DKR-KABUM-15-BA-008

🚧 This website is under continued development. We appreciate your patience!

Previous Text Back to Volume PageNext Text

Wylie title	snga 'gyur bka' gter shing rta'i lam srol chos kyi rgyal po smin gling pa'i bstan pa rgyas pa'i smon lam rdo rje'i gsung gi 'grel pa dge mtshan lha yi rnga chen
Location	dil mgo mkhyen brtse bka' 'bum Volume 15, Text 8, Pages 312-320 (Folios 1a to 9a4)
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Source Author(s)	གཏེར་བདག་གླིང་པ་འགྱུར་མེད་རྡོ་རྗེ་ (gter bdag gling pa 'gyur med rdo rje)
Citation	Khyentse, Dilgo. Snga 'gyur bka' gter shing rta'i lam srol chos kyi rgyal po smin gling pa'i bstan pa rgyas pa'i smon lam rdo rje'i gsung gi 'grel pa dge mtshan lha yi rnga chen. In Skyabs rje dil mgo mkhyen brtse rin po che'i bka' 'bum, Vol. 15: 312-320. Delhi: Shechen Publications, 1994.
Genre	Commentaries - 'grel pa  ·  Prayers - smon lam
Colophon	།ཅེས་པའང་གངས་རིའི་ཁྲོད་ཀྱི་པདྨ་འོད་འོག་མིན་ཨོ་རྒྱན་སྨིན་གྲོལ་གླིང་གི་མཁོ་ཆེན་སྤྲུལ་པའི་སྐུ་འགྱུར་མེད་མདོ་རྒྱུད་རྒྱ་མཚོས་ལྷ་རྫས་རབ་དཀར་རིན་ཆེན་གཉིས་པའི་འཁོར་ལོ་བཅུ་ཕྲག་ལམ་ལྔའི་གྲངས་ལྡན་གྱི་རྟེན་བཅས་བཀའི་གླིང་བུས་བསྐུལ་བ་བཞིན་མདོ་ཁམས་ཞེ་ཆེན་པའི་སློབ་གྲལ་གྱི་ཐ་ཆུང་འགྱུར་མེད་ཐེག་མཆོག་བསྟན་པའི་རྒྱལ་མཚན་གྱིས་ལྷོ་འབྲུག་ཆོས་རྒྱལ་ཆེན་པོའི་མངའ་རིས་སྤ་གྲོ་སྐྱེར་ཆུའི་གཙུག་ལག་ཁང་གི་ཞོལ་ཕུན་ཚོགས་བཀྲ་ཤིས་དགའ་འཁྱིལ་དུ་དད་དང་ལྷག་བསམ་བཟང་པོས་བྲིས་པས་ངེས་གསང་བསྟན་པའི་རྒྱལ་མཚན་ནམ་ཡང་མི་ནུབ་པར་བརྟན་པའི་རྟེན་འབྱུང་དུ་གྱུར་ཅིག །།
	/ces pa'ang gangs ri'i khrod kyi pad+ma 'od 'og min o rgyan smin grol gling gi mkho chen sprul pa'i sku 'gyur med mdo rgyud rgya mtshos lha rdzas rab dkar rin chen gnyis pa'i 'khor lo bcu phrag lam lnga'i grangs ldan gyi rten bcas bka'i gling bus bskul ba bzhin mdo khams zhe chen pa'i slob gral gyi tha chung 'gyur med theg mchog bstan pa'i rgyal mtshan gyis lho 'brug chos rgyal chen po'i mnga' ris spa gro skyer chu'i gtsug lag khang gi zhol phun tshogs bkra shis dga' 'khyil du dad dang lhag bsam bzang pos bris pas nges gsang bstan pa'i rgyal mtshan nam yang mi nub par brtan pa'i rten 'byung du gyur cig_//

Tibetan Text

Wylie

[edit]

༄༅། སྔ་འགྱུར་བཀའ་གཏེར་ཤིང་རྟའི་ལམ་སྲོལ་ཆོས་ཀྱི་རྒྱལ་པོ་སྨིན་གླིང་པའི་བསྟན་པ་རྒྱས་པའི་སྨོན་ལམ་རྡོ་རྗེའི་གསུང་གི་འགྲེལ་པ་དགེ་མཚན་ལྷ་ཡི་རྔ་ཆེན་ཞེས་བྱ་བ་བཞུགས་སོ།།

༄༅། ཨོཾ་སྭསྟི། །འགྱུརྃ་མེདྃ་བདེ་ཆེན་སྒྱུ་འཕྲུལ་རྡོྃ་རྗེྃ་སེམས། །ཀུན་ཁྱབ་ཐུགས་རྗེ་བདུད་རྩིའི་སྤྲིན་གཡོས་པས། །བཀའ་གཏེར་རྒྱ་མཚོའི་གཉེན་གཅིག་གཏེར་ཆེན་རྗེ། །ཚེ་རབས་ཀུན་ཏུ་སྙིང་གི་ཟེའུ་འབྲུར་བསྙེན། །མཁས་པའི་རྣམ་དཔྱོད་གྲུབ་པའི་དགོངས་རྩལ་གྱིས། །གསང་དོན་འབྱེད་པའི་སྤོབས་པ་ཕྲ་ན་ཡང༌། །དད་བརྒྱས་ཉེ་བར་ལེན་པས་རྡོ་རྗེའི་གསུང༌། །ཆ་ཙམ་འཆད་ལ་སྤྲོ་བའི་པདྨོ་འཛུམ། །ཞེས་མཆོད་པར་བརྗོད་པས་ལམ་ཡངས་པོར་བྱས་ཏེ། འོག་མིན་ཨོ་རྒྱན་སྨིན་གྲོལ་གླིང་ངེས་པ་དོན་གྱི་དགའ་བའི་ཚལ་ཞེས་ཁམས་གསུམ་སྐྱེ་དགུའི་མཆོད་སྡོང་ཕྱག་ན་པདྨོ་རྒྱལ་དབང་ལྔ་པ་ཆེན་པོའི་མཚན་གྱིས་དྲིལ་བསྒྲགས་པའི་ངེས་གསང་ཆོས་ཀྱི་ཆུ་གཏེར་ཆེན་པོ་དེ་དར་རྒྱས་འབྱུང་བའི་རྡོ་རྗེའི་བདེན་སྨོན་གྱི་དོན་ཅུང་ཟད་འཆད་པ་ལ། དེ་ཡང་སངས་རྒྱས་རྣམས་མི་སློབ་འབྲས་བུའི་གོ་འཕང་མངོན་དུ་མཛད་པའི་སྐུ་དང་ཞིང་ཁམས་རྒྱ་མཚོའི་སྒྲོན་མེའི་སྤྲིན་ཕུན་ཚོགས་ངེས་པ་ལྔ་ལྡན་དུ་བཀོད་པ་ལས་བདག་ཉིད་ཆེན་པོ་འདི་ཉིད་ཀྱི་སྤྲུལ་གཞི་ནི་རྣམ་པར་སྣང་མཛད་ཀུན་ཏུ་ཞལ་ཡེ་ཤེས་གངས་ཆེན་མཚོ་སྐུའི་བ་སྤུའི་ཁུང་བུ་རེ་རེའང་བྱེ་བ་ཕྲག་བརྒྱའི་ཞིང་ཁམས་ཀྱི་བཀོད་པ་དང་ལྡན་ན་གཞན་ལྟ་ཅི་སྨོས་ཏེ་ཞིང་ཁམས་རབ་འབྱམས་སྐུ་གཅིག་ལ་རྫོགས་པ་དང༌། རྡུལ་གཅིག་གི་སྟེང་ན་རྡུལ་གྲངས་མེད་སྙེད་ཀྱི་ཞིང་ཡང་སྣང་ཞིང༌། སྐུ་གཅིག་ལ་སྐུ་རབ་འབྱམས་རྒྱ་མཚོ་འདུ་བ་དང༌། སྐུ་རེ་རེས་ཀྱང་སྐུ་དང་ཞིང་ཁམས་རབ་འབྱམས་རྒྱ་མཚོར་ཁྱབ་པར་སྣང་བ་སོགས་སྤྱོད་ཡུལ་ལས་འདས་པའི་ཆོ་འཕྲུལ་ཆེན་པོར་བཞུགས་ཏེ་དེ་དག་གི་རྣམ་ཐར་བཀོད་པའི་དཔལ་གྱི་ཡོན་ཏན་ནི་སངས་རྒྱས་ཉག་གཅིག་གི་སྤྱོད་ཡུལ་ལས་ས་བཅུའི་དབང་ཕྱུག་གིས་འཆད་པར་མི་ནུས་ཀྱང༌། མདོ་རྒྱུད་ཀྱི་ཁུངས་ཀྱི་རྗེས་སུ་འབྲངས་ནས་འཆད་ན་ཡེ་ཤེས་གངས་ཆེན་མཚོ་རྣམ་པར་སྣང་མཛད་དེའི་ཕྱག་མཐིལ་གྱི་རྡུལ་ཕྲན་གཅིག་གི་ནང་དུ་འཇིག་རྟེན་ཁམས་རྒྱ་མཚོ་དེ་བཞིན་གཤེགས་པའི་ཕྱག་མཐིལ་སྙིང་པོ་རབ་ཏུ་གནས་པ་ཞེས་བྱ་བར། སྟོན་པའང་ཡེ་ཤེས་གངས་ཆེན་མཚོ་ཉིད་དུ་བསྟན་ཏེ་རྣམ་པར་རོལ་པ་བསམ་གྱིས་མི་ཁྱབ་པ་གསུང་པ་དེའི་ནང་དུ་ཆུད་པའི་འཇིག་རྟེན་གྱི་ཁམས་ཤིན་ཏུ་མང་པོའི་དབུས་སུ་སངས་རྒྱས་རྣམ་སྣང་སྤྲུལ་སྐུའི་ཞིང་ཁམས་གཞི་དང་སྙིང་པོ་མེ་ཏོག་གིས་བརྒྱན་པའི་ཞིང་དེའི་ཁོར་ཡུག་ནང་དུ་གངས་ཆེན་མཚོའི་དབྱིངས་ཀྱི་སྤོས་ཆུའི་རྒྱ་མཚོ་བརྗོད་དུ་མེད་པའི་སངས་རྒྱས་ཀྱི་ཞིང་རྡུལ་སྙེད་ཀྱི་དབུས་སུ་སྤོས་ཆུའི་རྒྱ་མཚོའི་ཟེ་བ་ཡིད་འོང་ལ་གནས་པའི་ནོར་བུའི་པདྨ་ཆེན་པོ་ཡིས་བརྟེན་པའི་འཇིག་རྟེན་གྱི་ཁམས་ཀྱི་རྒྱུད་ཉི་ཤུ་རྩ་ལྔ་བརྩེགས་མར་གནས་པ་དེའི་བཅུ་གསུམ་པ་མི་མཇེད་ཅེས་གྲགས་པ་སྟོང་གསུམ་གྱི་འཇིག་རྟེན་འདི་ཡིན་ཞིང༌། འདི་ལའང་ཕྱོགས་མཚམས་སྟེང་འོག་ཏུ་ཁེབས་ལྡན་སོགས་སངས་རྒྱས་ཀྱི་ཞིང་རྡུལ་བཅུ་གསུམ་གྲངས་སྙེད་ཀྱིས་ཀུན་ནས་བསྐོར་ཞིང༌། ཞིང་དེ་དག་ཏུ་ལོངས་སྐུ་རྣམ་པར་སྣང་མཛད་ཆེན་པོ་ལས་སྤྲུལ་པ། གཙང་མའི་གནས་ཀྱི་འོག་མིན་དུ་ཁྱབ་པར་བཞུགས་ཤིང་དབང་ཕྱུག་ཆེན་པོ་རྣམས་ཀྱིས་ཆོས་སྟོན་པར་མཛད་པའི་སྤྲུལ་པ་རྒྱ་ཆེན་པོ་ཞིག་སྟེ། མི་མཇེད་དེའི་དབུས་སུ་ཚུད་པའི་གླིང་བཞི་པའི་འཇིག་རྟེན་འདི་བཅོམ་པ་དང་ལྡན་པ་ཞེས་གྲགས། འདི་ཁོ་ན་ལའང་འདབས་ཆག་པའི་ཤིན་ཏུ་སྲུང་ལེགས་དང་ཞིང་བཅུའི་བསྐོར་བ་ཆགས་འཇིག་དུས་མཉམ་དུ་བྱེད་པ་ཐེག་ཆེན་ཐུན་མོང་མ་ཡིན་པའི་ལུགས་སྤྱིར་སྨོས་པ་སྟེ། ཞིང་དེ་དག་ཏུ་འདུལ་བྱེད་ཀྱི་སྟོན་པ་དུ་མ་ཞིག་མཆིས་པ་ལས། ད་ལྟ་བདག་ཅག་གི་སྟོན་པ་བསྐལ་བཟང་རྣམ་འདྲེན་བཞི་པའི་བསྟན་པ་འདི་ཉིད་ལ། སངས་རྒྱས་ཀྱི་ཕྲིན་ལས་རྗེས་སུ་སྐྱོང་བའི་སྐྱེས་བུ་བསམ་མི་ཁྱབ་པར་བྱོན་པའི་ནང་ནས། རྗེ་འདི་ནི་གབ་རྒྱ་ཅན་གྱི་ལུང་བསྟན་ལས། བཻ་རོ་ཁྱོད་ནི་སྐྱེ་མཐའི་བྱང་སེམས་ཏེ༔ ཁྱོད་ཀྱི་འདི་གོང་སྐྱེ་བ་འདས་པ་ནི༔ སྨྲ་བསམ་བརྗོད་འདས་ཡེ་ཤེས་སྙིང་པོའི་དོན༔ སེམས་ཅན་སངས་རྒྱས་མཉམ་ཉིད་ཁྱབ་བརྡལ་ཡང༔ ཁམས་གསུམ་འགྲོ་བ་འདྲེན་པའི་རྡོ་རྗེ་ཆོས༔ ཤཱཀ་ཐུབ་ཉེ་གནས་ཨཱནནྟ་ཞེས་དང༔ རྒྱལ་པོ་ཛཿདང་ཤནྟིཾ་གྷརྦྷ་དང༔ བོད་འདིར་སམྦྷོ་ཊ་སོགས་དག་པ་ཡི༔ སྐྱེ་བ་དེ་ཙམ་སྣང་གི་མ་དག་པའི༔ སྐྱེ་ཚུལ་བརྗོད་དུ་ཡོད་པའི་གནས་མ་ཡིན༔ དེ་ལྟར་དག་པའི་སྐྱེ་བ་དེ་དག་གིས༔ འགྲོ་ལ་སྙིང་རྗེ་ཆེན་པོའི་ཐུགས་བསྐྱེད་པས༔ བཻ་རོ་ཁྱོད་དུ་སྐྱེ་བ་བླངས་བ་ཡིན༔ ཁྱོད་ཀྱང་ཤྲཱི་སེང་ཧ་ཡེ་ཤེས་མདོ༔ པདྨ་བདག་སོགས་གཙུག་གི་བླ་མར་བསྟེན༔ གདམས་པའི་གནད་རྣམས་ཕུ་ཐག་བཅད་བྱས་ནས༔ ཆོས་སྐུའི་རང་ཞལ་མངོན་སུམ་རྟོགས་གྱུར་པས༔ ལས་འཕྲོ་མ་དག་སྐྱེ་བ་ལེན་མི་སྲིད༔ འོན་ཀྱང་སེམས་བསྐྱེད་སྨོན་ལམ་བཟང་པོ་ཡིས༔ མཚམས་སྦྱོར་མཐའ་ཡས་འགྲོ་བའི་དཔལ་ཉིད་དུ༔ དབང་ཕྱུག་འབར་དང་ར་ཤག་རྡོ་རྗེ་གླིང༔ ཀུན་སྐྱོང་གླིང་དང་མདོ་སྔགས་གླིང་པ་སོགས༔ པདྨ་བདག་གི་ཟབ་གཏེར་བདག་པོ་དང༔ གཞན་ཡང་ཐེག་པ་ཆེ་ཆུང་སྣ་ཚོགས་ན༔ དེ་དང་མཐུན་པའི་ངོ་མཚར་སྐྱེ་བའི་གྲངས༔ བཅུ་ཕྲག་གཅིག་དང་གསུམ་ཙམ་འདས་པའི་མཐར༔ ཞེས་གསུངས་པ་ལྟར་གསང་བདག་རྡོ་རྗེ་ཆོས་ནས་སྲིན་པོ་ཆོས་ཀྱི་གོ་ཆའི་བར་རྒྱལ་བསྟན་རིན་པོ་ཆེ་འཛིན་སྐྱོང་སྤེལ གསུམ་མཛད་པ་ལ་མཁས་བཙུན་བཟང་གྲུབ་ཀྱི་རྣམ་ཐར་མཚུངས་ཟླ་མེད་པར་བྱོན་ནས་བཀའ་གཏེར་སྨིན་གྲོལ་རྒྱ་མཚོའི་ཤིང་རྟ་ཁམས་གསུམ་ཆོས་ཀྱི་རྒྱལ་པོ་གཏེར་བདག་གླིང་པ་ཞེས་མཚན་མཆོག་ལྷ་ཡི་རྔ་སྒྲ་འཇིག་རྟེན་གསུམ་ན་སྙན་པར་གྲགས་པ་དེའི་མཚན་དཔེའི་ཉིན་བྱེད་གཡོ་རུ་གྲྭ་ཡི་གནས་སུ་བཞད། ཐུགས་བསྐྱེད་དོན་ཡོད་ཞགས་པས་རྒྱལ་བའི་བསྟན་པ་རིན་པོ་ཆེ་ཀུན་ནས་འཁྱུད་པས་གངས་ཅན་རྫོགས་ལྡན་དང་པོའི་སྐལ་བཟང་ལ་བཀོད་པའི་ཚེ། སངས་རྒྱས་པདྨའི་སྙིང་པོ་དགྱེས་པའི་འཛུམ་ཟེར་གྱིས་རིག་པ་འཛིན་དབང་མཆོག་གི་མཁྱེན་བརྩེའི་ཡེ་ཤེས་ཀྱི་འདབ་རྒྱ་མཛེས་པར་གྲོལ་བའི་ཕྲིན་ལས་ཀྱི་གཙོ་བོ་ནི་ཟབ་གཏེར་ལུང་བྱང་ལས། ཁྱད་པར་གཡོ་རུ་གཙང་མའི་སར༔ ཚོམ་བུ་གཅིག་ཏུ་འདུས་པའི་སྡེ༔ མ་འོངས་བསྟན་པ་ཆེས་འཕེལ་ནས༔ བོད་ཀྱི་བདེ་སྐྱིད་དགུང་དུ་འདེགས༔ ཞེས་གསལ་བར་ལུང་བསྟན་པ་བཞིན། བོད་ཡུལ་དབུས་ཀྱི་འཛིན་མའི་ཐིག་ལེའི་སྃ་ཡི་བྱེ་བྲག་ལྃ། འོག་མིན་གསང་མཆོག་རྡོ་རྗེའི་དཀྱིལ་འཁོར་ཆེན་པོ་བཀོད་ནས་སྔ་འགྱུར་ཆུ་བོ་བཞི་ཡི་བགྲོད་པ་རྒྱུན་མི་ཆད་པས་གཡས་སུ་བསྐོར་ཞིང༌། ལུང་རྟོགས་མ་དྲོས་པའི་ཆུ་གཏེར་ཆེན་པོ་ཟབ་ཅིང་རྒྱ་ཆེ་བ་འཁྱིལ་ནས། མཁས་གྲུབ་རིག་འཛིན་གྱི་སྐྱེས་བུ་ཀླུ་དབང་དུ་མས་ཅི་དགར་རྩེན་པའི་གནས་གང་ནི། འཛམ་གླིང་བསྟན་པ་སྤྱི་དང་ཁྱད་པར་སྔ་འགྱུར་བཀའ་གཏེར་གྱི་ཕན་བདེ་མི་ཟད་པའི་ཉེར་འཚོར་གྲུབ་པས། ནང་གི་ཡེ་ཤེས་ཟབ་མོ་མངོན་སུམ་གཟིགས་པའི་རྡོ་རྗེའི་སྤྱན་དང་ལྡན་པའི་དག་པའི་སྣང་ཆར་རང་སྣང་ཡེ་ཤེས་ཀྱི་འཁོར་ལོར་ལོངས་སུ་སྤྱོད་པའི་རྡོ་རྗེའི་འོྃག་མིནྃ་ཆེན་པོ་སྟེ་མི་མཇེད་ཀྱི་འཇིག་རྟེན་གྱི་ཞིང་བྱང་ཆུབ་སེམས་དཔའ་ཚངས་པ་རལ་པ་ཅན་གྱི་སྣོད་བཅུད་དག་པར་གཟིགས་པ་དོན་གྱི་གནས་སྣང་གཉིས་ཀ་དེ་བཞིན་ཡིན་པ་དེ་བཞིན་གཤེགས་པས་ཤཱ་རིའི་བུ་ལ་བཀའ་བསྩལ་བ་ལྟར་ཏེ། རྡོ་རྗེ་ཐེག་པ་ལྟ་སྒོམ་ཟབ་མོའི་དབང་དུ་བྱས་ན་སྣོད་བཅུད་ཐམས་ཅད་མཁའ་མཉམ་རྡོ་རྗེ་སྙིང་པོའི་ཞིང་དུ་གསུངས་པས་གཙུག་ལག་ཁང་འདི་ལ་འོག་མིན་གྱི་སྒྲ་སྦྱར་ན་ཁྱད་པར་གྱི་ཆོས་སུ་ཅི་འགྱུར་སྙམ་ན་ཁྱད་པར་ཆེ་སྟེ། གོང་དུ་སྨོས་པ་ལྟར་ལོ་ཙཱ་ཆེན་པོ་འཇིག་རྟེན་མིག་གཅིག་གིས་བོད་ཡུལ་གྱི་གདུལ་བྱ་དུས་གསུམ་ཀུན་ཏུ་ཡལ་བར་མི་འདོར་བས་བསམ་བཞིན་སྲིད་པར་བཟུང་བའི་རྡོ་རྗེ་རིག་འཛིན་ཆེན་པོ་གང༌། རྒྱལ་བསྟན་སྤྱི་དང་ཁྱད་པར་སྔ་འགྱུར་རྡོ་རྗེ་ཐེག་པའི་བསྟན་པའི་མེ་རོ་གསོ་བའི་ཐུགས་བསྐྱེད་དུས་སུ་བབ་སྟེ་བཀའ་གཏེར་རིས་མེད་ཀྱི་ཡོངས་འཛིན་ཉི་ཤུ་རྩ་ལྔ་བསྟེན་ནས། སྡོམ་པ་གསུམ་གྱི་བཅས་ཁྲིམས། གསན་བསམ་སྒོམ་གསུམ་གྱི་རྣམ་ཐར་ཡོངས་སུ་རྫོགས་པའི་མཐུས་སློབ་དཔོན་སངས་རྒྱས་གཉིས་པས་ལུང་བསྟན་པའི་གནས་མཆོག་ཏུ་ཞབས་ཀྱི་པདྨོ་བཀོད་པ་དང་ཆབས་ཅིག་གནས་དེའི་ལྷོ་ནུབ་ནས་མཚོ་སྐྱེས་རིག་འཛིན་དབང་པོའི་དགྱེས་པའི་འཛུམ་ཞལ་མངོན་སུམ་དུ་བསྟན་ཅིང༌། གཡས་གཡོན་གྱི་ཕྱོགས་སུ་ཌཱ་ཀི་དཀར་སྔོན་གཉིས་དང་བཅས་པས་བརྡ་ཡིས་ལུང་བསྟན་པ་བཞིན་དབུས་ཀྱི་ས་འཛིན་དུ་དགེ་འདུན་འདུས་པའི་སྡེ་ས་ལ་སྤྱོད་པའི་འོག་མིན་ཨོ་རྒྱན་སྨིན་གྲོལ་གླིང་ཉིད་བཙུགས། སངས་རྒྱས་ཀྱི་བསྟན་པ་སྤྱི་དང་བྱེ་བྲག་གི་རྒྱུན་བཤད་སྒྲུབ་ལས་གསུམ་གྱིས་སྤེལ་བ་དང༌། ཌཱ་ཀི་དཀར་སྔོན་བཞུགས་ཕྱོགས་སུ་བསྟན་སྲུང་ཞིང་སྐྱོང་མ་མོ་དང༌། བོད་སྐྱོང་བརྟན་མ་བཅུ་གཉིས་ཀྱི་རྟེན་མདོས་བཙུགས་ནས་རྗེ་ཉིད་ཀྱི་ཁྲི་བརྒྱུད་རྡོ་རྗེ་འཛིན་པས་བཀའ་གཏེར་གྱི་བསྟན་པའི་རྒྱུན་བསྐྱངས། མཁན་ཆེན་ལོ་ཙཱ་བ་དྷརྨཱ་ཤྲཱིའི་བསྟན་རྩ་གཞི་གསུམ། མདོ་སྔགས་རིག་གནས་དང་བཅས་པའི་འཆད་ཉན་གྱི་སྲོལ་བཏོད་པས་སྐུ་གསུང་ཐུགས་ཀྱི་སྲས་བརྒྱུད་དང་སློབ་བརྒྱུད་ཀྱི་རིམ་པ། འགྲོ་དོན་ནུས་པ་སུམ་ཅུ་སོ་ལྔ། རང་དོན་ཐུབ་པ་བརྒྱ་རྩ་བརྒྱད། ཆོས་ཀྱི་འབྲེལ་བ་སྟོང་ཚོ། སྨོན་ལམ་གྱི་འབྲེལ་བ་ཁྲི་ཚོ་ལྔ། ལས་ཀྱི་འབྲེལ་བ་དྲུག་ཅུ་རྩ་བདུན། གདུགས་ཐོག་བདུན་དང་མི་ཆེན་གསུམ་གྱིས་ཕྲིན་ལས་ཀྱི་སྒོ་སྤེལ་བ་གཏེར་ལུང་ནས་གསུངས་པ་ལྟར་སྒྲ་ཇི་བཞིན་མངོན་དུ་གྱུར་ཏེ་སྔ་འགྱུར་བཀའ་མ་མདོ་སྒྱུ་སེམས་གསུམ་གྱི་སྨིན་གྲོལ་རྒྱུད་བཤད་དང་བཅས་པ། གཏེར་ཁ་གོང་འོག་གིས་མཚོན་པའི་ཟབ་གཏེར་ལས་བྱོན་པའི་བླ་རྫོགས་ཐུགས་གསུམ་གྱི་སྨིན་གྲོལ་གྱི་རྒྱུན་དང་བསྙེན་སྒྲུབ་ལས་སྦྱོར་གྱི་ཕྱག་བཞེས་གཙོས་ངེས་གསང་བསྟན་པའི་སྲོག་ཤིང་སྙིང་ལྟ་བུ་རྣམས་ལ་གསན་བསམ་སྒོམ་གསུམ་གྱིས་དབང་བཞིའི་རྟོགས་པ་མངོན་དུ་གྱུར་ཏེ་སངས་རྒྱས་ཀུན་གྱི་གསང་བ་འཛིན་པའི་དཀྱིལ་འཁོར་འཁོར་ལོའི་དབང་ཕྱུག་དངོས་སུ་གྱུར་ཏེ། སྡོམ་པ་གསུམ་གྱིས་རྒྱུད་བསྡམས་ཤིང་བཤད་སྒྲུབ་ཀྱིས་དུས་འདའ་བའི་རིག་པ་འཛིན་པའི་དགེ་འདུན་སུམ་བརྒྱར་ཉེ་བ་ལ་གནས་མལ། རྟེན་གསུམ་མཆོད་ཆ་དུས་བཞིའི་སྒྲུབ་མཆོད་ཀྱི་ཡོ་བྱད། སྐུ་གསུང་ཐུགས་ཀྱི་རྟེན་ཁྱད་འཕགས། ཁྱད་པར་རྒྱུད་ལུང་མན་ངག་གི་ཟབ་གནད་གཅིག་ཏུ་དྲིལ། འཐོར་བ་བསྡུས། གཅུས་པ་བསྲངས། གབ་པ་མངོན་ཕྱུང་གི་རྡོ་རྗེའི་གསུང་གི་གསང་བ་པོད་བཅུ་བཞིར་ལོང་བ་རྒྱལ་སྲས་པད་འགྱུར་གྱི་དཀར་ཆག་ལྟར་དང༌། དུས་བབ་ཀྱི་ཟབ་ཆོས་རིག་འཛིན་ཐུགས་ཐིག །གཤིན་རྗེ་དྲེགས་འཇོམས། རྡོར་སེམས་ཨ་ཏིའི་སྐོར། ཐུགས་རྗེ་ཆེན་པོ་བདེ་གཤེགས་ཀུན་འདུས་རྩ་བ་ཡན་ལག་དང་བཅས་པ་སྤྱན་དྲངས་ནས་སྨིན་གྲོལ་ཟབ་མོའི་གསང་མཛོད་ཀྱི་སྒོ་འཕར་ཕྱེས་ནས་ལས་ཅན་དག་པའི་འཁོར་ཚོགས་རྗེས་སུ་བཟུང་སྟེ་བོད་ཡུལ་བསྟན་འགྲོའི་བདེ་སྐྱིད་རྫོགས་ལྡན་དང་པོའི་དགའ་སྟོན་ལ་སྦྱར་བར་མཛད་ཅིང༌། གཞན་ཡང་ཇོ་ཤངས་ཞི་གཅོད་བོ་དོང་སོགས་གྲུབ་མཐའ་རིས་སུ་མ་ཆད་པའི་བསྟན་རྒྱུན་ཉག་ཕྲ་བ་ལ་འཛིན་སྐྱོང་སྤེལ་གསུམ་གྱིས་བཀའ་དྲིན་ཤིན་ཏུ་ཆེ་བས་ན་ཐུན་མོང་གི་གདུལ་བྱར་ཡང་རྒྱལ་བསྟན་གྱི་སྣང་བ་ལེགས་དགུས་འཁྱུད་པའི་དཔལ་འབྱོར་གྱིས་ཕྱུག་པས་དོན་རྟགས་གཉིས་ཀ་འོག་མིན་དུ་ངེས་པའི་གྲགས་སྙན་འཇིག་རྟེན་གསུམ་ན་གསལ་བ་སྟེ། མདོར་ན་སྔ་འགྱུར་བཀའ་གཏེར་མཚན་དོན་མཐུན་པའི་བསྟན་པ་ཡན་ལག་དང་བཅས་པ་མ་ཉམས་པར་ད་ལྟའང་སྤྱོད་དུ་ཡོད་པ་འདི་ནི་རྗེ་བླ་མ་གཏེར་ཆེན་སྐུ་མཆེད་གདུང་བརྒྱུད་དང་བཅས་པའི་ཕྲིན་ལས་ཁོ་ན་ལས་བྱུང་བར་གཟུར་གནས་མཁས་གྲུབ་རྣམས་ཀྱིས་རྒྱུ་མཚན་དཔྱད་པས་རྟོགས་ནུས་ལ། དེས་ན་རྒྱལ་བ་རྫོགས་པའི་སངས་རྒྱས་ཀྱི་ཐུགས་ཀྱི་གསང་བ་མཐའ་དག་གང་དུ་བཞུགས་པ་དེར་དེ་ཡི་གཉེར་འཛིན་པའི་མཁའ་འགྲོ་དང་ཆོས་སྐྱོང་ཡང་མེ་ཏོག་གི་དགའ་ཚལ་དུ་བུང་བ་བཞིན་ངང་གིས་འདུ་བས་ལེགས་ཉེས་ཀྱི་སྟངས་འཛིན་ཅིང་ཉམས་པ་ཚར་གཅོད་དམ་ལྡན་རྗེས་སུ་འཛིན་པས་ཐུགས་བསྐྱེད་དང་ཕྲིན་ལས་ཀྱི་ལེགས་ཚོགས་སྤེལ་བ་ཆོས་ཉིད་ཡིན་པས་འཛམ་གླིང་ནུབ་ཕྱོགས་ཨོྃ་རྒྱནྃ་མཁྃའ་འགྲོྃའི་གནྃས་ཀྱི་དྷརྨཱ་གཉྫའི་གསང་མཛོད་དང་དབྱེར་མི་ཕྱེད་པར་གྱུར་པ་ལ་གཅིག་ལས་གཉིྃས་སུ་འཕོས་པྃ་ལྟ་བུ་ཡིན་ཅིང༌། དེའི་ཚེ་རྗེ་བླ་མ་མཆོག་གི་ཕྲིན་ལས་ཀྱི་གྲོགས་སུ་གངས་རིའི་ཁྲོད་ཀྱི་མགོན་གཅིག་ཕྱག་ན་པདྨོ་ལྔ་པ་ཆེན་པོ་མཆོད་ཡོན་ཉི་ཟླ་ཟུང་འབྲེལ། ས་སྐྱ་བ་བདག་ཆེན་ཀུན་དགའ་བཀྲ་ཤིས། ཆབ་མདོ་འཕགས་པ་ལྷ་སྟོན་འཁོར། འབྲི་གུང་དཀོན་མཆོག་ཕྲིན་ལས་བཟང་པོ། སྟག་ལུང་བསྟན་འཛིན་སྲིད་ཞི་རྣམ་རྒྱལ། འབྲུག་ཐམས་ཅད་མཁྱེན་པ། སྒམ་པོ་མཆོག་སྤྲུལ་གདུང་བརྒྱུད། མཚུར་ཕུའི་རྒྱལ་ཚབ་དང་ཏྲེ་ཧོ། ལྷོ་བྲག་གསུང་སྤྲུལ་དང་ཐུགས་སྲས། རོང་པ་དང་མདོ་ཁམས་རྫོགས་ཆེན་པ། མདོ་ཁམས་པ་ཀུན་དགའ་བསྟན་འཛིན། ཞེ་ཆེན་རབ་འབྱམས་དང་པོ་སོགས་གྲུབ་མཐའ་རིས་སུ་མ་ཆད་པའི་སྐྱེས་ཆེན་དམ་པ་རྣམས་ཀྱི་སྐྱེས་སྦྱོར་གྱི་རྣམ་ཐར་རྨད་དུ་བྱུང་བ་རྣམས་ཀྱིས་གངས་ཅན་འཛིན་མའི་