JKW-KABUM-15-BA-023-001

🚧 This website is under continued development. We appreciate your patience!

First text in section. Back to Volume PageNext Text

Wylie title	'chi med 'phags ma'i snying tig gi rgyas pa'i sbyin sreg ngag 'don la bcas bsham
Location	mkhyen brtse'i bka' 'bum Volume 15, sde tshan 23, Text 1, Pages 423-427 (Folios 1a1 to 3a3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Tertön	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)
Citation	'jam dbyangs mkhyen brtse'i dbang po. 'chi med 'phags ma'i snying tig gi rgyas pa'i sbyin sreg ngag 'don la bcas bsham. In 'jam dbyangs mkhyen brtse'i dbang po'i bka' 'bum, Vol. 15: 423-427. Khams sde dge rdzong sar dgon: Rdzong sar blo gros phun tshogs, 2020.
Genre	Fire Offerings - sbyin sreg  ·  Liturgy - ngag 'don
Cycle	འཆི་མེད་འཕགས་མའི་སྙིང་ཐིག་ ('chi med 'phags ma'i snying thig)

1 Texts in this Section (sde tshan or chos tshan)

1 423-427	འཆི་མེད་འཕགས་མའི་སྙིང་ཏིག་གི་རྒྱས་པའི་སྦྱིན་སྲེག་ངག་འདོན་ལ་བཅས་བཤམ། 'chi med 'phags ma'i snying tig gi rgyas pa'i sbyin sreg ngag 'don la bcas bsham Fire Offerings - sbyin sreg   ·   Liturgy - ngag 'don	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

༄༅། །འཆི་མེད་འཕགས་མའི་སྙིང་ཏིག་གི་རྒྱས་པའི་སྦྱིན་སྲེག་ངག་འདོན་ལ་བཅས་བཤམ་ནི། ཡོངས་རྫོགས་འཆི་མེད་སྙིང་ཏིག་ལས། ཚེ་བསོད་ཤེས་རབ་ཡེ་ཤེས་ཀུན༔ མྱུར་དུ་རྒྱས་པར་བྱ་བའི་ཕྱིར༔ བཀྲ་ཤིས་ས་ལ་ཐབ་བཅས་ལ༔ འབྲས་བུ་ཅན་གྱི་དྲི་བཟང་ཤིང་༔ གྲུ་བཞིར་བརྩེགས་ལ་ཡམ་ཤིང་དང་༔ མར་ཁུ་ཞོ་ཟན་འབྲུ་སྨན་དར༔ ཁྱད་པར་དཱུརྦ་མ་ཉམས་པ༔ བུར་སྦྲང་ཞོ་ཡིས་ལེགས་པར་བྲན༔ ཞེས་གསུངས་པ་ལྟར་དང་། ཉེར་སྤྱོད་སྨན་རག་གཏོར་མ་སོགས་བཤམ། སྒྲུབ་པ་པོ་རྒྱས་པའི་ཆས་དང་ལྡན་པས་ཉི་ཤར་སོགས་སྔ་དྲོའི་ཆར་ཁ་ཤར་དུ་ཕྱོགས་པས་བཟང་པོའི་འདུག་སྟངས་ཀྱིས་འཁོད་པའི་མདུན་དུ་བསང་ཆུ་དང་། དགང་བླུགས་སོགས་འདུ་བྱ། བདག་གི་རྣལ་འབྱོར་སྔོན་དུ་འགྲོ་བས་བསང་ཆུ་ལས་བུམ་ཚུལ་བཞིན་དུ་བསྒྲུབ་པའམ། ཨོཾ་ཧྲཱི་པདྨཱནྟ་ཀྲྀ་ཏ་སརྦ་བིགྷཱན་ཧ་ན་ཧ་ན་ཧཱུྃ་ཕཊ྄༔ ཞེས་ཅི་རིགས་བཟླས་པས་རྡོ་རྗེའི་སྔགས་ཀྱི་རང་བཞིན་དུ་བརླབ། ཨོཾ་མ་ཧཱ་བཛྲ་ཧཱུྃ་སོགས་དམ་ཚིག་གསུམ་བཟུང་། མཆོད་སྲེག་གི་རྫས་རྣམས་ལ་བསང་ཆུ་འཐོར་ལ་ལས་སྔགས་ཀྱིས་བསང་། སྭ་བྷཱ་ཝས་སྦྱང་། སྟོང་པའི་ངང་ལས་བྷྲཱུྃ་སེར་པོ། །ཡོངས་གྱུར་རིན་ཆེན་སྣོད་མཆོག་ཏུ། །མཆོད་དང་སྲེག་རྫས་མཁའ་ཁྱབ་སྤྲིན། །ལྷ་ཚོགས་དགྱེས་སྐོར་ནུས་ལྡན་གྱུར། །ཨོཾ་ཨཱཿཧཱུྃ་གིས་བརླབ། ཨོཾ་ཏཱ་རེ་སོགས་མཐར། བཛྲ་ཛྙཱ་ན་ཛྭ་ལ་རྃ་གྱིས་མེ་སྦར་ཞིང་བསང་སྦྱང་། དབྱིངས་ཀྱི་ཞིང་ལ་ལྷུན་གྲུབ་པའི༔ མེ་ཐབ་ཡེ་ཤེས་འོད་འབར་དབུས༔ མེ་ལྷ་སེར་པོ་རིན་ཆེན་འཛིན༔ རྒྱས་པའི་བྱིན་ཆགས་དཔལ་བེར་བཞུགས༔ དམ་ཡེ་གཉིས་སུ་མེད་པ་ཡི༔ དགང་བླུགས་འབྲུ་གསུམ་བདུད་རྩིའི་བཅུད༔ རྃ་གྱི་ལྗགས་དང་ལྡན་པས་གསོལ༔ རྒྱས་པའི་ལས་ཀུན་མཛད་པར་གྱུར༔ ཅེས་བརྗོད་ཅིང་བསམས་ལ། ཨོཾ་ཨཱཿཧཱུྃ་ཨགྣེ་རཱ་ཛ་ཨཱ་ཡུརྫྙཱ་ན་པུཎྱེ་པྲ་ཛྙཱ་པུཥྚིཾ་ཀུ་རུ་སྭཱ་ཧཱ༔ ཞེས་པ་ཁོ་ནས་མར་ཁུ། ཡམ་ཤིང་། ཞོ་ཟན་འབྲུ་སྨན་དར་ཟབ་རྣམས་བསྲེས་པ་ཉེར་གཅིག་ཙམ་དང་། ཁྱད་པར་གྱི་རྫས་དཱུརྦ་བརྒྱ་རྩ་བརྒྱད་འབུལ། ཡུངས་ཀར་ཐབ་ཏུ་འཐོར་ཞིང་། དྲང་སྲོང་ཆེན་པོས་ཡེ་ཤེས་མེར། །བྱིན་རློབས་བསྲེག་བྱའི་རྫས་རྣམས་ཀུན། །ལྷ་ཡི་ཞལ་དུ་སྟོབ་པར་མཛོད། །ཅེས་གསོལ་དགྱེས་པས་ཞལ་བཞེས་ནས། །མེ་ལྷ་འབར་བའི་རྣམ་པར་གྱུར། །འོད་ཟེར་རབ་ཏུ་འཁྱིལ་བའི་དབུས། །རིན་ཆེན་དཔལ་བེའི་གཞལ་ཡས་སུ༔ སྣ་ཚོགས་པདྨ་འདབ་བཞིའི་སྟེང་༔ འཆི་མེད་ཡིད་བཞིན་འཁོར་ལོ་ནི༔ རབ་དཀར་ཞལ་གཅིག་ཕྱག་གཉིས་མ༔ ཕྱག་གཡས་མཆོག་སྦྱིན་གཡོན་པ་ནི༔ དཀོན་མཆོག་གསུམ་མཚོན་སྐྱབས་སྦྱིན་རྒྱས༔ ཨུཏྤལ་ལར་གནས་ཚེ་བུམ་བསྣམས༔ ཞི་འཛུམ་ཡེ་ཤེས་སྤྱན་བདུན་ལྡན༔ དར་དང་རིན་ཆེན་རྒྱན་གྱིས་མཛེས༔ ཞབས་གཉིས་རྡོ་རྗེའི་སྐྱིལ་ཀྲུང་གིས༔ པདྨ་ཟླ་བའི་གདན་ལ་བཞུགས༔ རང་འོད་ཐབས་མཆོག་གར་གྱི་དབང་༔ པདྨ་ཚེ་བུམ་བསྣམས་པས་འཁྲིལ༔ ཐུགས་ཀར་པད་ཟླའི་གདན་གྱི་སྟེང་། །ཡེ་ཤེས་སེམས་དཔའ་ཚེ་དཔག་མེད། །དཀར་གསལ་མཉམ་གཞག་ཚེ་བུམ་འཛིན། །གཙུག་ཏོར་ནོར་བུའི་འོད་ཕུང་ལས། །རྣམ་རྒྱལ་དཀར་མོ་ལྕགས་ཀྱུ་དང་། །ཚེ་བུམ་ཐོགས་པའི་སྤྲིན་ཕུང་འཕྲོ། །ཤར་དུ་རྡོ་རྗེ་སྒྲོལ་མ་མཐིང་༔ མཆོག་སྦྱིན་ཨུཏྤལ་རྡོ་རྗེ་བསྣམས༔ ལྷོ་རུ་རིན་ཆེན་སྒྲོལ་མ་སེར༔ མཆོག་སྦྱིན་ཨུཏྤལ་རིན་ཆེན་བསྣམས༔ ནུབ་ཏུ་པདྨའི་སྒྲོལ་མ་དམར༔ མཆོག་སྦྱིན་ཨུཏྤལ་ལྕགས་ཀྱུ་བསྣམས༔ བྱང་དུ་ལས་ཀྱི་སྒྲོལ་མ་ནག༔ མཆོག་སྦྱིན་ཨུཏྤལ་རལ་གྲི་བསྣམས༔ ཐམས་ཅད་དར་དང་རིན་ཆེན་བརྒྱན༔ ཞི་རྒྱས་དབང་དྲག་ཉམས་དང་ལྡན༔ ཞབས་ཟུང་ཕྱེད་སྐྱིལ་པད་ཟླར་བཞུགས༔ དེ་ཡི་ཕྱི་རོལ་ཕྱོགས་བཞི་རུ། །པདྨ་ཉི་མའི་གདན་གྱི་སྟེང་༔ རྡོ་རྗེ་ལྕགས་ཀྱུ་ཞགས་པ་དང་༔ ལྕགས་སྒྲོག་དྲིལ་བུའི་སྒྲོལ་མ་ནི༔ དཀར་སེར་དམར་ལྗང་ཞི་ཁྲོའི་ཉམས༔ རང་རྟགས་ཕྱག་མཚན་ཨུཏྤལ་བསྣམས༔ བརྐྱང་བསྐུམ་གར་གྱིས་བདུད་བཞི་བརྫིས༔ དར་དང་རཏྣའི་རྒྱན་གྱིས་མཛེས༔ བར་མཚམས་རྩ་གསུམ་ཆོས་སྲུང་ཚོགས༔ དབྱིངས་ལས་ཡེ་ཤེས་རང་ཤར་བའི༔ སྒྱུ་འཕྲུལ་དྲྭ་བ་ཆེན་པོའི་ཚུལ༔ ཉི་མ་དང་ནི་འོད་ཟེར་བཞིན༔ སོ་སོའི་རིགས་ཀྱི་ཚོམ་བུར་བཅས༔ སྣང་སྲིད་གཞིར་བཞེངས་ཆེན་པོའི་ལྷ༔ མ་བསྐྱེད་ཡེ་རྫོགས་ཚུལ་དུ་གསལ༔ ཀུན་ཀྱང་སྤྱི་མགྲིན་ཐུགས་ཀ་རུ༔ རྡོ་རྗེ་གསུམ་གྱི་ཡི་གེས་མཚན༔ དེ་ལས་འཕྲོས་པའི་འོད་ཟེར་གྱིས༔ ཡེ་ཤེས་སེམས་དཔའ་སྤྱན་དྲངས་གྱུར༔ ཅེས་གསལ་གདབ༔ སྤྱན་འདྲེན་ནས་བསྟོད་པའི་བར་ལས་རིམ་རྒྱས་བསྡུས་ཅི་རིགས་བྱ༔ དགང་བླུགས་ཐོགས་ལ། རིན་ཆེན་དཔལ་བེའི་གཞལ་ཡས་སུ༔ ཚེ་ཡི་ལྷ་ཚོགས་གསལ་བ་ཡིས༔ བསྲེག་བླུགས་བདུད་རྩིའི་རྒྱུན་ཐམས་ཅད༔ རིན་ཆེན་ལྗགས་ཀྱིས་གསོལ་བ་ལས༔ དགྱེས་ཤིང་ལྟེ་བའི་འོད་ཟེར་གྱིས༔ འཁོར་འདས་ཚེ་བཅུད་ཀུན་བསྡུས་ནས༔ བདག་གི་ལུས་ངག་ཡིད་ལ་ཐིམ༔ ཚེ་བསོད་ཡེ་ཤེས་རབ་རྒྱས་ཏེ༔ རྡོ་རྗེའི་སྐུ་རུ་འགྲུབ་པར་གྱུར༔ ཅེས་བརྗོད་ཅིང་བསམས་ལ། ཨོཾ་ཏཱ་རེ་ཏུཏྟཱ་རེ་ཏུ་རེ་ཧྲཱིཿབྷྲཱུྃ་བཛྲ་ཛྙཱ་ན་ཨཱ་ཡུ་ཥེ་སྭཱ་ཧཱ༔ ཁོ་ནས་མར་ཁུ། ཡམ་ཤིང་། སྦོམས་རྫས་རྣམས་བརྒྱ་རྩ་སོགས་དང་། ཁྱད་པར་གྱི་རྫས་དཱུརྦ་སྟོང་ཕྲག་སོགས་ཅི་ནུས་ཕུལ། བསྡུ་ན་གཏེར་གཞུང་དངོས་བསྟན་ལྟར། རིན་ཆེན་དཔལ་བེའི་གཞལ་ཡས་སུ༔ ཚེ་ཡི་ལྷ་ཚོགས་སོགས་སྦྲེལ་བ་ལས་བསྐྱེད་ཆོག་རྒྱས་པ་དང་། སྤྱན་འདྲེན་སོགས་མ་གྲུབ་ཀྱང་རུང་། གང་ལྟར་ཡང་རྫས་རྫོགས་པ་ན། གཏོང་རག་གི་མཆོད་བསྟོད། ནོངས་བཤགས། འཆི་མེད་འཕགས་མའི་དཀྱིལ་འཁོར་པས། །བདག་དང་མཐའ་ཡས་སེམས་ཅན་གྱི། །དུས་མིན་འཆི་བའི་འཇིགས་པ་ཞི། །ཚེ་དཔལ་ཡེ་ཤེས་རྒྱས་མཛད་གསོལ། །ཐབ་ཀྱི་དཀྱིལ་འཁོར་རང་ལ་ཐིམ། །འཆི་མེད་རྡོ་རྗེའི་སྲོག་འགྲུབ་གྱུར། །ཅེས་བརྗོད་ཅིང་བསམ། བསྔོ་སྨོན་བསྡུ་ལྡང་བཀྲ་ཤིས་རྣམས་ཕྲིན་ལས་ལྟར་མཐར་དབྱུང་ངོ་།། །། ༈

