JKW-KABUM-22-ZA-012-109

🚧 This website is under continued development. We appreciate your patience!

Previous Text Back to Volume PageNext Text

Wylie title	badz+ra gIrti'i rtogs brjod rdo rje'i thol glu ngo mtshar drang po'i sa bon
Location	mkhyen brtse'i bka' 'bum Volume 22, sde tshan 12, Text 109, Pages 636-639 (Folios 146b4 to 148a2)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. badz+ra gIrti'i rtogs brjod rdo rje'i thol glu ngo mtshar drang po'i sa bon. In 'jam dbyangs mkhyen brtse'i dbang po'i bka' 'bum, Vol. 22: 636-639. Khams sde dge rdzong sar dgon: Rdzong sar blo gros phun tshogs, 2020.
Genre	Autobiographies - Expressions of Realization - rtogs brjod  ·  Vajra Songs - rdo rje'i glu
Colophon	།ཅེས་པའང་སོ་སོ་སྐྱེ་བོའི་ཀུན་ཏུ་རྨོངས་པའི་འཆིང་བ་མཚུངས་པར་ལྡན་པའི་ཉམས་ཀྱི་ར་རི་འཆལ་གཏམ་དུ་བྱས་པ་ལ་རྡོ་རྗེའི་གླུར་སྒྲོ་བཏགས་པའི་ལེའུ་ཚན་འདི་རྣམས་ཕྱོགས་གཅིག་ཏུ་བསྡེབས་པའི་ཚེ་ཤིན་ཏུ་སྦ་བར་འོས་པའི་ཚིག་འདིའང་རྣལ་འབྱོར་པ་འཇིགས་པ་མེད་པའི་སྡེས་གང་ཤར་བླངས་པའི་དེ་འཕྲལ་ཉིད་དུ་ཟིན་བྲིས་སུ་བགྱིས་པ་སརྦ་སིདྡྷིནྟུ།།
	ces pa'ang so so skye bo'i kun tu rmongs pa'i 'ching ba mtshungs par ldan pa'i nyams kyi ra ri 'chal gtam du byas pa la rdo rje'i glur sgro btags pa'i le'u tshan 'di rnams phyogs gcig tu bsdebs pa'i tshe shin tu sba bar 'os pa'i tshig 'di'ang rnal 'byor pa 'jigs pa med pa'i sdes gang shar blangs pa'i de 'phral nyid du zin bris su bgyis pa sarba sid+d+hin+tu

1 Texts in this Section (sde tshan or chos tshan)

109 636-639	བཛྲ་གཱིརྟིའི་རྟོགས་བརྗོད་རྡོ་རྗེའི་ཐོལ་གླུ་ངོ་མཚར་དྲང་པོའི་ས་བོན། badz+ra gIrti'i rtogs brjod rdo rje'i thol glu ngo mtshar drang po'i sa bon Autobiographies - Expressions of Realization - rtogs brjod   ·   Vajra Songs - rdo rje'i glu	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