ཐིག་ལེ་མཛེས་པ་དང༌། སྔོན་སྦྱངས་ཀྱི་ལས་འཕྲོ་སད་པའི་སྐལ་བཟང་རྣམས་ཀྱིས་ཐོས་བསམ་སྒོམ་པའི་ན་ཚོད་དར་ལ་བབ་པའི་མཛེས་སྡུག་གི་བརྟན་པ་བཞད་ཅིང༌། དཀར་ཕྱོགས་རྣམ་པར་རྒྱལ་བའི་དྲི་བསུང་གིས་ཁམས་དབུས་གཙང་ཚུན་ཆད་དུ་ཁྱབ་པའི་ངོ་མཚར་ནི་ཕྱི་མའི་དུས་འདིར་སུས་ཀྱང་འགྲན་ཟླ་བྲལ་བས་མཁའ་ཁྱབ་ཀྱི་གདུལ་བྱ་མཐོང་ཐོས་དྲན་རེག་ཐམས་ཅད་རང་བཞིན་གནས་དང་རྒྱས་འགྱུར་གྱི་རིགས་ཁམས་ཟག་མེད་ཀྱི་ཡོན་ཏན་མ་ལུས་པའི་མཐུ་ནུས་རྫོགས་པས་སྨིནྃ་ཅིངྃ་གྲོལྃ་བསྃ་སྟོན་འཁོར་ཐམས་ཅད་མཐར་ཐུག་སྐལ་བཟང་འདྲེན་པ་སྟོང་གི་སྐུ་ཚེ་དང་ཕྲིན་ལས་རྫོགས་པའི་སངས་རྒྱས་མོས་པ་སྣང་མཛད་ཀྱི་ཡེ་ཤེས་ཟབ་མོའི་དབྱིངས་སུ་སྦྱོར་བའི་ཕྲིན་ལས་ཀྱི་ཉིན་བྱེད་འཆར་ཁའི་སྐྱ་རེངས་དང་པོར་སྐུ་ཚེ་འདིའི་ཐུགས་ཟིན་གྱི་སློབ་མ་ཐམས་ཅད་རང་བྱུང་ཡེ་ཤེས་དགོངས་ཀློང་དུ་ཐུགས་ཡིད་དབྱེར་མེད་མཛད་པའི་ཚུལ་རྗེ་བླ་མ་དང་དགོངས་པ་ཕྲིན་ལས་ཐམས་ཅད་མཉམ་པའི་གཅུང་ལོ་ཙཱ་བ་ཆེན་པོ་དྷརྨཱ་ཤྲཱི། གདོད་མའི་མགོན་པོ་སྒྲ་ཐལ་འགྱུར་རྩ་རྒྱུད་ལས་ལུང་བསྟན་པའི་རྗེ་བཙུན་མི་འགྱུར་དཔལ་སྒྲོན་སོགས་ཀུན་ཀྱང་འཕགས་པའི་ཡེ་ཤེས་མངོན་དུ་གྱུར་ཅིང་སྣང་བཞིའི་མཐར་སོན་པས་སྲས་བརྒྱུད་དང་སློབ་བརྒྱུད་ཐམས་ཅད་ཆོས་ཉིད་ཀྱི་ལྟ་སྒོམ་མཐར་སོན་པ་ཤས་ཆེ་བའི་ཕྱིར་ཨྃ་ཏིྃའི་གླིངྃ་ཞེས་གངས་ཁྲོད་བསྟན་པའི་གཞི་མ་གཙུག་ལག་ཁང་ཐམས་ཅད་ཀྱི་ཕུལ་དུ་ཕྱིན་པ་སྟེ། དེས་ན་རབ་བརྟགས་དང་ཕུལ་བྱུང་གི་བརྗོད་པས་དག་སྣང་དང་ཕྱོགས་ཞེན་གྱི་བསམ་སྦྱོར་ཙམ་མ་ཡིན་པར་དོན་ལ་གནས་པའི་ཡོན་ཏན་མཆོག་གིས་ལྕི་བས་ན། རྒྱུ་མཚན་ཤེས་ཤིང་ཆོས་རྗེས་འབྲང་བའི་དབང་རྣོན་བློ་ལྡན་དག་གིས་སྟོན་དང་བསྟན་པ་འདིའི་ངང་ཚུལ་ལ་དཔྱད་པའི་ཚེ་འདི་ནི་ངེསྃ་པྃ་དོྃན་གྱིྃ་མཁས་གྲུབ་སྐྱེས་བུ་དམ་པའི་ཚོགས་ཀུན་ཏུ་དགྃའ་བའི་གར་གྱིས་འདུ་ཤིང་བརྩེ་བའིྃ་སྐྱེད་མོས་ཚལྃ་ཆེནྃ་པོྃ་འཕགས་པའི་ཡུལ་དུ་དཔལ་ན་ལེནྡྲ་དང༌། བི་ཀྲ་མ་ལ་ཤཱི་ལ། གངས་ཅན་དུ་ཆོས་འཁོར་གསུམ་དང་ཁྱད་པར་བསམ་ཡས་མི་འགྱུར་ལྷུན་གྱིས་གྲུབ་པའི་གནས་སུ་ལོ་པཎ་བརྒྱ་རྩ་ཞལ་འཛོམ་པའི་སྙན་པ་ལྟ་བུ་ཞེས་སེམས་ཉིད་དད་པའི་ངེས་ཤེས་ཀྱིས་དེའི་རྣམ་ཐར་གྱི་རྗེས་སུ་རང་དགར་བརྟན་པ་དང་བྲལ་བར་བསླབས་པས་རང་ལུགས་སྔ་འགྱུར་གྱི་ཆོས་རྒྱུན་འཛིན་པ་ཀུན་དང༌། གསར་ཕྱོགས་ཀྱི་ཚད་མའི་སྐྱེས་ཆེན་རྣམས་ཀྱིས་ཀྱང་བསྟོད་བསྔགས་ཀྱི་གླིང་བུ་སྙན་པར་སྒྲོགས་པའི་ཞིང་དུ་གྱུར་པ་སྟེ། སྤྱིར་རྒྱལ་བ་སྲས་དང་བཅས་པས་ཆོས་རྒྱུན་གྱི་ཕྲིན་ལས་རྒྱུན་མི་འཆད་པའི་ཐུགས་སྐྱེད་ཀྱི་སྨོན་ལམ་དང༌། ཁྱད་པར་ལོ་ཆེན་བཻ་རོ་ཙཱ་ནའི་སྐུའི་སྐྱེ་བ་རིམ་བྱོན་གྱིས་རྒྱལ་བསྟན་སྤྱི་དང་ཁྱད་པར་སྔ་འགྱུར་འོད་གསལ་རྡོ་རྗེ་སྙིང་པོའི་བསྟན་པ་དུས་གསུམ་ཀུན་ཏུ་འཕེལ་རྒྱས་བརྟན་པའི་སྨོན་ལམ་དང་ཕྲིན་ལས་ཀྱི་གོ་ཆ་ལ་རྗེ་འབངས་ཀུན་ལས་ལྷག་པས་རྡོ་རྗེའི་བླ་མ་པདྨ་སཾ་བྷ་ཝས་ཀྱང་སློབ་དཔོན་ཉིད་དང་དགོངས་ཀློང་མཉམ་པར་ཡང་ཡང་བསྔགས་པས་གསང་སྔགས་རྙིང་མའི་བསྟན་པའི་མིག་གཅིག་པུའི་ཐུགས་ཀྱི་གཡར་དམ་ཆེན་པོའི་མཐུས་ཕྱོགྃས་བཅུ་དང་དུསྃ་བཞིའི་ཁྱོན་ཀུནྃ་ཏུྃ་དྃར་ཞིངྃ་རྒྱསྃ་པར་གྱུྃར་ཅིྃག་ཅེས་རྡོ་རྗེའི་གསུང་གི་བདེན་ཚིག་མཛད་པ་བཞིན་དུས་ངན་སྙིགས་མའི་རྒུད་པ་འདི་ལྟ་བུའི་སྐབས་སུ་ཡང་གང་གི་བཀའ་སྲོལ་འཆད་ཉན་སྒོམ་གསུམ་རྒྱུན་མི་ཆད་པར་བཞུགས་པ་བཞིན་སངས་རྒྱས་སྟོང་གི་ཕྲིན་ལས་ཇི་སྲིད་བར་རྟག་ཁྱབ་ལྷུན་གྲུབ་ཆེན་པོར་འབྱུང་བར་གསོལ་བ་འདེབས་བཞིན་པའོ། །ཆགས་སྡང་དུག་ཆུས་སེམས་རྒྱུད་མྱོས་པ་ཡི། །གནས་མིན་བསྟོད་པའི་གླིང་བུས་སྐྱེ་རྒུའི་ཡིད། །འཕྲོག་བྱེད་ཟོལ་སྦྱོར་ཙམ་མིན་དོན་གྱི་གནས། །ལུང་རིགས་ཚད་མས་གྲུབ་བཞིན་ཅུང་ཟད་སྤྲོས། །དེང་སང་བླུན་པོ་གྲགས་པའི་རྗེས་འབྲང་བ། །རྣམ་དཔྱོད་འདྲེན་བྱེད་ལྡོངས་བས་མཐོང་དཀའ་ཡང༌། །སྙིང་པོའི་གཏམ་འདི་དགྱེས་པའི་དགའ་སྟོན་དུ། །སེམས་དོན་ཡོད་ན་ད་དུང་སྤྲོས་པས་ཆོག །རབ་འབྱམས་སྐུ་དང་ཞིང་ཀུན་སྤྲོ་བསྡུའི་བདག །ཡེ་ཤེས་མཛོད་འཛིན་སྣང་མཛད་ལོ་ཙཱའི་དབྱིངས། །གཅིག་ཏུ་བསྡུས་ནས་རྒྱལ་ཀུན་ཕྲིན་ལས་བདག །བདག་གིས་འདྲེན་པའི་དགེ་མཚན་རྒྱས་གྱུར་ཅིག །ཅེས་པའང་གངས་རིའི་ཁྲོད་ཀྱི་པདྨ་འོད་འོག་མིན་ཨོ་རྒྱན་སྨིན་གྲོལ་གླིང་གི་མཁོ་ཆེན་སྤྲུལ་པའི་སྐུ་འགྱུར་མེད་མདོ་རྒྱུད་རྒྱ་མཚོས་ལྷ་རྫས་རབ་དཀར་རིན་ཆེན་གཉིས་པའི་འཁོར་ལོ་བཅུ་ཕྲག་ལམ་ལྔའི་གྲངས་ལྡན་གྱི་རྟེན་བཅས་བཀའི་གླིང་བུས་བསྐུལ་བ་བཞིན་མདོ་ཁམས་ཞེ་ཆེན་པའི་སློབ་གྲལ་གྱི་ཐ་ཆུང་འགྱུར་མེད་ཐེག་མཆོག་བསྟན་པའི་རྒྱལ་མཚན་གྱིས་ལྷོ་འབྲུག་ཆོས་རྒྱལ་ཆེན་པོའི་མངའ་རིས་སྤ་གྲོ་སྐྱེར་ཆུའི་གཙུག་ལག་ཁང་གི་ཞོལ་ཕུན་ཚོགས་བཀྲ་ཤིས་དགའ་འཁྱིལ་དུ་དད་དང་ལྷག་བསམ་བཟང་པོས་བྲིས་པས་ངེས་གསང་བསྟན་པའི་རྒྱལ་མཚན་ནམ་ཡང་མི་ནུབ་པར་བརྟན་པའི་རྟེན་འབྱུང་དུ་གྱུར་ཅིག །།

[edit]

@#/__snga 'gyur bka' gter shing rta'i lam srol chos kyi rgyal po smin gling pa'i bstan pa rgyas pa'i smon lam rdo rje'i gsung gi 'grel pa dge mtshan lha yi rnga chen zhes bya ba bzhugs so//