[edit]

'phags ma'i snying thig gi rgyas sbyin ngag 'don/____ @#/_/'chi med 'phags ma'i snying tig gi rgyas pa'i sbyin sreg ngag 'don la bcas bsham ni/ yongs rdzogs 'chi med snying tig las/__tshe bsod shes rab ye shes kun:__myur du rgyas par bya ba'i phyir:__bkra shis sa la thab bcas la:__'bras bu can gyi dri bzang shing :__gru bzhir brtsegs la yam shing dang :__mar khu zho zan 'bru sman dar:__khyad par dUrba ma nyams pa:__bur sbrang zho yis legs par bran:__zhes gsungs pa ltar dang /__nyer spyod sman rag gtor ma sogs bsham/__sgrub pa po rgyas pa'i chas dang ldan pas nyi shar sogs snga dro'i char kha shar du phyogs pas bzang po'i 'dug stangs kyis 'khod pa'i mdun du bsang chu dang /__dgang blugs sogs 'du bya/__bdag gi rnal 'byor sngon du 'gro bas bsang chu las bum tshul bzhin du bsgrub pa'am/__oM hrI pad+mAn+ta kr-i ta sarba big+hAn ha na ha na hU~M phaTa?:__zhes ci rigs bzlas pas rdo rje'i sngags kyi rang bzhin du brlab/__oM ma hA badz+ra hU~M sogs dam tshig gsum bzung /__mchod sreg gi rdzas rnams la bsang chu 'thor la las sngags kyis bsang /__swa b+hA was sbyang /__stong pa'i ngang las b+h+rU~M ser po/__/yongs gyur rin chen snod mchog tu/__/mchod dang sreg rdzas mkha' khyab sprin/__/lha tshogs dgyes skor nus ldan gyur/__/oM AHhU~M gis brlab/__oM tA re sogs mthar/__badz+ra dz+nyA na dz+wa la ra~M gyis me sbar zhing bsang sbyang /__dbyings kyi zhing la lhun grub pa'i:__me thab ye shes 'od 'bar dbus:__me lha ser po rin chen 'dzin:__rgyas pa'i byin chags dpal ber bzhugs:__dam ye gnyis su med pa yi:__dgang blugs 'bru gsum bdud rtsi'i bcud:__ra~M gyi ljags dang ldan pas gsol:__rgyas pa'i las kun mdzad par gyur:__ces brjod cing bsams la/__oM