JKW-KABUM-21-ZHA-002-061

🚧 This website is under continued development. We appreciate your patience!

Previous Text Back to Volume PageNext Text

Wylie title	gtor ma'i spod sman sogs kyi rdzas tho/ thun rdzas/ glud rdzas sogs kyi tho
Location	mkhyen brtse'i bka' 'bum Volume 21, sde tshan 2, Text 61, Pages 295-299 (Folios 89a2 to 91a1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. gtor ma'i spod sman sogs kyi rdzas tho thun rdzas glud rdzas sogs kyi tho. In 'jam dbyangs mkhyen brtse'i dbang po'i bka' 'bum, Vol. 21: 295-299. Khams sde dge rdzong sar dgon: Rdzong sar blo gros phun tshogs, 2020.
Genre	Ritual Substances - rdzas

1 Texts in this Section (sde tshan or chos tshan)

61 295-299	གཏོར་མའི་སྤོད་སྨན་སོགས་ཀྱི་རྫས་ཐོ། ཐུན་རྫས། གླུད་རྫས་སོགས་ཀྱི་ཐོ། gtor ma'i spod sman sogs kyi rdzas tho/ thun rdzas/ glud rdzas sogs kyi tho Ritual Substances - rdzas	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

གཏོར་མའི་སྤོད་སྨན་ནི། ཨོ་རྒྱན་ཆེན་པོས་རྡོ་རིགས་རིན་པོ་ཆེ་ལ་ཕྱག་བཟོ་མཛད་པའི་མཐེབ་ཀྱུ་མཚོན་ཐུབ་ངོ་མཚར་ཅན། སྐྱིད་ཀྱི་གྲོ་མ་ལུང་ནས་བྱུང་བར་ཕབས་གཏར་སྦྱར་ཏེ། བདུད་རྩི་སྨན་གྱི་ཕབས་གཏའ་ཟླ་བ་བདུད་རྩིའི་ཐིག་ལེས་གཞི་བཟུང་། སྲོག་ཆགས་གཙང་མ་ལས་བྱུང་བའི། མཁལ་མ། སྙིང་། གློ་བ། མཚེར་པ། བ་སུ་ཏ་སྟེ་ནང་ཁྲོལ་ལྔ། ཚིལ། རྐང་མར། ཞག །རུས་པ། གོ་རོ་ཙ་ན་ལྔ། མིག །རྣ། སྣ། ལྕེ། སྙིང་སྟེ་དབང་པོ་ལྔ། སྟར་ག །ཁམ་བུ། ཀུ་ཤུ། རྒུན་འབྲུམ། བསེ་ཡབ། ཨ་མྲ་སོགས་ཤིང་ཏོག་སྣ་ཚོགས། དུག་རིགས་མིན་པའི་མེ་ཏོག་སྣ་ཚོགས། བཟང་དྲུག །འབྲས་གསུམ། ག་བུར་སོགས་སྨན་སྣ། ནས། འབྲས། གྲོ། སྲན། ཁྲེ། ཏིལ། སོ་བ། ཡུངས་ཀར། ཙི་ཙི་སོགས་འབྲུ་རིགས། ཞོ། མཐུད། མར། ཕྱུ་ར། སྦྲང་། བུ་རམ། ཀ་ར། གྲོ་མ་སོགས་དཀར་མངར་རིགས། ཤིང་ཀུན། སྒ་སྐྱ། པི་ལིང་། ཕོ་རིས། འུ་སུ། གོ་སྙོད། ཏང་ཀུན། ལན་ཚྭ། གཡེར་མ་སོགས་སྤོད་རིགས། རི་ཀླུང་གི་ཤྭ་མང་དང་། སྒོག་བཙོང་སོགས་གཙང་ཞིང་དག་པར་སྦྱར་བའོ། །དགེའོ། ། ༈ ཀླུ་སྨན་གྱི་སྐོར་ལ་སྣ་མ་འཛོམ་ཡང་། དྲག་པ་དང་ཉམས་པ་ཅན་སོགས་ཀྱི་ལག་འགྲིམ་མ་སོང་བ་ཞིག་གལ་ཆེ་སྟེ། སྔོན་གྲུབ་དབང་བདུད་རྩིས་ཆར་འབེབས་གནང་བས་གནམ་ཤིན་ཏུ་གཡེར་བས། སླར་ཆུ་མིག་དེར་དྲག་འབོད་ཞིག་མཛད་སྐབས་ཀླུ་རྒྱལ་དགའ་བོ་འོང་སྟེ་ཀླུ་སྨན་བཙོག་པ་དེས་ཀླུ་རྣམས་མ་བདེ་བས། དེའི་སླད་ཀྱིས་ནམ་མཁའ་ཡེར་ཞིང་མི་ཕྱུགས་ཀྱང་མི་བདེ་བ་ཡོང་། ད་ཕྱིན་སྨན་གཙང་མའི་རིགས་བྱུང་ན་མཆོག་ཏུ་སྤྲོ་ཞིང་། དེ་མིན་རྒྱ་བོད་གང་རིགས་ཀྱི་སྲོ་མ་ར་ཙའི་འབྲུ་འདིས་ཆོག་ཟེར་བ་ལྟར། བླ་མས་ཁྲུས་གསོལ་དང་སྲོ་མ་ར་ཙའི་འབྲུ། དཀར་གསུམ་མངར་གསུམ་སོགས་གཙང་སྦྲ་གང་ཆེའི་ངང་ནས་ཆར་འབེབས་བྱས་པས་ཆར་རྒྱུན་མི་ཟད་པ་བབས་བྱུང་བས་བླ་མའི་མཚན་ལ་ཕན་བདེའི་འབྱུང་གནས་ཞེས་གྲགས་སོ། ། ༈

