JKW-KABUM-22-ZA-012-098

🚧 This website is under continued development. We appreciate your patience!

Previous Text Back to Volume PageNext Text

Wylie title	gsang dbang lam khyer gyi rdo rje'i thol glu gsal stong zung 'jug
Location	mkhyen brtse'i bka' 'bum Volume 22, sde tshan 12, Text 98, Pages 615-616 (Folios 136a4 to 136b5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. gsang dbang lam khyer gyi rdo rje'i thol glu gsal stong zung 'jug. In 'jam dbyangs mkhyen brtse'i dbang po'i bka' 'bum, Vol. 22: 615-616. Khams sde dge rdzong sar dgon: Rdzong sar blo gros phun tshogs, 2020.
Genre	Vajra Songs - rdo rje'i glu

1 Texts in this Section (sde tshan or chos tshan)

98 615-616	གསང་དབང་ལམ་ཁྱེར་གྱི་རྡོ་རྗེའི་ཐོལ་གླུ་གསལ་སྟོང་ཟུང་འཇུག། gsang dbang lam khyer gyi rdo rje'i thol glu gsal stong zung 'jug Vajra Songs - rdo rje'i glu	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

གསང་དབང་གི་ལམ་ཁྱེར་དང་རྗེས་སུ་འབྲེལ་བའི་རྡོ་རྗེའི་ཐོལ་གླུ་གསལ་སྟོང་ཟུང་འཇུག་ཅེས་བྱ་བ། ཨ་ཧོ། ཀུན་རྫོབ་བྱང་ཆུབ་སེམས་མཆོག་འཕོ་མེད་ཀྱི་ཐིག་ལེ། །རྣམ་ལྔའི་རྩ་འཁོར་གྲོང་དུ་བཀྲམ་པ་ཡི་བདེ་བས། །ཁ་སྦྱོར་མདུད་པ་ཡང་དག་དབུ་མ་རུ་གྲོལ་བའི། །གསལ་སྟོང་ཟུང་འཇུག་ལོངས་སྐུའི་བླ་མ་དེ་མཁྱེན་ནོ། །རྩ་ཁམས་ཡི་གེར་དེངས་པར་བྱིན་གྱིས་རང་རློབས་ཤིག །ཟུང་འཇུག་ཨ་ཝ་དྷཱུ་ཏིའི་འཁྲི་ཤིང་ལ་རེག་པའི། །ལ་ལ་ན་དང་ར་ས་ན་དག་གི་རོལ་པ། །འཁོར་ལོ་ལྔ་ཡི་མེ་ཏོག་མཛེས་པ་ཡིས་སྤུད་པའི། །བཀོད་པ་རྩ་ཁམས་རྣམ་དག་འོད་གསལ་གྱི་སྦུབས་སུ། །སྲིད་པའི་རླུང་བཅུའི་རྟེན་འབྲེལ་རང་བཞིན་ལས་སྐྱེས་པའི། །ཉི་ཁྲི་ཆིག་སྟོང་རྟོག་ཚོགས་འགྲོ་འོང་གི་བཞོན་པ། །ཕུང་ཁམས་སྐྱེ་མཆེད་དྭངས་མའི་ཐིག་ལེ་རུ་འཆིང་བས། །རིན་ཆེན་འོད་འཕྲོ་སྐྱེ་མེད་བཟླས་པ་ལ་རོལ་ཅིང་། །དཀར་དམར་དབང་བོ་ཌཱ་ཀི་ཐབས་ཤེས་ཀྱི་གར་མཁན། །འབར་འཛག་དགའ་བ་བཞི་ཡི་བདུད་རྩི་ལ་རོལ་པས། །བདེ་སྟོང་རྟོགས་པའི་ངོ་བོས་ཉོན་མོངས་ཀྱི་འཁྲུལ་པ། །ཀུན་ཁྱབ་བདེ་ཆེན་དཔའ་བོའི་གྲིབ་བསིལ་ལ་རེག་གོ །གནས་ཡུལ་ཌཱ་ཀིའི་གྲོང་ཁྱེར་རང་ལུས་ལ་རྫོགས་པས། །ཨ་ཧཾ་ཟུང་འཇུག་བདེ་ཆེན་ཚོགས་འཁོར་ལ་རོལ་ཏེ། །ཉེ་བའི་འདུ་བ་ཟག་བྲལ་དྭངས་མ་ཡིས་མཆོད་པས། །མཆོག་ཐུན་ཕྲིན་ལས་གསར་པའི་དགའ་སྟོན་ལ་སྦྱོར་རོ། །མཐར་ཐུག་ཞུ་བདེའི་རོལ་མོས་མགྲིན་པ་ཡི་འཁོར་ལོ། །ཐབས་ཤེས་ཨཱ་ལི་ཀཱ་ལིའི་ཡི་གེ་རུ་འཁྲོལ་པས། །འཁོར་ལོའི་ཚོགས་ཆེན་རྒྱལ་སྲིད་རང་དབང་དུ་བསྒྱུར་ཏེ། །འཆི་མེད་གྲུབ་པའི་རིག་འཛིན་ཐོབ་པ་རུ་ཤོག་ཅིག ། ༈

[edit]

gsang dbang lam khyer gyi rdo rje'i thol glu gsal stong zung 'jug/_ gsang dbang gi lam khyer dang rjes su 'brel ba'i rdo rje'i thol glu gsal stong zung 'jug ces bya ba/__a ho/__kun rdzob byang chub sems mchog 'pho med kyi thig le/__/rnam lnga'i rtsa 'khor grong du bkram pa yi bde bas/__/kha sbyor mdud pa yang dag dbu ma ru grol ba'i/__/gsal stong zung 'jug longs sku'i bla ma de mkhyen no/__/rtsa khams yi ger dengs par byin gyis rang rlobs shig__/zung 'jug a wa d+hU ti'i 'khri shing la reg pa'i/__/la la na dang ra sa na dag gi rol pa/__/'khor lo lnga yi me tog mdzes pa yis spud pa'i/__/bkod pa rtsa khams rnam dag 'od gsal gyi sbubs su/__/srid pa'i rlung bcu'i rten 'brel rang bzhin las skyes pa'i/__/nyi khri chig stong rtog tshogs 'gro 'ong gi bzhon pa/__/phung khams skye mched dwangs ma'i thig le ru 'ching bas/__/rin chen 'od 'phro skye med bzlas pa la rol cing /_/dkar dmar dbang bo DA ki thabs shes kyi gar mkhan/__/'bar 'dzag dga' ba bzhi yi bdud rtsi la rol pas/__/bde stong rtogs pa'i ngo bos nyon mongs kyi 'khrul pa/_/kun khyab bde chen dpa' bo'i grib bsil la reg go__/gnas yul DA ki'i grong khyer rang lus la rdzogs pas/__/a haM zung 'jug bde chen tshogs 'khor la rol te/__/nye ba'i 'du ba zag bral dwangs ma yis mchod pas/__/mchog thun phrin las gsar pa'i dga' ston la sbyor ro/__/mthar thug zhu bde'i rol mos mgrin pa yi 'khor lo/__/thabs shes A li kA li'i yi ge ru 'khrol pas/__/'khor lo'i tshogs chen rgyal srid rang dbang du bsgyur te/__/'chi med grub pa'i rig 'dzin thob pa ru shog cig__/__!_