AHhU~M ag+ne rA dza A yur+dz+nyA na puN+ye pra dz+nyA puSh+TiM ku ru swA hA:__zhes pa kho nas mar khu/__yam shing /__zho zan 'bru sman dar zab rnams bsres pa nyer gcig tsam dang /__khyad par gyi rdzas dUrba brgya rtsa brgyad 'bul/__yungs kar thab tu 'thor zhing /__drang srong chen pos ye shes mer/__/byin rlobs bsreg bya'i rdzas rnams kun/__/lha yi zhal du stob par mdzod/__/ces gsol dgyes pas zhal bzhes nas/__/me lha 'bar ba'i rnam par gyur/__/'od zer rab tu 'khyil ba'i dbus/__/rin chen dpal be'i gzhal yas su:__sna tshogs pad+ma 'dab bzhi'i steng :__'chi med yid bzhin 'khor lo ni:__rab dkar zhal gcig phyag gnyis ma:__phyag g.yas mchog sbyin g.yon pa ni:__dkon mchog gsum mtshon skyabs sbyin rgyas:__ut+pal lar gnas tshe bum bsnams:__zhi 'dzum ye shes spyan bdun ldan:__dar dang rin chen rgyan gyis mdzes:__zhabs gnyis rdo rje'i skyil krung gis:__pad+ma zla ba'i gdan la bzhugs:__rang 'od thabs mchog gar gyi dbang :__pad+ma tshe bum bsnams pas 'khril:__thugs kar pad zla'i gdan gyi steng /__/ye shes sems dpa' tshe dpag med/__/dkar gsal mnyam gzhag tshe bum 'dzin/__/gtsug tor nor bu'i 'od phung las/__/rnam rgyal dkar mo lcags kyu dang /__/tshe bum thogs pa'i sprin phung 'phro/__/shar du rdo rje sgrol ma mthing :__mchog sbyin ut+pal rdo rje bsnams:__lho ru rin chen sgrol ma ser:__mchog sbyin ut+pal rin chen bsnams:__nub tu pad+ma'i sgrol ma dmar:__mchog sbyin ut+pal lcags kyu bsnams:__byang du las kyi sgrol ma nag:__mchog sbyin ut+pal ral gri bsnams:__thams cad dar dang rin chen brgyan:__zhi rgyas dbang drag nyams dang ldan:__zhabs zung phyed skyil pad zlar bzhugs:__de yi phyi rol phyogs bzhi ru/__/pad+ma nyi ma'i gdan gyi steng :__rdo rje lcags kyu zhags pa dang :__lcags sgrog dril bu'i sgrol ma ni:__dkar ser dmar ljang zhi khro'i