JKW-KABUM-20-WA-001-092

🚧 This website is under continued development. We appreciate your patience!

Previous Text Back to Volume PageNext Text

Wylie title	dIdz+nyaMyUbanabar+d+hatedzasI/ zhes pa'i dbu can
Location	mkhyen brtse'i bka' 'bum Volume 20, sde tshan 1, Text 92, Pages 164-166 (Folios 82b4 to 83b1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. dIdz+nyaMyUbanabar+d+hatedzasI/ zhes pa'i dbu can. In 'jam dbyangs mkhyen brtse'i dbang po'i bka' 'bum, Vol. 20: 164-166. Khams sde dge rdzong sar dgon: Rdzong sar blo gros phun tshogs, 2020.
Genre	Invocation of Auspiciousness - bkra shis brjod pa  ·  Official Letters - chab shog  ·  Supplications - gsol 'debs
Colophon	།ཅེས་རྩེ་གཅིག་གུས་པས་གསོལ་བ་འདེབས་མཚོན་བཀྲ་ཤིས་པའི་ལྷ་གོས་རབ་དཀར། །བཟང་ཇ་འཁོར་དྲུག་བཅས་དབྱུག་པ་ཟླ་བའི་གྲལ་ཚེས་མཆོག་ཏུ་དགེ་བར་སྡེ་དགེ་སྨན་ཤོད་རྫོང་གསར་དགོན་གྱི་བསམ་གཏན་ཁང་བུ་ནས། ཐར་རྩེ་སྤྲུལ་མིང་འཇམ་དབྱངས་མཁྱེན་བརྩེས་གུས་པ་ཆེན་པོས་ཕུལ་བའི་ཞུ་ཆུང་།
	ces rtse gcig gus pas gsol ba 'debs mtshon bkra shis pa'i lha gos rab dkar/_/bzang ja 'khor drug bcas dbyug pa zla ba'i gral tshes mchog tu dge bar sde dge sman shod rdzong gsar dgon gyi bsam gtan khang bu nas/_thar rtse sprul ming 'jam dbyangs mkhyen brtses gus pa chen pos phul ba'i zhu chung

1 Texts in this Section (sde tshan or chos tshan)

92 164-166	དཱིཛྙཾཡཱུབནབརྡྷཏེཛསཱི། ཞེས་པའི་དབུ་ཅན། dIdz+nyaMyUbanabar+d+hatedzasI/ zhes pa'i dbu can Invocation of Auspiciousness - bkra shis brjod pa   ·   Official Letters - chab shog   ·   Supplications - gsol 'debs	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

དཱིཛྙཾཡཱུབནབརྡྷཏེཛསཱི། ཙྪནྡཱཤུདྡྷདིཔྟནཱམསྱཔྲསྟཱརེ། མཉྫུཤྲཱིཀམཧཱཛཡཱངྐུརཾ པཱདཾཔདྨཧསོཔམཱུལཡོཿགཟོད་ནས་ཤིན་ཏུ་ཞི་བའི་ཆོས་ཉིད་ནི། །མཁྱེན་གཉིས་ལང་ཚོ་རྒྱས་པའི་གཟི་འབར་བ། །འཇམ་པའི་དཔལ་དངོས་རྒྱལ་བའི་མྱུ་གུ་ཆེའི། །ཞབས་ཀྱི་པདྨོ་བཞད་པའི་ཉེ་དྲུང་དུ། །མི་ཕྱེད་གུས་པས་མདུན་བདར་ཏེ་ཞུ་གསོལ། གཟུང་འཛིན་སྤྲོས་པར་གཞར་ཡང་མི་གནས་འོད་གསལ་ནམ་མཁའི་རྡོ་རྗེའི་དབྱིངས། །ཟུང་འཇུག་དབང་པོའི་གཞུ་ལྟར་མངོན་སྣང་སྒྱུ་འཕྲུལ་དྲྭ་བ་ཆེན་པོའི་སྤྲིན། །སྲིད་པའི་ཁམས་སུ་གཅིག་ཏུ་རྗེས་ཆགས་མཚན་དཔེའི་ཟླ་རིས་ཤར་ཙམ་གྱིས། །འཇིག་རྟེན་རྒུད་པའི་མུན་པ་ཀུན་བསལ་ཕན་བདེའི་སྣང་བ་འབྱམས་སུ་ཀླས། །སྐད་ཅིག་རེར་ཡང་རིག་དང་བརྩེ་བ་ཕྲིན་ལས་འཇུག་པ་མཐའ་ཡས་པའི། །ཀུན་མཁྱེན་གཉིས་པའི་མཛད་པ་ཁོ་ནས་ཕྱོགས་དང་ཆ་བཅས་རྒྱས་འགེངས་བཞིན། །འཚོ་གཞེས་བརྟན་པའི་གཏམ་གྱི་རྔ་སྒྲ་བྱེ་བ་ཕྲག་བརྒྱའི་དགེ་མཚན་གྱིས། །འདུ་ཤེས་གསུམ་ལ་སྙོམས་པར་འཇུག་པའང་དད་བློ་དགེ་བའི་ཕྱོགས་སུ་དྲངས། །ལྷག་པར་འཕགས་རྣམས་སྙིང་རྗེའི་གཟིགས་པ་དམན་ལ་བརྩེ་བ་ཆོས་ཉིད་ཕྱིར། །མ་འདྲིས་བཞིན་དུ་མཉེས་ཤིང་གཤིམ་པའི་ལེགས་གསུང་བདུད་རྩིའི་སྤྲིན་གྱི་ཆར། །འདི་ན་དུས་སུ་སྨིན་པ་ཁོ་ནས་རབ་གུས་ཨུཏྤལ་རྒྱས་གྱུར་ཏེ། །བསམ་གཏན་ཁང་བུའི་པད་མཚོ་ལ་བརྟེན་ཞབས་བརྟན་བསུང་ཞིམ་སྤྲོ་བཞིན་མཆིས། །མཚམས་ཞུས། སླད་མའི་དུས་ཀྱང་སྲིད་ཞིའི་མཐར་སོན་འགྲོ་རྣམས་སྒྲོལ་བའི་ཐུགས་རྗེའི་སྤྱན། །གངས་ཀྱི་རི་བོའི་སུལ་འདིར་རིང་གཟིགས་འཆི་མེད་གྲུབ་པའི་རྒྱལ་རྔ་ཆེས། །ཡིད་སྲུབས་དཔུང་བཅས་ཕྱོགས་ལས་རྣམ་རྒྱལ་ཕྲིན་ལས་མཁའ་མཐར་ཁྱབ་པ་དང་། །འདིར་ཡང་ཡེ་ཤེས་གཟིགས་པ་དམ་པས་བྱང་ཆུབ་བར་དུ་དགེ་མཛད་གསོལ། །ཅེས་རྩེ་གཅིག་གུས་པས་གསོལ་བ་འདེབས་མཚོན་བཀྲ་ཤིས་པའི་ལྷ་གོས་རབ་དཀར། །བཟང་ཇ་འཁོར་དྲུག་བཅས་དབྱུག་པ་ཟླ་བའི་གྲལ་ཚེས་མཆོག་ཏུ་དགེ་བར་སྡེ་དགེ་སྨན་ཤོད་རྫོང་གསར་དགོན་གྱི་བསམ་གཏན་ཁང་བུ་ནས། ཐར་རྩེ་སྤྲུལ་མིང་འཇམ་དབྱངས་མཁྱེན་བརྩེས་གུས་པ་ཆེན་པོས་ཕུལ་བའི་ཞུ་ཆུང་། །

[edit]

dIdz+nyaMyUbanabar+d+hatedzasI/__zhes pa'i dbu can/ dIdz+nyaMyUbanabar+d+hatedzasI/_ts+tshan+dAshud+d+hadip+tanAmas+yaprastAre/_many+dzushrIkamahAdzayAng+kuraM_pAdaMpad+mahasopamUlayoHgzod nas shin tu zhi ba'i chos nyid ni/_/mkhyen gnyis lang tsho rgyas pa'i gzi 'bar ba/_/'jam pa'i dpal dngos rgyal ba'i myu gu che'i/_/zhabs kyi pad+mo bzhad pa'i nye drung du/_/mi phyed gus pas mdun bdar te zhu gsol/_gzung 'dzin spros par gzhar yang mi gnas 'od gsal nam mkha'i rdo rje'i dbyings/_/zung 'jug dbang po'i gzhu ltar mngon snang sgyu 'phrul drwa ba chen po'i sprin/_/srid pa'i khams su gcig tu rjes chags mtshan dpe'i zla ris shar tsam gyis/_/'jig rten rgud pa'i mun pa kun bsal phan bde'i snang ba 'byams su klas/_/skad cig rer yang rig dang brtse ba phrin las 'jug pa mtha' yas pa'i/_/kun mkhyen gnyis pa'i mdzad pa kho nas phyogs dang cha bcas rgyas 'gengs bzhin/_/'tsho gzhes brtan pa'i gtam gyi rnga sgra bye ba phrag brgya'i dge mtshan gyis/_/'du shes gsum la snyoms par 'jug pa'ang dad blo dge ba'i phyogs su drangs/_/lhag par 'phags rnams snying rje'i gzigs pa dman la brtse ba chos nyid phyir/_/ma 'dris bzhin du mnyes shing gshim pa'i legs gsung bdud rtsi'i sprin gyi char/_/'di na dus su smin pa kho nas rab gus ut+pal rgyas gyur te/_/bsam gtan khang bu'i pad mtsho la brten zhabs brtan bsung zhim spro bzhin mchis/_/mtshams zhus/_slad ma'i dus kyang srid zhi'i mthar son 'gro rnams sgrol ba'i thugs rje'i spyan/_/gangs kyi ri bo'i sul 'dir ring gzigs 'chi med grub pa'i rgyal rnga ches/_/yid srubs dpung bcas phyogs las rnam rgyal phrin las mkha' mthar khyab pa dang /_/'dir yang ye shes gzigs pa dam pas byang chub bar du dge mdzad gsol/_/ces rtse gcig gus pas gsol ba 'debs mtshon bkra shis pa'i lha gos rab dkar/_/bzang ja 'khor drug bcas dbyug pa zla ba'i gral tshes mchog tu dge bar sde dge sman shod rdzong gsar dgon gyi bsam gtan khang bu nas/_thar rtse sprul ming 'jam dbyangs mkhyen brtses gus pa chen pos phul ba'i zhu chung /_/