JKW-KABUM-23-'A-001-067

🚧 This website is under continued development. We appreciate your patience!

Previous Text Back to Volume PageNext Text

Wylie title	'phags ma rnam par rgyal ma'i thugs dam skul ba'i rdo rje'i glu 'chi med rtag pa'i rgyud mang
Location	mkhyen brtse'i bka' 'bum Volume 23, sde tshan 1, Text 67, Pages 129-131 (Folios 65a6 to 66a4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. 'phags ma rnam par rgyal ma'i thugs dam skul ba'i rdo rje'i glu 'chi med rtag pa'i rgyud mang. In 'jam dbyangs mkhyen brtse'i dbang po'i bka' 'bum, Vol. 23: 129-131. Khams sde dge rdzong sar dgon: Rdzong sar blo gros phun tshogs, 2020.
Genre	Vajra Songs - rdo rje'i glu
Colophon	།ཞེས་པའང་མཚོ་སྐྱེས་བླ་མ་དགྱེས་པའི་འབངས་པདྨ་འོད་གསལ་མདོ་སྔགས་གླིང་པས་ཟབ་གཏེར་གྱི་གསང་བ་གཏན་ལ་ཕབ་པའི་རྗེས་འབྲེལ་དུ་རབ་ཚེས་དཔལ་གདོང་ལོའི་ཆོ་འཕྲུལ་གྱི་ཟླའི་དཀར་ཕྱོགས་ཀྱི་ཟླ་བ་ཉ་ཡོངས་སུ་གང་བའི་དུས་ཀྱི་དགེ་མཚན་ཕུན་སུམ་ཚོགས་པའི་ཉིན་གང་ཤར་བྲིས་པ་དཔལ་ལྡན་བླ་མ་དམ་པ་རྣམས་ཞབས་པད་བསྐལ་པ་རྒྱ་མཚོར་བརྟན་ཅིང་། ཕན་བདེའི་སྣང་བ་གསར་པས་ས་གསུམ་དུ་ཁྱབ་པའི་རྒྱུར་གྱུར་ཅིག།
	zhes pa'ang mtsho skyes bla ma dgyes pa'i 'bangs pad+ma 'od gsal mdo sngags gling pas zab gter gyi gsang ba gtan la phab pa'i rjes 'brel du rab tshes dpal gdong lo'i cho 'phrul gyi zla'i dkar phyogs kyi zla ba nya yongs su gang ba'i dus kyi dge mtshan phun sum tshogs pa'i nyin gang shar bris pa dpal ldan bla ma dam pa rnams zhabs pad bskal pa rgya mtshor brtan cing /__phan bde'i snang ba gsar pas sa gsum du khyab pa'i rgyur gyur cig

Tibetan Text

Wylie

[edit]

འཕགས་མ་རྣམ་པར་རྒྱལ་མའི་ཐུགས་དམ་སྐུལ་བའི་རྡོ་རྗེའི་གླུ་འཆི་མེད་རྟག་པའི་རྒྱུད་མང་ཞེས་བྱ་བ། ཨ་ཧོ། ཨོཾ་ཡིག་ཡེ་ཤེས་ལྔ་ལྡན་འོད་གསལ་གྱི་ཐིག་ལེ། །ཟུང་འཇུག་བདེ་ཆེན་གྲུབ་པའི་སྣང་བརྙན་དུ་ཤར་བ། །མི་ཤིགས་སྐུ་ཡི་རྡོ་རྗེ་རྣམ་རྒྱལ་གྱི་ལྷ་མོས། །རྩ་ཁམས་དྭངས་མར་དག་པའི་དངོས་གྲུབ་ཅིག་སྩོལ་དང་། །ཨ་མྲྀ་ཏ་ཞེས་བརྗོད་བྲལ་འཆི་མེད་ཀྱི་ཟིལ་དངར། །བརྟན་གཡོ་ཀུན་ལ་ཁྱབ་པའི་དབྱངས་སྙན་དུ་ཤར་བ། །འགག་མེད་གསུང་གི་རྡོ་རྗེ་རྣལ་རྒྱལ་གྱི་ལྷ་མོས། །སྲོག་རྩོལ་དབུ་མར་རྫོགས་པའི་དངོས་གྲུབ་ཅིག་སྩོལ་དང་། །ཨཱ་ཡུར་རྟག་པ་དམ་པའི་སྤྲོས་བྲལ་གྱི་ཚེ་བཅུད། །མཁྱེན་གཉིས་ལང་ཚོ་རྒྱས་པའི་རྩེ་དགའ་ལ་རོལ་པ། །འགྱུར་མེད་ཐུགས་ཀྱི་རྡོ་རྗེ་རྣམ་རྒྱལ་གྱི་ལྷ་མོས། །རྟོག་ཚོགས་ཆོས་སྐུར་སྨིན་པའི་དངོས་གྲུབ་ཅིག་སྩོལ་དང་། །དཱ་དེ་རྨད་དུ་བྱུང་བའི་སྤངས་རྟོགས་ཀྱི་རོལ་མོས། །འདོད་དགུ་ཡིད་བཞིན་འཇོ་བའི་སྤྲིན་ཆེན་དུ་ཤར་བ། །རྩོལ་མེད་ཡོན་ཏན་རྡོ་རྗེ་རྣམ་རྒྱལ་གྱི་ལྷ་མོས། །ཕན་བདེའི་དགེ་མཚན་རྒྱས་པའི་དངོས་གྲུབ་ཅིག་སྩོལ་དང་། །སྭཱ་ཧཱ་ལེགས་པའི་དངོས་ཀུན་གང་འདུལ་དུ་སྦྱིན་པ། །ངོ་མཚར་དབང་པོའི་གཞུ་བཞིན་སྣ་ཚོགས་སུ་ཤར་བའི། །ཐོགས་མེད་ཕྲིན་ལས་རྡོ་རྗེ་རྣམ་རྒྱལ་གྱི་ལྷ་མོས། །བསམ་ཀུན་ཡོངས་སུ་རྫོགས་པའི་དངོས་གྲུབ་ཅིག་སྩོལ་དང་། །དཔལ་ལྡན་བླ་མའི་ཞབས་པད་ལྷུན་པོ་ལྟར་རྟག་ཅིང་། །ཚུལ་ལྡན་འདུས་པའི་ཕྲིན་ལས་མཁའ་ཁྱབ་ཏུ་བརྡལ་བས། །ཆོས་ལྡན་རྒྱལ་བློན་འབངས་བཅས་ལྷུན་གྲུབ་ཀྱི་འབྱོར་པ། །རྫོགས་ལྡན་དུས་ལྟར་རྒྱས་པའི་དངོས་གྲུབ་ཅིག་སྩོལ་དང་། །ལྷ་རྣམས་དགྱེས་པའི་མེ་ཏོག་ཆལ་ཆིལ་དུ་འབེབས་ཤིང་། །ཀླུ་རྣམས་དགའ་བའི་དུས་སྟོན་ས་སྟེང་དུ་སྣང་བས། །མི་རྣམས་བདེ་ཞིང་སྐྱིད་པའི་བཀྲ་ཤིས་ཀྱི་གླུ་དབྱངས། །འཇིག་རྟེན་ཀུན་ཏུ་སྙན་པའི་སྨོན་ལམ་ཞིག་ཞུའོ། །ཞེས་པའང་མཚོ་སྐྱེས་བླ་མ་དགྱེས་པའི་འབངས་པདྨ་འོད་གསལ་མདོ་སྔགས་གླིང་པས་ཟབ་གཏེར་གྱི་གསང་བ་གཏན་ལ་ཕབ་པའི་རྗེས་འབྲེལ་དུ་རབ་ཚེས་དཔལ་གདོང་ལོའི་ཆོ་འཕྲུལ་གྱི་ཟླའི་དཀར་ཕྱོགས་ཀྱི་ཟླ་བ་ཉ་ཡོངས་སུ་གང་བའི་དུས་ཀྱི་དགེ་མཚན་ཕུན་སུམ་ཚོགས་པའི་ཉིན་གང་ཤར་བྲིས་པ་དཔལ་ལྡན་བླ་མ་དམ་པ་རྣམས་ཞབས་པད་བསྐལ་པ་རྒྱ་མཚོར་བརྟན་ཅིང་། ཕན་བདེའི་སྣང་བ་གསར་པས་ས་གསུམ་དུ་ཁྱབ་པའི་རྒྱུར་གྱུར་ཅིག། ། ༈