@#/__oM swasti/_/'gyura~M meda~M bde chen sgyu 'phrul rdo~M rje~M sems/_/kun khyab thugs rje bdud rtsi'i sprin g.yos pas/_/bka' gter rgya mtsho'i gnyen gcig gter chen rje/_/tshe rabs kun tu snying gi ze'u 'brur bsnyen/_/mkhas pa'i rnam dpyod grub pa'i dgongs rtsal gyis/_/gsang don 'byed pa'i spobs pa phra na yang*/_/dad brgyas nye bar len pas rdo rje'i gsung*/_/cha tsam 'chad la spro ba'i pad+mo 'dzum/_/zhes mchod par brjod pas lam yangs por byas te/_'og min o rgyan smin grol gling nges pa don gyi dga' ba'i tshal zhes khams gsum skye dgu'i mchod sdong phyag na pad+mo rgyal dbang lnga pa chen po'i mtshan gyis dril bsgrags pa'i nges gsang chos kyi chu gter chen po de dar rgyas 'byung ba'i rdo rje'i bden smon gyi don cung zad 'chad pa la/_de yang sangs rgyas rnams mi slob 'bras bu'i go 'phang mngon du mdzad pa'i sku dang zhing khams rgya mtsho'i sgron me'i sprin phun tshogs nges pa lnga ldan du bkod pa las bdag nyid chen po 'di nyid kyi sprul gzhi ni rnam par snang mdzad kun tu zhal ye shes gangs chen mtsho sku'i ba spu'i khung bu re re'ang bye ba phrag brgya'i zhing khams kyi bkod pa dang ldan na gzhan lta ci smos te zhing khams rab 'byams sku gcig la rdzogs pa dang*/_rdul gcig gi steng na rdul grangs med snyed kyi zhing yang snang zhing*/_sku gcig la sku rab 'byams rgya mtsho 'du ba dang*/_sku re res kyang sku dang zhing khams rab 'byams rgya mtshor khyab par snang ba sogs spyod yul las 'das pa'i cho 'phrul chen por bzhugs te de dag gi rnam thar bkod pa'i dpal gyi yon tan ni sangs rgyas nyag gcig gi spyod yul las sa bcu'i dbang phyug gis 'chad par mi nus kyang*/_mdo rgyud kyi khungs kyi rjes su 'brangs nas 'chad na ye shes gangs chen mtsho rnam par snang mdzad de'i phyag mthil gyi rdul phran gcig gi nang du 'jig rten khams rgya mtsho de bzhin gshegs pa'i phyag mthil snying po rab tu gnas pa zhes bya bar/_ston pa'ang ye shes gangs chen mtsho nyid du bstan te rnam par rol pa bsam gyis mi khyab pa gsung pa de'i nang du chud pa'i 'jig rten gyi khams shin tu mang po'i dbus su sangs rgyas rnam snang sprul sku'i zhing khams gzhi dang snying po me tog gis brgyan pa'i zhing de'i khor yug nang du gangs chen mtsho'i dbyings kyi spos chu'i rgya mtsho brjod du med pa'i sangs rgyas kyi zhing rdul snyed kyi dbus su spos chu'i rgya mtsho'i ze ba yid 'ong la gnas pa'i nor bu'i pad+ma chen po yis brten pa'i 'jig rten gyi khams kyi rgyud nyi shu rtsa lnga brtsegs mar gnas pa de'i bcu gsum pa mi mjed ces grags pa stong gsum gyi 'jig rten 'di yin zhing*/_'di la'ang phyogs mtshams steng 'og tu khebs ldan sogs sangs rgyas kyi zhing rdul bcu gsum grangs snyed kyis kun nas bskor zhing*/_zhing de dag tu longs sku rnam par snang mdzad chen po las sprul pa/_gtsang ma'i gnas kyi 'og min du khyab par bzhugs shing dbang phyug chen po rnams kyis chos ston par mdzad pa'i sprul pa rgya chen po zhig ste/_mi mjed de'i dbus su tshud pa'i gling bzhi pa'i 'jig rten 'di bcom pa dang ldan pa zhes grags/_'di kho na la'ang 'dabs chag pa'i shin tu srung legs dang zhing bcu'i bskor ba chags 'jig dus mnyam du byed pa theg chen thun mong ma yin pa'i lugs spyir smos pa ste/_zhing de dag tu 'dul byed kyi ston pa du ma zhig mchis pa las/_da lta bdag cag gi ston pa bskal bzang rnam 'dren bzhi pa'i bstan pa 'di nyid la/_sangs rgyas kyi phrin las rjes su skyong ba'i skyes bu bsam mi khyab par byon pa'i nang nas/_rje 'di ni gab rgya can gyi lung bstan las/_bai ro khyod ni skye mtha'i byang sems te:_khyod kyi 'di gong skye ba 'das pa ni:_smra bsam brjod 'das ye shes snying po'i don:_sems can sangs rgyas mnyam nyid khyab brdal yang:_khams gsum 'gro ba 'dren pa'i rdo rje chos:_shAka thub nye gnas Anan+ta zhes dang:_rgyal po dzaHdang shan+tiM g+har+b+ha dang:_bod 'dir sam+b+ho Ta sogs dag pa yi:_skye ba de tsam snang gi ma dag pa'i:_skye tshul brjod du yod pa'i gnas ma yin:_de ltar dag pa'i skye ba de dag gis:_'gro la snying rje chen po'i thugs bskyed pas:_bai ro khyod du skye ba blangs ba yin:_khyod kyang shrI seng ha ye shes mdo:_pad+ma