JKW-KABUM-17-TSA-002-055

🚧 This website is under continued development. We appreciate your patience!

Previous Text Back to Volume PageLast text in section.

Wylie title	dbang ril nyer lnga'i phyag len
Location	mkhyen brtse'i bka' 'bum Volume 17, sde tshan 2, Text 55, Pages 440-442 (Folios 147b4 to 148b5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. dbang ril nyer lnga'i phyag len. In 'jam dbyangs mkhyen brtse'i dbang po'i bka' 'bum, Vol. 17: 440-442. Khams sde dge rdzong sar dgon: Rdzong sar blo gros phun tshogs, 2020.
Genre	Medicine Texts - gso ba rig pa

1 Texts in this Section (sde tshan or chos tshan)

55 440-442	དབང་རིལ་ཉེར་ལྔའི་ཕྱག་ལེན། dbang ril nyer lnga'i phyag len Medicine Texts - gso ba rig pa	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

དབང་རིལ་ཉེར་ལྔའི་ཕྱག་ལེན་ནི། དབང་རིལ་འཁྲུལ་མེད༠༡༠། གཙོ་བོར་བྱེད་པའི་དབང་དུ་བྱས་ན། །བསེ་རུ་དཀར་པོ་ཆུ་བརྡར་བྱས་པ༠༤༠། གུར་གུམ་ཁ་ཆེ་མའམ་དཀྱུས་མ༠༥༠། ཆར་ཉུང་ཁཎྜ་༠༧༠། ཁྱུང་སྐྱུགས་༠༣༠། སུག་སྨེལ། ལི་ཤི། ཅུ་གང་རྣམས་༠༣༠རེ། གླ་རྩི་༠༠༣། རྒྱ་གར་རུ་རྟ་དང་བོད་ཀྱི་རུ་རྟ་འདྲེས་མ་༠༥༠། གསེར་བྱེ། ཉི་དགའ། སྡིག་སྲིན་རྣམས་༠༢༠། ཨ་རུ་གསེར་མདོག་༠༧༠། བ་རུ་ར་༠༤༠། སྐྱུ་རུ་ར་༠༤༠། ཙནྡན་དཀར་པོ་༠༣༠། བ་ཤ་ཀ་༠་༥༠། ལྡུམ་བུ་རེ་རལ་༠་༧༠། འབྲས་སྣ་གསུམ་སོ་སོ་ནས་༠༤༠རེ། མཚལ་དཀར་ཏེ་རྡོ་མཚལ་རང་བྱུང་༣༠༣། མཁལ་མ་ཞོ་ཤ་དང་། གོ་ཡུ་༠༤༠། བཅས་སྨན་བྱིང་རྣམས་ཞིབ་པར་བཏགས་དེ་ནས་དབང་རིལ་དུག་འདོན། དཀར་པོ་མཛོ་མོའི་འོ་མ་དང་། སྔོ་ལྗང་གར་ཆང་ནང་དུ་དྲོད་བབ་ཙམ་བཙོ། སེར་བོ་ཡིན་ན་བཙོས་ཟན་དང་། དམར་པོ་གཡག་རྒོད་ཤའི་ནང་དུ་བསྟུམ་ལ་དྲོད་བབ་ཙམ་བསྲེགས། ངར་འདོགས་གདན་གཙང་ཁར་དཀར་ཡོལ་གས་ཆག་མེད་པའི་ནང་བྱིས་པ་ཕ་མ་འཛོམ་ཞིང་མིང་བཀྲ་ལེགས་པས་ཆུ་མིག་ཁ་ཤར་བསྟན་ནས་སྐྱོགས་ཁ་ཐུར་དུ་གྱུས་ཏེ་བླངས་པའི་ཆུ་དབང་རིལ་༠༡༠ཕྱེ་མ་དང་། ཁ་ཆེ། གི་ཝཾ། གླ་རྩི། ལི་ཤི། ཛཱ་ཏི་རྣམས་༠་༠༡། རེའི་ཕྱེ་མ་དང་ལྷན་ཅིག་ཏུ་ཞག་གཅིག་བར་དར་དཀར་གྱིས་ཁ་བཅད་ལ་བཞག་ནས་སྨན་དང་བསྲེ། ཁྱུང་སྐྱུགས་སྤོས་རྡོ་མ་ཡིན་པའི་རིན་པོ་ཆེའི་རིགས་སུ་གཏོགས་པའི་ལེགས་པ་ལ་དུག་འདོན་དགོས་པས། གཞི་ཁྱུང་སྐྱུགས་ཞོ་གསུམ་ལ། ཟེ་ཚྭ་དང་། ཚྭ་ལ་ཆུ་བཅད་༠༣༠རེ། བེ་ལྗང་རེ་རལ། ལྡུམ་བུ་རེ་རལ། གངྒཱ་ཆུང་རྣམས་༠༡༠རེ། སྟར་བུའི་ཁཎྜ་༠༤༠། ཨ་རུ་གསེར་མདོག་དང་། མགྲོན་བུ་སྤོ ་ཅན་ཧ་ར་བསྲེགས་ཐལ་བ་༠༠༧རེ། གླ་རྩི་དྲི་ཐོན་བཅས་ལོ་བརྒྱད་དྲི་ཆུར་ཉིན་ཕྱེད་ཙམ་བཙོ། དེ་རྗེས་གར་ཆང་བསྣན་ལ་བཙོ། ཆུ་གྲང་གིས་དག་པར་བཀྲུས། སླར་ཡང་ཆུ་གཙང་ནང་དུ་ལན་གསུམ་བཙོ་ཞིང་བཤལ་བའི་ཞིབ་བཏགས་ཀྱི་ཕྱེ་མ་སྨན་དང་བསྲེ། དེ་རྣམས་ཆར་ཉུང་གི་ཁཎྜས་འདམ་འཐག་ལེགས་པར་བྱས་ཏེ་རིལ་བུ་སྲན་འཕོས་ཙམ་དྲིལ། རིལ་ཆགས་འཐེམ་པར་བྱ། རབ་ཏུ་གནས་ཤིང་རླུང་མི་འཆོར་བའི་སྣོད་སྤར་བུ་བཟང་པོར་བཅང་བར་བྱའོ། །དབང་རིལ་མེ་དང་ཉི་མས་མ་རེག་ཅིང་ནམ་མཁའ་མ་མཐོང་བར་བྱ་བ་དམ་ཚིག་ཏུ་བཤད། ཕན་ཡོན་ནི་གཞུང་ལས། ཕན་ཡོན་དུག་ནད་གསར་རྙིང་དང་། །ཚད་པ་རྙིང་པ་རྣམས་ལ་ནི། །བསྡུ་དང་གསོ་དང་འཇོམས་པར་བྱེད། །འདི་ལས་ཟབ་པ་གཞན་ན་མེད། །ཅེས་གསུངས་པ་ལྟར། སྦྱར་དུག་དང་གྱུར་དུག་གིས་གཙོས། ཁོང་ནད་རིགས་སྤྱི་དང་། ཁྱད་པར་སྨུག་པོ་དུག་ཐབས་ལ་ཡུན་དུ་བསྲིངས་ཏེ་བསྟེན་ན་ཤིན་ཏུ་ཕན་པ་ལག་ལེན་མྱང་གྲུབ་མའོ། །

