང་ཆོས་རྒྱལ་རིན་པོ་ཆེ་ཚེ་དབང་རྡོ་རྗེ་རིག་འཛིན་ནམ། ཁྲི་ཆེན་བླ་མ་བྱམས་པ་ཀུན་དགའ་སངས་རྒྱས་བསྟན་པའི་རྒྱལ་མཚན་གྱིས། ངོར་ཨེ་ཝཾ་ནས་ཐར་རྩེ་མཁན་ཆེན་བྱམས་པ་ནམ་མཁའ་འཆི་མེད་དང་། བྱམས་པ་ཀུན་དགའ་བསྟན་འཛིན་ཁུ་དབོན། ཡར་ཀླུང་བཀྲ་ཤིས་ཆོས་སྡེ་ནས་མཆོག་སྤྲུལ་རིན་པོ་ཆེ་ནམ་མཁའ་ལེགས་པ་ལྷུན་གྲུབ་སོགས་སྤྱན་དྲངས། བདག་ཆེན་དབང་སྡུད་སྙིང་པོ་ཡབ་སྲས་སོགས་རིས་མེད་དམ་པ་རྣམས་ལ་དངོས་དང་བརྒྱུད་པའི་སྒོ་ནས་བསྙེན་བཀུར་བས་མཚོན་ཆོས་སྲིད་ཀྱི་ཕྲིན་ལས་གོང་འཕེལ་དུ་གནང་། རྗེ་བཙུན་མ་རྟ་མགྲིན་ཕྲིན་ལས་དབང་མོས་ཀྱང་རྣམ་དཀར་གྱི་ཕྱག་རྗེས་རྒྱ་ཆེ། ས་སྐྱོང་ཆེན་པོ་དེ་ཉིད་ལ་སྲས་ལྕམ་དྲལ་བཞི་བྱུང་བའི་ཆེ་བ། ཁྲི་རབས་བཅུ་གཅིག་པ་དམ་ཚིག་བརྟན་པའི་རྡོ་རྗེ། སྐུ་མཆེད་འདི་རྣམས་ཆོས་བློན་འགར་དམ་པ་ནས་བགྲངས་པའི་གདུང་རབས་བཞི་བཅུ་རྩ་དྲུག་པ་ཡིན། ཚེ་རིང་རྣམ་རྒྱལ་འབྲིང་པོ་བླ་ཆེན་ཚེ་དབང་ཕུན་ཚོགས་བསྟན་སྐྱོང་གཅུང་མི་རྗེ་རིན་པོ་ཆེ་ཚེ་དབང་རྡོ་རྗེ་དགྲ་འདུལ་སྟེ་མཆེད་ཞལ་རྣམ་པ་གསུམ་གྱིས། ངོར་ནས་མཁན་རབས་ལྔ་བཅུ་པ་ཐར་རྩེ་མཁན་ཆེན་རྣལ་འབྱོར་འཇམ་དཔལ་བཟང་པོ་སྤྱན་དྲངས་ཏེ་མཆོད་ཅིང་བསྙེན་བཀུར་བས་མཚོན། གཙོ་བོར་འགྲོ་བའི་མགོན་པོ་འཕགས་པ་རིན་པོ་ཆེ་དང་མཆོད་ཡོན་དུ་འབྲེལ་བའི་རྟེན་འབྱུང་ལས་དཔལ་ལྡན་ས་ངོར་ཚར་གསུམ་གྱི་བསྟན་པ་དང་དེར་འཛིན་ལ་མཚུངས་པ་མེད་པའི་སྲི་ཞུ་དང་། གཞན་ཡང་དགེ་རྙིང་ཀར་འབྲུག་སོགས་རིས་མེད་པའི་གྲུབ་མཐའ་ཐམས་ཅད་ཀྱི་བསྟན་པའི་སྦྱིན་བདག་གཅིག་པུ་པར་གྱུར་ཏེ། དེའི་བསོད་ནམས་ཀྱི་མཐུ་ཕུན་སུམ་ཚོགས་པས་ཕས་ཀྱི་རྒོལ་བ་ཐམས་ཅད་མིང་གི་ལྷག་མ་ཙམ་དུ་ཞི་ཞིང་། རང་སྲིད་སྡེ་དང་བཅས་པ་དབྱར་དུས་ཀྱི་ཆུ་གཏེར་ལྟར་གོང་ནས་གོང་དུ་འཕེལ་ཞིང་རྒྱས་པ་སོགས་མདོར་ན་འགར་སྟོང་བཙན་ཡུལ་བཟུང་ནས་དེང་སང་གི་བར་ལོ་སྟོང་ཕྲག་གཅིག་དང་བརྒྱ་དང་བརྒྱད་ཅུ་ལྷག་ཙམ་འགྲོ་བ་ལ། ཆེ་བརྒྱུད་ཀྱི་ལྷ་གྲལ་མ་སྟོང་། མཐོན་པོའི་དབུ་འཕང་མ་ཉམས། མི་བརྒྱུད་ལྷ་ལས་ཆད། ཆུ་བརྒྱུད་གངས་ལ་ཐུག་པའི་བསྔགས་འོས་ཀྱི་རྣམ་པར་ཐར་པ་མཐའ་ཀླས་པ་ཉིད་དོ། ། དེ་ལྟར་དམ་པའི་ཆོས་ཀྱི་བྱུང་བ་བརྗོད་པ་ལས་བརྩམས་ནས་ལོ་རྒྱུས་ཅུང་ཟད་སྙན་དུ་གསོལ་བ་ལའང་དགོས་པ་ཁྱད་པར་ཅན་ཡོད་དེ། དཔལ་ལྡན་དཔའ་བོས་སྐྱེས་པ་རབས་ཀྱི་རྒྱུད་ལས། གྲགས་པའི་མཚན་མར་གྱུར་པ་བཟང་པོ་འདི་རྣམས་ཀྱིས། །བདེ་བར་གཤེགས་འགྱུར་ལམ་རྣམས་གང་ཡིན་བསྟེན་པར་འགྱུར། །ཡིད་ལ་དད་པ་མེད་པ་རྣམས་ཀྱང་དད་པར་འགྱུར། །ཆོས་དར་ལྡན་པའི་གཏམ་གྱིས་རབ་ཏུ་དགའ་བ་སྐྱེད། །ཅེས་དང་། མདོ་ལས་ཀྱང་། གང་ལ་ཟས་དང་ནོར་གྱི་གཏམ་དག་གིས། །ཡོངས་སུ་དགའ་བའི་དགའ་བ་བསྐྱེད་མ་ཡིན། །མི་ཡི་རྙེད་པ་རབ་མཆོག་ཐོབ་ནས་ནི། །གཅིག་ལ་གཅིག་གིས་ཆོས་ཀྱི་གཏམ་དག་བྱ། །ཞེས་ཆེད་དུ་གདམས་པར་མཛད་པ་བཞིན་དང་། ཞར་ལ་རྒྱལ་བའི་བསྟན་པ་རིན་པོ་ཆེ་གཅེས་སྤྲས་སུ་མཛད་པའི་ས་སྐྱོང་བ་རྣམས་ཀྱི་རབས་ཅུང་ཟད་སྨོས་པའང་། འཇིག་རྟེན་ན་རིགས་རྣམས་ཀྱི་མཆོག་ཏུ་གྱུར་པ་ཤཱཀྱའི་རིགས་ཀྱི་གཏམ་བརྗོད་པས་བསོད་ནམས་ཆེན་པོ་ཐོབ་པར་མདོ་ལས་བཤད་པ་དང་། བོད་འདིར་ཡང་འཇམ་དབྱངས་འཁོན་གྱི་རིགས་བསྙད་པ་བསོད་ནམས་ཆེ་ཞེས་དམ་པ་རྣམས་ཀྱིས་གསུངས་པ་ལྟར་གྱི་རྗེས་སུ་འབྲངས་ཏེ་གསོལ་བ་ཡིན་ལ། དེ་རྣམས་ཀྱིས་སྤྱིར་བཤད་པའི་དངོས་གཞི་གྲུབ་ནས། སྐབས་དོན་བྱེ་བྲག་གི་དབང་དུ་བགྱིས་ན། ཞེས་པའི་མཚམས་དབང་བསྐུར་ཆོས་བཤད་ལོ་གསར་གྱི་དགའ་སྟོན་ལེགས་འབུལ་སོགས་སོ་སོའི་བརྗོད་བྱ་དང་མཐུན་པའི་རྗོད་བྱེད་རྒྱས་བསྡུས་ཇི་ལྟར་རིགས་པ་དམིགས་བསལ་རྣམས་ཞུས་གྲུབ་ནས། དེ་ལྟར་དེ་རིང་གི་གནས་སྐབས་སུ་འདུས་པའི་མཆོག་འབྲིང་ཕལ་པའི་ཚོགས་རྣམས་ཀྱི་སྙན་ལམ་དུ་སྤྱི་དང་བྱེ་བྲག་གི་ཞུ་གསོལ་གྱི་བརྗོད་པ་འཕྲོས་དོན་དང་བཅས་རྒྱས་བསྡུས་འཚམས་པའི་ལུགས་སུ་ཕུལ་གྲུབ་ནས། སླར་ཡང་བསྟན་པའི་རྩ་ལག་མཆོག་གི་སྤྲུལ་པའི་སྐུ་རིན་པོ་ཆེའམ། དཔལ་ལྡན་བླ་མ་དམ་པ་འདི་ཞེས་བྱ་བ་མཁན་སློབ་དགེ་འདུན་དང་བཅས་པ་སྐུ་ཚེ་ཞབས་པད་བསྐལ་བརྒྱ་མཚོར་བརྟན་ཅིང་། ཕན་བདེའི་འབྱུང་གནས་ཀུན་མཁྱེན་རྒྱལ་བའི་བསྟན་པ་རིན་པོ་ཆེ་སྤྱི་དང་། བྱེ་བྲག་ཏུ། འདིར་རང་རང་གི་གྲུབ་མཐའི་ཁ་བསྒྱུར་དམིགས་བསལ་འཛུག །སྙིགས་དུས་ཀྱི་རྒྱལ་བ་གཉིས་པ་དཔལ་བརྩེ་བ་ཆེན་པོ་ཡབ་སྲས་བརྒྱུད་པ་དང་བཅས་པའི་རིང་ལུགས་ཕྱོགས་ཐམས་ཅད་དུ་དར་ཞིང་རྒྱས་ལ་ཡུན་རིང་དུ་གནས་པ་དང་། དེའི་མཐུ་ལས་བསྟན་པའི་སྦྱིན་བདག་ཆེན་པོ་རྣམས་ཀྱི་ཆབ་སྲིད་མངའ་ཐང་གོང་ནས་གོང་དུ་འཕེལ་ཞིང་། འཇིག་རྟེན་གྱི་ཁམས་སུ་ཕུན་སུམ་ཚོགས་པའི་དགེ་ལེགས་ཀྱི་སྣང་བ་རྒྱ་ཆེན་པོ་འབྱུང་བའི་ཕྱིར་ཤིས་པ་བརྗོད་པས་མཐའ་བསྡུ་བ་ནི། སྟོན་པ་འཇིག་རྟེན་ཁམས་སུ་བྱོན་པ་དང་། ཞེས་སོགས་ཤློ་ཀ་གཅིག་གམ་གཞན་ཡང་ཇི་ལྟར་རིགས་པ་བརྗོད་ནས་གྲལ་ལ་འཁོད་དེ་བྱ་བའི་རིམ་པ་དཀྱུས་ལ་འཇུག་པར་བྱའོ། ། སླར་སྨྲས་པ། དམ་ཆོས་བདུད་རྩིའི་སྙིང་པོས་ལྕི་བའི་འབེལ་གཏམ་སྤྲིན་གྱི་རྔ་གསང་གང་། །བློ་གྲོས་དཔྱིད་ཀྱི་མཛེས་མས་བསྐུལ་ལས་སྐལ་བཟང་དོན་གཉེར་རྨ་བྱའི་ཚོགས། །རྣ་བའི་བཅུད་ལེན་གསར་པ་འབབ་ཅིང་སྤྲོ་དགའི་ཟློས་གར་སྒྱུར་བ་དང་། །ལྷན་ཅིག་རྣམ་པ་ཐམས་ཅད་མཁྱེན་པའི་མངལ་ཁུར་མཆོག་གིས་ལྕི་བར་ཤོག །ཅེས་པའང་དོན་གཉེར་ཅན་དག་གིས་ཆེད་དུ་དྲིས་ཤིང་བསྐུལ་བའི་ངོར། ལོ་རྒྱུས་སྨྲ་བ་ལ་དགའ་བའི་ཤཱཀྱའི་དགེ་སློང་བྱ་བྲལ་བ་མཁྱེན་བརྩེའི་དབང་པོས་དཔལ་ཨེ་ཝཾ་ཆོས་ལྡན་གྱི་བླ་བྲང་ཐར་པ་རྩེར་ཤིན་ཏུ་བསྡུས་པའི་ཚུལ་གྱིས་མགྱོགས་པར་སྦྱར་བ་ལས། སླད་ནས་ཀྱང་ཅུང་ཟད་གསལ་བར་བགྱིས་པའོ། །འདི་ལས་རྒྱས་པར་སྤྲོས་པའི་ངག་ཚིག་གི། །པདྨོ་དགོད་པར་འདོད་ན་སྐབས་གཞན་དུ། ཁོ་བོས་སྨྲས་པའི་ལེགས་བཤད་ཉི་གཞོན་གྱི། །བཅུད་ལེན་ཅི་དགར་འཐུང་བའི་གར་རྩེན་ཤིག །སརྦ་དཱ་ཀ་ལྱ་ཎཾ་བྷ་བ་ཏུ།།


ཤེས་རབ་ནས་ཞུ་བཅུག་ཐེངས་གསུམ་བྱས།

[edit]

dam pa'i chos kyi byung ba brjod pa las gtso bor brtsams pa'i gtam skal bzang rna ba'i bcud len/ @#/__/dam pa'i chos kyi byung ba brjod pa las gtso bor brtsams pa'i gtam skal bzang rna ba'i bcud len zhes bya ba bzhugs so/_/ oM swa sti pradza b+h+yaH__rdo rje'i rnamaX 'byoraX gcig pu'i gar gyis brtan g.yo kun la khyab pa'i sku/__/'jaXm mnyen dbyangs kyi yan lag dang 'grogs lung rtogs chos khams rgya mtsho'i gsung /__/srid dang zhi ba'i dpaXl du gyur pa'i rnam kun mchog ldan ye shes thugs/__/dran pa tsam gyis rmongs pa'i 'jigs 'phrog rnam 'dren bzaXng poXs dge legs stsol/__/zhes shis par brjod pa'i tshig gi ut+pal sngon du gtor nas 'dir las su bya ba ni/__mchog 'bring phal pa'i 'dus pa rgya mtsho lta bu'i dbus su/__dam pa'i chos gtso bor gyur pa'i gleng bslang ba las brtsams te 'bel pa'i gtam gtan la dbab pa'i tshul mdo tsam spro na/__tshogs pa rnams gral la 'khod grub pa dang bstun/__/phun sum tshogs pa mnga' ba gser gyi ri bo 'dra nas/__de ni 'jig rten dge ba'i bkra shis gsum pa yin/__zhes pa ni/__sangs rgyas mnyam sbyor dang /__rdo rje gur gyi rgyud sogs las gsungs pa'i dkon mchog gsum gyi bkra shis kyi tshigs su bcad pa ste skabs 'dir thog mar dge ba klad kyi don dang tshul mtshungs pa'i phyir mdun bsus te/__de ring gi dus su/__nyi ma thams cad dge ba yin/__/rgyu skar thams cad bzang po yin/__zhes pa ltar/__gnam la skar ma/__sa la dus tshod/__bar la la nye sogs rten cing 'brel bar 'byung ba'i chos phun sum tshogs pa ma tshang ba med pa'i skabs 'dir/__sku bzhi ye shes lnga yi khyab bdag__/rigs dang dkyil 'khor kun gyi gtso bo/__/bdag sogs bstan 'gro yongs kyi skyabs gcig__/mtshan brjod par dka' ba/__don gyi slad du mtshan nas smos te/__mchog gi sprul pa'i sku rin po che'am/__dpal ldan bla ma dam pa 'di bla ma so so'i mtshan bcug__zhes bya ba'i zhal snga nas mkhan slob nyi zla zung 'brel gung la bzhugs/__mi che ba rnams kyis gral gyi dbu mnan/__yon tan mkhyen pa rnams kyis gral gyi gzhung bsrang /__rgyu sbyor ba'i dad ldan sbyin bdag pho mo bya ba byed pa dang bcas pas gral gyi mtha' bskor te ston 'khor phun sum tshogs pa lnga ldan du bzhugs pa rnams kyi snyan lam du/__mkhas mchog dpa' bos/__ya rabs rnams dang 'phrad na skyes kyi mchog__/tshogs kyi dbus su mkhas pa dga' bar 'gyur/__/phas kyi rgol la nyi ma'i 'od dang 'dra/__/'gran pa rnams kyi grags dang dregs pa sel/__zhes gsungs pa ltar/__ya rabs mkhas pa rnams dgyes pa skyed pa'i mchog__/phyi snod 'jig rten chags tshul/__nang bcud sems can grub tshul/__ston pa sangs rgyas byon tshul/__skyobs pa dam chos gsungs tshul/__'dren pa dge 'dun dar tshul/__sa skyong rgyal po'i rgyal rabs sogs chos srid dang 'brel ba'i 'bel gtam gyi dga' ston rgya cher spro dgos rgyur mchis na'ang /__kho bo cag skyes thob kyi yon tan dman zhing /__sbyor byung gi brtson 'grus zhan pa'i mthus rgya cher zhu ma shes shing /__gang mthong gang thos tsam zhu ba'i longs skabs kyang thung mod/__'on kyang skabs su babs pa'i gtam/__dus su smin pa'i char/__brjod bya phun sum tshogs zhing /__rjod byed rgyas bsdus 'tshams pa sa bon tsam zhig gsol ba la/__snyan gyi dbang pos gsan/__thugs kyis brjod don dgongs par zhu snying / __thog mar phyi snod 'jig rten chags tshul ni/__mdo sdud pa las/__mkha' la rlung brten de la chu yi phung po brten/__/de la sa chen 'di brten de la 'gro ba mtha' dag brten/__zhes gsungs pa ltar/__'og gzhi nam mkha' stong pa la brten pa'i rlung gi dkyil 'khor sngon po rngams su dpag tshad sa ya gcig dang drug 'bum/__rgyar grangs med pa/__de'i steng du chu'i dkyil 'khor rngams su dpag tshad 'bum phrag brgyad/__de steng sa gzhi'i dkyil 'khor sum 'bum nyi khri/__gnyis ka'i thad kar 'bum phrag bcu gnyis dang sum stong bzhi brgya lnga bcu/__mtha' skor du de'i sum 'gyur dang bcas pa'i dbus su ri'i rgyal po rin po che sna bzhi las grub pa/__'phangs su dpag tshad chig 'bum drug khri las phyed man chad rgya mtshor nub cing /__lhag ma steng du 'phags par bang rim bzhi dang ldan pa/__steng gi ngos su sum cu rtsa gsum gyi grong khyer/__phyogs bzhir gling bzhi dang /__gling g.yog gnyis gnyis kyis bskor ba/__de'i bar mtshams su gser gyi ri bdun dang rol pa'i mtsho bdun gyis chod cing /__phyi mtha' ba tsha can gyi rgya mtsho dang /__lcags ri'i mu khyud kyis mdzes par byas pa nyid/__mas nas rim bzhin du chags pa'o/__/ gnyis pa nang bcud sems can grub tshul ni/__thog mar steng gi nam mkhar gnas tha dad du grub pa med pa'i gzugs med skye mched mu bzhi/__de nas mi che ba sogs gtsang ris lha lnga dang /__tshangs ris sogs bsam gtan bzhi'i lha gnas bcu gnyis te gzugs khams gnas rigs bcu bdun/__gzhan 'phrul dbang byed nas bzung ri rab kyi bang rim la brten pa'i rgyal chen ris bzhi'i bar gyi 'dod lha rigs drug dang /__de nas ri rab kyi chu mtshams kyi bar du lha ma yin dang /__gling bzhi dang gling phran rnams la mi'i 'gro ba/__phyi'i rgya mtsho la gtso bor brten pa'i dud 'gro/__rgyal po'i khab kyi 'og thad du yi dwags kyi grong dngos/__dzam bu'i gling gi 'og nas dpag tshad stong nyi shu'i mtshams su sems can dmyal ba pa rnams te/__mdor na srid pa sum cu rtsa gcig po thams cad yas nas rim bzhin du grub pa ste/__de lta bu'i gling bzhi lhun po nyi zla 'dod lha/__bsam