JKW-KABUM-20-WA-001-013

🚧 This website is under continued development. We appreciate your patience!

Previous Text Back to Volume PageNext Text

Wylie title	mchog sprul thams cad mkhyen gzigs ngag dbang bstan 'dzin snyan grags dpal bzang por phul ba'i zhu yig
Location	mkhyen brtse'i bka' 'bum Volume 20, sde tshan 1, Text 13, Pages 35-36 (Folios 18a1 to 18b3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. mchog sprul thams cad mkhyen gzigs ngag dbang bstan 'dzin snyan grags dpal bzang por phul ba'i zhu yig. In 'jam dbyangs mkhyen brtse'i dbang po'i bka' 'bum, Vol. 20: 35-36. Khams sde dge rdzong sar dgon: Rdzong sar blo gros phun tshogs, 2020.
Genre	Official Letters - chab shog

1 Texts in this Section (sde tshan or chos tshan)

13 35-36	མཆོག་སྤྲུལ་ཐམས་ཅད་མཁྱེན་གཟིགས་ངག་དབང་བསྟན་འཛིན་སྙན་གྲགས་དཔལ་བཟང་པོར་ཕུལ་བའི་ཞུ་ཡིག། mchog sprul thams cad mkhyen gzigs ngag dbang bstan 'dzin snyan grags dpal bzang por phul ba'i zhu yig Official Letters - chab shog	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

མཆོག་སྤྲུལ་ཐམས་ཅད་མཁྱེན་གཟིགས་ངག་དབང་བསྟན་འཛིན་སྙན་གྲགས་དཔལ་བཟང་པོར་ཕུལ་བའི་ཞུ་ཡིག །གང་ཞིག་མཚན་གྱི་ཨུཏྤལ་རྣ་བ་ལ། །རེག་པས་སྲིད་ཞིའི་གདུང་བ་རིང་བཅད་པ། །རྣམ་འདྲེན་ཡོངས་ཀྱི་ཡེ་ཤེས་འདུས་པའི་ཞལ། །འཆི་མེད་གྲུབ་པའི་རྒྱལ་རྔ་བརྡུང་གྱུར་ཅིག ༡ །ཨེ་མ་ཡིད་ཀྱི་ནོར་བུའི་མེ་ལོང་ནི། །དད་པའི་སྦྱོར་བས་ཡང་ཡང་གསལ་བྱས་པར། །ཁྱོད་ཞབས་དྲན་པའི་གཟུགས་མང་འདུ་བགྱིས་ཏེ། །མོས་གུས་བདུད་རྩིའི་ཚིག་གི་པདྨོ་དགོད། ༢ །རྣམ་བཅས་རྣམ་མེད་དབུ་མའི་དམིགས་པ་དང་། །མཛའ་བ་མ་ཡིན་རྣམ་པ་ཀུན་ལྡན་གྱི། །འོད་གསལ་དྭངས་པའི་ཆུ་གཏེར་ཉམས་དགའ་བར། །ཟུང་འཇུག་ཟླ་བའི་ལང་ཚོ་མཆོག་ཏུ་སྣང་། ༣ །དེ་ཚེ་ཚུ་རོལ་མཐོང་བའི་བློ་གྲོས་དང་། །སྙོམས་པར་འཇུག་པའི་སྒྱུ་འཕྲུལ་དྲྭ་བ་ཡང་། །རྟག་པ་དམ་པའི་ཚུལ་དང་ཕྲིན་ལས་ཀྱི། །སྤྱོད་ཡུལ་ས་གསུམ་ཕ་མཐར་སོང་བའི་ཚུལ། ༤ །མངོན་སུམ་ཟིལ་དངར་བཅས་པའི་ཆར་སྤྲིན་གྱིས། །ཟབ་མོའི་སྒྲ་དབྱངས་བསྒྲགས་པས་མདོངས་མཐའ་ཅན། །གཉིས་པ་གཞན་ཞིག་དད་གསུམ་ཟློས་གར་དང་། །རབ་དཀའི་མངལ་ཁུར་བཟུང་བས་ལྕི་བར་གྱུར། ༥ །འདི་ན་འཕགས་དང་མཁས་པའི་ཞལ་གྱི་ལུང་། །རྣམ་མང་ནོར་བུའི་དོ་ཤལ་བསྟན་བཞིན་དུ། །ཁྱོད་ཞབས་རིན་ཆེན་སྦྲེལ་བའི་གདུགས་དཀར་པོས། །ཉེར་འཚེའི་གདུང་བར་དབུགས་འབྱིན་ཆེན་པོ་ཐོབ། ༦ །སླད་ནས་ཉིན་མོར་བྱེད་དང་ཟླ་བའི་རྒྱུན། །དྷཱུ་ཏིའི་ཕྱག་རྒྱར་བཅིངས་པའི་འཇོ་སྒེག་གིས། །ཚེ་མཐའ་ཡས་པའི་རྣམ་ཐར་བཟུང་བཞིན་དུ། །བདག་ཀྱང་བྱང་ཆུབ་བར་དུ་སྐྱོངས་ཤིག་ཀྱེ། ༧ །སརྦ་ཤུ་བྷཾ་སིདྡྷྱནྟུ།། །། ༈

[edit]

mchog sprul thams cad mkhyen gzigs ngag dbang bstan 'dzin snyan grags dpal bzang por phul ba'i zhu yig__/ mchog sprul thams cad mkhyen gzigs ngag dbang bstan 'dzin snyan grags dpal bzang por phul ba'i zhu yig__/gang zhig mtshan gyi ut+pal rna ba la/___/reg pas srid zhi'i gdung ba ring bcad pa/___/rnam 'dren yongs kyi ye shes 'dus pa'i zhal/___/'chi med grub pa'i rgyal rnga brdung gyur cig__1__/e ma yid kyi nor bu'i me long ni/___/dad pa'i sbyor bas yang yang gsal byas par/___/khyod zhabs dran pa'i gzugs mang 'du bgyis te/___/mos gus bdud rtsi'i tshig gi pad+mo dgod/___2__/rnam bcas rnam med dbu ma'i dmigs pa dang /___/mdza' ba ma yin rnam pa kun ldan gyi/___/'od gsal dwangs pa'i chu gter nyams dga' bar/___/zung 'jug zla ba'i lang tsho mchog tu snang /___3__/de tshe tshu rol mthong ba'i blo gros dang /___/snyoms par 'jug pa'i sgyu 'phrul drwa ba yang /___/rtag pa dam pa'i tshul dang phrin las kyi/___/spyod yul sa gsum pha mthar song ba'i tshul/___4__/mngon sum zil dngar bcas pa'i char sprin gyis/___/zab mo'i sgra dbyangs bsgrags pas mdongs mtha' can/___/gnyis pa gzhan zhig dad gsum zlos gar dang /___/rab dka'i mngal khur bzung bas lci bar gyur/___5__/'di na 'phags dang mkhas pa'i zhal gyi lung /___/rnam mang nor bu'i do shal bstan bzhin du/___/khyod zhabs rin chen sbrel ba'i gdugs dkar pos/___/nyer 'tshe'i gdung bar dbugs 'byin chen po thob/__6__/slad nas nyin mor byed dang zla ba'i rgyun/___/d+hU ti'i phyag rgyar bcings pa'i 'jo sgeg gis/___/tshe mtha' yas pa'i rnam thar bzung bzhin du/___/bdag kyang byang chub bar du skyongs shig kye/___7__/sarba shu b+haM sid+d+h+yan+tu//___//__!