JKCL-KABUM-12-NA-025

🚧 This website is under continued development. We appreciate your patience!

Previous Text Back to Volume PageNext Text

Wylie title	bslab pa gsum gyi lus stobs rab rgyas shing zhes sogs
Location	chos kyi blo gros bka' 'bum Volume 12, Text 25, Pages 85-86 (Folios 1a1 to 1b2)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. bslab pa gsum gyi lus stobs rab rgyas shing zhes sogs. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 12: 85-86. Bir, H.P.: Khyentse Labrang, 2012.
Genre	Official Letters - chab shog

1 Texts in this Section (sde tshan or chos tshan)

85-86	བསླབ་པ་གསུམ་གྱི་ལུས་སྟོབས་རབ་རྒྱས་ཤིང་ཞེས་སོགས། bslab pa gsum gyi lus stobs rab rgyas shing zhes sogs Official Letters - chab shog	Text page View PDF
	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ('jam dbyangs mkhyen brtse chos kyi blo gros)

Tibetan Text

Wylie

[edit]

བསླབ་པ་གསུམ་གྱི་ལུས་སྟོབས་རབ་རྒྱས་ཤིང་། །སྡེ་སྣོད་གསུམ་གྱི་གཡུ་རལ་འབར་བས་མཛེས། །ལུང་རིག་ང་རོ་ཆེས་ཆེར་སྒྲོགས་མཁས་པ། །ཆོས་མཛད་མཁས་དབང་དམ་པ་གང་དེའི་དྲུང་། །ཁྱོད་ཀྱིས་ཐུགས་བརྩེའི་སྤྱན་རས་འཛུམ་པ་ཡི། །ཡང་ཡང་བཙའ་བས་སྙན་ཚིག་ཚངས་སྲས་ཀྱི། །བུ་མོ་དགྱེས་པའི་ཉམས་འགྱུར་ཚིགས་བཅད་ཕྲེང་། །མཆོག་སྤྲུལ་སྨྲ་དབང་བརྒྱུད་ནས་ལྷུག་པར་འབྱོར། །འཇམ་མགོན་བླ་མའི་བསྟན་པ་ཐུགས་དབུས་སུ། །རྡོ་ལ་རི་མོ་བྲིས་པ་ལྟར་གསལ་བའི། །བློ་སྟོབས་བྲུབ་པ་མེད་པར་དམ་བཅས་པ། །དེང་དུས་ཤིན་ཏུ་གསལ་བའི་མཛད་ཕྲིན་བཟང་། །ཛམྦུའི་ཆུ་གསེར་འབར་བའི་ས་གཞི་ལ། །བཻཌཱུ་ཞུན་མས་བྲིས་པའི་བཀྲ་ཤིས་པའི། །དགེ་ལེགས་རྟགས་ཀྱི་སྤྲས་པའི་མཚན་བཟང་གི །རྒྱལ་བ་གཉིས་པའི་བསྟན་པ་གསལ་ལ་སྤྲོ། །འདིར་ཡང་རྒ་བའི་ཆད་པས་ནོན་བཞིན་དུ། །ཟིན་མེད་ཆུ་ཡི་གཉེར་མའི་རྗེས་བསྙེགས་ཏེ། །མི་ཚེའི་ལྷག་མ་ནུབ་རིར་བསྐྱལ་བཞིན་དུ། །ཆོས་མེད་སྙོམས་ལས་གཉིད་ཀྱི་ངང་དུ་ཡུར། མཚམས་གསོལ། སླར་ཡང་། འཆི་མེད་སྲོག་གི་འཚོ་བ་ཡུན་དུ་བརྟན། །ལྷ་དབང་དཔལ་གྱིས་མི་མཚོན་རྟེན་བཟང་ལ། །འཕྲོད་པའི་ཆོ་ག་ལྷོད་པ་མེད་པ་དང་། །འཕགས་པའི་ནོར་བདུན་དཔལ་གྱིས་བརྒྱན་གྱུར་ཅིག །རྣམ་ཀུན་པུ་ལོ་མ་དགྲ་ཡི། །ཉེར་འཚེ་སྲུང་བའི་གུར་ཆེན་པོར། །སྒོ་གསུམ་རྡོ་རྗེར་སྒྲུབ་པ་ཡི། །སྐྱབས་སྨོན་འདོར་མེད་དམ་བཅའ་བགྱིད། །རྗེས་སུ་དགོངས་པའི་གསུང་སྙན་ཀྱང་། །དཔྱིད་ཀྱི་བུ་མོའི་མགྲིན་གླུ་ལྟར། །ཡང་ཡང་སྒྲོགས་པའི་རྟེན་འབྱུང་ནི། །དུས་སུ་འགོགས་མེད་འབྱུང་བར་སྨོན། །ལྷ་མེ་བཅས་མཁྱེན་མིང་པས་ཕུལ།། །།

[edit]

bslab pa gsum gyi lus stobs rab rgyas shing /__/sde snod gsum gyi g.yu ral 'bar bas mdzes/__/lung rig nga ro ches cher sgrogs mkhas pa/__/chos mdzad mkhas dbang dam pa gang de'i drung /__/khyod kyis thugs brtse'i spyan ras 'dzum pa yi/__/yang yang btsa' bas snyan tshig tshangs sras kyi/__/bu mo dgyes pa'i nyams 'gyur tshigs bcad phreng /__/mchog sprul smra dbang brgyud nas lhug par 'byor/__/'jam mgon bla ma'i bstan pa thugs dbus su/__/rdo la ri mo bris pa ltar gsal ba'i/__/blo stobs brub pa med par dam bcas pa/__/deng dus shin tu gsal ba'i mdzad phrin bzang /__/dzam+bu'i chu gser 'bar ba'i sa gzhi la/__/baiDU zhun mas bris pa'i bkra shis pa'i/__/dge legs rtags kyi spras pa'i mtshan bzang gi__/rgyal ba gnyis pa'i bstan pa gsal la spro/__/'dir yang rga ba'i chad pas non bzhin du/__/zin med chu yi gnyer ma'i rjes bsnyegs te/__/mi tshe'i lhag ma nub rir bskyal bzhin du/__/chos med snyoms las gnyid kyi ngang du yur/__mtshams gsol/__slar yang /__'chi med srog gi 'tsho ba yun du brtan/__/lha dbang dpal gyis mi mtshon rten bzang la/__/'phrod pa'i cho ga lhod pa med pa dang /__/'phags pa'i nor bdun dpal gyis brgyan gyur cig__/rnam kun pu lo ma dgra yi/__/nyer 'tshe srung ba'i gur chen por/__/sgo gsum rdo rjer sgrub pa yi/__/skyabs smon 'dor med dam bca' bgyid/__/rjes su dgongs pa'i gsung snyan kyang /__/dpyid kyi bu mo'i mgrin glu ltar/__/yang yang sgrogs pa'i rten 'byung ni/__/dus su 'gogs med 'byung bar smon/__/lha me bcas mkhyen ming pas phul//___//