gtan dang po dang bcas pa stong la stong gi spyi phud dang /__de 'dra ba stong la stong gnyis pa bar ma/__de 'dra ba stong la stong gsum gyi stong chen po'i 'jig rten gyi khams zhes su btags zhing /__de bye ba phrag brgya la rab 'byams kyi 'tshams sbyor gcig__/de bye ba phrag brgya la rab 'byams kyi rgyud gcig__/de bye ba phrag brgya la rab 'byams kyi rgyud bar ma gcig__/de bye ba phrag brgya la gzhi dang snying po me tog brgyan pa ste sprul sku gcig gi zhing du 'dod la/__de'ang rnam snang gangs chen mtsho'i ba spu'i khung bu re dang zhing gi rdul rer yang de lta bu bye ba phrag brgya re gnas shing longs spyod rdzogs sku'i zhing ngo /__/de las rang cag rnams kyi zhing 'di ni de nyid kyi phyag gi lhung bzed kyi nang du pad+ma'i sdong po nyer lnga brtsegs mar yod pa'i thugs ka'i thad kyi bcu gsum pa'i gzhir 'khod pa ste/__'dir gnas pa rnams nyon mongs pa'i yul la lhag par bzod pa dang ldan pas mi mjed 'jig rten gyi khams zhes grags la/__de'ang gling bzhir yod pa'i nang tshan lho phyogs dzam bu'i ljon pas mtshan pa'i ljongs las kyi sa pa mchog tu gyur pa/__dbus su ma ga d+ha rdo rje gdan/__dus gsum gyi sangs rgyas thams cad 'byung ba'i gnas/__shar du rje btsun 'jam dpal dbyangs kyi byin gyis brlabs pa gzhon nu'i tshul gyis rtsen pa rgya nag ri bo rtse lnga/__lhor gnyis su med pa dus kyi 'khor lo'i rgyud gsungs pa'i gnas dpal ldan 'bras spungs kyi mchod rten dang /__'phags pa spyan ras gzigs kyi pho brang ri bo gru'i 'dzin/__nub tu gsang ba'i bdag po phyag na rdo rjes gsang rgyud rgya mtsho'i gan mdzod du byin gyis brlabs pa dpa' bo dang DAk+ki sprin ltar 'thib pa'i yul o rgyan mkha' 'gro'i gling /__byang du dpal dam pa dang po'i sangs rgyas kyi smin grol bdud rtsi'i sgo brgya dbye ba po rigs ldan sprul pa'i chos rgyal rnams kyi bsti gnas sham+b+ha la/__gzhan yang lho gling dbus ma 'di'i phyed byang ma la byang nas rim bzhin gangs ldan/__kai sha__/rgya nag__/li/__bod/__'phags yul te yul gyi dum bu drug ces dus 'khor nas bshad pa dang /__rma bya chen mo nas gsungs pa'i yul 'khor lnga brgya/__ljongs chen po bcu drug__/yul phran stong sogs tshang bar yod pa'i zhing 'di'i mi rnams kyang lha las chad pa sogs yas rim gyi bshad tshul mchis na'ang /__phyi ltar na rgyal rigs/__rje'u rigs/__dmangs rigs/__bram ze'i rigs bzhi dang /__bar gyi rigs/__rgya gar lha/__rgya nag klu/__hor sog lha min/__bod spre'u dang brag srin mo las chad pa dang /__nang rigs rgya gar 'phags yul gcig pu rang du'ang /__'dul ba las/__grong khyer chen po drug__/mi rigs mi gcig sum brgya drug cu/__skad rigs mi gcig bdun brgya nyi shu sogs yod par gsungs shing /__de las bod kyi yul 'di ni/__ston pa dngos kyis 'od zer gyi byin gyis brlabs shing /__'phags pa spyan ras gzigs kyi 'dul zhing du lung bstan zhing rjes su gnang ba las/__dang por mtshor gnas pa nyid rim gyis bri nas sA la'i nags tshal du gyur/__de nas 'phags pa'i sprul pas mi'i 'gro ba la bkod cing /__chos ldan gyi rgyal por bstan nas mdo sngags kyi bstan pa rin po che gsal bar mdzad pa'i mthus/__deng sang gi dus su chos kyis gzhal ba'i yul dbus su gyur pa ste/__de la'ang chos rgyal mes dbon gyi dus su brdar btags pa'i/__spu rangs/__mang yul/__zang dkar gsum skor gcig__li gu sha__/sbal te skor gcig__/zhang zhung /__khri sde stod smad gsum la skor gcig ste/__stod mnga' ris skor gsum/__rdzing lta bu/__gtsang na g.yas ru dang /__ru lag__/dbus na dbu ru/__g.yo ru ste/__bar dbus gtsang ru bzhi yur ba lta bu/__'bri zla zal mo sgang /__tsha ba sgang /__smar khams sgang /__sbo 'bor sgang /__dmar rdza sgang /__me nyag ra ba sgang ste/__smad mdo khams sgang drug zhing sa lta bur gnas shing /__tshad mar gyur pa'i mdo rgyud rnams nas kyang lung gis bstan te/__lha mo dri ma med pas zhus pa'i mdo las/__nga mya ngan las 'das nas lo nyis stong lnga brgya na gdong dmar can gyi yul du dam pa'i chos dar bar 'gyur ro/__/zhes dang /__'jam dpal rtsa rgyud las/__kha ba can du mtsho bri nas/__sA la'i nags ni 'byung bar 'gyur/__zhes gsungs pa ltar ro/__/khyad par deng sang gi dus su 'phags pa'i yul sogs sngar bstan pa dar ba'i gnas rnams su ni/__dus kyi dbang gis rim bzhin 'grib ste/__dam pa'i chos rnal ma yod par dkon kyang /__bod yul 'dir rgyal ba'i bstan pa rin po che tshang la ma nor bar yongs su rdzogs par bzhugs pa'i phyir gcig tu bsngags pa'i gling bu bsgyur bar 'os te/__khro phu lo tsA ba chen po byams pa'i dpal gyis/__ma g+ha d+ha sogs rig pa'i 'byung gnas sdig to yi/__/dmag tshogs kyis bcom o rgyan kha che bal yul yang /__/log spyod kyis khengs deng sang bstan srog legs gnas ni/__/bod yul 'dir zad skyes chen byang phyogs zhabs bskyod zhu/__zhes paN+Di ta shAkya shrI la 'phrin du gsol ba bzhin no/__/ de ltar gang du byon pa'i gzhi zhing khams kyi gnas tshul mdo tsam zhus nas/__gsum pa der ston pa sangs rgyas ji ltar byon pa'i tshul ni/__slob dpon chen po gang gi dbang phyug grags pas/__/gang gis dpal ldan stug po bkod par don dam thugs chud cing /__/dga' ldan skye bo'i don mdzad phyir ni dam pa tog dkar gyur/__/de nas 'dir ni 'gro ba'i don du shAkya'i tog gyur pa/__/'chi bdag las rgyal sgyu ma mtha' yas ston de rgyal gyur cig__/ces gsungs pa ltar/__bskal pa bzang po 'di'i tshe lo bzhi khri par 'khor ba 'jigs/__sum khri la gser thub/__nyi khri la 'od srungs rnams byon zhing /__tshe lo brgya pa'i dus 'dir/__gzod ma nas zad dang mi skye shes pa'i go 'phang mngon sum du mdzad kyang /__smon lam dang /__snying rje'i 'phen pas longs spyod rdzogs pa'i rang mdangs las mchog gi sprul pa'i rnam rol du shar ba'i bdag cag gi ston pa/__lha dang bcas pa'i 'jig rten kun gyi ma 'dris pa'i mdza' bshes gcig pu pa/__shAkya'i rgyal po de nyid dga' ldan gyi gnas su/__srid pa tha ma pa'i byang chub sems dpa' dam pa tog dkar por gyur to/__/lha yi 'khor rnams smin par mdzad/__/de nas theg pa chen po'i rgyud bla ma las/__/skye ba mngon par skye ba dang /__/dga' ldan gnas nas 'pho ba dang /__/lhums su zhugs dang bltams pa dang /__/bzo yi gnas la mkhas pa dang /__/btsun mo'i 'khor dgyes rol pa dang /__/nges 'byung dka' ba spyad pa dang /__/byang chub snying por gshegs pa dang /__/bdud sde bcom dang rdzogs par ni/__/byang chub chos kyi 'khor lo dang /__/mya ngan 'das par gshegs mdzad rnams/__/yongs su ma dag zhing rnams su/__/srid pa ji srid gnas par ston/__/zhes mdzad pa bcu gnyis kyi tshul gyis mi rnams kyi don mdzad pa/__de yang mdor bsdu na/__dang por rdza mkhan gyi bu khye'u snang byed du gyur nas/__sangs rgyas shAkya thub pa chen po'i spyan sngar smon pa dang 'jug pa'i bdag nyid can gyi byang chub mchog tu thugs bskyed/__bar du bskal pa grangs med pa gsum du de'i bslab bya bsod nams dang ye shes kyi tshogs rgya mtsho lta bu bsags/__/mthar ma g+ha d+ha rdo rje gdan gyi spor/__/srod la bdud btul/__/gung la mnyam par bzhag__/tho rangs la rig pa gsum bskyed de mngon par rdzogs par sangs rgyas nas/__chos kyi 'khor lo rim pa gsum du bskor zhing yongs su mya ngan las 'das pa'i tshul bstan te/__'phags pa klu sgrub kyis/__/dang por byang chub mchog tu thugs bskyed de/__/bskal pa grangs med gsum du tshogs bsags shing /__/bar du gcod pa'i bdud rnams 'joms mdzad pa/__/bcom ldan seng ge de la phyag 'tshal lo/__/zhes gsungs pa bzhin no/__/ bzhi pa des skyobs pa dam chos ji ltar gsungs pa'i tshul ni/__mngon par rdzogs par sangs rgyas nas zhag bdun phrag bdun lon pa na/__/tshangs pa gtsug phud can dang /__lha'i dbang po brgya byin gyis gsol ba btab ste/__yul wA ra NA sir drang srong lhung ba ri dwags kyi nags su/__'khor lnga sde bzang pos mtshon nyan thos kyi rigs can dpag tu med pa rnams la/__bka' dang po bden pa bzhi'i chos kyi 'khor lo lan gsum du bzlas te bskor ba dang /__/gnas rgyal po'i khab dang /__/bya rgod phung po'i ri la/__'khor rnam pa bzhi dang /__khyad par byang chub sems dpa'i tshogs bsam gyis mi khyab pa la/__bka' bar pa rnam thar sgo gsum gyi don ston pa mtshan nyid med pa'i chos kyi 'khor lo sher phyin stong phrag brgya pa la sogs pa gsungs pa dang /__/gnas gcig tu ma nges par 'khor gdul bya sna tshogs pa'i rigs can la/__bka' tha ma chos thams cad mtshan nyid gsum du gtan la phab pa legs par rnam par phye ba'i chos kyi 'khor lo rgya cher bstan pa la/__chos 'khor rim pa gsum zhes yongs su grags shing /__khyad par gsang sngags kyi tshul rnam las/__rgyud sde 'og ma gsum gyi bya spyod gnyis ni/__ri rab kyi rtse mo dang /__lcang lo can la sogs par ston pa mchog gi sprul sku'i rnam rol gyis gsungs pa dang /__rnal 'byor gyi rgyud rnams 'og min gyi zhing du mngon byang lnga'i rol par sangs rgyas te/__ri rab kyi rtse mor sprul pa'i gzhal yas khang du gsungs pa sogs rgyud so so'i gling gzhi las byung ba ltar yin la/__bla med kyi rgyud las/__dpal gsang ba 'dus pa ni/__o rgyan gyi yul du rgyal po in+d+ra b+hu ti la gsungs pa dang /__dus kyi 'khor lo dpal ldan 'bras spungs su chos rgyal zla ba bzang po la bstan cing /__de'i tshe rgyud sde mtha' dag gsungs par bzhed pa sogs mtha' klas shing /__de dag kyang gdul bya'i blo la ltos nas rim gyis 'jug pa'i skal pa can rnams la chos 'khor gsum po dus so sor bskor ba dang /__gcig car 'jug pa'i rigs can rnams la dus skad cig gcig gis bstan kyang mi 'gal te/__ji skad du/__nga yis ci yang mi gsungs par/__/sems can kun la khyab bdal snang /__/gang tshe rim gyis 'dod pa la/__/de dag kun kyang de bzhin te/__/dus gcig nyid du 'jug pa la/__/chos kyi rnam grangs rdzogs par snang /__/yid bzhin re ba rnam bskang ba'i/__/gsung gi che ba de nyid do/__/zhes gsungs pa'i phyir ro/__/de ltar bskor ba'i chos kyi 'khor lo de nyid/__sdud pa po rnams kyis bka' bsdu ba mdzad pa'i tshul ni/__theg pa chung ngu'i lugs ltar na/__nye ba 'khor gyis 