བཛྲ་གཱི་རྟིའི་རྟོགས་པ་བརྗོད་པའི་རྡོ་རྗེའི་ཐོལ་གླུ་ངོ་མཚར་དྲང་པོའི་ས་བོན་ཅེས་བྱ་བ། ཨ་ཧོ། །དཔལ་སྐུ་བཞིའི་དབང་ཕྱུག་རྡོ་རྗེ་འཆང་། །དུས་གསུམ་གྱི་རྒྱལ་བ་ཀུན་གྱི་དངོས། །ཁྱབ་བདག་འཁོར་ལོའི་མགོན་པོ་ལ། །སྒོ་གསུམ་གུས་པས་གསོལ་བ་འདེབས། །ཐུགས་རྗེ་ཆེན་པོས་རྗེས་སུ་སྐྱོངས། །གང་ཤར་རང་སར་གྲོལ་བའི་དབྱིངས། །འོད་གསལ་དབུ་མའི་མཁའ་ཀློང་ནས། །གྲགས་སྟོང་རྡོ་རྗེའི་ཐོལ་གླུའི་སྒྲ། །ཟད་མེད་ལེན་པའི་དཔྱིད་དཔལ་འདི། །སྙིང་པོས་དབེན་པ་མ་ལགས་ཏེ། །སྔོན་སྨོན་གྱི་བྱེད་པོ་དཀར་བ་དང་། །རྟེན་འབྲེལ་གྱི་འཆར་སྒོ་མ་འགགས་པས། །ཆོས་རྣམས་ལ་སྡུག་བཙིར་གྱི་བསླབ་པ་དང་། །རྟོག་གེའི་ཐལ་འགྱུར་རྣོན་པོ་ཡིས། །ཡེ་གྲོལ་ལ་རྗེས་དཔག་མ་དགོས་པར། །ཅེར་གྲོལ་གྱི་བདེན་པ་མཐོང་བའི་མཐུས། །གང་ཤར་ཀུན་རང་རིག་རྗེན་པར་གྲོལ། །རྟོག་འཛིན་གྱི་འཆིང་བ་མཐའ་དག་ཀུན། །ངང་བཞག་གི་སྦུབས་སུ་དག་ཙ་ན། །ཡུལ་སྣང་ཀུན་དག་པ་རབ་འབྱམས་ཏེ། །ཐ་མལ་གྱི་འཛིན་པ་དབྱིངས་སུ་ཡལ། །རྡོ་རྗེ་ལུས་ཀྱི་མཎྜ་ལར། །གདན་གསུམ་ཞི་ཁྲོའི་ལྷ་ཚོགས་ཀུན། །ཡོངས་གྲུབ་ཏུ་གནས་པ་ཤེས་པའི་མོད། །ཀུན་བརྟགས་ཀྱི་སྤུ་རིས་འཇའ་ལྟར་དེངས། །འབྱུང་བ་དང་འཇུག་པའི་སྲོག་རྩོལ་རླུང་། །ཟག་བྲལ་གྱི་དྷཱུ་ཏཱིར་དབང་བྱས་པས། །མི་ཤིགས་ནཱ་དའི་མཁའ་དབྱིངས་ནས། །ལུང་རྟོགས་ཀྱི་ཆོས་ཕུང་འབད་མེད་བརྡོལ། །རྩ་གསུམ་དང་འཁོར་ལྔའི་གྲོང་ཁྱེར་དུ། །ཐབས་ཤེས་ཀྱི་ཌཱ་ཀི་རང་ཆས་གནས། །འགྱུར་མེད་ཀྱི་བདེ་བས་བརླན་པའི་ཚེ། །གནས་ཡུལ་གྱི་ཡིད་བྱེད་ཆད་དེ་ཐལ། །སྣང་ཚུལ་གྱི་རང་བཞིན་སྣ་ཚོགས་ཀྱང་། །གནས་ལུགས་དང་མཐུན་པའི་གདིང་རྙེད་པས། །བཅོས་མ་ཡི་སྒོམ་ལ་རེ་མ་དགོས། །ཡིད་དཔྱོད་གྱི་མཚན་མ་རང་སར་དག །འདི་དོན་མེད་ཀྱི་ཁ་ཕོ་མ་ལགས་ཏེ། །ཁྱབ་བདག་དྲན་ཆོག་བླ་མ་ཡིས། །སྐད་ཅིན་རྗེན་པར་ངོ་སྤྲད་པས། །འཁོར་འདས་ཀྱི་འདུག་ཚུལ་ཇི་བཞིན་རྟོགས། །འདི་རྡོ་རྗེ་ལམ་གྱི་གནད་ཅིག་ཡིན། །ཕྱི་རོལ་གྱི་ཡུལ་སྣང་མཐའ་དག་རྣམས། །སྒྱུ་མ་དང་རྨི་ལམ་ལྟ་བུར་མཐོང་། །དེ་མཐོང་བས་རེ་དོགས་བློ་སྣ་ཞིག །དེ་ཞིག་པས་གང་ཤར་གླུ་རུ་ལེན། །དེ་བླངས་པས་རང་སྣང་དབང་དུ་འདུས། །དེ་འདུས་པས་གཞན་སྣང་ཟིལ་གྱིས་གནོན། །དེ་ནོན་པས་སྲིད་ཞི་མཉམ་པར་བརྡལ། །ཚུལ་དེ་ལ་མོས་པར་མ་གྱུར་ཀྱང་། །རྨོངས་ཞེན་གྱིས་གཤེ་བར་མི་འཚལ་ཏེ། །སྟོང་པ་དང་རྟེན་འབྱུང་མ་འགགས་པའི། །རྒྱུ་འབྲས་གྱི་སྣང་ཚུལ་ཡིན་ཕྱིར་རོ། །དཔལ་དེ་རིང་དཀར་ཕྱོགས་ཀྱི་གོང་བ་ལ། །དགུང་མཁའ་ཁམས་མེ་ཏོག་ཆར་གྱིས་ཁེངས། །ས་གཞི་ཀུན་ཟླ་ཞུན་གོས་སུ་གྱོན། །ཕྱི་ནང་གི་འབྱུང་བ་ངང་གིས་སྙོམས། །སེམས་བདེ་གསལ་མི་རྟོག་ཁོང་ནས་འབར། །འདི་ཟབ་དོན་གྱི་སྒོ་འཕར་དབྱེ་བ་ལ། །ཁོང་དཔའ་བོ་ཌཱ་ཀིའི་ཚོམ་བུ་ཀུན། །ཐུགས་དགྱེས་པའི་རྟགས་སུ་གདོན་མི་ཟ། །དེ་གོའམ་གཟུར་གནས་དཔྱོད་ལྡན་ཚོགས། །ཨ་ལ་ལ་སྲིད་དང་ཞི་བ་ཀུན། །བདེན་མེད་དུ་མཐོང་བའི་རྣལ་འབྱོར་པ། །རེ་དོགས་གྱི་སྡུག་ཡུས་མ་མཆིས་ཀྱང་། །ཉམས་མཚར་གྱི་གླུ་འདི་ངག་ནས་ཐལ། །དེའི་དགེ་བས་མ་གྱུར་འགྲོ་བ་ཀུན། །བདེན་དོན་གྱི་ཤེས་པ་མངོན་མཇལ་ནས། །སྐུ་གསུམ་པོ་རྣམ་དབྱེར་མི་ཕྱེད་པའི། །གདོད་མ་ཡི་གཏན་སྲིད་ཟིན་པར་ཤོག །ཅེས་པའང་སོ་སོ་སྐྱེ་བོའི་ཀུན་ཏུ་རྨོངས་པའི་འཆིང་བ་མཚུངས་པར་ལྡན་པའི་ཉམས་ཀྱི་ར་རི་འཆལ་གཏམ་དུ་བྱས་པ་ལ་རྡོ་རྗེའི་གླུར་སྒྲོ་བཏགས་པའི་ལེའུ་ཚན་འདི་རྣམས་ཕྱོགས་གཅིག་ཏུ་བསྡེབས་པའི་ཚེ་ཤིན་ཏུ་སྦ་བར་འོས་པའི་ཚིག་འདིའང་རྣལ་འབྱོར་པ་འཇིགས་པ་མེད་པའི་སྡེས་གང་ཤར་བླངས་པའི་དེ་འཕྲལ་ཉིད་དུ་ཟིན་བྲིས་སུ་བགྱིས་པ་སརྦ་སིདྡྷིནྟུ།། །།