nyams:__rang rtags phyag mtshan ut+pal bsnams:__brkyang bskum gar gyis bdud bzhi brdzis:__dar dang rat+na'i rgyan gyis mdzes:__bar mtshams rtsa gsum chos srung tshogs:__dbyings las ye shes rang shar ba'i:__sgyu 'phrul drwa ba chen po'i tshul:__nyi ma dang ni 'od zer bzhin:__so so'i rigs kyi tshom bur bcas:__snang srid gzhir bzhengs chen po'i lha:__ma bskyed ye rdzogs tshul du gsal:__kun kyang spyi mgrin thugs ka ru:__rdo rje gsum gyi yi ges mtshan:__de las 'phros pa'i 'od zer gyis:__ye shes sems dpa' spyan drangs gyur:__ces gsal gdab:__spyan 'dren nas bstod pa'i bar las rim rgyas bsdus ci rigs bya:__dgang blugs thogs la/__rin chen dpal be'i gzhal yas su:__tshe yi lha tshogs gsal ba yis:__bsreg blugs bdud rtsi'i rgyun thams cad:__rin chen ljags kyis gsol ba las:__dgyes shing lte ba'i 'od zer gyis:__'khor 'das tshe bcud kun bsdus nas:__bdag gi lus ngag yid la thim:__tshe bsod ye shes rab rgyas te:__rdo rje'i sku ru 'grub par gyur:__ces brjod cing bsams la/__oM tA re tut+tA re tu re hrIHb+h+rU~M badz+ra dz+nyA na A yu She swA hA:__kho nas mar khu/__yam shing /__sboms rdzas rnams brgya rtsa sogs dang /__khyad par gyi rdzas dUrba stong phrag sogs ci nus phul/__bsdu na gter gzhung dngos bstan ltar/__rin chen dpal be'i gzhal yas su:__tshe yi lha tshogs sogs sbrel ba las bskyed chog rgyas pa dang /__spyan 'dren sogs ma grub kyang rung /__gang ltar yang rdzas rdzogs pa na/__gtong rag gi mchod bstod/__nongs bshags/__'chi med 'phags ma'i dkyil 'khor pas/__/bdag dang mtha' yas sems can gyi/__/dus min 'chi ba'i 'jigs pa zhi/__/tshe dpal ye shes rgyas mdzad gsol/__/thab kyi dkyil 'khor rang la thim/__/'chi med rdo rje'i srog 'grub gyur/__/ces brjod cing bsam/__bsngo smon bsdu ldang bkra shis rnams phrin las ltar mthar dbyung ngo //___//_!