'dul ba/__kun dga' bos mdo sde/__'od srungs chen pos mngon pa rnams dgra bcom pa lnga brgya dang lhan gcig tu/__ston pa mya ngan las 'das nas dus ring por ma lon pa na/__ma skyes dgras dbyar gnas pa'i sbyin bdag byas nas/__rgyal po'i khab n+ya gro d+ha yi phug tu bsdus pa bsdu ba dang po dang /__yangs pa can gyi dge slong rnams kyis rung ba ma yin pa'i gzhi bcu spel ba/__grags pa la sogs pa'i dgra bcom pa bdun brgyas sun phyung zhing /__sde snod gsum rdzogs par bton pa la bsdu ba gnyis pa/__dge slong lha chen pos rung min gyi gzhi lnga bsgrags shing /__so sor thar pa'i mdo bklag tshul ma mthun pa'i dbang gis sde pa bco brgyad du gyes pa'i tshe/__rgyal po ku niSh+kas sbyin bdag byas nas dgra bcom pa lnga brgya dang /__byang chub sems dpal lnga brgya/__so skye'i btsun pa khri drug stong rnams kyis bsdus par bsdu ba gsum pa zhes 'dod/__theg pa chen po ni/__rgyal po'i khab kyi lho phyogs bi ma swa b+ha ba'i ri la rgyal sras 'bum phrag bcu dang lhan cig tu byams pas 'dul ba/__'jam dpal gyis mdo sde/__gsang bdag gis mngon pa'i sde snod rnams bsdus par mdzad pa dang /__khyad par gsang sngags rdo rje theg pa thams cad kyi spyir sdud pa po ni/__/dpal gsang ba 'dzin pa'i bdag po lag na rdo rje ste/__/gzhan du na dus 'khor zla bzang /__/brtag gnyis rdo rje snying po/__sdom 'byung phyag rdor sogs zhu ba po de nyid kyis bsdus par 'dod pa sogs mtha' klas so/__/ lnga pa de las 'dren pa dge 'dun ji ltar dar ba'i tshul la gnyis te/__rgya gar 'phags pa'i yul du ji ltar dar tshul dang /__bod yul du ji ltar dar ba'i tshul lo/__/dang po ni/__theg pa thun mong pa'i lugs ltar na/__ston pa mya ngan las 'das khar bstan pa 'od srung chen po la gtad/__de nas rim par kun dga' bo/__/shA na'i gos can/__nyer sbas/__d+hi ti ka nag po legs mthong chen po rnams kyis snga ma snga mas phyi ma phyi ma la gtad pas bstan pa'i gtad rabs bdun zhes grags/__theg chen thun mong ma yin pa'i lugs ltar na/__lang+kar gshegs pa'i 'grel pa las/__d+hi ti ka yan chad sngar smos pa ltar la/__de nas bi b+ha ga__/bud+d+hA nan+ti/__bud+d+hA mi tra/__dge slong rtsibs/__su noHsha ta/__rta skad/__ma shi ba/__klu sgrub sogs gtad rabs rgyas par bshad pa dang /__gzhan yang yan lag 'byung la sogs pa'i 'phags pa gnas brtan chen po bcu drug gis/__gling bzhi dang /__sum cu rtsa gsum sogs yul so sor dgra bcom pa lnga brgya la sogs pa dang thabs gcig tu bzhugs nas bstan pa rin po che 'dzin par mdzad pa dang /__slob dpon chos skyong /__btsun pa dbyig bshes/__dbyangs sgrog__/sangs rgyas lha rnams la chen po bzhi zhes bya ste/__de re re la'ang 'khor 'bum phrag tu longs pa byon nas theg dman gyi sgron me ches cher sbar/__de nas bram ze chen po sa ra ha'i slob ma zab mo lta ba'i shing rta'i srol 'byed pa po sangs rgyas gnyis pa klu sgrub/__rje btsun byams pa'i slob ma rgya chen spyod pa'i ring lugs kyis dzam bu'i gling thams cad khyab par mdzad pa po 'phags pa thogs med/__/'jam dpal dbyangs kyi rjes su bzung zhing phyogs thams cad las rnam par rgyal ba'i dngos grub brnyes pas dngos stobs rigs pa'i srol 'byed slob dpon phyogs kyi glang po ste gzhung byed pa po gsum dang /__'phags pa klu sgrub kyi slob ma pad+ma'i snying po las brdzus te 'khrungs pa slob dpon Ar+ya de ba/__thog med kyi gcung gzhung 'bum sde dgu bcu go dgu thugs la mnga' zhing /__mang du thos pa rgya mtsho'i mthar son pa kun mkhyen gnyis pa dbyig gnyen/__phyogs kyi glang po'i slob ma/__rgol ba dbang phyug sde'i rjes su zhugs pas phyi rol pa thams cad kyi brtan pa gcig car du 'phrog pa'i byed po dpal chos kyi rtsod pas bstan pa 'dzin pa dpal chos kyi grags pa/__dbang phyug gis bstan pa 'dzin pa chos rgyal mya ngan med ces gtam du grags so/__mchan/__grags pa ste/__'grel pa byed pa po gsum zhes 'dzam gling mdzes pa'i rgyan drug dang /___/__!_rgya gar 'phags pa'i yul du brtul zhugs kyis bstan pa 'dzin pa rnal 'byor dbang phyug biR+Wi pa/__ngo mtshar gyi gtam bdun mnga' ba'i rgyal sras chen po zhi ba lha dang/__rig pa'i gnas yan lag dang bcas pa la mkhas shing dngos grub brnyes pa tsan+d+ra go mI ste rmad du byung ba'i slob dpon gnyis zhes grags pa rnams dang /__phyis su bi kra ma shrI yang nyi zla lta bu'i mkhas pa sgo drug sogs byon nas/__shar sgo srung ba shan+ti pa/__lho sgo srung ba sher 'byung sbas pa/__nub sgo srung ba ngag dbang grags pa/__byang sgo srung ba nA ro pa/__dbus kyi ka chen bram ze rin chen rdo rje/__dz+nyA na shrI mi tra rnams so/__mchan/__theg pa chen po'i bstan pa gzhi bzhengs su bslangs/__gsang sngags kyi rgyud sde rnams ni de rnams las kyang byung mod/__gtso bor bya spyod gnyis slob dpon byang chub mchog dang /__sangs rgyas gsang ba rnal 'byor gyi rgyud rnams rgyal po rab gsal zla ba dang /__paN+Di ta kun dga' snying po sogs kyis rgya cher spel zhing /__khyad par rnal 'byor bla med kyi rgyud rnams ni/__'phags pa klu sgrub slob dpon ye shes zhabs/__grub pa'i dbang phyug lU nag dril gsum/__rje btsun rnal 'byor gyi dbang phyug 'jigs bral dpal ldan chos skyong ste bi rU pa sogs grub chen brgyad cu rtsa bzhi dang /__sham+b+ha la'i sprul pa'i chos rgyal brgyud par bcas pas mtshon ji snyed cig byon te/__dpal gsang ba 'dzin pa'i bdag po dang /__rdo rje rnal 'byor ma sogs las dngos su lung blang zhing /__thugs rje dang rdzu 'phrul rdo rje'i bkod pa zad mi shes pas skal ldan gyi gdul bya rnams mchog thun gyi phrin las rlabs po che la sbyar ba dang /__gsang rgyud rgya mtsho'i bstan pa'i ba dan dkar pos srid zhi'i bla na mdzes par byas so/__/ gnyis pa de nyid bod du ji ltar dar ba'i tshul la/__bstan pa snga dar dang /__phyi dar gnyis las/__dang po ni/__sngar zhus pa ltar/__/'phags pa thugs rje chen po'i byin rlabs las/__byang chub sems dpa' kun tu bzang po'i rnam 'phrul/__lha tho tho ri snyan btsan gyi sku ring la pho brang yum bu bla sgang du dam pa chos kyi dbu brnyes/__spyan ras gzigs dngos srong btsan sgam po'i dus su/__rgya gar gyi paN+Dita bram ze ku sA dang /__shang+ku sogs phebs shing /__lo tsA la snga ba thon mi saM b+ho Tas mtshams sbyar te/__lag na pad+mo'i mdo rgyud nyer gcig la sogs pa bsgyur/__ston pa dngos dang khyad par med pa'i jo shAka rnam gnyis spyan drangs/__dpal g.yo ru khra 'brug bkra shis byams snyoms kyi gtsug lag khang dang /__lha ldan dga' bzhi 'phrul snang gi gtsug khang gis mtshon mang du bzhengs te dam pa chos kyi srol btod/__'jam dbyangs mi'i gzugs can lha btsan po khri srong lde'u btsan gyi sku ring la/__mtshan brjod par dka' ba mkhan chen thams cad mkhyen pa zhi ba 'tsho dang /__brtul zhugs grub pa'i slob dpon pad+ma saM b+ha wa sogs paN grub du ma spyan drangs/__lo tsA ba bai ro tsA na dang /__ka cog gnyis la sogs mkhyen rab nam mkha'i mtha' dang mnyam pa rnams kyi bka' drin las sde snod gsum dang /__rgyud sde bzhi las brtsams pa'i/__rgyal bstan yongs su rdzogs pa bsgyur bshad sgom sgrub kyis gtan la phab/__lugs gsum mi 'gyur lhun gyis grub pa'i gtsug lag khang rten dang brten par bcas pa/__nyi 'og gi sa steng na 'gran zla bral bar bzhengs pa sogs dam pa'i chos dar zhing rgyas par mdzad/__khyad par du dzam bu'i gling na che ba'i rig sngags 'chang ba/__sangs rgyas gnyis pa slob dpon chen pos nang rgyud sde gsum gyi smin grol phog nas rje 'bangs nyer lnga sogs grub pa'i skyes bu bgrang las 'das pa bskrun/__bye brag tu ma hA yo ga'i skor rnams las/__rgyud sde sgyu 'phrul ni/__slob dpon sangs rgyas gsang ba la/__gnyags dz+nyA na ku ma ras gsan pa sogs dang /__sgrub sde bka' brgyad spyi bye brag gi skor rnams/__slob dpon chen po dang /__shin+taM gar+b+ha/__hU~M ka ra sogs las/__mnga' bdag dang /__gnubs chen/__nam mkha'i snying pos mtshon pa'i bka' babs mi brgyad dam/__las can snying gi bu dgur grags pa rnams kyis gsan nas dar/__lung a nu yo ga ni bru sha'i slob dpon che btsan skyes las/__gnubs sangs rgyas ye shes kyis gsan pa dang /__man ngag rdzogs pa chen po a ti yo ga'i skor rnams las sems klong gnyis ni/__shrI sid+ha las bai ro tsa na dang /__man ngag sde ni bi ma lar/__mnga' bdag dang /__nyang gis gsan pa sogs kyi rgyun las byung /__spyir brgyud pa'i bka' babs bzhi'am drug ces gtam du grags shing /__de yang dang po gnyags/__bar du gnubs/__tha ma zur la babs pas/__bod khams thams cad rig sngags 'chang ba'i dbang pos khengs/__de'i tshe slob dpon rin po che dang/__gnubs chen sogs kyis phyi ma'i dus na dgos pa khyad par can gzigs te/__zab mo gter gyis ri brag gangs gsum thams cad bkang ba/__phyis smon lam la dbang ba'i sprul pa'i gter ston chen po rnams kyis spyan drangs te/__de yang bka' brgyad rnam pa gsum dang /__bka' 'dus snga phyi bar gsum dang /__bla rdzogs thugs gsum gyi skor dang /__'jam dpal tshe bdag la sogs pa rnams te/__sngar mnga' bdag nyang yab sras dang /__phyis bka' ma'i bshad sgrub kyi rgyun ni thun mong du 'dzin no/__/lho byang gnyis kho na grags che zhing /__deng sang rdor smin gnyis su grags pa'ang /__snga ma byang gter dang /__phyi ma lho gter gyi brgyud 'dzin las gtso bor byung ba yin la/__gzhan ni grangs kyis mi chod pa zhig byon la/__de dag brgyud pa dang bcas par gsang sngags snga 'gyur rnying ma/__bka' gter gyi ring lugs zhes bya'o/__/de'i rjes su phyag na rdo rje'i sprul pa mnga' bdag khri ral pa can gyis kyang /__yab mes rnams kyi phyag srol ltar sangs rgyas bstan pa la srid zhu rgya cher mdzad do/__/ gnyis pa phyi dar ni/__bar skabs su glang dar ma 'u dum btsan gyi snying la gdon chen po gsol te/__yul dbus kyi bstan pa thams cad ming gi lhag ma tsam du gyur pa na/__smad nas 'dul ba 'dzin pa dmar g.yo gtsang gsum gyis bstan pa'i me ro gsos/__stod mnga' ris su lha bla ma ye shes 'od kyi bdag po'i rkyen la brten nas/__sprul pa'i skyes mchog lo tsA ba chen po rin chen bzang pos 