སྐྱབས་ཀུན་འདུས་ཞལ།

🚧 This website is under continued development. We appreciate your patience!

Previous Text Back to Volume PageNext Text

Wylie title	skyabs kun 'dus zhal
Location	mkhyen brtse'i bka' 'bum Volume 23, sde tshan 3, Text 11, Pages 217-218 (Folios 13a5 to 13b6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. skyabs kun 'dus zhal. In 'jam dbyangs mkhyen brtse'i dbang po'i bka' 'bum, Vol. 23: 217-218. Khams sde dge rdzong sar dgon: Rdzong sar blo gros phun tshogs, 2020.
Genre	Advice - zhal gdams
Colophon	།ཞེས་ཕྱོགས་མེད་རིས་མེད་ལྟོས་མེད་ཀྱི་བྱ་བཏང་འཇམ་དབྱངས་མཁྱེན་བརྩེའི་དབང་པོས་བྲིས་པ་དོན་དང་ལྡན་པར་གྱུར་ཅིག།
	zhes phyogs med ris med ltos med kyi bya btang 'jam dbyangs mkhyen brtse'i dbang pos bris pa don dang ldan par gyur cig

Tibetan Text

Wylie

[edit]

ཨ་ཧོ། སྐྱབས་ཀུན་འདུས་ཞལ་མཚོ་སྐྱེས་རྡོ་རྗེ་དེ་མཁྱེན་ནོ། །བྱིན་རླབས་ཆར་ཆེན་ཕོབས་ཤིག་རིག་འཛིན་གྱི་བླ་མ། །དལ་འབྱོར་རྙེད་དཀའ་ཐོབ་པ་ད་རེས་ཙམ་ཡིན་ནོ། །དོ་ནུབ་ཁོ་ནར་མི་འཆིའི་གདེང་ཚད་ཀྱང་མེད་པས། །སྲིད་ལས་ངེས་པར་འབྱུང་བའི་སྐྱོ་ཤས་དང་འགྲོགས་ནས། །དཀར་ནག་ལས་འབྲས་བླང་དོར་ཚུལ་བཞིན་དུ་འབད་འཚལ། །བླ་མ་དཀོན་མཆོག་གསུམ་ལ་སྐྱབས་གནས་སུ་བཟུང་ནས། །སྨོན་འཇུག་བྱང་ཆུབ་སེམས་གཉིས་འབྲལ་མེད་དུ་བསྐྱེད་ཅིང་། །བླ་མ་རྡོ་རྗེ་སེམས་དཔའི་རྣལ་འབྱོར་ལ་བརྟེན་ནས། །སྡིག་སྒྲིབ་ཉེས་ལྟུང་ཚོགས་ཀུན་ལྷག་མེད་དུ་སྦྱོངས་ཤིག །སྐུ་གསུམ་མཆོད་པའི་སྤྲིན་གྱི་མཎྜལ་ལ་བརྟེན་ནས། །ཚོགས་གཉིས་ཡོངས་སུ་རྫོགས་པའི་ཐབས་མཁས་ལ་འབད་ཅིང་། །ཁྱད་པར་མོས་གུས་བླ་མའི་རྣལ་འབྱོར་ལ་བརྟེན་ནས། །དབང་བཞིའི་ཡེ་ཤེས་འགྲུབ་པའི་ལམ་བཟང་ལ་བསྙེན་ཅིག །འཁོར་འདས་ཆོས་ཀུན་སེམས་ཉིད་གཅིག་པུ་ཡི་ཆོ་འཕྲུལ། །སེམས་ཀྱང་རིག་སྟོང་ཟུང་འཇུག་བློ་བྲལ་གྱི་རང་བབས། །མ་ཡེངས་མི་བསྒོམ་གཉུག་མའི་དྲན་པ་དང་འགྲོགས་ནས། །གདོད་མའི་བཙན་ས་ཟིན་པའི་སྨོན་ལམ་ཞིག་ཞུའོ། །ཞེས་ཕྱོགས་མེད་རིས་མེད་ལྟོས་མེད་ཀྱི་བྱ་བཏང་འཇམ་དབྱངས་མཁྱེན་བརྩེའི་དབང་པོས་བྲིས་པ་དོན་དང་ལྡན་པར་གྱུར་ཅིག། །། ༈

[edit]

skyabs kun 'dus zhal/__ a ho/__skyabs kun 'dus zhal mtsho skyes rdo rje de mkhyen no/__/byin rlabs char chen phobs shig rig 'dzin gyi bla ma/__/dal 'byor rnyed dka' thob pa da res tsam yin no/__/do nub kho nar mi 'chi'i gdeng tshad kyang med pas/__/srid las nges par 'byung ba'i skyo shas dang 'grogs nas/__/dkar nag las 'bras blang dor tshul bzhin du 'bad 'tshal/__/bla ma dkon mchog gsum la skyabs gnas su bzung nas/__/smon 'jug byang chub sems gnyis 'bral med du bskyed cing /__/bla ma rdo rje sems dpa'i rnal 'byor la brten nas/__/sdig sgrib nyes ltung tshogs kun lhag med du sbyongs shig__/sku gsum mchod pa'i sprin gyi maN+Dal la brten nas/_/tshogs gnyis yongs su rdzogs pa'i thabs mkhas la 'bad cing /__/khyad par mos gus bla ma'i rnal 'byor la brten nas/__/dbang bzhi'i ye shes 'grub pa'i lam bzang la bsnyen cig__/'khor 'das chos kun sems nyid gcig pu yi cho 'phrul/__/sems kyang rig stong zung 'jug blo bral gyi rang babs/__/ma yengs mi bsgom gnyug ma'i dran pa dang 'grogs nas/__/gdod ma'i btsan sa zin pa'i smon lam zhig zhu'o/__/zhes phyogs med ris med ltos med kyi bya btang 'jam dbyangs mkhyen brtse'i dbang pos bris pa don dang ldan par gyur cig/___//__!_