[edit]

dbang ril nyer lnga'i phyag len/ dbang ril nyer lnga'i phyag len ni/__dbang ril 'khrul med010/__gtso bor byed pa'i dbang du byas na/__/bse ru dkar po chu brdar byas pa040/__gur gum kha che ma'am dkyus ma050/__char nyung khaN+Da 070/__khyung skyugs 030/__sug smel/__li shi/__cu gang rnams 030re/__gla rtsi 003/__rgya gar ru rta dang bod kyi ru rta 'dres ma 050/__gser bye/__nyi dga'/__sdig srin rnams 020/__a ru gser mdog 070/__ba ru ra 040/__skyu ru ra 040/__tsan+dan dkar po 030/__ba sha ka 0 50/__ldum bu re ral 0 70/__'bras sna gsum so so nas 040re/__mtshal dkar te rdo mtshal rang byung 303/__mkhal ma zho sha dang /__go yu 040/__bcas sman bying rnams zhib par btags de nas dbang ril dug 'don/__dkar po mdzo mo'i 'o ma dang /__sngo ljang gar chang nang du drod bab tsam btso/__ser bo yin na btsos zan dang /__dmar po g.yag rgod sha'i nang du bstum la drod bab tsam bsregs/__ngar 'dogs gdan gtsang khar dkar yol gas chag med pa'i nang byis pa pha ma 'dzom zhing ming bkra legs pas chu mig kha shar bstan nas skyogs kha thur du gyus te blangs pa'i chu dbang ril 010phye ma dang /__kha che/__gi waM/__gla rtsi/__li shi/__dzA ti rnams 0 01/__re'i phye ma dang lhan cig tu zhag gcig bar dar dkar gyis kha bcad la bzhag nas sman dang bsre/__khyung skyugs spos rdo ma yin pa'i rin po che'i rigs su gtogs pa'i legs pa la dug 'don dgos pas/__gzhi khyung skyugs zho gsum la/__ze tshwa dang /__tshwa la chu bcad 030re/__be ljang re ral/__ldum bu re ral/__gang+gA chung rnams 010re/__star bu'i khaN+Da 040/__a ru gser mdog dang /__mgron bu spo_ can ha ra bsregs thal ba 007re/__gla rtsi dri thon bcas lo brgyad dri chur nyin phyed tsam btso/__de rjes gar chang bsnan la btso/__chu grang gis dag par bkrus/__slar yang chu gtsang nang du lan gsum btso zhing bshal ba'i zhib btags kyi phye ma sman dang bsre/__de rnams char nyung gi khaN+Das 'dam 'thag legs par byas te ril bu sran 'phos tsam dril/__ril chags 'them par bya/__rab tu gnas shing rlung mi 'chor ba'i snod spar bu bzang por bcang bar bya'o/__/dbang ril me dang nyi mas ma reg cing nam mkha' ma mthong bar bya ba dam tshig tu bshad/__phan yon ni gzhung las/__phan yon dug nad gsar rnying dang /__/tshad pa rnying pa rnams la ni/__/bsdu dang gso dang 'joms par byed/__/'di las zab pa gzhan na med/__/ces gsungs pa ltar/__sbyar dug dang gyur dug gis gtsos/__khong nad rigs spyi dang /__khyad par smug po dug thabs la yun du bsrings te bsten na shin tu phan pa lag len myang grub ma'o/_/