'phags yul dang /__kha che'i paN grub mang po la gtugs nas rdo rje theg pa gtso bor gyur pa'i bstan pa gzhi bzhengs su bslangs pa la brten nas/__phyi 'gyur gsar mar grags pa'i bstan pa rnam par dag pa 'di byung /__/de la yang sngar bka' phyag gnyis dang /__phyis su sa dge bka' gsum kho na dar che zhing /__gzhan yang jo zhal/__zhi gcod/__bo shangs rnams kyi rgyun kyang ma nub tsam yod pa las/__thog mar lha chos bdun ldan gyi bstan pa'i mnga' bdag__lha thub pa/__spyan ras gzigs/__sgrol ma/__mi g.yo ba bzhi/__chos sde snod gsum te bdun no/__/rgyal ba'i bka' thams cad gang zag gcig 'tshang rgya ba'i gdams ngag tu shar ba'i bka' gdams pa'i lugs srol ni/__lnga brgya pa rnams kyi gtsug gi nor bu jo bo rje dpal ldan a ti sha las byung ste/__de yang de nyid kyi slob ma rigs gsum mgon po'i rnam 'phrul khu rngog 'brom gsum dang /__'brom ston pa'i slob ma sku mched gsum zhes/__phu chung ba gzhon nu rgyal mtshan/__spyan snga ba tshul khrims 'bar/__pu to ba rin chen gsal/__phyi ma las/__glang thang pa rdo rje seng ge dang /__sha ra ba yon tan grags sogs bsam gyis mi khyab pa byon te bar skabs shig gangs can gyi ljongs mtha' dag khyab par gyur na'ang /__deng sang ni bstan pa thams cad la thim ste gnas pa las grub mtha' zur pa med do/__/ yongs rdzogs bstan pa'i mnga' bdag dpal sa skya pa ni/__gdung brgyud ji ltar byon tshul dang /__chos brgyud ji ltar 'phel ba'i tshul gnyis las/__dang po ni/__sngon gyi dus 'od gsal lha yi rigs che ba gnam lha spyi ring /__bar pa g.yu ring /__chung ba u se ste gnam lha mched gsum du grags pa yul mnga' ris stod dam 'ga' zhig gis byang gi rgyal mo shel tsha'i 'gram du babs par 'dod/__gang ltar yang g.yu ring gis rmu yi bu mo dang lhan gcig tu zhugs pas/__sras ma sang spun bdun gyi nang nas/__chung ba ma sang rjes mi yul du bzhugs pa'i sras thog tsha dpa' bo stag__/de sras klu tsha dpa' bo che/__de sras 'khon bar skyes te/__'di man la 'khon gyi gdung brgyud ces grags/__de la sras bzhi byung ba'i nang tshan gsum pa 'khon klu dbang srung ba dang /__bzhi pa tshe 'dzin gyi sras rdo rje rin chen gnyis kyis slob dpon chen por gtugs/__de nas bzung 'khon rog shes rab tshul khrims kyi bar gdung brgyud bcu tsam gyi ring la yang phur gtso bor gyur pa'i sngags rnying ma'i chos la mkhas shing grub pa brnyes/__shes rab tshul khrims kyi gcung 'khon dkon mchog rgyal pos 'brog mi lo tsA ba sogs bla mar bsten nas gsang sngags phyi 'gyur gyi bstan pa'i bdag por gyur/__dgung lo bzhi bcu pa chu mo glang gi lor gangs can bod kyi rdo rje gdan dpal sa skya'i gtsug lag khang btab pa nas bzung /__'khon sa skya pa zhes grags dkar gyi snang bas 'dzam gling thams cad khyab/__de nas jo bo rjes/__sa dkar po'i logs la/__d+hI yig bdun dang /__hU~M yig gcig 'dug pa gzigs nas der 'jam dbyangs kyi sprul pa bdun dang /__phyag rdor gyi sprul pa gcig ste brgyad 'byon par lung bstan pa rnams rim gyis byon te/__de yang slob dpon chen pos/__kun dga' snying po sa skya lo tsA dang /__bsod nams rtse mo grags pa rgyal mtshan zhes/__rigs gsum mgon po'i sprul pa gtsang du 'byung /__zhes gsungs pa ltar/__'khon dkon mchog rgyal po'i sras gangs can gyi rdo rje 'dzin pa thams cad kyi gtsug gi nor bu dpal brtse ba chen po kun dga' snying po ni/__lag na pad+mo mi yi rnam rol du bstan pa ste/__chung ngu nas bla ma ba ri lo tsA ba la mdo sngags kyi chos tshul rgya mtsho lta bu gsan/__'jam dpal dbyangs bsnyen pas mngon sum du rjes su bzung zhing blo sbyong zhen pa bzhi bral gyi gdams pa gnang /__brang ti dar ma snying po las mngon pa/__khyung rin chen grags sogs las dbu tshad/__gnam kha'u pa sku mched las gsang 'dus dang /__gnyan mgon gyi chos skor/__gung thang pa bla ma mal lo tsA ba las 'khor lo bde mchog gsang mtha'i skor man ngag dang bcas pa dang yo ga__khyad par 'brog mi lo tsA ba shAkya ye shes kyis rgya gar gyi paN grub rab tu mang po dang /__gtso bor dge slong dpa' bo rdo rje/__grub chen ga ya d+ha ra gnyis las gsan pa'i dpal kye rdo rje'i skor 'grel pa dang /__man ngag gi lugs yongs su rdzogs pa gsung ngag rin po che lam 'bras bu dang bcas pa rnams 'khon skyi chu ba dang /__zhang ston chos 'bar sogs rgyun bzhi'i bla ma las gsan cing /__thun mong ma yin par rnal 'byor gyi dbang phyug bi ru pa chos sgo skyal gyi tshul du byon te rgyud sde bdun cu rtsa gnyis dang /__lcags ri'i khang las mi 'da' ba'i zab chos bzhi la sogs pa gnang /__lam sbas bshad/__lam zab/__bir srung /__rnam 'joms bir lugs bzhi'o/__/sku'i bkod pa drug dus gcig tu bstan pas mtshon grub pa'i dbang phyug chen por gyur/__slob ma mchog thob pa gsum/__bzod thob pa bdun/__rtogs pa dang ldan pa brgyad cu/__gzhung bshad 'dzin pa bcu gcig sogs mtha' klas pa zhig byon pa'i gtso bo ni/__rje btsun sku mched gnyis yin la/__zhing 'dir mya ngan las 'das pa'i tshul bstan pa'i tshe na'ang /__bde ba can/__po tA la/__au D+Di yA na/__byang phyogs gser mdog can rnams su sku'i bkod pa so sor bstan nas gshegs pa sogs ngo mtshar ba'i gtam zad mi shes pa mnga' 'o/__/de la sras bzhi 'khrungs pa'i/__che ba kun dga' 'bar rgya gar du gshegs/__gnyis pa slob dpon mi thub zla ba'i rnam sprul mkhyen rab dang thugs rje tshad med pa'i mnga' bdag slob dpon rin po che bsod nams rtse mo/__gsum pa/__sangs rgyas thams cad kyi gsung gi gsang ba 'dzin pa'i bdag po 'phags yul gyi mkhas grub rnams kyis kyang zhabs kyi pad+mo rtag tu mchod pa rje btsun rin po che grags pa rgyal mtshan te/__de ltar sa chen dang /__rje btsun sku mched gnyis bcas rten skya bor bzhugs pas dkar po rnam gsum zhes grags/__bzhi pa dpal chen 'od po'i sras/__'jam dbyangs mi'i gzugs can bod khams tsam na paN+Di ta'i mtshan gyis snga ba bcu phrag rig pa'i snang byed chen po/__sa gsum na 'gran zla dang bral ba chos kyi rje kun dga' rgyal mtshan dpal bzang po dang /__zangs tsha bsod nams rgyal mtshan gnyis/__phyi ma la sras lcam sring brgyad du 'khrungs pa'i che ba ni/__lung dang mngon par rtogs pa'i yon tan zad mi shes pa'i bdag nyid khams gsum chos kyi rgyal po 'phags pa rin po che blo gros rgyal mtshan dpal bzang po ste/__chos rje khu dbon 'di gnyis rten rab byung du bzhugs pas dmar po rnam gnyis zhes grags shing /__de lta bu'i rje btsun sa skya pa gong ma lnga po 'di ni/__rgyal ba'i gsung rab dgongs 'grel dang bcas pa'i don ma lus par 'khrul pa'i dri ma phra mo tsam yang spangs pa'i mkhyen rab dang /__'gro ba thams cad la bu gcig pa ltar brtse ba'i thugs rje dang /__'dzam gling yangs pa'i rgyal khams kun tu gang gi bka' srol 'dzin pas khyab brdal du gyur pa'i phrin las tshad med pas na/__bde bar gshegs pa'i ring lugs pa mtha' dag thams cad kyi gtsug na sangs rgyas gnyis pa lta bur bzhugs pa'i phyir/__sku gsung thugs che ba'i yon tan las brtsams te bsngags brjod kyi gling bu bskal par bsgyur kyang zad mi shes pa nyid do/__/'phags pa'i gdung 'gro mgon phyag na'i sras chos skyong srung bas kyang gdan sa lo shas bzung /__de rjes slob dpon ye shes 'byung gnas kyi sras bdag chen bzang po dpal gdan sar phebs/__'di la sras ming sring bco lnga 'khrungs/__ti shrI kun dga' blo gros kyis/__bla brang khag bzhir bgo nas gcung rnams la byin pas/__gzhi thog bla brang /__lha khang chen mo/__rin chen sgang /__dus mchod bla brang rnams byung /__deng sang gi gdung brgyud 'di rnams dus mchod bla brang gi zhal ngo ste/__gdan sa dngos rtse gdong yin yang /__gdung rabs brgyad pa sngags 'chang kun dga' rin chen gdan sa gong sa skyar phebs/__de sras grags pa blo gros/__de sras 'jam mgon a mes zhabs ngag dbang kun dga' bsod nams/__de sras 'jam dbyangs bsod nams dbang phyug__/de sras kun dga' bkra shis/__de sras bdag chen bsod nams rin chen/__de sras ngag dbang kun dga' blo gros/__de sras ngag dbang dpal ldan chos skyong ngam/__'dzam gling dbang sdud snying po/__de sras bdag chen pad+ma bdud 'dul dbang phyug sku mched/__de sras 'khon ston bkra shis rin chen dang /__ngag gi dbang po rdo rje rin chen mched zhal gyi bar du byon pa dang /__yang sngar zhus pa'i rin chen sgang pa'i zhal ngo dang po'i sras dpal ldan bla ma dam pa bsod nams rgyal mtshan/__zhes rje btsun gong ma lnga dang dbyer med pa'i mkhas grub chen po de nyid kyis spyir bstan 'gro yongs la bka' drin chen pos khyab par mdzad cing /__khyad par du dpal sa skya pa'i zab chos rnams la tshogs bshad dang /__slob bshad gnyis su phye ba'i srol btod do/__/gnyis pa chos brgyud ji ltar byung tshul ni/__spyir rje btsun sa skya pa yab sras rnams la zab cing rgya che ba'i gdams pa rgya mtsho lta bu bka' babs shing /__mkhas grub kyi grags dkar srid pa'i rtse mor g.yo ba la brten nas 'phags bal/__bod ljongs ma hA tsi na'i gzhir 'khod pa'i che dgu mtha' dag gis dngos dang brgyud nas zhal gyi bdud rtsi gsol ba'i tshul mtha' yas shing /__khyad par 'gro ba'i mgon po chos rgyal 'phags pa rin po che de nyid gong ma se chen gan dang yon mchod du 'brel ba'i stobs kyis phrin las nam mkha'i mtha' dang mnyam par song bas/__bod gangs can tsam na 'di nyid kyi chos rgyun gyis ma khyab pa med pa lta bur snang ba'i phyir/__yongs rdzogs bstan pa'i mnga' bdag ces brjod pa ming don dang mtshungs par snang la/__bye brag tu phyis su/__mdo la mkhas pa g.yag gzhon rnam gnyis sam/__g.yag rong rnam gnyis dang /__sngags la mkhas pa kun dga' rnam gnyis/__gnyis ka la mkhas pa go shAg rnam gnyis zhes dpal ldan sa skya pa'i bstan 'dzin chen po gangs can mdzes par byed pa'i rgyan drug tu grags pa byung ba las/__kun mkhyen g.yag phrug pa sangs rgyas dpal gyis sa skya dang rtse gdong sogs su gsan bsam mdzad cing 'dul mngon phar tshad rnams la mkhas pa'i pha rol du son pa'i lag rjes su slob ma gzhung lugs smra ba'i dbang po sa chen po'i rdul tsam zhig bskrun/__re mda' ba gzhon nu blo gros