bdag sogs gtsug gi bla mar bsten:_gdams pa'i gnad rnams phu thag bcad byas nas:_chos sku'i rang zhal mngon sum rtogs gyur pas:_las 'phro ma dag skye ba len mi srid:_'on kyang sems bskyed smon lam bzang po yis:_mtshams sbyor mtha' yas 'gro ba'i dpal nyid du:_dbang phyug 'bar dang ra shag rdo rje gling:_kun skyong gling dang mdo sngags gling pa sogs:_pad+ma bdag gi zab gter bdag po dang:_gzhan yang theg pa che chung sna tshogs na:_de dang mthun pa'i ngo mtshar skye ba'i grangs:_bcu phrag gcig dang gsum tsam 'das pa'i mthar:_zhes gsungs pa ltar gsang bdag rdo rje chos nas srin po chos kyi go cha'i bar rgyal bstan rin po che 'dzin skyong spel_gsum mdzad pa la mkhas btsun bzang grub kyi rnam thar mtshungs zla med par byon nas bka' gter smin grol rgya mtsho'i shing rta khams gsum chos kyi rgyal po gter bdag gling pa zhes mtshan mchog lha yi rnga sgra 'jig rten gsum na snyan par grags pa de'i mtshan dpe'i nyin byed g.yo ru grwa yi gnas su bzhad/_thugs bskyed don yod zhags pas rgyal ba'i bstan pa rin po che kun nas 'khyud pas gangs can rdzogs ldan dang po'i skal bzang la bkod pa'i tshe/_sangs rgyas pad+ma'i snying po dgyes pa'i 'dzum zer gyis rig pa 'dzin dbang mchog gi mkhyen brtse'i ye shes kyi 'dab rgya mdzes par grol ba'i phrin las kyi gtso bo ni zab gter lung byang las/_khyad par g.yo ru gtsang ma'i sar:_tshom bu gcig tu 'dus pa'i sde:_ma 'ongs bstan pa ches 'phel nas:_bod kyi bde skyid dgung du 'degs:_zhes gsal bar lung bstan pa bzhin/_bod yul dbus kyi 'dzin ma'i thig le'i sa~M yi bye brag la~M/_'og min gsang mchog rdo rje'i dkyil 'khor chen po bkod nas snga 'gyur chu bo bzhi yi bgrod pa rgyun mi chad pas g.yas su bskor zhing*/_lung rtogs ma dros pa'i chu gter chen po zab cing rgya che ba 'khyil nas/_mkhas grub rig 'dzin gyi skyes bu klu dbang du mas ci dgar rtsen pa'i gnas gang ni/_'dzam gling bstan pa spyi dang khyad par snga 'gyur bka' gter gyi phan bde mi zad pa'i nyer 'tshor grub pas/_nang gi ye shes zab mo mngon sum gzigs pa'i rdo rje'i spyan dang ldan pa'i dag pa'i snang char rang snang ye shes kyi 'khor lor longs su spyod pa'i rdo rje'i 'o~Mg mina~M chen po ste mi mjed kyi 'jig rten gyi zhing byang chub sems dpa' tshangs pa ral pa can gyi snod bcud dag par gzigs pa don gyi gnas snang gnyis ka de bzhin yin pa de bzhin gshegs pas shA ri'i bu la bka' bstsal ba ltar te/_rdo rje theg pa lta sgom zab mo'i dbang du byas na snod bcud thams cad mkha' mnyam rdo rje snying po'i zhing du gsungs pas gtsug lag khang 'di la 'og min gyi sgra sbyar na khyad par gyi chos su ci 'gyur snyam na khyad par che ste/_gong du smos pa ltar lo tsA chen po 'jig rten mig gcig gis bod yul gyi gdul bya dus gsum kun tu yal bar mi 'dor bas bsam bzhin srid par bzung ba'i rdo rje rig 'dzin chen po gang*/_rgyal bstan spyi dang khyad par snga 'gyur rdo rje theg pa'i bstan pa'i me ro gso ba'i thugs bskyed dus su bab ste bka' gter ris med kyi yongs 'dzin nyi shu rtsa lnga bsten nas/_sdom pa gsum gyi bcas khrims/_gsan bsam sgom gsum gyi rnam thar yongs su rdzogs pa'i mthus slob dpon sangs rgyas gnyis pas lung bstan pa'i gnas mchog tu zhabs kyi pad+mo bkod pa dang chabs cig gnas de'i lho nub nas mtsho skyes rig 'dzin dbang po'i dgyes pa'i 'dzum zhal mngon sum du bstan cing*/_g.yas g.yon gyi phyogs su DA ki dkar sngon gnyis dang bcas pas brda yis lung bstan pa bzhin dbus kyi sa 'dzin du dge 'dun 'dus pa'i sde sa la spyod pa'i 'og min o rgyan smin grol gling nyid btsugs/_sangs rgyas kyi bstan pa spyi dang bye brag gi rgyun bshad sgrub las gsum gyis spel ba dang*/_DA ki dkar sngon bzhugs phyogs su bstan srung zhing skyong ma mo dang*/_bod skyong brtan ma bcu gnyis kyi rten mdos btsugs nas rje nyid kyi khri brgyud rdo rje 'dzin pas bka' gter gyi bstan pa'i rgyun bskyangs/_mkhan chen lo tsA ba d+harmA shrI'i bstan rtsa gzhi gsum/_mdo sngags rig gnas dang bcas pa'i 'chad nyan gyi srol btod pas sku gsung thugs kyi sras brgyud dang slob brgyud kyi