JKCL-KABUM-09-TA-023

🚧 This website is under continued development. We appreciate your patience!

Previous Text Back to Volume PageNext Text

Wylie title	gsang ba'i rnal 'byor zab mo la nges pa rnyed pa'i bden tshig 'jam dpal mchog grub
Location	chos kyi blo gros bka' 'bum Volume 9, Text 23, Pages 453-454 (Folios 1a1 to 1b3)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. gsang ba'i rnal 'byor zab mo la nges pa rnyed pa'i bden tshig 'jam dpal mchog grub. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 9: 453-454. Bir, H.P.: Khyentse Labrang, 2012.
Genre	Sadhanas - Evocation Ritual - sgrub thabs
Deity	'jam dpal ye shes sems dpa'
Colophon	།ཅེས་པའང་སྤྲེལ་ལོ་སྤྲེལ་ཟླའི་ཚེས་༢༨ལ་ལྷོ་བྲག་ལྷ་ལུང་དུ་ཡིད་ལ་གང་ཤར་བྲིས་པ་གུ་ཧྱ།།
	/ces pa'ang sprel lo sprel zla'i tshes 28la lho brag lha lung du yid la gang shar bris pa gu h+ya//

1 Texts in this Section (sde tshan or chos tshan)

453-454	གསང་བའི་རྣལ་འབྱོར་ཟབ་མོ་ལ་ངེས་པ་རྙེད་པའི་བདེན་ཚིག་འཇམ་དཔལ་མཆོག་གྲུབ། gsang ba'i rnal 'byor zab mo la nges pa rnyed pa'i bden tshig 'jam dpal mchog grub Sadhanas - Evocation Ritual - sgrub thabs	Text page View PDF
	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ('jam dbyangs mkhyen brtse chos kyi blo gros)

Tibetan Text

Wylie

[edit]

གསང་བའི་རྣལ་འབྱོར་ཟབ་མོ་ལ་ངེས་པ་རྙེད་པའི་བདེན་ཚིག་འཇམ་དཔལ་མཆོག་གྲུབ་ཅེས་བྱ་བ་བཞུགས་སོ། །ན་མོ་གུ་རུ། མཉྫུ་ཤྲཱི་ཛྙཱ་ན་ཀཱ་ཡ། །བླ་མ་འཇམ་དཔལ་རྡོ་རྗེ་ཡི། །ཡེ་ཤེས་སྣང་བའི་འོད་པོ་ཆེ། །སྙིང་ལ་ཤར་དང་ལྷན་ཅིག་ཏུ། །ཀུན་རྨོངས་མུན་པ་སྟུག་པོ་ཆེ། །གསལ་བའི་དབྱིངས་སུ་ཐིམ་པར་གྱུར། །དེ་ཚེ་གྲོང་ཁྱེར་གསུམ་པོ་ནི། །རང་སྣང་རྣམ་པར་དག་པ་ཡི། །འོག་མིན་ཞེས་བྱ་ཉམས་དགའ་བར། །འཇམ་དཔལ་དང་པོའི་སངས་རྒྱས་ཀྱི། །ངོ་བོ་མངོན་པར་བྱང་ཆུབ་དང་། །ཆོས་དབྱིངས་རྒྱས་པར་བཀང་བ་ཡི། །གཟུགས་སྐུ་ནོར་བུའི་སྤྲིན་ཆེན་པོ། །ཡོན་ཏན་རིན་ཆེན་དྲྭ་བ་ཡི། །རྒྱན་གྱི་རྣམ་པར་མཛེས་པ་ནི། །དཔག་ཡས་འཛད་མེད་ལྷུན་གྱིས་གྲུབ། །རྟག་པ་རྒྱུན་གྱི་འཁོར་ལོ་ཤར། །དེ་ལས་ཐུགས་རྗེའི་ཟློས་གར་ནི། །ཞི་དང་ཁྲོ་བོ་བསམ་ཡས་ཤར། །ཁྱད་པར་འཇམ་དཔལ་ཁྲོས་པའི་རྒྱལ། །གཏི་མུག་དགྲ་སྟེ་གཤེད་ཆེན་པོ། །འཇིགས་བྱེད་ཁྲོས་པ་མ་ཧེའི་ཞལ། །སྲིད་གསུམ་རྭ་རྩེས་ཐལ་མར་འབིགས། །འཁོར་འདས་ཟིལ་གནོན་དཔལ་ཆེན་པོ། །བཀའ་རྟགས་ཕྱག་རྒྱའི་རོལ་པ་ཆེ། །དོན་ལ་བདག་དང་གཉིས་སུ་མེད། །སྔར་ཡང་དམ་ཚིག་ཕྱག་རྒྱས་བཅིངས། །ད་ཡང་སྲིད་པ་ཇི་སྲིད་བར། །འདུ་འབྲལ་མེད་པའི་རྒྱ་ཡིས་གདབ། །ཙིཏྟ་རིན་ཆེན་འབར་བའི་དཀྱིལ། །དམ་དུ་སྦ་ཞིང་དམ་དུ་བཅང་། །དེ་བཞིན་ངེས་པར་འགྲུབ་པ་ལ། །མཁའ་ཁྱབ་འཇམ་དབྱངས་དཀྱིལ་འཁོར་པ། །ཏིལ་གོང་བཞིན་དུ་བཞུགས་རྣམས་ཀྱིས། །བདེན་པས་ཀྱང་ནི་འགྲུབ་པ་དང་། །ཆོས་ཉིད་རང་བཞིན་རྣམ་དག་དང་། །ཆོས་ཅན་ཕྱི་ནང་རྟེན་འབྲེལ་ནི། །མི་བསླུ་བདེན་པས་ངེས་འགྲུབ་ཅིང་། །དེ་ཡི་བྱིན་གྱིས་བཀྲ་ཤིས་ཤིང་། །ཁམས་གསུམ་ཀུན་ཏུ་དགེ་གྱུར་ཅིག །བདེ་སྐྱིད་དཔལ་ཡོན་རྒྱས་པར་ཤོག །ཅེས་པའང་སྤྲེལ་ལོ་སྤྲེལ་ཟླའི་ཚེས་༢༨ལ་ལྷོ་བྲག་ལྷ་ལུང་དུ་ཡིད་ལ་གང་ཤར་བྲིས་པ་གུ་ཧྱ།། །།