kyis sa bzang ma ti paN chen sogs gtso bor bsten nas mdo sngags kyi phyogs la gsan pa rgya cher mdzad/__dbu ma thal 'gyur ba'i srol lhag par phyes/__slob ma'ang /__rje blo bzang grags pa dang /__rgyal tshab dar ma rin chen sogs mang du byon/__slob dpon ka ma la shI la'i sprul pa rong ston shes bya kun gzigs sam/__shAkya rgyal mtshan gyis kun mkhyen g.yag pa sogs gtso bor bsten nas gzhung lugs rab 'byams la sbyangs/__dbu ru 'phan yul du dpal nA len dra'i chos grwa btab/__sku tshe hril por 'chad rtsod rtsom gsum gyi sgo nas bstan pa skyong bar mdzad do/__snyigs ma'i dus kyi thams cad mkhyen pa rgyal ba gnyis pa ngor chen rdo rje 'chang kun dga' bzang po ni/__dam pa'i chos pad+ma dkar po las/__/ngas ni dge slong dge 'dun mos par byas/__/kun dga' bzang po nga yi chos 'dzin pa/__/bde gshegs bye ba drug cu mchod byas nas/__/ma 'ong dus kyi tshe na rgyal bar 'gyur/__/zhes pa la sogs pa'i lung bstan gyi bden pa'i rnga bo che yongs su bsgrags pa ltar/__phyi ltar na bod chos rgyal gyi sku zhang lcog ro'i rigs dang /__don du 'od gsal 'khon gyi gdung brgyud las rab byung drug pa'i chu khyi lor 'khrungs/__/shar chen ye shes rgyal mtshan/__grub chen bud+d+ha shrI/__sa bzang 'phags pa sogs las mdo sngags rig gnas dang bcas pa'i gsan pa rgya mtsho'i pha rol du son/__de dag gi don la bsam pa dang /__tshul bzhin bsgoms pas/__mkhas grub kyi go 'phang mthon por gshegs/__sa bya lor yon tan rin po che du ma'i 'byung gnas dpal e waM chos ldan gyi dgon pa btab cing /__chos kyi 'khor lo rgya chen rgyun mi chad par bskor nas bstan 'dzin gyi slob ma mtha' klas pa bskrun/__dgung lo bdun cu don lnga par grub mtha' snyogs te gzugs sku'i bkod pa bsdus/__de nas gdan sar rim pa bzhin/__mus chen sems dpa' chen po dkon mchog rgyal mtshan/__'jam dbyangs shes rab rgya mtsho/__rgyal tshab dam pa kun dga' dbang phyug__/ngor chen dbon po/__mkhas grub dpal ldan rdo rje/__kun mkhyen bsod nams seng ge__/yongs 'dzin dkon mchog 'phel ba/__rje btsun sangs rgyas rin chen/__rgyal ba lha mchog seng ge__/thams cad mkhyen pa dkon mchog lhun grub/__'jam dbyangs sangs rgyas seng ge__/mtshungs med dkon mchog dpal ldan/__/paN chen nam mkha' dpal bzang /__thar rtse/__byams pa kun dga' bkra shis/__klu sding /__'jam dbyangs kun dga' bsod nams/__mkhas grub dpal ldan don grub/__mkhan chen nam mkha' sangs rgyas/__thar rtse/__shar chen shes rab 'byung gnas/__klu sding /__mkhan chen nam mkha' rin chen/__'dren mchog bsod nams rgya mtsho/__khang sar/__'jam dbyangs dpal mchog rgyal mtshan/__'dren mchog nam mkha' dpal bzang /__'jam mgon lhun grub dpal ldan/__mkhas grub sangs rgyas phun tshogs/__shar chen sangs rgyas bstan 'dzin/__klu sding /__mkhan chen shes bya bzang po/__byams pa tshul khrims dpal bzang /__mtshungs med bsod nams dpal ldan/__byams pa bsod nams bzang po/__khang sar/__mkhan chen bkra shis lhun grub/__byams pa tshul khrims lhun grub/__byams pa nam mkha' bsam 'grub/__thar rtse/__byams pa dpal ldan chos skyong /__phan khang /__mkhas grub sangs rgyas dpal bzang /__'jam mgon bsod nams lhun grub/__khang sar/__rin chen mi 'gyur rgyal mtshan/__klu sding /_'jam mgon sangs rgyas ye shes/__'jam dbyangs dkon mchog grags pa/__khang sar/__ngag dbang chos skyong bzang po/__khang sar/__mkhas grub sangs rgyas grags pa/__mtshungs med phun tshogs don grub/__mkhas grub kun dga' bsod nams/__byams pa nam mkha' 'chi med/__thar rtse/__mkhas grub ngag dbang dam chos/__mkhan chen bsod nams dpal 'byor/__byams pa kun dga' bstan 'dzin/__thar rtse/__ngag dbang blo gros bzang po/__khang sar/__'jam mgon dpal ldan don grub/__byams pa dpal ldan bzang po/__phan khang /__bdag cag yongs kyi 'dren pa mtshan brjod par dka' ba/__don gyi slad du mtshan nas smos te brang ti mkhan chen rdo rje 'chang rnal 'byor 'jam dpal bzang po'i zhal snga nas kyi bar/__'di'i rjes la deng sang khang sar mkhan chen ngag dbang blo gros bstan 'dzin bzhugs/__mkhan brgyud mu tig phreng ba bstar la brgyus pa ltar byon pa rnams kyang rang don du thos bsam sgom gsum gyi pha rol du son/__gzhan don du 'chad rtsod rtsom gsum gyi bgyi bas rgyal bstan nyin mo ltar mdzad/__gnyis ka'i don du mkhyen brtse nus pa'i yon tan zad mi shes pa dang ldan pas/__dam pa'i tshul dgu'i rnam thar gyis mdzes pa sha stag yin no/__/yang mus chen gyi slob ma/__bdag chen rdo rje 'chang blo gros rgyal mtshan dang /__de'i slob ma rje btsun rdo ring pa kun bzang chos kyi nyi ma/__de yi slob ma rdo rje 'chang mi yi gzugs can tshar pa chos rje blo gsal rgya mtsho/__de'i slob ma gnas gsar pa rje mkhyen brtse dang /__mang thos klu sgrub rgya mtsho sogs brgyud par bcas pa la tshar lugs zhes grags shing /__dpal sa skya pa'i snyan brgyud thun mong ma yin pa'i bstan pa'i srog shing mtshungs pa dang bral ba las rim gyis mched de/__phyis su bdag chen 'jam pa'i dbyangs kun dga' blo gros yab sras dang /__thar rtse rdo rje 'chang byams pa nam mkha' 'chi med khu dbon/__yar klung rdo rje 'chang nam mkha' legs pa lhun grub sogs kyi bar du byon nas deng sang yang chos brgyud dar rgyas su gyur to/__/rdzong pa kun dga' rgyal mtshan ni/__zhang ye shes sde'i rigs su 'khrungs/__theg chen chos kyi rgyal po'i slob ma bla brang rdzong chung pa'i lugs srol gtso bor bskyangs pas mtshan de skad du grags/__gtsang du mus srad pa sogs dang /__phyis dbus su mthu stobs kyi dbang phyug thon ston rdo rje 'chang kun dga' rnam rgyal gyis gong dkar rdo rje gdan gyi chos grwa btab ste chos brgyud rgya cher spel lo/__/kun mkhyen go bo rab 'byams pa bsod nams seng ge dang /__paN+Di ta chen po shAkya mchog ldan gnyis ni mdo phyogs la g.yag rong rnam gnyis kyi grub mtha' 'dzin zhing /__sngags kyi rgyud sde rnams kyi smin grol bshad bka' la sogs pa rje btsun ngor pa las gsan/__snga mas gtsang rta nag tu thub bstan rnam rgyal gling btab cing /__phyi mas thub bstan gser mdog can gyi grwa tshang btsugs te 'chad nyan gyi srol rgya cher btod pas bstan pa la gcig tu bka' drin che'o/__/ dpal mnyam med ri bo dge ldan pa ni/__'jam dpal dbyangs dngos rgyal ba gnyis pa rje btsun blo bzang grags pa'i ring lugs las byung ste/__de yang rab byung drug pa'i me bya lor/__shar tsong kha'i yul du sku 'khrungs/__dbus gtsang du phebs nas mtshan nyid/__sa rngog gnyis kyi bshad srol dang /__sngags bu lugs gtso bor bton pa'i gsan bsam rgya cher gnang /__bar skabs su bya bral ba'i tshul gyis sgrub pa la snying por gzhol bas/__rje btsun 'jam dpal dbyangs kyis rjes su bzung ste/__shing rta chen po gnyis kyi ring lugs la sngon med pa'i spobs pa'i gter mdzod yongs su grol te bstan bcos kyang rgya cher mdzad/__dgung lo lnga bcu rtsa gsum pa sa mo glang gi lor 'brog ri bo dge ldan rnam par rgyal ba'i gling btab cing /__drug cu rtsa gsum par sku gshegs/__gdan sar rgyal tshab dar ma rin chen dang /__mkhas grub dge legs dpal bzang bzhugs te/__'di gsum la rje yab sras gsum zhes yongs su grags/__de nas zhwa lu pa legs pa rgyal mtshan sogs 'jam dbyangs gtsang pa bdun brgyud nas/__rgyal tshab/__mkhas grub gnyis zhwa lu pa legs pa rgyal mtshan/__g.yag sde blo gros rgyal mtshan/__ba so chos kyi rgyal mtshan/__shangs pa blo gros brtan pa/__g.yas ru pa smon lam dpal ba ste bdun no/__/de nas bzung deng sang khri 'jam dpal tshul khrims dang /__khri chen no min han ngag dbang 'jam dpal tshul khrims rgya mtsho'i bar mkhan brgyud bdun cu rtsa lhag byon te bstan pa nyin mo ltar mdzad/__gzhan yang rje nyid kyi dngos slob 'jam dbyangs bkra shis dpal ldan gyis dga' ldan btab nas lo brgyad lon pa na dpal 'bras spungs kyi chos grwa dang /__byams chen chos rje shAkya ye shes kyis lo bcu gcig lon pa na se ra theg chen chos gling /__stod sher seng gis sras rgyud grwa tshang dang dbus kyi rgyud smad pa/__smad sher bzang gis chab mdo chos 'khor byams gling rnams btab/__khyad par 'brom ston rgyal ba'i 'byung gnas kyi rnam 'phrul paN chen dge 'dun grub/__sa skya dang nye bar 'khrungs/__pas dga' ldan btab nas lo nyer dgu lon pa na gtsang du bkra shis lhun po'i grwa tshang btsugs/__de yi skye ba gnyis pa dbyangs can mgrin par chags pa dge 'dun rgya mtsho/__gtsang rta nag du 'khrungs/__chos dang srid kyis mngon par mtho ba gsum pa bsod nams rgya mtsho/__stod lung rtse dkar/__mthu stobs gyi dbang phyug bzhi pa yon tan rgya mtsho/__sog yul/__srid dang zhi ba thams cad kyi gtsug rgyan kun gzigs lnga pa rin po che ngag dbang blo bzang rgya mtsho/__yar klung 'phyong rgyas su/__grub pa'i 'khor los sgyur ba drug pa rin po che tshangs dbyangs rgya mtsho/__mon du pad gling gi gdung brgyud du/__mkhas btsun bzang po'i pha rol du son pa bdun pa bskal bzang rgya mtsho/__li thang /__byang chub sems dpa' chen po brgyad pa 'jam dpal rgya mtsho/__dbus su/__ngo mtshar yon tan du ma'i mnga' bdag dgu pa lung rtogs rgya mtsho/__ldan chos 'khor du/__rmad du byung ba'i rnam par thar pas mdzes pa bcu pa tshul khrims rgya mtsho/__li thang /__gangs can bstan 'gro'i rtsa lag da lta zhal bzhugs pa'i bcu gcig pa ngag dbang mkhas grub rgya mtsho'i mgar thang /__bar du byon nas 'dzam gling yangs pa'i ljongs thams cad la mnga' mdzad pa'i chos kyi 'khor los sgyur ba chen po gyur/__bkra shis lhun po'i gdan sa dngos ni/__phyis su paN chen rin po che nas bskyangs te/__de yang mkhas grub dge legs dpal bzang gi sku skye ba bsod nams stobs kyi glang po/__de'i skye ba rgyal ba blo bzang grags pa'i snyan rgyud rgya mtsho'i bstan pa'i srog shing dben sa ba blo bzang don grub/__de'i skye ba paN chen rin po che blo bzang chos kyi rgyal mtshan te/__gtsang rong chen/__'di ni phyis byung gi dge ldan pa'i bstan 'dzin tshad ma thams cad kyis gtsug gi nor bu ltar bsngags 'os kyi yul du gyur pa zhig go__/de'i skye ba paN chen blo