JKW-KABUM-20-WA-001-066

🚧 This website is under continued development. We appreciate your patience!

Previous Text Back to Volume PageNext Text

Wylie title	sangs rgyas gnyis pa pad+ma saM b+ha wa'i/ zhes pa'i dbu can
Location	mkhyen brtse'i bka' 'bum Volume 20, sde tshan 1, Text 66, Pages 129-130 (Folios 65a4 to 65b2)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. sangs rgyas gnyis pa pad+ma saM b+ha wa'i zhes pa'i dbu can. In 'jam dbyangs mkhyen brtse'i dbang po'i bka' 'bum, Vol. 20: 129-130. Khams sde dge rdzong sar dgon: Rdzong sar blo gros phun tshogs, 2020.
Genre	Invocation of Auspiciousness - bkra shis brjod pa  ·  Official Letters - chab shog

1 Texts in this Section (sde tshan or chos tshan)

66 129-130	སངས་རྒྱས་གཉིས་པ་པདྨ་སཾ་བྷ་ཝའི། ཞེས་པའི་དབུ་ཅན། sangs rgyas gnyis pa pad+ma saM b+ha wa'i/ zhes pa'i dbu can Invocation of Auspiciousness - bkra shis brjod pa   ·   Official Letters - chab shog	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

ཨོཾ་སྭསྟི་སིདྡྷི་རསྟུ། སངས་རྒྱས་གཉིས་པ་པདྨ་སཾ་བྷ་ཝའི། །རིང་ལུགས་གཙོར་གྱུར་དམ་ཆོས་རབ་འབྱམས་ཀྱི། །འོད་ཟེར་སྣང་བས་འཇིག་རྟེན་དགེ་མཛད་པ། །འཇམ་དབྱངས་སྨྲ་བའི་ཉི་མ་འཚོ་གཞེས་གསོལ། །ཟབ་ཅིང་རྒྱ་ཆེའི་ལེགས་གསུང་བྱེ་སྙེད་ཀུན། །གདུལ་བྱའི་ཁམས་དབང་བསམ་པ་ཇི་བཞིན་ཏུ། །འཆད་རྩོད་རྩོམ་པའི་རྒྱལ་རྔ་རབ་བརྡུང་བས། །ཐུབ་བསྟན་དྲི་མེད་ཕྱོགས་བཅུར་རྒྱས་མཛད་གསོལ། །བདག་ཅག་རྣམས་ཀྱང་བྱང་ཆུབ་སྙིང་པོའི་བར། །ཡེ་ཤེས་གཟིགས་པས་རྟག་ཏུ་རྗེས་བཟུང་ནས། །སྲིད་དང་ཞི་བའི་ལེགས་བྱས་བདུད་རྩི་ཡིས། །ཤིས་པའི་པདྨོ་ལྷག་པར་རྒྱས་མཛོད་ཀྱེ། །ཞེས་ལྷག་བསམ་དག་པས་རྩེ་གཅིག་གསོལ་བ་འདེབས་མཚོན་བཀྲ་ཤིས་པའི་ལྷ་གོས་རབ་དཀར། སྐུ་གསུང་ཐུགས་རྡོ་རྗེའི་སྣང་བརྙན། རིན་པོ་ཆེའི་བུམ་བཟང་བཅུད་ཀྱིས་གང་བ། མདུན་ལྕོག །དམ་ཚིག་གི་ཕྲེང་བ་རྒྱན་ལྡན་བཅས་གུས་པས་ཕུལ་བ་དེ་དེ་བཞིན་དུ་འགྲུབ་པར་བྱིན་གྱིས་བརླབ་ཏུ་གསོལ། །སརྦ་དཱ་ཤྲེ་ཡོ་བྷ་བ་ཏུ། ། ༈

[edit]

sangs rgyas gnyis pa pad+ma saM b+ha wa'i/__zhes pa'i dbu can/ oM swasti sid+d+hi rastu/_sangs rgyas gnyis pa pad+ma saM b+ha wa'i/_/ring lugs gtsor gyur dam chos rab 'byams kyi/_/'od zer snang bas 'jig rten dge mdzad pa/_/'jam dbyangs smra ba'i nyi ma 'tsho gzhes gsol/_/zab cing rgya che'i legs gsung bye snyed kun/_/gdul bya'i khams dbang bsam pa ji bzhin tu/_/'chad rtsod rtsom pa'i rgyal rnga rab brdung bas/_/thub bstan dri med phyogs bcur rgyas mdzad gsol/_/bdag cag rnams kyang byang chub snying po'i bar/_/ye shes gzigs pas rtag tu rjes bzung nas/_/srid dang zhi ba'i legs byas bdud rtsi yis/_/shis pa'i pad+mo lhag par rgyas mdzod kye/_/zhes lhag bsam dag pas rtse gcig gsol ba 'debs mtshon bkra shis pa'i lha gos rab dkar/_sku gsung thugs rdo rje'i snang brnyan/_rin po che'i bum bzang bcud kyis gang ba/_mdun lcog_/dam tshig gi phreng ba rgyan ldan bcas gus pas phul ba de de bzhin du 'grub par byin gyis brlab tu gsol/_/sarba dA shre yo b+ha ba tu/__/__!