[edit]

badz+ra gIrti'i rtogs brjod rdo rje'i thol glu ngo mtshar drang po'i sa bon/__ badz+ra gI rti'i rtogs pa brjod pa'i rdo rje'i thol glu ngo mtshar drang po'i sa bon ces bya ba/__a ho/__/dpal sku bzhi'i dbang phyug rdo rje 'chang /__/dus gsum gyi rgyal ba kun gyi dngos/__/khyab bdag 'khor lo'i mgon po la/__/sgo gsum gus pas gsol ba 'debs/__/thugs rje chen pos rjes su skyongs/__/gang shar rang sar grol ba'i dbyings/__/'od gsal dbu ma'i mkha' klong nas/__/grags stong rdo rje'i thol glu'i sgra/__/zad med len pa'i dpyid dpal 'di/__/snying pos dben pa ma lags te/__/sngon smon gyi byed po dkar ba dang /__/rten 'brel gyi 'char sgo ma 'gags pas/__/chos rnams la sdug btsir gyi bslab pa dang /__/rtog ge'i thal 'gyur rnon po yis/__/ye grol la rjes dpag ma dgos par/__/cer grol gyi bden pa mthong ba'i mthus/__/gang shar kun rang rig rjen par grol/__/rtog 'dzin gyi 'ching ba mtha' dag kun/__/ngang bzhag gi sbubs su dag tsa na/__/yul snang kun dag pa rab 'byams te/__/tha mal gyi 'dzin pa dbyings su yal/__/rdo rje lus kyi maN+Da lar/__/gdan gsum zhi khro'i lha tshogs kun/__/yongs grub tu gnas pa shes pa'i mod/__/kun brtags kyi spu ris 'ja' ltar dengs/__/'byung ba dang 'jug pa'i srog rtsol rlung /__/zag bral gyi d+hU tIr dbang byas pas/__/mi shigs nA da'i mkha' dbyings nas/__/lung rtogs kyi chos phung 'bad med brdol/__/rtsa gsum dang 'khor lnga'i grong khyer du/__/thabs shes kyi DA ki rang chas gnas/__/'gyur med kyi bde bas brlan pa'i tshe/__/gnas yul gyi yid byed chad de thal/__/snang tshul gyi rang bzhin sna tshogs kyang /__/gnas lugs dang mthun pa'i gding rnyed pas/__/bcos ma yi sgom la re ma dgos/__/yid dpyod gyi mtshan ma rang sar dag__/'di don med kyi kha pho ma lags te/__/khyab bdag dran chog bla ma yis/__/skad cin rjen par ngo sprad pas/__/'khor 'das kyi 'dug tshul ji bzhin rtogs/__/'di rdo rje lam gyi gnad cig yin/__/phyi rol gyi yul snang mtha' dag rnams/__/sgyu ma dang rmi lam lta bur mthong /__/de mthong bas re dogs blo sna zhig__/de zhig pas gang shar glu ru len/__/de blangs pas rang snang dbang du 'dus/__/de 'dus pas gzhan snang zil gyis gnon/__/de non pas srid zhi mnyam par brdal/__/tshul de la mos par ma gyur kyang /___/rmongs zhen gyis gshe bar mi 'tshal te/___/stong pa dang rten 'byung ma 'gags pa'i/__/rgyu 'bras gyi snang tshul yin phyir ro/__/dpal de ring dkar phyogs kyi gong ba la/__/dgung mkha' khams me tog char gyis khengs/__/sa gzhi kun zla zhun gos su gyon/__/phyi nang gi 'byung ba ngang gis snyoms/__/sems bde gsal mi rtog khong nas 'bar/__/'di zab don gyi sgo 'phar dbye ba la/__/khong dpa' bo DA ki'i tshom bu kun/__/thugs dgyes pa'i rtags su gdon mi za/__/de go'am gzur gnas dpyod ldan tshogs/__/a la la srid dang zhi ba kun/__/bden med du mthong ba'i rnal 'byor pa/__/re dogs gyi sdug yus ma mchis kyang /__/nyams mtshar gyi glu 'di ngag nas thal/__/de'i dge bas ma gyur 'gro ba kun/__/bden don gyi shes pa mngon mjal nas/_/sku gsum po rnam dbyer mi phyed pa'i/__/gdod ma yi gtan srid zin par shog__/ces pa'ang so so skye bo'i kun tu rmongs pa'i 'ching ba mtshungs par ldan pa'i nyams kyi ra ri 'chal gtam du byas pa la rdo rje'i glur sgro btags pa'i le'u tshan 'di rnams phyogs gcig tu bsdebs pa'i tshe shin tu sba bar 'os pa'i tshig 'di'ang rnal 'byor pa 'jigs pa med pa'i sdes gang shar blangs pa'i de 'phral nyid du zin bris su bgyis pa sarba sid+d+hin+tu//__//