bzang ye shes dang /__gtsang thob rgyal/__paN chen dpal ldan ye shes/__shangs lha phur/__da lta zhal bzhugs pa'i mchog sprul dpal ldan bstan pa'i nyi ma'i bar du/__gtsang pa gnam du/__byon pa dang /__thams cad mkhyen pa zhi ba 'tsho'i rnam 'phrul de mo ho thug thu/__ba so chos kyi rgyal mtshan gyi skye brgyud rta tshag rje drung rin po che/__'khon klu dbang srung ba sogs kyi rnam 'phrul tshe smon gling no min han/__slob dpon Ar+ya de ba dang /__shAn+ta de ba'i rnam 'phrul/__chab mdo'i sprul sku mched/__rngog lo tsA ba blo ldan shes rab dang /__legs pa'i shes rab kyi zlos gar brag g.yab che tshang chung tshang /__rje yi dngos slob gu Na shrI dpal ldan don grub kyi skye brgyud stag phu sprul sku/__/mkhas pa'i dbang po 'jam dbyangs bzhad pa'i rdo rje/__lung dang rtogs pa'i yon tan mngon par mtho ba phur bu lcog byams pa rin po che/__rgyal ba bskal bzang rgya mtsho'i yongs 'dzin khri chen rdo rje 'chang chen po'i skye sprul ra sgreng no min han/__skyabs mgon 'jam dpal rgya mtsho'i yongs 'dzin che mchog bsam gtan gling gi paN+Di ta ye shes rgyal mtshan rnams dang /__gzhan yang tA kau shrI ste chab srid chen po'i bla mar bsngags pa lcang skya thams cad mkhyen pa/__jo nang ta ra nA tha'i zlos gar khal kha rje btsun dam pa sogs phyogs mtha'i bla chen/__lo sems dpa' rin po che/__'on rgyal sras rin po che/__'ol ka rje drung rin po che ste bod kyi sprul sku rnam gsum du grags pas mtshon bstan 'dzin che phra bsam las 'das pa zhig byon te/__bod sog nas bzung shar phyogs rgya nag gi yul gru tshun chad du bstan pa nam langs pa'i rjes su nyi ma shar ba lta bur mdzad do/__/ mnyam med dwags po lha rjes dang por bka' gdams pa'i chos kyi bdud rtsi gsol zhing /__phyis su phyag rgya chen po'i brgyud pa rin po cher zhug nas chu bo gnyis 'dres su gyur par bka' brgyud ces pa'i mtshan gyis mdzes pa ni/__gtso bor rje btsun mar pa lo tsA ba chos kyi blo gros las byung ste/__de yang lho brag chu khyer du sku 'khrungs/__'brog mi lo tsA ba las sgra bslab/__rgya gar du lan gsum byon/__paN chen nA ro pa/__mnga' bdag me tri pa/__dpal ye shes snying po/__grub chen zhi ba bzang po sogs mkhas grub kyi bla ma brgya rtsa brgyad la gtugs/__rgyud dang man ngag rgya mtsho'i mnga' bdag tu gyur/__bod du phebs nas slob ma bskyangs te/__mes rngog mtshur gsum la bshad rgyud dang /__gangs khrod grub rigs rgya mtsho'i spyi mes gung thang pa rje btsun rin po che mi la bzhad pa'i rdo rjer sgrub brgyud bstan pa gtad pas ka chen bzhi zhes grags/__mi la'i slob ma nyi ma lta bu dwags po lha rje ste/__zla 'od gzhon nu ni gnyal snying lung du 'khrungs/__bya yul pa/__ka rum pa/__lcags ri gang kha pa rnams las bka' gdams dang /__rje mi la las phyag rgya chen po'i gdams ngag gsan nas thugs nyams su bzhes pas ting nge 'dzin dpag tu med pa 'khrungs/__phyis bla mas lung bstan pa'i gnas dwags la sgam por bzhugs/__bka' brgyud stong gi chu mgo lta bur gyur/__dgung lo bdun cu rtsa lnga par gshegs so/__/de'i slob ma'i gtso bo ni rje phag mo grub pa/__sgom tshul tshul khrims snying po/__'ba' rom ras pa/__grub thob dbu se ste bzhi las/__dang po phag mo gru pa rdo rje rgyal mtshan ni khams su 'khrungs so/__/dbus gtsang du phebs nas phya pa dang sa chen sogs bla ma mang du bsten/__dwags po lha rje las rtogs pa brnyes/__sku tshe'i smad la dam shod phag mo gru kun tu bzang po'i nag khrod du bzhugs/__dgung lo re gcig par gshegs/__de'i slob ma bka' brgyud zung bzhi'am/__ya brgyad grags pa byung ste/__de yang 'phags pa klu sgrub kyi rnam 'phrul mdo khams skyu ra'i gdung brgyud 'bri gung pa 'jig rten gsum gyi mgon po rin chen dpal dang /__bla mar mos gus thun gcig gis grol ba g.yang shod gzi'i gdung las son pa'i dpal stag lung thang pa bkra shis dpal ste 'bri stag gnyis/__mon zar pa ye shes seng ge'i slob ma lugs gnyis kyis mngon par mtho ba rgyal ba g.ya' bzang pa dang /__sge phu shug gseb pa gyer sgom chen po ste g.ya' shug gnyis/__khams smar shod du 'khrungs pa'i chos rje smar pa shes rab ye shes dang /__mdo khams zla rgyud pa sangs rgyas spel ba ye shes brtsegs ste smar spel gnyis/__gnubs chen nam mkha'i snying po'i gdung brgyud rin chen rgyal mtshan dang /__kun ldan ras chung mched las byung ba'i khro phu ba dang /__rgya gar gyi chu bo gang+gA tshun du rtogs pa mtho bar grags pa sna phu gling ras pa pad+ma rdo rje la khro gling gnyis zhes grags shing /__phyi ma las don brgyud 'brug pa zhes phyogs thams cad du khyab pa'i phrin las can 'di yang byung ba yin te/__grub chen gling gi slob ma na ro pa'i sprul pa gtsang pa rgya ras ye shes rdo rje la zhang gis lung bstan nas klong rdol dgon dang /__gling gis lung bstan nas ra lung /__karma pas lung bstan 'brug dgon pa rnams btab/__ro snyoms skor gter nas bzhes shing rgya cher spel/__de yi slob tshogs bsam gyis mi khyab pa'i nang /__rgyal ba rgod tshang pa mgon po rdo rje las stod 'brug gnam gyi skar ma lta bu dang /__rje lo ras pa grags pa dbang phyug las smad 'brug sa yi dregs pa lta bu zhes grags pa byung /__gdan sa ra lung du dbon brgyud mnyam med seng ge dgu tshar dang /__de'i rjes su rgya ras rnam 'phrul 'brug pa rgyal dbang rje ngag dbang chos rgyal/__rgyal dbang rje yi skye sprul 'jam dbyangs chos kyi grags pa dang /__kun mkhyen pad+ma dkar po sogs 'brug pa thams cad mkhyen pa'i mchog sprul rim byon rnams phebs/__gnyis pa sgom pa tshul khrims snying po nas dbon brgyud dang /__skye sprul sogs rim byon la gdan sa bka' brgyud dang /__yang de'i slob ma zhang g.yu brag pa 'gro ba'i mgon po las tshal pa bka' brgyud du grags pa byung /__gsum pa byang 'ba' rom brag phug tu gdan sa mdzad pa'i ras pa dar ma dbang phyug slob tshogs bcas pa las 'ba' rom bka' brgyud dang /__bzhi pa khams pa dbu se'am/__karma pa dus gsum mkhyen pa las bka' brgyud thams cad kyi snying po kaM tshang bka' brgyud ces byung ste/__de yang khams kre shod du 'khrungs/__dbus gtsang du byon nas dam pa chos kyi sgro 'dogs bcad/__khyad par 'gro mgon dwags po lha rje'i thugs sras kyi gtso bor gyur/__khams su karma'i dgon dang /__dbus stod lung du mkha' spyod dpal gyi mtshur phu sogs btab/__don brgyud gyi bstan pa sangs rgyas ras chen la gtad/__dgung lo gya bzhi par gshegs/__de'i skye sprul rim par/__gnyis pa karma pak+shi/__mdo smad le'i tshan tor/__gsum pa thams cad mkhyen pa rang byung rdo rje/__mang yul gung thang /__bzhi pa chos rje rol pa'i rdo rje/__stod a la rong /__lnga pa de bzhin gshegs pa/__nyang po'i yul/__drug pa mthong ba don ldan/__ngom gyi sa/__bdun pa chos grags rgya mtsho/__stod kyi mdor/__brgyad pa kun mkhyen mi bskyod rdo rje/__ngom/__dgu pa dbang phyug rdo rje/__kre shod/__bcu pa chos dbyings rdo rje/__'gu log__/bcu gcig ye shes rdo rje/__'gu log__/bcu gnyis byang chub rdo rje/__dbon po stod/__bcu gsum bdud 'dul rdo rje/__lho gnas dge ri/__bcu bzhi pa deng sang zhal bzhugs pa'i khyab bdag theg pa mchog gi rdo rje'i bar/__ri bo cher 'khrungs/__byon pa rnams dang /__rje rang byung ba'i thugs sras kyi gtso bo rtogs ldan grags pa seng ge nas rim par brgyud pa'i zhwa dmar ba rim byon dang /__ras chen bsod nams rgya mtsho'i zlos gar phyi ma si tu chos kyi rgyal mtshan sogs nas/__ma hA paN+Di ta chos kyi 'byung gnas dang /__mchog gi sprul pa'i sku pad+ma nyin byed dbang po'i bar byon pa'i si tu'i rabs/__gter ston rin chen gling pa'i skye ba dpa' bo chos dbang lhun grub sogs rje dpal bo na rim/__gau shrI dpal 'byor don grub nas rgyal tshab rim byon gyis mtshon bod khams kyi ljongs 'dir chos grwa dang slob rgyun rgya cher 'phel/__gzhan yang mi la'i slob ma zla ba lta bu ras chung pa las ras chung snyan brgyud/__ngan rdzong ston pa b+ho d+hi rA dza las ngan rdzong snyan rgyud sogs mang du mched do/__/ de dag tu ma 'thus pa'i grub mtha' zur pa phra mo ni/__kun spangs thugs che brtson 'grus nas rim par byon zhing /__kun mkhyen dol bu pa shes rab rgyal mtshan kyi rings la dar zhing rgyas par mdzad nas/__phyis thams cad mkhyen pa ta ra nA thA sogs kyis bskyangs pa'i jo nang lugs dang /__brag ston rgyal mtshan dpal bzang gi sras rtsod pa'i dus kyi thams cad mkhyen pa bu ston rin chen grub kyis mdo sngags rgyud sde rgya mtshor mang du thos pa'i mthar son par mdzad nas/__'chad rtsod rtsom gsum gyis rgyal bstan rmang nas gsol ba'i phrin las kyi rgyun dpal zhwa lu gser khang gi chos grwar gnas pas zhwa lu pa'i lugs su grags pa ste/__jo zhwa lu gnyis/__dpang lo tsA ba'i dbon brgyud bo dong 'jigs bral lam/__chos kyi rgyal mtshan zhes grags par rdo rje sems dpas/__gsang ba'i mdzod chen po byin nas mdo rgyud dgongs 'grel dang bcas pa rang stobs kyis bkral ba'i bstan bcos pod brgya phrag thal ba mdzad de dpal mo chos sding sogs su phrin las bskyangs pa la bo dong pa'i lugs dang /__rgyud sde lnga yi ngo bor bzhugs pa'i grub thob chen po khyung po rnal 'byor brtson 'grus mgon gyis ye shes kyi mkha' 'gro ni gu ma dang /__mnga' bdag me tri pa/__bla ma rdo rje gdan pa sogs paN grub brgya dang lnga bcu lhag tsam bsten cing dam pa'i chos kyi bdud rtsi ngom pa med par gsol/__bod du phebs nas shong du zhong zhong dgon btab/__de nas brgyud pa rin chen sna bdun du grags pa'i bdun pa rdo rje 'chang /__ni gu ma/__khyung po rnal 'byor/__rmog lcog pa rin chen brtson 'grus/__skyer sgang pa chos kyi seng ge/__/'gro mgon gnyan ston/__sangs rgyas ston pa ste bdun no/__/mkhas grub sangs rgyas ston pa nas rgya cher 'phel ba la dpal ldan shangs pa bka' brgyud ces grags pa ste bo shangs gnyis/__grub pa'i dbang phyug dam pa rgya gar kyis bde gshegs bcu gnyis dang /__ngo mtshar mkha' spyod kyi bla ma so drug sogs las dngos su gsan pa'i gdams pa rgya mtsho lta bu rnams gdul bya'i dbang po dang 'tshams par bod yul 'dir snga phyi