རྣམ་འཇོམས་ཀྱི་རྫས་སྦྱོར་བཞུགས་སོ། །ན་མོ་གུ་རུ་བཛྲ་བི་དཱ་ར་ཎཱ་ཡ། རྡོ་རྗེ་རྣམ་པར་འཇོམས་པ་དང་། །རྗེས་འབྲེལ་རྫས་ཀྱི་སྲུང་བ་ནི། །གུ་གུལ་ནག་པོ། རྡོ་རྗེ་གཏུམ་པོ་སྟེ། །འཛིན་དཀར་པོ། པ་ཁྲོ་རྒྱལ་ཧཱུྃ་ཀཱ་ར། །གླ་རྩི་ཁམས་གསུམ་རྣམ་པར་རྒྱལ། །ཤིང་ཀུན་བཅོམ་ལྡན་གཤིན་རྗེ་གཤེད། །རྟ་བོན་རྟ་མགྲིན་རྒྱལ་པོ་སྟེ། །དྲི་ཆེན་ནུས་ལྡན། ཁྲོ་རྒྱལ་བདུད་རྩི་འཁྱིལ། །ཤུ་དག་ནག་པོ་དབྱུག་སྔོན་ཅན། །ཕག་རི་ཕག ། རིལ་ཨཱཪྻ་ཨ་ཙ་ལ། །སྒོག་སྐྱ་འདོད་པའི་རྒྱལ་པོ་དང་། །ཤ་ཆེན་གྲི་ཤ །མ་ཧཱ་བཱ་ལའོ། །མུ་ཟི་ནག་པོ། གནོད་མཛེས་རྒྱལ་པོ་སྟེ། །ཁྱད་འཕགས་རྫས་ཀྱི་སྦྱོར་བ་འདི། །ཚུལ་བཞིན་སྦྱར་ལ་རྩི་བཞིན་བཏག །ནུས་ལྡན་ཆུ་ཡིས་རིལ་བུར་དྲིལ། །ལྷར་བསྐྱེད་སྔགས་བཟླས་ནུས་པ་བསྟིམ། །འོད་ཞུ་རྡོ་རྗེའི་ནུས་ལྡན་བསམ། །འཆང་དང་བཟའ་དང་བྱུགས་པ་དང་། །དུད་པ་གཏོང་བ་ཙམ་གྱིས་ཀྱང་། །སྟོང་ཕྲག་བརྒྱད་བཅུའི་བགེགས་ཀུན་འཇོམ། །བཞི་བརྒྱ་རྩ་བཞིའི་ནད་རྣམས་སེལ། །རིམས་ནད་འགོས་པའི་ནད་རྣམས་ཐུབ། །དྲི་ཚོར་ཙམ་གྱིས་ལྷ་འདྲེ་འབྲོས། །ཞོ་ཉེས་ཆང་ཉེས་ཐམས་ཅད་ཐུབ། །སྐབས་སུ་རྫས་ལ་སྔགས་ཀྱི་ངར། །བཏབ་ནས་ཚུལ་བཞིན་སྤྱད་གྱུར་ན། །འདི་ཡིས་མི་ཐུབ་གང་ཡང་མེད། །ཤིན་ཏུ་ཟབ་པའི་མན་ངག་སྟེ། །སྙིང་གི་དབུས་སུ་དམ་པར་ཆོངས། །ས་མ་ཡ། འདི་ལ་གུ་གུལ། ཤིང་ཀུན། ཤུ་དག་ནག་པོ་གསུམ་གཙོ་བོ་དང་། གཞན་རྣམས་ཆ་མཉམ། གླ་རྩི་དྲི་ཐོན་ཙམ། སྤང་སྤོས་བཟང་པོས་བུངས་བསྐྱེད་ལ་གཞི་བྱས་ཏེ། དགེ་སློང་རྣམ་དག་གམ། སྔགས་པ་ནུས་ལྡན་ནམ། ལོ་བརྒྱད་ཆུ་ལ་གླ་རྩི་དང་། མུ་ཟི་ནག་པོ་བཏབ་པས་རིལ་བུར་དྲིལ་གསུངས། ། ༈ སྤོད་སྨན་གྱི་ཐོ་དགེའོ། ། སྭསྟི། སྤོད་སྨན་གྱི་སྦྱོར་སྡེ་རྒྱ་གར་མཁས་པའི་གཞུང་ལས། བསེ་ཡབ། པོ་རིལ། ཟི་ར་དཀར་པོ། ཟི་ར་ནག་པོ། སྒེ་གཤེར། འུ་སུ། སྒ་སྐྱ། ཤིང་ཏོག་སྐྱུར་མོ། ཤིང་ཀུན། ཤིང་ཀུན་གྱི་ལོ་མ། ཡུང་བ། རྒྱ་མཚོའི་ཚྭ། སིནྡྷཱུའི་ཚ། རྒྱ་ཚྭ། ཁ་རུ་ཚྭ། ཚྭ་ལ་རྣམས་ཆ་བསྐྱེད་ལུགས་ཁམས་དང་བསྟུན་ཏེ་སྦྱར་བར་བཞེད། ། ༈ གཞན་དུ། སྒ། པི་ལིང་། ཕོ་རིལ། སུ་རུ་པཉྩ། འུ་སུ། ཡུང་བ། འཁོར་ལོ་མ། པྲི་ཡངྐུ། གོ་སྙོད། ཤུ་མོ་ཟ། གཡེར་མ། ཤིང་ཚྭ། ལི་ཤི །ཤིང་ཀུན། འཛིམ་བུ་སོགས་སྒོག་པའི་རིགས། ལན་ཚྭ། གཞན་ཡང་ཤྭ་མོ། རིན་ཆེན་སྙག །ཚྭ་ལ་ཆུ་བཅད། བུལ་ཏོག །རྒྱམ་ཚྭ་སོགས་ཀྱང་ཅུང་ཟད་གཏོང་བར་གསུངས། ཁྱད་པར་ཏོང་ཀུན་རྩ་བ་ལྷོ་རོང་ནས་འབྱུང་བ་དེ་རྙེད་ན་དྲི་ཤིན་ཏུ་བཟང་བར་སྣང་ངོ་། །མངྒ་ལཾ། ། ༈