rim pa/_'gro don nus pa sum cu so lnga/_rang don thub pa brgya rtsa brgyad/_chos kyi 'brel ba stong tsho/_smon lam gyi 'brel ba khri tsho lnga/_las kyi 'brel ba drug cu rtsa bdun/_gdugs thog bdun dang mi chen gsum gyis phrin las kyi sgo spel ba gter lung nas gsungs pa ltar sgra ji bzhin mngon du gyur te snga 'gyur bka' ma mdo sgyu sems gsum gyi smin grol rgyud bshad dang bcas pa/_gter kha gong 'og gis mtshon pa'i zab gter las byon pa'i bla rdzogs thugs gsum gyi smin grol gyi rgyun dang bsnyen sgrub las sbyor gyi phyag bzhes gtsos nges gsang bstan pa'i srog shing snying lta bu rnams la gsan bsam sgom gsum gyis dbang bzhi'i rtogs pa mngon du gyur te sangs rgyas kun gyi gsang ba 'dzin pa'i dkyil 'khor 'khor lo'i dbang phyug dngos su gyur te/_sdom pa gsum gyis rgyud bsdams shing bshad sgrub kyis dus 'da' ba'i rig pa 'dzin pa'i dge 'dun sum brgyar nye ba la gnas mal/_rten gsum mchod cha dus bzhi'i sgrub mchod kyi yo byad/_sku gsung thugs kyi rten khyad 'phags/_khyad par rgyud lung man ngag gi zab gnad gcig tu dril/_'thor ba bsdus/_gcus pa bsrangs/_gab pa mngon phyung gi rdo rje'i gsung gi gsang ba pod bcu bzhir long ba rgyal sras pad 'gyur gyi dkar chag ltar dang*/_dus bab kyi zab chos rig 'dzin thugs thig_/gshin rje dregs 'joms/_rdor sems a ti'i skor/_thugs rje chen po bde gshegs kun 'dus rtsa ba yan lag dang bcas pa spyan drangs nas smin grol zab mo'i gsang mdzod kyi sgo 'phar phyes nas las can dag pa'i 'khor tshogs rjes su bzung ste bod yul bstan 'gro'i bde skyid rdzogs ldan dang po'i dga' ston la sbyar bar mdzad cing*/_gzhan yang jo shangs zhi gcod bo dong sogs grub mtha' ris su ma chad pa'i bstan rgyun nyag phra ba la 'dzin skyong spel gsum gyis bka' drin shin tu che bas na thun mong gi gdul byar yang rgyal bstan gyi snang ba legs dgus 'khyud pa'i dpal 'byor gyis phyug pas don rtags gnyis ka 'og min du nges pa'i grags snyan 'jig rten gsum na gsal ba ste/_mdor na snga 'gyur bka' gter mtshan don mthun pa'i bstan pa yan lag dang bcas pa ma nyams par da lta'ang spyod du yod pa 'di ni rje bla ma gter chen sku mched gdung brgyud dang bcas pa'i phrin las kho na las byung bar gzur gnas mkhas grub rnams kyis rgyu mtshan dpyad pas rtogs nus la/_des na rgyal ba rdzogs pa'i sangs rgyas kyi thugs kyi gsang ba mtha' dag gang du bzhugs pa der de yi gnyer 'dzin pa'i mkha' 'gro dang chos skyong yang me tog gi dga' tshal du bung ba bzhin ngang gis 'du bas legs nyes kyi stangs 'dzin cing nyams pa tshar gcod dam ldan rjes su 'dzin pas thugs bskyed dang phrin las kyi legs tshogs spel ba chos nyid yin pas 'dzam gling nub phyogs o~M rgyana~M mkha~M' 'gro~M'i gna~Ms kyi d+harmA gany+dza'i gsang mdzod dang dbyer mi phyed par gyur pa la gcig las gnyi~Ms su 'phos pa~M lta bu yin cing*/_de'i tshe rje bla ma mchog gi phrin las kyi grogs su gangs ri'i khrod kyi mgon gcig phyag na pad+mo lnga pa chen po mchod yon nyi zla zung 'brel/_sa skya ba bdag chen kun dga' bkra shis/_chab mdo 'phags pa lha ston 'khor/_'bri gung dkon mchog phrin las bzang po/_stag lung bstan 'dzin srid zhi rnam rgyal/_'brug thams cad mkhyen pa/_sgam po mchog sprul gdung brgyud/_mtshur phu'i rgyal tshab dang tre ho/_lho brag gsung sprul dang thugs sras/_rong pa dang mdo khams rdzogs chen pa/_mdo khams pa kun dga' bstan 'dzin/_zhe chen rab 'byams dang po sogs grub mtha' ris su ma chad pa'i skyes chen dam pa rnams kyi skyes sbyor gyi rnam thar rmad du byung ba rnams kyis gangs can 'dzin ma'i thig le mdzes pa dang*/_sngon sbyangs kyi las 'phro sad pa'i skal bzang rnams kyis thos bsam sgom pa'i na tshod dar la bab pa'i mdzes sdug gi brtan pa bzhad cing*/_dkar phyogs rnam par rgyal ba'i dri bsung gis khams dbus gtsang tshun chad du khyab pa'i ngo mtshar ni phyi ma'i dus 'dir sus kyang 'gran zla bral bas mkha' khyab kyi gdul bya mthong thos dran reg thams cad rang bzhin gnas dang rgyas 'gyur gyi rigs khams zag med kyi yon tan ma lus pa'i mthu nus rdzogs pas smina~M