bar gsum du gsungs pa'i brgyud 'dzin rnams las zhi byed pa dang /__de las yar klung sma ra ser po dang /__skyo ston bsod nams bla ma dag brgyud de/__yum chen mo mi mo'i gzugs can ma cig lab kyi sgron mas rgya cher spel ba la gcod yul du grags pa ste zhi gcod gnyis dang gzhan yang phyag rgya chen po'i brgyud pa la snga phyi bar gsum dang /__gyi gyo dang /__ra 'bro sogs nas brgyud cing /__bu dol gnyis kyis rtsal du bton pa'i dpal dus kyi 'khor lo'i rdzogs rim sbyor ba yan lag drug dang /__grub chen o rgyan pa rin chen dpal gyis sprul pa'i zhing d+hu ma tha lar mkha' 'gro'i gtso mo rdo rje rnal 'byor ma las dngos su gsan pa'i o rgyan bsnyen sgrub dang /__grub chen mi tra dzo ki dang /__byang sems zla ba rgyal mtshan sogs las brgyud pa'i thugs rje chen po'i skor dang /__paN chen a b+hA ya kA ra gup+tas bkral zhing bod yul du kha che paN+Di ta shAkya shrI/__chag lo tsA ba chos rje dpal/__paN+Di ta nags kyi rin chen sogs kyis rgya cher spel ba'i rdo rje phreng bas mtshon chos bka' mtha' yas pa zhig byung ba las/__phal cher ni deng sang yang ma nub par bzhugs so/__/ drug pa sa skyong rgyal po'i rgyal rabs ni/__rgya gar 'phags pa'i yul du mang pos bkur ba'i rgyal po nas bzung ste/__bdag cag gi ston pa'i bar la/__rgyal rabs 'bum phrag dgu dang sum khri bdun stong lnga brgya so gcig byung bar bshad la/__ston pa zhal bzhugs pa'i dus rgyal po'i khab tu gzugs can snying po dang /__de'i sras ma skyes dgra sogs bstan pa la gus pas mchod pa mang po dang /__bar skabs su chos rgyal chen po mya ngan med dang /__phyis su rgyal po d+harma pA la sogs kyis bde bar gshegs pa'i ring lugs mtha' dag la bsnyen bkur rgya cher mdzad do/__/bod yul dbus su rgya gar 'phags pa'i yul gyi rgyal rigs las son pa chos rgyal gnya' khri btsan po sogs gnam gyi khri bdun/__bar gyi steng gnyis dang legs drug__15__/sa yi sde brgyad/__'og gi btsan bzhi ste nyer bdun rim par byon pa'i dus su chab srid sgrungs dang rde'u bon rnams kyis bskyangs/__tho ri gnyan 28btsan gyi dus su za ma tog 77sogs nam mkha' 2nas 9babs te dam pa'i chos 15kyi dbu brnyes/__de nas rgyal rabs lnga pa rgyal po srong btsan 33sgam po dang /__de nas gdung rabs bzhi pa khri lde gtsug brtan37/__de'i sras khri srong lde'u btsan/__de'i sras mu ni btsan po dang 39/__sad 3na legs 'jings yon/__mu tig btsan po/__de'i sras mnga' bdag khri ral pa can sogs kyis sangs rgyas kyi bstan pa nyin mo ltar mdzad/__de nas re zhig glang dar mas bstan pa bsnub kyang /__de'i sras 'od srungs dang yum brtan gnyis las stod la mnga' ris pa/__yul dbus sogs su gdung brgyud byung ba rnams kyis kyang /__rang rang gi stobs 'byor dang bstun pa'i bstan pa la sri zhu rgya cher mdzad mod/__bod khams thams cad la dbang bsgyur ba'i rgyal po ni ma byung zhing /__de tsam nas rje btsun sa skya pa chen po 'gro mgon 'phags pa rin po che hor gyis gdan drangs te/__bod khri skor bcu gsum gyi bdag por mnga' gsol ba nas lo brgyad cu tsam bskyangs/__de nas rab byung lnga pa'i sa glang nas/__dbus phyogs phal cher ni tA si byang chub rgyal mtshan gyis bzung zhing /__shing rta nas gtsang phyogs phal cher yang bzung nas/__lo brgyad cu gya bdun gyi bar du dbus gtsang gi mthil rnams sde srid phag mo grub pas dbang mdzad/__shing yos la rin spungs pa nor bu bzang pos gtsang gi gzhis ka bsam 'grub rtse bzung ba nas/__rim par dbus gtsang gi gzhung phal cher kyang bzung /__de nas sde pa tshe brtan rdo rje yab sras kyis bsam 'grub rtse dang /__karma phun tshogs rnam rgyal gyis yab rgyal gzhung bzung nas dbus gtsang thams cad phyag tu bzhes/__de'i sras karma bstan skyong dbang po'i dus/__sog po go shrI bstan 'dzin chos rgyal gyis bod khri skor bcu gsum dbang du mdzad/__rgyal dbang lnga pa rin po cher chos gzhis su phul/__rab byung bcu bzhi pa'i sa rta lo nas bzung /__dga' ldan pho brang yon mchod kyis sa chen chos bzhin du bde bar skyong /__de yang sde srid bsod nams rab brtan dang /__bstan 'dzin chos rgyal gnyis la rgyal po mchod yon du grags/__rgyal po dang sde srid 'das nas/__slar yang sde srid phrin las rgya mtsho/__blo bzang sbyin pa blo bzang mthu stobs/__rgyal po paN+Di ta sangs rgyas rgya mtsho rnams rim par bskos/__de rjes sog po'i rgyal po lha bzang dang /__de nas drung sog po sgar gyis rim par bzung yang shar phyogs gong ma'i dpung gis bskrad de chab srid thams cad rgyal ba bskal bzang rgya mtsho'i phyag tu bkal/__sde srid d+hA chings khA thur/__mi dbang bsod nams stobs rgyal/__sras ching wa dA las pA thur sogs kyis mdzad/__rgyal ba thams cad mkhyen pa mya ngan las 'das nas/__rgyal tshab de mo/__bstan rgyas gling pa/__'dis bsam yas zhig gsos mdzad/__tshe smon gling pa/__de nas khri chen no min han/__'di dus bal bod 'khrugs/__rta tshag rje drung rin po che/__kun bde gling pa/__'di dus bsam yas la me'i gnod pa byung /__de mo sprul pa'i sku 'jam dpal rgya mtsho dang /__da lta'i tshe smon gling khri chen no mi han gyi bar rim par byon nas bsil ldan ra ba dkar pos bskor ba'i ljongs kyi bstan 'gro kun la phan bde'i sgo 'phar brgya phrag dus gcig tu dbye bar mdzad do/__/ khyad par bod chen po'i nor 'dzin gyi khyon 'dir rang rang gi mnga' ris bde bar skyong zhing bstan pa rin po cher sri zhus mchod pa'i khams kyi rgyal po dang /__rgyal phran ji snyed pa las/__gtso bor gyur pa lha btsan po mes dbon gsum gyi phyag rjes la 'gran par nus pa'i stobs kyi 'khor los sgyur ba sa skyong sde dge chos rgyal rin po che'i rgyal rabs ni/__thog mar rus chen sde bzhi las chad pa'i bod chen po'i 'gro ba mtha' dag gi zhang por 'os pa sgo lha rje dkar po'i rus las/__rdu chen rgyal mo tsho bco brgyad du grags pa'i ya gyal mgar gyi rigs las byung ba ste/__de yang bod khams 'dir mi'i 'gro ba chags nas ring zhig lon pa na/__shar me nyag bzhag ra dkar po'i rtse la steng 'od gsal gyi lha zhig babs par mi rnams kyis mgar gnam tsha 'brug ces btags/__de yi brgyud pa las mgar bla mkhyen chen po/__de sras srong mes khri chags/__de sras chos rgyal srong btsan sgam po'i blon po mgar stong btsan yul bzung /__de nas dam pa'i brgyud pa bar ma chad par rim gyis byon pa las/__stong btsan yul bzung nas brtsis pas gdung rabs nyer brgyad pa 'gar chen ye shes bzang po la rigs kyi sras gnyis kyi/__sgom ston bsod nams rin chen gyis/__la lar bsod nams bzang po zhes kyang byung /__'gro mgon 'phags pa rin po che'i gsol dpon gyi las ka zin te chen po'i go sar dbang bskur/__gcung po rgu ru la sras dgu byung ba'i nang tshan/__stong dpon zla ba bzang po'i sras su rngu rgyal ba bzang po/__de sras pad+ma bstan srung /__de sras byang chub 'bum/__de sras gdung rabs so bzhi pa bde chen bsod nams bzang po ste/__de nyid rngu chos kyi rdo rje dang /__karma pa chos grags rgya mtsho'i lung gis bskul te lcags ra bsam 'grub rtser phebs nas yul de'i mnga' ris kyi bdag por gyur/__sngon smon rnam par dag pa'i byed pos ljongs der sde bzhi'i dge legs kyi mtshan ma phun sum tshogs par 'phel bas mtshan yang de skad chags/__de la sras bzhi byung ba'i gnyis pa sde dge bo thar bkra shis seng ges zil brgyud phyogs thams cad bzung zhing /__grub pa'i dbang phyug thang stong rgyal po bla yi mchod gnas su bzhes te rngu mda'i srib dgon thog mar bzhengs/__lhun grub steng zhes grags pa'i yi ges mdzes par byas/__de yi sras dpal ldan seng ge dang /__rgyal mtshan 'bum gnyis las/__snga mas nyin dgon gyi 'dus sde btsugs/__phyi ma la sras bzhi byung ba'i/__dpon chen a snga la sras rdo rje 'jigs byed kyi grub thob jo gdan nam mkha'i lhun bzang dang /__de'i mched ya rgyal 'phel/__de la sras gsum byung ba'i che ba grub thob kun dga' rin chen gyis bla brang lha khang gsar du bzhengs/__gcung rdo rje lhun grub la sras grags pa lhun grub dang /__karma srung gnyis/__nam mkha' la sras dpon chen lhun grub ces stobs kyis 'khor los sgyur ba de nyid 'khrungs/__de la sras drug byon pa'i/__dang po sde dge grub thob kun dga' rgya mtsho zhes yongs su grags pa des gtsug lag khang bsam 'grub mthong grol chen mo bzhengs shing rnam dkar gyi phyag rjes rgya che/__sa skya pa bdag chen bsod nams bzang po/__shar chen byams pa kun dga' bkra shis/__byang bdag bkra shis stobs rgyal/__'khrul zhig dbang drag rgya mtsho/__rig 'dzin 'ja' tshon snying po sogs yongs 'dzin rgya tsho lta bu bsten/__gnyis pa dpon chen glu 'phel/__gsum pa lag na rdo rje'i rnam par 'phrul pa bla chen byams pa phun tshogs zhes/__'dis gnam chos dang/__bdud 'dul gnyis kyang rgyal khab tu spyan drangs/__nor 'dzin yangs pa'i khyon la stobs kyi dpung pas dbang bsgyur ba de nyid byon/__ngor nas mkhan rabs nyer gcig pa sgrub khang pa dpal mchog rgyal mtshan spyan drangs shing rnam par dag pa'i bstan pa rin po che rgya cher spel bas mtshon chos srid kyi phrin las rgya che bas/__bla chen 'di nyid khri rabs kyi thog mar 'dzin/__bzhi pa dpon chen karma srung /__lnga pa bla ma lha srung /__drug pa bla ma karma bsam 'grub rnams so/_/karma srung gi sras mgon po dang /__lhun 'grub gnyis/__snga ma la bla ma bsod nams rgyal mtshan sogs mched bzhi 'khrungs/__de'i nang nas skal bzang 'bum kyi sras bkra shis rgya mtsho sogs 'khrungs nas 'dus sde'i bsgrigs khrims dang bstan pa'i sri zhu la brtson par mdzad/__dpon chen glu 'phel la sras gsum byung pa'i/__dpon chen kun dga' phun tshogs pas gdan sa gnyis pa mdzad/__dpon chen lhun grub kyi sras bzhi pa karma'i sras che mchog gis gdan sa gsum pa mdzad/__de nas glu 'phel sras 'gran zla med pa'i bsod nams kyi phung po gcig tu 'khyil ba khri rabs bzhi pa/__lo tsA ba cog ro klu'i rgyal mtshan gyi rnam 'phrul khri chen bla ma sangs rgyas bstan pas/__ngor e waM nas 'jam mgon bkra shis dpal ldan/__rta nag mkhan chen bzang po rgyal mtshan/__e waM pa'i mkhan rabs nyer bzhi pa mkhas grub sangs