[edit]

'phags ma rnam par rgyal ma'i thugs dam skul ba'i rdo rje'i glu 'chi med rtag pa'i rgyud mang / 'phags ma rnam par rgyal ma'i thugs dam skul ba'i rdo rje'i glu 'chi med rtag pa'i rgyud mang zhes bya ba/__a ho/__oM yig ye shes lnga ldan 'od gsal gyi thig le/__/zung 'jug bde chen grub pa'i snang brnyan du shar ba/__/mi shigs sku yi rdo rje rnam rgyal gyi lha mos/__/rtsa khams dwangs mar dag pa'i dngos grub cig stsol dang /__/a mr-i ta zhes brjod bral 'chi med kyi zil dngar/__/brtan g.yo kun la khyab pa'i dbyangs snyan du shar ba/__/'gag med gsung gi rdo rje rnal rgyal gyi lha mos/__/srog rtsol dbu mar rdzogs pa'i dngos grub cig stsol dang /__/A yur rtag pa dam pa'i spros bral gyi tshe bcud/__/mkhyen gnyis lang tsho rgyas pa'i rtse dga' la rol pa/__/'gyur med thugs kyi rdo rje rnam rgyal gyi lha mos/__/rtog tshogs chos skur smin pa'i dngos grub cig stsol dang /__/dA de rmad du byung ba'i spangs rtogs kyi rol mos/__/'dod dgu yid bzhin 'jo ba'i sprin chen du shar ba/__/rtsol med yon tan rdo rje rnam rgyal gyi lha mos/__/phan bde'i dge mtshan rgyas pa'i dngos grub cig stsol dang /__/swA hA legs pa'i dngos kun gang 'dul du sbyin pa/__/ngo mtshar dbang po'i gzhu bzhin sna tshogs su shar ba'i/__/thogs med phrin las rdo rje rnam rgyal gyi lha mos/__/bsam kun yongs su rdzogs pa'i dngos grub cig stsol dang /__/dpal ldan bla ma'i zhabs pad lhun po ltar rtag cing /__/tshul ldan 'dus pa'i phrin las mkha' khyab tu brdal bas/__/chos ldan rgyal blon 'bangs bcas lhun grub kyi 'byor pa/__/rdzogs ldan dus ltar rgyas pa'i dngos grub cig stsol dang /__/lha rnams dgyes pa'i me tog chal chil du 'bebs shing /__/klu rnams dga' ba'i dus ston sa steng du snang bas/__/mi rnams bde zhing skyid pa'i bkra shis kyi glu dbyangs/__/'jig rten kun tu snyan pa'i smon lam zhig zhu'o/__/zhes pa'ang mtsho skyes bla ma dgyes pa'i 'bangs pad+ma 'od gsal mdo sngags gling pas zab gter gyi gsang ba gtan la phab pa'i rjes 'brel du rab tshes dpal gdong lo'i cho 'phrul gyi zla'i dkar phyogs kyi zla ba nya yongs su gang ba'i dus kyi dge mtshan phun sum tshogs pa'i nyin gang shar bris pa dpal ldan bla ma dam pa rnams zhabs pad bskal pa rgya mtshor brtan cing /__phan bde'i snang ba gsar pas sa gsum du khyab pa'i rgyur gyur cig/__/__!_