ཆང་སྣ་བརྒྱད་ནི། འབྲུ་ནས། འབྲས། གྲོ། ཆང་། སྦྲང་རྩིའི་ཆང་། མེ་ཏོག་གི་ཆང་། བུ་རམ། ཀ་རའི་ཆང་། རྒུན་ཆང་། སྐྱུ་རུ་རའི་ཆང་། ཤི་གྲུའི་ཆང་ཞེས་སོ། །ཡང་བ་སྤྲུ་དང་། སེ་འབྲུ་སོགས་ཀྱི་ཆང་སྦྱར་ཚུལ་ཀྱང་བཤད་དོ། ། ༈

[edit]

gtor ma'i spod sman sogs kyi rdzas tho/__thun rdzas/__glud rdzas sogs kyi tho/ gtor ma'i spod sman ni/__o rgyan chen pos rdo rigs rin po che la phyag bzo mdzad pa'i mtheb kyu mtshon thub ngo mtshar can/__skyid kyi gro ma lung nas byung bar phabs gtar sbyar te/__bdud rtsi sman gyi phabs gta' zla ba bdud rtsi'i thig les gzhi bzung /__srog chags gtsang ma las byung ba'i/__mkhal ma/__snying /__glo ba/__mtsher pa/__ba su ta ste nang khrol lnga/__tshil/__rkang mar/__zhag__/rus pa/__go ro tsa na lnga/__mig__/rna/__sna/__lce/__snying ste dbang po lnga/__star ga__/kham bu/__ku shu/__rgun 'brum/__bse yab/__a mra sogs shing tog sna tshogs/__dug rigs min pa'i me tog sna tshogs/__bzang drug__/'bras gsum/__ga bur sogs sman sna/__nas/__'bras/__gro/__sran/__khre/__til/__so ba/__yungs kar/__tsi tsi sogs 'bru rigs/__zho/__mthud/__mar/__phyu ra/__sbrang /__bu ram/__ka ra/__gro ma sogs dkar mngar rigs/__shing kun/__sga skya/__pi ling /__pho ris/__'u su/__go snyod/__tang kun/__lan tshwa/__g.yer ma sogs spod rigs/__ri klung gi shwa mang dang /__sgog btsong sogs gtsang zhing dag par sbyar ba'o/__/dge'o/___/___!_klu sman gyi skor la sna ma 'dzom yang /__drag pa dang nyams pa can sogs kyi lag 'grim ma song ba zhig gal che ste/__sngon grub dbang bdud rtsis char 'bebs gnang bas gnam shin tu g.yer bas/__slar chu mig der drag 'bod zhig mdzad skabs klu rgyal dga' bo 'ong ste klu sman btsog pa des klu rnams ma bde bas/__de'i slad kyis nam mkha' yer zhing mi phyugs kyang mi bde ba yong /__da phyin sman gtsang ma'i rigs byung na mchog tu spro zhing /__de min rgya bod gang rigs kyi sro ma ra tsa'i 'bru 'dis chog zer ba ltar/__bla mas khrus gsol dang sro ma ra tsa'i 'bru/__dkar gsum mngar gsum sogs gtsang sbra gang che'i ngang nas char 'bebs byas pas char rgyun mi zad pa babs byung bas bla ma'i mtshan la phan bde'i 'byung gnas zhes grags so/___/___!