rgyas phun tshogs rnams spyan drangs/__gzhan yang rig 'dzin klong gsal snying po/__rdzogs chen pad+ma rig 'dzin/__gter chen nyi ma grags pa sogs dang mchod yon du 'brel bas mtshon/__ris med kyi yongs 'dzin du ma bsnyen bkur shing /__lugs gnyis kyi mnga' thang dgung du reg__/yang glu 'phel kyi sras o rgyan bkra shis la sras bzhi 'khrungs pa'i/__dang po khri rabs lnga pa khri chen bla ma bsod nams phun tshogs kyis rgyal dbang bdun pa bskal bzang rgya mtsho'i thang nas spyan drangs pa sogs zhabs 'gyur rmad du byung ba bsgrubs pa nas bzung /__gzhung sa chen mo dang mchod yon 'gran med du gyur/__sras gnyis pa dbang chen mgon pa'i sras su sar gnas kyi byang chub sems dpa' bsam bzhin mi'i rje bor phebs pa'i khri rabs drug pa chos rgyal bstan pa tshe ring zhes mtshan gyi yi ge srid pa'i rtse mor mngon par mtho ba des/__ngor e waM pa mkhan chen bkra shis lhun grub dang /__yar klung bkra shis chos sde nas gnas gsar pa ngag dbang kun dga' legs pa'i 'byung gnas sogs gdan drangs/__bcu phrag rig pa'i ma hA paN+Di ta si tu chos kyi 'byung gnas dang /__gter chen nyi grags/__rdzogs chen gnyis pa sogs gsar rnying ris med pa'i skyes bu dam pa du ma bsnyen bkur/__ngor e waM du gling khang gsar bzos mtshon dgon gnas che phra du ma gsar bzhengs dang nyams gso/__khyad par rgyal ba'i bka' 'gyur rin po che par du bskrun pa sogs rnam dkar gyi 'jug pa byis blo'i ra ba las yongs su brgal bar mdzad pa'i mthus/__'jam dbyangs gong ma chen pos kyang gsan yu si'i tham kas dbang bskur zhing /__bsngags brjod kyi me tog 'thor bar mdzad pa yin no/__/de la sras lcam dral bzhi byung ba'i/__che ba bsod nam mgon po las gdung brgyud sogs ma 'phel/__'bring ba khri rabs bdun pa khri chen bla ma phun tshogs bstan pa'am/__kun dga' phrin las rgya mtshos/__ngor nas mkhan chen dpal ldan chos skyong spyan drangs shing /__bstan 'gyur rin po che par du bzhengs pa sogs rnam dkar gyi phyag rjes rgya che/__gcung khri rabs brgyad pa sa skyong blo gros rgya mtshos/__ngor mkhan chen klu sdings mi 'gyur rgyal mtshan spyan drangs/__dbu bla snga ma rnams dang /__zhu chen paN+Di ta/__kaHthog dri med zhing skyong /__nyi grags gnyis pa sogs bsten/__sku gsung thugs rten rgya cher bzhengs/__dgung grangs bzhi cu rtsa grangs yan rab byung dang /__de phyin gdung spel gyi go sar bzhugs/__de rjes lcam rje btsun dbyangs can sgrol mas rgyal tshab mdzad cing/__ngor nas khang sar mkhan chen ngag dbang chos skyong bzang po gdan drangs/__lcang ra'i bum sgrub chen mo'i srol btod/__sa skyong blo gros rgya mtsho la sras khri rabs dgu pa sa dbang bzang po 'khrungs/__sku na phra mo'i dus nas dge ba'i bag chags sad cing /__'jam mgon dbang sdud snying po sogs dbu blar bzhes/__'on kyang sku gzhon nu nas gshegs pas bar 'dir dpon mo tshe dbang lha mos rgyal srid kyi bya ba mdzad cing /__bstan pa spyi dang gsang sngags snga 'gyur gyi phyogs la sri zhu lhag par gnang /__de nas sa dbang bzang po la sras lcam dral bzhi 'khrungs/__gzhan gnyis chung ngu nas gshegs/__nang nas/__khri rabs bcu pa/__sa skyong chos rgyal rin po che tshe dbang rdo rje rig 'dzin nam/__khri chen bla ma byams pa kun dga' sangs rgyas bstan pa'i rgyal mtshan gyis/__ngor e waM nas thar rtse mkhan chen byams pa nam mkha' 'chi med dang /__byams pa kun dga' bstan 'dzin khu dbon/__yar klung bkra shis chos sde nas mchog sprul rin po che nam mkha' legs pa lhun grub sogs spyan drangs/__bdag chen dbang sdud snying po yab sras sogs ris med dam pa rnams la dngos dang brgyud pa'i sgo nas bsnyen bkur bas mtshon chos srid kyi phrin las gong 'phel du gnang /__rje btsun ma rta mgrin phrin las dbang mos kyang rnam dkar gyi phyag rjes rgya che/__sa skyong chen po de nyid la sras lcam dral bzhi byung ba'i che ba/__khri rabs bcu gcig pa dam tshig brtan pa'i rdo rje/__sku mched 'di rnams chos blon 'gar dam pa nas bgrangs pa'i gdung rabs bzhi bcu rtsa drug pa yin/__tshe ring rnam rgyal 'bring po bla chen tshe dbang phun tshogs bstan skyong gcung mi rje rin po che tshe dbang rdo rje dgra 'dul ste mched zhal rnam pa gsum gyis/__ngor nas mkhan rabs lnga bcu pa thar rtse mkhan chen rnal 'byor 'jam dpal bzang po spyan drangs te mchod cing bsnyen bkur bas mtshon/__gtso bor 'gro ba'i mgon po 'phags pa rin po che dang mchod yon du 'brel ba'i rten 'byung las dpal ldan sa ngor tshar gsum gyi bstan pa dang der 'dzin la mtshungs pa med pa'i sri zhu dang /__gzhan yang dge rnying kar 'brug sogs ris med pa'i grub mtha' thams cad kyi bstan pa'i sbyin bdag gcig pu par gyur te/__de'i bsod nams kyi mthu phun sum tshogs pas phas kyi rgol ba thams cad ming gi lhag ma tsam du zhi zhing /__rang srid sde dang bcas pa dbyar dus kyi chu gter ltar gong nas gong du 'phel zhing rgyas pa sogs mdor na 'gar stong btsan yul bzung nas deng sang gi bar lo stong phrag gcig dang brgya dang brgyad cu lhag tsam 'gro ba la/__che brgyud kyi lha gral ma stong /__mthon po'i dbu 'phang ma nyams/__mi brgyud lha las chad/__chu brgyud gangs la thug pa'i bsngags 'os kyi rnam par thar pa mtha' klas pa nyid do/__/ de ltar dam pa'i chos kyi byung ba brjod pa las brtsams nas lo rgyus cung zad snyan du gsol ba la'ang dgos pa khyad par can yod de/__dpal ldan dpa' bos skyes pa rabs kyi rgyud las/__grags pa'i mtshan mar gyur pa bzang po 'di rnams kyis/_/bde bar gshegs 'gyur lam rnams gang yin bsten par 'gyur/__/yid la dad pa med pa rnams kyang dad par 'gyur/__/chos dar ldan pa'i gtam gyis rab tu dga' ba skyed/__/ces dang /__mdo las kyang /__gang la zas dang nor gyi gtam dag gis/__/yongs su dga' ba'i dga' ba bskyed ma yin/__/mi yi rnyed pa rab mchog thob nas ni/__/gcig la gcig gis chos kyi gtam dag bya/__/zhes ched du gdams par mdzad pa bzhin dang /__zhar la rgyal ba'i bstan pa rin po che gces spras su mdzad pa'i sa skyong ba rnams kyi rabs cung zad smos pa'ang /__'jig rten na rigs rnams kyi mchog tu gyur pa shAkya'i rigs kyi gtam brjod pas bsod nams chen po thob par mdo las bshad pa dang /__bod 'dir yang 'jam dbyangs 'khon gyi rigs bsnyad pa bsod nams che zhes dam pa rnams kyis gsungs pa ltar gyi rjes su 'brangs te gsol ba yin la/__de rnams kyis spyir bshad pa'i dngos gzhi grub nas/__skabs don bye brag gi dbang du bgyis na/__zhes pa'i mtshams dbang bskur chos bshad lo gsar gyi dga' ston legs 'bul sogs so so'i brjod bya dang mthun pa'i rjod byed rgyas bsdus ji ltar rigs pa dmigs bsal rnams zhus grub nas/__de ltar de ring gi gnas skabs su 'dus pa'i mchog 'bring phal pa'i tshogs rnams kyi snyan lam du spyi dang bye brag gi zhu gsol gyi brjod pa 'phros don dang bcas rgyas bsdus 'tshams pa'i lugs su phul grub nas/__slar yang bstan pa'i rtsa lag mchog gi sprul pa'i sku rin po che'am/__dpal ldan bla ma dam pa 'di zhes bya ba mkhan slob dge 'dun dang bcas pa sku tshe zhabs pad bskal brgya mtshor brtan cing /__phan bde'i 'byung gnas kun mkhyen rgyal ba'i bstan pa rin po che spyi dang /__bye brag tu/__'dir rang rang gi grub mtha'i kha bsgyur dmigs bsal 'dzug__/snyigs dus kyi rgyal ba gnyis pa dpal brtse ba chen po yab sras brgyud pa dang bcas pa'i ring lugs phyogs thams cad du dar zhing rgyas la yun ring du gnas pa dang /__de'i mthu las bstan pa'i sbyin bdag chen po rnams kyi chab srid mnga' thang gong nas gong du 'phel zhing /__'jig rten gyi khams su phun sum tshogs pa'i dge legs kyi snang ba rgya chen po 'byung ba'i phyir shis pa brjod pas mtha' bsdu ba ni/__ston pa 'jig rten khams su byon pa dang /__zhes sogs sh+lo ka gcig gam gzhan yang ji ltar rigs pa brjod nas gral la 'khod de bya ba'i rim pa dkyus la 'jug par bya'o/__/ slar smras pa/__dam chos bdud rtsi'i snying pos lci ba'i 'bel gtam sprin gyi rnga gsang gang /__/blo gros dpyid kyi mdzes mas bskul las skal bzang don gnyer rma bya'i tshogs/__/rna ba'i bcud len gsar pa 'bab cing spro dga'i zlos gar sgyur ba dang /__/lhan cig rnam pa thams cad mkhyen pa'i mngal khur mchog gis lci bar shog__/ces pa'ang don gnyer can dag gis ched du dris shing bskul ba'i ngor/__lo rgyus smra ba la dga' ba'i shAkya'i dge slong bya bral ba mkhyen brtse'i dbang pos dpal e waM chos ldan gyi bla brang thar pa rtser shin tu bsdus pa'i tshul gyis mgyogs par sbyar ba las/__slad nas kyang cung zad gsal bar bgyis pa'o/__/'di las rgyas par spros pa'i ngag tshig gi/__/pad+mo dgod par 'dod na skabs gzhan du/__kho bos smras pa'i legs bshad nyi gzhon gyi/__/bcud len ci dgar 'thung ba'i gar rtsen shig__/sarba dA ka l+ya NaM b+ha ba tu//


shes rab nas zhu bcug thengs gsum byas/

Footnotes

Other Information

Retrieved from "https://khyentselineage.tsadra.org/index.php?title=JKW-KABUM-19-DZA-002&oldid=56801"
Khyentse Lineage
Collected Works of the Masters
A Tsadra Foundation initiative designed to house the writings and revelations of the masters of the Khyentse lineage.
Join the Tsadra Foundation mailing list:

Tsadra Foundation
Translation & Transmission Conference
DharmaCloud Tibetan eBooks
Buddha-Nature
Śāntideva's Life and Works
Rinchen Terdzö Chenmo
Damngak Rinpoche Dzö
Dharma Dictionary

About us
Privacy policy
General disclaimer
Site guide

Project Description

Welcome to the Khyentse Lineage Project, a Tsadra Foundation initiative designed to house the writings and revelations of the masters of the Khyentse lineage in a digital format that allows for open access to these materials in authoritative modern Tibetan editions for the sake of scholars, translators, and practitioners the world over.

About us

© Tsadra Foundation. Please feel free to use this website and its content in accordance with fair use policies for teaching, scholarship, education, and research.
See General disclaimer for more information.