cinga~M grola~M bsa~M ston 'khor thams cad mthar thug skal bzang 'dren pa stong gi sku tshe dang phrin las rdzogs pa'i sangs rgyas mos pa snang mdzad kyi ye shes zab mo'i dbyings su sbyor ba'i phrin las kyi nyin byed 'char kha'i skya rengs dang por sku tshe 'di'i thugs zin gyi slob ma thams cad rang byung ye shes dgongs klong du thugs yid dbyer med mdzad pa'i tshul rje bla ma dang dgongs pa phrin las thams cad mnyam pa'i gcung lo tsA ba chen po d+harmA shrI/_gdod ma'i mgon po sgra thal 'gyur rtsa rgyud las lung bstan pa'i rje btsun mi 'gyur dpal sgron sogs kun kyang 'phags pa'i ye shes mngon du gyur cing snang bzhi'i mthar son pas sras brgyud dang slob brgyud thams cad chos nyid kyi lta sgom mthar son pa shas che ba'i phyir a~M ti~M'i glinga~M zhes gangs khrod bstan pa'i gzhi ma gtsug lag khang thams cad kyi phul du phyin pa ste/_des na rab brtags dang phul byung gi brjod pas dag snang dang phyogs zhen gyi bsam sbyor tsam ma yin par don la gnas pa'i yon tan mchog gis lci bas na/_rgyu mtshan shes shing chos rjes 'brang ba'i dbang rnon blo ldan dag gis ston dang bstan pa 'di'i ngang tshul la dpyad pa'i tshe 'di ni ngesa~M pa~M do~Mn gyi~M mkhas grub skyes bu dam pa'i tshogs kun tu dga~M' ba'i gar gyis 'du shing brtse ba'i~M skyed mos tshala~M chena~M po~M 'phags pa'i yul du dpal na len+d+ra dang*/_bi kra ma la shI la/_gangs can du chos 'khor gsum dang khyad par bsam yas mi 'gyur lhun gyis grub pa'i gnas su lo paN brgya rtsa zhal 'dzom pa'i snyan pa lta bu zhes sems nyid dad pa'i nges shes kyis de'i rnam thar gyi rjes su rang dgar brtan pa dang bral bar bslabs pas rang lugs snga 'gyur gyi chos rgyun 'dzin pa kun dang*/_gsar phyogs kyi tshad ma'i skyes chen rnams kyis kyang bstod bsngags kyi gling bu snyan par sgrogs pa'i zhing du gyur pa ste/_spyir rgyal ba sras dang bcas pas chos rgyun gyi phrin las rgyun mi 'chad pa'i thugs skyed kyi smon lam dang*/_khyad par lo chen bai ro tsA na'i sku'i skye ba rim byon gyis rgyal bstan spyi dang khyad par snga 'gyur 'od gsal rdo rje snying po'i bstan pa dus gsum kun tu 'phel rgyas brtan pa'i smon lam dang phrin las kyi go cha la rje 'bangs kun las lhag pas rdo rje'i bla ma pad+ma saM b+ha was kyang slob dpon nyid dang dgongs klong mnyam par yang yang bsngags pas gsang sngags rnying ma'i bstan pa'i mig gcig pu'i thugs kyi g.yar dam chen po'i mthus phyoga~Ms bcu dang dusa~M bzhi'i khyon kuna~M tu~M da~Mr zhinga~M rgyasa~M par gyu~Mr ci~Mg ces rdo rje'i gsung gi bden tshig mdzad pa bzhin dus ngan snyigs ma'i rgud pa 'di lta bu'i skabs su yang gang gi bka' srol 'chad nyan sgom gsum rgyun mi chad par bzhugs pa bzhin sangs rgyas stong gi phrin las ji srid bar rtag khyab lhun grub chen por 'byung bar gsol ba 'debs bzhin pa'o/__/chags sdang dug chus sems rgyud myos pa yi/_/gnas min bstod pa'i gling bus skye rgu'i yid/_/'phrog byed zol sbyor tsam min don gyi gnas/_/lung rigs tshad mas grub bzhin cung zad spros/_/deng sang blun po grags pa'i rjes 'brang ba/_/rnam dpyod 'dren byed ldongs bas mthong dka' yang*/_/snying po'i gtam 'di dgyes pa'i dga' ston du/_/sems don yod na da dung spros pas chog_/rab 'byams sku dang zhing kun spro bsdu'i bdag_/ye shes mdzod 'dzin snang mdzad lo tsA'i dbyings/_/gcig tu bsdus nas rgyal kun phrin las bdag_/bdag gis 'dren pa'i dge mtshan rgyas gyur cig_/ces pa'ang gangs ri'i khrod kyi pad+ma 'od 'og min o rgyan smin grol gling gi mkho chen sprul pa'i sku 'gyur med mdo rgyud rgya mtshos lha rdzas rab dkar rin chen gnyis pa'i 'khor lo bcu phrag lam lnga'i grangs ldan gyi rten bcas bka'i gling bus bskul ba bzhin mdo khams zhe chen pa'i slob gral gyi tha chung 'gyur med theg mchog bstan pa'i rgyal mtshan gyis lho 'brug chos rgyal chen po'i mnga' ris spa gro skyer chu'i gtsug lag khang gi zhol phun tshogs bkra shis dga' 'khyil du dad dang lhag bsam bzang pos bris pas nges gsang bstan pa'i rgyal mtshan nam yang mi nub par brtan pa'i rten 'byung du gyur cig_//