_ rnam 'joms kyi rdzas sbyor bzhugs so/__/na mo gu ru badz+ra bi dA ra NA ya/__rdo rje rnam par 'joms pa dang /__/rjes 'brel rdzas kyi srung ba ni/__/gu gul nag po/__rdo rje gtum po ste/__/'dzin dkar po/__pa khro rgyal hU~M kA ra/__/gla rtsi khams gsum rnam par rgyal/__/shing kun bcom ldan gshin rje gshed/__/rta bon rta mgrin rgyal po ste/__/dri chen nus ldan/__khro rgyal bdud rtsi 'khyil/__/shu dag nag po dbyug sngon can/__/phag ri phag__/_ril AR+Ya a tsa la/__/sgog skya 'dod pa'i rgyal po dang /__/sha chen gri sha_/ma hA bA la'o/__/mu zi nag po/__gnod mdzes rgyal po ste/__/khyad 'phags rdzas kyi sbyor ba 'di/__/tshul bzhin sbyar la rtsi bzhin btag__/nus ldan chu yis ril bur dril/__/lhar bskyed sngags bzlas nus pa bstim/__/'od zhu rdo rje'i nus ldan bsam/__/'chang dang bza' dang byugs pa dang /__/dud pa gtong ba tsam gyis kyang /__/stong phrag brgyad bcu'i bgegs kun 'jom/__/bzhi brgya rtsa bzhi'i nad rnams sel/__/rims nad 'gos pa'i nad rnams thub/__/dri tshor tsam gyis lha 'dre 'bros/__/zho nyes chang nyes thams cad thub/__/skabs su rdzas la sngags kyi ngar/__/btab nas tshul bzhin spyad gyur na/__/'di yis mi thub gang yang med/__/shin tu zab pa'i man ngag ste/__/snying gi dbus su dam par chongs/__/sa ma ya/__'di la gu gul/__shing kun/__shu dag nag po gsum gtso bo dang /__gzhan rnams cha mnyam/__gla rtsi dri thon tsam/__spang spos bzang pos bungs bskyed la gzhi byas te/__dge slong rnam dag gam/__sngags pa nus ldan nam/__lo brgyad chu la gla rtsi dang /__mu zi nag po btab pas ril bur dril gsungs/___/___!_spod sman gyi tho dge'o/__/ swasti/__spod sman gyi sbyor sde rgya gar mkhas pa'i gzhung las/__bse yab/__po ril/__zi ra dkar po/__zi ra nag po/__sge gsher/__'u su/__sga skya/__shing tog skyur mo/__shing kun/__shing kun gyi lo ma/__yung ba/__rgya mtsho'i tshwa/__sin+d+hU'i tsha/__rgya tshwa/__kha ru tshwa/__tshwa la rnams cha bskyed lugs khams dang bstun te sbyar bar bzhed/___/___!_gzhan du/__sga/__pi ling /__pho ril/__su ru pany+tsa/__'u su/__yung ba/__'khor lo ma/__pri yang+ku/__go snyod/__shu mo za/__g.yer ma/__shing tshwa/__li shi__/shing kun/__'dzim bu sogs sgog pa'i rigs/__lan tshwa/__gzhan yang shwa mo/__rin chen snyag__/tshwa la chu bcad/__bul tog__/rgyam tshwa sogs kyang cung zad gtong bar gsungs/__khyad par tong kun rtsa ba lho rong nas 'byung ba de rnyed na dri shin tu bzang bar snang ngo /__/mang+ga laM/___/___!_ chang sna brgyad ni/__'bru nas/__'bras/__gro/__chang /__sbrang rtsi'i chang /__me tog gi chang /__bu ram/__ka ra'i chang /__rgun chang /__skyu ru ra'i chang /__shi gru'i chang zhes so/__/yang ba spru dang /__se 'bru sogs kyi chang sbyar tshul kyang bshad do/___/___!