JKW-KABUM-23-'A-003-010

🚧 This website is under continued development. We appreciate your patience!

Previous Text Back to Volume PageNext Text

Wylie title	zhal gdams gang gi mtshan tsam
Location	mkhyen brtse'i bka' 'bum Volume 23, sde tshan 3, Text 10, Pages 216-217 (Folios 12b6 to 13a5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. zhal gdams gang gi mtshan tsam. In 'jam dbyangs mkhyen brtse'i dbang po'i bka' 'bum, Vol. 23: 216-217. Khams sde dge rdzong sar dgon: Rdzong sar blo gros phun tshogs, 2020.
Genre	Advice - zhal gdams
Colophon	།ཅེས་པ་འདིའང་འཇམ་དབྱངས་མཁྱེན་བརྩེས་ཐོལ་བྱུང་དུ་སྨྲས་སོ།།
	ces pa 'di'ang 'jam dbyangs mkhyen brtses thol byung du smras so

Tibetan Text

Wylie

[edit]

ན་མཿཤྲཱི་གུ་ར་ཝེ། གང་གི་མཚན་ཙམ་ལན་གཅིག་དྲན་པས་ཀྱང་། །གཟུང་འཛིན་སྙིང་གི་མུན་པ་ཀུན་བསལ་ནས། །བློ་གྲོས་པདྨ་མཆོག་ཏུ་རྒྱས་མཛད་པ། །བླ་མ་འཇམ་དཔལ་གཞོན་ནུས་ཤིས་པར་མཛོད། །དམར་སེར་མཛེས་སྐུའི་སྣང་བརྙན་མངོན་སུམ་དུ། །སྐལ་བཟང་མིག་གི་བདུད་རྩིར་བཏུང་བ་དང་། །ལྷན་ཅིག་རྡོ་རྗེའི་གསུང་གིས་དབུགས་དབྱུང་བའི། །དགེ་མཚན་མཆོག་གིས་རྟག་ཏུ་སྐྱོང་གྱུར་ཅིག །གཟོད་ནས་མཐའ་བཞིའི་སྤྲོས་པ་ལས་འདས་པའི། །འོད་གསལ་སེམས་ཀྱི་རྡོ་རྗེ་འཇམ་པའི་དབྱངས། །སྙིང་དབུས་ཐིག་ལེར་སད་པའི་སྣང་བ་ཡི། །སྲིད་ཞིའི་རྒུད་པ་མཐའ་དག་སེལ་བར་ཤོག །དེ་ཚེ་ཐ་མལ་འཁྲུལ་བའི་རྟོག་ཚོགས་ཀུན། །འཇམ་དཔལ་ཡེ་ཤེས་སེམས་དཔས་བྱིན་བརླབས་པས། །སྣང་གྲགས་རིགས་གསུམ་ལྷ་སྔགས་ཆོས་ཉིད་ཀྱི། །དག་པའི་རྣམ་རོལ་གཅིག་ཏུ་འཆར་གྱུར་ཅིག །མཐར་ཐུག་སངས་རྒྱས་ཀུན་གྱི་ཡེ་ཤེས་སྐུ། །བཅོམ་ལྡན་རྡོ་རྗེ་རྣོན་པོའི་གསང་གསུམ་དང་། །དབྱེར་མེད་རྣམ་པ་ཉི་ཤུའི་བྱང་ཆུབ་པའི། །སྒྱུ་འཕྲུལ་དྲྭ་བའི་གོ་འཕང་བསྙེས་པར་ཤོག །ཅེས་པ་འདིའང་འཇམ་དབྱངས་མཁྱེན་བརྩེས་ཐོལ་བྱུང་དུ་སྨྲས་སོ།། །། ༈

[edit]

zhal gdams gang gi mtshan tsam/__ na maHshrI gu ra we/__gang gi mtshan tsam lan gcig dran pas kyang /__/gzung 'dzin snying gi mun pa kun bsal nas/__/blo gros pad+ma mchog tu rgyas mdzad pa/__/bla ma 'jam dpal gzhon nus shis par mdzod/__/dmar ser mdzes sku'i snang brnyan mngon sum du/__/skal bzang mig gi bdud rtsir btung ba dang /__/lhan cig rdo rje'i gsung gis dbugs dbyung ba'i/__/dge mtshan mchog gis rtag tu skyong gyur cig__/gzod nas mtha' bzhi'i spros pa las 'das pa'i/__/'od gsal sems kyi rdo rje 'jam pa'i dbyangs/__/snying dbus thig ler sad pa'i snang ba yi/__/srid zhi'i rgud pa mtha' dag sel bar shog__/de tshe tha mal 'khrul ba'i rtog tshogs kun/__/'jam dpal ye shes sems dpas byin brlabs pas/__/snang grags rigs gsum lha sngags chos nyid kyi/__/dag pa'i rnam rol gcig tu 'char gyur cig__/mthar thug sangs rgyas kun gyi ye shes sku/__/bcom ldan rdo rje rnon po'i gsang gsum dang /__/dbyer med rnam pa nyi shu'i byang chub pa'i/__/sgyu 'phrul drwa ba'i go 'phang bsnyes par shog__/ces pa 'di'ang 'jam dbyangs mkhyen brtses thol byung du smras so//___//___!