[edit]

gsang ba'i rnal 'byor zab mo la nges pa rnyed pa'i bden tshig 'jam dpal mchog grub ces bya ba bzhugs so/__/na mo gu ru/__many+dzu shrI dz+nyA na kA ya/__/bla ma 'jam dpal rdo rje yi/__/ye shes snang ba'i 'od po che/__/snying la shar dang lhan cig tu/__/kun rmongs mun pa stug po che/__/gsal ba'i dbyings su thim par gyur/__/de tshe grong khyer gsum po ni/__/rang snang rnam par dag pa yi/__/'og min zhes bya nyams dga' bar/__/'jam dpal dang po'i sangs rgyas kyi/__/ngo bo mngon par byang chub dang /__/chos dbyings rgyas par bkang ba yi/__/gzugs sku nor bu'i sprin chen po/__/yon tan rin chen drwa ba yi/__/rgyan gyi rnam par mdzes pa ni/__/dpag yas 'dzad med lhun gyis grub/__/rtag pa rgyun gyi 'khor lo shar/__/de las thugs rje'i zlos gar ni/__/zhi dang khro bo bsam yas shar/__/khyad par 'jam dpal khros pa'i rgyal/__/gti mug dgra ste gshed chen po/__/'jigs byed khros pa ma he'i zhal/__/srid gsum rwa rtses thal mar 'bigs/__/'khor 'das zil gnon dpal chen po/__/bka' rtags phyag rgya'i rol pa che/__/don la bdag dang gnyis su med/__/sngar yang dam tshig phyag rgyas bcings/__/da yang srid pa ji srid bar/__/'du 'bral med pa'i rgya yis gdab/__/tsit+ta rin chen 'bar ba'i dkyil/__/dam du sba zhing dam du bcang /__/de bzhin nges par 'grub pa la/__/mkha' khyab 'jam dbyangs dkyil 'khor pa/__/til gong bzhin du bzhugs rnams kyis/__/bden pas kyang ni 'grub pa dang /__/chos nyid rang bzhin rnam dag dang /__/chos can phyi nang rten 'brel ni/__/mi bslu bden pas nges 'grub cing /__/de yi byin gyis bkra shis shing /__/khams gsum kun tu dge gyur cig__/bde skyid dpal yon rgyas par shog__/ces pa'ang sprel lo sprel zla'i tshes 28la lho brag lha lung du yid la gang shar bris pa gu h+ya//__//